Þegar ríkisstjórn Sjálfstæðisflokks og Framsóknar samdi ný lög um almannatryggingar sem tóku gildi í ársbyrjun 2017, „gleymdu“ þau þúsundum eldri borgara; lokuðu hreinlega augunum fyrir stöðu þeirra. Lögin spegluðu sýndarveruleika en ekki raunveruleikann.

Þarna „týndust“ þúsundir eldri borgara sem eftir lagasetninguna búa við óásættanlegan raunveruleika eftirlauna undir framfærsluviðmiðunum og síðan þúsundir sem rétt dansa á hengifluginu, þar sem ekkert má koma upp á sem hendir þeim fram af. Þá nægja óvænt lítils háttar aukaútgjöld eins og brostin pípulögn eða brotin rúða á heimilinu, að ekki sé talað um ef svo óheppilega vill til að tönn brotni til að þau komast nánast á vonarvöl. Því þá er atvikið orðið harmleikur sem setur fjárhag þessa fólks í uppnám.

Ekki tók betra við með ríkisstjórn Katrínar Jakobsdóttur

Eftir að lögin tóku gildi fyrir rúmum fjórum árum hefur sigið enn meir á ógæfuhliðina fyrir allt þetta „týnda“ fólk og það í boði ríkisstjórnar Vinstri grænna, Sjálfstæðisflokks og Framsóknar. Ellilífeyrir hefur að raungildi lækkað og er auk þess orðinn um 90.000 kr. lægri en lægstu laun á vinnumarkaði. Síðan bætast við óhóflegar skerðingar vegna lífeyrissjóðstekna sem hafa aukist síðan lögin tóku gildi í raun. Frítekjumark vegna lífeyrissjóðstekna upp á kr. 25.000 hefur ekki haggast í þessi fjögur ár þrátt fyrir síhækkandi verðlag og launavísitölu.

Lífeyrissjóðakerfið okkar hefur enn ekki náð fullum þroska og eftirlaun sjóðanna því ekki nægjanleg til framfærslu í flestum tilfellum. Þrátt fyrir þessa staðreynd þurfa eldri borgarar að sæta miklum tekjuskerðingum í almannatryggingum, þegar eftirlaunaaldri er náð.

Það má með réttu slá föstu að lög um almannatryggingar sem tóku gildi fyrir rúmum fjórum árum voru miðuð við stöðu mála í framtíðinni, kannski eftir 15-20 ár. En ekki eins og raunveruleg staða er í dag.

Þetta á við flest eldra fólk en vissulega ekki allt. Hvernig er hægt að vera fjármálaráðherra meira og minna frá árinu 2013 og horfa blákalt í augu þúsunda eldri borgara og segja: „Þið hafið aldrei haft það eins gott“? Þetta getur eingöngu sá sagt sem aldrei hefur allt sitt líf þurft að deila kjörum með fátæku fólki, aldrei þekkt fátækt fólk, aldrei umgengist fátækt fólk. Þetta getur sá einn sagt sem getur auðveldlega týnt fólki.

Fullur ellilífeyrir fyrir skatt og skerðingar er aðeins 266.033 kr. Samkvæmt upplýsingum frá TR þá fengu eingöngu 2.284 þennan ellilífeyri óskertan fyrir utan skatt. Það eru tugþúsundir eldri borgara sem þurfa að lifa á rauntekjum upp á 200.000-290.000 kr. Slík er meðferðin á eldri borgurum í almannatryggingakerfinu okkar. Nánast afnám allra frítekjumarka og 45% skerðingarmörk hefur í för með sér að eldra fólki með lágar tekjur eru flestar bjargir bannaðar.

Þetta er „týnda fólkið“, sem hefur bæði lagt til hliðar lífeyrissparnað með greiðslu iðgjalda í lífeyrissjóðina síðustu áratugina, oft af litlum efnum, og auk þess greitt eftirlaun til kynslóðarinnar þar á undan, sem ekki átti þess kost að greiða í lífeyrissjóði. Þess vegna er um að ræða tvöfalda lífeyrisbyrði hjá eldra fólkinu í dag.

Þessu verðum við að breyta. Þessu ætlum við að breyta.

Greinin birtist fyrst í Fréttablaðinu 25. maí 2021.

Viðar Eggertsson, leikstjóri og verðandi eldri borgari skipar 3. sætið í Reykjavíkurkjördæmi suður

Breytingartillögur Samfylkingar við fjármálaáætlun

Þingflokkur Samfylkingarinnar hefur lagt fram breytingartillögur við fjármálaáætlun ríkisstjórnarinnar þar sem umfangsmestu tillögurnar snúa að barnafjölskyldum, atvinnusköpun, loftslagsmálum, biðlistum í heilbrigðiskerfinu, geðheilbrigðismálum og að kjörum aldraðra og öryrkja.

Þingflokkur Samfylkingarinnar telur áætlanir ríkisstjórnarinnar til næstu ára í grundvallaratriðum ranga leið út úr því efnahagsástandi sem þjóðin er nú að ganga í gegnum. Það sem veldur mestum áhyggjum er ekki endilega sú sýn um kyrrstöðu sem birtist í fjármálaáætluninni heldur það að þegar mest þarf á að halda að byggja upp eftir kreppu verði ráðist í niðurskurð.

Samfylkingin leggur fram ýmsar breytingartillögur og nefndarálit við fjármálaáætlun. Þær snúa að byggingu 3000 íbúða í almenna íbúðarkerfinu, hækkun húsnæðisbóta, framlög til heilbrigðisstofnana hækkuð ásamt því að brugðist verði við undirmönnun og álagi hjá lögreglunni. Einnig leggur Samfylkingin til að framlög til nýsköpunar og þróunar verði hækkuð og framlög til skatteftirlits og samkeppniseftirlits verði aukin. Ítarlegri umfjöllun um breytingartillögurnar má finna hér. 

Þá tók Ágúst Ólafur þátt í óundirbúnum fyrirspurnum til félags- og barnamálaráðherra. Hann ræddi um geðheilbrigðismál barna og alvarlega stöðu á biðlistum á barna- og unglingageðdeild og hjá Greiningar- og ráðgjafastöð ríkisins.

Það skiptir máli hverjir stjórna Reykjanesbæ

Nýstaðfestur ársreikningur Reykjanesbæjar sýnir að ábyrg fjármálastjórn sem tryggir sterkt velferðarkerfi á erfiðum tímum og gerir sveitarfélaginu á sama tíma kleift að halda uppi framkvæmdastigi er aldrei mikilvægari en á krepputímum. 

Í milljarðshalla stefndi á rekstri Reykjanesbæjar árið 2020 vegna Covid en niðurstaðan er 82,6 milljónir í plús. „Það hlýtur að teljast viðunandi niðurstaða að skila jákvæðri afkomu við þessar aðstæður sem uppi hafa verið. Fyrri áætlanir sem unnar voru fyrir Covid, gerðu ráð fyrir að bæjarsjóður yrði rekinn með tæplega 500 milljóna tekjuafgangi, en útkomuspá í október gaf til kynna að afkoman yrði neikvæð um einn milljarð," segir m.a. í bókun meirihluta bæjarstjórnar. Þessi jákvæða niðurstaða gefur fyrirheit um að viðspyrnan verði hraðari en í upphafi var talið.

Samfylkingin í Reykjanesbæ hefur leitt endurreisn bæjarins eftir 12 ára óstjórn sjálfstæðismanna sem lagt var upp í haustið 2014. Í þeirri erfiðu vinnu var leitast við að hlífa íbúum bæjarins við auknum álögum eins og hægt var og þess gætt að skila ávinninginum strax til íbúanna með öflugra velferðar- og skólakerfi um leið og kostur var. Þegar áfallið sem kófinu fylgir skall á Reykjanesbæ af miklu afli með meira en 20% atvinnuleysi þá var sveitarfélagið það vel statt að hægt var að halda uppi óbreyttu framkvæmdastigi og ekki þurfti að skerða þjónustu við íbúa. 

Þessi endurreisn hefur átt sér stað á sama tíma og Samfylkingarfólk í Reykjanesbæ hefur verið í fararbroddi þeirra sem stóðu í lappirnar gegn mengandi stóriðju í túnfætinum og við breytingar á skipulagsáherslum sveitarfélagsins sem móta munu bæinn til framtíðar. 

Það skiptir máli að Jafnaðarmenn koma að stjórn Reykjanesbæjar.

Rauði þráðurinn er vikuleg samantekt af helstu fréttum frá okkar kjörnu fulltrúum á þingi og í sveitarstjórnum. 

Samfylkingin leggur til umfangsmiklar breytingar að bættum kjörum aldraðra og öryrkja: að elli- og örorkulífeyri hækki til samræmis við hækkun lægstu launa og að frítekjumark vegna greiðslna frá lífeyrissjóðum hækki í skrefum upp í 100.000 kr á mánuði úr 25.000 kr. Að lokum, að frítekjumark vegna atvinnutekna bæði öryrkja og ellilífeyrisþega verði hækkað að lágmarkstekjutryggingu hverju sinni. Samfylkingin leggur til að þessar breytingar taki gildi í fjórum skrefum og það fyrsta verði tekið strax á árinu 2022. Þegar þær eru að fullu komnar til framkvæmda kosta þær um 30 milljarða króna á ári en í því dæmi má gera ráð fyrir að 25% renni aftur til ríkissjóðs í formi skatta.

Þingflokkur Samfylkingarinnar hefur ítrekað lagt fram frumvörp um réttláta hækkun lífeyris almannatrygginga, sem ekki hafa hlotið náð fyrir augum stjórnarflokkanna. Frítekjumark vegna launatekna öryrkja hefur haldist óbreytt frá 1. júlí 2009 og ætti með réttu að vera tvöfalt hærra í dag, hefði það fylgt launavísitölu. Þetta eitt og sér dregur úr virkni öryrkja sem annars gætu unnið meira á góðum dögum. Þarna er líka mikill og verðmætur starfskraftur ónýttur. Hætta á fátækt og fjárhagsþrengingum er mest meðal örorkulífeyrisþega og flókin skerðingarákvæði kerfisins ýta undir þá hættu. Hjálparstofnanir hafa á síðustu mánuðum orðið varar við mikla aukningu matarúthlutana. Flestir sem leita til þeirra eru öryrkjar, langveikar, einstæðar mæður og atvinnulaust fólk.
 

Ójöfnuður vex vegna atvinnuleysis, en einnig vegna þess að ellilífeyrir og örorkulífeyrir hækka ekki í takti við lægstu laun. Þannig er fjölmennum hópum haldið í fátæktargildru. Það verður að minnka kjaragliðnun undangenginna ára og hækka elli- og örorkulífeyri. Fólk sem ekki hefur tækifæri til að afla sér atvinnutekna hefur sumt engin lífeyrisréttindi, engar fjármagnstekjur og treystir algerlega á almannatryggingakerfið. Eina uppfærslan í fjármálaáætluninni fyrir kjör öryrkja og þá sem eldri eru er vegna fjölda þeirra en ekki til þess að bæta kjörin og 1. minni hluti fær ekki betur sé en að gert sé ráð fyrir fjölgun í fjármálaáætluninni sem er undir áætlun Hagstofunnar. Engin skref eru áformuð um að bæta kjör þeirra sem þurfa að treysta á greiðslur Tryggingastofnunar.
 

Fólkið sem treystir á greiðslur Tryggingastofnunar til að lifa á, fær allt of lágar greiðslur og hækkanir hafa ekki haldið í við lífskjarasamninga. Kjaragliðnun miðað við lágmarkstekjutryggingu er því umtalsverð. Munurinn nú á lágmarkstekjutryggingu og ellilífeyri er 85.000 kr. á mánuði. Við ætlum að gera breytingar á þessu á næsta kjörtímabili komumst við í aðstöðu til þess eftir kosningar.

Þingflokkur Samfylkingarinnar hefur lagt fram breytingartillögur við fjármálaáætlun ríkisstjórnarinnar, ein umfangsmesta tillagan snýr að kjörum aldraðra og öryrkja.

Réttlátar kjarabætur við aldraða og öryrkja

Sólin hækkar enn á lofti og við hlökkum til sumarsins. Ef fram heldur sem horfir kemst lífið hér á landi í eðlilegra horf. Við getum klappað fyrir þríeykinu og öllu framlínufólki faraldursins, sem getur nú aftur horfið til annarra mikilvægra starfa fyrir samfélagið.

Það eru fjórir mánuðir til mikilvægra alþingiskosninga og ef ekki verður bakslag í baráttunni við veiruna, munu þær ekki snúast fyrst og fremst um sóttvarnaraðgerðir heldur hvers konar framtíð við kjósum okkur. Á hún að byggjast á aðferðum fortíðarinnar eða eigum við að nota tækifærið til að læra af mistökum fyrri tíma? Brýnna er en nokkru sinni að takast á við mikilvægustu verkefnin sem síðasta öld skildi eftir handa okkur að leysa: loftslagsógnina og misskiptingu. Ekki síst munu þær snúast um nauðsynlegar aðgerðir til að tryggja lýðræði umfram ofurvald sérhagsmuna.

Farsæl framtíð okkar er komin undir því að almannahagsmunir ráði ferðinni en ekki sérhagsmunir. Næstu kosningar munu því í ríkari mæli en oft áður snúast um grundvallarafstöðu í stórum málum. Ríkisstjórn of ólíkra flokka sem kallar á miklar málamiðlanir, og leiðir til kyrrstöðu í lykilmálum, er því alls ekki svarið sem við þurfum nú.

Við í Samfylkingunni viljum að almannahagur sé alls staðar hafður að leiðarljósi. Við viljum byggja samfélag þar sem börn geta vaxið áhyggjulaus úr grasi, þar sem jafnvægi ríkir milli vinnu og einkalífs og þar sem allur almenningur hefur aðgang að öruggu húsnæði og gjaldfrjálsri heilbrigðisþjónustu. Við viljum stokka upp í flóknum kerfum og gera þau gagnsærri og mannlegri, svo þau þjóni þörfum fólks.

Við viljum auka verðmætasköpun, fjölga stoðum undir efnahagslífið til að draga úr sveiflum. Það heyrist oft talað um þetta og virkar stundum eins og orðin tóm en þetta er raunverulega hægt. Þá verður hins vegar að styrkja markvisst nýsköpun og hugvitsiðnað, og tryggja fólki jafnan aðgang að fjölbreyttri menntun og þjálfun sem kallast á við þá stefnu. Samhliða þessu er það risastórt verkefni að mæta óhjákvæmilegum breytingum á vinnumarkaði sem fylgja tæknibyltingu, aukinni alþjóðavæðingu og loftslagsvá. Í tengslum við allt þetta viljum við stíga miklu stærri og markvissari skref í loftslagsmálum.

Við viljum tryggja réttlátari skiptingu gæða, m.a. með skattkerfi sem styður við lág- og millitekjuhópa en hyglir ekki auðmönnum og mikilvægum breytingum á fiskveiðistjórnunarkerfinu. Við viljum nýja stjórnarskrá og festa í sessi þjóðareign auðlinda og tímabindingu afnota af þeim svo að eðlileg endurnýjun eigi sér stað og réttlátur arður renni til þjóðarinnar af sameiginlegum auðlindum.

Við viljum horfa opnari augum til umheimsins, gefa þjóðinni val um endurupptöku aðildarviðræðna við Evrópusambandið og setja okkur metnaðarfulla græna utanríkisstefnu, þar sem við nýtum rödd okkar á alþjóðavettvangi til að stuðla að friði, jöfnuði og sjálfbærni.

Samfylkingin hefur verið heiðarleg í afstöðu sinni til mögulegrar setu í ríkisstjórn og gert kjósendum það ljóst hvað það mun tákna að loknum kosningum að kjósa hana, ólíkt þeim flokkum sem „ganga óbundnir til kosninga“. Við teljum nauðsynlegt að mynda græna félagshyggjustjórn, frá miðju til vinstri. Við teljum líka að við séum það afl sem geti leitt saman þessa flokka, eins og dæmin sanna víða um land í sveitarstjórnum.

Það að hafna samstarfi við Sjálfstæðisflokkinn og Miðflokkinn eftir kosningar er ekki af tilefnislausu. Við erum sannfærð um að stefna jafnaðarmanna verði að ráða för við að takast á við mikilvæg verkefni og nauðsynlega uppstokkun úreltra kerfa. Það krefst samhentrar og framsýnnar ríkisstjórnar sem er reiðubúin til að ráðast gegn ríkjandi ójöfnuði og er jafnframt nægilega djörf og skapandi til að ganga keik til móts við spennandi en flókna framtíð; með hag allra að leiðarljósi.

Þetta óttast sérhagsmunaöflin skiljanlega. Við höfum séð að undanförnu hvernig sterkir hagsmunahópar og einstök fyrirtæki hafa grímulaust beitt einstaklega óvönduðum meðölum m.a. í fjölmiðlum og á samfélagsmiðlum. Þá hafa auðugir einstaklingar jafnvel keypt dýru verði óskammfeilnar útvarpsauglýsingar gegn Samfylkingunni, með rangfærslum og árásum.

Þetta sýnir þá ógn sem sérshagsmunaöflin telja sér stafa frá Samfylkingunni. Þessir menn munu ekki linna látum í þessari baráttu, enda er þeim ljóst að að gott gengi Samfylkingarinnar er tryggasta leiðin til að koma í veg fyrir að hörðustu íhaldsöflin hafi stöðugt tögl og hagldir við stjórn landsins og stýri áfram í þágu sérhagsmuna.

Greinin birtist fyrst í Fréttablaðinu 26. maí 2021.

Logi Einarsson, þingmaður og formaður Samfylkingarinnar er oddviti í Norðausturkjördæmi

Óskar Steinn Jónínuson Ómarsson

Amma mín úr Vestmannaeyjum hefur komið víða við á langri starfsævi. Hún var m.a. fiskverkakona, bankastarfsmaður og húsmóðir. Afi kom að vestan og vann sem rafvirki hjá einu stærsta verktakafyrirtæki landsins. Þeirra kynslóð lagði grunninn að þeim miklu lífsgæðum sem við yngri kynslóðir höfum notið: gjaldfrjálsri menntun, opinberu heilbrigðiskerfi og sterkum innviðum. Við sem yngri erum stöndum í þakkarskuld við þetta fólk.

Hvað hljóta þessar eldri kynslóðir að launum fyrir langa og erfiða starfsævi? Fá þær að njóta ávaxta eigin erfiðis og eiga áhyggjulaust ævikvöld? Nei, allt of margir af kynslóð ömmu og afa þurfa að draga fram lífið á grunnlífeyri sem er orðinn 85 þúsund krónum lægri en lágmarkslaun í landinu. Í þokkabót er þeim boðið upp á heimsmet í skerðingum, þar sem lífeyristekjur þorra ellilífeyrisþega eru skertar um helming eða meira. Afleiðingin er sú að þriðjungur eldri borgara lifir á tekjum sem eru undir lágmarkslaunum og rúmlega helmingur þeirra fær minna en 400 þúsund krónur í heildartekjur á mánuði, fyrir skatt.
Þessa stöðu er einfalt að laga, eins og fram kemur í nýrri skýrslu Stefáns Ólafssonar um kjör eldri borgara. Niðurstöður hans eru að það þurfi að hækka grunnlífeyrinn, draga úr skerðingum og lækka skattbyrði á þau sem lægstar hafa tekjurnar. Samfylkingin tekur undir þessi sjónarmið og hefur á yfirstandandi kjörtímabili ítrekað lagt fram tillögur þess efnis á Alþingi. Við viljum að lífeyrir hækki árlega í samræmi við raunverulega launaþróun í landinu og standi undir mannsæmandi framfærslu, draga verulega úr skerðingum og hækka frítekjumark lífeyrisþega.

Við sem yngri erum skuldum kynslóðunum á undan okkur að sjá til þess að þær geti lifað mannsæmandi lífi að starfsævinni lokinni. Þess vegna mun ég berjast fyrir því að stefna Samfylkingarinnar um hækkun grunnlífeyris almannatrygginga, minni skerðingar og lægri skattbyrði ellilífeyrisþega nái fram að ganga.

Greinin birtist fyrst í Kópavogspóstinum 25. júní 2021

Óskar Steinn er deildarstjóri í leikskóla og frambjóðandi Samfylkingarinnar í Suðvesturkjördæmi fyrir komandi Alþingiskosningar.

Inga Björk Margrétar Bjarnadóttir

Við vitum aldrei hvenær næsta heimsókn okkar eða ástvina á bráðamóttökuna verður. Slysin gera ekki boð á undan sér. Við, sem íbúar eins ríkasta lands í heimi, gerum þá kröfu að fá bestu heilbrigðisþjónustu sem völ er á þegar við lendum í alvarlegum slysum eða bráðum veikindum. Flest okkar gera ráð fyrir að svo sé. 

Það var hrollvekjandi að lesa umfjöllun Stundarinnar um ástandið á bráðamóttöku Landspítalans. Heilbrigðisstarfsfólk segir hamfaraástand ríkja vegna manneklu og fráflæðisvanda. Á göngum liggur fárveikt fólk á einni viðkvæmustu stund sem hugsast getur, dvalartími er allt að sólarhringur og fárveiku fólki og slösuðu vísað frá þar sem aðrir veikari þurfa aðhlynningu. Heilbrigðisstarfsmenn hlaupa milli sjúklinga og við þess lags vinnuaðstæður gerast óafturkræf mistök sem heilbrigðisstarfsfólk þarf að lifa með, vegna þeirrar stöðu sem stjórnvöld hafa sett þau í. Svo slæmt er ástandið að fjöldi reynslumikilla lækna og hjúkrunarfræðinga hefur sagt upp störfum. 

Stjórnvöld eru að tefla lífum almennings í hættu, sem og heilsu heilbrigðisstarfsfólks. Íslenskt heilbrigðiskerfi á betra skilið en smáskammtalækningar núverandi ríkisstjórnar. Þetta þarf ekki að vera svona. Sveltistefnan er val.

Inga skipar 3. sæti lista Samfylkingarinnar í Suðvesturkjördæmi

Stundum er því haldið fram að loftslagsbreytingar af mannavöldum séu falsfréttir, það sé uppspuni að maðurinn geti haft áhrif á loftslagsbreytingar. Þetta er rangt. Það er brýnt að grípa til kraftmikilla aðgerða. En jafnvel þótt svo væri ekki þá munu slíkar aðgerðir styrkja efnahag landsins og bæta lífsgæði okkar.

Þær geta skapað þúsundir nýrra starfa og spennandi tækifæri fyrir ungt fólk við nýsköpun í matvælaiðnaði, tækniþróun og vísindum. Þær geta leitt til nýrra uppfinninga og vöruþróunar. Þær geta eflt nýjar og grænar útflutningsstoðir. Við getum ráðist í markvissa uppbyggingu innviða í ferðaþjónustu vítt og breitt um landið, í sátt við umhverfið og styrkt stöðu okkar sem loftslagsvænn áfangastaður, í harðnandi, alþjóðlegri samkeppni um ferðamenn. Loks geta þær stuðlað að umhverfisvernd og komið Íslandi á kortið sem forysturíki í loftslagsmálum.

Þannig getum við verndað náttúruna, lífríkið og loftslagið og skapað um leið ný verðmæti sem græn og fjölskylduvæn ríkisstjórn myndi tryggja að rynni í vasa almennings, ekki einungis auðmanna. En hvað ef þetta væri allt til einskis, gæti einhver spurt: Hvað ef loftslagsbreytingar af mannavöldum eru ósannindi eða misskilningur? Þá skiptir það í sjálfu sér engu máli því slíkar aðgerðir geta leitt til betra lífs fyrir venjulegt fólk, ekki bara í dag eða á morgun, heldur næstu kynslóðir líka.

Þótt ég vildi óska þess að myndirnar sem við sjáum af loftslagshamförum víða um heim væru falsfréttir, sýna vísindin okkur annað. Og ef síðasti vetur hefur kennt okkur eitthvað þá er það mikilvægi þess að hlusta á sérfræðinga, hlusta á vísindafólkið okkar. Hann kenndi okkur líka að með samhentu átaki getum við sigrast á erfiðum, alþjóðlegum áskorunum.

En samhent átak í loftslagsmálum byggt á ráðleggjum okkar færustu vísindamanna krefst samhentrar ríkisstjórnar sem setur loftslagsmálin í forgang. Tryggjum betra líf og ráðumst í kraftmiklar og uppbyggilegar aðgerðir í loftslagsmálum.

Greinin birtist fyrst í Fréttablaðinu þann 7. júlí 2021

Persónuverndarstefna Samfylkingarinnar – jafnaðarmannaflokks Íslands 

Samfylkingunni – jafnaðarmannaflokki Íslands er umhugað um réttindi einstaklinga er varða skráningu og vinnslu persónuupplýsinga. Samfylkingin leggur áherslu á að allar persónuupplýsingar séu meðhöndlaðar með lögmætum, sanngjörnum og gagnsæjum hætti. 

Persónuverndarstefna Samfylkingarinnar er sett í samræmi við ákvæði laga nr. 90/2018 um persónuvernd og vinnslu persónuupplýsinga, og Evrópureglugerð 2016/679 („GDPR“) um vernd einstaklinga á því sviði. 

Í stefnunni kemur fram í hvaða tilgangi persónuupplýsingum er safnað og hvernig þær eru varðveittar, með hvaða hætti flokkurinn nýtir sér slíkar upplýsingar, hvert upplýsingunum kunni að vera miðlað og með hvaða hætti gætt sé að öryggi þeirra. 

Persónuupplýsingar í skilningi stefnu þessarar eru upplýsingar um persónugreindan eða persónugreinanlegan einstakling, þ.e. upplýsingar sem hægt er að rekja beint eða óbeint til ákveðins einstaklings. 

Samfylkingin er stjórnmálaflokkur, þ.e. frjáls félagasamtök, sem stofnaður var um tiltekin stefnumál, hugmyndafræði og skoðanir, en ein af forsendum lýðræðis er að frjáls starfsemi stjórnmálasamtaka fái að þrífast. Nauðsynlegt er fyrir stjórnmálasamtök að skrá og vinna persónuupplýsingar í starfi sínu, m.a. í þeim tilgangi að halda utan um félagaskrár og réttindi og skyldur félaga, og miðla upplýsingum til flokksfélaga og eftir atvikum annarra. 

Tilgangur Samfylkingarinnar með skráningu og vinnslu persónuupplýsinga er að flokkurinn geti efnt skyldur sínar og rækt hlutverk sitt samkvæmt lögum flokksins og landslögum, gagnvart flokksmönnum, starfsmönnum og þeim sem hann á í viðskiptasambandi við. 

Persónuupplýsingar í vörslu flokksins eru ekki nýttar í öðrum tilgangi en þeim sem þeirra var aflað til. 

Samfylkingin – jafnaðarmannaflokkur Íslands, Hallveigarstíg 1, 101 Reykjavík, kt. 690199-2899, er ábyrgðaraðili þeirra persónuupplýsinga sem veittar eru flokknum og flokkurinn hefur aflað sér. 

Samfylkingin hefur skipað persónuverndarfulltrúa sem hægt er að hafa samband við með því að senda tölvupóst á personuvernd@samfylking.is  eða bréflega á framangreint heimilisfang. 

Persónuverndarstefna þessi er kynnt öllum starfsmönnum flokksins, sem jafnframt undirrita trúnaðaryfirlýsingu. 

Samfylkingin aflar og vinnur með persónuupplýsingar um flokksmenn, skráða stuðningsmenn, starfsmenn og þá sem flokkurinn á í viðskiptasambandi við. Flokkurinn safnar einungis þeim upplýsingum sem nauðsynlegar eru til að flokkurinn geti sinnt skyldum sínum gagnvart framangreindum aðilum. 

Að meginstefnu til aflar Samfylkingin persónuupplýsinga beint frá flokksmönnum, skráðum stuðningsmönnum, starfsmönnum eða þeim sem hann á í viðskiptasambandi við. Upplýsingar kunna þó jafnframt að koma frá þriðju aðilum, t.d. þjóðskrá, stjórnvöldum og fyrirtækjum. 

Samfylkingunni er annt um að koma stefnumálum og starfsemi sinni á framfæri. Slík miðlun upplýsinga byggir á í mörgum tilvikum á beinu sambandi við einstaklinga. Sú vinnsla persónuupplýsinga sem snýr að flokksmönnum og skráðum stuðningsmönnum þjónar þeim megintilgangi að koma upplýsingum áleiðis og auðvelda þátttöku í starfi flokksins. 

Til að tryggja áreiðanleika þeirra upplýsinga sem flokkurinn varðveitir eru þær uppfærðar eftir þörfum, t.d. með því að samkeyra upplýsingar við þjóðskrá. 

Ólíkra upplýsinga kann að vera aflað eftir því hvers eðlis samband einstaklings er við flokkinn. Hér að neðan má nálgast yfirlit yfir þær persónuupplýsingar sem flokkurinn kann að afla og í hvaða tilgangi þær kunna að vera varðveittar. 

Upplýsingum um nöfn, kennitölu, heimilisföng, netföng og símanúmer er ekki deilt með þriðja aðila nema það sé óhjákvæmilegt í þágu þess tilgangs sem að ofan er lýst. 

4.1. NAFN. Samfylkingin heldur skrá um nöfn þeirra sem eru aðilar að flokknum í gegn um einstök aðildarfélög hans, og um stuðningsmenn sem ekki eiga formlega aðild að flokknum. Jafnframt er haldin skrá um þau sem eru í styrktarmannakerfi, greiða félagsgjöld og um þau sem gegna trúnaðarstörfum fyrir flokkinn, auk starfsmanna hans.  

4.2. KENNITALA. Kennitala fylgir að jafnaði skráðu nafni einstaklings. Upplýsingarnar eru einkum nýttar til þess að aðgreina þá sem bera sömu nöfn hvern frá öðrum. Kennitölur eru jafnframt notaðar til að afla upplýsinga um aldur flokksfélaga. Auk þess eru þær notaðar sem einkvæmt auðkenni til að sækja reglulega uppfærslu í þjóðskrá á skráðu lögheimili og öðrum upplýsingum sem þjóðskrá geymir, svo sem nafni. Kennitölur eru jafnframt nýttar til þess að fá upplýsingar um hverjir eru bannmerktir í þjóðskrá og/eða símaskrá og eins til að finna og uppfæra símanúmer hjá þeim sem ekki eru bannmerktir í aðdraganda kosninga. 

4.3. HEIMILISFANG OG PÓSTNÚMER. Upplýsingar um heimilisfang og póstnúmer fylgja að jafnaði kennitölu og eru nýttar til þess að skrá flokksfélaga í rétt félög innan flokksins. Þá eru þær notaðar til að koma áleiðis upplýsingum í bréfpósti til flokksmanna og skráðra stuðningsmanna varðandi flokksstarfið. Póstnúmer og eftir atvikum heimilisföng eru notuð til að staðsetja einstaklinga í sveitarfélög og kjördæmi, en af staðsetningu ræðst m.a. réttur til aðildar að staðbundnum flokksfélögum, kjörgengi í viðkomandi félögum og í staðbundnum ráðum, og réttur til þátttöku í prófkjörum í aðdraganda sveitarstjórnarkosninga og alþingiskosninga.  

4.4 NETFANG. Netföng eru notuð í þeim tilgangi að senda upplýsingar til flokksfélaga og skráðra stuðningsmanna í tölvupósti, svo sem um viðburði, fundi, skilaboð frá forystu, fjáröflun, stefnumál og aðrar fréttir úr flokksstarfinu, auk hvatningar í kosningabaráttu. Haldið er utan um netföng þeirra sem veitt hafa fyrir því heimild. Flokksfélagar og skráðir stuðningsmenn geta hvenær sem er afþakkað frekari tölvupóst frá flokknum með því að koma beiðni þar um á framfæri við skrifstofu flokksins. 

4.5. SÍMANÚMER. Símanúmer eru notuð í þeim tilgangi að miðla upplýsingum til flokksfélaga og skráðra stuðningsmanna í símtölum eða með smáskilaboðum, svo sem um viðburði, fundi, skilaboð frá forystu, fjáröflun, stefnumál og aðrar fréttir úr flokksstarfinu, auk hvatningar í kosningabaráttu. Haldið er utan um símanúmer þeirra sem veitt hafa fyrir því heimild. Flokksfélagar og skráðir stuðningsmenn geta hvenær sem er afþakkað frekari símtöl og smáskilaboð frá flokknum með því að koma beiðni þar um á framfæri við skrifstofu flokksins. 

4.6. MEÐHÖNDLUN FLOKKSSKRÁR. Aðild einstaklinga að Samfylkingunni er samkvæmt lögum flokksins í gegn um þau fjölmörgu félög sem aðild eiga að flokknum. Aðildarfélög eru ýmist staðbundin eða starfandi á landsvísu. Auk aðildarfélaga geta flokksmenn átt aðild að landssamböndum. Samfylkingin heldur úti miðlægri flokksskrá þar sem varðveittar eru upplýsingar um alla flokksmenn, aðildarfélags- og landssambandaskráningu þeirra, um trúnaðarstörf fyrir félag og/eða flokkinn, og upplýsingar er tengjast fjáröflun, svo sem um félagsgjöld og aðild að styrktarmannakerfi. Þá eru stuðningsmenn Samfylkingarinnar, sem ekki eru félagar í flokknum, jafnframt skráðir í miðlæga flokksskrá. 

Aðgang að flokksskránni í heild hafa einungis þeir starfsmenn Samfylkingarinnar sem vegna starfa sinna þurfa þess og er henni ekki deilt með þriðja aðila. 

Miðlæg flokksskrá geymir upplýsingar um félagatal hvers aðildarfélags og landssambands. Aðgang að félagatali hafa einungis formenn og eða sá aðili sem stjórnir tilnefna í lögmætum tilgangi til þess að geta rækt skyldur við félagsmenn, m.a. vegna aðal- og félagsfunda, fjáröflunar, félagsgjalda og annarra samskipta við félagsmenn, þ.m.t. vegna vals á framboðslista í staðbundnum félögum. Eftir atvikum geta flokksmenn í sérstökum trúnaðarstörfum, svo sem fundarstjórar og starfsmenn félagsfunda, auk kjörstjórna og uppstillinganefnda, einnig haft aðgang að félagatali aðildarfélaga og landssambanda. 

Stjórnir félaga geta veitt tilteknum hópi félagsmanna takmarkaðan aðgang að úrtaki úr félagatali, sem aðeins er aðgengilegt í húsnæði á vegum flokksins, í þeim tilgangi að miðla upplýsingum til félagsmanna og skráðra stuðningsmanna á svæði staðbundins félags, t.a.m. í aðdraganda alþingis- og sveitarstjórnarkosninga. Þegar slík úrtaksskrá er útbúin koma fram kennitölur, nöfn, heimilisföng, póstnúmer og eftir atvikum símanúmer þeirra einstaklinga sem aðild eiga að félagi eða eru skráðir stuðningsmenn Samfylkingarinnar. Úrtaksskrár eru einungis afhentar gegn undirritun trúnaðaryfirlýsingar, þar sem áréttað er að meðferð þeirra skuli í einu og öllu samræmast persónuverndarstefnu þessari, lögum og reglum flokksins og landslögum. 

Félög og landssambönd fá ekki afhent netföng úr flokksskrá, en skrifstofa flokksins sendir fyrir þeirra hönd út skilaboð í tölvupósti á starfssvæði hvers félags eða kjördæmisráðs, samkvæmt beiðni. 

Í tengslum við val á framboðslista og kosningar til trúnaðarstarfa innan flokksins geta frambjóðendur fengið aðgang að kjörskrá, þ.e. viðeigandi úrtaki úr flokksskrá, gegn því að undirrita trúnaðaryfirlýsingu um meðferð kjörskrárinnar, sem í felst skuldbinding um að meðferð hennar samræmist í einu og öllu persónuverndarstefnu þessari, lögum og reglum flokksins og landslögum. Við gerð kjörskrár eru netföng undanskilin, en frambjóðendur geta samkvæmt reglum hverju sinni óskað eftir að skrifstofa flokksins sendi út tölvupóst fyrir sína hönd á þau sem eru á kjörskrá og hafa ekki hafnað tölvupóstsendingum. 

Vefsíða Samfylkingarinnar www.xs.is er öllum opin. Vefsíða Samfylkingarinnar notast við Google Analytics og Facebook Pixel til að safna upplýsingum um heimsóknina þína.

Á vefsíðu Samfylkingarinnar eru hlekkir þar sem vísað er á vefsíður utan www.xs.is. Samfylkingin hefur ekki stjórn á þeim síðum og ber ekki ábyrgð á þeim. 

Samfylkingin leggur áherslu á öryggi og trúnað í meðferð persónuupplýsinga og að koma í veg fyrir óheimilan aðgang að upplýsingum í vörslu flokksins. Flokkurinn beitir viðeigandi tæknilegum og skipulagslegum ráðstöfunum til að vernda persónuupplýsingar, með sérstöku tilliti til eðlis þeirra. Þessum ráðstöfunum er ætlað að verjast því að persónuupplýsingar glatist eða breytist fyrir slysni, og beinast gegn óleyfilegum aðgangi, afritun, notkun eða miðlun þeirra. Samfylkingin stýrir t.a.m. aðgangi að upplýsingakerfum flokksins í þessum tilgangi. 

Samfylkingin deilir ekki persónuupplýsingum með fyrirtækjum, stofnunum eða einstaklingum nema flokknum sé skylt samkvæmt lögum að afhenda persónuupplýsingar, t.a.m. til eftirlitsstofnana, löggæsluyfirvalda eða annarra aðila sem hafa heimild samkvæmt lögum til að móttaka slíkar upplýsingar. 

Flokknum er heimilt að miðla persónuupplýsingum til vinnsluaðila sem er þjónustuveitandi eða verktaki á vegum flokksins, sbr. 25. gr. laga nr. 90/2018 um persónuvernd og vinnslu persónuupplýsinga. Á það m.a. um þá aðila sem halda utan um örugga geymslu gagna fyrir flokkinn, veita kerfislausnir varðandi flokksskrá og bókhald, aðila sem veita flokknum upplýsingatækniþjónustu og aðra þjónustu sem tengist vinnslu og er hluti af rekstri flokksins og nauðsynleg í þeim tilgangi að hann geti rækt hlutverk sitt og skyldur gagnvart félagsmönnum, skráðum stuðningsmönnum, starfsmönnum og þeim sem hann á í viðskiptasambandi við. Vinnsluaðili fær einungis aðgang að persónuupplýsingum svo fremi að trúnaður ríki um gögnin, þeim sé eytt að vinnslu lokinni, og þær einungis nýttar í þeim tilgangi sem þeim er miðlað og meðferð þeirra hagað í samræmi við lög og reglur.  

Samfylkingin varðveitir persónuupplýsingar í þann tíma sem nauðsynlegur er í samræmi við tilgang og markmið vinnslu hverju sinni. 

Einstaklingur á rétt á að vita hvort Samfylkingin vinni með persónuupplýsingar um þá eða ekki. Einstaklingur getur farið fram á að fá aðgang að persónuupplýsingum sínum og við ákveðnar aðstæður látið leiðrétta þær, eyða þeim eða takmarkað vinnslu þeirra. Einnig á viðkomandi rétt á að andmæla vinnslu og fara fram á að gögn hans séu flutt. Til að fá framangreindar upplýsingar ber að hafa samband við persónuverndarfulltrúa Samfylkingarinnar á personuvernd@samfylking.is  

Öllum er frjálst að skrá eða afskrá sig á póstlista Samfylkingarinnar, til dæmis með þar til gerðum hlekk á vefsíðu Samfylkingarinnar. Möguleiki til skráningar af póstlista er til staðar neðst í fréttapóstum. 

Þá hefur einstaklingur rétt á að bera upp spurningar við Persónuvernd um stefnu þessa og það hvernig flokkurinn vinnur með persónuupplýsingar. Enn fremur er hægt að leggja fram kvörtun til Persónuverndar ef eitthvað þykir athugavert við meðferð flokksins á persónuupplýsingum. 

Ef upp koma aðstæður þar sem flokkurinn getur ekki orðið við beiðni um upplýsingar mun flokkurinn leitast við að útskýra hvers vegna svo sé. 

Framkvæmdastjórn Samfylkingarinnar er heimilt að breyta þessari persónuverndarstefnu hvenær sem er og taka slíkar breytingar gildi án fyrirvara. Slíkar breytingar kunna t.d. að vera gerðar til að samræma persónuverndarstefnuna við gildandi lög og reglur er varða persónuvernd hverju sinni eða vegna breytinga á því hvernig flokkurinn vinnur með persónuupplýsingar.  

Allar breytingar á stefnunni verða birtar á vefsíðu flokksins: www.xs.is.

Persónuverndarstefna Samfylkingarinnar – jafnaðarmannaflokks Íslands var birt 9. október 2018.

Formaður og frambjóðendur Samfylkingarinnar taka á móti fólki í stjórnmálaspjall og léttar veigar á palli Safnahússins í Neskaupstað.

Logi Einarsson, Hilda Jana Gísladóttir, Eydís Ásbjörnsdóttir og Guðmundur Andri Thorsson verða á staðnum!

Ef veðrið verður ekki jafn gott og lítur út fyrir þá færum við okkur inn

Sumargleði Samfylkingarinnar í Fjarðabyggð

Nýjustu fréttir af vendingum í Ásmundarsafnsmálinu gefa ákaflega áhugaverða sýn af viðhorfi æðstu ráðamanna til hlutverks lögregluyfirvalda. Líkt og flestir muna vöknuðu landsmenn á aðfangadag við dapurlegar fréttir af ráðherra í ríkisstjórn landsins í samkvæmi sem samkvæmt dagbók lögreglu hafði borið öll merki þess að fjöldatakmarkanir vegna sóttvarnaraðgerða hefðu verið brotnar. Samdægurs freistaði dómsmálaráðherra þess að beina spjótum sínum og athygli almennings að lögreglumönnum sem óbeint höfðu upplýst um meint brot ráðherra á reglum í samkomubanni yfir jólahátíðina í dagbókarfærslu. Þá sá forsætisráðherra til þess að fjármálaráðherra gæti andað rólega á aðfangadagskvöldi með því að lýsa því strax yfir að athæfi hans myndi ekki hafa áhrif á ríkisstjórnarsamstarfið. Um kvöldið og næstu daga héldu landsmenn jól í tíu manna jólakúlum, reglugerð samkvæmt.

Bjarni Benediktsson er hvergi nær eini ráðherrann á heimsvísu sem komist hefur í kast við reglur um samkomubann. Írskur ráðherra tilkynnti um afsögn sína eftir að í ljós kom að hann hafði sótt hádegisverð í golfklúbbi. Sé aðeins horft til Norðurlanda má nefna að Erna Solberg, forsætisráðherra Noregs, var í vor dæmd til að greiða 20 þúsund norskar krónur í sekt fyrir að brjóta sóttvarnalög þar í landi eftir að í ljós kom að hún hefði efnt til sextugsafmælis síns í þrettán manna hópi, þrátt fyrir að tíu manna samkomubann. Viðkvæðið hjá yfirmanni lögreglu þar í landi var á þá leið að það væru allir jafnir fyrir lögunum, en það væru ekki allir jafnir almennt.

Hér skal ekki fullyrt um hvort rétt sé að láta strangari viðurlög eiga við um ráðherra í ríkisstjórn sem tekur ákvarðanir um ákaflega íþyngjandi fjöldatakmarkanir í þágu sóttvarnarráðstafana á fordæmalausum tímum í formi reglugerðar líkt og einhverjir töldu hafa átt sér stað í Noregi. Hins vegar liggur fyrir að eigendur Ásmundarsals voru sektuð fyrir brot á þágildandi reglugerð og lögreglumenn hafa verið áminntir. Nefnd sem hef­ur eft­ir­lit með störf­um lög­reglu (NEL) tók málið til sérstakrar umfjöllunar og hefur nú meðal annars komist að þeirri niðurstöðu að óvarfærin ummæli lögreglumannanna um meint framapot veislugesta í Ásmundarsal fælu í sér háttsemi sem gæti talist ámælisverð og þess eðlis að tilefni væri til að senda þann þátt málsins til meðferðar lögreglustjórans á höfuðborgarsvæðinu. Þá liggur fyrir að lögreglunúmer þeirra hafa verið birt í skýrslu nefndarinnar sem send var fjölmiðlum.

Í lýðræðislegu réttarríki er sjálfsagt að virkt og ríkt eftirlit sé með öllum störfum lögreglu. Hvað sem öðru líður hefur lögreglan valdbeitingarrétt gagnvart borgurum og gagnsæi verður að ríkja um störf þeirra, sem verða aldrei hafin yfir gagnrýni. Almenningur á jafnframt ríkan rétt á því að hafa ítarlega yfirsýn yfir búkmyndavélar einstakra lögreglumanna á vettvangi og gilda meginreglur persónuverndarlaga vöktun af þeirra hálfu, rétt eins og um alla aðra upptöku sem fer fram í öryggis- og eftirlitsskyni. Þá verða lögreglumenn ekki síst að vera meðvitaðir um eðli upptökunnar og þekkja þær reglur sem gilda um miðlun þeirra upplýsinga sem verða til þegar efni úr myndavélunum er skoðað, þar á meðal ummæli sem þeir mögulega töldu að væri aðeins þeirra á milli. Það er verkefni löggæsluyfirvalda að kanna hvort úrbóta sé þörf að þessu leyti og Persónuverndar að kanna hvort miðlun á hugsanlega persónugreinanlegum upplýsingum um lögreglumenn hafi verið ólögmæt.

Lýðræðislegt aðhald nær hins vegar ekki eingöngu til lögreglu. Lögreglumennirnir sem höfðu mætt á kvöldvakt á Þorláksmessu sinntu útkalli um fjöldasamkvæmi þar sem fjölmargir aðilar voru undir sama þaki, og gripu til verklags sem fréttir bera með sér að hafi almennt verið í samræmi við hlutverk þeirra, þó svo dagbókarfærsla um atvikið hafi falið í sér óbeina persónugreiningu á ráðherra. Í flestum ef ekki öllum lýðræðisríkjum ríkir almenn sátt um þá sýn að upplýsingar um lögbrot ráðamanna eiga almennt erindi við almenning. Persónuvernd hefur jafnframt tekið undir framangreint í samtölum sínum við fjölmiðla.

Ummæli lögreglumanna í upptöku á búkmyndavél breyttu því ekki að fjármálaráðherra var staddur í margmenni á Þorláksmessu og braut að öllum líkindum reglur um samkomubann, sem reyndar var aldrei rannsakað til fulls. Tilraunir ráðamanna til að beina spjótum að ummælum þeirra um viðstadda sem óafsakanlegu athæfi eru dapurlegar. Skilaboðin sem ríkisstjórnin hefur sent til lögreglumanna með aðgerðum sínum bera með sér að þeir skuli hugsa sig tvisvar um áður en þeir sinna lögbundnu hlutverki sínu næst þegar ráðherrar í ríkisstjórn liggja undir grun um lögbrot, jafnvel á tímum sem eiga sér fordæmi. Lærdómur okkar hinna er sá að sá eini sem ekki á að mæta teljandi afleiðingum vegna málsins er sjálfur fjármálaráðherra. Það ber ekki merki um djúpstæða sannfæringu á gamalkunnum einkunnarorðum Sjálfstæðisflokksins og hlutverki löggæsluyfirvalda í lýðræðislegu réttarríki.

Greinin birtist fyrst á visi.is 29. júní. 

Dagbjört Hákonardóttir skipar 3. sæti á lista Samfylkingarinnar í Reykjavíkurkjördæmi Norður

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"