Ungir jafnaðarmenn í Garðabæ halda aðalfund þann 26. janúar næstkomandi kl. 19:00 á Zoom! [ENGLISH BELOW]
Allt ungt fólk á aldrinum 16 til 35 ára sem aðhyllist jafnaðarstefnu, hefur brennandi áhuga á umhverfismálum, jafnréttismálum og vill láta til sín taka í málefnum ungs fólks og alls almennings í Garðabæ og víðar er hjartanlega velkomið.
Skráðir þátttakendur fá fundargögn og Zoom hlekk í tölvupósti. Skráning á fundinn er opin hér:
https://forms.gle/uTBQUDyN2B9iqwiY8
Ungir jafnaðarmenn í Garðabæ blása einnig til nafnasamkeppni til að velja nýtt nafn á endurvakið félag. Hægt er að senda inn tillögu hér:
https://forms.gle/Z4GLrdkSZF5cFhV18
Tekið verður við framboðum til forseta og meðstjórnenda fram að lokum fundarhlés. Framboð til stjórnar skal senda á netfangið gbr@uj.is.
Hlökkum til að sjá ykkur sem flest!
- - - - - - -
Dagskrá aðalfundar:
1. Forseti Ungra jafnaðarmanna, Ragna Sigurðardóttir, setur fundinn.
2. Kjör fundarstjóra og fundarritara.
3. Ávarp heiðursgests.
4. Kosningar um lög félagsins.
5. Fundarhlé.
6. Stjórnmálaályktun.
7. Kosningar í stjórn félagsins.
8. Kosning skoðunarmanna reikninga.
9. Önnur mál.

// ENGLISH //
Young Social Democrats in Garðabær are holding an Annual Congress on 26th January at 19:00 on Zoom!
Young people at the age 16-35 who consider themselves to be social democrats, who are motivated to fight for environmental issues, equality and want to have an impact on issues related to young people and the whole public in Garðabær are especially welcome.
Registered participants will receive meeting documents and a Zoom link via email. Registration for the meeting is here:https://forms.gle/uTBQUDyN2B9iqwiY8
Young Social Democrats in Garðabær are also hosting a competition to select a new name. You can take part here:
https://forms.gle/Z4GLrdkSZF5cFhV18
Candidacies for President and for the executive board should be sent to gbr@uj.is, the deadline is until the break is over.
Looking forward to seeing as many of you as possible!
- - - - - - -
Itinerary:
1. President of Young Social Democrats, Ragna Sigurðardóttir, will set the congress.
2. Election of congress staff.
3. Guest of honor speech,
4. Elections of statutes.
5. Break.
6. Declaration.
7. Elections of board members.
8. Election of auditors.
9. Other.

Aðalfundur Ungra jafnaðarmanna í Garðabæ

Ingibjörg Iða Auðunardóttir var í gærkvöldi kjörin forseti Gunnhildar -  félags Ungra jafnaðarmanna í Garðabæ á aðalfundi félagsins.

Heiðursgestur fundarins var Þorbjörg Þorvaldsdóttir, formaður Samtakanna 78, varabæjarfulltrúi í Garðabæ og fyrrverandi meðlimur í framkvæmdastjórn Ungra jafnaðarmanna (UJ).

Um er að ræða endurvakið aðildarfélag UJ en kosið var um nýtt nafn félagsins á fundinum. Nafnið, Gunnhildur, er sótt í kennileiti í Vífilsstaðahlíð sem sagan segir að heiti eftir hjúkrunarkonu á gamla Vífilsstaðaspítala.

Einnig fór fram kjör til stjórnar en hana skipa ásamt Ingibjörgu Iðu þau Askur Hrafn Hannesson, Gabríella Snót Schram, Hrafnhildur Ming Þórunnardóttir og Theodóra Fanndal Torfadóttir.

Á fundinum var auk þess samþykkt stjórnmálaályktun félagsins þar sem lögð er áhersla á félagshyggju, festu í loftslagsmálum og lýðræðislega þátttöku ungs fólks.

Ingibjörg Iða kjörin forseti Ungra jafnaðarmanna í Garðabæ

Síðast mættu 300 á fund nefndarinnar og voru það færri en vildu. 

Ingvi Hrannar Ómarsson, kennari, frumkvöðull og handhafi menntaverðlaunanna 2020.
Skapandi skólastarf, nýsköpun og upplýsingatækni.

Guðmundur Andri Thorsson, þingmaður Samfylkingarinnar og fyrsti formaður allsherjar- og menntamálanefndar
Er leikur að læra?

Guðríður Ingólfsdóttir, móðir tveggja grunnskólanema
Þríhyrningar í kassalaga formum

Margrét Pála Ólafsdóttir, kennari hjá Hjallastefnunni
Skiptir kynferði virkilega einhverju máli í skólanum?

Bubbi Morthens, tónlistarmaður.
Áfallasaga úr skólakerfinu.

Jóhanna Vigdís Guðmundsdóttir, formaður menntamálanefndar og varaþingmaður Samylkingarinnar, kynnir áherslur nýrrar menntastefnu Samfylkingarinnar.

Horfðu hér: https://zoom.us/j/93844940521

Verið velkomin á fund menntanefndar Samfylkingarinnar.

Of þægar stelpur og ólæsir strákar? Grunnskólinn á byltingartímum.

Þörfum ekki mætt
 Þau sveitarfélög sem verst verða úti í þessu ástandi verða að fá stuðning. Það þarf að gera þeim kleift að mæta breyttum þörfum íbúa í erfiðri stöðu og halda uppi atvinnustigi eins og hægt er, þrátt fyrir minnkandi tekjur. Á þessu hefur ríkisstjórnin ekki skilning og stjórnarliðar hafa hvað eftir annað fellt tillögur okkar jafnaðarmanna um aukin framlög til þeirra sveitarfélaga sem harðast hafa orðið úti. Öflug velferðarvakt verður að vera til staðar því aukaverkanir langtíma atvinnuleysis eru vel þekktar; félagslegar og heilsufarslegar ekki síður en efnahagslegar.

Skuldavandi blasir við
 Tekjufall heimila fylgir í kjölfar atvinnumissis og hætta er á að mikill skuldavandi taki við af atvinnukreppu ef ekkert verður að gert. Heimilin þurfa stuðning vegna tekjufalls og viðspyrnustyrk líkt og fyrirtækin. Verslunarmannafélag Reykjavíkur hefur lagt fram hugmynd að sértækum stuðningi sem ætlað er að tryggja afkomuöryggi heimila sem hafa orðið fyrir atvinnumissi og tekjufalli í heimsfaraldri. ASÍ hefur tekið undir þá hugmynd sem kynnt var stjórnvöldum fyrir nær þremur mánuðum. Forsætisráðherra svaraði fyrirspurn frá mér um málið í þinginu 14. desember á þann veg að hún hefði fengið kynningu á hugmyndunum VR og þær væru í nefnd. Ekkert hefur spurst til starfa þessarar nefndar nú sex vikum síðar og fólkið sem þarf að bera þyngstu byrgðarnar í heimsfaraldri fær ekki stuðning ríkisstjórnarinnar. Fyrir vikið er að skapast ófremdarástand.

Langtíma atvinnuleysi
 Því lengur sem fólk er án atvinnu því erfiðari verður staða þeirra fjárhagslega og félagslega. Sumir missa heilsuna líka. Í lok desember höfðu 4.213 manns verið atvinnulaus lengur en 12 mánuði í djúpri atvinnukreppu þar sem enga vinnu er að fá.

Það fólk sem búið hefur við atvinnuleysi í meira en 12 mánuði hefur ekki fengið þriggja mánaða lengingu á tekjutengda bótatímabilinu. Það er vegna þess að ríkisstjórnin ákvað að þá búbót fengju aðeins þeir sem höfðu misst vinnuna í mars 2020. Stjórnarliðar felldu tillögu Samfylkingarinn um að allir atvinnulausir fengju þessa viðbót og létu eins og þær um 10.000 manneskjur sem voru atvinnulausar í febrúar væru betur staddar en hitt fólkið sem missti vinnuna í mars. Raunin er auðvitað sú að  fólk er því verr sett sem það hefur lengur verið án vinnu.

Á næstu mánuðum mun hluti þeirra sem hafa verið atvinnulaus lengur en 12 mánuði klára tímabil atvinnuleysisbóta. Þau voru 87 í desembermánuði  samkvæmt upplýsingum frá Vinnumálastofnun. Á næstu mánuðum mun vel á annað hundrað manns vera í þessari stöðu á Suðurnesjum einum og enn fleiri ef landið allt er undir. Þetta fólk verður að leita á náðir sveitarfélaga eftir fjárhagsaðstoð og til hjálparstofnanna eftir nauðþurftum. Fjárhagsaðstoð sveitarfélaga er í öllum tilfellum mun lægri en atvinnuleysisbæturnar og í sumum sveitarfélögum helmingi lægri. Við þær aðstæður sem nú eru blasir sárafátækt við því fólki sem hvorki fær atvinnu né atvinnuleysisbætur.

Gegn ójöfnuði
 Við í Samfylkingunni jafnaðarmannaflokki Íslands mótmælum harðlega aðgerðarleysi ríkisstjórnarinnar sem sýnir ástandinu algjört skilningsleysi. Við krefjumst aðgerða strax sem vinna gegn vaxandi ójöfnuði í heimsfaraldri og að byrgðum verði dreift. Gefum eftir getu og þiggjum eftir þörfum. Erum við ekki öll í þessu saman?

Greinin birtist fyrst á visi.is 29. janúar 2021

Í lok desember á síðasta ári var heildaratvinnuleysi á landinu öllu 12,1%, alls 26.473 manns. Atvinnuleysi er mest á Suðurnesjum 23,3%. Næst mest er atvinnuleysið á höfuðborgarsvæðinu 11,9% og þar á eftir á Suðurlandi 11,5%. 

Auglýst er eftir frambærilegum einstaklingum til að skipa framboðslista Samfylkingarinnar í Suðvesturkjördæmi í komandi alþingiskosningum. Uppstillingarnefnd starfar samkvæmt lögum flokksins og reglum kjördæmisráðs Samfylkingarinnar í Suðvesturkjördæmi og er falið að leggja fram öflugan og sigurstranglegan lista.

Það er ekki skilyrði tilnefningar að viðkomandi sé skráður í Samfylkinguna og áhugasamir eru hvattir til að tilnefna sjálfa sig. Hvatt er til tilnefningar frambjóðenda af öllum kynjum og þjóðernum. Fullum og algjörum trúnaði er heitið.

Tilnefningar skulu berast á tölvupóstfang uppstillingarnefndar, sv@xs.is, ekki seinna en þann 29. janúarnæstkomandi. Að tilnefningarfresti loknum mun uppstillingarnefnd hafa samband við öll sem hafa verið tilnefnd og kanna áhuga þeirra.

Fyrirspurnum má beina á tölvupóstfang uppstillingarnefndar, sbr. framangreint. Einnig má beina fyrirspurnum símleiðis til formanns nefndarinnar, Jónasar Más Torfasonar, í síma 774-1996.

Uppstillingarnefnd er skipuð eftirfarandi nefndarmönnum:
Jónas Már Torfason, formaður (Kópavogur)
Anna Sigríður Guðnadóttir (Mosfellsbær)  
Kristján Sveinbjörnsson (Garðabær)
Sigrún Sverrisdóttir (Hafnarfjörður)
Þorleifur Örn Gunnarsson (Seltjarnarnes)

Reglur um val á framboðslista í Suðvesturkjördæmi vegna alþingiskosninga 2021 má finna hér.

Óskað eftir tilnefningum í Suðvesturkjördæmi

Stjórn kjördæmisráðs Norðausturkjördæmis boðar hér með til aðalfundar fimmtudaginn 28. janúar kl. 17.00.  Vegna aðstæðna sem ekkert þarf að rekja þá verður fundurinn haldinn rafrænn og óskað er eftir tilnefningum í stjórn og annarra embætta í netfangið nordaustur@samfylking.is  eigi síðar en mánudaginn 25. janúar, núverandi stjórnarmenn Aðalbjörn Björnsson, Ólafur Haukur Kárason og Silja Jóhannsdóttir skipa kjörstjórn fundarins vegna aðstæðna. 
 
Dagskrá venjuleg aðalfundarstörf skv. lögum kjördæmisráðsins.  

Umræður um skýrslu stjórnar og afgreiðsla ársreiknings, 

Ákvörðun um árleg gjöld aðildarfélaganna, og

Aðalfundur kjördæmisráðs Norðausturkjördæmis

Helga Vala Helgadóttir og Guðjón S. Brjánsson ætla að eiga góða kvöldstund með félögum og bjóða upp á spjall á mánudagskvöldið kl. 19:30.

Endilega mætið á Zoom og takið þátt í spjalli um hin ýmsu málefni.


Helga Vala Helgadóttir er formaður velferðarnefndar svo það er upplagt að spurja hana um bólusetningar og sóttvarnir og Guðjón Brjánsson er í umhverfis og samgöngunefnd svo það er um að gera að spurja hann út í samgöngumálin til dæmis.


En þau vilja líka ræða um mál líðandi stundar eins og nýsköpunarmiðstöð og störf án staðsetningar.
Að lokum vilja þau spjalla um komandi kosningar og hvaða málefni Samfylkingin mun setja á oddinn. En eins og vonandi allir hafa tekið eftir leggur Samfylkingin upp úr grænni atvinnubyltingu um allt land.

Zoom linkur: https://zoom.us/j/92116128558

Kvöldstund með Helgu Völu og Guðjóni

Logi Einarsson sótti í dag árlegan leiðtogafund norrænna jafnaðarmanna. Loftslagsmál og COVID19 voru aðaláhersluefni fundarins sem var haldinn á fjarfundarformi. Formenn allra jafnaðarmannaflokka á Norðurlöndunum sóttu fundinn ásamt leiðtogum norrænu verkalýðshreyfingarinnar. Forsætisráðherra Danmerkur, Mette Frederiksen, setti fundinn. 

Leiðtogar jafnaðarmannaflokkanna og verkalýðshreyfingarinnar ræddu viðbrögð stjórnvalda á Norðurlöndunum við COVID19 og þá viðspyrnu sem er framundan. Formenn flokkanna lögðu áherslu á að leiðin út úr atvinnuleysinu og efnahagsþrengingunum lægi í fjárfestingu í velferð fólks og stórfelldri grænni uppbyggingu.

„Verði Samfylkingin leiðandi í næstu ríkisstjórn munum við marka okkur græna utanríkisstefnu - og fyrsta stóra verkefnið okkar tengt loftslagsmálum verður þá þátttaka Íslands í COP 26 loftslagsráðstefnunni í Glasgow í nóvember. Þar verður samvinna Norðurlandanna lykilatriði. Við í Samfylkingunni viljum setja miklu metnaðarfyllri loftslagsmarkmið en núverandi ríkisstjórn og fylgja þeim eftir af krafti - enda Ísland í einstakri stöðu til að skara fram úr á alþjóðavettvangi með alla sína endurnýjanlegu orku. ” - sagði Logi Einarsson á fundinum.

Fundurinn var haldinn á vegum SAMAK: samstarfsvettvangi norrænna verkalýðshreyfinga og jafnaðarmannaflokka. 

Eftirfarandi loftslagsyfirlýsing var samþykkt af öllum viðstöddum:

Leiðtogar jafnaðarmanna á Norðulöndunum vilja tryggja réttlát græn umskipti

Á endanum verða allir að leggja sitt af mörkum í baráttunni gegn loftslagsbreytingum - en við  verðum að tryggja að kostnaðurinn af grænum umskiptum lendi ekki skarpast á þeim sem minnst hafa milli handanna. Raunar gætu grænu umskiptin leitt af sér sanngjarnari skiptingu gæða en við þekkjum í dag, en komi til þess að fólk upplifi vaxandi ójöfnuð eða þurfi að taka á sig óhóflegar byrðar í baráttunni við loftslagsbreytingar mun það veikja stuðning við aðgerðir til langtíma.

Norrænir jafnaðarmenn ætla sér að vera í farabroddi í baráttunni gegn loftslagsbreytingum og hraða grænum umskiptum í samvinnu við atvinnurekendur, launþega og almenning. Við trúum því að saman finnum við bestu lausnirnar; með aukinni samvinnu tryggjum við þátttöku allra.

Við stöndum ekki einungis frammi fyrir ógn vegna loftslagsbreytinga, heldur er það líka umhverfið, náttúran og líffræðilegur fjölbreytileiki sem ógn steðjar að. Mörg af þeim verkefnum er snúa að svæðisbundinni náttúruvernd eru líka gagnlegar í alþjóðlegri loftslagsbaráttu: ávinningurinn af þeim getur því verið tvöfaldur. Norrænir jafnaðarmenn telja að ekki sé hægt að leysa náttúru- og loftslagsvánna með leiðum markaðarins einum saman. Til að takast á við vandann þarf bæði pólitískt eftirlit og forystu jafnaðarmanna og verkalýðshreyfingarinnar.

Norrænu jafnaðarmannaflokkarnir og verkalýðshreyfingin ætla sér að vera í fararbroddi við að tryggja sanngjörn umskipti. Það gerum við af ábyrgð, skynsemi og í náinni samvinnu.

Eftirfarandi undirrita þessa yfirlýsingu:
Mette Frederiksen, partiformand Socialdemokratiet, Danmark

Lizette Risgaard, formann Fagbevægelsens Hovedorganisation, Danmark

Logi Einarsson, partileder Samfylkingin, Island

Kristján Þórður Snæbjarnarson, viceformand ASI, Island

Sanna Marin, partileder Finlands Socialdemokratiska Parti

Jarkko Eloranta, leder Finlands Fackförbunds Centralorganisation

Stefan Löfven, partileder Socialdemokraterna, Sverige

Aksel V. Johannesen, partileder Javnaðarflokkurin, Færøyene

Erik Jensen, partileder Siumut, Grønland

Jonas Gahr Støre, partileder Arbeiderpartiet, Norge

Hans-Christian Gabrielsen, leder LO, Norg

Camilla Gunell, leder Ålands Socialdemokratiske parti

Logi fundar með forsætisráðherrum og formönnum jafnaðarmanna á Norðurlöndunum

Bæjarstjórn Garðabæjar hefur verið leidd af íhaldsflokkum í tugi ára og vilja UJGBR leggja grunn að fjölgun jafnaðarmanna í bæjarfélaginu og bættri umræðu þar sem lögð verður áhersla á félagshyggju- og velferðarmál. Áskoranir okkar nútímavædda samfélags eru flóknar, margvíslegar og þess eðlis að þær munu koma til með að hafa áhrif á komandi kynslóðir. Það er því gífurlega mikilvægt, í allri þeirri umræðu sem fram fer, að réttmætar raddir ungs fólks heyrist og verði raunverulega teknar til greina þegar að ákvarðanatöku kemur.

UJGBR munu leggja ríka áherslu á félagslegt réttlæti í Garðabæ og að höfuðáhersla jafnaðarstefnunnar um velferð sé þar í forgrunni umræðunnar. Félagið telur það því algjört forgangsatriði að bæjaryfirvöld sinni lögbundnu hlutverki sínu þegar kemur að félagsþjónustu og leikskóla- og grunnskólamálum og að þeir málaflokkar sitji ekki á hakanum. Hagkerfi heimsins standa frammi fyrir gífurlegum samdrætti sökum aðgerða sem gripið hefur verið til vegna kórónuveirunnar og atvinnuleysi hefur aukist svo um munar. Eðli máls samkvæmt bitnar þetta hvað mest á ungu fólki, því sem skrimtir samhliða námi eða er í leit að vinnu að námi loknu. UJGBR telur mikilvægt að bæjaryfirvöld taki slíkt ástand föstum tökum, til að mynda með því að fjölga tækifærum fyrir ungt fólk og ráðast í atvinnusköpun—þá helst græna—fyrir þá sem eiga erfitt með að fóta sig á tímum kórónakreppunnar.

Loftslagsváin er nær óumdeilanlega umfangsmesta verkefni sem heimsbyggðin stendur frammi fyrir þessa stundina. Mikilvægt er að bæjaryfirvöld í Garðabæ leggi sitt af mörkum svo Ísland geti staðið við skuldbindingar sínar gagnvart Parísarsamkomulaginu og hægt verði að ná þeim loftslagsmarkmiðum sem kveðið er á um þar. UJGBR munu kalla eftir því að bæjaryfirvöld útlisti leiðir að settum markmiðum samkomulagsins í metnaðarfullri stefnu í loftslagsmálum þar sem lögð verði áhersla á grænar lausnir innan sveitarfélagsins. Hægt væri, til að mynda, að innleiða grænna og öflugra flokkunarkerfi fyrir heimili í Garðabæ með tilkomu gáma eða tunna fyrir lífrænan úrgang, og með því að leggja aukna áherslu á bættar og vistvænni samgöngur með fjölgun göngu- og hjólastíga. Þá telja UJGBR brýnt að bæjaryfirvöld standi við undirritaða samninga um metnaðarfulla uppbyggingu á samgönguinnviðum og almenningssamgöngum á höfuðborgarsvæðinu—Borgarlínu—sem ýtt verður úr vör á komandi árum. Þá mætti einnig stuðla að vitundarvakningu bæjarbúa um orsakir og afleiðingar hamfarahlýnunar, með fræðslu í skólum og stofnunum um það hvernig hægt sé að minnka kolefnisspor með samstilltu átaki íbúa, fyrirtækja og stofnana í Garðabæ.

UJGBR telja mikilvægt að Garðabær skapi sér stöðu sem eftirsóknarverður staður fyrir ungt fólk og barnafjölskyldur í leit að framtíðarheimili. Með því að leggja þunga áherslu á þéttingu byggðar, bættar almenningssamgöngur og vistvænar lausnir getur Garðabær eflt stöðu sína og ímynd í augum þessa hóps og þannig stuðlað að fjölbreyttara bæjarfélagi. Það hefur ítrekað sannast að ungt fólk hefur raunverulegan áhuga á að taka þátt í pólitískri umræðu en fær sig ekki í það því það telur sig oft ekki eiga erindi. Fyrir þessu eru margar ástæður en UJGBR munu beita sér af krafti til þess að sporna við þessu og berjast fyrir því að ungu fólki verði búið svigrúm til þátttöku í stjórnmálum og að það fái áheyrn þegar kemur að ákvarðanatöku í Garðabæ. Umræða sem fram fer á grundvelli skoðana fjölbreyttra hópa, en ekki einsleitra, er margfalt líklegri til að skila af sér farsælli, lýðræðislegri og góðri niðurstöðu.

Félag Ungra jafnaðarmanna í Garðabæ (UJGBR) er endurvakið undir nafninu Gunnhildur  í ársbyrjun 2021 með það að leiðarljósi að efla stöðu ungs jafnaðarfólks í bæjarfélaginu svo að raddir þess öðlist hljómgrunn.

Stjórnmálaályktun Gunnhildar - félags Ungra jafnaðarmanna í Garðabæ

Í þeim heimsfaraldri kórónuveiru sem hefur markað líf okkar síðustu mánuði hafa stjórnvöld allra landa þurft að bregðast við með margvíslegum hætti. Ein af fjölmörgum aðgerðum hér á landi, sem Alþingi samþykkti í maí í fyrra, var að veita sérstakan styrk til íþrótta og tómstundastarfs barna sem koma frá tekjulágum heimilum. Atvinnuleysi er í sögulegu hámarki hér á landi og á ákveðnum svæðum er einn af hverjum fjórum einstaklingum án atvinnu. Inni á heimilum atvinnuleitenda búa börn og það er stjórnvalda að gera allt sem í þeirra valdi stendur til að vernda fyrst og fremst þau en einnig tryggja möguleika fjölskyldunnar til framfærslu.  

Það var einmitt ætlunin með ákvörðun Alþingis að tryggja að öll börn, óháð efnahag, gætu stundað íþróttir og aðrar tómstundir síðastliðið sumar. Okkur var þá ókunnugt um að það tæki stjórnvöld heila sex mánuði að koma styrkjunum í framkvæmd. 

Við í velferðarnefnd fjölluðum í upphafi haustþings um grafalvarlega stöðu mála á Suðurnesjum og fengum þá meðal annars þau svör að lítið væri um umsóknir um þessa styrki. Hvöttu nefndarmenn gesti fundarins til að leita allra leiða til að kynna úrræðið fyrir þeim börnum og fjölskyldum sem búa við fátækt því ástæðan fyrir því að þau væru ekki að nýta úrræðið var sögð ókunn. Töldum við ástæðuna mögulega liggja í skorti á kynningu úrræðisins. 

Á vef Stundarinnar í gær birtist svo upplýsandi frétt um málið. Þar kemur fram sú skelfilega staðreynd að þetta úrræði virðist bara alls ekki vera að ná tilætluðum árangri. Aðeins 9% þeirra barna sem búa við fátækt hafa sótt um þennan styrk. Ástæðan virðist vera algjör forsendubrestur við útfærslu þessa úrræðis af hálfu stjórnvalda. Félags- og barnamálaráðherra átti að útfæra hvernig þessi styrkur yrði greiddur út. Flækjustigið hefur hins vegar orðið svo umfangsmikið að þau börn sem búa við fátækt geta ekki nýtt sér þetta. Þessi aðferð ráðherra, að gera fátæku fólki að greiða æfinga- og tómstundagjöld úr eigin vasa og þurfa að sækja um endurgreiðslu, er einfaldlega ekki eitthvað sem fátækt fólk getur gert. Fátækt fólk sem þarf að íhuga að morgni hvernig það kemur í veg fyrir að börn þeirra fari svöng í háttinn að kvöldi.  

Því miður þá sýnir þetta eindæma skilningsleysi ríkisstjórnarinnar á þeim aðstæðum sem fjöldi fjölskyldna býr við á Íslandi í dag. Þetta eru aðstæður sem ættu sannarlega ekki að koma félags- og barnamálaráðherra á óvart enda greiðsluvandi fátækra fjölskyldna löngu þekktur. Það er lágmark að úrræði séu þannig búin að þau nýtist þeim hópum sem þurfa á því að halda. Það á að vera forgangsmál okkar allra að grípa þann hóp sem býr við verstu kjörin. 

Greinin birtist fyrst í Morgunblaðinu 21. janúar 2021 

Leit um „��"

3340 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

3340 niðurstöður fundust við leit að „���������������������������"