Samfylkingin vill ráðast í markvissar aðgerðir til að fjölga störfum, bæði í einkageiranum og hjá hinu opinbera, létta undir með atvinnulausu fólki og fjölskyldum þeirra, stíga fastar til jarðar í loftslagsmálum og beita ríkisvaldinu af krafti til að fjárfesta í grænni uppbyggingu til að renna fjölbreyttari stoðum undir útflutning og verðmætasköpun á Íslandi.Þetta er á meðal þess sem fram kemur í nýju kynningarriti, Ábyrga leiðin – úr atvinnukreppu til grænnar framtíðar, sem þingflokkur Samfylkingarinnar gaf út í dag  

Lesa má bæklinginn í heild sinni hér. 

Lagt er til að farið verði í allsherjar átak gegn undirmönnun í almannaþjónustu, að ráðist verði í atvinnuskapandi skattalækkanir fyrir lítil og meðalstór fyrirtæki til að auka hvata til ráðninga og að jaðarskattar verði lækkaðir hjá lífeyrisþegum og barnafólki. Þá verði tekið utan um atvinnuleitendur og fjölskyldur þeirra með sanngjarnri hækkun grunnatvinnuleysisbóta og metnaðarfyllri vinnumarkaðsúrræðum.  

Samfylkingin vill fylgja fordæmi annarra Norðurlanda og koma á fót grænum fjárfestingarsjóði með fjárhagslegt bolmagn til að leiða umhverfisvæna umbyltingu atvinnulífs á Íslandi. Þá þarf að endurskoða aðgerðaáætlun ríkisstjórnarinnar í loftslagsmálum og efla stjórnsýslu loftslagsmála til muna þannig að Ísland sé ekki eftirbátur annarra Norðurlanda. Á meðal loftslagsaðgerða sem Samfylkingin setur í forgang meðan Ísland er að brjótast út úr kórónakreppunni er stórefling almenningssamgangna, átak í skógrækt, garðyrkju og grænni matvælaframleiðslu, uppbygging iðngarða, fjölgun rafhleðslustöðva og styrking á dreifi- og flutningskerfum rafmagns til að standa undir auknu álagi vegna orkuskipta og rafvæðingar samgangna á láði og legi.  

Efnahagsáætlun Samfylkingarinnar byggir á því að hið opinbera stígi fram, nú þegar einkaaðilar halda að sér höndum, og ráðist af krafti gegn atvinnuleysi og óvissu. Gróflega má áætla að ábyrga leiðin myndi fjölga störfum um fimm til sjö þúsund strax á næsta ári. Ef fjárlagafrumvarp, ríkisfjármálaaðgerðir og efnahagsforsendur ríkisstjórnarinnar stæðu að öðru leyti óhaggaðar myndu aðgerðirnar sem Samfylkingin leggur til auka fjárlagahalla ársins 2021 úr 8,6 prósentum upp í 11,2 prósent en skuldir íslenska ríkisins yrðu áfram lágar í alþjóðlegum samanburði.

Í fjárlögum og fjármálaáætlun ríkisstjórnarinnar birtist engin skýr áætlun um hvernig koma megi hagvexti aftur í gang, draga úr atvinnuleysi og slá á þá miklu óvissu sem nú heldur aftur af fjárfestingum og verðmætasköpun. Ábyrga leiðin er ódýrari en leið ríkisstjórnarinnar vegna þess að fjöldaatvinnuleysi er sóun sem við höfum ekki efni á og algjör óvissa fyrir fólk og fyrirtæki er gríðarlega kostnaðarsöm. Nú þegar vextir hafa lækkað hratt, fjármögnunarkostnaður ríkissjóðs er lítill og framleiðsluslaki í hagkerfinu ætti ríkið að stíga inn með miklu myndarlegri hætti til að halda uppi eftirspurn og skapa atvinnu. Aðgerðirnar eru fjármagnaðar með skuldsetningu til skemmri tíma, en til lengri tíma litið þarf að koma á jafnvægi með sanngjarnri og skynsamlegri skattheimtu og aukinni framleiðni í fjölbreyttara hagkerfi þar sem þjóðin fær réttmætan arð af auðlindum sínum. 

Logi Einarsson, Oddný G. Harðardóttir og Ágúst Ólafur Ágústsson kynntu í dag á blaðamannafundi Ábyrgu leiðina – úr atvinnukreppu til grænnar framtíðar.

Ábyrga leiðin: úr atvinnukreppu til grænnar framtíðar

Samfylkingarfélagið í Reykjavík býður borgarbúum til haustveislu í Grafarvoginum fimmtudaginn 17. september!

Fögnuðurinn fer fram í Veislusmáranum að Sporhömrum 3 og stendur frá kl. 19:30 til 22:00.

SKEMMTIATRIÐI
Ungir uppistandarar úr Grafarvogi sjá gestum fyrir gríni. Það eru þau Lóa Björk Björnsdóttir & Oddur Þórðarson.

VEITINGAR
Léttur kvöldmatur & drykkir verða í boði Samfylkingarfélagsins í Reykjavík.

SAMAN TIL FRAMTÍÐAR
Pólitískt spjall við Helgu Völu Helgadóttur, þingmann Reykjavíkurkjördæmis norður, og fleiri kjörna fulltrúa.

VEISLUSTJÓRN
Ragna Sigurðardóttir, nýkjörinn forseti Ungra jafnaðarmanna, ávarpar skarann og Ellen Calmon, forman Samfylkingarfélagsins í Reykjavík, stýrir gleðinni.

SMITGÁT
Sóttvarnir verða vitaskuld virtar í hvívetna & eins metra regla viðhöfð. Spritt, hanskar & grímur verða á borðum.

Hlökkum til að hitta sem flesta almenna félagsmenn & borgarbúa! Kjörið tækifæri til að spjalla, spekúlera, gleðjast & njóta.

Kv. Stjórn Samfylkingarfélagsins í Reykjavík

Fræðsluráð Samfylkingarinnar og Samfylkingin í Kópavogi bjóða félögum upp á 3 daga námskeið um jafnaðarstefnuna. Námskeiðið verður haldið þrjá þriðjudaga í röð, 6., 13. og 20. október kl. 20-22 í sal Samfylkingarinnar að Hlíðarsmára 9. Hressing verður á staðnum. Námskeiðið kostar 4.000 kr. og við skráningu og greiðslu fá þátttakendur bók Námskeiðsins, Hvað er jafnaðarstefnan eftir Ann- Marie Lindgren og Ingvar Karlsson, senda í pósti. Þátttakendum gefst einnig kostur á að kaupa Úr fjötrum, sögu Alþýðuflokksins og Í samtök, sögu Alþýðusambands Íslands fyrir 3.000 kr stykkið og verða bækurnar til reiðu í fyrstu kennslustund. 

Leiðbeinandi verður Kjartan Valgarðsson, fulltrúi í fræðsluráði Samfylkingarinnar. 

Námskeiðið er sambland af námi og leshring. Mjög mikilvægt er að þátttakendur komi undirbúnir. Stuðst verður við bókina Hvað er jafnaðarstefnan, hún er 6 kaflar og verða 2 kaflar teknir fyrir í hverri kennslustund. Reikna má með að hver kennslustund verði um 2 klst. Hver kennslustund hefst á um 20 mín. inngangi leiðbeinanda og síðan taka við samræður. Þátttakendur fá útdrátt úr hverjum kafla ásamt umræðuefnum og -spurningum sent í tölvupósti. Tilvalið verður að bæta umræðuefnum og álitaefnum við listann og bæta þannig næstu námskeið. 

Í síðasta tímann, sem fjallar um framtíðina og nýjar áskoranir, mun mæta forystufólk úr flokknum, eins og kostur verður á. Fyrir þann tíma munu þátttakendur einnig fá sendar valdar greinar um áskoranir og vanda jafnaðarmanna á nýjum tímum, tímum breyttrar stéttabaráttu, tilrauna til nýrra skilgreininga á verkalýðsstéttinni og svör jafnaðarmanna við auknum styrk populista. 

Sænskir jafnaðarmenn – sagan (hér verðum við með íslenska sögu f.o.fr.) 

Námskeiðið verður haldið þrjá þriðjudaga í röð, 6., 13. og 20. október kl. 20-22

FRESTAÐ! - Námskeið: Hvað er jafnaðarstefnan

Landsfundargjald er kr. 2.900 og 1.900 fyrir námsmenn í fullu námi, lífeyrisþega og atvinnuleitendur. Við greiðslu gjaldsins fá landsfundarfulltrúar kjörgengi til að greiða atkvæði vegna kosninga á fundinum, fundurinn og allar atkvæðagreiðslur verða með rafrænum hætti. 

Stofnaðar hafa verið kröfur í heimabönkum hjá kjörnum landsfundarfulltrúum með eindaga 6. nóvember n.k.  Hafir þú ekki heimabanka þarf að hafa samband við skrifstofu eigi síðar en miðvikudaginn 4. nóv. til að ganga frá greiðslu á annan hátt. Netfang landsfundur@samfylking.is eða í  síma 414 2200.   

Hafir þú fengið kröfu upp á fullt gjald en átt rétt á lægra gjaldi, vinsamlegast sendu póst á landsfundur@samfylking.is með upplýsingum um þig.  

Kjörskrá lokar föstudaginn 6. nóv. kl. 16.15 fyrir formannskjör sem hefst kl. 16.30 sama dag og lýkur kl. 17.30. 

Kjörskrá til annarra embætta lokar föstudaginn 6. nóv. kl. 19.00 eins og framboðsfrestur í embætti.

Við hvetjum landsfundarfulltrúa til þess að ganga frá greiðslu landsfundargjalds sem fyrst. 

Landsfundur Samfylkingarinnar verður haldinn dagana 6. og 7. nóvember á Hilton Reykjavík Nordica.

Allir félagar í Samfylkingunni, jafnaðarmannaflokki Íslands og aðildarfélögum hennar eiga sæti á landsfundum með málfrelsi og tillögurétti.

Við hvetjum alla til að mæta og taka þátt á þessum viðburði sem jafnframt er æðsta vald flokksins. Þeir sem hafa áhuga á að vera landsfundarfulltrúi þá hvetjum við þig til að hafa samband við þitt aðildarfélag. Kosningar og val á fulltrúum fer fram á bilinu sept. - okt. hér fyrir neðan sjái þið mikilvægar dagsetningar sem gott er að huga að. 

Mikilvægar dagsetningar í undirbúningi landsfundar

13. ágúst - 3ja manna kjörstjórn landsfundar skipuð af framkvæmdastjórn a.m.k 12 vikum fyrir landsfund.

27. ágúst - Tillögur aðildarfélaga og einstakra félaga skulu hafa borist framkvæmdastjórn 10 vikum fyrir upphaf landsfundar.

Byrjun september - Framkvæmdastjórn fyrirskipar kosningar til landsfundar. Stillt skal svo til að þær geti sem víðast farið fram á sama tíma og verið lokið um líkt leyti. Þó getur framkvæmdastjórn, ef sérstaklega stendur á fyrir einhverju aðildarfélagi eða félögum, veitt þeim annan tíma til kosningarinnar en almennt er ákveðinn ef félagsfundur eða stjórn félagsins ber fram ósk þar um við framkvæmdastjórn.

Engu aðildarfélagi er heimilt að hefja kosningu til landsfundar fyrr en framkvæmdastjórn hefur fyrirskipað kosningar. Kosningar til landsfundar skal tilkynna hverju aðildarfélagi bréflega.

10. sept. - Tillögur og niðurstöður málefnanefda skal senda aðildarfélögum til umræðu og umsagnar a.m.k. 8 vikum fyrir upphaf landsfundar.

20. sept. - 45 dögum fyrir landsfund rennur út lokafrestur til að krefjast allsherjaratkvæðagreiðslu vegna formannskjörs.

24. sept. - Tillögur að lagabreytingum skulu sendar skrifstofu eigi síðar en 6 vikum fyrir boðaðan landsfund.

8. okt. - Skiladagur athugasemda og ábendinga tillagna frá aðildarfélögum minnst 4 vikum fyrir upphaf landsfundar.

15. okt. - Aðildarfélög skulu þremur vikum fyrir landsfund senda framkvæmdastjórn lista með nöfnum kjörinna landsfundarfulltrúa. Framkvæmdastjórn skal til bráðabirgða athuga hvort samræmi sé milli fjölda félagsmanna og kjörinna fulltrúa en afhenda kjörstjórn síðan gögn þessi við upphaf landsfundar.

29. okt. - Framboðsfrestur til formannskjörs á landsfundi skulu berast til framkvæmdastjórnar. Fari ekki fram allsherjaratkvæðagreiðsla um embætti formanns samkvæmt gr. 6.01 skal formaður kjörinn á reglulegum landsfundi. Kjörgengir eru allir félagar 18 ára og eldri. Framboð skulu berast framkvæmdastjórn skriflega eigi síðar en einni viku fyrir upphaf landsfundar. Kosning skal fara fram þótt aðeins einn hafi gefið kost á sér.

Við minnum formenn málefnanefnda, aðildarfélaga og landshreyfinga á að í ágúst er fyrirhugaður undirbúningsfundur þar sem farið verður yfir vinnulag í aðdraganda landsfundar.

Landsfundur verður 6. og 7. nóvember og verður það vonandi hressilegur upptaktur fyrir kosningar sem ættu þá ekki að vera langt undan.

Hér má nálgast dagskrá landsfundar Samfylkingarinnar 2020. Inn á milli dagskrárliða og atriða munu verða sýnd myndbönd úr ýmsum áttum, frá þingflokki, landshreyfingum flokksins, skemmtiatriði, afmælismyndband og jafnvel fleirum.

Hljómsveitin GÓSS með þeim Sigríði Thorlacius, Sigurði Guðmundssyni og Guðmundi Óskari Guðmundssyni spila fyrir okkur ljúfa tóna eins og þeim einum er lagið. Engin önnur en Saga Garðars sér um að við munum öll brosa og hlægja.

16:00 Setningarathöfn - Logi Einarsson formaður setur landsfund

16:15 Kjörskrá til formannskjörs lokar

16:30 Kosning til formanns hefst (kosning er opin í 50 mín.)

17:30 Kjöri formanns lýst og niðurstöður kynntar 

19:00 Kjörskrá og framboðsfrestur í önnur embætti rennur út

20:00 Kosning varaformanns hefst (kosningu lýkur kl. 10:20 daginn eftir)

Vinnustofa menntanefndar Samfylkingarinnar.

Miðvikudagur 4. nóvember kl. 16-18 á Zoom: https://zoom.us/j/99716969192

Berglind Rós Magnúsdóttir, dósent við menntavísindasvið Háskóla Íslands. 

Málþroski leikskólabarna - Hvað skiptir máli?

Sólveig Ásgrímsdóttir, sálfræðingur og formaður 60+. 

Jafnrétti í skólastarfi – Áhersla á framhaldsskólana.

Steinn Jóhannsson, rektor Menntaskólans við Hamrahlíð.

Námsleg og félagsleg staða nemenda með íslensku sem annað mál í íslenskum skólum.

Donata H. Bukowska, kennsluráðgjafi í málefnum nemenda með íslensku sem annað mál í grunnskólum Kópavogs. 

Mikilvægasta jöfnunartækið - Menntastefna Samfylkingarinnar

Jóhanna Vigdís Guðmundsdóttir, formaður menntanefndar Samfylkingarinnar, varaþingmaður og framkvæmdastjóri Almannaróms, miðstöðvar máltækni. 

Vinnustofa menntanefndar Samfylkingarinnar

Kæru félagar, ég hef ákveðið að bjóða mig fram í framkvæmdarstjórn.

Þið sem þekkið mig ekki þá heitir ég Hildur Rós Guðbjargardóttir og er ég þriggja barna móðir í Hafnarfirði, vinn á hjúkrunarheimili og er í grunnskólakennara námi. Ég ólst fyrstu árin upp á Eyrarbakka og fluttist á milli staða. Ég er barn einstæðrar móður og þekki það að vera barn öryrkja og búa við fátækt. Reynslan sem hefur mótað mig sem jafnaðarkonu teygir sig í upplifanir á eigin skinni sem einnig er raunveruleiki margra í samfélaginu. Ég tel að reynsla mín sé verðmæt og að ég geti boðið upp á þekkingu og sýn sem nýtist í starfi.  Ég hef ég verið viðloðandi Samfylkinguna síðan 2016 vegna þess að ég heillaðist að jafnaðarstefnunni og hugmyndinni um jöfn tækifæri allra. Ástæðan fyrir því að ég býð mig fram í framkvæmdarstjórn er einfaldlega vegna þess að mig langar að efla fræðslu innan flokksins, leggja sterkari grunn fyrir því út á við hvað Samfylkingin stendur fyrir og allra helst styrkja og styðja aðildarfélögin og grasrótina með betri hætti. Að lokum þykir mér mikilvægt að fara í stefnumótun strax eftir landsfund og efla samstöðu fyrir komandi kosningar.  

Með bestu kveðju,
Hildur Rós Guðbjargardóttir

Hildur Rós Guðbjargardóttir - framkvæmdarstjórn

Tillaga borgarfulltrúa Samfylkingar, Viðreisnar, Pírata og Vinstri grænna um neyslurými í Reykjavík var einróma samþykkt. 

Lagt var til að velferðarsviði verði falið að ganga til viðræðna við heilbrigðisráðuneytið um sameiginlegan rekstur á neyslurými í Reykjavík. Í framhaldinu verði lögð fram kostnaðarmetin tillaga til meðferðar velferðarráðs og samþykktar í borgarráði.

Borgarfulltrúar Samfylkingarinnar, Viðreisnar, Pírata og Vinstri grænna lögðu fram svohljóðandi bókun:

Við viljum stuðla að því að neyslurými opni í Reykjavík. Markmið okkar er að halda áfram innleiðingu skaðaminnkandi hugmyndafræði í þjónustu Reykjavíkurborgar sem er mannréttindamiðuð nálgun sem byggist á því að draga úr skaða og aðstoða einstaklinga á þeirra eigin forsendum. Til að neyslurými verði að veruleika og nái þeim árangri sem lagt er upp með þarf samstarf við heilbrigðisráðuneyti um nauðsynlega heilbrigðisþjónustu. Reynsla annarra landa sýnir að opnun neyslurýma dregur úr skaðlegum afleiðingum sem fylgja neyslu ávana- og fíkniefna. Neyslurými stuðla einnig að því að færri neyta slíkra efna utandyra á almannafæri og hafa neyslurými því einnig jákvæð áhrif á nærsamfélagið.

formaður vel­ferðarráðs borg­ar­inn­ar og varaformaður Samfylkingarinnar, sem flutti til­lög­una fyr­ir hönd meiri­hlut­ans.

Það er mik­il­vægt að í okk­ar sam­fé­lagi sé slíkt úrræði sem standi fólki opið

Reykjavíkurborg hefur viðræður við ríkið um neyslurými

Ég heiti Kjartan Valgarðsson, Hvergerðingur, Vesturbæingur í marga ættliði, Þingeyingur, V-Skaftfellingur og jafnaðarmaður. Ég hefi starfað með Samfylkingunni frá stofnun, gegnt ýmsum trúnaðarstöðum, setið í framkvæmdastjórn, verið gjaldkeri og formaður Samfylkingarfélagsins í Reykjavík og formaður fulltrúaráðsins í Reykjavík, stjórnað kosningabaráttu í höfuðborginni, m.a. þeirri þegar við hringdum í 20.000 kjósendur. Nú er ég fluttur á Álftanesið og er ritari Samfylkingarfélagsins í Garðabæ. Tók þátt á árum áður í ferðum Skíðafélags jafnaðarmanna, Reiðfélags jafnaðarmanna og nú nýlega í Ferðafélagi jafnaðarmanna. Er aðdáandi Bókmenntafélags jafnaðarmanna. Er með BA próf frá HÍ í íslensku og bókmenntafræði og hef unnið í nánast öllum atvinnugreinum landsins. Ég hefi búið langdvölum erlendis, í Danmörku, Svíþjóð, Frakklandi og Moçambique og vildi ekki hafa misst af því.

Ég brenn fyrir að gera Samfylkinguna að öflugri flokki, með lifandi aðildarfélögum, skapandi málefnastarfi, skýrri jafnaðarstefnunni, auknu samstarfi við verkalýðshreyfinguna, námskeiða- og fræðslustarfi fyrir flokksmenn og mjög öflugu starfi í yngri flokkunum. Efling hreyfingar ungra jafnaðarmanna mun skila okkur enn öflugri liðsmönnum og -konum, talsmönnum og frambjóðendum og baráttufólki fyrir kjörum ungs fólks.

Alþingiskosningarnar að ári verða afdrifaríkar. Þá mun ráðast hvort hér muni halda áfram ríkisstjórn auðvalds og sérhagsmuna eða hvort við náum að mynda umbótastjórn sem tekur á óréttlætinu í fiskveiðistjórnarkerfinu, bætir kjör vinnandi fjölskyldufólks, eykur jöfnuð og sækir fram með grænni efnahagsstefnu.

ég mun leggja mig allan fram um að flokkurinn komi eins sterkur til þess leiks og nokkur kostur er. Það mun velta á skipulagi, atvinnumennsku, ósérhlífni, baráttugleði og vinnu þúsunda flokksfélaga og stuðningsfólks.

Landsfundur Samfylkingarinnar verður haldinn í gegnum fjarfundarbúnað dagana 6. og 7. nóvember.  Hægt er að hafa samband við skrifstofu ef frekari upplýsinga er óskað með því að senda póst á samfylking@samfylking.is eða í síma 414 2200.

Landsfundargjald er kr. 2.900 og 1.900 fyrir námsmenn í fullu námi, lífeyrisþega og atvinnuleitendur. Við greiðslu gjaldsins fá landsfundarfulltrúar kjörgengi til að greiða atkvæði vegna kosninga á fundinum, fundurinn og allar atkvæðagreiðslur verða með rafrænum hætti.

Kosningar á fundinum verða rafrænar og kosið í gegnum tölvu eða snjalltæki. Landsfundarfulltrúar þurfa því að tryggja að þeir hafi gild rafræn skilríki eða íslykil fyrir landsfund. 

Í ár mun landsfundur Samfylkingarinnar vera með rafrænu sniði

Leit um „��"

3369 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

3369 niðurstöður fundust við leit að „������������������������������������������������������������"