Framkvæmdastjóri Almannaróms og varaþingmaður Reykjavíkurkjördæmis suður

Jóhanna Vigdís Guðmundsdóttir

Þær eru margar fyrirmyndirnar í lífinu. Í mínu tilviki standa tvær fremstar meðal jafningja, fyrir óþreytandi mannréttindabaráttu alla sína starfsævi. Guðrún Ögmundsdóttir og Ruth Bader Ginsburg, betur þekktar sem Gunna Ö. og RBG. Báðar voru þessar merkiskonur lagðar til hinstu hvílu á árinu sem nú fer bráðum að ljúka – vonandi án frekari hamfara.

Rám röddin, óendanleg hlýjan og almenn skemmtilegheit gerðu Gunnu Ö. að uppáhaldi allra. Hvar sem hún staldraði við brást ekki að hún stóð vaktina sem óþreytandi baráttukona fyrir mannréttindum allra og veitti þeim sem þurftu aðstoð. Alls staðar tókst Gunnu Ö. að gera alla sem kynntust henni að betri manneskjum.

RBG dáðist ég að úr fjarlægð. Þrátt fyrir að útskrifast með hæstu einkunn úr laganámi gekk henni illa að finna vinnu við hæfi, hún var kona og árið 1959. Á tveggja ára tímabili, 1973-1975, flutti RBG sex mál sem vörðuðu jafnrétti kynjanna fyrir hæstarétti Bandaríkjanna og vann fimm þeirra. Eitt þeirra tryggði konum sjálfsákvörðunarrétt yfir eigin líkama. Seinna varð RBG dómari við þennan sama hæstarétt. Ef ykkur finnst þetta ekki nóg þá gat hún líka, á níræðisaldri, gert hliðarplanka.

Gunna Ö. og RBG náðu því í gegn sem þær ætluðu sér, þvert á flokkslínur og alltaf í þágu annarra. Þær gáfust aldrei upp heldur örkuðu áfram með hugsjónirnar, eitt skref í einu. Nú þurfum við hin að taka við og gæta réttinda þeirra sem þurfa okkar hjálp. Við skulum öll vera meira eins og Gunna Ö. og RBG.

Greinin birtist fyrst í Bakþönkum Fréttablaðsins 2. október 

FRESTAÐ!! - Aðalfundur Samfylkingarinnar í Hafnarfirði hefur verið boðaður miðvikudaginn 30. september, klukkan 20:00. Fundurinn verður haldin á Strandgötu 43, félagsheimili félagsins.

Dagskrá aðalfundar:

-Lögð fram greinargerð um starfsemi og afgreiddir endurskoðaðir reikningar Húsfélags Samfylkingarinnar í Hafnarfirði, sbr. 6. gr. í samþykktum fyrir Húsfélag Samfylkingarinnar í Hafnarfirði. Jafnframt, þegar það á við: Kosning og breytingar á samþykktum Húsfélagsins, sbr. 4. og 8. gr. samþykktanna.

Tillögur um lagabreytingar skulu berast stjórn félagsins á xshafnarfjordur@gmail.com

Lög félagsins má finna hér: http://xshafnarfjordur.is/felagid/log-samfylkingarfelagsins-i-hafnarfirdi/

Ef þyngri sóttvarnar reglur hafa verið settar getur verið að fundinum verði frestað eða færður á alnetið. Við hvetjum alla sem hafa áhuga á störfum félagsins að bjóða sig fram til setu í stjórn.

Fyrir hönd stjórnar,

FRESTAÐ! - Aðalfundur Samfylkingarinnar í Hafnarfirði

Það hefur sjaldan verið eins ljóst að þörf er á miklum breytingum í kvótakerfinu þar sem hagsmunir þjóðarinnar verði hafðir að leiðarljósi. Hópur útgerðarmanna hefur á liðnum árum fengið að nýta sameiginlega auðlind okkar allra í sína eigin þágu og m.a. til að styðja hið afturhaldssinnaða málgagn sitt sem hefur tapað hundruðum milljóna á liðnum árum. 

Heppilegasta leiðin til að ákvarða gjald fyrir sérleyfi til nýtingar á takmarkaðri auðlind er að nýta markaðslögmálin og hverfa frá núverandi, ótímabundnum sérleyfum í viðráðanlegum skrefum með útfærslu kerfis sem tekur tillit til byggðasjónarmiða, kemur í veg fyrir samþjöppun og virðir sérstöðu minni útgerða. Á þann hátt eru hagsmunir hinna dreifðu byggða landsins betur tryggðir og útgerðarmönnum er gert skylt að skila auknum hluta arðsins aftur til samfélagsins. 

Samfylkingin í Norðvesturkjördæmi fagnar áframhaldandi uppbyggingu laxeldis á Vestfjörðum og hvetur stjórnvöld til þess að stuðla að frekari rannsóknum og skynsamlegri nýtingu á lífríkinu í fjörðunum þar sem það stuðlar að auknum atvinnumöguleikum á svæðinu. Það er undirstaða þess að sporna gegn fólksfækkun og auka lífsgæði í byggðunum, samfélaginu öllu til heilla. 

Margvíslegar úttektir leiða í ljós að ójöfnuður eykst og eignir og fjármunir færast á stöðugt færri hendur á meðan stórir hópar í samfélaginu ná ekki endum saman. Það er krafa Samfylkingarinnar að þessu linni og snúið verði af braut sérhagsmunagæslu.

Tryggja þarf eftir megni jöfn tækifæri fólks, hvar sem er á landinu, til framfærslu, bóknáms-, verknáms- og símenntunar, grunnþjónustu, atvinnuþátttöku, samfélagslegrar virkni og fjölþættra tækifæra til nýsköpunar.  Krafa er um gjaldfrjálsa heilbrigðisþjónustu fyrir alla landsmenn. Þess er jafnframt krafist að snúið verði af braut sveltistefnu gagnvart hjúkrunarheimilum og heilbrigðisstofnunum.

Samfylkingin í Norðvesturkjördæmi leggur þunga áherslu á tafarlausar umbætur í samgöngumálum. Kjördæmið hefur setið eftir árum saman að þessu leyti og umferðaþungir vegakaflar eru orðnir lífshættulegir eins og dæmin sanna. Hefja þarf framkvæmdir eins og við endurgerð vegakaflans um Kjalarnes að Borgarfjarðarbrú með styttingu leiða milli byggðarkjarna í huga og umhverfisvæna kosti í samræmi við baráttuna um bætt loftslag. Einnig er löngu orðið tímabært að vegaumbætur við Vatnsnesveg og Skagastrandarveg fari að komast af stað eftir langa bið. Þá er þjóðarskömm að enn skuli framkvæmdum í Gufudalssveit ekki vera lokið eftir áratuga þref. 

Full ástæða er til að fagna því að framkvæmdum við Dýrafjarðargöng sé að ljúka. Þar með hillir undir langþráð markmið um samtengingu norður- og suðurhluta Vestfjarða. Krafa er gerð um að vegaframkvæmdum á Dynjandisheiði og í Arnarfirði verði hraðað þannig að nýr vegur geti stutt við ný Dýrafjarðargöng. Þá er fyllilega tímabært að jarðgangaframkvæmdir undir Mikladal og Hálfdán og við Súðavík verði strax settar í nýja jarðgangaáætlun.

Mikilvægt er að á Íslandi fái þrifist öflugt og fjölbreytt atvinnulíf sem er undirstaða þess að fólk geti haft lífsviðurværi á landsbyggðinni og þess samhliða gætt að réttindi verkafólks séu virt í hvívetna.  Þá er það skýlaus krafa að málefni innflytjenda og flóttafólks fái réttláta og sanngjarna meðferð í stjórnkerfinu.

Samfylkingin í Norðvesturkjördæmi telur mikilvægt að viðhalda góðum árangri sem náðst hefur víða um land með áframhaldandi stuðningi við grasrótarstarf í samvinnu við íþrótta- og æskulýðssamtök. Einnig þarf að halda áfram að styðja við lista- og menningarstarf á landsbyggðinni sem er undirstaða öflugs félagsstarfs víða um land. 

Til að halda landinu öllu í byggð þarf að styrkja dreifikerfi rafmagns. Samfylkingin krefst þess jafnframt að samræmt raforkuverð til neytenda um allt land verði að veruleika. Nauðsynlegt er að þrýsta á stjórnvöld um að hraða lagningu þriggja fasa rafmagns og ljósleiðara, en það skiptir mörg fyrirtæki og landbúnað í kjördæminu gríðarlega miklu máli. Sérstaklega þarf að hafa í huga átak í ljósleiðaravæðingu smærri þéttbýlisstaða.

Stuðla þarf að sjálfbæru landbúnaðarkerfi sem eykur hagkvæmni í framleiðslu landbúnaðarafurða og tryggir þannig aukna verðmætasköpun. Til þess þarf að minnka miðstýringu tengda framleiðslukvótum og niðurgreiðslum framleiðenda. Þess í stað þarf að gera bændum kleift að sækja fram og gera hverjum og einum fært að einbeita sér að enn grænni búskap sem með hæfni þeirra og kostum jarðnæðis á hverjum stað skapar þeim best kjör. 

Síendurskoðuð fjármálaáætlun núverandi ríkisstjórnar Sjálfstæðisflokks, Framsóknarflokks og Vinstri grænna staðfestir að engra breytinga er að vænta varðandi fólk sem höllustum fæti stendur í samfélaginu og við það verður ekki unað. Eldri borgarar, öryrkjar, fatlaðir og margir aðrir þjóðfélagshópar hafa setið eftir í viðjum fátæktar og dæmt til að sækja sér aðstoð til hjálparsamtaka. Á þessum fordæmalausu tímum er atvinnulausum einstaklingum svo boðið upp á rúmar 240 þúsund krónur eftir skatt undir forystu Vinstri grænna. Hjálparhöndin getur verið langt undan þegar ráðherrastólar og félagsskapur íhaldssamra afla eiga í hlut. 

Krafan um lýðræðisumbætur og auðlindir í þjóðareigu með nýrri stjórnarskrá er enn í fullu gildi. Virða skal lýðræðislegar niðurstöður þjóðaratkvæðagreiðslu um stjórnarskrá sem var gerð fyrir fólkið í landinu af hópi fólks sem var ekki bundinn af eigin hagsmunum. Gera þarf breytingar á fiskveiðistjórnunarkerfinu með sanngjörnum leikreglum sem nýtast samfélaginu og atvinnugreininni. Sjálfbærni og virðing fyrir náttúru og umhverfi eiga að vera forsenda við nýtingu auðlinda landsins og grundvöllur heildstæðrar auðlindastefnu. 

Réttlæti, sanngirni, trúverðugleiki og heilindi eru forsenda heilbrigðra stjórnarhátta. Jafnaðarmenn eiga nú sem fyrr að fylkja sér um velferðina, samneysluna og ábyrgð í stjórnmálum undir merkjum Samfylkingarinnar.  

Samfylkingin í Norðvesturkjördæmi telur algjört forgangsatriði að tryggja samfélagslegan arð af auðlindum þjóðarinnar þar sem fullt gjald komi fyrir afnotin. Heppilegasta leiðin til að ákvarða gjald fyrir ótímabundin sérleyfi til nýtingar á takmarkaðri auðlind er að nýta markaðslögmálin og hverfa hið fyrsta frá núverandi kerfi í viðráðanlegum skrefum og útfæra nýtt kerfi með því að setja reglur sem taka tillit til byggðasjónarmiða, koma í veg fyrir samþjöppun og virða sérstöðu minni útgerða. Lögð er áhersla á áframhaldandi uppbyggingu laxeldis á Vestfjörðum og stjórnvöld eru hvött til þess að stuðla að skynsamlegri nýtingu á lífríkinu í fjörðunum þar sem það stuðlar að auknum atvinnumöguleikum á svæðinu. 

Samfylkingin í Norðvesturkjördæmi leggur þunga áherslu á tafarlausar umbætur í samgöngumálum. Kjördæmið hefur setið eftir árum saman að þessu leyti og umferðaþungir vegakaflar eru orðnir lífshættulegir eins og dæmin sanna. Hefja þarf framkvæmdir eins og við endurgerð vegakaflans um Kjalarnes að Borgarfjarðarbrú. Vatnsnesveg, Skagastrandarveg, Dynjandisheiði og í Arnarfirði. Þá er fyllilega tímabært að jarðgangaframkvæmdir undir Mikladal og Hálfdán og við Súðavík verði strax settar í nýja jarðgangaáætlun.

Krafan um lýðræðisumbætur og auðlindir í þjóðareigu með nýrri stjórnarskrá er enn í fullu gildi. Virða skal lýðræðislegar niðurstöður þjóðaratkvæðagreiðslu um stjórnarskrá sem var gerð fyrir fólkið í landinu af hópi fólks sem var ekki bundinn af eigin hagsmunum. 

kjördæmisráðs Samfylkingarinnar í Norðvesturkjördæmi

Stjórnmálaályktun: Samfylkingin í Norðvesturkjördæmi leggur áherslu á að staðið verði við þau fyrirheit að endurreisn velferðarkerfisins skuli vera algjört forgangmál. Þess sjást lítil merki í áherslum núverandi ríkisstjórnar. Í því sambandi er algjört forgangsatriði að tryggja samfélagslegan arð af auðlindum þjóðarinnar þar sem fullt gjald komi fyrir afnotin. 

Til framtíðar fyrir fólkið í landinu

Heiða Björg Hilmisdóttir, varaformaður Samfylkingarinnar og borgarfulltrúi, ræðir að þessu sinni við Sigríði Björk Guðjónsdóttur ríkislögreglurstjóra um ofbeldismál á tímum kórónaveirunnar.

Endilega sendið okkur ykkar spurningar og vangaveltur um málefnið

Samfylkingin í beinni er vettvangur þar sem jafnaðarmönnum gefst kostur á að ræða málin, leita hugmynda og spyrja spurninga. 

Samfylkingin í beinni: Ofbeldi og kórónaveiran

Samfylkingin hefur lagt fram tillögur um aðgerðir í þágu sveitarfélaga vegna faraldurs kórónuveiru. Aðgerðirnar miði að því að bregðast við tekjufalli sveitarfélaga á sama tíma og þjónustuþörf hefur aukist.  Logi Einarsson formaður Samfylkingarinnar er fyrsti flutningsmaður málsins. Sveitarfélög bera of miklar byrðar af fjárhagslegum afleiðingum faraldurs kórónuveiru í stað þess að ríkissjóður taki á sig stærri hluta ábyrgðarinnar. Á þessum fordæmalausu tímum er nærþjónusta mikilvæg sem aldrei fyrr. Miklar kröfur hafa þegar verið gerðar til sveitarfélaga um að þau haldi þétt utan um íbúa landsins og þjónusti viðkvæmustu hópa fólks. Ríkisvaldið þarf að koma til móts við sveitarfélög svo að hægt sé tryggja góða nærþjónustu við fólk um allt land til að takast á við kórónuveirufaraldurinn, þau hliðaráhrif sem af honum verða og eftirköst hans.

     1.      Auknum fjármunum verði varið til sóknaráætlana landshluta í samráði við landshlutasamtök sveitarfélaga.

     2.      Viðmiðunarfjárhæðir laga um opinber innkaup varðandi útboðsskyldu sveitarfélaga verði rýmkaðar tímabundið.

     3.      Framkvæmdasjóður aldraðra verði styrktur svo að unnt verði að ráðast í viðhaldsframkvæmdir og tryggja stofnkostnað nýrra  hjúkrunarheimila.

     4.      Byggðar verði fleiri almennar leiguíbúðir í samvinnu við sveitarfélögin.

     5.      Átak verði gert í íslenskukennslu atvinnuleitenda af erlendum uppruna.

     6.      Ríkissjóður komi til móts við sveitarfélög vegna lækkunar á tekjum þeirra.

     7.      Aukin fjárútlát sveitarfélaga vegna viðbragða við faraldri kórónuveiru verði bætt, t.d. í gegnum Jöfnunarsjóð sveitarfélaga.

Hér má finna tillöguna í heild sinni:

Samfylkingin hefur lagt fram tillögur um aðgerðir í þágu sveitarfélaga vegna faraldurs kórónuveiru.

Samfylkingarfélagið í Reykjavík býður þér í þekkingargöngu um Öskjuhlíðina og Vatnsmýri með Hjálmari Sveinssyni borgarfulltrúa sem leitast við að svara eftirfarandi spurningum og fleiri sem kunnu að vera bornar upp: 

Hvað er framundan í Vatnsmýrinni?
Hvernig mun íbúabyggðin líta út?
Hvað er að gerast í þekkingarsamfélaginu?
Hvernig verður með samgöngur á svæðinu, til dæmis úr Skerjafirði? Verður Borgarlínan á svæðinu?
Hvað með flugvöllinn? 

Lagt er af stað frá Perlunni kl. 17:00 og endaði í Fjósinu við Hlíðarenda þar sem kostur gefst á frekara samtali yfir kaffibolla ef fólk vill. 

Áætlað er að þekkingargangan taki rúmlega klukkustund. 
Gangan ætti að vera létt og henta flestum aldurshópum. Ef fólk á erfitt með gang til baka að Perlu - þá verður boðið upp á skutl frá Fjósi til Perlu. 

Við hvetjum barnafjölskyldur sérstaklega til þátttöku enda er Öskjuhlíðin ævintýraskógur fyrir börn.

Verið öll hjartanlega velkomin að fræðast um Vatnsmýrina okkar og framtíðina! 

Vatnsmýrin – þekkingarsamfélag, íbúabyggð og samgöngur

Aðalfundur sveitarstjórnarráðs á miðvikudag 6. maí kl. 17. Zoom slóð verður send á fulltrúa í ráðinu. 

Aðalfundur sveitarstjórnarráðs Samfylkingarinnar

Bryndís Friðgeirsdóttir hefur tekið við formennsku í kjördæmisráði Samfylkingarinnar í NV-kjördæmi fram að næsta aðalfundi þess sem haldinn verður í haust. Bryndís hefur gegnt varaformennsku í ráðinu en tekur nú við sem formaður af Ólafi Inga Guðmundssyni, sem ákveðið hefur að draga sig úr stjórn vegna búferlaflutninga í annað kjördæmi.  

Á fundi kjördæmisráðsins í gær þakkaði Ólafur stjórn fyrir gott og farsælt samstarf á liðnum árum. 

„Flokkurinn hefur gengið í gegnum margt í alþingis- og sveitarstjórnarkosningum í kjördæminu en ég tel að við getum vel við unað þegar litið er til baka. Þið getið alltat haft samband við mig eftir því sem þörf er á ef ég get eitthvað aðstoðað ykkur varðandi flokksmál eða annað,“ sagði Ólafur. 

Hann hvatti jafnaðarmenn í kjördæminu að auki til þess að setja aukinn kraft í félagsstarfið fyrir komandi Alþingiskosningar á næsta ári og óskaði stjórn og öðrum flokksmönnum velfarnaðar. 

Ólafur Ingi hefur verið í stjórn kjördæmisráðsins í rúman áratug, þar af átta ár sem formaður. Samfylkingin – Jafnaðarmannaflokkur Íslands sendir Ólafi innilegar þakkir fyrir óeigingjarnt og öflugt starf.

Bryndís Friðgeirsdóttir tekur við formennsku kjördæmisráðs í NV-kjördæmi 

Kæru félagar, í alþjóðanefnd Samfylkingarinnar, Magnús Árni Skjöld Magnússon, formannður nefndarinnar, verður með skipulagsfund á zoom í fyrra fallinu eða 8:30 til 9:30, 13. maí. Hægt verður að komast á fundinn á þessari slóð:https://zoom.us/j/93289765979


Alþjóðanefnd Samfylkingarinnar morgunfundur á Zoom 

Í dag fögnum við því að Samfylkingin – jafnaðarmannaflokkur Íslands er tuttugu ára. Við ætluðum vissulega að gera það með talsvert öðru sniði en þurfum að laga okkur að skrýtnum aðstæðum. Það bíður hentugri tíma að hittast og fagna áfanganum saman.

Tuttugu ár eru auðvitað ekki ekki ýkja hár aldur, jafnvel þó miðað sé við mannsævi – en flokkurinn á þó rætur mikið lengra aftur, allan fullveldistímann, jafnvel lengur en það. Og hann byggir á jafnaðarstefnunni, hugmyndafræði sem hefur legið til grundvallar mörgum af  farsælustu samfélögum veraldar.

Með nokkurri einföldun er hægt að líkja Samfylkingunni við straumþungt fljót sem sækir kraft sinn í ótal kvíslar, af öllum stærðum og gerðum en þar eru fjórar sterkastar.

Ein er gamli Alþýðuflokkurinn sem var stofnaður var 1916 um leið og Alþýðusambandið og var hugsaður sem þinglegur armur þeirrar hreyfingar og náði að leita til lykta á þeim vettvangi mörg af brýnustu baráttumálum verkalýðshreyfingarinnar á 20. öld. Önnur er svo Alþýðubandalagið sem varð til úr samruna margra þeirra sem stilltu sér upp til vinstri við Alþýðuflokkinn og vildu berjast gegn veru hersins hér.  Þriðja kvíslin kemur úr kvenfrelsishreyfingunni sem alltaf hefur verið öflug í flokknum okkar en hafði áður bylt Alþingi með tilkomu Kvennalistans, Fjórða kvíslin er svo Þjóðvaki þar sem margir landlausir jafnaðarmenn fylktu sér undir merki Jóhönnu Sigurðardóttur.

Allt þetta fólk og fleira til kom saman í Samfylkinguna til að láta drauminn rætast um að vinna saman að sameiginlegum hugsjónum en láta ekki ágreiningsmál sundra sér.

Jafnaðarstefnan er nefnilega bæði víð og skýr og byggir á á tveimur meginstoðum, sem mega ekki án hvor annarrar vera: félagslegu réttlæti og ábyrgri efnahagsstefnu: Báðar þessar stoðir þurfa að vera styrkar ef samfélaginu á að vegna vel.

Efnahagslegur stöðugleiki, mikil atvinnuþáttaka og eftirsóknarvert fjárfestingaumhverfi þarf til að ýta undir öflugt og fjölbreytt atvinnulíf sem getur þolað utanaðkomandi áföll. Kraftmikil og útsjónasöm fyrirtæki eru nauðsynleg til að halda uppi hagvexti, skapa nýja vöru og þjónustu og fjölga störfum.Það er eitt af höfuðmarkmiðum Samfylkingarinnar að stuðla að blómlegu íslensku atvinnulífi; að fyrirtæki á einkamarkaði skapi aukin verðmæti og fleiri störf.

Líklega er fátt jafn mikilvægt – nema kannski hin meginstoð jafnaðarstefnunar;

félagslegt réttlæti. Réttlæti er alltaf markmið í sjálfu sér en það er líka forsenda blómlegs atvinnulífs.Því öflugt velferðarkerfi og öryggisnet er nauðsynlegt til að allir hafi tækifæri til að þroska hæfileika sína og leggja af mörkum til samfélagsins. Jafnari tekjur og sómasamleg lífskjör allra eru nauðsynlegur partur af því að auka framleiðni, skilvirkni og verðmætasköpun.

Þó verkefnið sé ávallt að styrkja þessar megin stoðir, geta leiðirnar til þess þó tekið breytingum. Stjórnmálaflokkar þurfa alltaf að vera reiðubúnir til að laga sig að nýjum veruleika; verða fyrir áhrifum nýrra strauma og mega ekki læsast í tæknilegum lausnum eða kreddum.

Liður í þessari stöðugu endurmótun er öflug grasrót, með líflegu félagsstarfi, sem mótar grunnstefnu og sýnir kjörnum fulltrúum aðhald. Gæfa Samfylkingarinnar er að búa yfir slíkum mannauð. Grasrót sem mótar stefnu í anda kjörorða okkar um frelsi, jafnrétti og samstöðu og byggir á klassískum gildum jafnaðarstefnunnar um mannúð, umburðarlyndi og víðsýni.

Við þurfum líka að haga stefnu okkar þannig að við aukum líkurnar á að hún nái fram að ganga. Í fjölflokka lýðræði getur verið vafasamt að keppa eingöngu um afdráttalausustu stefnuna. Hún þarf líka að taka mið af því, að það þarf oftast að hrinda henni í framkvæmd í samvinnu við aðra flokka: Þannig hafa mörg helstu baráttumál okkar Jafnaðarmanna náð fram með ára-, jafnvel áratuga baráttu.

Þrátt fyrir þetta hins vegar líka mikilvægt að við séum staðföst og gefum ekki grunngildin eftir fyrir stundarvöld sem skila okkur kannski litlu.

Stjórnmál eru ekki spretthlaup, heldur langhlaup sem krefst úthalds og æðruleysis.

Í augnablikinu stendur samfélag okkar frammi fyrir gríðarlega erfiðu verkefni, samfara baráttunni við veiruskrattann.

Eins öruggur og ég er að við sigrumst á honum – er líka ljóst að uppbyggingin í kjölfarið verður prófsteinn á það hvernig samfélag við viljum byggja hér upp í framhaldinu.

Veiran hefur fært okkur heim sanninn um nauðsyn þess að hafa sterkt velferðarkerfi og öfluga samneyslu, þó vissulega ættum við að dreifa byrðunum jafnar.

Þá hefur erfiður vetur kennt okkur að við verðum að gera betur, svo við getum tryggt nægilega sterka og vel fjármagnaða grunninnviði sem þjóna öllum landsmönnum frá degi til dags – en geta líka þolað áraun;  staðið af sér hörð vetrarveður eða skæðan faraldur sem við upplifum nú. Þetta á við um samgöngurnar okkar, fjarskiptin, rafmagnið – en líka menntun og heilbrigðisþjónustu.

Í ljósi þessarar nýlegu reynslu er það því beinlínis furðulega einfölduð heimsmynd, sem birst hefur í ummælum stjórnmálafólks og talsmanna einstakra hagsmunasamtaka, sem fullyrða að verðmætin skapist fyrst og fremst hjá einkafyrirtækjum en ekki hjá hinum opinberu.

Í þessu samhengi er ágætt að skoða eina af okkar mikilvægustu atvinnugreinum, sjávarútveginn.

Vissulega hafa harduglegir og framsýnir sjómenn lagt þungt á lóðarskálar almennrar velsældar hér á landi – en það það væri gróf einföldun að álykta að veiði, vinnsla og sala væri upphaf og endir á verðmætasköpuninni: Þótt hún sé vissulega mikilvægur partur af henni.

Án skóla sem skapa þekkingu og efla hugvit, heilbrigðiskerfis, hafrannsókna, nýsköpunarsjóða, eftirlits, útfærslu landhelgi og alþjóðlegra viðskiptasamninga, er ég hræddur um að hver fiskur dreginn úr sjó væri nokkuð verðminni en ella.

Þetta á að sjálfsögðu við um alla vöru sem framleidd er. Verðmætin eru tilkomin vegna flókins gangverks samfélagsins, sem við tökum öll þátt í að skapa, með einum eða öðrum hætti.

Það er því mikilvægt að víðtæk sátt náist um sanngjarna skiptingu arðsins og réttláta skiptingu gæða. Þetta er ekki síst mikilvægt nú þegar við siglum inn í spennandi en ógnvænlega framtíð byltingarkenndra breytinga.

Við stöndum nefnilega frammi fyrir tækniþróun sem er að gjörbreyta samfélaginu. Tæknin mun ekki eingöngu koma í stað vöðvaafls, heldur líka hugarafls að einhverju marki. Gervigreind mun gefa vélum áður óþekkta hæfni og innan fárra áratuga verður þátttaka mannsins í samfélaginu með allt öðrum hætti en við höfum þekkt hingað til.

Í þessu felast vissulega mikil tækifæri, ef við höfum jafnaðarstefnuna að leiðarljósi.

Framleiðni getur aukist, sem er forsenda þess að við getum tekist á við breytta aldurssamsetningu mannkyns. Möguleikar skapast til vistvænni framleiðslu, sem eru nauðsynleg viðbrögð við loftslagsógninni og síðast en ekki síst getur hún nýst til að jafna stöðu milli ríkari og fátækari hluta heimsins. Allt þetta er svo forsenda fyrir langþráðum friði í heiminum.

Þessum breytingum fylgja þó líka ógnir, ef höldum ekki rétt á spilunum: Sundurlyndi þjóða gæti aukist, með vaxandi ófriði og minni möguleikum til að samhæfa nauðsynlegar, róttækar, loftlagsaðgerðir. Loks gæti bilið milli þeirra efnameiri og snauðu, náð áður óþekktum hæðum.

Við erum lánsöm að hér á landi ríkir meiri jöfnuður en víða annars staðar, en samt þarf að gera miklu betur og vera vakandi gagnvart tilhneigingum til aukins ójöfnuðar. Ójöfnuður á sér nefnilega fleiri birtingarmyndir en tekjur eða auðsöfnun.

Ójöfnuður birtist til dæmis í heilsu fólks: Ungur karlmaður með grunnskólapróf getur vænst þess að lifa heilum fimm árum skemur en karlmaður með háskólapróf.

Í skólakerfinu sjálfu er ein birtingarmynd ójafnaðar meira brottfall efnaminni nemenda og barna innflytjenda.

Á húsnæðismarkaði birtist ójöfnuðurinn í því að sum geta sennilega aldrei vænst þess að kljúfa útborgun og eignast eigið húsnæði.

Loks er byggðaójöfnuður orðið alþjóðlegt vandamál. Börn sem fæðast í dreifbýli hafa færri tækifæri til að rækta hæfileika sína en börn í borgum. Fólk hefur heldur ekki jafnan aðgang að heilbrigðisþjónustu, menningu eða jafnvel raforku!

Já, ójöfnuðurinn finnst víða – og þar sem hann þrífst gegna jafnaðarmenn mikilvægu hlutverki.

Ójöfnuður sogar mátt úr samfélögum.

En samfélög með miklum jöfnuði, sem gera öllum einstaklingum innan þeirra kleift að þroska hæfileika sína og nýta þá með einum eða öðrum hætti í þágu samfélagsins, eru hins vegar bæði kraftmeiri og friðsamari en önnur. Þar ríkir einfaldlega meiri hagsæld, samkvæmt öllum mælikvörðum.

Okkar bíða ærin verkefni kæru félagar og það mikilvægasta í dag er að koma í veg fyrir það að ójöfnuður aukist í núverandi kreppu.

Við þurfum þó líka að hafa kjark og framsýni til þess að horfa til framtíðar, jafnvel nú á þessum skrítnu tímum.

Í fyrsta lagi þarf. að gera róttækar breytingar á skattkerfinu, til að hindra að ágóðinn af tækniþróuninni verði ekki allur eftir hjá alþjóðlegum risafyrirtækjum. Slíkt mundi leiða til þess að stjórnvöld réðu ekki við að halda upp öflugu velferðarkerfi

Í öðru lagi verður að fjárfesta miklu meira í menntun. Byggja á hugviti og leggja meiri áherslu á fjölbreytt atvinnulíf: Skapa ný og spennandi störf í grænu hagkerfi.

Í þriðja lagi eigum við að leggja meiri rækt við gildi og siðvit. Framtíðin ber nefnilega einnig með sér siðferðilegar hættur, og gildi eins og samhjálp – umburðarlyndi og víðsýni verða að vera leiðarstef okkar inn í spennandi en óræða framtíð.

Því er það mikilvægt að Samfylkingin sameini umbótaaöflin og leiði ríkisstjórn sem er fær um að takast á við framtíðina; ráðast í þessar nauðsynlegu breytingar og gera betur fyrir fólkið í landinu.

Þetta er skylda okkar, því hið sögulega hlutverk Samfylkingarinnar er að fylkja saman fólki og knýja fram breytingar til hins betra. Hvort sem það er gert í einum stórum flokki eða góðu samstarfi margra flokka

Kæru jafnaðarmenn. Ég hlakka til að hitta ykkur augliti til auglitis og ræða við ykkur um sóknarfæri flokksins, takast mögulega á um leiðir og sammælast að lokum um aðgerðir sem þjóna hugsjónum okkar og hagsmunum almennings.

Kæru vinir, ég óska ykkur hjartanlega til hamingju með daginn!

Í dag fögnum við því að Samfylkingin – jafnaðarmannaflokkur Íslands er tuttugu ára.

Ávarp formanns í tilefni 20 ára afmælis Samfylkingarinnar

Leit um „��"

3373 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3373 niðurstöður fundust við leit að „���������������������������������������������������"