Samfylkingin og óháðir bjóða þér að koma á spilakvöld þar sem verður létt stemning fram eftir kvöldi. Spilakvöldið fer fram á kosningaskrifstofu flokksins, Eyravegi 23.

Kjörið tækifæri til að kynnast frambjóðendum og taka spjallið.
Það eru að sjálfsögðu öll velkomin.

Mánudaga - föstudaga: 11:00-14:00 og 16:00-19:00. Laugardaga: 11:00-14:00.

Kosningaskrifstofa Hafnarstræti 5

Kosningastjóri

Kristrún Halla Gylfadóttir

Á nýlegum fundi samtakanna var sérstaklega fjallað um almenna íbúðakerfið og ábyrgð sveitarfélaga í uppbyggingu húsnæðis. Spurningin sem brennur á mörgum er einföld – en þung: Hvar á unga fólkið og venjulegt launafólk að búa?

Húsnæði er ekki bara markaðsvara
Á undanförnum áratugum hefur húsnæðismarkaðurinn í auknum mæli mótast af lögmálum markaðarins. Á sama tíma hefur framboð á félagslegu húsnæði dregist verulega saman. Fyrir um 25 árum voru um 7% íbúða hluti af verkamannabústaðakerfinu – í dag er hlutfall almennra íbúða innan við 1%.

Þessi þróun hefur raunverulegar og áþreifanlegar afleiðingar:

Ungt fólk á erfiðara með að komast inn á markaðinn

Láglaunafólk á erfiðara með að festa rætur í samfélaginu

Þess vegna skiptir almenna íbúðakerfið svo miklu máli.

Sveitarfélögin skipta sköpum
Eitt það mikilvægasta sem fram kom á fundinum er að sveitarfélögin eru lykilaðilar í lausninni. Þau skipuleggja land fyrir húsnæði, úthluta lóðum og taka þátt í fjármögnun með stofnframlögum. Kerfið byggir á samvinnu ríkis og sveitarfélaga til að tryggja byggingu leiguíbúða á viðráðanlegu verði. Markmiðið er skýrt, þ.e. að fólk greiði ekki meira fyrir húsnæði en það ræður við.

Þetta er ekki bara stefna – þetta er verkfæri sem virkar, ef vilji er fyrir hendi.

Hveragerði á að vera fyrir alla
Sem frambjóðandi á S-listanum í Hveragerði spyr ég: Viljum við bæ fyrir alla – eða aðeins fyrir suma?

Hveragerði hefur vaxið hratt og er eftirsóttur staður til búsetu. En án fjölbreytts húsnæðis lokum við dyrunum fyrir stórum hópi fólks, svo sem ungu fólki sem vill setjast hér að og eldra fólki sem vill minnka við sig. Við megum ekki láta bæinn þróast eingöngu fyrir þá sem hafa mest á milli handanna.

Við verðum að halda áfram
Hveragerði hefur þegar stigið mikilvæg skref með þátttöku í uppbyggingu húsnæðis í samstarfi við óhagnaðardrifin leigufélög. En það er ekki nóg – við verðum að halda áfram.

Almenna íbúðakerfið er eitt af fáum raunhæfum verkfærum sem við höfum til að:

Ef sveitarfélög halda að sér höndum hægir á uppbyggingu – og vandinn eykst enn frekar.

Skýr stefna til framtíðar
Sem hluti af S-listanum vil ég að Hveragerði:

haldi áfram samstarfi við óhagnaðardrifin leigufélög

nýti skipulagsvald sitt til að tryggja lóðir fyrir slíka uppbyggingu

taki virkan þátt í almenna íbúðarkerfinu

Þetta snýst ekki um hugmyndafræði – þetta snýst um raunveruleg lífsgæði íbúa í Hveragerði.

Húsnæði er grunnforsenda öryggis og lífsgæða
Húsnæði er ein af grunnforsendum öryggis og lífsgæða. Það eiga ekki að vera forréttindi að koma sér þaki yfir höfuðið heldur sjálfsagður réttur. Ef við viljum að Hveragerði sé samfélag fyrir alla – en ekki aðeins þá sem hafa efni á því – þurfum við að huga vel að næstu skrefum.

Á nýlegum fundi frambjóðenda í Hveragerði með ungmennaráði var einmitt spurt um húsnæðismál ungs fólks. Við sem skipum S-listann viljum að ungt fólk geti búið hér og alið upp börnin sín, óháð efnahag. Til þess þurfum við að taka skýra og markvissa afstöðu. Við ætlum að vinna að því að Hveragerði verði áfram fallegur og fjölskylduvænn bær þar sem venjulegt fólk á raunhæfa möguleika á að koma sér upp heimili.

Við þurfum að halda áfram og gera enn betur.

Birgitta Ragnarsdóttir
Oddviti S-listans í Hveragerði

Í aðdraganda sveitarstjórnarkosninga hafa ASÍ og BSRB beint kastljósinu að einu stærsta réttlætismáli samtímans, húsnæðismálum. 

Tryggjum að Hveragerði verði áfram bær fyrir alla

Kosningastefna Samfylkingarinnar í Kópavogi 2026 - 2030

Þannig sköpum við andrými fyrir gæðastundir.

Þak á leikskólagjöld. Engin fjölskylda borgi meira en 50.000 kr. á mánuði í leikskólagjöld. 

100% systkinaafsláttur. Innleiðum hærri systkinaafslátt í skrefum og komum til móts við fjölskyldur með mörg börn.

Systkinaafsláttur þvert á skólastig. Sami afsláttur gildi í leikskóla, frístund og sumarnámskeiðum á vegum bæjarins.

Lægri gjöld vegna frístundavagns. Bærinn stígi inn og lækki kostnaðarhlutdeild foreldra.

Brúum bilið. Öll börn 12 mánaða og eldri fái leikskólapláss, með lögleiðingu leikskólastigsins í samvinnu ríkis og sveitarfélaga.

Öflugri kennsla og stuðningur við öll börn

Stytting biðlista eftir stuðningi. Yfir 100 börn bíða eftir lögbundinni stuðnings- og stoðþjónustu. Við munum tryggja snemmtæka íhlutun og aðgengi að sálfræðingum, félagsráðgjöfum og fagfólki í öllum skólum.

Efling sérúrræða. Skoða stofnun sérskóla í Kópavogi, mögulega í samstarfi við nágrannasveitarfélög, til þess að tryggja sérhæfða og samfellda þjónustu fyrir þann hóp barna sem þarf á því að halda og fjölga plássum í sérdeildum.

Færri nemendur í bekk. Minnkum álag á kennara og börn með stærri kennsluteymum.

Fleiri kennarar. Ráðumst í átak í ráðningu og menntun grunnskólakennara í Kópavogi. 

Bætum við fagfólki í skólanna. Förum í markvisst átak í ráðningum þroskaþjálfa, atferlisfræðinga, talmeinafræðinga og tómstundafræðinga í samráði við skólastjórnendur og fagaðila.

Hækkum frístundastyrkinn. Frístundastyrkurinn á að standa undir kostnaði á einni íþrótt og hækka með aldri barns.

Heilsusamlegar skólamáltíðir. Tryggjum að skólamáltíðir séu samkvæmt næringarviðmiðum.

Félagsmiðstöðvar opnar alla daga. Tryggjum að ungmenni hafi ávallt öruggan og eflandi samastað í umsjón fagfólks. 

Sumaropnun frístundaheimila. Veitum samræmda sumarfrístund í Kópavogi eins og annars staðar á höfuðborgarsvæðinu.

Veitum fötluðu fólki lögbundna þjónustu. 

Stytting biðlista. Styttum biðlista og setjum skýr viðmið um hámarksbiðtíma eftir stuðningi, búsetuúrræðum og dagþjónustu.

Efld akstursþjónusta. Elfum lykilþjónustu sem á að mæta raunverulegum þörfum fatlaðs fólks.

Atvinnuþátttaka. Bærinn bjóði upp á sveigjanleg störf fyrir fólk með breytilega starfsgetu og aukum markvisst samstarf við fyrirtæki í sveitarfélaginu um sveigjanleg störf.

Einföldun þjónustuferla. Sjáum til þess að enginn falli á milli kerfa og sveitarfélagið veiti skýrar upplýsingar í gegnum einn tengilið. 

2.  Hlúum að fólkinu sem byggði landið

Þannig tryggjum við að enginn sé einn á sínu ævikvöldi.

Stórefling heimaþjónustu. Gerum eldra fólki kleift að geta búið sjálfstætt eins lengi og það sjálft kýs.

Fjölbreytt húsnæði fyrir eldra fólk. Ráðumst í markvissa uppbyggingu á húsnæði í mismunandi stærðum og gerðum sem hentar öllum aldursstigum.

Uppbygging þjónustukjarna. Undirbúum byggingu þjónustukjarna tímanlega og spornum þannig við uppsöfnun biðlista.

Samþætting heimaþjónustu og heimahjúkrunar. Veitum þjónustu, upplýsingar og eftirfylgni á einum stað í stað þess að láta notendur þjónustu ganga á milli kerfa.

Tengiráðgjafar. Aðstoðum eldra fólk við að sækja sér þjónustu og sköpum umhverfi svo það geti haldist í virkni.

Uppbygging á hjúkrunarrýmum. Köllum ríkið og rekstraraðila hjúkrunarheimila að borðinu og ráðumst saman í uppbyggingu fleiri hjúkrunarrýma.

Félagsstarf á jafningjagrundvelli. Valdeflum 67–75 ára hópinn til að skipuleggja eigið félagslíf.

Bætt upplýsingagjöf um virknitilboð. Setjum upp skýrt yfirlit yfir þjónustu og félagsstarf fyrir eldra fólk.

Stöndum vörð um Virkni og vellíðan. Bætum upplýsingagjöf, miðlum skýrt upplýsingum um virknitilboð og þjónustu og viðhöldum verkefninu. 

Þannig verður betra að búa í Kópavogi.

Vöndum okkur í skipulagi og verndum græn svæði

Snúum okkur að Kópavogi. Á heildina litið verður húsnæðisvandinn ekki leystur í Kópavogi. Snúum forgangsröðum skipulagsákvörðunum í þágu þess að bæta bæinn fyrir núverandi íbúa.

Höldum þéttingu hóflegri og pössum upp á gæði. Setjum þróun byggðar þar sem þarfir íbúa í nærumhverfi, gott rými, aðgengi og græn svæði eru í fyrirrúmi.

Vernd grænna svæða. Dalir, strandlengjur og opin svæði njóti verndar í skipulagi bæjarins.

Heildstætt skipulag. Samræmum áætlanir, skipuleggjum heildrænt og stöndum við áætlanir.

Miðbær Kópavogs. Skýr og metnaðarfull plön fyrir lifandi miðpunkt mann- og atvinnulífs, þjónustu og menningar.

Fleiri tré og gróðursetning. Ráðumst í markvissa uppbyggingu grænna svæða um allan bæinn.

Nýtum plássið vel. Pláss undir ný hverfi er að þrotum komið í Kópavogi. Þess vegna er mikilvægt að ákvarðanir séu teknar til að nýta pláss sem eftir er vel.

Lóðir fyrir óhagnaðardrifið húsnæði. Förum í samstarf við verkalýðshreyfinguna og húsnæðissamvinnufélög og tryggjum lóðir undir óhagnaðardrifið húsnæði. 

Aukning á félagslegu húsnæði. Hlutfallið fer lækkandi miðað við íbúafjölda. Gerum áætlun um kaup á íbúðum til framtíðar.

Námsmannaíbúðir. Skipuleggjum svæði og hefjum samstarf við háskólana og stúdentafélögin og byggjum upp fyrstu námsmannaíbúðirnar í Kópavogi.

Húsnæði sem hentar. Tryggjum framboð á einstaklingsíbúðum og fjölbreyttu húsnæði.

Einfaldari leyfisveitingar. Setjum skýr tímamörk, færri formkröfur og einföldum leyfisferlið.

Einn viðkomustaður fyrir fyrirtæki. Léttum fyrirtækjum lífið með því að bjóða þeim upp á fastan tengipunkt fyrir samskipti þeirra við Kópavogsbæ. 

Breytt nálgun í leyfisveitingum. Treystum frumkvöðlum og fyrirtækjum til þess að hefja rekstur í stað þess að bíða eftir leyfi. Veitum leiðsögn og liðsinni um úrbætur þegar eftirlit leiðir í ljós að þörf er á úrbótum.

Atvinnuþróunarstefna. Setjum okkur skýra stefna um fjölbreytt og staðbundið atvinnulíf.

Lifandi menning og íþróttir í öllum hverfum

Menningarmiðstöð í efri byggðum. Reisum öfluga menningarinnviði í húsnæði sem er ætlað slíkri starfsemi.

Lengri opnunartími sundlauga. Höfum sundlaugar Kópavogs opnar þegar það er eftirspurn eftir þeirri þjónustu. 

Klárum íþróttamannvirkin. Kópavogsvöllur, Kórinn, sundlaugar og önnur íþróttamannvirki og aðstöður með það að leiðarljósi að bregðast við núverandi og framtíðar þörfum bæjarbúa. Gerum fjárfestingaráætlun til langs tíma á grundvelli fjárfestingargetu bæjarins í nánu samráði við íþróttafélögin.

Borgarlína, samgöngur og vistvænn bær

Borgarlínan sem burðarás. Tryggjum hagsmuni Kópavogsbúa með hröðum og áreiðanlegum tengingum Borgarlínunnar við Kópavog og nágrannasveitarfélög.

Samfellt göngu- og hjólastígakerfi. Bjóðum Kópavogsbúum upp á heildstætt net með áherslu á vetrarþjónustu og öryggi.

Gjaldfrjáls strætó fyrir 12–17 ára. Innleiðum gjaldfrjálsar almenningssamgöngur í skrefum fyrir 12-17 ára. 

Ábyrgur rekstur og gagnsæ stjórnsýsla

Sjálfbær fjármál. Sjáum til þess að rekstur Kópavogs standi undir sér án einskiptisaðgerða eins og lóðaúthlutana.

Minni skuldsetning. Viðvarandi skuldsetning sveitarfélagsins er dulin skattlagning á íbúa Kópavogs í framtíðinni.

Öflug stafræn þjónusta. Tryggjum einfaldar lausnir, gagnsæja afgreiðslu og að stafrænt þjónustusvæði bæjarins virki.

Raunverulegt samráð. Tryggjum að samtal við bæjarbúa sé ekki til sýnis heldur og tökum mark á athugasemdum og ábendingum. Það tryggir meiri sátt og betri ákvarðanir.

Hér má skoða kosningastefnuna í heild sinni á pdf skjali.

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. Nánari upplýsingar um persónuverndarstefnu Samfylkingarinnar. 

Stórbættar samgöngur og skipulag á forsendum mannlífs

Samfylkingin setur nauðsynlegar úrbætur í samgöngumálum í forgang. Íbúar eiga að komast greiðlega um bæinn og þeir eiga að geta nýtt sér fjölbreytta ferðamáta. Við ætlum að minnka skutlið með því að ungmenni fái frítt í strætó að 18 ára aldri og styðja þannig við almenningssamgöngur og vinna með því í þágu umhverfis- og loftslagsmála.

Samfylkingin ætlar að tryggja nauðsynlegar samgönguframkvæmdir á Reykjanesbraut frá N1 hringtorgi í átt að Kaplakrika, við Suðurhöfn í ljósi komu nýs Tækniskóla á svæðið og uppbyggingar nýrrar íbúðabyggðar og löngu tímabærar endurbætur á Flóttamannavegi. Hafnfirðingar þekkja umferðarhnútana vel á þessum stöðum og þá verður að leysa strax.

Það er svo sannarlega verk að vinna í samgöngumálum í Hafnarfirði og framkvæmdir þola enga bið!

fara í nauðsynlegar samgönguúrbætur á Reykjanesbraut frá N1 hringtorgi í átt að Kaplakrika.

fara í nauðsynlegar samgönguúrbætur við Suðurhöfn til þess að tryggja það að svæðið geti örugglega tekið við nýjum Tækniskóla og nýrri íbúðabyggð.

halda áfram að ýta á löngu tímabærar endurbætur á Flóttamannaveginum.

efla almenningssamgöngur með Borgarlínu og öflugu innanbæjarkerfi strætó.

ráðast strax í aðgerðir til að bæta umferðaröryggi gangandi vegfarenda yfir Reykjavíkurveg.

minnka skutlið í bænum og gera strætó gjaldfrjálsan fyrir börn og ungmenni að 18 ára aldri.

standa vörð um næturstrætó sem komið var á að frumkvæði Samfylkingarinnar í Hafnarfirði.

bæta hjóla- og göngustígakerfi bæjarins og tryggja betri tengingar til nærliggjandi sveitarfélaga, þannig að hjólreiðafólk komist með sem einföldustum hætti alla leið til Reykjavíkur.

tryggja að Þjónustumiðstöð Hafnarfjarðar hafi ávallt greiðan aðgang að besta fáanlega tækjabúnaði vegna snjómoksturs og að starfsemin verði styrkt til hagsbóta fyrir alla bæjarbúa.

bæta vetrarþjónustu í hverfum bæjarins og hvetja þannig til þess að börn og fullorðnir geti farið styttri ferðir gangandi eða hjólandi allt árið.

2. Skipulag á forsendum iðandi mannlífs og grænn bær

Samfylkingin vill byggja upp bæ sem er skipulagður með þarfir fólks í huga þar sem atvinna, menning og mannlíf fá að blómstra. Við ætlum að byggja upp bæ þar sem lögð er áhersla á fjölbreytta húsnæðisuppbyggingu. Til þess að það verði að veruleika þarf að vera nægt lóðaframboð og skipulag sem gerir ráð fyrir fjölbreyttri uppbyggingu fyrir unga sem aldna, fyrstu kaupendur, tekjulægri hópa og aðra.

Það er þörf á stórátaki í húsnæðismálum bæjarins og við ætlum okkur að standa fyrir því, m.a. í samstarfi við óhagnaðardrifin leigufélög, önnur félög sem stuðla að fjölbreyttri uppbyggingu og ríkið.

Samfylkingin er umhverfisflokkur sem leggur áherslu á öflugt atvinnulíf og nýsköpun í sátt við náttúruna. Mikilvægt er að fylgja eftir áætlunum um samdrátt í losun gróðurhúsalofttegunda og draga úr notkun jarðefnaeldsneytis. Við munum beita okkur í þágu umhverfisvænna og sjálfbærra lausna og ganga fram með góðu fordæmi í umhverfismálum. Við viljum bæ sem stendur vörð um náttúruperlur í upplandi bæjarins á sama tíma og íbúar geta notið þeirra með öruggum hætti.

Lífsgæði íbúa og iðandi mannlíf eru í forgangi þegar kemur að skipulagi. Horfa þarf á heildarmyndina jafnt sem mannleg smáatriði í umhverfinu þegar ný hverfi eru skipulögð og eldri svæðum breytt. Mikilvægt er að hugað að eflingu miðbæjarins á sama tíma og við varðveitum gömlu bæjarmyndina.

Skipulag þarf að vera fjölbreytt, bæði hvað varðar nýtingu lóða innan hverfa og eins íbúðagerða innan lóða. Stuðla þarf að jöfnu framboði lóða til nýbygginga, bæði með þéttingu byggðar og nýjum hverfum. Nauðsynlegt er þó að tryggja að þétting skerði ekki lífsgæði þeirra íbúa sem fyrir eru. Einnig verður skipulagið að taka mið af fjölbreyttum og ólíkum þörfum og Samfylkingin telur mikilvægt í allir skipulagsvinnu verði unnið eftir hugmyndafræði algildrar hönnunar og aðgengi allra verði tryggt.

Samfylkingin leggur áherslu á lýðræðislega þátttöku íbúa, aukið aðgengi fólks að ákvarðanatöku og samráði við íbúa áður en ákvarðanir eru teknar og gagnsæi í allri ákvarðanatöku í skipulagsmálum.

skipuleggja lóðir undir fjölbreytta uppbyggingu hagkvæms húsnæðis fyrir ungt fólk, fyrstu kaupendur, námsmenn, tekjulægri hópa og eldra fólk.

fara í samstarf við óhagnaðardrifin leigufélög á vegum verkalýðshreyfingarinnar enda hefur reynslan sýnt að slík uppbygging er besta leiðin til að ná niður leiguverði fyrir tekjulægri hópa.

halda áfram að vinna að uppbyggingu nýrrar hafnar í Straumsvík til að tryggja vöxt hafnsækinnar atvinnustarfsemi í bænum á sama tíma og við drögum úr umferð þungaflutninga í gegnum bæinn.

tryggja fjölbreytt framboð lóða til að stuðla að uppbyggingu húsnæðis fyrir ungt fólk og fyrstu kaupendur sem og til þess byggja upp öruggan leigumarkað.

hugað er að nýjum svæðum innan bæjarmarka til íbúðaruppbyggingar t.d. í Óttarsstaðalandi í samræmi við hættumat vegna vegna hraunavár á höfuðborgarsvæðinu.

vinna að útvíkkun vaxatamarka svæðisskipulags höfuðborgarsvæðisins.

halda áfram þéttingu byggðar þar sem þess er kostur enda styður hún við ýmis mikilvæg verkefni t.d. uppbyggingu hvers kyns þjónustu og almenningssamgangna.

flýta ferli við uppbyggingu á þéttingarreitum eins og Hraun vestur.

efla mannlíf í miðbænum og varðveita bæjarmyndina.

halda áfram að bæta hjóla- og göngustíga innan bæjarmarkanna sem og að gera betri tengingar við upplandið og nærliggjandi sveitarfélög.

ljúka skipulagi vegna Suðurhafnar og tryggja að lausnir verði fundnar á umferðar- og samgöngumálum á svæðinu, þar sem gert er ráð fyrir fjölbreyttum ferðamátum.

hefja vinnu við skipulag Vatnshlíðar sem hafi það að markmiði að móta byggð með fjölbreyttri þjónustu fyrir alla aldurshópa í sátt við umhverfið.

Samfylkingin er umhverfisvænn flokkur sem leggur áherslu á öflugt atvinnulíf og nýsköpun í sátt við náttúruna. Við viljum bæ sem stendur vörð um náttúruperlur í upplandi bæjarins á sama tíma og íbúar geta notið þeirra með öruggum hætti.

Liður í því að setja umhverfis- og loftslagsmál í öndvegi eru bættar almenningssamgöngur enda mikilvægt að mæta vaxandi bílaumferð með öðrum valkostum og brýnt að framkvæmdum við Borgarlínu á höfuðborgarsvæðinu ásamt stofnleiðum fyrir hjólreiðar verði flýtt eins og kostur er. Gera verður ólíkum ferðmátum jafn hátt undir höfði. Það er auk þess mikilvægur þáttur í bættri lýðheilsu.

Stefnt er að uppbyggingu í Vatnshlíð á næstu árum. Hún er í nánd við útivistarperlur í upplandi Hafnarfjarðar og  óspillta náttúru og mikilvægt að lágmarka umhverfisáhrif eins og kostur er með vistvænni byggð sem stuðlar að aukinni vellíðan og heilsu fólks.

fjölga grænum svæðum og huga betur að þeim sem fyrir eru, þar sem hægt er stunda útivist og heilsurækt enda er Hafnarfjörður heilsubær.

búa til fjölskylduvæn leiksvæði á fleiri stöðum í bænum, m.a. í miðbænum.

setja aukinn kraft í grænkun Valla og gera almenningsgarð fyrir alla fjölskylduna á Völlunum.

endurskoða umhverfisstefnu bæjarins á tveggja ára fresti.

ná raunverulegum árangri í loftslagsmálum og vinna eftir markvissri og aðgerðabundinni umhverfisstefnu þar sem forgangsröðun verkefna er skýr og vel fjármögnuð og stefnt að sjálfbærni.

reka öfluga umhverfisvöktun með hágæðamælingum á mengun í umhverfinu.

fjölga hvötum til bygginga á umhverfisvottuðum byggingum og stefna því að nýbyggingar á vegum bæjarins og endurbætur séu umhverfisvottaðar.

setja fram metnaðarfulla stefnu um verndun vatnsbóla í upplandi Hafnarfjarðar.

skipuleggja almenningsgarð á Hörðuvöllum og mynda samfellt grænt svæði í gegnum bæinn meðfram Læknum með áherslu á bekki, æfinga- og leiktæki og aðra möguleika til samveru.

standa betur að fegrun og hreinsun um allan bæ, fjölga ruslatunnum með flokkun og stuðla að betri umhirðu þeirra -  Hreinn bær okkur kær.

fjölga rafhleðslustöðvum í bænum og rafvæða bílaflota bæjarfélagsins.

standa vörð um náttúruperlur í upplandi Hafnarfjarðar.

bæta aðstöðu fyrir útivistarfólk og aðgengi að náttúruperlum þannig að allir íbúar fái notið þeirra.

bæta aðstöðu við Hvaleyrarvatn með því að koma gildandi skipulagi í framkvæmd með fleiri bílastæðum, betri aðkomu og umgjörð til útivistar við vatnið.

efla Krýsuvík sem útivistar- og ferðamannasvæði með frekari uppgræðslu í góðri samvinnu við opinbera aðila, frjáls félagasamtök og sjálfboðaliða sem og stöðva alla sauðfjárbeit í bæjarlandinu.

útrýma plasti í starfsemi bæjarfélagsins svo bærinn fari þar fram með góðu fordæmi.

minnka kolefnis- og vistspor sveitarfélagsins með kolefnisjöfnun og fræðslu með áherslu á sjálfbærni.

halda áfram að fegra og bæta Hellisgerði og efla sem almenningsgarð fyrir Hafnfirðinga og gesti.

Stefnuskrá Samfylkingarinnar í Garðabæ 2026 - 2030

Minnkum skutlið – frítt í strætó fyrir börn og ungmenni
Samhliða bætum við nærþjónustuna

Hækkum hvatapeninga, lækkum aldursmörk og aukum frelsi
Aldursmörk lækkuð niður í 3 ára og í fyrstu atrennu hækkum við hvatapeningana í 75.000 kr.

Þak á leikskólagjöld og 100% systkinaafsláttur
Ekkert heimili greiðir meira en 50.000 kr. í leikskólagjöld

Örugg og persónuleg handleiðsla í gegnum völundarhús kerfisins
Aðgengileg og samþætt þjónusta í gegnum tengiráðgjafa sem hefur nauðsynlega yfirsýn

Byggjum lifandi lífsgæðakjarna 
Fleiri þjónustuíbúðir í líflegu og heilsueflandi umhverfi

Leiðandi í notkun velferðartækni
Styðjum við sjálfstæða búsetu og öryggi heimavið með notkun snjallra tæknilausna

Bætt vinnuaðstaða fyrir alla nemendur
Næðis- og færnirými og aukinn stuðningur til að mæta ólíkum þörfum barna í skólunum

Öflug sérdeild í Garðabæ
Miðstöð þekkingar sem mætir einstaklingsbundnum þörfum

Grípum börnin snemma – eflum skólafærni
Aukinn stuðningur í fyrstu bekkjum grunnskóla þar sem grunnur að farsælli skólagöngu er lagður

Opnum bókhaldið og aukum traust 
Skattgreiðslur íbúa eiga að skila sér í grunnþjónustuna

Auðveldum rekstur og uppbyggingu í Garðabæ
Einn viðkomustaður inn í kerfið og skýr tímamörk leyfisveitinga

Frá skjánum í sköpun: Nýsköpunar- og menningarhús
Lifandi húsnæði þar sem Garðbæingar geta þróað hugmyndir sínar og skapað

Höldum unga fólkinu í bænum 
Húsnæði fyrir ungt fólk inn í skipulag Garðabæjar

Verið velkomin í vöfflukaffi með frambjóðendum Samfylkingarinnar í Reykjavík.

Sunnudaginn 3. maí, kl. 14:00–16:00.
Laugavegur 114 (gamla Tryggingastofnunarhúsið)

Rjúkandi heitar vöfflur með sultu og rjóma
Heitt á könnunni

Frambjóðendur okkar í Reykjavík verða á staðnum og ræða pólitík, kosningabaráttuna og allt þar á milli.

1. Hlúum að fólkinu sem byggði landið

Samfylkingin hlúir að fólkinu sem byggði bæinn og landið. Það er skylda okkar jafnaðarfólks að tryggja öryggi og mannvirðingu allra á efri árum. Ekki síst er þetta mikilvægt þegar heilsan brestur eftir langa ævi.

Samfylkingin ætlar einnig að leita leiða til þess að spyrna gegn félagslegri einangrun meðal eldra fólks í samvinnu við félagasamtök eldra fólks í bænum.

Samfylkingin ætlar að stórefla þjónustu við eldra fólk í heimahúsum og að loknum kosningum ætlum við strax að hefja uppbyggingu lífsgæðaíbúða fyrir eldra fólk á Sólvangssvæðinu. Í samstarfi við ríkisstjórn Kristrúnar Frostadóttur ætlum við svo að fjölga hjúkrunarrýmum með því að ljúka uppbyggingu á þeim stöðum sem hafa verið í undirbúningi á undanförnum árum.

styðja við virkni eldri bæjarbúa í samfélaginu, fjölga tækifærum þeirra til félagslegra samskipta og tryggja þeim heilsueflandi umhverfi.

stórefla þjónustu við eldra fólk í heimahúsum með því að bjóða samfellda þjónustu með samþættingu heimaþjónustu, heimahjúkrunar og öldrunaráðgjafar sem fylgir þörfum hvers í eins.

tryggja eldra fólki og fjölskyldum þeirra handleiðslu og styðja við virkni og grípa þannig fólkið fyrr sem þarf frekari þjónustu.

hefja þegar í stað undirbúning uppbyggingar lífsgæðaíbúða á Sólvangssvæðinu og móta uppbyggingaráætlun til framtíðar.

auka samráð við eldra fólk í Hafnarfirði um málefni sem að þeim snúa m.a. með auknu samstarfi við Félag eldri borgara í Hafnarfirði og með því að styrkja umgjörð öldungaráðs og efla starfsemi þess.

tryggja fjölgun hjúkrunarrýma í bænum þar sem stefnt verði að því að ljúka við uppbyggingu hjúkrunarheimila í Hamranesi, Hrafnistu og í Vatnshlíð.

standa vörð um og efla tómstundastyrk eldri borgara til þess að styðja við virkni eldra fólks.

Samfylkingin ætlar að koma upp nýrri heilsugæslustöð á miðsvæði Valla á næsta kjörtímabili sem þjóni nýjustu hverfum bæjarins; Völlum, Hamranesi, Skarðshlíð og Áslandi. Heilsugæslan í Hafnarfirði er komin að þolmörkum og löngu orðið tímabært að brugðist verði við því.

Eitt stærsta verkefni jafnaðarmanna frá upphafi eru húsnæðismál enda er það grundvallaratriði í stefnu Samfylkingarinnar að tryggja húsnæðisöryggi allra. Nauðsynlegt er að ráðast í kraftmikla og fjölbreytta húsnæðisuppbyggingu fyrir ungt fólk og fyrstu kaupendur, eldri íbúa, námsmenn og tekjulægri hópa í samfélaginu.

Þetta verður gert með því að fjölga íbúðum sem falla undir skilyrði hlutdeildarlána og með samstarfi við byggingarfélög eldri borgara, námsmanna og óhagnaðardrifin leigufélög á vegum verkalýðshreyfingarinnar, eins og Bjarg.

Það hefur sýnt sig að raunhæfasta leiðin til þess að ná niður leiguverði fyrir tekjulægri hópa samfélagsins er markviss uppbygging í samstarfi við óhagnaðardrifin leigufélög. Hluti húsnæðispakka Samfylkingarinnar verður að ráðast í uppbyggingu lífsgæðaíbúða fyrir eldri íbúa á völdum stöðum í bænum. Samhliða þessu verður að ráðast í stórátak í uppbyggingu húsnæðis fyrir fólk með fötlun með nýjum íbúðakjörnum og stuðningi við sjálfstæða búsetu. Einnig verður að fjölga félagslegum íbúðum hjá bænum og grípa til raunhæfra aðgerða í þágu heimilislausra.

 Á næstu fjórum árum ætlum við að:

ráðast í kraftmiklar aðgerðir í húsnæðismálum með því að stórauka samstarf við óhagnaðardrifin leigufélög og bjóða upp á fjölbreytt og hagkvæmt húsnæði fyrir ungt fólk, fyrstu kaupendur, eldri íbúa, fólk með fötlun, tekjulága og fólk með millitekjur.

stuðla að öruggari og betri leigumarkaði með öflugu og markvissu samstarfi við óhagnaðardrifin leigufélög á vegum verkalýðshreyfingarinnar, eins og Bjarg fyrir tekjulægri fjölskyldur og byggngarfélög stúdenta og eldri borgara.

hefja þegar í stað undirbúning uppbyggingar lífsgæðaíbúða fyrir eldra fólk á Sólvangssæðinu og móta uppbyggingaráætlun til framtíðar.

fjölga félagslegum íbúðum sveitarfélagsins, stytta biðlista og biðtíma.

tryggja úrræði fyrir heimilislausa í húsnæðismálum.

stytta biðlista og biðtíma eftir húsnæði fyrir fatlað fólk með því að fjölga íbúðakjörnum og efla stuðning við sjálfstæða búsetu.

3. Virðing fyrir sjálfsákvörðunar-réttinum

Velferðarstefna jafnaðarmanna hvílir á félagslegu réttlæti og jöfnuði. Öflug velferðarþjónusta er forsenda réttláts samfélags og hún skapar öryggi og efnahagslegan stöðugleika. Leiðarljós velferðarþjónustu bæjarins á vera virðing fyrir sjálfstæði og sjálfsákvörðunarrétti hvers einstaklings og að muna að kerfið er til fyrir fólkið en ekki öfugt.

Samfylkingin leggur áherslu á að stjórnsýsla bæjarins og þjónusta eigi náið samráð við þá aðila sem nýta sér velferðarþjónustu sveitarfélagsins. Þess vegna leggjum við áherslu á að hagsmuna- og notendaráð bæjarins; öldungaráð, fjölmenningarráð og samráðshópur í málefnum fatlaðs fólks verði efld og umgjörð þeirra bætt.

Í málefnum fólks með fötlun viljum við halda í heiðri kjörorðum ÖBÍ - Ekkert um okkur án okkar. Samfylkingin vill að Hafnarfjörður vinni markvisst að innleiðingu Samnings Sameinuðu Þjóðanna um réttindi fatlaðs fólks.

Samfylkingin leggur áherslu á að Hafnarfjörður leiti ávallt allra leiða til þess að tryggja inngildingu nýrra Íslendinga þannig að þeir geti tekið fullan þátt í samfélaginu og í þeim efnum gegnir aðgengi að íslensku- og móðurmálsnámi lykilhlutverki.

gera stórátak í húsnæðismálum fólks með fötlun með því að fjölga markvisst íbúðakjörnum og styðja við sjálfstæða búsetu fólks með fötlun í félagslegu húsnæði á vegum Hafnarfjarðar.

halda áfram að fjölga NPA samningum og tryggja að taxtar verði hækkaðir til samræmis við útreikninga NPA miðstöðvarinnar.

gera Hafnarfjörð að fyrirmyndarbæ í aðgengismálum þannig að bærinn verði aðgengilegur fyrir alla.

vinna að innleiðingu Samnings Sameinuðu Þjóðanna um réttindi fatlaðs fólks.

auka aðgengi nýrra Íslendinga að íslensku- og móðurmálsnámi.

leita leiða til þess að auka þátttöku barna og ungmenna af erlendu bergi brotin í skipulögðu frístundastarfi.

leita leiða til þess að auka þátttöku eldra fólks af erlendu bergi brotið í hvers kyns félagsstarfi.

Leit um „��"

3135 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

3135 niðurstöður fundust við leit að „������������������������������������������������������������"