Samhliða því þarf að gera allt sem unnt er til að við höldum sem bestri heilsu ævina á enda en líka að við fáum nauðsynlegan stuðning, aðstoð og meðferð ef heilsan bilar. Samkvæmt mannfjöldaspám hagstofunnar mun þeim sem eru 67 ára og eldri fjölga um 20 þúsund á næstu 10 árum og þeim sem eru yfir áttrætt um 10 þúsund. Ekki hefur tekist að tryggja aðgengi að þjónustu fyrir þennan stækkandi hóp þótt fjölgun aldraðra hafi lengi legið fyrir. Þá er hluti hópsins sem býr við kröpp kjör. Úr hvorutveggja er brýnt að bæta og það hyggst Samfylkingin gera fái hún til þess umboð í kosningum.

Undanfarin ár hefur bilið á milli lífeyris frá Tryggingastofnun ríkisins (TR) og lægstu launa, gliðnað. Árið 2017 var bilið um 50 þúsund krónur en nú er bilið orðið um 100 þúsund krónur. Þessi þróun er ósanngjörn og því vill Samfylkingin að greiðslur almannatrygginga til eldra fólks og öryrkja verði bundnar við launavísitölu þannig að samræmi verði á hækkunum. Þá vill flokkurinn hækka frítekjumark ellilífeyris úr 25 í 60 þúsund krónur á mánuði til að eldra fólk njóti meiri ávinnings af því að hafa greitt í lífeyrisstjóði. Enn fremur vill Samfylkingin koma á frítekjumarki vaxtatekna þannig að vaxtatekjur upp að 300 þúsund krónur á ári skerði ekki greiðslur almannatrygginga og færri fái bakreikning frá TR. Um þetta má lesa í Framkvæmdaplani Samfylkingarinnar í húsnæðis og kjaramálum.

Það er mikil innviðaskuld í heilbrigðiskerfinu. Meðal annars bíða nú tæp 500 manns eftir hjúkrunarrými, flestir við krefjandi aðstæður. Allt að 100 þeirra bíða á Landspítala og á Sjúkrahúsinu á Akureyri. Það skerðir lífsgæði þessara einstaklinga, er mun dýrara fyrir samfélagið og getur hindrað sjúkrahúsin í að sinna sérhæfðri þjónustu þar eð legurými eru upptekin. Um þetta vitnar vandinn á bráðamóttöku Landspítalans. Í planinu um Örugg skref í heilbrigðis- og öldurnarþjónustu boðar Samfylkingin þjóðarátak í umönnun eldra fólks enda á fólkið sem byggði landið, betra skilið.

Brotakennd þjónusta við eldra fólk er einn helsti vandi heilbrigðiskerfisins í heild. Brýnast er að byggja fleiri hjúkrunarrými en samhliða þarf að byggja upp heilsueflingu ásamt öflugri heima- og dagþjónustu svo fólk geti verið í eigin búsetu eins lengi og hægt er. Enn fremur vill Samfylkingin að eldra fólk fái forgang um fastan heimilsilækni eða annan tengilið við kerfið til að tryggja inngrip fyrr þegar á bjátar. Það þarf að viðurkenna að veita þarf meiri fjármunum til þjónustu við aldraða. Sumt höfum við ekki efni á að gera en þetta höfum við ekki efni á að gera ekki.

Kæru kjósendur. Samfylkingin boðar nauðsynlegar og árangursríkar aðgerðir til að bæta afkomu og lífsgæði eldra fólks. Til þess þurfum við stuðning ykkar á kjördag. Formaður okkar, Kristrún Frostadóttir, er sá stjórnmálamaður sem langflestir treysta til að leiða ríkisstjórn og ríkisfjármál. Munum líka að Samfylkingin gætir engra sérhagsmuna, einungis almannahags. Þetta er sögulegt tækifæri til breytinga, nýtum það og kjósum Samfylkinguna, landi og þjóð til heilla.

Það er ánægjulegt að við verðum sífellt eldri. 

Tryggjum breytingar í mál­efnum eldri borgara

Fimmtudaginn 5. desember, kl. 10:30-12:00 ætlar 60+ í Hafnarfirði að fagna aðventunni með sannri jólastemningu.

Jólahugvekju flytur Lárus Sólberg Guðjónsson hafnfirðingur með meiru.
 
Heitt súkkúlaði og kruðerí!

Hlökkum til að sjá ykkur í jólaskapi!

Stjórn 60+ Hafnarfirði

Spjallkaffi Samfylkingarinnar í Reykjavík 60+ verður á sínum stað miðvikudaginn 4. desember kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Gestur okkar verður Ásgeir Brynjar Torfason, ritstjóri Vísbendingar.

Það verður heitt á könnunni og eitthvað með því. 

Verið öll velkomin! 

Kosningakaffi Samfylkingarinnar á Siglufirði verður í Eining Iðju, Eyrargötu 24b.

Við bjóðum í Guttagleði á fimmtudaginn 28. nóvember í Stillholti 16- 18 (kosningaskrifstofan okkar)!

Hannes verður á staðnum í stuði!
Trúbador og uppistand!

Höfum gaman saman rétt fyrir kosningar.
Ekki láta þig vanta!

Verið hjartanlega velkomin á kosningavöku Samfylkingarinnar í Suðurkjördæmi á Selfossi!
Við munum fylgjast með fyrstu tölum detta inn á sýningartjaldi og heyra lokaorð kosningabaráttunnar frá frambjóðendum.

Komdu með og fagnaðu kosningunum með frambjóðendum Samfylkingarinnar í Suðurkjördæmi!

Hægt verður að kaupa drykki á barnum.
Húsið opnar um kl. 21:30.

Kosningavaka Samfylkingarinnar á Akureyri verður upp í Sunnuhlíð 12. Léttar veitingar og stemmning!

Öll Velkomin! Hlökkum til að sjá ykkur!

Það styttist óðum í kjördag Alþingiskosninganna 2024.

Við erum full tilhlökkunar og ótrúlega þakklát yfir frábærum árangri sem við höfum náð saman í kosningabaráttunni. Allt þetta hefði ekki verið mögulegt án ykkar – sjálfboðaliðanna okkar, stuðningsfólksins, frambjóðendanna og allra sem hafa lagt hönd á plóg í kosningabaráttunni.

Við ætlum að fagna þessari spennandi kosninganótt saman á Veitingastaðnum NÆS við Strandveg 79 í Vestmannaeyjum. Húsið opnar kl. 22, strax eftir að kjörstaðir loka.

Komdu og upplifðu stemninguna með okkur – við hlökkum til að sjá þig og fagna með þér. Allir hjartanlega velkomnir.

Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram.  Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.

Samfylkingin er búinn að vinna heimavinnuna og getur strax brett upp ermar og komið stefnumálum sínum í framkvæmd.

Negla niður vextina og hætta að reka ríkissjóð á yfirdrætti. Það gengur ekki að fólk sé að borga himinháa vexti af lánunum sínum, komist ekki út á húsnæðismarkaðinn, að ekki sé talað um áhrifin á framboð húsnæðis. Vaxtabyrðin hefur gríðarleg áhrif á rekstur sveitarfélaga. Við verðum að lækka kostnað heimila og fyrirtækja.

 Laga heilbrigðiskerfið. Fastur heimilislæknir sem þekkir þig og heilbrigðisþjónusta óháð búsetu eru meginstefið ásamt þjóðarátaki í umönnun eldra fólks. Eldra fólk á það skilið.

Styrkja stoðir atvinnulífs um allt land. Sterkir innviðir eru forsenda kraftmikils atvinnulífs. Það þarf að tvöfalda fjárfestingu til samgönguinnviða og auka raforkuframleiðslu.

Viljum við nýtt upphaf eða meira af því sama? Lykillinn að því að ná fram breytingum er að kjósa Samfylkinguna og veita henni sterkt umboð til að leiða þessar breytingar með Kristrúnu Frostadóttur í broddi fylkingar.

Oddviti Samfylkingarinnar í Norðvesturkjördæmi

Nýtt upphaf – í þjónustu við þjóðina

Á laugardaginn verður kosið um framtíð Íslands. Þá fær þjóðin loksins að gera upp við fráfarandi stjórnarflokka og svara fyrir sig með kjörseðlinum. Þessar kosningar eru sögulegt tækifæri til að tryggja breytingar.

Valkostirnir eru skýrir: Meira af því sama eða nýtt upphaf? Áframhaldandi óreiða eða traust forysta? Hörð hægristjórn eða sterk jafnaðarstjórn með Samfylkingu?

Samfylkingin vill leiða ríkisstjórn sem gengur í verkin og gerir það sem þarf til að negla niður vextina, laga heilbrigðiskerfið og laga Ísland. Ísland er frábært land en það er svo margt sem við getum lagað og breytt til hins betra – fáum við til þess traust í kosningunum.

Fólkið þráir breytingar
Við vitum að fólkið í landinu þráir breytingar. Þetta get ég fullyrt eftir að hafa átt samtal við þjóðina á 150 opnum fundum og í 250 fyrirtækjum.

„Við borgum 150 þúsund krónum meira á mánuði,“ sagði ung móðir í Þorlákshöfn. „Ríkisstjórnin hefur bara algjörlega brugðist fólkinu hérna.“ Fjölskyldan er að sligast undan þessum alltof háu vöxtum og það sama á við um fyrirtækin.

„Það særir þjóðarstoltið,“ sagði kona um sjötugt á Sauðárkróki, „að sjá stöðuna í heilbrigðiskerfinu – þar sem eldra fólk er látið búa frammi á spítalagangi, eftir að hafa stritað alla ævi, vegna þess að það fær ekki þjónustu við hæfi.“ Þetta er ómanneskjulegt – en eykur líka kostnað, sem er alveg dæmigert fyrir stöðuna alltof víða í velferðarkerfinu okkar.

Og hvar sem við komum hittum við ungt fólk og fjölskyldur sem þrá ekkert heitar en öruggt húsnæði, þak yfir höfuðið, í stað þess að hrekjast milli íbúða og borga alltof háa leigu. Öryrkjar og fátækt eldra fólk verða verst úti – því að lífeyrir hefur dregist svo langt aftur úr launum á vakt síðustu ríkisstjórna.

Við ætlum að laga þetta. Það er ekki hægt að bjóða þjóðinni áfram upp á óbreytt ástand og meira af því sama. Og þess vegna þurftum við í Samfylkingunni að bjóða betri valkost en þessa þreyttu flokka sem hafa stjórnað landinu alltof lengi.

Við breyttum Samfylkingunni
Mörg þúsund manns um landið allt hafa lagt okkur lið. Við komum Samfylkingunni aftur á rétta braut til að koma Íslandi aftur á rétta braut. Til að tryggja breytingar fyrir fólkið í landinu.

Við getum það – við getum leitt breytingar – og höfum sýnt það í verki. Við byrjuðum á sjálfum okkur með því að fara aftur í kjarnann og færa okkur nær fólkinu í landinu. En við byggjum á sterkum grunni og höfum notið góðs af því að það er fjöldi fólks um land allt, með sterka jafnaðartaug, sem hafði von og trú og hefur tekið virkan þátt í því með okkur að styrkja á ný stöðu Samfylkingarinnar á landsvísu.

Ég gleymi aldrei fyrstu spurningunni á fyrsta opna fundinum mínum sem nýkjörinn þingmaður. Það var í Alþýðuhúsinu í Borgarnesi: „Hvað ertu að gera hérna?“ Já. „Hvað ertu eiginlega að gera hérna?“

Þá voru þau hissa á að það væri kominn þingmaður til að halda fund í upphafi kjörtímabils, með fólkinu í landinu – og alla leið í Borgarnes! En af hverju erum við eiginlega að þessu? Svarið er ennþá það sama og það var í Alþýðuhúsinu þennan dag:

Til að finna sameiginlegan þráð. Til að sameina þjóðina. Til að tryggja breytingar fyrir fólkið í landinu. Og nú getum við sagt fullum fetum að Samfylkingin er komin aftur – á réttan stað; þétt með þjóðinni, við hlið hins vinnandi manns og með puttann á púlsinum í íslensku atvinnulífi.

Við erum með plan og við erum til þjónustu reiðubúin.

Tryggjum breytingar
Lokaskilaboð mín til þjóðarinnar fyrir kosningar eru skýr: Tryggjum breytingar. Samfylkingin tryggir breytingar. Og við erum reyndar eini flokkurinn sem tryggir breytingar í þessum kosningum.

Það er vegna þess að við erum eini flokkurinn sem er með plan um breytingar og líka trausta forystu sem getur leitt þær, eins og við höfum sýnt í verki. Við erum eini flokkurinn sem hefur lagt áherslu á að byggja upp sterkari innviði og laga Ísland – hvort sem litið er á samgöngur, orku eða heilbrigðis- og velferðarkerfið okkar. Og síðast en ekki síst er Samfylkingin eini stóri flokkurinn sem er ekki hluti af gömlu hægriflokkunum sem hafa stjórnað hérna alltof lengi. Ólíkt til dæmis Viðreisn og Miðflokki sem eru hægriflokkar og klofningsflokkar úr Sjálfstæðisflokki og Framsókn.

Samfylkingin er jafnaðarflokkur – sósíaldemókrataflokkur, eins og þeir sem hafa byggt upp einhver farsælustu samfélög í heimi á Norðurlöndum. Það er grundvallarmunur á Samfylkingu annars vegar og öllum hinum flokkunum hins vegar.

Nú er sögulegt tækifæri til að tryggja breytingar og nýtt upphaf fyrir Ísland með sterkri Samfylkingu. En það verður að kjósa breytingar til að tryggja breytingar. Því ef Samfylkingin fær ekki umboð til að mynda nýja ríkisstjórn – þá er raunveruleg hætta á að hér verði mynduð hörð hægristjórn, til dæmis með Sigmundi Davíð og Bjarna og Viðreisn og kannski Framsókn eða Flokki fólksins. Sem nær ekki stjórn á efnahagsmálunum og heldur áfram að veikja velferðarkerfið okkar.

Þess vegna er nauðsynlegt að Samfylkingin verði stærsti flokkurinn til að tryggja breytingar.

Lögum Ísland
Staðreyndin er sú að tækifæri okkar eru stórfengleg. Ísland er frábært land. En það er ekki alveg að virka núna.

Samfylkingin ætlar að lækka kostnað heimila og fyrirtækja: Negla niður vextina með því að hætta að reka ríkið á yfirdrætti. Standa með ungu fólki og fjölskyldum með bráðaaðgerðum á húsnæðismarkaði. Og tryggja öruggar tekjur um ævina alla með því að hækka lífeyri TR í takt við laun og með nýju fæðingarorlofskerfi.

Samfylkingin ætlar að laga heilbrigðiskerfið: Með föstum heimilislækni sem þekkir þig og öruggri heilbrigðisþjónustu óháð búsetu. Við ætlum að hlúa að fólkinu sem byggði landið með þjóðarátaki í umönnun eldra fólks.

Og Samfylkingin ætlar að styðja við atvinnulíf um landið allt: Tvöfalda fjárfestingu í samgöngum með tekjum frá auðlindum og aukinni verðmætasköpun, auk þess að byggja upp orkuinnviði og styðja við orkuskipti með grænum hvötum.

Þannig ætlum við að styrkja velferðina og stækka kökuna. Því að Samfylkingin skilur að það þarf að fjárfesta til að skapa verðmæti. Eins og við heyrðum hjá stjórnanda iðnfyrirtækis í Reykjavík:

„Allir sem reka fyrirtæki vita að það þarf að fjárfesta til að skapa verðmæti. Sama gildir um Ísland,“ sagði hann. „Næsta ríkisstjórn þarf að byrja aftur að fjárfesta og byggja upp sterka innviði svo að atvinnulífið geti blómstrað um allt land.“ Og bætti svo við að lokum: „Kristrún, við getum ekki beðið eftir að það verði farið að stjórna hérna aftur.“

Svona er þetta alls staðar. Hvort sem um er að ræða veski heimilanna, velferðarkerfið eða atvinnulífið. Leið Sjálfstæðisflokks hefur ekki virkað. Nú höfum við 3 daga til að tryggja breytingar næstu 10 árin.

Við vinnum þetta saman.

Kristrún Frostadóttir, formaður Samfylkingar – jafnaðarflokks Íslands

Grein Kristrúnar Frostadóttur í Morgunblaðinu 28. nóvember 2024.

Leit um „��“

2742 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2742 niðurstöður fundust við leit að „���������������������������“