Lög Fulltrúaráðs Samfylkingarinnar í Reykjavík

Fulltrúaráð Samfylkingarinnar í Reykjavík, FSR. er sameiginlegur vettvangur Samfylkingarfólks í Reykjavík og samstarfsvettvangur aðildarfélaga í Reykjavík skv. 2. kafla laga Samfylkingarinnar. FSR er sjálfstætt um eigin málefni og hefur sjálfstæðan fjárhag sé ekki á annan veg mælt fyrir um í lögum Samfylkingarinnar. Heimili FSR og varnarþing er í Reykjavík.

FSR fer með hlutverk og ber skyldur kjördæmisráða Reykjavíkurkjördæmanna beggja og fulltrúaráðs í sveitarfélaginu skv. 9. og 10. kafla laga Samfylkingarinnar og stendur fyrir framboði við alþingis- og borgarstjórnarkosningar. FSR beitir sér m.a. fyrir málefna- og stefnumótunarvinnu og samhæfingu kosningastarfs.

3. grein - Aðild og samstarf aðildarfélaga

Aðild að FSR eiga öll starfandi aðildarfélög Samfylkingarinnar sem eiga heimilisfesti í Reykjavík, hafa óskað aðildar og uppfylla skyldur aðildarfélaga skv. 3. kafla laga Samfylkingarinnar. 

FSR er samstarfsvettvangur félaganna í Reykjavík og beitir sér fyrir nánu samstarfi og samvinnu allra aðildarfélaga sinna.

Framkvæmdastjórn FSR hefur heimild til að ákvarða árgjöld á starfstíma sínum.

Í FSR eiga sæti fulltrúar allra starfandi aðildarfélaga í kjördæmunum, þingmenn Samfylkingarinnar í Reykjavík og borgarfulltrúar. Hvert aðildarfélag á rétt á einum fulltrúa í ráðinu fyrir hverja 10 aðalfélagsmenn sem lögheimili eiga í Reykjavíkurkjördæmunum og síðan til viðbótar einn fulltrúa fyrir brot úr þeirri tölu, sem þó sé eigi minna en 1/3. Félagi hefur aðeins kosningarétt og kjörgengi til Fulltrúaráðsins í því aðildarfélagi þar sem hann er aðalfélagi sbr. grein 3.11 í lögum Samfylkingarinnar. Til að ákvarða fulltrúafjölda hvers aðildarfélags skal miða við fjölda félagsmanna fjórum vikum fyrir reglulegan aðalfund. Aðildarfélög skila til framkvæmdastjórnar nöfn fulltrúa sinna í síðasta lagi tveimur vikum fyrir aðalfund. Aðildafélögum er heimilt að kjósa á ný sína fulltrúa á milli aðalfunda. Breytingar á fulltrúaskipan skal aðildarfélag tilkynna til skrifstofu Samfylkingarinnar. Breytingar sem tilkynntar eru innan tveggja vikna fyrir boðaðan aðalfund eða boðaðan almennan fund í fulltrúaráðinu taka þó ekki gildi fyrr en að hinum boðaða fundi loknum. Fundir fulltrúaráðsins eru opnir öllum félögum innan aðildarfélaga FSR með málfrelsi og tillögurétt. Atkvæðisrétt á fundum fulltrúaráðsins eiga eingöngu kjörnir fulltrúar ráðsins. Aðildarfélögum FSR er skylt að skila til stjórnar FSR til að geta tekið þátt í aðalfundi FSR og haft seturétt á fundum framkvæmdastjórnar. 

5. grein - Kjörgengi, kjör og hæfi fulltrúa

Rétt til að bjóða sig fram til Fulltrúaráðsins eiga þeir félagsmenn í aðildarfélögunum sem eiga lögheimili í Reykjavík. Aðal- og varafulltrúar skulu kjörnir á félagsfundi aðildarfélags. Fulltrúa er óheimilt að taka þátt í meðferð máls í Fulltrúaráðinu sem varðar sérstaka eða verulega hagsmuni hans eða honum nákominna. 

Fulltrúaráðið skal boðað til a.m.k. eins fundar árið milli aðalfunda en fundar að öðru leyti eins oft og þurfa þykir. Framkvæmdastjórn FSR boðar fundi Fulltrúaráðsins með tölvupósti og/eða skriflega með dagskrá með a.m.k. fjögurra vikna fyrirvara. Heimilt er að víkja frá þessum fresti og boða fund með auglýsingu auk tölvupóstsendinga, eigi aðalfundur ekki í hlut og brýnar aðstæður krefja. Skylt er að halda fund innan tveggja vikna ef minnst 20 aðalfulltrúar óska þess skriflega og tilgreina fundarefni.

Fundur Fulltrúaráðs er lögmætur sé hann réttilega boðaður.

Aðalfundur fulltrúaráðsins skal haldinn í september eða október annað hvert ár á oddatöluári. Aðalfund skal boða með tölvupósti og/eða skriflega með a.m.k. fjögurra vikna fyrirvara. Í fundarboði aðalfundar skal birta dagskrá fundarins og tillögur framkvæmdastjórnar um lagabreytingar ef einhverjar eru. Dagskrá aðalfundar FSR.

2.     Ársreikningar og árshlutareikningur þess árs sem aðalfundur er haldinn

4.     Skýrslur þingsveitar og borgarstjórnarflokks

c.     Kjör þriggja aðalmanna og fimm varamanna

7.     Kjör félagslegra skoðunarmanna

Fráfarandi framkvæmdastjórn FRSR gerir á aðalfundi um nýja framkvæmdastjórn Kynjahlutfall í framkvæmdastjórn skal vera í samræmi við lög Samfylkingarinnar hverju sinni.

Tillögur framkvæmdastjórnar Fulltrúaráðsins að lagabreytingum skal senda út með fundarboði aðalfundar. Aðrar tillögur um breytingar á lögum þessum skal senda framkvæmdastjórninni eigi síðar en 3 vikum fyrir boðaðan aðalfund. Framkvæmdastjórn skal birta allar lagabreytingartillögur á vef Samfylkingarinnar eigi síðar en tveimur vikum fyrir aðalfund. Um lagabreytingar skal hafa eina umræðu. Til lagabreytinga þarf minnst 2/3 hluta greiddra atkvæða.

Framkvæmdastjórn FSR er kjörin á aðalfundi og er hún skipuð fimm mönnum og jafn mörgum til vara. Formaður framkvæmdastjórnar og gjaldkeri skulu kjörnir sérstaklega á aðalfundi Fulltrúaráðsins en að öðru leyti skiptir framkvæmdastjórnin með sér verkum.

Formenn aðildarfélaga, fulltrúi þingsveitar Samfylkingarinnar í Reykjavík og fulltrúi borgarstjórnarflokks skulu boðaðir á alla fundi framkvæmdastjórnar og eiga seturétt á fundum hennar með málfrelsi og tillögurétti, eða varamenn í forföllum þeirra.

10. grein - Hlutverk og fundir framkvæmdastjórnar

Framkvæmdastjórn ber ábyrgð á rekstri og fjárreiðum Fulltrúaráðs í umboði ráðsins og stýrir störfum þess á milli funda. Formaður boðar framkvæmdastjórnarfundi og allsherjarfundi Samfylkingarfélaganna í Reykjavík sbr. 13.-14. grein og stýrir þeim, en er heimilt að skipa varafundarstjóra. Komi formaður ekki til boðaðs fundar skal varaformaður stýra fundinum. Mæti hvorugur skal kosinn sérstakur fundarstjóri. Gjaldkeri annast fjárreiður Fulltrúaráðsins og er ábyrgur fyrir sjóðum þess. Á fyrsta fundi nýrrar framkvæmdastjórnar skal kjörinn varaformaður og ritari. Ritari færir fundargerðir, gætir á aðgengilegan hátt allra bréfa til og frá Fulltrúaráðinu og gætir skjala annarra en þeirra, er heyra undir gjaldkera. Í hans vörslu skulu vera gjörðabækur, sem ráðum og nefndum er skylt að halda. Sé ritari forfallaður skal skipa fundarritara í hans stað. Við upphaf fundar skal ritari bera upp fundargerð næstliðins fundar til samþykktar. Framkvæmdastjórn er ekki heimilt að skuldbinda Fulltrúaráðið fjárhagslega nema fyrir liggi samþykki meirihluta framkvæmdastjórnar. Fundur framkvæmdastjórnar er lögmætur ef meirihluti stjórnarinnar mætir til fundar. Framkvæmdastjórn skal gefa flokksstjórn Samfylkingarinnar árlega skýrslu um starfsemi Fulltrúaráðsins. 

11. grein - Allsherjarfundur Samfylkingarfélaganna í Reykjavík

Allsherjarfundur er sameiginlegur félagsfundur allra aðildarfélaga Samfylkingarinnar í Reykjavík. Rétt til setu á allsherjarfundi með málfrelsi, tillögu- og atkvæðisrétti eiga allir fullgildir félagsmenn aðildarfélaganna sem lögheimili eiga í Reykjavíkurkjördæmunum 1. janúar næstliðins skv. félagaskrám þeirra.

12. grein - Hlutverk og boðun allsherjarfundar

Allsherjarfundur afgreiðir tillögu um meirihlutasamstarf í Reykjavík sbr. grein 3.15 í lögum Samfylkingarinnar. Fulltrúaráðið getur einnig samþykkt að fela framkvæmdastjórn Fulltrúaráðsins að boða til allsherjarfundar allra aðildarfélaga Samfylkingarinnar í samstarfi við stjórnir þeirra til að afgreiða tiltekin sameiginleg mál aðildarfélaganna. Skylt er að boða til allsherjarfundar innan viku ef minnst 1% félagsmanna aðildarfélaga óska eftir því skriflega og tiltaka fundarefni. Framkvæmdastjórn skal boða allsherjarfund með dagskrá með auglýsingum auk boðunar með tölvupósti eða sms-skilaboðum með þriggja sólarhringa fyrirvara. Heimilt er að stytta fyrirvara boðunar niður í 24 klukkustundir ef brýna nauðsyn ber til að mati framkvæmdastjórnar Fulltrúaráðsins. 

Fulltrúaráð getur skipað ráð og nefndir sem sinna skilgreindum verkefnum. Ráð og nefndir hafa ekki sjálfstæðan fjárhag, heldur heyra fjármál þeirra undir gjaldkera Fulltrúaráðsins. Kynjahlutfall í ráðum og nefndum skal vera í samræmi við lög Samfylkingarinnar.

Einfaldur meirihluti ræður úrslitum í sérhverju máli innan Fulltrúaráðsins, framkvæmdastjórnar, ráða og nefnda og á allsherjarfundum, nema annað sé tilgreint í lögum þessum. Falli atkvæði jöfn í framkvæmdastjórn ræður atkvæði formanns. Framkvæmdastjórn Fulltrúaráðsins eða meirihluti Fulltrúaráðsins geta kallað eftir ráðgefandi atkvæðagreiðslu allra reykvískra félagsmanna í aðildarfélögunum um tiltekið málefni. 10% allra reykvískra félagsmanna í aðildarfélögunum geta knúið fram ráðgefandi atkvæðagreiðslu um tiltekna afgreiðslu Fulltrúaráðsins, skrifi þeir undir kröfu þess efnis. Kröfuna ber að senda framkvæmdastjórn innan mánaðar frá viðkomandi afgreiðslu Fulltrúaráðsins. Framkvæmdastjórn ákveður fyrirkomulag atkvæðagreiðslna.

Fulltrúaráð kýs 10 aðalfulltrúa og 6 varafulltrúa í flokksstjórn Samfylkingarinnar til tveggja ára í senn skv. 9. kafla laga Samfylkingarinnar. Atkvæðaseðill er eigi gildur nema kosin sé full tala.

Meðan sú skipan helst að Reykjavík er tvö kjördæmi kemur Fulltrúaráð Samfylkingarinnar í Reykjavík fram sem kjördæmisráð beggja kjördæmanna, óháð búsetu félagsmanna og fulltrúanna innan Reykjavíkur. Það skal í störfum sínum skoða Reykjavík sem eina heild. Val á framboðslista beggja kjördæmanna skv. 17. grein skal óháð búsetu félagsmanna og stuðningsmanna innan Reykjavíkur. 

17. grein - Val frambjóðenda á framboðslista

Fulltrúaráðið ákveður framkvæmd og fyrirkomulag röðunar á framboðslista Samfylkingarinnar í Reykjavík við alþingis- og borgarstjórnarkosningar í samræmi við reglur sem flokksstjórn Samfylkingarinnar setur.  Stjórn FSR gerir tillögu til Fulltrúaráðsins um uppstillingarnefnd. Upptillingarnefnd skal að lágmarki skipuð 5 seintaklingum og þar af skal a.m.k. einn sitja í framkvæmdastjórn FSR. Ef ákveðið er að efna til flokksvals gerir stjórn FSR tillögu til Fulltrúaráðsins um kjörstjórn að lágmarki 5 manns þar af a.m.k. einn úr framkvæmdastjórn FSR. Ákvarðanir um framkvæmd og fyrirkomulag, skulu að jafnaði liggja fyrir eigi síðar en fjórum mánuðum fyrir kjördag. Val á framboðslista skal fara fram samtímis í kjördæmunum tveimur. Allsherjarfundur staðfestir frambjóðendur og röð þeirra á framboðslistum Samfylkingarinnar í Reykjavík við alþingis- og borgarstjórnarkosningar að fenginni tillögu uppstillingarnefndar. Kynjahlutfall á framboðslistum skal vera í samræmi við lög Samfylkingarinnar.

Að öðru leyti en því sem kveður á um í lögum þessum fer skv. lögum Samfylkingarinnar.

Samþykkt á aðalfundi FRSR 31. janúar 2012 og með breytingum á aðalfundi FRSR 7. október 2013 og breytingum 2. sept. 2019 og með breytingum samþykktum á aðalfundi FSR 26. nóvember 2021. 

Lög Fulltrúaráðs Samfylkingarinnar í Reykjavík, FSR 

Opnað hefur verið fyrir meðmæli til Alþingiskosninga sem fara fram 30. nóvember 2024. 

Meðmæli gera flokknum kleift að bjóða fram í þínu kjördæmi. Söfnunin er eingöngu rafræn og fer fram á Island.is.

Við hvetjum öll til að skrá sig þar inn, velja S-lista samfylkingarinnar og mæla með framboðinu, þitt kjördæmi er sjálfkrafa valið. 

Meðmæli eru ekki birt opinberlega.
Frambjóðendur geta ekki verið meðmælendur.

Opnað hefur verið fyrir meðmæli til Alþingiskosninga sem fara fram 30. nóvember 2024. 

Meðmælasöfnun til Alþingiskosninga er hafin

Bæjarmálafundur Samfylkingarinnar í Kópavogi verður haldinn miðvikudaginn 17. október kl. 20:00 í húsnæði félagsins, Hlíðarsmára 9.

Umræður um það sem er efst á baugi í bæjarstjórn og nefndum.

I.
Forseti. Nú er það fólkið sem fær valdið aftur í sínar hendur, og tækifæri til að velja leiðina áfram fyrir Ísland: Nýtt upphaf – eða meira af því sama? Traust forysta – eða áframhaldandi óreiða? Sterk velferð, stolt þjóð – eða harðlínuhægristjórn?

Með leyfi forseta: „Ég hef aldrei hlakkað eins mikið til að kjósa. Það er eitthvað að gerast hérna núna og við þurfum nýtt upphaf.“ Það var eldri maður í Vogum á Vatnsleysuströnd sem sagði þetta við mig á einum af 32 fundum Samfylkingar í haust um húsnæðis- og kjaramál. Mér fannst þetta vel orðað. Og hann sagðist núna treysta sér aftur til þess að kjósa Samfylkinguna. Því að hann hefur séð okkur leiða breytingar – þar sem við byrjuðum á okkur sjálfum.

En nú er tími til breytinga við stjórn landsmála.

II.
Góðir landsmenn. Þann 30. nóvember verður kosið um framtíð Íslands. Og þá spyr ég: Hvað er það helst sem fyllir okkur þjóðarstolti? Náttúran? Menningin? Framúrskarandi Íslendingar sem fá tækifæri og ná glæsilegum árangri? Já. Allt þetta fyllir okkur stolti, og margt fleira mætti nefna.

En það særir stoltið þegar við pössum ekki upp á hvert annað – ef við pössum ekki upp á samfélagið okkar – og stöndum ekki undir sterkri velferð fyrir alla sem hér búa. Því það er eitthvað alveg sérstakt sem við eigum saman hér og sem bindur okkur saman. Þvert á landið, þvert á uppruna, þvert á kynslóðir.

Enda nístir það í hjartað – og fer beint í kjarnann á okkur – þegar við vitum að við erum að bregðast þeim sem síst skyldi:


• Það særir þjóðarstoltið að horfa upp á hvernig er farið með eldra fólk í landinu, sem á stutt eftir; að sitja með manneskju á spítalagangi sem er kvalin og þarf örugga öldrunarþjónustu síðasta spölinn en fær ekki nema neyðaraðstoð á bráðamóttöku, eftir alltof langa bið.

• Það særir þetta stolt þegar við sjáum sömu fréttirnar, ár eftir ár, af aðfluttu verkafólki sem er brotið á, án afleiðinga. Lögreglan hefur ekki bolmagn til að taka á þessu – og stjórnvöld sofa á verðinum.

• Það særir stoltið þegar þegar börn og unglingar þurfa að bíða mánuði og jafnvel ár eftir nauðsynlegri greiningu og þjónustu; þegar fólk sem glímir við fíkn fær ekki þá aðstoð sem það þarf á að halda; þegar við finnum að velferðarkerfið okkar virkar ekki eins og það á að gera.

Og ég spyr: Erum við stolt af því hvernig Íslandi hefur verið stjórnað af fráfarandi ríkisstjórn? Óstjórn í efnahagsmálum. Stefnuleysi í atvinnumálum. Vanræksla á samgöngu- og orkuinnviðum um land allt.

III.
Við getum gert betur. Forseti, ég veit að við getum það. Ég finn það á samtölum við fólkið í landinu að það er tækifæri til að fylkja okkur saman aftur um jákvæða pólitík og stórhuga stjórnmál: Nýtt upphaf – með traustri forystu.

Eins og einn stóratvinnurekandi sagði við mig á dögunum, með leyfi forseta: „Ég hefði aldrei haldið að ég myndi styrkja Samfylkinguna. En gjörðu svo vel, Kristrún. Við hlökkum bara til þegar það verður byrjað að stjórna landinu aftur, og gangi þér vel.“ Ég segi: Takk – við þurfum nákvæmlega þetta hugarfar.

Og sama með kokkinn sem ég spjallaði við í mötuneyti hjá iðnfyrirtæki rétt utan við Reykjavík, sem sagði: „Kristrún, ég hef alla ævi kosið Sjálfstæðisflokkinn. En þú færð allavega mitt atkvæði næst.“ Þá segi ég: Velkominn með – og takk fyrir traustið. Takk fyrir að taka eftir því að breytingarnar sem við höfum ráðist í eru raunverulegar. Og takk fyrir að þora að taka skrefið og skipta um flokk og gefa þessu tækifæri.

Við getum sameinast um svo margt. Nú er tími til breytinga. Og ef fólk vill tilheyra þjóð sem er stolt af sterkri velferð – þá er líklega best að kjósa Samfylkingu.

Fyrsta ræða Kristrúnar Frostadóttur frá boðun kosninga, flutt á Alþingi 17. október 2024.

Ræða Kristrúnar: „Hvað fyllir okkur þjóðarstolti?“

Uppstillingarnefndir Samfylkingarinnar eru að störfum við að finna fólkið í landinu sem mun skipa breiðfylkingu Samfylkingarinnar í komandi kosningum þann 30. nóvember. 

Tíminn er knappur og því þarf að hafa hraðar hendur – sendu okkur póst ekki seinna en núna!

Allir framboðslistar verða að fullu tilbúnir laugardaginn 26. október.

Formenn kjördæmisráða Samfylkingarinnar:
Norðausturkjördæmi: Unnar Jónsson unnar@live.com
Norðvesturkjördæmi: Steindór Runiberg Haraldsson steindor@runiberg.is 
Reykjavík norður og suður: Björk Vilhelmsdóttir fsr@samfylking.is
Suðurkjördæmi: Eggert Valur Guðmundsson eggertvalur@simnet.is
Suðvesturkjördæmi: Gauti Skúlason gautisfk@gmail.com

Ef þú vilt þú vera með okkur í að skapa framtíð Íslands þá hvetjum við þig til að hafa samband!

Viltu slást í hópinn – eða tilnefna einhvern?

Boðað er til fundar kjördæmisráðs Samfylkingarinnar í Suðvesturkjördæmi fimmtudaginn 17. október kl. 20:00 í Samfylkingarhúsinu í Hafnarfirði á Strandgötu 43. Efni fundarins er ákvörðun um aðferð við val á framboðslista Samfylkingarinnar í Suðvesturkjördæmi í næstu Alþingiskosningum. 


Kosið verður um tillögu stjórnar kjördæmisráðs og er tillagan eftirfarandi:

Stjórn kjördæmisráðs Samfylkingarinnar í Suðvesturkjördæmi leggur til uppstillingu og að raðað verði á framboðslista af sérkjörinni uppstillinganefnd. Stjórn ráðsins leggur til að í uppstillingarnefnd sitji þeir sömu fimm fulltrúar og sitja í stjórn ráðsins. Að lokum leggur stjórn ráðsins til að listinn sé paralisti.


Fundarfólk getur lagt fram aðrar tillögur á fundinum um leið við val á framboðslista og um þær verður kosið á fundinum ásamt tillögu stjórnar.

Ráðgert er að annar fundur kjördæmisráðs verði laugardaginn 26. október kl. 12:00 til þess að staðfesta listann, hann verður boðaður síðar.

Stjórn kjördæmisráðs Samfylkingarinnar í Norðausturkjördæmi boðar til kjördæmisráðsfundar.

Fundurinn verður haldinn að Sel-Hótel Mývatni, kl. 13 þann 19. október 2024.

Dagskrá verður send út þegar nær dregur fundi.


Þörf einstaklingsins til að tilheyra er mikil; tilheyra fjölskyldu, tilheyra vinahópi, tilheyra skólanum sínum, tilheyra íþróttafélagi - tilheyra samfélagi, öðlast um leið tilgang og mynda félagsleg tengsl.

Félagsfræðingarnir og félagarnir Baumeister og Leary settu fram kenningu „um þörfina fyrir “að tilheyra“ árið 1995 en tilgátan um þörfina fyrir að tilheyra felur í sér að einstaklingurinn hefur mikla þörf fyrir að mynda og viðhalda varanlegum og jákvæðum mannlegum samskiptum. Tvö skilyrði þarf að uppfylla, annars vegar er það þörfin fyrir samfelld og ánægjuleg samskipti við nokkra aðila. Hins vegar þurfa samskiptin að hafa jákvæð áhrif á velferð þeirra.

Þriðjungur barna af erlendum uppruna tilheyrir ekki skólanum sínum

Á farsældarþingi fyrir ári síðan voru kynntar niðurstöður íslensku Æskulýðsrannsóknarinnar. Rannsóknin var stór og viðamikil og margir þættir skoðaðir, m.a. hvernig börn tilheyra í skólanum. Ein spurningin var: „Ef þú hugsar um skólann þinn, að hve miklu leyti ertu sammála eða ósammála eftirfarandi staðhæfingu? Mér finnst ég tilheyra í skólanum“. Hlutfall barna sem valdi svarmöguleikana „Mjög sammála“ eða „Sammála“ í 6. bekk með erlendan bakgrunn var 79%. Þegar svörun 8. bekkinga og 10. bekkinga eru skoðuð er hlutfallið sem telur sig tilheyra skólanum sínum lækkar hlutfallið í 67%. Það er sláandi staðreynd að allt að þriðjungur unglinga af erlendum uppruna telja sig ekki tilheyra skólanum sínum. Spurningar vakna um hvers vegna umhverfið í skólanum nær ekki að skapa skilyrði fyrir samfelld og ánægjuleg samskipti við nokkra aðila í kringum þennan fjölda barna. Hvers vegna upplifa börn sig ekki tilheyra skólanum sínum sem iðar af lífi bæði barna og starfsfólks?

Söguleg fjölgun fólks með erlendan bakrunn

Í tölulegum upplýsingum sem Skóla- og frístundasvið borgarinnar heldur utan um, kemur fram að fjöldi barna með annað móðurmál en íslensku hefur rúmlega tvöfaldast í grunnskólum Reykjavíkur frá árinu 2015 og telja í dag tæplega 3500 börn. Utan Reykjavíkur búa á öllu landinu um 3600 börn með annað móðurmál en íslensku. Þannig býr tæplega helmingur barna af erlendum uppruna á landsvísu í Reykjavík. Uppruni er klárlega breyta sem skiptir máli enda er tungumálið lykill að samfélaginu, lykill að vináttu og vellíðan, lykill að fjölbreyttu íþrótta- og tómstundastarfi, lykill að þátttöku og virkni. Við viljum öll tilheyra hópi þar sem okkur líður vel, að við höfum rödd og að tekið sé mark á okkur, að á okkur sé hlustað.

Krafa um meiri hagvöxt, hærri framleiðni á kostnað samkenndar og jöfnuðar?

Í nýútkominni skýrslu OECD: Skills and Labour Market Integration of Immigrants and their Children in Iceland er að finna svör sem þarf að staldra við, hvaða ljós hafa blikkað lengi og verið hundsuð? Samtök Atvinnulífsins, íslenskt atvinnulíf og iðnaður þurfa að líta í eign barm en þau hafa notið krafta erlends vinnuafls án þess stuðla að markvissri inngildingu þeirra á vinnumarkaðinn, inn í samfélagið. Að stuðla að inngildingu starfsfólks sem kemur hingað til lands og greiðir til samneyslunar, enda atvinnuþátttaka fólks af erlendum uppruna mjög hjá skv. skýrslunni. Mikið til ófaglært fólk en einnig fólk með formlega menntun sem fær ekki menntun sína metna og vinnur við önnur störf en það menntaði sig til. Menntun og tekjur foreldra segja að mestu til um hvernig börnum vegnar í námi, og ofan á það bætist síðan uppruni fólks. Af því leiðir að börn ófaglærðs fólks með lágar tekjur sem eru af erlendum uppruna er sá hópur sem er verst settur í samfélaginu okkar. Í skýrslunni kemur fram að börn af erlendum uppruna gangi síður í leikskóla og verða þar með af því sem samsvarar þremur árum í námi miðað við íslenska jafnaldra sína. Þegar lögbundin grunnskólaganga tekur við þurfum við kannski ekki að verða svo hissa á því að rannsóknir sýni þau ekki tilheyra skólanum sínum, séu ólíklegri til að eignast vini eða taka þátt í tómstundum, eru líklegri til að hætta í framhaldsskóla og enn síður að útskrifast úr háskóla. Þau verða jaðarsett og einmana og upplifa ekki hlutdeild í þorpinu góða sem íslenskir foreldrar eru aldir upp við og þekkja.

Reykjavíkurborg leiðandi í þjónusta börn af erlendum uppruna

Reykjavíkurborg hefur sett málefni barna af erlendum uppruna í algeran forgang í skólanum þrátt fyrir að vera sniðgengin um 6 milljarða króna á ári í tekjur vegna vangreiðslna á framlagi til grunnskóla og sérframlags til barna af erlendum uppruna. í kosningastefnu Samfylkingarinnar 2018 var kafli um aðgerðaáætlun um málefni barna með annað móðurmál en íslensku og hún er komin í framkvæmd. Með henni var lögð rík áhersla á að jafna tækifæri þessara barna og jafnaldra þeirra til menntunar enda er íslenskufærni grundvallaratriði varðandi lýðræðislega þátttöku, jafnrétti í skóla- og frístundastarfi og samfélaginu öllu. Þannig hafa margir margir góðir hlutir verið gerðir síðustu þrjú kjörtímabil til að stuðla inngildingu barnana inn í nærsamfélagið sitt, verkefni eins og Frístundir í Breiðholti, frístundastyrkur hækkaður upp í 75 þúsund og sjóður stofnaður til að greiða umfram kostnað sem hlýst af skipulögðu tómstundastarf fyrir tekjulágar fjölskyldur. Fjárfest hefur verið í innviðum íþróttamannvirkja fyrir milljarða, fern íslenskuver sett á laggirnar og hefur Miðja máls og læsis verið leiðandi á landsvísu í að þróa leiðir við kennslu og námsmat, eins og milli mála prófið, til þess að þjónusta þennan sístækkandi hóp barna. Þrátt fyrir stefnur, aðgerðir, aukið fjármagn og ríkan pólitískan vilja meirihlutans í Reykjavík þá er staðan mikið áhyggjuefni enda fleiri þættir sem koma að mótun samfélags en pólitískur vilji.

Í fyrra var Kjalnesingasaga kennd í 8. bekk í skóla í borginni. Í árganginum eru töluð 24 tungumál. Barn sem er af íslenskum uppruna fékk stuðning heima, á hverju kvöldi var farið yfir kaflana og sagan heimfærð til nútímans og tengd staðháttum í borginn i- Kjalarnes, Korpúlfsstaðir, Elliðavatn, Esjan og vandræðin sem skapast þegar tveir menn vilja giftast sömu konunni. Svo er það barnið af erlendum uppruna, á foreldra hafa aldrei fengið stuðning eða hvatningu frá sínum vinnustað til að læra íslensku, langur vinnudagur, stundum í fleiri en einu starfi til að ná endum saman, dýrtíð og jafnvel gekk barnið ekki í leikskóla því foreldrar þekktu ekki til þeirra. Þau börn þurfa algerlega að reiða á sjálft sig, kennarann og skólafélagana eða ekki. Sum börn gefast upp. Sumir foreldrar gefast upp því þau geta ekki stutt við börnin sín. Hvað gera börn sem gefast upp? Hegðun breytist, hætta sjá tilgang að mæta í skólann og þau leita í jaðarsetta hópa sem hefur verið hafnað í öðrum skólum.

Hvernig er hægt að meta færni nemandanna í Kjalnesingasögu þegar horft er á færni fjölbreytts nemendahóps sem talar 24 tungumál. Standa börnin jafnfætis? Nei það gera þau ekki og kannski þarf að endurskoða kerfið sem hannar svona umgjörð fyrir börn- kannski er tímaskekkja að kenna Kjalnesingasögu í grunnskóla, kannski ætti hún heima í bóknámsframhaldsskóla. Við erum allavega komin á þann stað að þurfa að endurhugsa kerfin okkar, fá meiri fjölbreytileika í námsgögn, stokka upp aðalnámskrá og námsmat sem taka mið af ólíkum þörfum barna og sveigjanleika til að hægt sé að vinna með börnum á grundvelli styrkleika þeirra því þá eru meiri líkur en minni að þeim líði vel, þau fái tilgang og þar af leiðandi tilheyri.

Þriðjungur barna af er­lendum upp­runa til­heyrir ekki skólanum sínum

Boðað er til aðalfundar Félags frjálslyndra jafnaðarmanna (FFJ) klukkan 19.30 þriðjudaginn 1. október næstkomandi. Fundurinn verður alfarið á Zoom og skráning á fundinn fer fram hér.

Sé áhugi á framboði er hægt að hafa samband við skrifstofu, samfylking@samfylking.is, sem kemur ábendingum áfram til uppstillinganefndar.

Í uppstillinganefnd stjórnar sitja Dagbjört Hákonardóttir og Jónas Már Torfason.

Leit um „��“

2834 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2834 niðurstöður fundust við leit að „���������������������������“