Þann 19. júní fögnum við konunum sem ruddu brautina og þökkum fyrir baráttuna sem kom okkur þangað sem við erum í dag.

Við í Kvennahreyfingu Samfylkingarinnar bjóðum til stutts viðburðar þar sem lesnar verða kraftmiklar kveðjur til kvenna og kvára sem breyttu samfélaginu – og færðu okkur kjarkinn til að taka næsta skref.
Viðburðurinn tekur um 20 mínútur og verður haldinn utandyra á torginu sem er tileinkað Bríeti Bjarnhéðinsdóttur. Að honum loknum göngum við saman á Stórtónleika Kvennaársins í Hljómskálagarðinum sem hefjast kl. 19:00.

Allt fólk er velkomið – af öllu litrófi kyns, bakgrunns og stjórnmála. Hlökkum til að sjá ykkur sem flest!

Lyftum röddum kvenna og kvára í fortíð, nútíð og framtíð.

TAKK KONUR!

*English translation*
On June 19th, we celebrate the women who paved the way and thank them for the fight that got us here.

The Social Democratic Alliance’s Women’s Movement hosts a short outdoor event, where powerful messages will be shared to honor the women and queer folks who’ve helped change society – and given us the courage to keep going.

The event lasts about 20 minutes and takes place at the square dedicated to Bríet Bjarnhéðinsdóttir who was a pioneer in women's rights. Afterward, we’ll walk together to the Kvennaárið Grand Concert in Hljómskálagarðurinn, which starts at 7 PM.
Everyone’s welcome - people of all genders, backgrounds, and political stripes. We’d love to see you there!

Let’s raise the voices of women and non-binary people in the past, present, and future.

TAKK KONUR!
(Thank you, women!)

En málþóf rýrir traust til Alþingis. Helgi Bernódusson, fyrrverandi skrifstofustjóri Alþingis, hélt ræðu í kringum starfslok sín 2019. Þar sagði Helgi:

„Einn draugur fer þó um þinghúsið og ygglir sig í þingsalnum og er mikil nauðsyn að kveðinn verði niður, rotaður í einu höggi, en það er málþóf. Í huga mínum, sem hef unnið í þinghúsinu í áratugi, og stundum þurft að sitja samfellt yfir slíkum draugagangi, er hann tilræði við heilbrigða skynsemi og yfirgangur sem er niðurlægjandi fyrir þingmenn og hina virðulegu stofnun, tilraun til að lama þingið, óbærilegur. Allir flokkar eru sekir í þessu efni.“

Mér fannst hressilegt að lesa þetta. Textinn talar inn í þá tilfinningu sem bærist með flestum, gömlum og nýjum þingmönnum. Stjórnarandstaðan eða Alþingi hlýtur engan sóma af yfirstandandi tafaleikjum. Stjórnarliða klæjar í málbeinið, að færa rök fyrir stefnumálum sínum og hugsjónum, heyra andsvörin og eiga orðastað. Í staðinn er innihaldslítið málþóf.

„Málþóf hefur stundum verið kallað „vopn“ stjórnarandstöðunnar og það mundi raska valdajafnvægi í þingi ef það yrði kveðið niður. En ég hef seint og um síðir áttað mig á því hvílíkur reginmisskilningur það er. Jafnvægið mun aðeins finna sér nýtt og heilbrigðara form, ef óhæfa þessi yrði lamin niður með einu bylmingshöggi, bótalaust.“

Þarna er komist býsna nálægt kjarna málsins. Stjórnarandstaðan hefur ýmsar leiðir til að koma afstöðu sinni til skila, án málþófs. Það sem Helgi er sjálfsagt að vísa í eru skýr, en nánast ekkert notuð, ákvæði í þingskapalögum um að hægt sé að stöðva umræðu, takmarka tíma sem hvert mál tekur, ýmist að tillögu forseta þings eða níu þingamanna. Ég held raunar að þetta þurfi ekki til.

Alþingi ætti hæglega að geta sameinast um þann tíma sem ætlaður er til umfjöllunar hvers máls í upphafi hvers þingvetrar, með samkomulagi allra þingflokka. Núna er samþykkt starfsáætlun sem skilgreinir hvaða daga þing stendur. Sjálfsagt er að útfæra þá dagskrá mun ítarlegar og úthluta málum umfjöllunartíma og greiða um það atkvæði. Meginlínan gæti verið tvær klukkustundir fyrir hverja umræðu en meira í fjárlögum og tilteknum lykilmálum.

Blasir þetta ekki við? Þess má geta að borgarstjórn gerði nákvæmlega þetta fyrir nokkrum misserum. Einhverjir lýstu áhyggjum en nú vildi enginn fara til baka. Ég hvet því þingmenn og forsætisnefnd Alþingis til dáða. Það færi vel á því að næsta þing yrði sannkallað umbótaþing. Og þetta þar með mín fyrsta og síðasta grein um vinnubrögð á Alþingi.

Mér hafa alltaf leiðst greinar þingmanna um vinnubrögð á Alþingi. Þingmenn ættu að laga verklag sitt í kyrrþey. Nóg er af öðrum mikilvægum og áhugaverðum álitaefnum sem eiga erindi við þjóðina.

Til Reykjanesbæjar flytja um 1.000 nýir íbúar á ári en fjölgunin hefur verið tæp 60% undanfarin 10 ár. Áætlun til næstu 10 ára gerir ráð fyrir 23% fjölgun íbúa eða um 5.400 manns. Það eru fá ef nokkur sveitarfélög sem hafa upplifað aðra eins hraða fjölgun.   Fyrir þessu eru nokkrar ástæður:

Reykjanesbær er frábær bær, fjölskylduvænn með góða skóla og íþrótta- og tómstundastarf til fyrirmyndar en næst stærsti hópur íbúa er á aldrinum 6-19 ára.

Húsnæðisverðið er lægra en á stór-höfuðborgarsvæðinu.

Á Suðurnesjum er alþjóðaflugvöllur í miklum vexti auk fjölda annarra fyrirtækja í ferðaþjónustu sem fer vaxandi ár hvert í takt við vinsældir Íslands sem ferðamannastaðar. Samhliða því þurfum við meira fólk til starfa sem flytur í auknum mæli til okkar og sveitarfélaganna í kring.

Á næstu 10 árum er áætlað þörf fyrir 2.200 nýjar íbúðir. Uppbygging undanfarin ár hefur verið öflug með 150 nýjar íbúðir að meðaltali á ári, undanfarin fimm ár. Til framtíðar eru skipulagðar lóðir í sveitarfélaginu fyrir tæplega 3.800 íbúðir sem hægt er að byggja upp á næstu 10 árum.

Þessa dagana er verið að vinna að deiliskipulagi fyrir fjögur svæði í Ásbrúarhverfi Reykjanesbæjar þar sem gert er ráð fyrir rúmlega 180 raðhúsum og einbýlishúsum. Á einu af svæðunum er verið að vinna að því að fjölga raðhúsum á reitnum.

Auk þess er unnið að deiliskipulagi í Ytri-Njarðvík sem gerir ráð fyrir tæplega 30 raðhúsum og verið er að skoða viðbætur á einbýlum og raðhúsum í Dalshverfi 3. Ekki má heldur gleyma að 37 einbýlislóðir eru lausar til úthlutunar í Ásahverfi sveitarfélagsins.

Vissulega verður einnig byggt fjölbýli um allt sveitarfélagið en markaðurinn virðist mikið vera að kalla eftir 1-2 herbergja íbúðum og við því er verið að bregðast við. Aldur íbúa Reykjanesbæjar skiptist nefnilega þannig að langstærsti hluti íbúa er á aldrinum 30-39 ára, svo 6-19 ára og þriðji stærsti hópurinn er á aldrinum 20-29 ára.

Gott er líka að sjá samanburð við önnur sveitarfélög:

Í Reykjanesbæ, fjórða stærsta sveitarfélagi landsins, er meira af einbýlum heldur en í Hafnarfirði og Kópavogi. Reykjanesbær er með færri einbýli en Akureyri og fleiri sérbýli þó að ekki muni miklu.

Það er ljóst að áhuginn á að lifa og starfa í okkar frábæra bæ er mikill og heldur áfram, ár eftir ár. Reykjanesbær er að leggja áherslu á fjölbreytta byggð í uppbyggingu sveitarfélagsins líkt og kemur fram í húsnæðisáætluninni. Áhuginn er mikill á 1-2 herbergja íbúðum og markaðurinn er að svara því kalli.

Bæjarsál Reykjanesbæjar er í góðum höndum og íbúar hafa val um fjölbreytt íbúðaform þó að vissulega hefur ákallið meira verið til fjölbýlis sem er eðlilegt í mikilli uppbyggingu sem einkennt hefur Reykjanesbæ undanfarin ár.


Greinin birtist í Víkurfréttum 16. maí 2025.

Það er gleðilegt að sjá mikinn áhuga á Húsnæðisáætlun Reykjanesbæjar og gott að taka fram nokkrar staðreyndir um uppbyggingu sveitarfélagsins.

Háskólinn á Akureyri var stofnaður árið 1987. Það var farsæl ákvörðun og stofnun hans var ekki ákveðin í neinu tómarúmi. Frá árinu 1900 – 2020 hafa íbúar Reykjavíkur farið úr því að vera 7.4% af landsmönnum í 34%. Og íbúar höfuðborgarsvæðisins úr 11% í 64%. Þetta er óskynsamleg og hættuleg þróun sem nauðsynlegt er að bregðast við. Stofnun skólans er eflaust ein skilvirkasta og farsælasta byggðaraðgerð í sögu landsins og var ekki síst hugsuð í þeim tilgangi.

Skólinn breytti eðli og ásýnd Akureyrar á mjög skömmum tíma. Ári fyrir stofnun hans flutti ég erlendis til náms en kom heim aftur sex árum síðar. Það er óhætt að segja að ég hafi flutt til baka í miklu betri bæ en ég yfirgaf tímabundið, nokkrum árum áður.

Bæjarlífið hafði tekið stakkaskiptum og þessi áður rólegi og fábreytti bær var nú orðin deigla fjölbreyttara og líflegra mannlífs. Þótt margt hafi vissulega lagst þar á eitt er ég sannfærður um að starfsemi skólans og allir ungu háskólanemarnir voru ekki síst lykillinn að þessari jákvæðu þróun.

Þá hefur skólinn styrkt búsetuskilyrði víða á landsbyggðunum og gert sveitarfélögum víða um land kleift að manna mikilvæg störf og þjónustu betur en ella hefði verið. Skapað fjölda fólks góð störf og styrkt fræðasamfélagið á Akureyri. Þótt starfsemin hafi að mörgu leyti breyst með aukinni fjarkennslu og þar með færri staðarnemum búsettum í bænum, gegnir skólin enn gríðarlega stóru hlutverki fyrir Akureyri og allar landsbyggðirnar.

Seint í haust bárust fréttir af því að til stæði að sameina Háskólann á Akureyri og Háskólann á Bifröst í einn öflugan háskóla. Ef þau áform ganga eftir verður að tryggja að sameiningin skili bæði betri skóla og sinni byggðarhlutverki sínu a.m.k. jafnvel; enda var það eitt af höfuð markmiðum með stofnun Háskólans á Akureyri og þarf að vera það áfram. Þó kvikna ýmsar efasemdir varðandi þessa vegferð. Nýleg fýsileikaskýrsla, vekur nefnilega upp fleiri spurningar en hún svarar.

Er tryggt að nemendum við sameinaðan skóla verði áfram gert kleift að stunda nám til meistarastigs án skólagjalda, í öllum tilvikum? Er öruggt að staðarnemum á Akureyri fækki ekki enn á kostnað aukinnar fjarkennslu (einsog auðveldlega má lesa út úr fýsileika skýrslunni). Er víst að megin þorri starfa við skólann leki ekki suður til Reykjavíkur (eins og í tilfelli Háskólans á Bifröst) og geri fræðasamfélagið á Akureyri fátæklegra? Það er mikilvægt að þessum spurningum verði svarað játandi áður en slík sameining yrði kláruð, að öðrum kosti hefði sameiningin verulega slæm áhrif á Norðurland; skaða samkeppnisstöðu svæðisins og ýta enn undir neikvæða byggðarþróun í landinu.

Ein forsenda sameiningarinnar var að andvirði sölu eigna Háskólans á Bifröst rynni í öflugan rannsóknarsjóð. Mér skilst að síðan fýsileikaskýrslan var birt hafi komið í ljós að sú leið er torfærari en áður var talið og því einungis fugl í skógi . Og þá er rétt að muna að það var ein af stóru forsendum sameiningarinnar.

Það sem vakti þó sérstakan ugg var hvað ferlið átti að ganga hratt fyrir sig. Áformin voru gerð opinber seint í haust og í fýsileikaskýrslunni er talað um að sameiningin yrði kláruð fyrir lok febrúar. Nú virðist það sem betur fer hafa breyst og aðilar ætla að taka sér rýmri tíma. Það er því mikilvæg krafa að efnt sé til miklu víðtækara og almennara samtals en átt hefur sér stað hingað til. Þótt slíkar viðræður séu leiddar af sérfræðingum í skólamálum og rýndar af skólastjórnum skólanna er framtíð skólans mikið hagmunamál íbúa alls svæðisins. Og þeir þurfa því að fá færi til að koma með ákveðnari hætti inn í þessa umræðu.

Háskólinn á Akureyri er eitt af fjöreggjum fjórðungsins; tryggir meiri jöfnuð landsmanna til náms og leikur gríðarlega stórt hlutverk í atvinnu- og byggðarþróun svæðisins. Hann er of dýrmætur til að kastað sé til höndunum á þessari vegferð. Þess vegna er rétt að minna á að í upphafi skyldi endinn skoða.

Grein britist á akureyri.net 31. janúar 2024. 

Stjórn Samfylkingarfélagsins í Garðabæ

formaður

Kjartan Valgarðsson

gjaldkeri

Kristján Sveinbjörnsson

ritari

Ragnheiður Hergeirsdóttir

stjórnarmaður

Bergþóra Sigmundsdóttir

Theodóra Fanndal Torfadóttir

Stjórn Samfylkingarfélagsins í Garðabæ 

Nokkuð stapp var um hvort konurnar fengju að taka þátt í göngunni með þessum hætti úr varð að þær gengu aftast. Þetta varð upphafið að Rauðsokkahreyfingunni.

Á morgun munu konur á rauðum sokkum ganga fremst í kröfugöngunni með endurgerða Venusarstyttu í broddi fylkingar. Við hvetjum allar konur og kvár til að fjölmenna! 

Af hverju ganga konur saman 1. maí? Hér eru nokkrar ástæður:

Atvinnutekjur kvenna eru enn um 21% lægri en karla.

Konur sem starfa við ræstingar og umönnun barna fá lægstu launin í íslensku samfélagi.

Vinnudagar kvenna af erlendum uppruna eru lengri en almennt meðal kvenna á Íslandi og laun þeirra lægri. 

Konur þurfa oftar að minnka við sig launaða vinnu til að sinna ólaunaðri vinnu innan veggja heimilisins. 

Um 40% kvenna hafa orðið fyrir ofbeldi á lífsleiðinni

Mætum í rauðum sokkum í kröfugöngu á morgun þann 1. maí! 

Fyrir 55 árum mættu konur á rauðum sokkum í kröfugöngu verkalýðsins með risastóra Venusarstyttu og lögðu fram kröfur sínar um kvenfrelsi. 

Mætum í rauðum sokkum í kröfugöngu á morgun!

Flestir foreldrar í Reykjavík þekkja frístundarvefinn, vefur sem hefur geymt upplýsingar um námskeið til íþrótta og tómstunda í Reykjavík í mörg ár. Margir foreldrar kannast við að sitja framan við skjáinn til að skrá ungana sína í spennandi sumarnámskeið, valið hverfi, tímabil og skannað fjölbreytt framboð á námskeiðum og afþreyingu. Vefurinn var komin til ára sinna og brýnt að uppfæra hann og aðlaga að nýjum stöðlum. Sá annmarki hefur verið á vefnum að hann hefur einungis haldið utan um þjónustuframboð fyrir börn og ungmenni en ekki önnur aldursskeið eins og eldra fólk. Úr því þurfti að bæta. 

Samræmd upplýsingagjöf í þágu eldra fólks í Reykjavík

Öldungaráð Reykjavíkurborgar samþykkti tillögu á síðasta ári um að gerður yrði samræmdur vettvangur sem innihéldi upplýsingar, tímasetningar og gjaldskrá um framboð á tómstundum og  heilsueflingu, líkamlegri, andlegri og félagslegri, sem Reykjavíkurborg veitir, styður eða styrkir til eldra fólks í öllum hverfum í rauntíma. Í tillögunni var vísað til frístundavefs Reykjavíkurborgar, fristund.is sem viðmið til að byggja á. Prufuútgáfa þessa nýja vefs hefur nú litið dagsins ljós og er í vinnslu. Upplýsingavefurinn sem allir foreldrar þekkja býður nú upp á þjónustuframboð fyrir eldra fólk líka. Það er stórt skref í átt til betri og samræmdari upplýsingagjöf um þjónustu við eldra fólk í Reykjavík. Hvaða er í boði, á hvaða tíma og í hvaða hverfum til að mynda hvenær íþróttahús borgarinnar eru opin fyrir eldra fólk yfir vetrartímann, á hvaða dögum sundleikfimi er í Breiðholtslaug, hvenær Kraftur í KR hittist eða postulínsmálun er á Vitatorgi. 

Skipulögð heilsuefling í þágu eldra fólks

Sterkur er máttur heilsueflingar, félagslegrar þátttöku og virkni en fyrir utan líkamlegan og andlegan ávinning sem hlýst af hreyfingu þá vegur félagslegi þátturinn þungt í því að sporna gegn meinsemd 21. aldar - einmanaleikanum. Reykjavíkurborg býður upp á fjölbreytta og umfangsmikla þjónustu fyrir íbúa sína á öllum aldri. Með því að samræma upplýsingar um þjónustu fyrir alla aldurshópa opnast tækifæri til að halda utan um fjölbreytt þjónustuframboð í þágu eldra fólks eins og menningarviðburði, sundleikfimi, styrktarþjálfun, dagskrá gönguhópa og félagsmiðstöðva sem og aðra viðburði, námskeið eða afþreyingu innan starfstöðva borgarinnar sem eldra fólk sækir víðsvegar um borg - allt á einum stað. Samræmd upplýsingagjöf eykur lífsgæði enn frekar, opnar á íbúar sæki sér afþreyingu bæði innan hverfis og utan sem þeir hafa áhuga á. Maður er manns gaman.

Viltu segja þína skoðun á nýjum vef?

Nýi vefurinn er komin í prófun. Mikilvægt að áhugasöm komi að því að segja, hvernig hann og viðmótið virkar á borgarbúa. Þessi útgáfa á vefnum er sett í loftið til að kanna virkni og viðmót og er ekki endanlegur vefur. Hann kemur síðar þegar prófunarútgáfan hefur fengið sína rýni og betrum bætur. Vefslóðin er https://fristund.is/ og þar er hægt að ýta á ábendinga glugga sem spyr hvað sé gott og hvað má gera betur. Langar mig að hvetja öll sem hafa áhuga á góðri þjónustu borgarinnar að gefa sér tíma til að rýna vefnum eins og hann birtist. Börn, foreldrar, ungt fólk, eldra fólk þarf að geta nýtt sér hann og því mikilvægt að flest gefi sér tíma til að prófa - einmitt til að gera þjónustu borgina Reykjavík ennþá betri. 

Höfundur er varaborgarfulltrúi Samfylkingarinnar í Reykjavík,  fyrrverandi formaður öldungaráðs og fulltrúi í menninga- og íþróttaráði.

Fristund.is fyrir öll - líka eldra fólk

Samfylkingin á Akranesi efnir til opins fundar laugardaginn 3. maí, kl. 11:00 í Stillholti 16-18. 

Á fundinum verður fjallað um um málefni aldraðra og velferðarþjónustu á Akranesi. Gestur fundarins er Kristján Þórður Snæbjarnarson, þingmaður Samfylkingarinnar. 

Boðið verður upp á kaffi og rjúkandi vöfflur. 

Öll velkomin - eldri borgarar, aðstandendur, félagsmenn og áhugasamir íbúar. 

Komdu og taktu þátt í uppbyggilegu samtali um málefni sem skipta máli fyrir framtíðina á Akranesi. 

Þetta er fyrsti fundurinn í röð mánaðarlegra funda Samfylkingarinnar á Akranesi.

Málefni aldraðra og velferðarþjónusta á Akranesi

Verið velkomin á opinn fund með Ölmu Möller heilbrigðisráðherra og Eydísi Ásbjörnsdóttur þingmanni Samfylkingarinnar í Norðausturkjördæmi. 

Heilbrigðismál á Austurlandi og staðan í stjórnmálunum

Á dögum fyrri heimsstyrjaldarinnar var alvarlega kreppa í Reykjavík, fólk streymdi til höfuðborgarinnar en húsnæðisekla var mikil í höfuðborginni. Vegna þessa var ásókn í ræktunarland í Kópavogi mjög vaxandi. Kópavogur tilheyrði þá „Seltjarnarneshreppi hinum forna“ og íbúar þar greiddu útsvar sitt til hreppsins sem var landfræðilega tvískiptur, með Reykjavík á milli. Í stríðslok 1945 voru íbúar í „Upphreppnum“ sem Kópavogur kallaðist orðnir rúmlega 500.

Árið 1946 náði nýstofnað „Framfarafélagið Kópavogur“ meirihluta í hreppsnefnd Seltjarnarneshrepps. Hernaðarmannvirki út stríðinu voru fjarlægð og uppbygging á innviðum fór af stað (vatnsveita, holræsi, sími, rafmagn o.s.frv). Margir íbúar á Seltjarnarnesi urðu mjög uggandi um sinn hag og vildu sem minnst af uppbyggingu samfélags í Kópavogi vita. Hulda Jakobsdóttir sem varð síðan bæjarstjóri í Kópavogi sagði í endurminningum sínum að Seltirningar margir kölluðu samfélagið í Kópavogi „landshornalýðinn á Hálsunum“. Almennur fundur í Mýrarhúsaskóla árið 1947 samþykkti tillögu um að hreppnum yrði skipt í 2 hreppsfélög. Kópavogur varð því sérstakt hreppsfélag árið 1948 – gegn vilja meirhluta íbúanna. Slíkt hlýtur að vera einsdæmi.

Finnbogi Rútur Valdimarsson var kjörinn oddviti hins nýja hrepps árið 1948 þegar Framfarafélagið náði meirihluta í kosningum það ár og hélt honum þar til ársins 1962. Kópavogur hafði í millitíðinni öðlast kaupstaðaréttindi árið 1955. Finnbogi varð oddviti og bæjarstjóri allt þar til 1957 þegar eiginkona hans Hulda Jakobsdóttir var skipuð í það embætti, fyrst kvenna á Íslandi til að gegna því starfi. Hún var bæjarstjóri til ársins 1962 en Hulda var reyndar stórmerkilegur frumkvöðull á mörgum sviðum.Í hennar tíð var lagður grundvöllur að nútíma velferðarsamfélagi í bláfátæku sveitarfélagi – en hún hafði líka framtíðarsýn sem er afar dýrmæt fyrir ímynd bæjarins. Hún stóð til dæmis fyrir byggingu Kópavogskirkju þrátt fyrir lítil efni. Syrja má hver ásýnd Kópavogs sé án kirkjunnar okkar.

Þegar ég fæðist sem Kópavogsbúi um 1960 eru íbúar rúmlega 6.000 talsins (3,5% af heildaríbúafjölda landsins) og skiptust jafnt á milli þeirra sem bjuggu á Kársnesinu vestan gjárinnar en hinir austan megin gjár. Menn voru annaðhvort austurbæingar eða vesturbæingar. Staðan er auðvitað gerbreytt. Í dag eru Kópavogsbúar yfir 40 þúsund talsins – eða rúmlega 10% af heildaríbúafjölda landsins og til dæmis er einn af hverjum 5 íbúum bæjarins af erlendu bergi brotinn. Þegar ég var í Kópavogsskóla átti einn strákurinn danskan föður og þótti stórmerkilegt en það voru 35 krakkar í bekknum hjá einum kennara. Í dag væri líklegt að í slíkum bekk væru 6-8 krakkar innflytjendur af fyrstu eða annarri kynslóð.

Það gefur auga leið að slíkum samfélagsbreytingum sem hér var lýst fylgja gríðarlegar áskoranir í skipulagsmálum. Enda er það þannig að skipulagsmál í Kópavogi eru mun vandasamari en áður. Það er augljóst að þegar brotið er nýtt land og innviðir byggðir upp frá grunni að þá er flækjustigið talsvert minna en þétting byggðar á sér stað. Þá koma til ólík sjónarmið um samfélagið til sögunnar og ennfremur ólíkir hagsmunir sem ráða för. Þar sem áður voru holt og melar í Kópavogi er komin rótgróin byggð og innan bæjarmarkanna eru hreinar náttúruperlur sem þarf að varðveita og hlúa að þegar næstu skref eru ákveðin um þróun byggðarinnar. Fossvogsdalurinn er dæmi um djásn innan bæjarmarkanna sem Kópavogsbúum tókst að bjarga frá því að lögð hafi verið hraðbraut um dalinn. Í dag fagna því allir að Davíð Oddssyni og meirihluta hans tókst ekki ætlunarverk sitt frá 1986 og eiga erfitt með að skilja hversu litlu mátti muna þar. Kópavogsdalurinn er önnur perla þar sem nú stendur yfir þverpólitísk og fagleg vinna þar sem lögð er áhersla á 3 þætti: 1) Náttúran (td hreinsun Kópavogslækjar. 2) Útivist og afþreyingu 3) Íþróttastarf. Núna staðan sú að vegna stuðnings Evrópusambandsins hefur fengist styrkur að upphæð 215 milljóna króna til að rannsaka og vinna að hreinsun Kópavogslækjar – og gera hann fiskgengan á ný eftir áratuga þurrð í þeim efnum. Ég hef verið lánsamur að hafa komið að þeirri vinnu og það verður spennandi að sjá næstu skref í því ferli.

Þegar komið er yfir Arnarneshálsinn í norðurátt blasir Kópavogur við. Það er falleg sjón. Kárnesið er orðið gróið trjám og falleg byggðin speglast í Kópavoginum. Kópavogskirkja stendur tignarleg á holtinu og grænn Kópavogsdalurinn í austurátt með sínu gróna yfirbragði. Ég hef lengi verið þeirrar skoðunar að miðbæ Kópavogs skorti betri ásýnd og reyndar mannlíf. Það mun vonandi breytast með tilkomu Borgarlínu – en meira þarf til. Ráðgjafafyrirtækið ALTA gerði árið 2022 svokallaða „forsendugreiningu“ um þróun miðbæjarins í Kópavogi og þar segir m.a: „ Svæðið meðfram Digranesvegi frá Hamraborg að MK er að mörgu leyti vannýtt og hefur mikla möguleika á að verða með áhugaverðari svæðum í miðbænum. Þar er skjól fyrir norðanátt, mjög sólríkt og frábært útsýni til suðurs. Mjög áhugavert er að skoða þetta svæði í samhengi við alla brekkubrún miðbæjarins til suðurs,frá Kópavogsskóla að sundlauginni“. Þetta er lykilatriði sem þarf að hafa í huga þegar gengið er frá endanlegru skipulagi fyrir miðbæ Kópavogs. Við þekkjum öll harmsöguna þegar bæjarstjórnarmeirihlutinn frá 2014-2018 gerði samninginn óskiljanlega vikur fyrir bæjarstjórnarkosningar árið 2018 um sölu á eignum bæjarins við Fannborg. Skaðinn varð margþættur, bæði fjárhagslegur – en kom líka í veg fyrir eðlilega og faglega nálgun á þróun miðbæjarins í Kópavogi. Það er óskandi að þessi forsendugreining ALTA verði verði lögð til grundvallar á gerð rammaskipulags fyrir Miðbæ Kópavogs. Það er einstakt tækifæri að heildarsýn verði unnin í samráði við íbúana og nútímaleg fagleg vinnubrögð verði lögð til grundvallar í nýju skipulagi fyrir þetta lykilsvæði í skipulagi Kópavogsbæjar. Mistök sem þessi samningur var er vitnisburður um vinnubrögð sem mega aldrei endurtaka sig.

Með tilkomu brúarinnar Öldu frá Kársnesi yfir Fossvog til Reykjavíkur og Borgarlínu með endastöð sem fyrsta áfanga í Hamraborg er vesturbær (og miðbær Kópavogs líka) einn mikilvægasti hlekkurinn í nútímavæðingu höfuðborgarsvæðisins. Mikil áskorun er hjá skipulagsyfirvöldum í Kópavogi að vinnulag vegna skipulagsins taki mið af viðurkenndum sjónarmiðum í skipulagsfræðum og að allt verði gert til að fanga sjónarmið íbúanna sem búa á Kársnesi og í miðbænum. ALTA hefur unnið rammaskipulag sem ber yfirskriftina „Viðsnúningur á Kársnesi“. Þar segir að mikil tækifæri blasa við en jafnframt að hingað til hafi heildarsýn skort um skipulag á Kársnesi hingað til. Þetta sé hinsvegar hægt að leysa með bæði íbúasamráði og faglegri nálgun. Ég er á því að á slíkt hafi oft hingað til skort, því miður. Vonandi verður leitað ásjár fagaðila í þessum efnum.

Göngu- og hjólastígur á sunnanverðu Kársnesi

Einhver áhugaverðasti þátturinn í skipulaginu á Kársnesi er hvernig göngu- og hjólastígur á sunnanverðu nesinu verður lagður. Ef vel er á málum haldið er hér um að ræða einhverja fegurstu göngu- og hjólaleið á öllu höfuðborgarsvæðinu. Mikilvægi hennar mun aukast talsvert með tengingu við hafnarsvæðið á Kársnesi og Öldu, nýju brúna yfir Fossvog til Reykjavíkur. Nú eru til umræðu ýmsir valkostir hvernig á að útfæra stíginn til útivistar og almenna umgengni. Eftir vandaða og faglega úttekt Umhverfissviðs er það ljóst að öll rök hníga að því að stígurinn muni liggja um sunnanvert Kársnes. Þegar tekið hefur verið mið af ýmsum þáttum s.s. leiðavali, gatnamótum, hraða og almennu aðgengi eru valkostirnir mjög skýrir.

Það blasir við að ef stígurinn á að liggja meðfram ströndinni þá þarf hönnun hans að taka mið af þeirri staðreynd að fara þarf inn á lóðir þar sem íbúar hafa smám saman síðustu áratugi stækkað lóðir sínar út fyrir lóðamörk.Samtal þarf að eiga sér stað við þá íbúa – en vonandi komast aðilar að samkomulagi sem allir geta sætt sig við.

Framundan eru því miklar áskoranir í skipulagsvinnu í Kópavogi – og brýnt að allir aðilar leggi sig fram í þeirri vinnu sam framundan er.Við afkomendur „landshornalýðsins á Hálsunum“ berum mikla ábyrgð í þeim efnum.

Leit um „��"

3253 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3253 niðurstöður fundust við leit að „���������������������������������������������������"