Samfylkingin í Hafnarfirði býður til opinsfélagsfundar mánudaginn 26. september kl. 18, Strandgötu 43. Við ætlum að ganga frá kjöri landsfundarfulltrúa og fara yfir drög á uppfærðri stefnu. Heiða Björg Hilmisdóttir, varaformaður, fer yfir stefnuna með okkur. Á boðstólnum verður rjúkandi haustsúpa. Drög að uppfærðri stefnu. 

Landsfundur Samfylkingarinnar verður haldinn dagana 28. & 29. október á Grand Hótel Reykjavík. 

Ósk um setu á landsfundi fyrir hönd Samfylkingarinnar í Hafnarfjörð. 

Landsfundarfulltrúar hafa kosningarétt á landsfundi en til að fá þann rétt er aðildarfélögum skylt að kjósa fulltrúa úr sínum röðum. Ef fleiri eru í kjöri en fulltrúatala segir til um þá skal kosning fara fram leynilega og skriflega.

Tala fulltrúa miðast við tölu fullgildra aðalfélaga eins og hún var samkvæmt flokksskrá 31. desember næstliðins árs. Fyrir 10 félagsmenn sé kjörinn einn fulltrúi og síðan til viðbótar einn fulltrúi fyrir hverja 10 félagsmenn. Kjósa skal jafn marga fulltrúa til vara. 

Skráning á listann er ekki ígildi þess að vera kjörinn landsfundarfulltrúi. Stjórn aðildarfélagsins fer yfir skráningar og leggur endanlegan lista af landfundafulltrúum til kosninga á félagafundi. 

Kæri félagi í Hafnarfirði, skráning er hafin á landsfundarfulltrúum!

Samfylkingin í Hafnarfirði: Félagsfundur 

Fyrir síðustu kosningar tókst ríkisstjórnarflokkunum að höfða til öryggisþarfar fólks eftir covid og þreytu á stjórnmálum yfirleitt, og útkoman er sama gamla stjórnin - sem engum finnst beinlínis standa sig illa - en engum finnst heldur koma miklu í verk; aðeins halda í horfinu. Á meðan hrannast verkefnin upp.

Það er nefnilega ekkert alltaf bara best að kjósa óbreytt ástand. Meira að segja sjálfur hæstvirtur forsætisráðherra virtist gera sér grein fyrir þessu þegar hún talaði yfir sínu fólki á flokksráðsfundi Vg nýlega -um allt það sem Vg myndi langa til að gera - ef Vg væri í valdastöðu: Til dæmis að hætta sérsköttun á ofsaríku fólki, sem greiðir minna en við hin til samfélagsins.

Og varaformaður Vg sagði við sama tækifæri að flokkurinn vildi helst vera í annarri ríkisstjórn - en þyrfti að vera í þessari - til að passa upp á að hlutir gerist ekki. 

Hvaða hlutir máttu ekki gerast, nefndi ráðherrann ekki - en varla átti hann við bætt kjör aldraðra, öryrkja og launafólks – eða framlög til heilbrigðiskerfisins.

Því miður er það svo, að í skjóli meintrar varðstöðu VG, kyngir flokkurinn lækkun veiðigjalda, ömurlegri útlendingastefnu, lélegu velferðarkerfi, ómarkvissri byggðastefnu, vafasömum embættisveitingum og metnaðarleysi í loftslagsmálum. 

Hvað sem líður ræðuhöldum á flokksstjórnarfundum þá er varðstaðan í reynd um hagsmuni hinna ríku. Það sjáum við í fjárlagafrumvarpinu.

Enn einu sinni blasir við efnahagsvandi sem verður til í því jafnvægisleysi sem einkennt hefur íslenskt samfélag svo lengi sem elstu menn muna. 

Almenningur stendur frammi fyrir því að verð á nauðsynjum rýkur upp,  vextir hækka og fólk horfir á kaupmáttinn rýrna um leið og því er sagt að það megi ekki sækja leiðréttingu í kjarasamningum. Og ungt fólk sem er að hefja búskap stendur frammi fyrir húsnæðisverði sem er ókleifur múr. 

Sem sagt, gamla sagan: Of mikil sóun á sumum stöðum, of mikill skortur á öðrum stöðum. Það er vitlaust gefið. Er þetta jafnvægisleysi eitthvað í genunum á okkur Íslendingum? Nei. Eitthvað náttúrulögmál? Ó nei, á þessu er mun einfaldari skýring: 

Hér ráða einfaldlega för, sterk öfl, sem hafa hag af því að viðhalda ríkjandi ástandi. Stórfyrirtækin og ríkasta eina prósentið - sem gera sjálf upp í evrum - en telja okkur hinum trú um að íslenska krónan sé þjóðargersemi. Ríkisstjórnin er mynduð kringum varðstöðu um þessa hagsmuni.

Því miður hefur jafnaðarstefnan ekki verið höfð að leiðarljósi við landstjórnina í nokkur kjörtímabil, með þeim afleiðingum, að tekjuhlið ríkissjóðs er sífellt meira borin uppi af sköttum á almennt launafólk á meðan ríkasta eina prósentinu er hlíft. Og þess vegna er minna úr að spila til að reka þau stóru kerfi sem þjóðin vill að séu rekin af sameiginlegum sjóðum: menntakerfið og heilbrigðiskerfið, sem hefur verið fjársvelt um árabil.

Herra forseti, nú siglum við inn í erfiðan vetur fyrir mörg og aðstæður leyfa ekki að ríkisstjórnarsamstarf gangi út á það eitt að hlutir gerist ekki.

Við þurfum undireins snöggar og afgerandi aðgerðir til að vernda almenning fyrir verðbólgunni: Ná breiðari sátt um réttláta skiptingu á byrðunum.

Við þurfum undireins að takast á við stórkostlegan fjármögnunar og mönnunarvanda heilbrigðiskerfisins.

Og í dag þegar færa má rök fyrir því að fólk sé annars flokks þegnar fyrir það eitt að velja að búa fjarri höfuðborgarsvæðinu, er svarið ekki að auka eldsneytisskatta, sem munu hækka vöruverð í dreifðari byggðum.

Heldur þarf stórátak í tækni og nýsköpun sem styrkir atvinnulífið um allt land. Þær greinar þola þó illa sveiflur krónunnar og því felast mikilvægir hagsmunir í fullri þátttöku í Evrópusambandinu með stöðugri gjaldmiðli: Þar fara hagsmunir almennings og atvinnulífs saman.

 Við þurfum ríkisstjórn sem tekur almannahagsmuni fram yfir sérhagsmuni og óttast ekki alþjóða samvinnu í síbreytilegum heimi.

Kæru landsmenn, þótt efnahagslífið krefjist allrar okkar athygli – þá er Það mín bjargfasta trú - að ábyrgir stjórnmálaflokkar megi ekki hunsa margvíslegar ákoranir sem mannkynið stendur andspænis í mannréttindamálum. 

Hvort heldur þegar kemur að fátækt, misskiptingu, stöðu hinsegin fólks eða annarra í viðkvæmri stöðu. Svo ekki sé minnst á milljónir fólks á flótta undan hörmulegum aðstæðum. Allt eru þetta sameiginleg verkefni ríkja heims – allra stjórnmálaflokka - allra manna. Flokkar sem grundvalla ekki stefnu sína á mennsku og samhjálp hafa engin svör í þeim aðstæðum sem mannkynið stendur frammi fyrir. Ég mun því beita mér áfram fyrir því að þar liggi meginþráður Samfylkingarinnar - þótt það verði vissulega úr öðrum stól en áður.

Ræða Loga Einarssonar formanns Samfylkingarinnar í umræðum um stefnuræðu forsætisráðherra á Alþingi þann 14. september 2022.  

Logi: Hér ráða einfaldlega för, sterk öfl, sem hafa hag af því að viðhalda ríkjandi ástandi. 

Samfylkingarfélagið í Reykjavík stendur fyrir opnum umræðufundi um verðbólgu og vaxtahækkanir - áhrif á heimilin og fólkið í landinu miðvikudaginn 21. september 2022 kl. 17.30 - 19:00 í Sóltúni 26 þar sem Auður Alfa Ólafsdóttir sérfræðingur í umhverfis- og neytendamálum og verkefnisstjóri verðlagseftirlits ASÍ og Eiríkur Ragnarsson hagfræðingur hjá Frontier Economics í Þýskalandi verða með erindi.

Verðbólgan og staða heimilanna – margslunginn vandi sem krefst margþættra lausna, Auður Alfa Ólafsdóttir.

Verðbólgudraugasögur, Eiríkur Ragnarsson.

Opinn umræðufundur um verðbólgu og vaxtahækkanir - áhrif á heimilin og fólkið í landinu

Landsfundur Samfylkingarinnar verður haldinn dagana 28.-29. október 2022 í á Grand Hótel í Reykjavík. Landsfundur er opinn öllum flokksfélögum Samfylkingarinnar - jafnaðarmannaflokki Íslands, með málfrelsi og tillögurétti.

Upplýsingar um landsfundinn má finna heimasíðu Samfylkingarinnar. Samkvæmt lögum flokksins ber félögum aðildarfélaga að kjósa fulltrúa sína formlega á félagsfundi, sem einir hafa atkvæðisrétt á landsfundi. Það er því mikilvægt að tryggja sér seturétt á landsfundi í tæka tíð og senda okkur tölvupóst á formann félagsins, 
dagbjort.hakonardottir@gmail.com  þar sem fram koma upplýsingar um
a) fullt nafn, b) kennitölu, c) símanúmer og d) virkt netfang. 

Við stefnum á að kjörið fari fram miðvikudaginn 28. september nk. á súpufundi í hádeginu á Vínstúkunni 10 Sopum, Laugavegi 27 101 Reykjavík, þar sem við fáum til okkar góða gesti. Nánari tímasetning og dagskrá er að vænta á allra næstu dögum. Skráningu landsfundarfulltrúa lýkur kl. 10:00 fyrir hádegi samdægurs.
Á fundinum gefst okkur jafnframt tækifæri til að eiga saman samtal um framlagðar breytingar á stefnu flokksins, sem er í viðhengi. Landsfundarfulltrúar eru hvattir til að koma breytingartillögum sínum á framfæri á til þess gerðu eyðublaði sem einnig er í viðhengi.

Ef þú hefur áhuga á að bætast í hóp landsfundarfulltrúa og taka þátt í starfi Samfylkingarinnar sem fulltrúi félagsins er þér velkomið að skrá þig eða senda tilnefningar um fulltrúa með tölvupósti á sigrun@samfylking.is.

Með bestu kveðju, Dagbjört Hákonardóttir formaður FFJ

Kæri frjálslyndi félagi, skráning er hafin á landsfundarfulltrúum!

Félagi frjálslyndra jafnaðarmanna: Félagafundur

Slembilukka ræður því hvar á Jörðinni við fæðumst en það er ákvörðun að velja sér nýjan samastað og hana þarf stundum að taka vegna aðstæðna sem einstaklingar bera enga ábyrgð á; stríðið í Úkraínu er nærtækt dæmi. 

Og kannski ræður heppnin meiru um það hvernig okkur farnast í lífinu en við kærum okkur um að viðurkenna? 

Hverjir græða peninga, hver njóta virðingar eða hver eru talin skara fram úr. Höfum í huga því að mælistika verðleikanna getur villt okkur sýn. Öll eigum við sömu réttindi  - mannréttindi, borgaraleg og félagsleg – og öll verðskuldum við gott líf. 

Hlutverk okkar í þessum sal er að sjá til þess að mannréttindi séu virt og tryggð og lífskjörin bætt. Hvernig það er gert, gerir gæfumuninn fyrir fólkið sem hér býr innfædd og aðflutt. 

Ríkisstjórn Katrínar Jakobsdóttur hefur setið í tæplega fimm ár og sýnt svo ekki verður um villst að stefna hennar snýst um að finna lægsta pólitíska samnefnara VG, Sjálfstæðisflokksins og Framsóknarflokksins. 

Forsætisráðherra kallar þær málamiðlanir, og þær þarf vissulega að gera, en eftir fimm ár er alveg ljóst á hverra kostnað þær eru gerðar. Ekki þarf að fara lengra aftur en til afgreiðslu rammaáætlunar um nýtingu og vernd orkusvæða í sumar til að sjá það. 

Meðferð valds ræður úrslitum um traust almennings til stjórnmálafólks og stjórnmálanna, því valda nýleg dæmi úr ríkisstjórninni áhyggjum.

Of oft kjósa ráðherrar að auglýsa ekki æðstu embætti innan stjórnarráðsins og hjá hinu opinbera. Opinber embætti eru ekki gæði sem ráðherrar útdeila með persónulegu mati á hæfni fólks eða til að safna að sér „bestu vinkonum aðal“ eins og þar segir. Það þarf að auglýsa embætti til að tryggja jafnræði borgaranna. Öll eiga að geta sótt um, fengið faglegt og gagnsætt mat á grundvelli málefnalegra sjónarmiða. Þegar þetta er ekki gert, trekk í trekk,  grefur það undan trausti almennings til stjórnsýslunnar og stjórnmálanna. Því spyr ég, hæstvirtur forseti, er ekki bara best að auglýsa?

Sala á hlut ríkisins í Íslandsbanka fyrr á þessu ári er líka talandi dæmi um skilningsleysi ríkisstjórnarinnar á valdmörkum og nauðsyn armslengdar við slíkar ákvarðanir. Við bíðum enn skýrslu Ríkisendurskoðunar um bankasöluna en ekki síður haldbærra skýringa fjármála- og efnahagsráðherra og flokkanna sem styðja hann á því hvers vegna ekki var strax samþykkt að gjörningurinn útheimti rannsóknarnefnd á vegum Alþingis. Í þess stað var reidd fram ein stærsta smjörklípa síðara ára – og hún er farin að þrána.

Daglega horfum við uppá afleiðingar hamfarahlýnunar um allan heim. Það er ekki ofsagt að jörðin brenni! Í þriggja mánaða gömlu áliti Loftslagsráðs má lesa ákall til stjórnvalda um meiri festu og hraða í lífsnauðsynlegum aðgerðum til að draga úr losun og bregðast við þeim breytingum sem þegar eru hafnar. Þar segir orðrétt: „markmið um samdrátt í losun gróðurhúsalofttegunda fyrir 2030 eru óljós og ófullnægjandi.“ 

Það var því með nokkurri eftirvæntingu sem ég fletti upp í málaskrá umhverfis-, orku- og loftslagsráðherra en vonbrigðin voru mikil. 

Orkuskiptin margumtöluðu og nauðsynlegar lagabreytingar til að forgangsraða orkuöflun í þágu þeirra verða ekki á dagskrá þingsins fyrr en á vormánuðum 2023. Einu og hálfu ári eftir að nýr ráðherra tók við sameinuðu ráðuneyti með afar stórt nafn. 

Samt leyfir forsætisráðherra sér að segja í stefnuræðu sinni að Ísland sé „á fullri ferð út úr kolefnishagkerfinu, inn í nýtt grænt hagkerfi.“  

Hvernig er það, eru ráðherrar ólæsir á stöðuna? Eða kannski bara fastir í málmiðlununum?

Nafn Samfylkingarinnar vísar til samfylkingar á fjórða áratug síðustu aldar gegn uppgangi nasisma og fasisma í Evrópu. Hvern hefði grunað þegar við stofnuðum Samfylkinguna vorið 2000 að tveim áratugum síðar væri baráttan gegn fasisma 21. aldarinnar á dagskrá stjórnmálanna? 

Í austurvegi er tjáningarfrelsið fótum troðið og stjórnarandstæðingar í fangelsi eða búnir að mæta skyndilegum dauðdaga. Í Svíþjóð er jaðarhreyfing nýnasista orðin næststærsti stjórnmálaflokkurinn. Hina nýju strauma í evrópskum stjórnmálum má kalla fasisma á fínum fötum. 

Hreyfingarnar eiga það sameiginlegt að ráða ekki við stærstu verkefni samtímans: fólksflutningum skal mætt með lokun landamæra; hamfarahlýnun með afneitun; og kröfunni um jöfnuð og velferð með yfirboðum og skyndilausnum. 

Það er sótt er að kvenfrelsi og mannréttindum hinsegin fólks,  það er sótt að lýðræðinu og hinu opna samfélagi, ekki  bara í útlöndum. Hér heima verðum við gera okkar til að næra frelsið og fjölbreytileikann og styrkja samfélagið sem við erum svo heppin að tilheyra. 

Gildi jafnaðarhugsjónarinnar um jafnrétti, frelsi og samstöðu veita skýra leiðsögn í flóknu verkefnum samtímans og þingmál okkar í Samfylkingunni munu bera þess merki. Samfylkingin er í sókn og sækir kraft sinn í allt það fólk sem hafnar samfélagi hins lægsta samnefnara.  Þakka þeim sem hlýddu.

Ræða Þórunnar Sveinbjarnardóttur í umræðum um stefnuræðu forsætisráðherra á Alþingi þann 14. september 2022.  

Þórunn: Hlutverk okkar í þessum sal er að sjá til þess að mannréttindi séu virt og tryggð og lífskjörin bætt.

Landsfundarfulltrúar hafa kosningarétt á landsfundi en til að fá þann rétt er aðildarfélögum skylt að kjósa fulltrúa úr sínum röðum. Kosningar fulltrúa og varafulltrúa Samfylkingarinnar á Vestfjörðum á landsfund fara fram á félagsfundi miðvikudaginn 21. september á Heimabyggð, Aðalstræti 22b á Ísafirði. Fundurinn hefst kl. 20:00.

Ósk um setu á landsfundi fyrir hönd Samfylkingarfélagsins á Vestfjörðum.

Skráning á listann er ekki ígildi þess að vera kjörinn landsfundarfulltrúi. Stjórn aðildarfélagsins fer yfir skráningar og leggur endanlegan lista af landfundafulltrúum til kosninga á félagafundi þann 21. september kl. 20:00, einnig verður þá farið yfir drög að nýrri stefnu. Drög að uppfærðri stefnu. 

Skráningu lýkur 19. sept. kl. 15:00.
Ath. Þeir sem vilja komast rafrænt á félagsfundinn. Láti vita á netfangið gylfithor@simnet.is eða skrái ósk sína undir auglýsingu um fundinn á fésbókar síðu Samfylkingarinnar á Vesfjörðum

Kæri félagi, skráning er hafin á landsfundarfulltrúum!

Samfylkingarfélagið á Vestfjörðum: Félagsfundur

Við ætlum að hafa spjallkaffi nk. miðvikudag, 19. október kl. 10 - 12, í húsnæði Samfylkingarinnar Sóltúni 26. Gestur okkar að þessu sinni verðurGuðmundur Árni Stefánsson oddviti Samfylkingarinnar í Hafnarfirði og fyrrv. ráðherra.

Spjallkaffið er að venju í Sóltúni 26 á skrifstofu Samfylkingarinnar í Reykjavík. Þetta er síðasta spjallkaffi fyrir landsfund. 

Boðað hefur verið til Landsþings 60+ þann 28. október. Landsþingið hefst kl. 10 og gert er ráð fyrir að því verði lokið kl. 12. Landsfundur Samfylkinginnar hefst svo um kl. 13 sama dag, föstudaginn 28. október.

Auk venjulegra aðalfundastarfa verða góðir gestir á Landsþinginu. Ásta Ragnheiður Jóhannesdóttir ávarpar þingið, en hún átti hugmyndina fyrir tæpum 20 árum að því að stofna þennan vettvang eldra fólks í flokknum. 

Eftir að aðalfundarstörfum er lokið verða munu þau Oddný Harðardóttir og Jóhann Páll Jóhannsson ræða við fundarfólk.

Það er alltaf heitt á könnunni hjá okkur.
Hlökkum til að sjá þig.

Við ætlum að hafa spjallkaffi nk. miðvikudag, 5. október, í húsnæði Samfylkingarinnar Sóltúni 26. Gestur okkar að þessu sinni verðurOddný G. Harðardóttir, þingkona og 1. varaformaður Velferðarnefndar Alþingis, mun hún m.a. fara yfir störf nefndarinnar. 


Spjallkaffið er að venju í Sóltún 26 á skrifstofu Samfylkingarinnar í Reykjavík.

Það er alltaf heitt á könnunni hjá okkur.
Hlökkum til að sjá þig.

Þessi samskipti dýpka störf okkar mikið enda erum við í vinnu fyrir fólkið í landinu og eigum í störfum okkar að sinna því eins og okkur er frekast unnt. Það gerum við með því að fræðast um allt sem gerist hér á landi.

Það sem stendur uppúr eftir þessa viku er hversu viðkvæmir innviðir okkar eru. Hér ætla ég að fjalla um tekju- og verkefnaskiptingu milli ríkis og sveitarfélaga enda var það hvað mest áberandi í samtölum okkar við sveitastjórnarfólk um allt land hversu óheilbrigð skipting er á fjármunum til samneyslunnar.

Í mörg ár hefur verið bent á það hversu ríkið er duglegt við að færa fleiri verkefni úr höndum ríkis til sveitarfélaga. Það er í raun mjög góð hugmynd að færa nærþjónustu við íbúana undir ábyrgð sveitarfélaganna en þá verður að tryggja að viðunandi fjármagn fylgi með í kaupunum. Þau sveitarfélög sem uppfylla ekki lágmarksviðmið um fjárhagslega sjálfbærni og eru undir eftirliti eftirlitsnefndar með fjármálum sveitarfélaga hefur fjölgað úr 12 í 30 frá árinu 2019 og það eitt sýnir svart á hvítu að það er eitthvað verulega bogið við tekjuskiptinguna og þar ber ríkið ábyrgð.

Ein helsta örsökin fyrir þessari stöðu er vanfjármögnun vegna þjónustu við fatlað fólk. 
 
 17 milljarða kr. uppsafnaður halli blasir við okkur í málaflokki fatlaðs fólks frá því að málaflokkurinn var fluttur til sveitarfélaganna fyrir áratug. Sífellt fleiri verkefni eru svo samþykkt af Alþingi, síðast nauðsynlegar umbætur á þjónustu við fatlað fólk með langvarandi stuðningsþarfir, svokölluð NPA þjónusta, sem samþykkt var einróma á Alþingi þrátt fyrir kostnaðarútreikninga sem voru ekki í tengslum við raunveruleikann. Fjallað var um að mögulega væri um að ræða brot á lögum um opinber fjármál sem á að tryggja að fjárhagslegt mat sé lagt á lagafrumvörp. Á því og vanfjármögnun bera stjórnvöld ábyrgð. 
 
 En ríkisstjórnin skilar auðu. Þau láta eins og þetta sé bara ekki þeirra mál heldur hafi sveitarfélögin gert eitthvað rangt með þjónustu sinni við þennan viðkvæma hóp. En málaflokkur fatlaðs fólks er ekkert einsdæmi og er nærtækast að nefna þjónustu við eldra fólk sem dvelur á hjúkrunarheimilum en á síðasta kjörtímabili neyddust sveitarfélög til að skila af sér rekstri hjúkrunarheimila vegna ófullnægjandi fjármagns frá ríkinu með þjónustunni. Ekkert fjármagn er í sjónmáli fyrir uppbyggingu frekari hjúkrunarheimila og álagið á Landspítala og önnur sjúkrahús eykst.

Greinin birtist í Morgunblaðinu 11. okt. 2022 

Kjördæmaviku þingmanna er nýlokið þar sem þingmönnum gefst kærkomið tækifæri til að ferðast um, ræða við fólk, heimsækja fyrirtæki, stofnanir og sveitastjórnarfólk. 

Ríkið þarf að greiða fyrir þjónustuna 

Þetta kemur fram í nýrri samantekt frá verðlagseftirliti ASÍ þar sem lagt er mat á áhrif verðbólgu og vaxtahækkana eftir heimilisgerð. Kaupmáttur rýrnar, hlutfall þeirra sem búa við íþyngjandi húsnæðiskostnað fer hækkandi og ójöfnuður vex milli ára.

Það er undir þessum kringumstæðum sem ríkisstjórn Katrínar Jakobsdóttur ætlar að láta opinberan stuðning við barnafólk og skuldsett heimili rýrna að raunvirði og hækka flöt krónutölugjöld á almenning miklu meira en venjan er. Þarftu að keyra til og frá vinnu? Ertu í veitingarekstri? Notarðu neftóbak? Þá ætlar Bjarni Benediktsson fjármálaráðherra að hækka gjöldin þín.

Gallinn við þessa nálgun í glímu við verðbólgu er sá að í fyrstu leka gjaldahækkanirnar beint út í verðlagið og hækka vísitölu neysluverðs, þvert á það sem að er stefnt. Verst er þó að gjaldahækkanirnar koma harðast niður á tekjulægri heimilum sem verja hæstu hlutfalli tekna sinna til neyslu. Þannig eru sömu hóparnir og finna sárast fyrir verðbólgunni líka látnir bera allan herkostnaðinn af baráttunni gegn henni.

Philip Lane, aðalhagfræðingur Seðlabanka Evrópu, hefur lagt til að ríkisstjórnir skattleggi frekar stöndugustu fyrirtækin og efnamesta fólkið. Þannig megi skapa svigrúm í hagkerfinu til að skýla tekjulægri hópum fyrir áhrifum verðbólgunnar. Þetta er leiðin sem við í Samfylkingunni leggjum til að verði farin í þingsályktunartillögu okkar um samstöðuaðgerðir á verðbólgutímum; að vaxta- og barnabótakerfinu verði beitt með markvissum hætti til að styðja við heimili sem þurfa á stuðningi að halda og að unnið verði gegn þenslu með sanngjörnum sköttum á hæstu tekjur og hvalrekagróða. Það er góð velferðarpólitík og góð hagstjórn.

Greinin birtist í Fréttablaðinu 4. okt. 2022. 

Mánaðarleg útgjöld fjölskyldu með tvö börn sem býr í eigin húsnæði og er með 50 milljóna króna lán hefur hækkað um 128.607 krónur á síðastliðnu ári. 

Herkostnaðurinn lendir á hinum tekjulægri

Leit um „��“

2350 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Vertu í bandi:

Leit um „���������������������������“