Spjallkaffi verður á sínum stað miðvikudaginn 26. apríl kl. 10:00 - 12:00 í sal Samfylkingarinnar við Hallveigarstíg 1, 101 Reykjavík.

Sabine Leskopf, borgarfulltrúi, verður gestur okkar að þessu sinni og ætlar að ræða skólamálinn í borginni.  

Það verður heitt á könnunni og eitthvað með því. 
Verið öll velkomin! 

Samtök leigjenda birtu nú á dögunum kolsvarta skýrslu um stöðuna á leigumarkaði og er vægast sagt dregin þar upp öllu nöturlegri mynd en við fáum yfirleitt að heyra.

Þar kemur skýrt fram að það er alvarleg húsnæðiskreppa á Íslandi og kjör leigjenda eru hrikaleg sem bitnar skelfilega á veikum hópum: þeim sem eru á lægstu laununum, fjölskyldufólki, flóttafólki, örorkulífeyristökum og ellilífeyristökum. Og ástandið fer hríðversnandi. Því þessir hópar eru í raun fastir í óðaverðbólgu sem hækkar leigu á íbúðarhúsnæði í hverjum einasta mánuði. 

Fimmta hvert barn í leiguhúsnæði býr við sárafátækt. Það er nánast ómögulegt að fólk komist af leigumarkaði eftir því sem það verður eldra, því fer þeim sífjölgandi sem eru í þeirri stöðu. En einungis innan við 1 af hverjum 10 leigjendum vilja vera á leigumarkaði – skiljanlega!

Æ meiri skortur á leiguhúsnæði neyðir fólk til að taka sér bólfestu í óleyfishúsnæði og skorturinn skrúfar upp leiguverðið í hverjum einasta mánuði. Því leigjendum gefst ekki annað en að beygja sig undir óásættanlega samninga sem eru í raun einhliða ákvörðun leigusalans. Því lög um vísitölutengingu á húsaleigu voru afnumin árið 1999. 

Það eru fyrirtæki sem gera grimmilega út á húsnæðismarkaðinn og hafa rakað að sér æ stærri hluta hans og bjóða leigjendum afarkosti – afarkosti á að eiga sér heimili; grunnþörf hvers manns. 

2/3 allra íbúða frá árinu 2005 hafa verið keyptar af fjárfestum – í þeim eina tilgangi að hagnast á þeim.

Það er full ástæða til að Alþingi hætti að draga lappirnar í neyð leigjenda. Því ber að taka vafningalaust fyrir mál leigjenda og stöðu þeirra á Íslandi af fullri alvöru og þunga.  

Leigjendur geta ekki beðið lengur eftir réttlæti.

Fimmta hvert barn í leiguhúsnæði býr við sárafátækt

Á meðal gesta verða Kristrún Frostadóttir formaður Samfylkingarinnar og Anna Sigrún Baldursdóttir sem er formaður stýrihóps flokksins um heilbrigðismál og öldrunarþjónustu.

Ert þú með sérþekkingu í heilbrigðismálum eða reynslu af gólfinu? Eða ertu almennur borgari sem vill sjá breytingar til hins betra í heilbrigðismálum á Íslandi? Þá viljum við fá þig með í samtalið.

Samfylkingin stendur nú fyrir samræðum um heilbrigðismálum um land allt. Málefnastarf flokksins er með nýju sniði og heilbrigðismálin verða í forgrunni frá mars og fram á haust 2023. Vinnan hefst með hátt í fjörutíu opnum fundum með fólkinu í landinu. Á hverjum fundi verða fulltrúar úr stýrihópi Samfylkingarinnar um heilbrigðismál og öldrunarþjónustu auk forystufólks flokksins, bæði á Alþingi og í sveitarstjórnum.

Kristrún Frostadóttir formaður Samfylkingarinnar leggur þunga áherslu á málefnastarfið og bindur miklar vonir við vinnuna sem nú er að hefjast: „Útkoman á að vera verklýsing fyrir næstu ríkisstjórn; forgangsröðun og skýr pólitík; verkefnalisti frá fyrstu 100 dögunum og upp í fyrstu tvö kjörtímabilin í ríkisstjórn undir forystu Samfylkingarinnar,“ sagði Kristrún í ræðu sinni á flokksstjórnarfundi í vor.

Opinn fundur um heilbrigðismál á Hallveigarstíg 1 í Reykjavík! Fundurinn verður þriðjudaginn 25. apríl kl. 17:30. Ungu fólki úr heilbrigðisstéttum er velkomið að koma með og taka þátt.

Miðborg: Opinn fundur um heilbrigðismál með ungu fólki úr heilbrigðisstéttum

Verkalýðskaffi og kleinur hjá Samfylkingunni, eftir 1. maí-göngu og fund á Ingólfstorgi – allir velkomnir á Kornhlöðuloftið og í portið neðst í Bankastræti

 Ræðumenn í portinu verða Kristrún Frostadóttir, formaður Samfylkingarinnar – Jafnaðarflokks Íslands, og Kristján Þórður Snæbjarnarson, formaður Rafiðnaðarsambandsins. Sigfús Ómar Höskuldsson, formaður SffR, er fundarstjóri.

Á Kornhlöðuloftinu eru í boði kaffi og kökur. Þar flytja stutt ávörp þær Agnieszka Ewa Ziółkowska, varaformaður Eflingar og fulltrúi í verkalýðsmálaráði Samfylkingarinnar, Sabine Leskopf, borgarfulltrúi, og Helga Vala Helgadóttir, alþingismaður. Síðast en eki síst rimsíramsar Guðmundur Andri Thorsson rithöfundur og fyrrverandi alþingismaður.

Alþýðutónlist af hljómplötum flytur DJ Andrea, rokkamma

Dagskrá hefst um kl. 15 – húsið opið frá um 14.30 – verið velkomin !

Til hamingju með daginn – baráttukveðjur – verið velkomin!

Samfylkingarfélagið í Reykjavík og verkalýðsmálaráð Samfylkingarinnar

Verkalýðskaffi og kleinur hjá Samfylkingunni

Samfylkingin í Hafnarfirði og Ungt jafnaðarfólk í Hafnarfirði bjóða í vöfflukaffi á baráttudegi verkalýðsins. Viðburðurinn hefst kl. 13:00 og er í Samfylkingarhúsinu í Hafnarfirði á Strandgötu 43.

*Við minnum á baráttutónleika Verkalýðsfélagsins Hlífar og STH (Starfsmannafélags Hafnarfjarðar) í Bæjarbíói frá kl. 15:00 til 16:00.

1. maí - Vöfflukaffi XS og UJ í Hafnarfirði

Samfylkingin 60+ í Hafnarfirði, verður með kaffispjall fimmtudaginn 4. maí kl. 10:30-12:00.
Gestur fundarins verður Sveinn Bjarki arkitekt, sem mun ræða við okkur um skipulagsmál.

Allir velkomnir í Kaffispjall 60+

Kaffispjall 60+ í Hafnarfirði, með Sveini Bjarka arkitekt

Á meðal gesta verða Kristrún Frostadóttir formaður Samfylkingarinnar og Guðný Birna Guðmundsdóttir, bæjarfulltrúi í Reykjanesbæ og fulltrúi úr stýrihópi flokksins um heilbrigðismál og öldrunarþjónustu.

Ert þú með sérþekkingu í heilbrigðismálum eða reynslu af gólfinu? Eða ertu almennur borgari sem vill sjá breytingar til hins betra í heilbrigðismálum á Íslandi? Þá viljum við fá þig með í samtalið

Opinn fundur um heilbrigðismál á Hótel Stracta á Hellu! Fundurinn verður 24. apríl kl. 12:00. Öllum er velkomið að koma með og taka þátt.

Hrikalegur leigumarkaður er okkur ljós þegar kemur að leigufjárhæðum sem hækka stöðugt og skorti á leiguhúsnæði sem gerir markaðinn að þeim dýragarði sem raun ber vitni. Skorturinn leiðir til ofsagróða leigusala sem því miður eru ekki allir með siðferðið sín megin eins og fjölmiðlar hafa sýnt okkur. Með rannsókn blaðamanna á Heimildinni og svo í Kveik í gær höfum við fengið að sjá svart á hvítu hvernig fólk neyðist til að búa, einnig með börn sín, í húsnæði sem er hættulegt lífi þeirra og heilsu, allt í krafti ofríkis leigusala á markaði enda húsnæðisneyðin slík að engar bjargir virðast í augsýn. Ekkert þak er á hversu mikið má rukka enda virðast ríkisstjórnarflokkarnir ekki telja slíkt við hæfi. Markaðslögmálið skal ríkja.  

Já, þetta eru dramatískar lýsingar en ég hvet lesendur til að horfa á þáttinn og lesa ítrekaðar umfjallanir Heimildarinnar um stöðuna og það hvernig stjórnvöld hafa sýnt fullkomið andvaraleysi við smíði laga og reglna þrátt fyrir fögur fyrirheit í kjölfar brunans á Bræðraborgarstíg árið 2020 þegar þrjár manneskjur týndu lífi vegna búsetu í hættulegu leiguhúsnæði. 

Eftir brunann hófst vinna Húsnæðis- og mannvirkjastofnunar, HMS, við tillögur að úrbótum vegna brunavarna í íbúðarhúsnæði. Var tillögunum skilað til þáv. félagsmálaráðherra í mars 2021 þar sem lögð var til nauðsynleg heimild slökkviliðs til að taka út íbúðarhúsnæði sem breytt hefur verið í fjölbýli eins og var með umrætt húsnæði sem brann. Nú tveimur árum síðar er ekkert að frétta og því hefur slökkviliðið enn engar heimildir til úttektar á leiguhúsnæði og var það staðfest af héraðsdómi fyrr á árinu þegar gerð var tilraun til að fá heimild til úttektar á því húsnæði sem Kveikur fjallaði meðal annars um. Fullkomið andvaraleysi stjórnvalda getur þarna viðhaldið lífshættulegu ástand í leiguhúsnæði. Önnur tillaga var skylduskráning leiguhúsnæðis í gagnagrunn HMS en við slíka lagasetningu fyrir síðustu áramót laumuðu stjórnarflokkarnir inn breytingatillögu á síðustu stundu sem undanskilur þá leigusala sem leigja út íbúðir án þess að slíkt flokkist í atvinnuskyni. Með því var komið í veg fyrir ofangreint eftirlit á aðbúnaði sem og eftirlit með leiguverði á markaði.  

Stjórnarflokkarnir mega ekki heyra minnst á hugmyndir okkar í Samfylkingunni um leigubremsur eins og þekkjast víða um heim, sem myndu takmarka óhóflegar hækkanir leigufjárhæða, enda virðist frjálshyggjan ríkja meðal stjórnarflokkanna í þessum málum eins og öðrum. 

Það var sjokkerandi að horfa á sjónvarpsþáttinn Kveik í vikunni, þar sem fjallað var um óboðlegar og hættulegar búsetuaðstæður leigjenda á Íslandi í dag og opinberaðist þar fullkomið andvaraleysi stjórnvalda.

Hættulegt aðgerðarleysi ríkisstjórnar

Síðastliðin 8 ár hefur einstaklingum sem fengu lyfjameðferð við ópíóðafíkn á sjúkrahúsinu Vogi fjölgað úr 117 í 347 og eru nú tæplega fjórðungur innlagna. Á síðasta ári voru 36% þeirra sem lögðust inn á Vog vegna ópíóðafíknar 25 ára og yngri. 

Ópíóðar og morfínlyf eru sterk, mjög ávanabindandi og bráðdrepandi. 35 af þeim sem komið hafa á Vog létust á fyrstu þrem mánuðum þessa árs. 35 mannslíf á einungis þremur mánuðum. Sé sú tala framreiknuð gætum við misst 80 einstaklinga úr ópíóðafíkn á þessu ári!

Samkvæmt samningi við Sjúkratryggingar Íslands fær sjúkrahúsið Vogur greitt fyrir meðferð 90 einstaklinga á ári. Árið 2022 fengu 347 manns slíka meðferð. Mismunurinn er 257 manns. Þetta dæmi gengur augljóslega ekki upp.

Í fyrirspurnatíma á Alþingi í dag spurði ég Willum Þór Þórsson heilbrigðisráðherra um nauðsynlegar aðgerðir vegna þessa alvarlega ástands. Fram kom að hann hyggst leggja tillögur fyrir ríkisstjórnina á fundi á morgun.

Í mínum huga eru nokkrar brýnar aðgerðir lífsnauðsynlegar:

- Að leyfa lausasölu á lyfinu Naloxone, svo auðveldara sé að bjarga fólki sem lendir í öndunarstoppi vegna neyslu.

- Að koma á fót morfínklíník, með öðrum orðum öruggu neyslurými fyrir fíkla en í því felst augljós forvörn eins og yfirlæknir á Vogi hefur bent á.

- Að ríkissjóður geri Sjúkratryggingum kleift að semja við Vog um mun fleiri meðferðir en þær 90 sem nú eru í samningum. Það er algerlega óviðunandi staða að Vogur fái greitt fyrir meðferð 90 einstaklinga af þeim 347 sem þurftu á henni að halda á árinu 2022.

Það ríkir neyðarástand vegna ópíóðafaraldurs á Íslandi. Ef um hópslys væri að ræða væri búið að virkja allar neyðaráætlanir í stjórnkerfinu.

Á Íslandi geisar ópíóðafaraldur með óbærilegum fórnarkostnaði fyrir samfélagið. Fréttir berast í hverri viku af ótímabærum andlátum fólks í blóma lífsins.

Samfylkingin í Mosfellsbæ býður upp á 1 . maí kaffi í Þverholtinu kl. 15-17. 

Öll velkomin, einnig vinir og vandamenn!

Leit um „��“

2746 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2746 niðurstöður fundust við leit að „���������������������������“