Í þetta sinn var þingflokknum skipt upp í hópa sem heimsóttu mismunandi kjördæmi, þar sem viðtökurnar voru afar góðar og samtölin gagnleg. Við fórum

Áhersla var lögð á að funda með sveitarfélögum, fyrirtækjum, félagasamtökum og fólki til að hlusta á þeirra sjónarmið og ræða leiðir til að styrkja innviði og bæta lífskjör um allt land.

Á mánudaginn byrjuðum við á heimsókn til Sigurhæða, þar sem unnið er mikilvægt og viðkvæmt starf í þágu þolenda kynbundins ofbeldis. Það var fróðlegt að fá innsýn í þá þjónustu sem veitt er, en markmið samtakanna er að veita stuðning og úrræði fyrir þá sem hafa orðið fyrir ofbeldi.

Næst var það Heilbrigðisstofnun Suðurlands, þar sem þingmenn og heilbrigðisráðherra ræddu við starfsfólk um stöðu heilbrigðismála á svæðinu. Einnig var haldinn góður opinn stjórnmálafundur á Selfossi þar sem fjórir þingmenn okkar, þeirra á meðal Alma heilbrigðisráðherra, svöruðu spurningum fundargesta.

Á þriðjudag heimsótti hópur þingmanna okkar svo starfsstöð Lands og skógar í Gunnarsholti og komið var við á formlegri opnun nýrrar lögreglustöðvar á Vík í Mýrdal. Aðstaðan sem komin er þar byltir starfsumhverfi lögreglu á svæðinu.

Á Hvolsvelli tók umhverfis-, orku- og loftlagsráðherra þátt í opnun nýrra höfuðstöðva Náttúruverndarstofnunar á miðvikudag. Við erum spennt að sjá stofnunina vaxa og styrkja störf sín á sviði verndar lífríkis og náttúruauðlinda Íslands.

Það var líka á dagskrá að sigla til Vestmannaeyja og funda með bæjarstjórninni og fulltrúum atvinnulífs en það gekk því miður ekki upp. Þingmenn okkar bíða spenntir eftir að komast til Eyja við tækifæri.

Á miðvikudaginn heimsóttum við líftæknifyrirtækisins Algalíf, sem framleiðir astaxanthíni úr örþörungum. Þetta fyrirtæki er dæmi um vel heppnað nýsköpunarframtak, sem býr til verðmæti úr náttúrulegum auðlindum.

Næst var haldið á Ásbrú, þar sem Landhelgisgæslan var heimsótt. Þar var fjallað um öryggismál, mikilvægi Gæslunnar í íslenskri samfélagsgerð og þær áskoranir sem hún stendur frammi fyrir. Starf Landhelgisgæslunnar er gríðarlega mikilvægt fyrir landið, ekki bara þegar kemur að björgun og öryggismálum heldur einnig varðandi eftirlit með auðlindum og verndun hafsvæða okkar.

Eftir heimsóknina á Ásbrú var farið til Heilbrigðisstofnunar Suðurnesja. Þar var rætt um stöðu heilbrigðisþjónustunnar í kjördæminu.

Deginum lauk með opnum fundi í Reykjanesbæ, þar sem þingmenn og heilbrigðisráðherra funduðu ásamt Samfylkingarfélaginu í Reykjanesbæ. Fundurinn var líflegur og gaf okkar fólki góða innsýn í hvað brennur á íbúum svæðisins.

Í raun má segja að við höfum þjófstartað kjördæmavikunni í Norðvesturkjördæmi, en Kristrún Frostadóttir forsætisráðherra hélt opinn fund í Borgarnesi fimmtudagskvöldið 20. febrúar. Fundurinn var vel sóttur og mjög góður.

Hópur þingmanna okkar gerði svo víðreist um kjördæmið í síðustu viku. Við hófum þriggja daga ferð með notalegu kaffispjalli á Akranesi. Í framhaldinu var fundað með sveitarstjórnum á Vesturlandi þar sem helstu málefni svæðisins voru til umræðu, eins og innviðauppbygging, samgöngur og atvinnumál.

Þaðan var ekið á Ísafjörð og staða vegamála í kjördæminu tekin út um leið. Á Ísafirði tók við þéttur dagur. Þar var farið í heimsókn til Kerecis og fengu þingmenn okkar kynningu á þeirri mögnuðu starfsemi. Við heimsóttum líka rækjuvinnsluna Kampa, sem er stór atvinnuveitandi á svæðinu og leggur mikla áherslu á sjálfbærni í sjávarútvegi. Menntaskólinn á Ísafirði var næstur á dagskrá, þar sem við fengum að heyra frá bæði kennurum og nemendum um stöðu skólamála á svæðinu.

Við enduðum Ísafjarðardaginn á heimsókn í Heilbrigðisstofnun Vestfjarða, þar sem við ræddum við starfsfólk um helstu áskoranir í heilbrigðiskerfinu og þörfina fyrir aukinn stuðning við heilbrigðisþjónustu á landsbyggðinni.

Að heimsókninni á Ísafirði lokinni var ferðinni haldið yfir á Hvammstanga og Blönduós. Þar voru haldnir fundir með sveitarstjórnum, auk þess sem heimsóknir voru farnar í fyrirtæki á svæðinu, til dæmis prjónaverksmiðjuna KIDKA.

Í raun má segja að við höfum einnig tekið forskot á kjördæmavikuna í Norðausturkjördæmi, en okkar fólk stóð fyrir góðum opnum fundi á Akureyri 20. febrúar, auk þess sem heilbrigðisráðherra heimsótti Sjúkrahúsið á Akureyri í sömu ferð norður.

Okkar fólk fór svo um Austurland á fimmtudag. Dagskráin var fjölbreytt og við fengum tækifæri til að hitta fólk, fyrirtæki og stofnanir sem leggja sitt af mörkum til samfélagsins.

Ferðin hófst á Reyðarfirði þar sem þingmenn ásamt ráðherra voru viðstaddir opnun Píeta samtakanna á svæðinu. Píeta samtökin sinna afar mikilvægri þjónustu við fólk í sjálfsvígshættu og aðstandendur þeirra. Aðgengi að slíkri þjónustu utan höfuðborgarsvæðisins skiptir sköpum og við fengum innsýn í mikilvægi starfseminnar og þá áskorun sem snýr að geðheilbrigðismálum á svæðinu.

Við heimsóttum fyrirtæki og stofnanir á Eskifirði, Neskaupsstað, Reyðarfirði og Egilsstöðum, þar sem við ræddum við stjórnendur og starfsfólk um tækifæri til vaxtar, nýsköpunar og atvinnuuppbyggingar á Austurlandi.

Fimmtudagurinn endaði svo með opnum fundi sem haldinn var á Eskifirði og var vel sóttur. Þar áttu þingmenn og menningar, nýsköpunar- og háskólaráðherra gott samtal við íbúa um áskoranir og framtíðarsýn svæðisins.

Reykjavík á það til að gleymast í kjördæmaviku en ekki í þetta sinn. Farið var á ráðstefnur, fundað með félagasamtökum og ýmis fyrirtæki og stofnanir heimsóttar. Allir þingmenn funduðu eitthvað í Reykjavík í kjördæmaviku.

Stór opinn sameiginlegur fundur með öllum aðildarfélögum Samfylkingarinnar í Reykjavík var haldinn í Kastalakaffi og gekk mjög vel en slíkur fundur hefur ekki verið haldinn áður.

Kjördæmavikan var dýrmætur tími fyrir þingmenn Samfylkingarinnar til að hlusta, læra og taka þátt í samtali um framtíð Íslands. Flokkurinn leggur áherslu á að vinna náið með fólkinu í landinu og byggja upp stefnu sem endurspeglar raunverulegar þarfir og vonir landsmanna.

Takk fyrir hlýjar móttökur og málefnaleg samtöl.

Í síðustu viku var kjördæmavika en þá eru gerð hlé á hefðbundnum þingstörfum og þingmenn hvattir til að sinna kjördæmunum.

Kjördæmavikan - samtal við fólkið í landinu

Bæjarmálafundur Samfylkingarinnar á Akranesi verður haldinn sunnudaginn 9. mars kl. 20:00 í húsnæði félagsins, Stillholti 16-18.   

Verið öll hjartanlega velkomin!

Einnig vekjum við athygli á að landsfundur Samfylkingarinnar verður haldinn 11. - 12. apríl í Grafvogi í Reykjavík. Skráning fulltrúa er nú í fullum gangi og við hvetjum félaga á okkar að skrá sig til leiks og taka þátt á landsfundi. 

Skráning félaga á Akranesi: https://forms.gle/jrPcoLkEPBsnxiZMA

Spjallkaffi Samfylkingarinnar í Reykjavík 60+ verður á sínum stað miðvikudaginn 12. mars kl. 10:00 - 12:00 í sal Samfylkingarinnar, Hallveigarstíg 1, 101 Reykjavík.

Gestur okkar verður Sabine Leskopf, borgarfulltrúi.

Það verður heitt á könnunni og eitthvað með því.

Verið öll velkomin!

Framhaldsaðalfundur Samfylkingarinnar í Árborg og nágrenni er boðaður laugardag 15. mars í sal Rauða krossins að Eyravegi 23 á Selfossi og hefst kl. 10:30.
 
Venjuleg aðalfundarstörf með lagabreytingu og stjórnarkjöri
Kosning fulltrúa á landsfund Samfylkingarinnar, sem haldinn verður 11.-12. apríl.
 
Félagsfólk er hvatt til að mæta á fundinn og taka virkan þátt í starfi Samfylkingarinnar.

Framhaldsaðalfundur í Árborg og nágrenni

Aðalfundur Samfylkingarinnar á Austurlandi, verður haldinn mánudaginn 10. mars kl. 20:00 í fjarfundi: https://us06web.zoom.us/j/84585455850

Dagskrá aðalfundar:

Samþykktir félagsins lagðar fram til samþykkis

Kosning stjórnar, fjögurra aðalmanna og tveggja til vara.

Kosning tveggja skoðunarmanna reikninga.

Einnig vekjum við athygli á að landsfundur Samfylkingarinnar verður haldinn 11. - 12. apríl í Grafvogi í Reykjavík. Skráning fulltrúa er nú í fullum gangi og við hvetjum félaga á okkar að skrá sig til leiks og taka þátt á landsfundi. 

Félagið stefnir á staðfund þar sem farið verður betur yfir landsfundinn og velja sér landsfundarfulltrúa. 

Skráning: https://docs.google.com/forms/d/e/1FAIpQLScSGvPK9p4Tpd1rY6ZeC0GJX6FZZp0kujQTRF5CBAxLV-HAEw/viewform

Samfylkingin í Þingeyjarsýslu boðar til félagsfundar, laugardaginn 15. mars kl. 12:00, þar sem m.a. verður kosið um landsfundarfulltrúa.

Fundurinn verður haldinn í Lionshúsinu, Árgötu 14, Húsavík.

Spjallkaffi Samfylkingarinnar í Reykjavík 60+ verður á sínum stað miðvikudaginn 19. mars kl. 10:00 - 12:00 í sal Samfylkingarinnar, Hallveigarstíg 1, 101 Reykjavík.

Gestur okkar verður Ragna Sigurðardóttir alþingismaður.

Aðeins tillögur sem berast stjórn fyrir 14. mars kl. 23.59 verða til umfjöllunar á landsfundi. Ekki verður hægt að bera upp nýjar tillögur í málefnanefndum á landsfundi. Tillögur skal senda á samfylking@samfylking.is. 

Vinsamlega notið sniðmátið sem er að finna hér fyrir neðan. 

Á landsfundi eru stefnudrögin kynnt á föstudeginum 11. apríl. Eftir að tillöguflytjendur hafa mælt fyrir tillögu vísar fundarstjóri breytingartillögum til viðeigandi málefnanefnda til umfjöllunar.

Málefnanefndir fara yfir tillögur og geta gert breytingar innan efnislegs ramma. Fundarstjóri metur hvort breytingartillaga fari utan upphaflegs tilgangs. Ef breytingartillaga fær ekki brautargengi innan nefndar getur tillöguflytjandi lagt hana fyrir landsfund sem minnihlutatillögu.

Stefnan fer í lokaafgreiðslu þar sem landsfundarfulltrúar kjósa um breytingartillögur. Meirihlutatillögur eru bornar upp í einu og eru teknar fyrir fyrst. Minnihlutatillögur eru bornar upp eftir afgreiðslu meirihlutatillagna. Minnihlutatillögur þurfa skriflegan stuðning minnst 9 landsfundarfulltrúa til að vera lagðar fram til kosningar.

Að lokum er stefnan, með áorðnum breytingum, borin upp til endanlegrar staðfestingar.

NÝTT verklag á málefnastarfi á landsfundi 2025.

Frestur til að skila inn tillögum fyrir landsfund er á föstudaginn, 14. mars, kl. 23:59, þær skulu berast á tölvupóstfang samfylking@samfylking.is. 

Frestur til að skila inn tillögum er 14. mars 

Aðalfundur sveitarstjórnarráðs var haldinn miðvikudagskvöldið 5. mars og var Árni Rúnar Þorvaldsson kosinn nýr formaður ráðsins og tekur við af Hildu Jönu Gísladóttur, oddvita Samfylkingarinnar á Akureyri, sem hefur gegnt embættinu frá árinu 2022. 

Árni Rúnar var sveitarstjórnarfulltrúi á Höfn í Hornafirði á árunum 2006–2013 og varabæjarstjórnarfulltrúi í Hafnarfirði 2018 – 2022. Frá árinu 2022 hefur Árni setið sem aðalmaður í bæjarstjórn Hafnarfjarðar og situr m.a. í fjölskylduráði, en Árni er menntaður kennari og hefur lengi starfað sem slíkur. Hann hefur áralanga reynslu af sveitarstjórnarmálum og brennur fyrir þróun og eflingu sveitarfélaga. 

Með honum í stjórn ráðsins eru Stefán Þór Eysteinsson (ritari) frá Eskifirði og oddviti Fjarðarlistans og Guðný Birna Guðmundsdóttir (gjaldkeri) frá Reykjanesbæ og oddviti Samfylkingarinnar þar í bæ. 

Varamenn eru þau Guðný Maja Riba borgarfulltrúi í Reykjavík og Benóný Valur Jakobsson sveitarstjórnarfulltrúi í Norðurþingi.

Við óskum Árna og öðrum stjórnarmeðlimum innilega til hamingju með þetta sterka teymi í stjórn sveitarstjórnarráðs Samfylkingarinnar. Einnig þökkum við Hildu Jönu innilega fyrir sín störf og öðrum fráfarandi stjórnarmeðlimum, Guðmundi Ara Sigurjónssyni og Sabinu Lebskopf.

Aðalfundur sveitarstjórnarráðs var haldinn miðvikudagskvöldið 5. mars og var Árni Rúnar Þorvaldsson, bæjarfulltrúi í Hafnarfirði, kosinn nýr formaður ráðsins og tekur við af Hildu Jönu Gísladóttur. 

Árni Rúnar Þorvaldsson nýr formaður sveitarstjórnarráðs Samfylkingarinnar

Samfylkingin í Kópavogi boðar til aðalfundar miðvikudaginn 26. mars kl. 20:00 í Hlíðarsmára 9. 
Húsfélag Samfylkingarinnar í Kópavogi heldur einnig aðalfund sinn sama dag kl.19.30 þar sem á dagskrá eru hefðbundin aðalfundarstörf.

Dagskrá aðalfundar Samfylkingarinnar í Kópavogi:

Skýrsla stjórnar og nefnda fyrir liðið starfsár eftir því sem við á

Áritaðir reikningar fyrra árs lagðir fram til umræðu og samþykktar

Kjör í nefndir og ráð á vegum félagsins

Önnur mál:
Tillaga stjórnar um aðferð við val á framboðslista fyrir bæjarstjórnarkosningarnar 2026

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"