Samkvæmt niðurstöðum úr úttekt Samtakanna '78 á stefnu framboða til Alþingis fær Samfylkingin hæstu einkunn allra framboða þegar kemur að hinsegin málum. Úttektin byggir á greiningu á stefnu flokkanna og uppfyllir Samfylkingin 77% þeirra atriða sem tilgreind eru á kvarða samtakanna. Athygli vekur að fimm flokkar fá algjöra falleinkun á hinseginkvarðanum.

Niðurstöður úttektarinnar voru kynntar í Veröld Vigdísar 9. september og í kjölfarið fóru fram pallborðsumræður þar sem fulltrúar flokkanna kynntu stefnu flokkanna í hinsegin málefnum og svöruðu spurningum. Inga Björk Margrétar Bjarnadóttir, sem vermir þriðja sæti á lista Samfylkingarinnar í Suðvesturkjördæmi, var fulltrúi Samfylkingarinnar á fundinum. Inga er tvíkynhneigð móðir í samkynja sambandi og þekkir því málaflokkinn að eigin raun. 

Inga sagðist á fundinum vera meyr yfir því að Samfylkingin mælist svona hátt og fór yfir sérstaka hinsegin kosningastefnu Samfylkingarinnar sem tekur á viðfangsefnum eins og m.a. heilbrigðisþjónustu við trans fólk, réttindi intersex barna, blóðgjafir sam-, tví- og pankynhneigðra karlmanna, hatursorðræðu og ofbeldi gegn hinsegin fólki. „Í grunninn er auðvitað fræðslan. Það er hún sem skiptir mjög miklu máli,“ sagði Inga á fundinum og bætti við að nú væri í gangi bakslag á samfélagsmiðlum eins og Tiktok. „Þar grassera viðbjóðslegir fordómar og ofbeldi gagnvart hinsegin fólki, af hálfu barna og ungmenna. Þetta veldur manni áhyggjum yfir því hvert við erum að stefna - þetta er eitthvað sem við verðum að taka mjög föstum tökum.“

Vill að kerfið endurspegli fjölbreytileikann

„Við sem tilheyrum jaðarhópum þekkjum það náttúrulega mjög vel hvernig öráreiti og fordómar og hatursorðræða hleðst upp,“ sagði Inga á fundinum, en hún er bæði jaðarsett vegna fötlunar og hinseginleika og verður því fyrir margþættri mismunun. Hún telur að þetta sé eitthvað sem jaðarsett fólk þarf stöðugt að vera að vinna úr og að þannig sé aðgengi að sálfræðiþjónustu sérstaklega mikilvæg fyrir þessa hópa. Þá fór hún yfir það hvernig hinsegin fólk mætir fordómum innan kerfisins sjálfs. „Ég er skráð pabbi barnsins míns inni í Heilsuveru. Það er ekki gert ráð fyrir því í Heilsuveru að barn geti átt tvær mæður eða bara foreldra yfir höfuð. Hún segir að samfélagið sé ennþá fast í þeirri hugmynd að það sé annaðhvort pabbi eða mamma; „tveir foreldrar sem búa í einbýlishúsi á Álftanesi með Range Rover. Við erum miklu fjölbreyttari en það og kerfið er alls ekki að endurspegla það.“

Nálgast má hinsegin kosningastefnu Samfylkingarinnar á xs.is/hinsegin. Ísland á að vera leiðandi á heimsvísu í málefnum hinsegin fólks. Til þess þarf alvöru aðgerðir og skýra stefnu og Samfylkingin hefur bæði.

Samkvæmt niðurstöðum úr úttekt Samtakanna '78 á stefnu framboða til Alþingis fær Samfylkingin hæstu einkunn allra framboða þegar kemur að hinsegin málum.

Samfylkingin með hinseginvænustu stefnuna

Samtal vinnandi fólks um það sem okkur liggur á hjarta.

Gestur okkar er Guðbjörg Kristmundsdóttir formaður Verkalýðs- og sjómannafélags Keflavíkur og nágrennis, hún heldur stutt erindi og spjallar við gesti og gangandi, Oddný Harðardóttir oddviti í Suðurkjördæmi verður fundarstjóri.

Á borðum verða rjúkandi vöfflur með rjóma. Börn eru hjartanlega velkomin.

Við ætlum að ræða málefni vinnandi fólks á kosningaskrifstofu Samfylkingarinnar í Reykjanesbæ, Hafnargötu 19 - við hliðina á Ránni, laugardaginn 18. sept. kl. 10:30.

Zdalne spotkanie na temat praw wyborczych imigrantów, ich głosu w społeczeństwie demokratycznym oraz programu wyborczego partii Samfylkingin.

Tematy spotkania zostaną omówione przez Donatę H. Bukowską i Aleksandrę Leonardsóttir.
Donata startuje w najbliższych wyborach parlamentarnych z 7 miejsca na liście Samfylkingin w okręgu Suðvesturkjördæmi, a Aleksandra z miejsca 12 w okręgu Reykjavik suður.

Skorzystaj ze swojego prawa do głosowania! Lepsze życie z...

Stærðfræði-kennarinn með stóra hjartað

Oddný var fyrsta konan í sögu Íslandstil að gegna embætti fjármálaráðherra. Það á líka vel við, enda er hún stærðfræðikennari og skólastjóri. Í Oddnýju berst jafnaðarhjarta og hún vill róttækar aðgerðri í þágu barna, fátækra og gegn loftslagsvánni.

Oddný Guðbjörg Harðardóttir er fædd og uppalin í Garðinum suður með sjó, þar býr hún enn á æskuheimilinu sem foreldrar hennar byggðu áður en hún fæddist. Hjólreiðar og langir göngutúrar veita Oddnýju ánægju utan vinnutíma. Hún ræktar garðinn sinn, spilar, leysir þrautir og gátur og er hún mikil prjónakona. Oddný var fyrsta konan sem gegndi embætti fjármálaráðherra í ríkisstjórn Íslands.

„Hugrakkir stjórnmálamenn verða að leggja grunn að hagvexti sem er kolefnislaus, styðja umhverfisvæna vinnu sem stoð undir velferðina, vegna þess að hlýnun jarðar er ógn sem verður stöðugt áþreifanlegri og ágengari,“ segir Oddný, sem leiðir lista Samfylkingarinnar í Suðurkjördæmi, og bætir við að á norðurslóðum séu áhrifin þrisvar sinnum meiri en annars staðar. „Hamfarahlýnun spyr ekki um landamæri og engin þjóð getur lýst yfir hlutleysi í stríðinu við hana.“

Stöndum í lappirnar gegn stundargróða

Oddný telur að stærstu vandamál heimsins verði aðeins leyst með aukinni alþjóðlegri samvinnu, hvort sem þau snúa að baráttunni gegn fátækt, ójöfnuði eða loftslagsvá. „Það þarf kjarkmikla stjórnmálamenn til að leiða róttækar aðgerðir,“ segir hún og bætir við að unga fólkið krefjist þess að stjórnmálamenn leiði breytingar sem virka. „Þeirra er framtíðin – en aðeins ef við stöndum í lappirnar gegn stundargróða og sérhagsmunum og tökum stór græn skref fyrir börnin okkar og barnabörn.“

1. sæti í Suðurkjördæmi

Það er ekki aðeins hamfarahlýnun sem er ógn við framtíð barna á Íslandi. Tölur frá Rannsókn og greiningu benda til þess að fleiri en 13 þúsund börn verði fyrir líkamlegu eða kynferðislegu ofbeldi fyrir 18 ára afmælisdaginn sinn. Sum hver daglega. „Afleiðingar þess að verða fyrir ofbeldi sem barn eru margfaldar á við fullorðna,“ segir Oddný og vill beita sér fyrir því að stjórnvöld hætti að taka þátt í feluleiknum með því að standa ekki fyrir fullnægjandi eftirliti. 

„Ég vil vinna af krafti að því að heilbrigðisþjónusta verði ókeypis, að sett verði ný stjórnarskrá, að arðurinn af auðlindum skili sér til okkar allra og lífvænlegu umhverfi til komandi kynslóða.“ Oddný telur að verkefni Samfylkingarinnar sé að styrkja stöðu ungs fólks, barnafjölskyldna, aldraðra og öryrkja. „Ójöfnuð sem birtist í óréttlátri skattastefnu og aukinni gjaldtöku í heilbrigðis- og menntakerfinu þarf að stöðva strax.“

Dekrar barnabörnin

Kjölturakki upp á 35 kíló.

Hjólar um alla Evrópu

Hver er þinn leyndi hæfileiki?

Ef Samfylkingin væri samloka, hvernig samloka væri hún?

Í hverju felst hamingjan?

Oddný Guðbjörg Harðardóttir er fædd og uppalin í Garðinum suður með sjó, þar býr hún enn á æskuheimilinu sem foreldrar hennar byggðu áður en hún fæddist. Oddný er dóttir Harðar Sumarliðasonar rennismiðs og Agnesar Ástu Guðmundsdóttur verslunarmanns en þau skildu þegar Oddný var 12 ára gömul og eru bæði látin. Þegar hún var tveggja ára flutti fjölskyldan að Gufuskálum á Snæfellsnesi þar sem faðir hennar vann við Lóranstöðina. Hún var í 7 ára bekk á Hellisandi en kláraði skyldunámið í Gerðaskóla í Garði. Oddný stundaði einnig píanónám við Tónlistarskólann í Keflavík. 

Eftir skyldunám lá leiðin í landspróf vestur á Núpi í Dýrafirði og þaðan til Reykjavíkur þar sem Oddný lauk stúdentsprófi 1977 frá Kennaraháskóla Íslands. Oddný lauk B.Ed gráðu frá KHÍ árið 1980 með stærðfræði og eðlisfræði sem sérgreinar og viðbótarnámi í stærðfræði til kennsluréttinda á framhaldsskólastigi frá Háskóla Íslands 1991. Þá lauk hún MA gráðu í uppeldis- og menntunarfræði frá sama skóla árið 2001.

Oddný hóf kennsluferilinn að Laugalandsskóla í Holtum haustið 1980, þá 23 ára gömul og kenndi við þann skóla í þrjú ár. Þaðan lá leiðin í kennslu við Myllubakkaskóla í Keflavík en hóf síðan störf sem stærðfræðikennari við Fjölbrautaskóla Suðurnesja haustið 1985. Veturinn 1993-1994 bjó hún á Akureyri og kenndi stærðfræði við MA. Haustið 1994 var hún ráðin aðstoðarskólameistari Fjölbrautaskóla Suðurnesja og sinnti því starfi til vors 2003. Hún gegndi ýmsum trúnaðarstörfum fyrir skólastjórnendur. Þar má nefna setu í stjórn Sambands iðnmenntaskóla 1994–1999, stjórn samstarfsnefndar atvinnulífs og skóla 1995–1998. Oddný var formaður Félags stjórnenda í framhaldsskólum 2002–2003 og sat í stjórn Kennarasambands Íslands á sama tíma. 

Haustið 2003 var hún fengin til að leiða  stefnumótun fyrir menntamálaráðuneytið  og vann í ráðuneytinu til vors 2006, þó með hléi árið  2005 þegar hún gegndi starfi skólameistara Fjölbrautaskóla Suðurnesja.

Það var svo vorið 2006 sem pólitískur ferill Oddnýjar hófst. Nokkrar konur í Sveitarfélaginu Garði hittust yfir kaffibolla til að ræða hvaða breytingar þær vildu sjá á bænum eftir sveitarstjórnarkosningar. Úr varð þverpólitískt framboð með konum í meirihluta þar sem Oddný var oddviti og bæjarstjóraefni N listans. Og N listinn vann kosningarnar, fengu fjóra menn af sjö í bæjarstjórn. Eftir langa umhugsun og mikla hvatningu alls staðar úr Suðurkjördæmi ákvað Oddný að taka þátt í prófkjöri Samfylkingarinnar í Suðurkjördæmi fyrir kosningarnar 2009 og bauð sig fram í 2. sæti listans. Hún fékk það sem hún sóttist eftir, sagði skilið við bæjarstjórastólinn og settist á þing. Hún hefur verið oddviti Samfylkingarinnar í Suðurkjördæmi frá kosningum 2013.

Oddnýju hefur verið falið að gegna ýmsum trúnaðarstörfum fyrir Samfylkinguna. Hún var  formaður menntamálanefndar og var fyrsta konan sem varð formaður fjárlaganefndar Alþingis. Hún var einnig fyrsta konan til að gegna embætti fjármála- og efnahagsráðherra en meðfram því embætti var hún iðnaðarráðherra um tíma. Oddný hefur verið þingflokksformaður, varaforseti Norðurlandaráðs, verið í verkefnisstjórn um bætt eftirlit með fiskveiðiauðlindinni og situr í þjóðaröryggisráði. Hún var kjörin formaður Samfylkingarinnar 2016 en ákvað að stíga til hliðar eftir aðeins tæplega fimm mánuði í því hlutverki.

Oddný er gift Eiríki Hermannssyni fyrrverandi fræðslustjóra Reykjanesbæjar og eiga þau dæturnar Ástu Björk og Ingu Lilju. Barnabörnin eru fjögur; Tómas Ingi, Jökull Kári, Þorbjörg Eiríka og Oddþór Guðni Bergmann. Labradortíkin Tinna er gæludýr heimilisins.

Félags- og barnamálaráðherra, Ásmundur Einar Daðason, fer nú mikinn og þykist loks ætla að gera eitthvað í málefnum eldri borgara. En þegar kosningastefna Framsóknarflokksins hans er skoðuð þá er þar nánast ekkert bitastætt að finna í málefnum eldra fólks. 

Undir lok síðasta kjörtímabils þar sem hann sat á ráðherrastóli málaflokksins var lítið sem ekkert heldur að gerast í málaflokknum þó hann hefði gefið eldri borgurum fyrirheit á seinni hluta valdatímans um að nú yrði tekið á þeirra málum. Eini afraksturinn var að málin voru sett í starfshóp „um hag og líðan eldri borgara“ sem leiddur var af framsóknarkonu sem nú trónir efst á framboðslista flokksins í norðaustur kjördæmi. Starfshópurinn hefur ekki enn skilað af sér þó hann hafi átt að gera það í sumar. 

Enda eru fulltrúar LEB – Landssambands eldri borgara sem sátu í starfshópnum ekki sáttir við lokadrögin af niðurstöðu starfshópsins og því situr allt fast þar. Meðal fulltrúa LEB er fyrrverandi formaður LEB. Félags- og barnamálaráðherra hefur nú kippt henni upp í drossíuna sína og þar situr hún í aftursætinu á framabraut ráðherrans til borgarinnar. Þrátt fyrir að ráðherrann hafi ekki sinnt málefnum eldri borgara af neinu viti í heilt kjörtímabil.

Þessi ökuferð ráðherrans er algjör óvissuferð án fyrirheita og stefnu.

Hvaða erindi á ráðherrann og farþegi hans í málefnum eldri borgara? Skoðum stefnuskrána:

Ekkert frítekjumark á atvinnutekjur eftirlaunafólks

Ekki er þetta burðugt. Engin hækkun á ellilífeyri. Ótímasett hækkun á frítekjumarki lífeyrissjóðstekna.

Það er sjálfsagt að endurskoða lög um almannatryggingar og þyrfti í raun að gera reglulega. En miðað við árangur vinnustarfshóps ráðherrans, sem fyrr er rakinn, þá fáum við að bíða allt næsta kjörtímabil áður en sú endurskoðun lítur dagsins ljós. Eldra fólk getur ekki beðið svo lengi eftir réttlæti.

Ekkert frítekjumark á atvinnutekjur eftirlaunafólks skilar ávinningi til aðeins ca 13% í þessum hópi. Sveigjanleg starfslok gagnast fyrst og fremst þeim sem fá vinnu á vinnumarkaði sem er því miður fullur at aldursfordómum. Auk þess sem það eru mannréttindi fólks sem hefur stritað alla starfsævina að fá að njóta efri áranna án þess að þurfa að reiða sig á atvinnutekjur. 

Eftir sitja um 18.000 eftirlaunafólks sem nú þarf að lifa á 200 – 300 þúsund kr. rauntekjum. Framsókn skilar þessum hópi auðu. Engar raunverulegar, tímasettar tillögur. Engin kostanaðargreining. Engin tekjuáætlun.

Samfykingin hefur sett fram framsæknar tillögur til úrbóta, annars vegar sem eiga að koma til framkvæmda strax og hins vegar sem að vinna að á kjörtímabilinu. Það sem meira er, Samfylkingin hefur kostnaðargreint þessar tillögur og einnig gert raunverulega áætlun hvernig á að fjármagna þessa framkvæmd. Tillögur Samfylkingarinnar snúa að barnafólki, eldri borgurum og öryrkjum upp á 20 milljarða samanlagt. Tillögur Samfylkingarinnar í málefnum eldra fólks og öryrkja mun kosta 10 milljarða og vert að geta að öryrkjar, margir hverjir, munu einnig hafa gagn af úrbætum til barnafólks. 

Þessir peningar verða sóttir með auðlindagjöldum á 20 stærstu útgerðirnar, stóreignaskatt á ríkasta 1% þjóðarinnar og endurheimt skatts vegna undanskota elítunnar.

Okkar stefna er skýr í málefnum eldra fólks.

Hækkun frítekjumarks vegna lífeyrissjóðstekna í 100.000 kr.

Hækkun frítekjumarks vegna atvinnutakna í 300.000 kr.

Ellilífeyrir verði sá sami og lágmarkslaun í landinu, sem er 351.000 kr. núna. En núverandi ellilífeyrir er 266.033 kr.

Endurskoðun laga um almannatryggingar. 

Hækkun ellilífeyris í samræmi við krónutöluhækkun lágmarkslauna og byrja þannig strax að vinna í að loka þeirri kjaragliðnun sem hefur orðið í tíð núverandi ríkisstjórnar.

Tvöfalda frítekjumark lífeyrissjóðstekna, upp í 50.000 kr. Það gerir 300.000 kr. til viðbótar á árs grundvelli.

Tvöfalda frítekjumark atvinnutekna, upp í 200.000 kr. Það gerir 2.400.000 kr. á árs grundvelli.

Hefja endurskoðun laga um almannatryggingar.

Það er áhugavert að bera saman stefnu Framsóknarflokksins annars vegar og Samfylkingarinnar hins vegar í málefnum eldra fólks með tilliti til þeirra 5 áhersluatriða sem landsfundur LEB samþykkti einróma síðasta vor í tíð þáverandi formanns LEB fyrir þessar alþingiskosningar.

5 áhersluatriði LEB í málefnum eldra fólks fyrir alþingiskosningarnar er hægt að lesa HÉR

Samfylkingin hefur uppfyllt að mestu væntingar LEB. Meðan Framsóknarflokkurinn er að keyra utan vegar, spænir upp viðkvæman gróður, skilur eftir sig sár... og skilar auðu.

Megin markmið Samfylkingarinnar er að vinna að kjarabótum þeirra sem nú lifa við kröpp kjör, hvort sem það er eldra fólk, öryrkjar eða barnafólk. Stefna okkar í aðgerðum þeim til handa mun gagnast lág- og miðlungstekjufólki. En helst bitna á ríkasta 1% þjóðarinnar.

Við þurfum nýja ríkisstjórn. Við í Samfylkingunni erum tilbúin til að setjast í ríkisstjórn af ábyrgð og festu. Við skilum ekki auðu. Þið erum ekki með eintóma gosa upp í erminni. Við leggjum spilin á borðið.

Við viljum hitta þig og ræða málefni Vestmannaeyja og hvað þér liggur á hjarta. 

Frambjóðendur Samfylkingarinnar, Oddný Harðadóttir oddviti, Viktor Stefán Pálsson og Inger Erla Thomsen verða á Pítsagerðinni að hitta þig. 

Samfylkingin býður í súpu og spjall mánudaginn 13. sept. milli kl. 17-19, kíktu á okkur í Pítsugerðinni, Bárustíg 1.

Völd þeirra og áhrif geta verið skaðleg og áhrif þeirra á ákvarðanir í stjórnkerfinu og á vettvangi stjórnmála unnið gegn almannahag.

Oft er talað um að það þurfi að fara sáttarleið í sjávarútvegi. En við hverja á að gera sáttmála? Stórútgerðina eða þjóðina? Þeir sem fá nýtingarréttinn á auðlind þjóðarinnar fyrir slikk munu ekki samþykkja með sátt að láta forréttindin frá sér. Það er hitt sem skiptir máli og er áríðandi: að þjóðin verði sátt við meðferðina á sinni dýrmætu auðlind.

Í ágúst síðastliðnum var birt niðurstaða könnunar sem Gallup gerði fyrir félagið Þjóðareign. Þar var spurt um hvort fólk styddi að markaðsgjald væri greitt fyrir afnot af fiskveiðiauðlind þjóðarinnar. Niðurstaðan var sú að 77% aðspurðra voru fylgjandi því og einungis 7,1% andvígir slíkri kerfisbreytingu.

Og krafan er skýr um sterkt auðlindarákvæði í stjórnarskrá. Þar liggur heil þjóðaratkvæðagreiðsla að baki með skýra niðurstöðu.

Það hefur verið stefna Samfylkingarinnar frá stofnun flokksins að breyta fiskveiðistjórnunarkerfinu og gera það gegnsærra og réttlátara. Að bjóða út hæfilegan hluta kvótans ár hvert, fá fullt verð fyrir auðlindina og gefa möguleika á nýliðun. Á meðan slíkt er undirbúið ætti strax að hækka veiðigjöld á 20 stærstu útgerðirnar sem fara með 70% kvótans. Um leið þarf að skýra lagagreinar sem eiga að vinna gegn samþjöppun og að þeir stóru verði stærri og þeir geti farið í kringum lögin.

Núverandi fyrirkomulag á úthlutunum aflaheimilda er lokað kerfi. Nýliðun er nánast ómöguleg og kvótinn safnast á æ færri hendur, erfist og helst innan fjölskyldna.

Stórútgerðirnar mala gull, verða alltof valdamiklar í samfélaginu og teygja arma sína of víða í viðskiptalífinu með fjárfestingum utan greinarinnar. Þjóðin fær ekki réttlátan hlut í arðinum. Auðurinn verður óheilbrigt afl í samfélaginu.

Við þetta bætist að eftirlit með umgengni um fiskveiðiauðlindina er veikburða. Heimildir Fiskistofu eru ekki nægar og lögin eru óskýr og gölluð. Ekkert jafnræði er á milli þeirra sem treysta á fiskmarkaði til að kaupa fisk til vinnslu og hinna sem stunda bæði veiðar og vinnslu. Allt of lítill hluti afla sem veiddur er fer á fiskmarkaði. Sjómenn sjá erlendar útgerðir selja afla sinn á hærra verði en þær íslensku.

Pólitískur vilji er það eina sem þarf til að breyta kerfinu og fara að vilja meirihluta þjóðarinnar

Við í Samfylkingunni ætlum að breyta kerfinu og efla eftirlit og heimildir Fiskistofu, vinna gegn samþjöppun, stuðla að nýliðun í greininni og hámarka arð þjóðarinnar af auðlindinni.

Það er komið nóg af rótgrónu dekri við sérhagsmunaöflin. Það er komið að almenningi.

Kjósum Samfylkinguna jafnaðarmannaflokk Íslands 25. september!

Engin þjóðarsátt er um óbreytt fiskveiðistjórnunarkerfi hér á landi. Þetta er ranglátt fyrirkomulag sem hefur gert nokkra útgerðarrisa ofurríka. Það blasir við í íslensku samfélagi að of sterk yfirráð fárra yfir fiskveiðiauðlindinni færir þeim meiri völd í þjóðfélaginu en heilbrigt getur talist og staða þeirra er of sterk gagnvart stjórnvöldum eins og dæmin sanna. 

Valgarður Lyngdal Jónsson, oddviti Samfylkingarinnar opnar kosningamiðstöð Samfylkingarinnar á Akranesi með pomp og prakt.

Heiðmar Eyjólfsson trúbador tekur nokkur lög.

Ársæll Rafn Erlingsson verðu með uppistand.

Léttar veitingar og spjall við frambjóðendur frameftir kvöldi

Hvað skekur þau svona mikið? Er hippakynslóðin enn að valda usla. Eða hvað? Svarið er: Já.

Fólk sem komið er á eftirlaunaaldur og það fólk sem er að komast á þann aldur er það fólk sem verst verður úti  og hefur orðið verst úti í þeirri skelfilegu ótímabæru breytingu á lögum almannatrygginga sem tóku gildi þegar núverandi ríkistjórn settist í dúnmjúk sæti sín.  

Á sama tíma og sú ríkisstjórn settist í sín hægindi tóku gildi eftirlaunalög fyrir sauðsvartan almenning sem voru hugsuð fyrir allt aðra tíma. Tíma sem verður hugsanlega veruleiki annarrar kynslóðar. Kynslóðar sem nú er á fullu að skapa sér velgengni – eins og ráðherrarnir sem sjá ekki lengra en nefi sínu.

Það er básúnað að „þjóðin sé að eldast“. So what? Þetta var vitað um miðja síðustu öld. Svokölluð „aldurssprengja“ eldri borgara verður víst eftir 4 ár. Það fólk fæddist fyrir 76 árum verður áttrætt. Ekki ný frétt!

76 árum síðar er fólk að hrissta hausinn yfir þessum tíðindum  að einhverjir hafi virkilega fæðst þá og það í svona miklum mæli! 

Af hverju vann enginn heimavinnuna sína sem nú situr sveittur yfir excel skjölum, hagspá og þjóðskrá? Nógur var tíminn. 

En af hverju að örvænta yfir fólki sem verður fyrr en varir áttrætt og þá komið á hugsanlegt hrörnunarskeið sem kallast í heilbrigðiskerfinu „þung þjónusta“? 

Engin ástæða til þess. Engin ástæða EF... Ef við vinnum strax heimavinnuna okkar og eflum forvarnir. Gefum fólki betri heilsu, líf og lífsgleði. Það kostar minna en öll lyf, umönnun, hjúkrun og svo ekki sé minnst á harm og þjáningu þess sem veikist án örvunar og heilbrigðs stuðnings.

Eldra fólk á Íslandi er ekki tímasprengja. Eldra fólk hér er ekki byrði á samfélaginu og þarf ekki að verða það. Eftirlaunaaldur hér er hærri en víðast hvar á vesturlöndum. Atvinnuþátttaka eldra fólks hér er meiri en víðast hvar á vesturlöndum. Hér verður aldurssprengjan svokallaða síðar en víðast hvar á vesturlöndum.

En eftirlaunalöggjöfin hefur ekki tekið mið af þessu. Hún miðast við hvernig Íslendingar verða í stakk búnir til að fara á eftirlaun eftir 20 – 30 ár. Þá mun fólk almennt vera búin að safna góðum lífeyrissjóði fyrir efri árin – þá. 

En núna strax er þessari framtíðarsýn hellt yfir þá sem eru að fara á eftirlaun af fullkomnu miskunnarleysi. Vandinn í dag er að leysa fólk úr fjötrum fátæktar. Það kostar en ekki til langframa. Það er verkefni sem er tímabundið og við getum leyst með reisn.

Það er tímasprengjan sem er að springa í fangið á okkar eldra fólki.

Höfundur er leikstjóri, eldri borgari og í 3. Sæti á framboðslista Samfylkingarinnar í Reykjavík suður.

Greinin birtist fyrst á vísi.is 8. sept. 

Það er talað um eins og einhverjar hamfarir séu um það bil að skella á íslenskri þjóð á næstu árum og áratugum sem er kölluð hinu skelfilega samheiti: „Ellilífeyrisþegar“ eða „Eldra fólk“ þegar talað er um fólk sem er komið á eftirlaun eða á leiðinni þangað þegar skilaboð frá ráðandi yfirstétt þessa lands eru lesin.

En ef ríkissjóður stendur ágætlega — hvers vegna svelta þá öryrkjar, Katrín?

Ríkistjórn Vinstri grænna, Sjálfstæðisflokks og Framsóknar hefur ítrekað fellt tillögur Samfylkingarinnar á síðasta kjörtímabili um hækkun örorku og ellilífeyris, þrátt fyrir loforð stjórnarflokkanna um bætt kjör og samstarfssáttmála ríkisstjórnarinnar. Enn mega öryrkjar og eldri borgarar bíða og biðin eftir réttlætinu hefur verið löng. Í einu ríkasta landi heims.

Öryrkjum eru allar bjargir bannaðar. Lítið er um störf fyrir fólk með skerta starfsgetu ef það vill vinna. Ef það er í einhverri vinnu, þarf það að þola ósanngjarnar skerðingar. Ef það lendir á örorku á miðju almanaksári, þá gera launatekjur þess fyrri hluta ársins það að verkum að það mætir miklum skerðingum og þarf að draga fram lífið á jafnvel aðeins um 100.000 kr. á mánuði. Slík upphæð dugar ekki fyrir húsnæði einu og sér, hvað þá mat, lyfjum og öðrum lífsnauðsynjum. Meira að segja þótt fólk hljóti fullar bætur, er það samt með lægri upphæð milli handanna en fólk á atvinnuleysisbótum, sem enginn verður þó saddur af og er í þokkabót tímabundið ástand í lífi launafólks.

Er það velferðarsamfélag sem kemur svona fram? Er þetta öryggisnet í reynd, eins og almannatryggingakerfið okkar á að vera?

Svarið er einfaldlega nei. Samfylkingin ætlar að taka á þessu óréttlæti. Við ætlum að bæta almannatryggingakerfið og fjármagna þessar kjarabætur með stóreignaskatti og hærri veiðigjöldum á stórútgerðir. Það er góð og skynsamleg jafnaðarstefna.

Hækka greiðslur almannatrygginga til samræmis við krónutöluhækkun kjarasamninga og stöðva kjaragliðnun síðustu ára. Það yrði fyrsta skref í hækkun lífeyris og þess gætt að hækkanirnar hafi ekki áhrif á aðrar greiðslur.

Hækka frítekjumark öryrkja vegna atvinnutekna, sem hefur staðið í stað síðan árið 2010, úr tæpum 110 þúsund krónum á mánuði upp í 200 þúsund.

Tvöfalda frítekjumark eldra fólks vegna lífeyrissjóðsgreiðslna úr 25 þúsund krónum á mánuði upp í 50 þúsund og hækka frítekjumark atvinnutekna eldra fólks í 200 þúsund krónur.

Á listum okkar eru öryrkjar, eldri borgarar og fatlað fólk sem þú getur treyst að standa með þér á þingi!

Katrín Jakobsdóttir, forsætisráðherra, sagði í viðtali við Morgunblaðið á dögunum að það væri ekki á dagskrá að leggja á stóreignaskatt, eins og Samfylkingin leggur til að eigi að gera á hreinar eignir umfram 200 miljónir. Katrín sagði enn fremur að óþarfi væri að fara í frekari tekjuöflun þar sem ríkissjóður stæði ágætlega.

Ef nóg er til, hvers vegna svelta ör­yrkjar þá?

Leit um „��“

2360 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Vertu í bandi:

Leit um „���������������������������“