Eftir því sem börn eldast breytast fyrirmyndirnar. Þau tengjast starfsmönnum í leikskóla og skóla, þjálfurum í íþróttum og vinum. Forráðamenn hætta jafnvel á tímabili að vera „kúl“, en áhrif þeirra hverfa þó aldrei alveg.

Rannsóknir sýna að jákvæðar fyrirmyndir tengjast betri sjálfsmynd barna, meiri félagsfærni og minni líkum á áhættuhegðun. Á sama tíma getur skortur á slíkum fyrirmyndum, eða neikvæðar fyrirmyndir, haft alvarleg áhrif – sérstaklega hjá börnum sem búa við fátækt eða óstöðugleika.

Gögn frá OECD sýna að um helmingur barna endar á svipuðu hæfnistigi og foreldrar þeirra. Það þýðir ekki að börnin velji endilega nákvæmlega sama starf og foreldri, en tengslin eru sterk milli kynslóða. Félagsleg staða, menntun og aðstæður í æsku hafa áfram mikil áhrif á lífsleið einstaklinga. Ástæðurnar eru nokkrar. Börn hámenntaðra foreldra fara líklegar í nám, á meðan önnur hafa færri tækifæri – foreldrar varða að vissu leyti leiðina. Tengsl skipta líka máli, þar sem mörg störf opnast í gegnum tengslanet. Og svo eru það fyrirmyndirnar sjálfar: börn herma eftir því sem þau sjá. Ef þau sjá foreldra sína eða aðra í kringum sig í ákveðnum störfum eða sjá eða heyra viðhorf foreldra getur það mótað val þeirra síðar meir.

Sterkar fyrirmyndir utan heimilisins skipta miklu máli fyrir framtíð barna, sér í lagi þar sem aðstæður heima fyrir kunna að vera bágar. Börn sem alast upp við fátækt hafa oft minni aðgang að jákvæðum fyrirmyndum, sérstaklega í skipulögðu starfi eins og íþróttum. Þau upplifa meiri streitu, eru líklegri til að dragast úr félagsstarfi og hafa minni möguleika á að breyta stöðu sinni. Það skiptir miklu máli að við áttum okkur á að íþróttir og tómstundir eru ekki bara afþreying – þær eru vettvangur þar sem börn hitta fyrirmyndir utan heimilis.

Samfélag sem leyfir að efnahagur foreldra ráði því hvaða fyrirmyndir börn hafa, er samfélag sem velur að skapa ójöfnuð. Það viljum við í Samfylkingunni á Akureyri ekki. Við trúum því að jöfn samfélög séu sterk samfélög og að öll börn eigi að fá sömu tækifæri.

Höfundur skipar þriðja sæti lista Samfylkingarinnar á Akureyri.

Ég held að ég geti fullyrt að nær öll okkar eigum eða höfum átt fyrirmyndir. Í upphafi lífsins eru það forráðamenn sem gegna því hlutverki. Þar mótast fyrstu viðhorfin, hegðunin og skilningur á heiminum.

Það er gott að búa í Árborg en alltaf má bæta og gera betur.

Það er að miklu að huga þegar stefnuskrá er sett saman til að ná utan um alla íbúa sveitarfélagsins. Þannig að allir njóti góðs af.

Við megum þó ekki gleyma þeim sem byggðu upp samfélagið eins og það er í dag og þá meina ég eldri einstaklinga sem eru hættir að vinna og komin á lífeyri og vilja nú njóta ávaxtar lífs síns. Þeir eiga það skilið að geta notið efri ára á sem bestan hátt og með þjónustu frá sveitarfélaginu og ríkinu af virðingu.

Þegar sjúkdómar og kvillar fara að koma aftan að okkur eru það oftast aðstandendur sem eru fyrstu umönnunaraðilar. Hvað tekur svo við?

Þess vegna erum við með heimahjúkrun og stuðningsþjónustu sem og dagdvalir og hjúkrunarheimili sem taka svo við þegar ástandið er orðið of erfitt fyrir aldraða einstaklinga.

Dagdvalir er frábær kostur og erum við svo heppin að hér í Árborg erum við með tvær Árblik og Vinaminni. Það er munur á þessum tveimur úrræðum. Árblik er dagdvöl fyrir aldraða einstaklinga þar sem afþreying og samvera skiptir miklu máli. Vinaminni er sérhæfð dagdvöl fyrir fólk sem er komið með minnisskerðingu. Báðar jafn mikilvægar en langur biðlisti hjá þeim báðum. Það er mjög mikið álag fyrir maka eða aðstandanda að búa með hrumum og veikum einstaklingi þar sem ekki er hægt að skilja hann eftir einan heima. Stundum eru fjölskyldur komnar að þolmörkum og maki oftar en ekki sjúklingur sjálfur. Hvað getum við lagt á mikið á aðstandendur án þess að stefna velferð þeirra í hættu.

Hjúkrunarheimili er síðasti kosturinn þegar búið er að reyna allt til að hafa hinn veika einstakling sem lengst heima. Móðir mín sagði við mig um daginn að ef hún yrði ein eftir að þá myndi hún vilja fara inn á hjúkrunarheimili. Ég þurfti því að leiðrétta hana og segja henni að það væri ekki í boði þar sem biðlisti væri langur og einstaklingar þurfa stundum að bíða í nokkur ár eftir plássi. Við vitum að í dag bíða margir einstaklinga inni á sjúkradeildum sem búið er að meta í hjúkrunarrými en það er ekki pláss. Þetta eru einstaklingar sem eru búnir að bíða heima eins lengi og mögulegt er og jafnvel lengur. Þá er yfirleitt búið reyna á alla aðra þjónustu sem er í boði.

Það er því afar mikilvægt að halda áfram að uppbyggingu fyrir öllum úrræðum sem eru í boði fyrir eldri borgara og það mun ég gera fái ég umboð bæjarbúa til þess.

Margrét Björk Ólafsdóttir
Skipar 2. sæti á lista Samfylkingarinnar og óháðra í Árborg

Í Árborg vantar fleiri dagdvalar pláss og hjúkrunarrými. Ég er tilbúin að berjast fyrir því að þeim fjölgi. Að við getum fengið að eldast með reisn og að fjölbreytt og viðeigandi úrræði séu í boði og fólk þurfi ekki að hafa áhyggjur á efri árum.

Fyrri tilnefningin er fyrir Heimaspítalann sem er verkefni sem byrjaði 2023 og er sérhæfð þjónusta fyrir eldri borgara sem ætluð er að draga úr endurinnlögnum og minnka álag á bráðamóttöku. Þetta er þjónusta fyrir alla þá sem eru 75 ára og eldri með fjölþætta sjúkdóma og þurfa á bráðaþjónustu heim. HSU var fyrst til að leggja af stað í þessa vegferð og er nú fyrirmynd annarra sem eru að fara af stað með álíka þjónustu.

Hluti af þessu verkefni er fjarvöktunarþjónusta sem byrjaði á svipuðum tíma og sér um fjarvöktunarmælingar á heimilum einstaklinga. Fjarvöktun stuðlar að því að einstaklingar mæla sig sjálf og mælingarnar fara sjálfvirkt til vöktunaraðila á HSU sem fer yfir þær og metur.

Seinni tilnefningin er verkefnið Kraftmiklir krakkar sem er þverfaglegt teymi sem vinnur að því að styðja börn og fjölskyldur þeirra í átt að heilbrigðari lífsstíl með áherslur á hreyfingu, næringu, svefn og andlega vellíðan. Fjölskyldan fær stuðning sem hentar þeirra þörfum með einstaklingsviðtölum við hjúkrunarfræðing og lækni og einnig er lagt upp með einstaklingsmiðaða fræðslu. Þetta er mjög góð forvörn sem á eftir að skila bættri líðan og minni kostaði í heilbrigðiskerfinu.

Heilbrigðisstofnun Suðurlands getur stært sig að því að þora að leggja í vegferð nýsköpunar sem skilar árangri til framtíðar.

Verðlaunin verða veitt á nýsköpunardegi hins opinbera þann 6. maí nk.

Margrét Björk Ólafsdóttir
Hjúkrunarstjóri heilsugæslunnar
Skipar 2. sæti Samfylkingarinnar og óháðra í Árborg

Það að hafa dug og þor til að koma á nýsköpun er mjög mikilvægt í samfélagi. Þess má geta að Heilbrigðisstofnun Suðurlands er tilnefnd tvívegis til nýsköpunarverðlauna hins opinbera 2026 og eru þau bæði innan heilsugæslunnar.

Tilnefningar til nýsköpunarverðlauna 2026

Samfylkingin á Akranesi býður gestum og gangandi í pylsur fyrir utan Jaðarsbakkalaug á uppstigningardag.

Hvar: Jaðarsbakkalaug, Jaðarsbakkar 1
Hvenær: Fimmtudaginn 14. maí
Klukkan: 12:00-15:00

Tilvalið að kíkja í sund í fríinu, grípa pylsur, djús og kandífloss og spjalla við frambjóðendur

Samfylkingin og annað félagshyggjufólk býður til opins fundar með frambjóðendum á Bókasafninu á Eskifirði fimmtudaginn 7. maí kl. 17:30.

Komdu og ræddu málefni samfélagsins, segðu þína skoðun og taktu þátt í samtalinu um framtíðina.

Þau hafa reynt af öllu afli að gera það tortryggilegt að forsætisráðherra og formaður Samfylkingarinnar – jafnaðarflokks Íslands, hafi á því sterka skoðun hvernig Sjálfstæðisflokkurinn hefur útfært stefnu sína í leikskólamálum í Kópavogi, næststærsta sveitarfélagi Íslands. Sömuleiðis hafa þau gagnrýnt það að Samfylkingin hafi metnað til að lýsa því yfir að lögfesta eigi leikskólastigið og börnum tryggð leikskólavist að loknu fæðingarorlofi. Það er góð ástæða fyrir því að formaður Samfylkingarinnar bendir á Kópavog, því þar vekur þróunin ugg hjá mörgum. Þar hefur sú grundvallarbreyting orðið að átta tíma vistun fyrir tvö börn á leikskóla kostar að jafnaði 450.000 krónum meira en fyrir fjölskyldu í Reykjavík. Þetta kjósum við jafnaðarmenn að kalla barnaskattinn í Kópavogi, og við höfnum honum alfarið.

Það er heilbrigðismerki íslensks samfélags að leikskólamálin fá jafn mikla athygli í umræðunni og raun ber vitni. Stór hluti kjósenda vill að kerfið virki vel fyrir alla hópa og lætur það sig varða – jafnvel þótt hvorki þau né aðstandendur þeirra eigi börn á leikskólaaldri. Þá lætur fólk það sig líka máli skipta að aðstæður kennara og starfsfólks sé viðunandi, enda veit fólk að mönnunarvandi leikskólanna verður ekki leystur nema fleiri velji að leggja fyrir sig kennslu og aðbúnaður sé eins og best verður á kosið. Að þessu vill Samfylkingin stefna að án þess að senda foreldrum reikninginn líkt og gert hefur verið í Kópavogi. Tillögur okkar byggja meðal annars á tillögum frá aðgerðahópi um brúun bilsins. Hópurinn var skipaður fulltrúum verkalýðshreyfingarinnar, atvinnurekenda, kennara, ríkis og sveitarfélaga eftir síðustu kjarasamninga á almennum vinnumarkaði.

Það eru til aðrar leiðir til að tryggja góðar starfsaðstæður

Leiðin sem farin hefur verið í Kópavogi er ekki alslæm, og fjöldi kennara sem þar starfar – sem einhver hafa flutt sig um set til starfa í bænum frá öðrum sveitarfélögum – lýsa betri starfsaðstæðum. Það er ástæðulaust og í raun óábyrgt að horfa framhjá því. Við getum hins vegar sett markið hærra og búið þannig um haginn að kennarar geti búið við jafn góðar starfsaðstæður og raun ber vitni (og jafnvel betri) ef ríki og sveitarfélög taka höndum saman með skipulegu og raunhæfu plani um að leikskólinn verði lögfestur að norrænni fyrirmynd, sveitarfélögum tryggður tekjustofn í lögum til að fjármagna hann og unnið verði að því markvisst að fjölga kennurum og starfsfólki á gólfinu. Við neitum því að gefast upp og halda því fram að eina leiðin til þess sé að láta foreldra bera byrðarnar af breytingum, hvort sem það felst í því að láta fólk greiða barnaskatt eða svipta þau tíma til að sinna fullu starfi vegna aukins álags á heimilin. Gjaldaleið Sjálfstæðisflokksins er jafnframt uppgjöf sem egnir saman foreldrum og starfsfólki leikskóla.

Samfylkingin í Kópavogi ætlar að lækka leikskólagjöld en halda í það sem reynist vel

Við höfum talað skýrt fyrir því að við viljum lækka kostnað barnafólks í Kópavogi. Við höfum gagnrýnt gjaldskrána og þá staðreynd að þau sem að þurfa mest á þjónustunni að halda þurfi að greiða mest, sem og að tekjutengingarnar séu ekki að grípa þá hópa sem á því þurfa nægilega vel.

Samfylkingin í Kópavogi boðar ekki stórar breytingar á leikskólakerfinu eins og það lítur út í dag. Við viljum halda í 30 tíma gjaldfrjálsa vistun og skráningardaga. Við boðum lækkun á gjaldskránni, 100% systkinaafslátt og lögfestingu á réttinum til leikskólavistar. Það er ekki tilviljun að við leggjum áherslu á systkinaafsláttinn, enda kemur hann til móts við þær fjölskyldur sem eiga erfiðast með að mæta hárri gjaldskrá og er jafnframt sú leið sem hefur minnst áhrif á mönnun. Þá er það einnig mikilvægur hluti af okkur stefnu að fara í markvissar aðgerðir til að styrkja og bæta leikskólaumhverfið.

Leikskólinn er ekki slæmur staður til að vera á

Við höfnum jafnframt yfirlýsingum um að fullur leikskóladagur sé ógn við velferð og farsæld barna, líkt og víða er haldið fram núna. Það sama heyrðist á sínum tíma þegar almennu leikskólakerfi var komið á á 10. áratugnum í kjölfar forgöngu félagshyggjufólks í Reykjavík, undir forystu Ingibjargar Sólrúnar Gísladóttur. Við leyfum okkur að fullyrða að fæst viljum við aftur koma á því tvöfalda kerfi sem þá þekktist, þar sem aðeins sum börn áttu rétt á fullri leikskólagöngu. Það má nefnilega aldrei gleymast að leikskólar eru ekki eingöngu dagvistun. Leikskólastigið er fyrsta skólastigið sem við eigum að standa vörð um. Leikskólinn er menntastofnun sem skapar grunninn að öllu framtíðarnámi barna, á að vera griðarstaður þeirra og síðast en ekki síst er hann félagslegt jöfnunartæki og lykilþáttur í inngildingu barna af ólíkum uppruna, að ekki sé minnst á þau börn sem alast upp við ótryggar aðstæður.

Sjálfstæðisflokkurinn og aðrir fulltrúar hægriafla hér á landi boða engar raunverulegar lausnir á framangreindum áskorunum sem geta skapað samfélagssátt um leikskólastigið. Við kjörnir fulltrúar og frambjóðendur Samfylkingarinnar ætlum að bjóða upp á stórhuga stjórnmál og lausnir í þessu sjálfsagða baráttumáli okkar jafnaðarfólks. Við flýjum ekki undan ábyrgð. Við þorum að vera metnaðarfull í okkar stjórnmálum og við viljum láta okkur þennan málaflokk varða, sem og aðra sem falla undir sterka, almenna velferðarþjónustu í þessu landi.

Leikskólamálin og brúun bilsins eftir fæðingarorlof eru meðal þeirra verkefna sem ríki og sveitarfélög verða að leysa saman. Hér þarf skýra verkstjórn og kjósendur í sveitarstjórnarkosningum um land allt geta reitt sig á að kjörnir fulltrúar Samfylkingarinnar munu ekki láta ógert að stíga inn í stór velferðarmál sem hafa verið vanrækt vegna innbyrðis deilna eða samtalsleysis milli ríkis og sveitarfélaga. Ríkisstjórn Kristrúnar Frostadóttur hefur sýnt það í verki að hún er óhrædd við að axla ábyrgð. Hér verður að nefna samkomulag við Samband íslenskra sveitarfélaga um uppbyggingu hjúkrunarheimila og þjónustu við börn með fjölþættan vanda, sem og húsnæðispakka ríkisstjórnarinnar sem mun m.a. leiða af sér stórátak í uppbyggingu almennra leiguíbúða í Reykjavík. Það er vert að segja frá því að þar hefur Sjálfstæðisflokkurinn skilað auðu í Kópavogi, og hafnar samstarfi við óhagnaðardrifin leigufélög á borð við Bjarg.

Það skilar árangri þegar ríki og sveitarfélög ákveða að ganga í takt og leysa vandamálin í sameiningu. Það mætti ætla að allir stjórnmálaflokkar á Íslandi sæju ótvíræða kosti við það. Við vekjum athygli á því, að ef marka má viðbrögð kjörinna fulltrúa við því að forsætisráðherra láti sig velferðarmál varða, virðist Sjálfstæðisflokkurinn vera alfarið mótfallinn því að auka þetta samstarf og að passa upp á það sem við eigum hérna saman.

Dagbjört Hákonardóttir er þingmaður Samfylkingarinnar í Reykjavíkurkjördæmi norður. Eydís Inga Valsdóttir skipar 2. sætið á framboðslista Samfylkingarinnar í Kópavogi fyrir bæjarstjórnarkosningar þann 16. maí nk.

Umræða þingmanna og bæjarfulltrúa Sjálfstæðisflokksins í kjölfar kynningar útspils Samfylkingarinnar um samstillt átak í málaflokki leikskólans og barnafjölskyldna, sem og í kjölfar ræðu formanns þann 1. maí sl., hafa verið kostuleg. 

Hvað fá for­eldrar í Kópa­vogi fyrir 450 þúsund króna barnaskatt?

Kosningastefna Samfylkingarinnar og félaga í Ölfusi 2026 - 2030

Samfylkingin og annað félagshyggjufólk býður til opins fundar með frambjóðendum í Tónspil í Neskaupstað fimmtudaginn 7. maí kl. 20:00.

Komdu og ræddu málefni samfélagsins, segðu þína skoðun og taktu þátt í samtalinu um framtíðina.
Öll velkomin!

Kosningastefna Samfylkingarinnar í Kópavogi 2026 - 2030

Þannig sköpum við andrými fyrir gæðastundir.

Þak á leikskólagjöld. Engin fjölskylda borgi meira en 50.000 kr. á mánuði í leikskólagjöld. 

100% systkinaafsláttur. Innleiðum hærri systkinaafslátt í skrefum og komum til móts við fjölskyldur með mörg börn.

Systkinaafsláttur þvert á skólastig. Sami afsláttur gildi í leikskóla, frístund og sumarnámskeiðum á vegum bæjarins.

Lægri gjöld vegna frístundavagns. Bærinn stígi inn og lækki kostnaðarhlutdeild foreldra.

Brúum bilið. Öll börn 12 mánaða og eldri fái leikskólapláss, með lögleiðingu leikskólastigsins í samvinnu ríkis og sveitarfélaga.

Öflugri kennsla og stuðningur við öll börn

Stytting biðlista eftir stuðningi. Yfir 100 börn bíða eftir lögbundinni stuðnings- og stoðþjónustu. Við munum tryggja snemmtæka íhlutun og aðgengi að sálfræðingum, félagsráðgjöfum og fagfólki í öllum skólum.

Efling sérúrræða. Skoða stofnun sérskóla í Kópavogi, mögulega í samstarfi við nágrannasveitarfélög, til þess að tryggja sérhæfða og samfellda þjónustu fyrir þann hóp barna sem þarf á því að halda og fjölga plássum í sérdeildum.

Færri nemendur í bekk. Minnkum álag á kennara og börn með stærri kennsluteymum.

Fleiri kennarar. Ráðumst í átak í ráðningu og menntun grunnskólakennara í Kópavogi. 

Bætum við fagfólki í skólanna. Förum í markvisst átak í ráðningum þroskaþjálfa, atferlisfræðinga, talmeinafræðinga og tómstundafræðinga í samráði við skólastjórnendur og fagaðila.

Hækkum frístundastyrkinn. Frístundastyrkurinn á að standa undir kostnaði á einni íþrótt og hækka með aldri barns.

Heilsusamlegar skólamáltíðir. Tryggjum að skólamáltíðir séu samkvæmt næringarviðmiðum.

Félagsmiðstöðvar opnar alla daga. Tryggjum að ungmenni hafi ávallt öruggan og eflandi samastað í umsjón fagfólks. 

Sumaropnun frístundaheimila. Veitum samræmda sumarfrístund í Kópavogi eins og annars staðar á höfuðborgarsvæðinu.

Veitum fötluðu fólki lögbundna þjónustu. 

Stytting biðlista. Styttum biðlista og setjum skýr viðmið um hámarksbiðtíma eftir stuðningi, búsetuúrræðum og dagþjónustu.

Efld akstursþjónusta. Elfum lykilþjónustu sem á að mæta raunverulegum þörfum fatlaðs fólks.

Atvinnuþátttaka. Bærinn bjóði upp á sveigjanleg störf fyrir fólk með breytilega starfsgetu og aukum markvisst samstarf við fyrirtæki í sveitarfélaginu um sveigjanleg störf.

Einföldun þjónustuferla. Sjáum til þess að enginn falli á milli kerfa og sveitarfélagið veiti skýrar upplýsingar í gegnum einn tengilið. 

2.  Hlúum að fólkinu sem byggði landið

Þannig tryggjum við að enginn sé einn á sínu ævikvöldi.

Stórefling heimaþjónustu. Gerum eldra fólki kleift að geta búið sjálfstætt eins lengi og það sjálft kýs.

Fjölbreytt húsnæði fyrir eldra fólk. Ráðumst í markvissa uppbyggingu á húsnæði í mismunandi stærðum og gerðum sem hentar öllum aldursstigum.

Uppbygging þjónustukjarna. Undirbúum byggingu þjónustukjarna tímanlega og spornum þannig við uppsöfnun biðlista.

Samþætting heimaþjónustu og heimahjúkrunar. Veitum þjónustu, upplýsingar og eftirfylgni á einum stað í stað þess að láta notendur þjónustu ganga á milli kerfa.

Tengiráðgjafar. Aðstoðum eldra fólk við að sækja sér þjónustu og sköpum umhverfi svo það geti haldist í virkni.

Uppbygging á hjúkrunarrýmum. Köllum ríkið og rekstraraðila hjúkrunarheimila að borðinu og ráðumst saman í uppbyggingu fleiri hjúkrunarrýma.

Félagsstarf á jafningjagrundvelli. Valdeflum 67–75 ára hópinn til að skipuleggja eigið félagslíf.

Bætt upplýsingagjöf um virknitilboð. Setjum upp skýrt yfirlit yfir þjónustu og félagsstarf fyrir eldra fólk.

Stöndum vörð um Virkni og vellíðan. Bætum upplýsingagjöf, miðlum skýrt upplýsingum um virknitilboð og þjónustu og viðhöldum verkefninu. 

Þannig verður betra að búa í Kópavogi.

Vöndum okkur í skipulagi og verndum græn svæði

Snúum okkur að Kópavogi. Á heildina litið verður húsnæðisvandinn ekki leystur í Kópavogi. Snúum forgangsröðum skipulagsákvörðunum í þágu þess að bæta bæinn fyrir núverandi íbúa.

Höldum þéttingu hóflegri og pössum upp á gæði. Setjum þróun byggðar þar sem þarfir íbúa í nærumhverfi, gott rými, aðgengi og græn svæði eru í fyrirrúmi.

Vernd grænna svæða. Dalir, strandlengjur og opin svæði njóti verndar í skipulagi bæjarins.

Heildstætt skipulag. Samræmum áætlanir, skipuleggjum heildrænt og stöndum við áætlanir.

Miðbær Kópavogs. Skýr og metnaðarfull plön fyrir lifandi miðpunkt mann- og atvinnulífs, þjónustu og menningar.

Fleiri tré og gróðursetning. Ráðumst í markvissa uppbyggingu grænna svæða um allan bæinn.

Nýtum plássið vel. Pláss undir ný hverfi er að þrotum komið í Kópavogi. Þess vegna er mikilvægt að ákvarðanir séu teknar til að nýta pláss sem eftir er vel.

Lóðir fyrir óhagnaðardrifið húsnæði. Förum í samstarf við verkalýðshreyfinguna og húsnæðissamvinnufélög og tryggjum lóðir undir óhagnaðardrifið húsnæði. 

Aukning á félagslegu húsnæði. Hlutfallið fer lækkandi miðað við íbúafjölda. Gerum áætlun um kaup á íbúðum til framtíðar.

Námsmannaíbúðir. Skipuleggjum svæði og hefjum samstarf við háskólana og stúdentafélögin og byggjum upp fyrstu námsmannaíbúðirnar í Kópavogi.

Húsnæði sem hentar. Tryggjum framboð á einstaklingsíbúðum og fjölbreyttu húsnæði.

Einfaldari leyfisveitingar. Setjum skýr tímamörk, færri formkröfur og einföldum leyfisferlið.

Einn viðkomustaður fyrir fyrirtæki. Léttum fyrirtækjum lífið með því að bjóða þeim upp á fastan tengipunkt fyrir samskipti þeirra við Kópavogsbæ. 

Breytt nálgun í leyfisveitingum. Treystum frumkvöðlum og fyrirtækjum til þess að hefja rekstur í stað þess að bíða eftir leyfi. Veitum leiðsögn og liðsinni um úrbætur þegar eftirlit leiðir í ljós að þörf er á úrbótum.

Atvinnuþróunarstefna. Setjum okkur skýra stefna um fjölbreytt og staðbundið atvinnulíf.

Lifandi menning og íþróttir í öllum hverfum

Menningarmiðstöð í efri byggðum. Reisum öfluga menningarinnviði í húsnæði sem er ætlað slíkri starfsemi.

Lengri opnunartími sundlauga. Höfum sundlaugar Kópavogs opnar þegar það er eftirspurn eftir þeirri þjónustu. 

Klárum íþróttamannvirkin. Kópavogsvöllur, Kórinn, sundlaugar og önnur íþróttamannvirki og aðstöður með það að leiðarljósi að bregðast við núverandi og framtíðar þörfum bæjarbúa. Gerum fjárfestingaráætlun til langs tíma á grundvelli fjárfestingargetu bæjarins í nánu samráði við íþróttafélögin.

Borgarlína, samgöngur og vistvænn bær

Borgarlínan sem burðarás. Tryggjum hagsmuni Kópavogsbúa með hröðum og áreiðanlegum tengingum Borgarlínunnar við Kópavog og nágrannasveitarfélög.

Samfellt göngu- og hjólastígakerfi. Bjóðum Kópavogsbúum upp á heildstætt net með áherslu á vetrarþjónustu og öryggi.

Gjaldfrjáls strætó fyrir 12–17 ára. Innleiðum gjaldfrjálsar almenningssamgöngur í skrefum fyrir 12-17 ára. 

Ábyrgur rekstur og gagnsæ stjórnsýsla

Sjálfbær fjármál. Sjáum til þess að rekstur Kópavogs standi undir sér án einskiptisaðgerða eins og lóðaúthlutana.

Minni skuldsetning. Viðvarandi skuldsetning sveitarfélagsins er dulin skattlagning á íbúa Kópavogs í framtíðinni.

Öflug stafræn þjónusta. Tryggjum einfaldar lausnir, gagnsæja afgreiðslu og að stafrænt þjónustusvæði bæjarins virki.

Raunverulegt samráð. Tryggjum að samtal við bæjarbúa sé ekki til sýnis heldur og tökum mark á athugasemdum og ábendingum. Það tryggir meiri sátt og betri ákvarðanir.

Hér má skoða kosningastefnuna í heild sinni á pdf skjali.

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. Nánari upplýsingar um persónuverndarstefnu Samfylkingarinnar. 

Samfylkingin, Viðreisn og óháðir bjóða í léttan hitting þar sem gleðin eru í fyrirrúmi. Við ætlum að hittast og hafa gaman!

Pub Quiz – Létt keppni og hress stemning.
Frír bjór – Við bjóðum upp á bjórkút á meðan birgðir endast.
Spjall – Tilvalið að ræða málin ef þig lystir, eða bara njóta kvöldsins.

Mættu, nældu þér í bjór og sýndu snilli þína í Quiz-inu. Sjáumst í stuði!

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"