Kosningastefna Samfylkingarinnar í Reykjansebæ 2026 - 2030

Við viljum einfalda daglega lífið fyrir íbúa Reykjanesbæjar, hvort sem fólk er að reka fyrirtæki, ala upp fjölskyldu eða njóta efri ára. Það gerum við með bættri þjónustu og auknum stuðningi. Þannig léttir Samfylkingin undir með þér í daglegu lífi, því við erum hér fyrir fólkið í bænum.

Styttum og einföldum boðleiðir fyrir íbúa og fyrirtæki með einni viðkomu.

Setjum fram skýra ferla þegar fyrirtæki sýna áhuga á að koma í sveitarfélagið.

Hámark leikskólagjalda verði 50 þúsund krónur á mánuði fyrir hvert heimili, óháð barnafjölda. 

Fylgjum eftir lögfestingu réttar til leikskólavistar að loknu fæðingarorlofi.

Hlúum að fólkinu sem byggði samfélagið með því að efla félagslega ráðgjöf til aldraðra og bætum stuðning í daglegu lífi.

Fjölgum tómstundaúrræðum og viðburðum fyrir fólk 67 ára og eldri.

2. Aðeins það besta fyrir börnin okkar

Börnin okkar eiga skilið bestu mögulegu umgjörð til að vaxa og dafna. Við leggjum áherslu á öflugt skólastarf og fjölbreytt íþrótta- og tómstundastarf sem hvetur til hreyfingar, þátttöku og vellíðan barna og ungmenna. Þannig tryggjum við jöfn tækifæri fyrir öll börn í bænum.

Tryggjum áfram inngöngu á leikskóla við 18 mánaða aldur og styrkjum dagforeldrakerfið.

Bjóðum upp á heimgreiðslur til að auka valfrelsi foreldra.

Byggjum nýjan Garðasel, ljúkum gerð Stapaleikskóla og stækkum aðra leikskóla.

Ljúkum uppbyggingu Myllubakka- og Holtaskóla og hefjum byggingu nýrra skóla á Ásbrú og í Hlíðarhverfi.

Eflum velferð barna með markvissum stuðningi og úrræðum líkt og Hlýjunni.

Hækkum frístundastyrki fyrir börn í 70 þúsund krónur að lágmarki. 

Fjölgum tómstundamiðstöðvum í skólahverfum og eflum starfsemi 88 hússins.

Stóreflum íþróttaaðstöðu í bænum, m.a. með uppbyggingu við Afreksbraut.

Styrkjum rekstrargrundvöll íþróttafélaganna með fjölbreyttum leiðum.

Styrkjum málaflokk íþrótta-, tómstunda- og lýðheilsumála. 

Opnum íþróttahús bæjarins fyrir íbúa til að auka virkni og hreyfingu.

Við viljum öflugt og fjölbreytt atvinnulíf. Með markvissri uppbyggingu, sterkum innviðum og stuðningi við fyrirtæki sköpum við grundvöll fyrir fleiri störf og styrkjum þannig framtíð Reykjanesbæjar.

Bjóðum Landhelgisgæsluna velkomna til Reykjanesbæjar með stækkun Njarðvíkurhafnar.

Fjölgum komum skemmtiferðaskipa í Keflavíkurhöfn.

Eflum Reykjanesbæ sem ferðaþjónustubæ með öflugri verslun og þjónustu ásamt því að nýta tækifærin sem felast í nálægð við flugvöll og auðlindir.

Fjölgum atvinnutækifærum með virkri atvinnustefnu og bjóðum út fleiri atvinnulóðir.

Byggjum upp Helguvík sem grænan iðngarð.

Tryggjum fólki með skerta starfsgetu að lágmarki 1% starfa hjá bænum.

Hefjumst handa við að lækka lóðarleigu til að styrkja samkeppnisstöðu fyrirtækja.

Sterkt samfélag byggir á öflugri velferð og jöfnum tækifærum. Við viljum tryggja að allir fái þann stuðning sem þeir þurfa með góðu aðgengi að viðeigandi þjónustu. Saman erum við sterkari.

Opnum Velferðarhús Reykjanesbæjar sem hýsir lögbundna þjónustu fyrir börn með langvarandi stuðningsþarfir.

Tryggjum ungmennum á fjárhagsaðstoð jöfn tækifæri til náms með fartölvustyrkjum.

Styrkjum grunnþjónustu með fjölgun starfsfólks á velferðarsviði og bjóðum fólki á fjárhagsaðstoð upp á aukin virkniúrræði.

Byggjum fleiri íbúðir fyrir fatlað fólk, öryrkja og aldraða í samvinnu við Brynju hússjóð og óhagnaðardrifin leigufélög.

Byggjum námsmannaíbúðir fyrir skólafólk til að auðvelda því inngöngu á húsnæðismarkaðinn.

Drögum úr útgjöldum heimilanna og hefjumst handa við að lækka lóðarleigu.

Við viljum þróa bæinn okkar áfram á sjálfbæran hátt til framtíðar með bættum samgöngum, uppbyggingu hverfanna ásamt því að skapa umhverfi sem hvetur til hreyfingar og útivistar. Með skýrri framtíðarsýn gerum við Reykjanesbæ að besta staðnum til að búa á.

Bætum umferðarflæði og umferðaröryggi á Njarðarbraut með hringtorgum.

Greiðum leið á milli bæjarhluta með ofanbyggðarvegi og þrýstum á tvöföldun Reykjanesbrautar til Leifsstöðvar.

Tryggjum örugga þverun Reykjanesbrautar fyrir gangandi og hjólandi ásamt nauðsynlegum tengingum við Reykjanesbæ. 

Setjum umferðaröryggi barna í forgang með markvissum lausnum um allan bæ.

Bjóðum út lóðir í Keflavíkurborgum og á Akademíureitnum og höldum áfram uppbyggingu á Ásbrú.

Þróum svæðið við Svarta pakkhúsið og Fischershús í samvinnu við uppbyggingaraðila.

Ljúkum uppbyggingu á göngu- og hjólastígum bæjarins, tengjum Hafnir við Ásbrú og gerum stíga til Voga og Sólbrekkuskógar við Seltjörn.

Byggjum áfram upp útivistarperlurnar við Seltjörn og á Fitjum og fjölgum útivistarsvæðum.

Eflum skógrækt með sameiginlegu átaki bæjarins, íbúa og fyrirtækja.

Fjölgum leikvöllum í hverfunum til að hvetja til aukinnar útiveru.

Lífleg menning gerir góðan bæ enn betri. Við viljum styrkja menningarlega sjálfsmynd Reykjanesbæjar með fjölbreyttum viðburðum og stuðla að gróskumiklu menningarlífi í heimabyggð.

Eflum bæjarhátíðirnar okkar og lengjum opnunartíma sundlauganna.

Byggjum upp líflegan útimiðbæ við Duus-hús, eflum bæinn enn frekar í viðburðahaldi og komum á samtali milli veitingaaðila til að glæða bæinn lífi. 

Sköpum aðstöðu og tækifæri fyrir ungt fólk í menningu og tónlist.

Sköpum fjölbreytt og lifandi félagslíf fyrir heldri borgara.

Fjölgum sýningum um Suðurnesin til að styrkja menningarlega sjálfsmynd bæjarins.

Hér má skoða kosningastefnuna í heild sinni á pdf skjali.

The election strategy for Reykjanesbær 2026-2030

Strategia wyborcza w Reykjanesbær 2026–2030.

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. Nánari upplýsingar um persónuverndarstefnu Samfylkingarinnar. 

Spotkanie dla Polaków Sandgerði i Garður
Cześć, chciałbym Was zaprosić na spotkanie, na którym będziemy mogli się po prostu poznać.
Od wielu lat mieszkam i pracuję w Islandii i wiem, jak ważne są sprawy naszej społeczności. Dlatego postanowiłem zaangażować się bardziej i przedstawić swój program wyborczy.
Ale przede wszystkim zależy mi na rozmowie z Wami — chcę usłyszeć, co jest dla Was ważne, z jakimi problemami się spotykacie i co można zrobić lepiej.
To będzie luźne spotkanie, bez dystansu — przy kawie, przekąskach i piwie 
 Data: 7 maja 2026
 Miejsce: Garðvangur, Garðbraut 85, Garður
 Spotkanie otwieramy o 19:00 — będzie czas na spokojne przyjście i rozmowy
 O 19:30 rozpocznę przedstawienie programu
Każdy jest mile widziany — znajomi i nieznajomi 
Do zobaczenia!

Meeting for Poles in Sandgerdi and Garður
Hello,
I would like to invite you to a meeting where we simply get to know each other.
I have lived and worked in Iceland for many years and I know how important the issues of our community are. That's why I decided to be more involved and present my election program.
Most importantly, I would like to talk with you — I want to hear what's important to you, what problems you are facing and what we can do better.
This will be a casual get-together, no distance - over coffee, snacks and beer 
 Date: May 7, 2026
 Miejsce: Garðbraut 85 Garðvangur, Garður
 The meeting opens at 19:00 - there will be a time for you to come and chat
 At 7:30 pm I will start the show
Everyone is welcome - friends and strangers 
See you there!

Spotkanie dla Polaków Sandgerði i Garður

Slíkir fundir hafa í gegnum tíðina verið vel sóttir og verið mikilvægur þáttur í lýðræðislegu samtali í sveitarfélaginu. Fundirnir hafa verið tveir, annar í Þorlákshöfn og hinn í dreifbýli Ölfuss.

Nú eru aðeins tvö framboð í sveitarfélaginu, S-listi Samfylkingarinnar og félaga í Ölfusi og D-listi Sjálfstæðisflokks. Þrátt fyrir ítrekaðar óskir fulltrúa S-lista síðustu vikur um að halda slíka fundi liggur nú fyrir að D-listi hefur hafnað þátttöku. Þetta kemur verulega á óvart og veldur raunar vonbrigðum.

Í tilkynningu D-lista kemur fram að ákvörðunin byggi á þeirri trú að í litlu samfélagi eigi ekki að „etja frambjóðendum saman“ og að slíkir fundir hafi ekki skilað þeirri málefnalegu umræðu sem fulltrúar listans telji mikilvæga. Þeir segjast kjósa frekar persónuleg samskipti við íbúa.

Það er réttur hvers framboðs að haga kosningabaráttu með eigin hætti en samt sem áður vakna upp við þessa ákvörðun spurningar. Opið og gagnsætt samtal hefur ítrekað verið nefnt sem leiðarstef hjá Sjálfstæðisflokknum. Er það í samræmi við þann anda að hafna þátttöku í sameiginlegum íbúafundum þar sem allir kjósendur hafa jafnan aðgang að upplýsingum á hlutlausum vettvangi? Eru óþægilegar spurningar á opnum fundum hluti af virku lýðræði eða eitthvað sem ber að forðast?

Að okkar mati eru opnir framboðsfundir ekki vettvangur fyrir átök heldur fyrir lýðræðislega umræðu. Þar fá íbúar tækifæri til að spyrja, bera saman sjónarmið og taka upplýsta ákvörðun. Slíkir fundir koma ekki í stað annarra samskipta, heldur bæta við þau og eru alþekktir sem hluti af aðdraganda kosninga víða um land. Það er ekki hægt að bera það saman að oddvitar mæti í viðtöl í fjölmiðlum og fund sem þennan. Fund þar sem fleiri frambjóðendur koma fram og íbúum gefst kostur á að fá skýr svör frá báðum framboðum.

Við á S-lista munum áfram leggja áherslu á opið samtal, þátttöku íbúa og gagnsæi. Við erum búin að skipuleggja opna íbúafundi þar sem fjórir efstu fulltrúar listans munu kynna sig og sín stefnumál. Fundirnir verða haldnir í Versölum, Ráðhúsi Ölfuss mánudaginn 11. maí nk. og á Efstalandi í dreifbýli Ölfuss þriðjudaginn 12. maí. Báðir fundir hefjast kl. 20 og er fulltrúum D-lista velkomið að taka þátt í þeim.

Það er okkar trú að lýðræðið standi sterkast þegar framboð þora að mæta íbúum á opnum vettvangi. Á endanum eru það kjósendur sem dæma og vonum við að þeirra trú sé hin sama og okkar.


F.h. Samfylkingarinnar og félaga í Ölfusi

Gunnsteinn Ómarsson, 1. sæti
Berglind Friðriksdóttir, 2. sæti
Pálmi Ásbergsson, 3. sæti
Bryndís Sigurðardóttir, 4. sæti

Áralöng hefð hefur verið fyrir því í Sveitarfélaginu Ölfusi að haldnir séu opnir íbúafundir fyrir sveitarstjórnarkosningar þar sem fulltrúar framboða mæta saman, kynna stefnur framboðanna og svara spurningum íbúa.

Jafnaðarmannafélag í Fjallabyggð og óháðir 

Stefnuskrá Jafnaðarmanna og óháðra 2026.pdf

Stefnuskrá Jafnaðarmanna og óháðra 2026 EN.pdf

Við erum Jafnaðarmenn og óháðir í Fjallabyggð

Við opnum dyrnar á Félagsheimilinu á laugardagsmorguninn kl. 9-12. Ykkur bæjarbúum verður boðið að kíkja inn í kaffi, skoða ástandið, rifja upp góðar stundir og ræða framtíðarnýtingu hússins.

Félagsheimilið hefur staðið autt og illa farið í sex ár eftir að framkvæmdir voru stöðvaðar vegna fjárskorts. Innréttingar, klæðningar og salerni hafa verið rifin út og húsið skilið eftir ónothæft. Engin áform eru um opnun á húsinu.

Við hjá Samfylkingu, Viðreisn og óháðum viljum klára verkið, opna húsið að nýju og tryggja að það nýtist bæjarbúum. Með skynsamlegum rekstri getur Félagsheimilið okkar orðið öflug miðstöð menningar og mannlífs í bænum.

Hlökkum til að bjóða ykkur inn í Félagsheimili okkar allra!

Verið öll velkomin í kjötsúpuveislu með frambjóðendum S-listans á Eyrarbakka á Garðtúninu á Eyrarbakka mánudaginn 11. maí kl. 17.30
• Dýrindis kjötsúpa
• Hoppukastali
• Gengið á stultum
• Flugdrekar
• Kleinur og drykkir
• Hressir frambjóðendur

Hafnfirðingar þekkja vel af eigin raun umferðarhnútana á Reykjanesbrautinni einkum núna þegar Flóttamannavegurinn er lokaður tímabundið. Þetta veldur ekki aðeins löngum töfum, heldur eykst umferðarálag um allan bæ, einkum í miðbænum og Setberginu. Á 25 árum hefur umferðarþunginn meira en tvöfaldast á Reykjanesbrautinni og komið er í óefni, en ekkert hefur verið gert til að takast á við ástandið og áfram er gert ráð fyrir aukningu umferðar næstu ár.

Samfylkingin í Hafnarfirði leggur til skýrar og raunhæfar aðgerðir sem miða að því að tryggja öryggi og flæði umferðar:

Fara í nauðsynlegar samgönguúrbætur á Reykjanesbraut frá N1 hringtorgi í átt að Kaplakrika og fara í endurbætur á Flóttamannavegi.

Endurskoðun samgöngusáttmála höfuðborgarsvæðisins með það að markmiði að skoða varanlegar lausnir, þar á meðal jarðgöng undir Setbergshamar.

Efla almenningssamgöngur með Borgarlínu og öflugu innanbæjarkerfi strætó.

Þessar tillögur eru í samræmi við málflutning okkar i Samfylkingunni á kjörtímabilinu, en við höfum lagt fram fjölmargar tillögur um lausn samgönguvandans á Reykjanesbrautinni, m.a. að hefja viðræður við Vegagerðina um flýtiframkvæmdir, styrkja Flóttamannaveginn og flýta Borgarlínu. Samkvæmt samgöngusáttmálanum er gert ráð fyrir seinkun framkvæmda og að þær hefjist ekki fyrr en árið 2030 og ljúki árið 2033. Allar okkar tillögur voru felldar af meirihluta Framsóknar- og Sjálfstæðisflokks sem hafa sofið fast á verðinum árum saman. Það er þó fagnaðarefni að ríkisstjórnin undir forystu jafnaðarfólks hefur tekið ákvörðun um að Flóttamannavegurinn er ekki lengur skilavegur, heldur verður áfram umsjá Vegagerðarinnar og gert er ráð fyrir fjármagni til vegarins í samgönguáætlun.

Það er sannarlega verk að vinna í samgöngumálum í Hafnarfirði. Við í Samfylkingunni erum tilbúin að ganga í verkin og munum setja samgöngumál í forgang þegar við tökum við bænum eftir kosningarnar 16. maí næstkomandi.

Höfundur, Stefán Már Gunnlaugsson, er bæjarfulltrúi og skipar 5. sæti á lista Samfylkingarinnar í Hafnarfirði.

Öll kerfi á að hanna út frá notandanum. Áður en fyrsta ákvörðun er tekin er gott að hafa íslenskt orðatiltæki bak við eyrað: Í upphafi skal endinn skoða. Alveg sama hvort verið er að hanna verkferla, kerfi eða þjónustu. Fyrsta spurning: hver á að nota þetta? Næsta skref: Tölum við þau. Þannig eru góð kerfi hönnuð. Út frá raunverulegum þörfum þeirra sem eiga að nota þau.

Ég þekki þetta á eigin skinni. Ég á drengi í Vallaskóla og hef ítrekað reynt að skrá þá úr ávöxtum og mjólk þar sem þeir þiggja hvorugt. Ég hef harkað mig í gegnum mína Árborg og meira að segja tekist að af haka úr þessari þjónustu en reikningurinn heldur áfram að berast. Ég hef horft á þetta þannig, þar sem ég er einn helsti stuðningsmaður Árborgar, að þetta sé mitt auka, auka framlag til að reyna að styrkja rekstur sveitarfélagsins.

Maður heyrir af starfsmönnum sveitarfélagsins hlaupa á milli stofnana á hverjum einasta degi vegna þess að innri kerfin tala ekki saman. Þetta er eins og að ganga með stein í skónum, óþægilegt, en í stað þess að stoppa og laga vandann er bara haldið áfram, því þetta hefur alltaf verið svona.

Ef þetta væri einkarekstur væri þetta talið alltof dýrt, þetta væri óásættanlegt. Fyrirtæki hafa byggt þjónustu sína upp með notandann í forgrunni, því annars fer viðskiptavinurinn annað. Þar eru verkferlar einfaldaðir, bæði fyrir viðskiptavini og starfsfólk, og ávinningurinn er minni sóun á tíma starfsmanna á sama tíma og boðið er uppá betri þjónustu. Af hverju ætti það að vera öðruvísi hjá sveitarfélögum?

Kerfið þarf einnig að virka fyrir þau sem lifa við hindranir í daglegu lífi. Ef þjónustan er flókin fyrir fatlað fólk, eldri íbúa, börn, eða aðra íbúa þá er vandinn ekki hjá notandanum, heldur kerfinu og þegar það gerist er nauðsynlegt að hafa möguleika á að fá aðstoð frá starfsmanni. Kerfi geta brugðist og þá er óboðlegt að þjónustan sé óvirk.

Notendavæn Árborg er þjónusta sem virkar fyrir íbúa í öllum kjörnum sveitarfélagsins.

Þar sem kerfið aðlagar sig að notendum. Ekki öfugt.

Árni Magnússon
Situr í 5. sæti á lista Samfylkingar og óháðra í Árborg

Af hverju höfum við vanist því að hugsa um sveitarfélagið sem flókið kerfi sem fólk þarf að rata í gegnum? Það er röng nálgun.

Alma Möller, heilbrigðisráðherra, kemur til fundar við okkur í Neskaupstað 11. maí kl. 16:00 í Tryggasafninu.

 Hvar? Tryggvasafnið, Safnahúsið, Neskaupstað
 Hvenær? Kl. 16:00
 Öll velkomin!

Ræðum um heilbrigðismál við Ölmu Möller 

Hveragerði hefur byggt upp sterkt samfélag á grunni útivistar og tengingar við náttúruna. Þar hafa hestamenn og skátar gegnt lykilhlutverki – ekki aðeins fyrir eigin starfsemi heldur fyrir bæinn í heild. Þetta eru hópar sem skapa líf, tengja kynslóðir saman og efla lýðheilsu.

En erum við að standa okkur í að styðja við þetta starf?

Eftir að hafa lesið skrif Kristjönu Sveinsdóttur, félagsforingja í Stróki, hlýtt á erindi Heiðrúnar Halldórsdóttur, formanns reiðhallarnefndar, og rætt við hestamenn í Dalnum er ljóst að bæjaryfirvöld í Hveragerði þurfa að gera betur. Hér er um að ræða félög sem standa fyrir öflugu barna- og æskulýðsstarfi þar sem kynslóðirnar koma saman.

Þegar vilji og samvinna fara saman næst árangur

Reynslan sýnir að þegar vilji og samvinna fara saman næst árangur. Uppbygging reiðvega í Hveragerði og Ölfusi upp úr aldamótum er skýrt dæmi um það. Þá tóku sveitarfélögin, ríkið, Vegagerðin, hestamannafélög og ferðaþjónustuaðilar höndum saman og byggðu upp öflugt net reiðleiða sem nýtist enn í dag. Þetta verkefni var ekki tilviljun – heldur markviss ákvörðun um að fjárfesta í innviðum fyrir útivist og náttúruupplifun.

Í dag stöndum við frammi fyrir svipaðri áskorun. Þrýstingur á landrými eykst, umferð þyngist og þarfir samfélagsins breytast. Þá er hætta á að starfsemi sem krefst rýmis og skipulags – eins og hestamennska og skátastarf – verði undir. Það má ekki gerast.

Skátar þurfa aðgang að landi, aðstöðu til útivistar og stuðning til að halda úti öflugu barna- og ungmennastarfi. Skátastarf snýst ekki aðeins um útivist heldur um uppeldi, leiðtogahæfni, samvinnu og ábyrgð. Þar læra börn og ungmenni að takast á við áskoranir, bera virðingu fyrir náttúrunni og vinna saman – færni sem nýtist þeim alla ævi.

Hestamenn þurfa öruggar reiðleiðir, góða aðstöðu og skýra framtíðarsýn. Hestamennska er ekki síður uppeldis- og heilsueflandi starfsemi sem tengir fólk við náttúruna og styrkir bæði líkama og huga.

Þetta eru ekki sérhagsmunir fárra – þetta eru hornsteinar í uppeldi, lýðheilsu og samfélagslegri velferð. Það er því skýr ábyrgð sveitarfélagsins að tryggja þessum félögum raunverulegt rými, aðstöðu og framtíð í skipulagi bæjarins.

Við á S-listanum ætlum að tryggja að þessi starfsemi fái þann sess í skipulagi bæjarins sem hún á skilið. Það felur m.a. í sér að:

vernda og þróa reiðleiðir og aðstöðu hestamanna

tryggja skátum aðgang að landi og góða aðstöðu

samræma skipulag þannig að útivist, íbúðabyggð og umferð fari saman

líta á útivist og fjölbreytt félagsstarf sem fjárfestingu í lýðheilsu – ekki kostnað.

Við höfum gert þetta áður. Nú þurfum við að sýna sama metnað aftur. Ef við ætlum að halda í sérstöðu Hveragerðis sem bæjar þar sem náttúra, útivist og öflugt félagsstarf fara saman, þá megum við ekki gleyma þeim sem hafa byggt það upp.

Höfundur, Þorsteinn Hjartarson,  skipar 2. sætið á lista Samfylkingarinnar í Hveragerði.

Leit um „��"

3374 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3374 niðurstöður fundust við leit að „���������������������������������������������������"