Ég hef ákveðið að gefa kost á mér til framboðs vegna komandi bæjarstjórnarkosninga í Hafnarfirði fyrir Samfylkinguna - jafnaðarmannaflokk Íslands. Fyrsta skrefið í þeirri vegferð er þátttaka í prófkjöri flokksins sem fer fram 12.febrúar næstkomandi þar sem ég óska eftir stuðningi í 1.sæti listans.

Umliðin rúm 16 ár hef ég starfað í utanríkisþjónustunni sem sendiherra, m.a. í Stokkhólmi, Washington, Nýju Delí og nú síðast á slóðum Vestur- Íslendinga í Winnipeg í Kanada. Þessara starfa hef ég notið til fullnustu og öðlast vini og nýja reynslu. Í desember síðastliðinum óskaði ég eftir heimflutningi vegna fjölskylduaðstæðna og einnig verð ég í leyfi næstu mánuði frá störfum í utanríkisráðuneytinu.

Á síðustu vikum hafa margir jafnaðarmenn í Hafnarfirði sett sig í samband við mig og óskað eftir því að ég legði lið við að styrkja stöðu jafnaðarmanna í bænum, en honum hefur verið stjórnað af Sjálfstæðisflokknum umliðin átta ár, en Samfylkingin verið í minnihluta. Áður og fyrr stjórnuðu jafnaðarmenn í Hafnarfirði, þegar kraftur og framsýni í samstarfi við bæjarbúa var einkennandi.

Ég hef ákveðið að verða við þessu kalli og er þess fullviss, að með góðri liðsheild, skýrri stefnu og markvissum vinnubrögðum geti Samfylkingin orðið stærsti flokkur bæjarins. Fái ég stuðning flokksfélaga minna í prófkjörinu, þá stefni ég óhikað að því að Samfylking vinni góðan sigur í bæjarstjórnarkosningum í maí og tvöfaldi bæjarfulltrúatölu sína, þ.e. úr tveimur í fjóra. Og að afloknum kosningum geti Samfylkingin í góðu samstarfi við aðra flokka tekið við forystu um stjórn bæjarins.

Það er sannarlega verk að vinna í Hafnarfirði og í mörg horn að líta. Átta ára þreytuleg valdatíð Sjálfstæðisflokksins í bænum kallar á ný vinnubrögð þar sem verkin þurfa að tala í samráði við ólíka hópa og einstaklinga. Ég veit að Samfylkingin er tilbúin í þau verk. Málaflokkarnir þar sem þarf að taka á eru um allt; má nefna mál sem varða skipulag, félagsmál, atvinnumál, leikskóla, grunnskóla, íþróttir, umhverfismál, jafnrétti, húsnæði fyrir alla, svo fátt eitt sé talið.

Það er mikilvægt að allir Hafnfirðingar geti verið stoltir af bænum sínum. Það kallar á ný vinnubrögð, opið stjórnkerfi, kraftmikla uppbyggingu og virka aðkomu bæjarbúa að endurbótum. 

Ég hætti í pólitík 2005. Hafði þá setið í bæjarstjórn í Hafnarfirði í 12 ár, þar af bæjarstjóri í 7 ár. Og síðan þingmaður í 13 ár, þar af ráðherra í hálft annað ár.

Ég hef því allnokkra reynslu að baki, en einnig kem ég að þessum verkum fullur af krafti og eftirvæntingu eftir að hafa sinnt öðrum störfum um árabil. Það er verk að vinna. Hafnarfjörður hefur alla burði til að vera fyrirmyndarsveitarfélag, en snúa þarf vörn í sókn. Ég vil gjarnan taka þátt í þeirri uppbyggingu með ungum jafnt sem eldri Hafnfirðingum á næstu árum. 

Ég hlakka til baráttunnar sem er framundan.

Ég er fæddur 31.október 1955 og kvæntur, Jónu Dóru Karlsdóttur og við eigum sex börn. Sem heita: Fannar Karl og Brynjar Freyr sem eru látnir, Margrét Hildur, Heimir Snær, Fannar Freyr og Brynjar Ásgeir.  Við eigum líka níu  dásamleg barnabörn. Þau heita: Aþena Arna, Guðmundur Loki, Nína Snjólaug, Hörður Freyr, Embla Ey, Daníel Darri, Breki Hrafn,  Bríet Kara og Andrea Katla.

Upplýsingar um val á lista í Reykjavík

Borgarstjórnarkosningar fara fram 14. maí

Borgarstjórnarkosningar fara fram þann 14. maí 2022 og sér Fulltrúaráð Samfylkingarfélaganna í Reykjavík (FSR) um val á lista, í samræmi við lög Samfylkingarinnar og Skuldbindandi reglur um val á framboðslista. Á aðalfundi FSR var samþykkt að halda stuðningsmannaflokksval fyrir fyrstu sex sæti listans og að uppstillingarnefnd myndi að því loknu taka við og stilla upp í sæti 7 til 46. 

Flokksval Samfylkingarinnar fyrir borgarstjórnarkosningarnar í Reykjavík fer fram rafrænt helgina 12.-13. febrúar 2022. Hægt er að nálgast allar helstu upplýsingar fyrir kjósendur, m.a. um kosningarétt og framkvæmd, hér og hægt er að nálgast allar upplýsingar um framboðin hér.

Kjörstjórn ber ábyrgð á framkvæmd flokksvals og upplýsingamiðlun til frambjóðenda og kjósenda.

Til þess að seðill teljist gildur þarf að raða að minnsta kosti fjórum frambjóðendum í sæti, en ekki er hægt að velja fleiri en sex frambjóðendur í sæti 1-6. Þar að auki má skila inn auðum seðli.

Samkvæmt lögum og samþykktum Samfylkingarinnar, fást niðurstöðurnar eins og hér er lýst:

3.3 að niðurstöður fyrir 6 efstu sæti skuli fengnar sem hér segir; 

3.3.1 í 1. sæti = frambjóðandi með hæstu atkvæðatölu í 1. sæti 

3.3.2 í 2. sæti = frambjóðandi með hæstu samanlagða atkvæðatölu í sæti 1 til 2 3.3.3 í 3. sæti = frambjóðandi með hæstu samanlagða atkvæðatölu í sæti 1 til 3 3.3.4 í 4. sæti = frambjóðandi með hæstu samanlagða atkvæðatölu í sæti 1 til 4 3.3.5 í 5. sæti = frambjóðandi með hæstu samanlagða atkvæðatölu í sæti 1 til 5 3.3.6 í 6. sæti = frambjóðandi með hæstu samanlagða atkvæðatölu í sæti 1 til 6 

Úrslit prófkjörsins eru bindandi, að teknu tilliti til laga Samfylkingarinnar að ekki megi halla á konur. Samkvæmt samþykkt FSR þá er um svokallaðan paralista að ræða. 

Paralisti er samkvæmt skuldbinandi reglum Samfylkingarinnar um val á lista:

Paralisti: Kvenframbjóðandi skal hið minnsta skipa annaðhvort sæti 1 eða 2, hið minnsta annaðhvort næstu tveggja sæta og svo koll af kolli í hver tvö sæti.

Ólíkt fléttulista, sem er karl-kona-karl-kona, þá mega tvær konur ….

Tilkynnt verður um úrslit flokksvals snemma kvölds þann 13. febrúar 2022 og mun þá uppstillingarnefnd hefja formlega störf.

Uppstillingarnefnd tekur til starfa þegar úrslit flokksvalsins hafa verið kunngjörð. Í uppstillingarnefnd sitja:

Sigríður Ingibjörg Ingadóttir, formaður

Uppstillingarnefnd skal skila af sér fullbúnum lista til samþykktar á Allsherjarfundi FSR eigi síðar en 6. mars 2022.

Uppstillingarnefnd er sjálfstæð í sínum störfum og er einungis bundin niðurstöðu flokksvalsins fyrir sæti 1-6. Niðurstöður flokkvalsins fyrir sæti 7 og neðar eru ekki bindandi að neinu leyti.

Uppstillingarnefnd mun kalla eftir tillögum frá flokksfélögum um fólk sem hefði áhuga á að taka sæti á lista og gerir hún það að flokksvali loknu og auglýsir það sérstaklega.

Kæru flokksfélagar í Samfylkingunni í Mosfellsbæ.

Á félagsfundi sem haldinn var þann 31. janúar síðastliðinn var einróma ákveðið að viðhafa uppstillingu við skipan framboðslista flokksins fyrir sveitarstjórnarkosningarnar í vor.

Kjörnefnd sem þegar hefur tekið til starfa vill hvetja flokksfólk til að hafa samband ef það hefur áhuga á að taka sæti á listanum og/eða senda inn tilnefningar eða tillögur um jafnaðarfólk sem það vill gjarnan sjá á framboðslista flokksins. Skilaboðum má koma til kjörnefndar í netfangið xs@sammos.is

Þá er líka hægt að hafa samband beint við einstaka nefndarmenn, en nefndina skipa:

Óskað eftir framboðum og tilnefningum í Mosfellsbæ

Ég heiti Gunnar Þór Sigurjónsson og sækist eftir 3. sæti í flokksvali Samfylkingarinnar fyrir sveitarstjórnarkosningar í Hafnarfirði. Ég er tæknimenntaður tveggja barna faðir og formaður ungra jafnaðarmanna í Hafnarfirði. 

Ég hef starfað við öryggismál, m.a. hjá Vodafone og Securitas og sem upplýsingaöryggisstjóri Samkeppniseftirlitsins. Undanfarinn áratug hef ég verið virkur í margs konar félagsstörfum og störfum fyrir Samfylkinguna, meðal annars verið varaforseti Junior Chamber Íslands, gjaldkeri og nú formaður ungra jafnaðarmanna í Hafnarfirði, fulltrúi í íþrótta- og tómstundaráði Hafnarfjarðar og varamaður í stjórn Rafíþróttasamtaka Íslands, auk þess að sitja í stjórnum fjögurra nemendafélaga á skólaárum mínum. 

Ég er jafnaðarmaður fyrst og fremst, brenn fyrir velferðar- og húsnæðismálum, mannréttindum og betra samfélagi fyrir okkur öll. Ég trúi því að núna þurfi nýtt fólk og ný sjónarmið að taka við stjórn bæjarins til þess að Hafnarfjörður vaxi og dafni. En vöxtur er ekki nægur einn og sér, heldur þurfum við að vaxa á ábyrgan og grænan máta á grunni aðgerða með jöfnuð og virðingu fyrir bæjarbúum að leiðarljósi. 

Kosningarnar í vor þurfa að marka upphaf nýs tíma Samfylkingarinnar sem leiðandi afls í Hafnarfirði. Tíma jöfnuðar í velferðar- og fjölskyldumálum. Tíma raunverulegrar sóknar í húsnæðismálum. Tíma réttlætis í leikskólamálum. Tími jafnréttis í íþróttastarfi í bænum. Tími virðingar fyrir fólki í málefnum fatlaðra bæjarbúa. 

Tími jöfnuðar í velferðar- og fjölskyldumálum – tími misskiptingar er liðinn
Öll börn í Hafnarfirði eiga skilið jöfn tækifæri og eflandi umhverfi, óháð efnahag eða aðstæðum að öðru leyti. Hafnarfjörður á að vera fyrirmynd annarra sveitarfélaga í félags- og fjölskylduþjónustu, ekki eftirbátur. Til þess þarf félagsþjónustan að vera mönnuð öflugu fólki sem lætur verkin tala og er stutt af heilindum af stjórn bæjarins. 

Tími raunverulegrar sóknar í húsnæðismálum - tími afsakana og aðgerðaleysis er liðinn
Hafnarfjörður þarf aftur að verða raunhæfur valkostur fyrir venjulegar fjölskyldur og ungt fólk, m.a. með því að bjóða upp á hagkvæmt húsnæði í grænum hverfum. Það þarf skýrar aðgerðir í húsnæðismálum til að Hafnarfjörður geti vaxið til framtíðar sem sterkasta sveitarfélagið á höfuðborgarsvæðinu. 

Tími réttlætis og virðingar í leikskólamálum – tími andvaraleysis og flumbrugangs er liðinn
Hafnarfjörður þarf að sýna leikskólastarfi virðingu, bæði gagnvart starfsfólki leikskólanna og gagnvart foreldrum og börnum. Leikskólinn er fyrsta skólastigið fyrir börnin okkar en ekki geymslustaður og Hafnarfjörður á að vinna markvisst að því að laða til sín hæft starfsfólk og umbuna því með góðum aðbúnaði og kjörum. 

Tími jafnréttis og fjölbreytni í íþróttastarfi í bænum – tími meðalmennsku er liðinn 
Hafnarfjörður á að vera íþróttabær fyrir alla og styðja við fjölbreytt íþróttastarf. Frístundastyrkurinn á að gera öllum börnum í Hafnarfirði kleift að stunda íþróttir. Þar á meðal annars að horfa til þess sem vel hefur verið gert í nágrannasveitarfélögum. Sterkt og árangursríkt íþróttastarf þarf markvissan stuðning og aðgerðir sem styðja við þarfir iðkenda og foreldra. 

Tími virðingar fyrir fötluðum bæjarbúum – tími mannréttindabrota og lögbrota er liðinn 
Hafnarfjarðarbær á að standa við gerða samninga og fara að lögum í málefnum fatlaðs fólks. Bæjarfélagið á að gera NPA samninga og sýna fötluðu fólki þá virðingu sem þeim ber í stað þess að brjóta lögvarin réttindi á íbúum bæjarins í nafni sparnaðar. 

Ég heiti Róbert Zakaríasson og er 45 ára sjálfstætt starfandi listamaður, einstæður faðir táningsstúlku. Ég er fæddur í Gdynia (GdanskI í Póllandi en flutti til Íslands 1996, þá 19 ára gamall. Í Póllandi útskrifaðist ég úr hárgreiðslu ásamt því að læra og keppa í samkvæmisdönsum. Eftir að ég flutti til Íslands vann ég við ýmis störf. Fór t.d. á sjóinn og vann í fiski. Seinna fór ég í nám í vöruhönnun og útskrifaðist frá LHÍ árið 2019. Við feðginin höfum búið í Kópavogi síðastliðin 14 ár og okkur líkar vel að búa hér.

Ég ákvað að taka þátt í framboðskönnun hjá Samfylkingunni í Kópavogi vegna þess að bærinn er mér mikilvægur og hér vil ég taka þátt og geta haft raunveruleg áhrif á líf fólks og hlúa að framtíð okkar. Mál sem tengjast vistfræði og umhverfisvernd eru mér mikilvæg. Ísland er einstaklega fallegt og náttúran fjölbreytt, ég tel að það eigi að hugsa vel um þau verðmæti því hnattrænar loftslagsbreytingar gefa okkur enga aðra kosti. Þetta er eitt mikilvægasta atriðið sem huga verður að við að skapa framtíð bæjarins okkar og lands. 

Menntun, sem ég upplifi á hverjum degi gegnum dóttur mína, er eitt mikilvægasta viðfangsefnið því hún mótar að miklu leyti unga fólkið sem er að fara að byggja samfélag okkar. Það er þess virði að hlusta á raddir ungra borgara við uppbyggingu bæjarrýmis okkar því unga fólkið hefur ferskar hugmyndir sem okkur, sem eldri erum, skortir stundum.  

Ég vil styðja við einstæða foreldra því ég veit hvaða áskorunum þau stannda frammi fyrir í daglegu lífi. 

Ég tek reglulega þátt í allskonar samfélagslegum gjörningum, t.d. menningarátaki til að krefjast nýrrar stjórnarskrár. Ég vil að raddir frá fleiri menningarsvæðum heyrist opinberlega og að fulltrúar þeirra hafi áhrif á stjórnun bæjarins.  

Ég vil gera bæinn okkar meira aðlaðandi fyrir íbúa og ferðamenn sem heimsækja okkur og hef fjölmargar hugmyndir sprottnar af reynslu minni og viðræðum við fólk. Hér væri gott að hafa fleiri veitingastaði og menningarlegir samverustaðir fyrir fólk svo að íbúar í Kópavogi og gestir vilji verja frítíma sínum hér og kaupa hér fjölþætta þjónustu og vörur. 

Takist mér að ná kjöri og verða frambjóðandi Samfylkingarinnar verð ég stoltur fulltrúi fólksins og mun vinna af festu og einurð fyrir bæjarfélagið.

Ég sækist eftir stuðningi í 3ja sæti framboðslistans. 

Róbert Zakaríasson - flokksval í Kópavogi

Ólöf Helga Jakobsdóttir - 4. - 6. sæti

Ég heiti Ólöf Helga Jakobsdóttir og er 38 ára, fædd og uppalin í Vesturbæ Reykjavíkur. Ég er matreiðslumeistari og rek ásamt fjölskyldu minni veitingahúsið Hornið í miðbæ Reykjavíkur. 

Ég gef kost á mér í 4-6. sæti á lista Samfylkingarinnar í komandi borgarstjórnarkosningum í Reykjavík.

Ég er gift móðir 3 dásamlegra barna sem eru bæði í leik- og grunnskólum, frístundastarfi og tómstundum. Ég er komin af miklu jafnaðarfólki en amma mín, Ingibjörg Vilhjálmsdóttir (1912–2005) var önnur af tveimur konum sem tóku þátt í að stofna félag ungra jafnaðarmanna og ég verð alltaf stolt af ömmu minni fyrir að hafa tekið þátt í slíkri starfsemi. Það hefur ekki verið sjálfgefið á þessum tíma. En bróðir hennar var einnig öflugur liðsmaður jafnaðarmannahreyfingarinnar, Vilhjálmur S. Vilhjálmsson.

Sjálf var ég virk í starfi ungra jafnaðarmanna sem unglingur og er alin upp í anda jafnaðarstefnunnar. Svo ég hef alla mína tíð verið mikil jafnaðarkona.

Ég hef ákveðið að gefa kost á mér vegna þess að ég hef setið við gluggann á veitingahúsinu mínu á hverjum morgni síðastliðin 20 ár og fylgst með borginni okkar breytast, vaxa og dafna. Breytingar eru alla jafna jákvæðar, en þær þarf að vinna vel og rétt og í góðu samtali við fólkið sem þær hafa áhrif á. Þar sem ég rek fyrirtæki í miðbænum verð ég meira vör við lífið þar og hefur áhugi minn fyrir miðbæjarpólitík aukist síðastliðin ár og ég er stútfull af hugmyndum, réttlætiskennd og forvitni um borgina okkar. 

Við fjölskyldan eigum og höfum rekið veitingastaðinn Hornið í tæp 43 ár. Með framkvæmdum í miðbænum höfum við þurft að eiga samskipti við Reykjavíkurborg og það var upp úr því sem ég áttaði mig á að starfsemi borgarinnar er eitthvað sem ég hef mikinn áhuga á, ekki bara miðborginni heldur allri borginni.

Ég er meðlimur og hef setið í stjórn klúbbs matreiðslumeistara og náði síðasta vor þeim stóra áfanga að stofna innan klúbbsins jafnréttisnefnd sem stendur vörð um jafnrétti allra innan klúbbsins.
Ólöf Jakobsdóttir: „Kannski vegna þess hvað ég er lærð hef ég þurft að vera smá karlremba“ - DV

Ég hef verið virk í skólastarfi barnanna minna síðastliðin 5 ár og hef setið í stjórn foreldrafélags, ráðum og nefndum. Þessi þátttaka hefur veitt mér mikla innsýn inn í skólastarfið sjálft og kennt mér að samskipti aðstandenda barna og skólans eru einn mikilvægasti þáttur í því að barninu líði vel og gangi vel í skólanum og að aðstandendum finni sig örugga með barnið innan skólakerfisins. 

Öryggi barna er mér hjartans mál. Eftir að keyrt var á barn á Hringbrautinni fyrir þremur árum barðist ég ásamt manninum mínum og fleiri foreldrum fyrir því að fá gangbrautarvörð og vorum við hjónin gangbrautarverðir í sjálfboðastarfi í nokkrar vikur þar til skólinn lagði til gangbrautarvörð og hámarkshraði var lækkaður niður í 40 km/klst. Boða til mótmæla í kjölfar slyss (mbl.is)

Þegar það átti að senda Mohammed litla í Vesturbæjarskóla aftur til Pakistan ásamt fjölskyldu sinni stóð ég ásamt öðrum foreldrum í Vesturbæjarskóla fyrir samstöðufundi í skólanum „Við fyrir hann“ og það er eitt af því sem ég er stoltust af að hafa afrekað, því sá samstöðufundur endaði með því að mótmælaundirskriftum var afhent dómsmálaráðherra og úr varð að drengurinn og fjölskylda hans fékk að vera hér og þessi litli drengur og sonur minn eru saman í bekk og góðir vinir enn í dag.
 Að vera hluti af því að bjarga lífi fólks á þennan hátt er algjörlega ólýsanlegt. Hundruð sýndu Muhammed og fjölskyldu samstöðu | RÚV (ruv.is)

Eftir að hafa verið hafnað af yfir 40 dagforeldrum fórum við, ég og maðurinn minn, í viðtal þar sem við reyndum að vekja athygli á því að daggæslu barna í Reykjavík er verulega ábótavant. Gjá sem grefur undan fjölskyldum | RÚV (ruv.is)

Ég er stútfull af spurningum og forvitni um ýmis mál og er mjög spennt að fá að tækifæri til að læra og skilja meira því ég held að ástæða þess að vera ósáttur eða reiður er einfaldlega skilningsleysi og samskiptaleysi. Það er eitt af því sem ég lærði vel í innra starfi í skólum barnanna minna.
Það er gott að gefa kost á sér, vera með og þannig að læra og skilja.

Ég vona að ég fái að vera með í starfinu um ókomin ár, hvort sem ég næ sæti í þetta skipti eða bara að fá að starfa meira innan flokksins því þetta er spennandi vettvangur og fullur af tækifærum til að fá að hafa áhrif,  til að læra og til að skilja.

Njótið lífsins og gangi okkur öllum vel.

Ólöf Helga Jakobsdóttir - flokksval í Reykjavík

Ég er fædd og uppalin í suður Póllandi og hef búið á Íslandi síðan árið 2001. Ég flutti í Kópavoginn fyrir 20 árum og þá stal Kópavogur hjartað mitt.  

Ég er tveggja barna móðir og grunnskólakennari að mennt. Ég hef starfað við kennslu í leik- og grunnskóla, kennt fullorðnum íslensku og unnið sem túlkur og ráðgjafi í málefnum nemenda með íslensku sem annað mál. Nú starfa ég í skólaþróunarteymi menntamálaráðuneytis en á laugardögum kenni ég pólsku í 4. bekk í Pólska Skólanum í Reykjavík. 

Ég byrjaði að taka þátt í starfi Samfylkingarinnar í Kópavogi árið 2018 og síðan þá hef ég setið í Velferðarráði bæjarins og  tekið þátt í starfi bæjarstjórnar sem varabæjarfulltrúi. 

Jöfn tækifæri fyrir jaðarsetta einstaklinga á öllum sviðum samfélagsins, kennsla og menntun fjölbreytta nemendahópa á öllum skólastigum, fjölbreytileiki og inngilding ungra og fullorðna innflytjenda í íslensku samfélagi eru mín hjartans mál. Velferðar- og menntamál í Kópavoginum okkar allra eru mér mikilvæg og ég er meira en tilbúin til að leggja mitt af mörkum í þeim málum. Ég býð krafta mína til að byggja upp sterkt nútímasamfélag sem fagnar fjölbreytileika, stuðlar að virkri þátttöku allra sína meðlima, aðstoðar þá sem þurfa á hjálparhönd að halda og tryggir framúrskarandi menntun fyrir okkar ungu kynslóð.  

Urodziłam się i wychowałam w południowej Polsce, a na Islandii mieszkam od 2001. Do Kópavogur, które skradło moje serce, przeprowadziłam się przed dwudziestu laty. 

Mam dwoje dzieci i jestem z wykształcenia nauczycielką. Pracowałam m.in. jako tłumaczka, nauczycielka w przedszkolu i szkole podstawowej, doradczyni edukacyjna d.s. uczniów z językiem islandzkim jako drugim oraz uczyłam dorosłych imigrantów języka islandzkiego. Obecnie pracuję w zespole d.s. rozwoju szkolnictwa w Ministerstwie Edukacji, a w soboty uczę czwartoklasistów języka polskiego w Szkole Polskiej w Reykjaviku im. Janusza Korczaka. 

Swoją działalność w Samfylking rozpoczęłam w 2018 i od tego czasu biorę udział posiedzeniach miejskiej rady d.s. pomocy społecznej oraz posiedzeniach Rady Miasta Kópavogur jako tzw. radna rezerwowa. 

Równe szanse dla osób marginalizowanych na wszystkich płaszczyznach życia społecznego, nauczanie i edukacja zróżnicowanych grup uczniowskich, różnorodność społeczna oraz wspieranie procesu inkluzji młodych i dorosłych migrantów w islandzkim społeczeństwie są bliskie mojemu sercu. Sprawy dotyczące polityki społecznej oraz edukacji w naszym mieście są dla mnie bardzo ważne, dlatego też jestem gotowa do pracy na ich rzecz. 

Chcę budować nowoczesne społeczeństwo, które cieszy się ze swojej różnorodności, wspiera aktywny udział wszystkich swoich członków w życiu społecznym, pomaga tym, którzy potrzebują wsparcia i zapewnia naszemu młodemu pokoleniu wzorową edukację.  

Gerð var sú eðlilega krafa að Icelandair, sem hafði þegið stuðning ríkisins við   að segja upp fólki, réði starfsfólkið inn aftur í starfsaldursröð þegar starfsemi fyrirtækisins leyfði. Icelandair hafði ekki gert það heldur valið úr hópnum eftir eigin geðþótta. 

Niðurstaða félagsdóms er skýr um að Icelandair, hafi  borið að  fara  eftir  starfsaldri  þegar félagið  afturkallaði  uppsagnir  flugfreyja  og  flugþjóna.

Í rökstuðningi Samtaka atvinnulífsins sem tók til varnar fyrir Icelandair segir: „Stefndi  bendir  á  að  við  meðferð  Alþingis  á frumvarpi  því,  sem  orðið  hafi  að  lögum  nr.  50/2020,  hafi  verið  hafnað  þeirri breytingartillögu að starfsaldur ætti að ráða við endurráðningu í störf.“

Við afgreiðslu uppsagnarleiðarinnar með lögum nr. 50 vorið 2020 lagði ég fram breytingartillögu um að skýrt yrði kveðið á um í lögunum að endurráðning skyldi verða í starfsaldursröð. Sú tillaga var felld. Reyndar voru það aðeins þingmenn Samfylkingarinnar sem greiddu henni atkvæði ásamt einum þingmanni utan flokka. 

Milli umræðna um málið hafði forseti ASÍ sent öllum þingmönnum bréf um mikilvægi þess að slík tillaga yrði samþykkt. Stjórnarþingmönnum og ráðherrum í ríkisstjórninni var því alveg ljóst hver gallinn var á frumvarpinu en höfnuðu tillögunni og gáfu með því skýr skilaboð til fyrirtækja og Samtaka atvinnulífsins að starfsaldur skipti ekki máli við endurráðningu. 

Markmiðið með uppsagnarleiðinni var að koma í veg fyrir gjaldþrot fyrirtækja en ekki að skerða réttindi launafólks. Tillaga okkar í Samfylkingunni um að koma í veg fyrir að brotið yrði á starfsmönnum fyrirtækja sem fengju aðstoð ríkisins við að segja upp fólki, var felld af ráðherrum og stjórnarþingmönnum. Og nú þegar félagsdómur hefur dæmt Flugfreyjufélaginu í vil verða stjórnvöld að axla ábyrgð.

Ríkið greiddi út rúmar 12 milljarða króna til fyrirtækja til að aðstoða þau við að segja upp fólki. Við í Samfylkingunni studdum ekki uppsagnarleið ríkisstjórnarinnar. Nær hefði verið að aðstoða fyrirtækin við að halda ráðningarsambandi við starfsfólk sitt í heimsfaraldri. 

Bláa lónið, hótel, rútufyrirtæki og ýmis fyrirtæki flest tengd ferðaþjónustu fengu líka styrki. Ráðast verður í greiningu á því hvernig endurráðningum þessara fyrirtækja hefur verið háttað. Stjórnvöld eiga að gera þá skýlausu kröfu til fyrirtækja sem njóta ríkisaðstoðar að þau sýni samfélagslega ábyrgð og virði rétt launamanna.

Til hamingju með sigurinn Flugfreyjufélag Íslands!

Niðurstöður Félagsdóms voru birtar 25. janúar sl. í máli Alþýðusambands Íslands fyrir hönd Flugfreyjufélags Íslands, gegn Samtökum atvinnulífsins fyrir hönd Samtaka ferðaþjónustunnar vegna Icelandair ehf.

Fjölskylduvæn borg fyrir fjölbreytt fólk

Ég heiti Ellen Calmon og býð fram krafta mína í 4. sætið í flokksvali Samfylkingarinnar í Reykjavík.

Ég hef verið ötul talskona mannréttinda, jafnréttis og velferðar í borgarstjórn, þar hef ég meðal annars talað fyrir réttindum og þátttöku barna og fatlaðs fólks. Reykjavík á að vera fjölskyldu- og aldursvæn borg en ég vil einnig að hún verði barnvænt sveitarfélag í samræmi við hugmyndafræði UNICEF.

Borgin á að vera umfaðmandi og manneskjuleg, þar sem allir borgarbúar fá tækifæri til að vaxa og dafna á eigin forsendum óháð öllum breytum. Í starfi mínu sem borgarfulltrúi hef ég lagt áherslu á að jafnrétti, lýðræði, inngilding og hugmyndafræði algildrar hönnunar séu höfð að leiðarljósi í allri uppbyggingu á þjónustu og skipulagi borgarinnar. Þetta eru allt málefni sem snúa að því mæta manneskjunni á hennar eigin forsendum, málefni sem ég brenn fyrir.

Ég tók sæti sem varaborgarfulltrúi árið 2018 og borgarfulltrúi þann 1. júní 2020 í miðjum heimsfaraldri. Þetta kjörtímabil hefur verið fordæmalaust, krefjandi og lærdómsríkt en spennandi og gefandi í senn. Ég brenn fyrir verkefnunum sem fyrir okkur liggja og sækist hér með eftir umboði til að fá að halda áfram að vinna að jöfnuði og enn betri borg.

Auk annarra verkefna hef ég verið fulltrúi Samfylkingarinnar í mannréttinda-, nýsköpunar- og lýðræðisráði, menningar-, íþrótta- og tómstundaráði og velferðarráði. Ég gegni einnig formennsku stjórnar Fjölsmiðjunnar á höfuðborgarsvæðinu og hef tekið þátt í stýrihópi um endurskoðun á jafnlaunastefnu og menningarstefnu Reykjavíkur sem samþykkt var nýlega. Í menningarstefnunni má sjá glöggt sjá áherslur sem ég er stolt af eins og inngildingu, aðgengi og barnamenningu.

Ég er uppalin í Breiðholtinu. Foreldrar mínir voru frumbyggjar þar. Nýflutt til Íslands tóku þau þátt í að byggja blokkina okkar í Fífuselinu. Pabbi minn er franskur innflytjandi og mamma mín er hálf norsk og hálf íslensk. Ég er því af erlendum uppruna en fædd og uppalin í Reykjavík með íslensku að móðurmáli. Eftir um 20 ár í Breiðholtinu og stúdentspróf frá Kvennaskólanum lá leið mín til Akureyrar í háskólanám en lauk svo í Kennaraháskóla Íslands með B.Ed. gráðu. Síðar lá leið mín í Háskóla Íslands þaðan sem ég lauk diplómagráðu í opinberri stjórnsýslu en hef einnig stundað meistaranám í því fagi. Nú bý ég í Vesturbæ Reykjavíkur með eiginmanni mínum Johan Tegelblom sem er sænskur og saman eigum við soninn Felix Hugo sem er 10 ára og gára tvo.  

Mér finnst dásamlegt að ferðast með vinum og fjölskyldu. Einnig er ég dugleg að heimsækja söfn og sýningar í Reykjavík árið um kring. Allra best finnst mér þó að eiga gæðastundir með syni mínum og eiginmanni.

Kennari, flugfreyja, menningarfulltrúi og formaður

Ég hef starfað í fisk- og kjötvinnslu, á leikskólum, í frístundaheimili og félagsmiðstöð, sem flugfreyja, grunnskólakennari, fræðslu- og menningarfulltrúi, framkvæmdastjóri ADHD samtakanna, ritari þriggja borgarstjóra, að innleiðingu Barnasáttmálans í skóla- og frístundastarf og sem formaður Öryrkjabandalagsins svo eitthvað sé nefnt.   

Þá hef ég sinnt fjölmörgum sjálfboðaliðastörfum í þágu mannréttinda- og samfélagsmála, meðal annars sem formaður stjórnar Mannréttindaskrifstofu Íslands, fulltrúi í framkvæmdastjórn Samfylkingarinnar, forman Samfylkingarfélagsins í Reykjavík, ritari Kvenréttindafélags Íslands og stjórnarkona í European Womens Lobby sem eru stærstu kvenréttindasamtök Evrópu.

Reykjavíkurborg á að vera fjölskylduvæn borg fyrir fjölbreytt fólk, græn og  mannvæn borg jöfnuðar.

Ég lofa að leggja mig alla fram um að svo verði og óska eftir stuðningi þínum í  4. sætið.

Ég er alltaf til í spjall, endilega sláðu á þráðinn 694 7864 eða sendu mér póst ellen.calmon@reykjavik.is

Ellen Calmon - flokksval í Reykjavík 2022

Húsnæðismálin eru velferðarmál. Það verður að veita aukinn félagslegan stuðning því ójöfnuðurinn sem ástandinu fylgir mun bitna til lengri tíma á samfélaginu öllu.

Á dögunum kynnti Varða, rannsóknarstofnun vinnumarkaðarins, niðurstöður könnunar á stöðu launafólks innan aðildafélaga ASÍ og BSRB.

Í könnuninni kom fram að einstæðir foreldrar standa langverst, eru líklegri til að búa í leiguhúsnæði, andleg heilsa þeirra verri en hinna og þau neita sér frekar um heilbrigðisþjónustu.

Innflytjendur tóku á sig mikið högg í covíd faraldrinum. Misstu mörg vinnuna og þau sem hafa fengið endurráðningu eru jafnvel á lægri launum en áður. Innflytjendahópurinn er vel menntaður, um helmingur þeirra er með háskólapróf. Líkt og með einstæða foreldra eru þau líklegri til að vera leigjendur og andleg líðan þeirra bágborin.

Auk þess er atvinnuleysi enn mikið. Atvinnuleysi í desember var 4,9% - 10.161 einstaklingar voru þá atvinnulausir. Atvinnuleysi á Suðurnesjum er hins vegar mun meira en landsmeðaltalið. Þar er atvinnuleysið 9,3%, 10% meðal kvenna og 8,9% meðal karla.

Húsnæðiskostnaður gerður viðráðanlegur

Staða fólks á leigumarkaði er erfið og ótrygg, ekki síst nú um stundir þegar verðbólgan vex og leiga sem bundin er vísitölu, hækkar sjálfkrafa.

Verðbólgan og vaxtahækkanir verða til þess að húsnæðiskostnaður fólks með lágar og meðaltekjur fer enn lengra yfir viðmiðunarmörk af ráðstöfunartekjum. Markmiðið í löndum sem við viljum bera okkur saman við, er að húsnæðiskostnaður fari ekki yfir 25% af ráðstöfunartekjum heimila. Á Íslandi erum við mjög langt frá því marki og ástandið er að versna hratt þessa dagana. Húsnæðiskostnaður þeirra sem búa í eigin húsnæði er hærri á Íslandi en í nokkru öðru Evrópulandi og húsnæðisbætur hér í skötulíki og ná engan veginn að bregðast við því alvarlega ástandi sem nú er uppi.

Ég tek undir ályktun miðstjórnar ASÍ þar sem kallar stjórnvöld til ábyrgðar vegna hrattvaxandi verðbólgu og neyðarástandi á húsnæðismarkaði. Ríkisstjórnin verður að bregðast strax við og grípa til aðgerða þegar í stað til að bæta stöðu fólksins sem verður verst úti.

Einfalt er að bæta húsnæðisbótakerfið, bæði með vaxtabótum og leigubótum. Þannig má bregðast fljótt við. Barnabótakerfi með hærri greiðslum sem ná óskertar til meðaltekna er einnig skilvirkt kerfi til jöfnunar. Framtíðarlausnin er að efla til muna félagslegt íbúðarkerfi.

Stjórnvöld hafa sýnt tímabundnum vanda fyrirtækja skilning.

Greinin birtist á vísi.is 5. febrúar 2022. 

Það blasir við að grípa verður til aðgerða til að mæta alvarlegri stöðu á húsnæðismarkaði. Ríkisstjórnin verður að skilja að húsnæðismál eru fyrir fólk og fjölskyldur í landinu en ekki eingöngu fjárfesta. 

Leit um „��“

2753 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2753 niðurstöður fundust við leit að „���������������������������“