Uppstillinganefndin Samfylkingarinnar á Akureyri kallar eftir tilnefningum á lista fyrir bæjarstjórnarkosningarnar í vor. 

Vinsamlega hafið samband við uppstillianefnd eigi síðar en 12. febrúar.

Albertína Friðbjörg Elíasdóttir 456 4265, 

Hefur þú áhuga á framboði, eða er einhver sem þú telur eiga erindi í bæjarstjórn Akureyrar? 

Framboðs- og tilnefningarfrestur á Akureyri

Fulltrúaráð Samfylkingarfélaganna boðar til kynningarfundar fyrir alla frambjóðendur í flokksvalinu sem fram fer helgina 12. - 13. febrúar.

Fundurinn verður haldinn mánudagskvöldið 31. janúar kl 20:00. Fundurinn verður rafrænn að þessu sinni.

https://us06web.zoom.us/j/81213547931?pwd=aHkwS2xXQzBLRkJKZThNKzUySUxnZz09

Umgjörðin verður þannig að formaður FSR, Ásta Guðrún Helgadóttir opnar fundinn. Því næst mun hver og einn frambjóðandinn fá þrjár mínútur til kynningar á sér sínum málefnum og áherslum, komist þeir sem frambjóðendur á lista hjá Samfylkingunni fyrir komandi Borgarstjórnarkosningar sem fara fram þann 14. maí næstkomandi.

Farið verður eftir þeirri sömu röð og frambjóðendur voru kynntir af kjörstjórn.

Fundarstjóri verður Inga Auðbjörg Straumland.

Hér er að finna kynningar á frambjóðendum á heimasíðu Samfylkingarinnar. 

Ég býð mig fram til þess að starfa fyrir Hafnfirðinga og því gef ég kost á mér í 3.-5. sæti í flokksvali Samfylkingarinnar í Hafnarfirði laugardaginn 12. febrúar næstkomandi.

Ástæða þess að ég býð mig fram er fremur einföld, ég er uppalinn á Urðarsígnum í miðju hrauninu og hef frá því ég man eftir mér verið baráttumaður fyrir því að Hafnarfjörður uppfylli möguleika sína til að vera fyrsta flokks sveitarfélag fyrir sína íbúa. Það má segja að baráttuviljinn hafi komið með móðurmjólkinni en móðir mín var virk í störfum Kvennalistans og þar fékk ég sem barna að læra að til þess að samfélagið verði betra þá þarf að vinna fyrir því. Það er eitthvað sem við krakkarnir í hverfinu tókum með okkur þegar við fórum í undirskriftasöfnun fyrir því að leiksvæði væri byggt í hrauninu 1987. Það er af þessari einlægu hugsjón sem ég býð mig fram til þess að starfa fyrir starfa fyrir sveitarfélagið okkar, ég veit nefnilega að við getum gert betur, við getum bætt kjör og aðstæður. 

Ég er frekar hefðbundinn 39 ára Hafnfirðingur. Fékk hálfan dag á leikskólanum Álfabergi sem var þá á Álfaskeiðinu en fyrir það skiptast foreldrar mínir á að vera heima hálfan daginn hvort. Þá þótti fínt að komast á leikskóla frá fjögurra ára að aldri. Eftir stutta dvöl í leikskóla gekk ég í Lækjarskóla og síðan Flensborg eða þangað til að ég fékk bílpróf, þá keyrði ég í skólann.

Ég æfði körfubolta með Haukum og frjálsar hjá Fimleikafélaginu (sem var frítt), ég var líka látinn læra á blokkflautu í tónlistarskólanum en það skilaði ekki miklu. Á unglingsárum starfaði ég á Hróa Hetti eins og þriðji hver Flensborgari gerði einhvern tímann á þessum árum.

Ég hef búið næstum alla mína ævi í Hafnarfirði fyrir utan stutta dvöl í Bandaríkjunum þar sem móðir mín var í námi. Þar vaknaði áhugi minn á pólitík, kosningum og félagsstarfi. Ég hef setið í stjórnum ýmissa félaga. Þar á meðal verið ritari nemendafélagsins í Flensborg, gjaldkeri Kaldársels, og verið í framkvæmdastjórn og miðstjórn Ungs jafnaðarfólks. Einnig hef ég verið bæði formaður UjH og Samfylkingarfélagsins í Hafnarfirði. En í síðast nefnda hlutverkinu hef ég verið síðan 2016. Frá 2018 hef ég setið í hafnarstjórn og þar á undan menningar- og ferðamálanefnd.

Síðistu 9 ár hef ég starfað fyrir Hafnarfjarðarbæ í ýmsum hlutverkum t.d. sem Umsjónarmaður Vinnuskólans, miðbæjarstjóri, aðstoðarmaður hjá fötluðu fólki og haldið úti ýmsu sérstöku hópastarfi. Það hefur verið mér sönn ánægða að fá að vinna fyrir Hafnarfjarðarkaupstað því ég er mjög stoltur Hafnfirðingur.

Í dag bý ég á Álfskeiðinu með 18 ára dóttur minni og er ánægður að geta gefið henni þá æsku að alast upp í Hafnarfirði.

Eftirfarandi eru nokkur mál sem ég vil leggja áherslu á:

Það sem brennur helst á mér er að fólk geti sótt þá þjónustu sem það þarf í sínu nærumhverfi.

Ég vil efla ungmennahúsin og Vinnuskólann með því að auka samstarf og deila þekkingu milli starfsfólks.

Fjölga fjölbreyttum húsnæðismöguleikum. Það er mikilvægt að stöðva flótta ungs fólk úr bænum sem leitar annað eftir húsnæði þar sem framboð í Hafnarfirði hefur ekki verið mikið á síðustu árum.

Fjölbreyttari grænir samgöngumöguleikar. Mikilvægit er að gera átak í hjólastígagerð. Gerum hjólreiðar að raunverulegum samgöngumáta í Hafnarfirði, ekkert sveitarfélag á eins góðan grunn að byggja á. Mikilvægt er að bæta líka aðgengi að göngustígum, færa ljósastóra og tryggja aðgengi sé í lagi með því að rampar séu alls staðar og gangstéttar ekki ójafnar.

Fjölga búsetukjörnum fyrir fatlað fólk og uppfæra núverandi sambýli að þeim kröfum sem við gerum í dag.

Útrýma biðlistum fyrir félagslegt húsnæði

Bæta þjónustu og upplýsingagjöf fyrir Hafnfirðinga sem hafa annað móðurmál en íslensku með fræðslu og mæta þeim með opnum örmum.

Tryggja rafíþróttadeild í Hafnarfirði. Það er nauðsynlegt að hafa fjölbreytt æskulýðsstarf í bænum þar sem allir geta fundið eitthvað við sitt hæfi.

Tryggja borgarlínu til bæjarins með sanngjörnum og réttláttum hætti og gera Hafnarfjörð að tengimiðju við Reykjanesið og nærliggjandi byggðir.

Ég heiti Stefán Már Gunnlaugsson og gef kost á mér í 3. sæti í flokksvali Samfylkingarinnar í Hafnarfirði. Á þessu kjörtímabili hef ég verið varabæjarfulltrúi Samfylkingarinnar og setið í skipulags- og byggingaráði. Eftir meirihlutasigur Samfylkingarinnar í Hafnarfirði árið 2002 sat ég í leikskólanefnd Hafnarfjarðar.

Gerum Hafnarfjörð aftur að fyrirmyndarbæ fyrir fjölskylduna
 

Efla mannlíf og lífskjör í Hafnarfirði 

Mér er umhugað um Hafnarfjörð og að hér byggist upp öflugt samfélag og atvinnulíf. Stöðnun og doði hefur ríkt við stjórn bæjarins sem birtist m.a. í fækkun íbúa á meðan mikil fjölgun er í nágrannasveitarfélögunum. Það þarf að hefja sókn með fólkinu í bænum og setja í forgang uppbyggingu íbúðarhúsnæðis með áherslu á fjölbreytt og hentugt húsnæði fyrir alla, einkum ungt fólk, fyrstu kaupendur og fjölskyldufólk.

Barnafjölskyldur borga hlut­fallslega hæstu skatta í þjóðfélaginu, en þurfa á sama tíma að standa undir fjárfrekum útgjöldum. Það þarf að hlúa að
 barnafjöl­skyldum með því að taka næstu skref í átt að gjaldfrjálsum leik- og grunnskóla og ókeypis í strætó fyrir börn yngri en 18 ár. Einnig að
 styðja við íþrótta- og tómstundastarf sem stuðlar að jákvæðri sjálfsmynd og bættri líðan.

Umhverfis- og loftslagsmálin eru stærsta áskorun samtímans sem þarf að taka föstum tökum með grænum samgöngum, vistvænum mannvirkjum og saman þurfum við að taka stór skref að kolefnislausu samfélagi.

Hafnarfjörður hefur löngum verið til fyrirmyndar öðrum sveitarfélögum um að jafna kjör fólks, hlúa að öryrkjum, láglaunafólki og barnafjölskyldum. Sagan
 staðfestir að undir forystu jafnaðarmanna voru stærstu velferðarskrefin stigin. Við þurfum að standa vörð um velferðina og því er nauðsynlegt að jafnaðarmenn í Samfylkingunni fái góða kosningu í vor til að efla mannlífið og lífskjör í Hafnarfirði.

Ég er kvæntur Lilju Kristjánsdóttur, hjúkrunardeildarstjóra, og við eigum fjóra drengi á aldrinum 13-20 ára.
 
 

Næstkomandi miðvikudag, 9. feb. klukkan 20:00 verður haldinn kynningarfundur með frambjóðendum. Fundurinn fer fram í sal Samfylkingarinnar í Hafnarfirði, Strandgötu 43, og verður aðgengilegur rafrænt í gegnum Zoom. Einnig er hægt að kynna sér frambjóðendur á https://xs.is/frambjodendur-i-hafnarfirdi-2022.

Flokksvalið fer fram rafrænt laugardaginn 12. febrúar og nánari upplýsingar má finn á https://xs.is/upplysingar-fyrir-kjosendur-i-hafnarfirdi.

Zoom hlekkur fyrir fundinn: https://us02web.zoom.us/j/84040355261?pwd=aEdHa3BkbWNOWWVFajdDOXRQclZBUT09

Kveðja,
kjörstjórn Samfylkingarinnar í Hafnarfirði

Vilt þú kynnast frambjóðendum í flokksvali Samfylkingarinnar í Hafnarfirði betur? 

Samfylkingarfélagið í Reykjavík stendur fyrir fjórum framboðsfundum sem verður streymt á Facebooksíðu Samfylkingarinnar í Reykjavík - XS Reykjavík, á mánudag og fimmtudag, þar sem frambjóðendur í flokksvalinu ræða saman um borgarmálin. Fundir og fundartímar eru þessir:
         Mánudag 7.2., 17.30‒19: Reykjavík framtíðarinnar …
         Mánudag 7.2., 19.30‒21: Skóli og menning …
         Fimmtudag 10.2., 17.30‒19: Lýðræði og mannréttindi …
         Fimmtudag 10.2., 19.30‒21: Vinna og velferð …
Hver frambjóðandi velur sér tvö af þessum fundarefnum og ræða saman fjórir í einu (dregið í hópana). Fundarstjóri verður Inga Auðbjörg Straumland.
Væntanlegir fundarmenn (áhorf/heyrendur) geta sent inn fyrirspurnir um einstök mál á netfangið reykjavik@samfylking.is báða fundardagana fram til kl. 17. Ekki er hægt að ábyrgjast að allar fyrirspurnir komist til umræðu á fundunum.
Við vonumst eftir fróðlegum og skemmtilegum umræðum milli frambjóðendanna sextán. Takið kvöldin frá og segið vinum og félögum af viðburðunum !
        
Stjórn SffR

Ég hef ákveðið að gefa kost á mér til framboðs vegna komandi bæjarstjórnarkosninga í Hafnarfirði fyrir Samfylkinguna - jafnaðarmannaflokk Íslands. Fyrsta skrefið í þeirri vegferð er þátttaka í prófkjöri flokksins sem fer fram 12.febrúar næstkomandi þar sem ég óska eftir stuðningi í 1.sæti listans.

Umliðin rúm 16 ár hef ég starfað í utanríkisþjónustunni sem sendiherra, m.a. í Stokkhólmi, Washington, Nýju Delí og nú síðast á slóðum Vestur- Íslendinga í Winnipeg í Kanada. Þessara starfa hef ég notið til fullnustu og öðlast vini og nýja reynslu. Í desember síðastliðinum óskaði ég eftir heimflutningi vegna fjölskylduaðstæðna og einnig verð ég í leyfi næstu mánuði frá störfum í utanríkisráðuneytinu.

Á síðustu vikum hafa margir jafnaðarmenn í Hafnarfirði sett sig í samband við mig og óskað eftir því að ég legði lið við að styrkja stöðu jafnaðarmanna í bænum, en honum hefur verið stjórnað af Sjálfstæðisflokknum umliðin átta ár, en Samfylkingin verið í minnihluta. Áður og fyrr stjórnuðu jafnaðarmenn í Hafnarfirði, þegar kraftur og framsýni í samstarfi við bæjarbúa var einkennandi.

Ég hef ákveðið að verða við þessu kalli og er þess fullviss, að með góðri liðsheild, skýrri stefnu og markvissum vinnubrögðum geti Samfylkingin orðið stærsti flokkur bæjarins. Fái ég stuðning flokksfélaga minna í prófkjörinu, þá stefni ég óhikað að því að Samfylking vinni góðan sigur í bæjarstjórnarkosningum í maí og tvöfaldi bæjarfulltrúatölu sína, þ.e. úr tveimur í fjóra. Og að afloknum kosningum geti Samfylkingin í góðu samstarfi við aðra flokka tekið við forystu um stjórn bæjarins.

Það er sannarlega verk að vinna í Hafnarfirði og í mörg horn að líta. Átta ára þreytuleg valdatíð Sjálfstæðisflokksins í bænum kallar á ný vinnubrögð þar sem verkin þurfa að tala í samráði við ólíka hópa og einstaklinga. Ég veit að Samfylkingin er tilbúin í þau verk. Málaflokkarnir þar sem þarf að taka á eru um allt; má nefna mál sem varða skipulag, félagsmál, atvinnumál, leikskóla, grunnskóla, íþróttir, umhverfismál, jafnrétti, húsnæði fyrir alla, svo fátt eitt sé talið.

Það er mikilvægt að allir Hafnfirðingar geti verið stoltir af bænum sínum. Það kallar á ný vinnubrögð, opið stjórnkerfi, kraftmikla uppbyggingu og virka aðkomu bæjarbúa að endurbótum. 

Ég hætti í pólitík 2005. Hafði þá setið í bæjarstjórn í Hafnarfirði í 12 ár, þar af bæjarstjóri í 7 ár. Og síðan þingmaður í 13 ár, þar af ráðherra í hálft annað ár.

Ég hef því allnokkra reynslu að baki, en einnig kem ég að þessum verkum fullur af krafti og eftirvæntingu eftir að hafa sinnt öðrum störfum um árabil. Það er verk að vinna. Hafnarfjörður hefur alla burði til að vera fyrirmyndarsveitarfélag, en snúa þarf vörn í sókn. Ég vil gjarnan taka þátt í þeirri uppbyggingu með ungum jafnt sem eldri Hafnfirðingum á næstu árum. 

Ég hlakka til baráttunnar sem er framundan.

Ég er fæddur 31.október 1955 og kvæntur, Jónu Dóru Karlsdóttur og við eigum sex börn. Sem heita: Fannar Karl og Brynjar Freyr sem eru látnir, Margrét Hildur, Heimir Snær, Fannar Freyr og Brynjar Ásgeir.  Við eigum líka níu  dásamleg barnabörn. Þau heita: Aþena Arna, Guðmundur Loki, Nína Snjólaug, Hörður Freyr, Embla Ey, Daníel Darri, Breki Hrafn,  Bríet Kara og Andrea Katla.

Upplýsingar um val á lista í Reykjavík

Borgarstjórnarkosningar fara fram 14. maí

Borgarstjórnarkosningar fara fram þann 14. maí 2022 og sér Fulltrúaráð Samfylkingarfélaganna í Reykjavík (FSR) um val á lista, í samræmi við lög Samfylkingarinnar og Skuldbindandi reglur um val á framboðslista. Á aðalfundi FSR var samþykkt að halda stuðningsmannaflokksval fyrir fyrstu sex sæti listans og að uppstillingarnefnd myndi að því loknu taka við og stilla upp í sæti 7 til 46. 

Flokksval Samfylkingarinnar fyrir borgarstjórnarkosningarnar í Reykjavík fer fram rafrænt helgina 12.-13. febrúar 2022. Hægt er að nálgast allar helstu upplýsingar fyrir kjósendur, m.a. um kosningarétt og framkvæmd, hér og hægt er að nálgast allar upplýsingar um framboðin hér.

Kjörstjórn ber ábyrgð á framkvæmd flokksvals og upplýsingamiðlun til frambjóðenda og kjósenda.

Til þess að seðill teljist gildur þarf að raða að minnsta kosti fjórum frambjóðendum í sæti, en ekki er hægt að velja fleiri en sex frambjóðendur í sæti 1-6. Þar að auki má skila inn auðum seðli.

Samkvæmt lögum og samþykktum Samfylkingarinnar, fást niðurstöðurnar eins og hér er lýst:

3.3 að niðurstöður fyrir 6 efstu sæti skuli fengnar sem hér segir; 

3.3.1 í 1. sæti = frambjóðandi með hæstu atkvæðatölu í 1. sæti 

3.3.2 í 2. sæti = frambjóðandi með hæstu samanlagða atkvæðatölu í sæti 1 til 2 3.3.3 í 3. sæti = frambjóðandi með hæstu samanlagða atkvæðatölu í sæti 1 til 3 3.3.4 í 4. sæti = frambjóðandi með hæstu samanlagða atkvæðatölu í sæti 1 til 4 3.3.5 í 5. sæti = frambjóðandi með hæstu samanlagða atkvæðatölu í sæti 1 til 5 3.3.6 í 6. sæti = frambjóðandi með hæstu samanlagða atkvæðatölu í sæti 1 til 6 

Úrslit prófkjörsins eru bindandi, að teknu tilliti til laga Samfylkingarinnar að ekki megi halla á konur. Samkvæmt samþykkt FSR þá er um svokallaðan paralista að ræða. 

Paralisti er samkvæmt skuldbinandi reglum Samfylkingarinnar um val á lista:

Paralisti: Kvenframbjóðandi skal hið minnsta skipa annaðhvort sæti 1 eða 2, hið minnsta annaðhvort næstu tveggja sæta og svo koll af kolli í hver tvö sæti.

Ólíkt fléttulista, sem er karl-kona-karl-kona, þá mega tvær konur ….

Tilkynnt verður um úrslit flokksvals snemma kvölds þann 13. febrúar 2022 og mun þá uppstillingarnefnd hefja formlega störf.

Uppstillingarnefnd tekur til starfa þegar úrslit flokksvalsins hafa verið kunngjörð. Í uppstillingarnefnd sitja:

Sigríður Ingibjörg Ingadóttir, formaður

Uppstillingarnefnd skal skila af sér fullbúnum lista til samþykktar á Allsherjarfundi FSR eigi síðar en 6. mars 2022.

Uppstillingarnefnd er sjálfstæð í sínum störfum og er einungis bundin niðurstöðu flokksvalsins fyrir sæti 1-6. Niðurstöður flokkvalsins fyrir sæti 7 og neðar eru ekki bindandi að neinu leyti.

Uppstillingarnefnd mun kalla eftir tillögum frá flokksfélögum um fólk sem hefði áhuga á að taka sæti á lista og gerir hún það að flokksvali loknu og auglýsir það sérstaklega.

Kæru flokksfélagar í Samfylkingunni í Mosfellsbæ.

Á félagsfundi sem haldinn var þann 31. janúar síðastliðinn var einróma ákveðið að viðhafa uppstillingu við skipan framboðslista flokksins fyrir sveitarstjórnarkosningarnar í vor.

Kjörnefnd sem þegar hefur tekið til starfa vill hvetja flokksfólk til að hafa samband ef það hefur áhuga á að taka sæti á listanum og/eða senda inn tilnefningar eða tillögur um jafnaðarfólk sem það vill gjarnan sjá á framboðslista flokksins. Skilaboðum má koma til kjörnefndar í netfangið xs@sammos.is

Þá er líka hægt að hafa samband beint við einstaka nefndarmenn, en nefndina skipa:

Óskað eftir framboðum og tilnefningum í Mosfellsbæ

Ég heiti Gunnar Þór Sigurjónsson og sækist eftir 3. sæti í flokksvali Samfylkingarinnar fyrir sveitarstjórnarkosningar í Hafnarfirði. Ég er tæknimenntaður tveggja barna faðir og formaður ungra jafnaðarmanna í Hafnarfirði. 

Ég hef starfað við öryggismál, m.a. hjá Vodafone og Securitas og sem upplýsingaöryggisstjóri Samkeppniseftirlitsins. Undanfarinn áratug hef ég verið virkur í margs konar félagsstörfum og störfum fyrir Samfylkinguna, meðal annars verið varaforseti Junior Chamber Íslands, gjaldkeri og nú formaður ungra jafnaðarmanna í Hafnarfirði, fulltrúi í íþrótta- og tómstundaráði Hafnarfjarðar og varamaður í stjórn Rafíþróttasamtaka Íslands, auk þess að sitja í stjórnum fjögurra nemendafélaga á skólaárum mínum. 

Ég er jafnaðarmaður fyrst og fremst, brenn fyrir velferðar- og húsnæðismálum, mannréttindum og betra samfélagi fyrir okkur öll. Ég trúi því að núna þurfi nýtt fólk og ný sjónarmið að taka við stjórn bæjarins til þess að Hafnarfjörður vaxi og dafni. En vöxtur er ekki nægur einn og sér, heldur þurfum við að vaxa á ábyrgan og grænan máta á grunni aðgerða með jöfnuð og virðingu fyrir bæjarbúum að leiðarljósi. 

Kosningarnar í vor þurfa að marka upphaf nýs tíma Samfylkingarinnar sem leiðandi afls í Hafnarfirði. Tíma jöfnuðar í velferðar- og fjölskyldumálum. Tíma raunverulegrar sóknar í húsnæðismálum. Tíma réttlætis í leikskólamálum. Tími jafnréttis í íþróttastarfi í bænum. Tími virðingar fyrir fólki í málefnum fatlaðra bæjarbúa. 

Tími jöfnuðar í velferðar- og fjölskyldumálum – tími misskiptingar er liðinn
Öll börn í Hafnarfirði eiga skilið jöfn tækifæri og eflandi umhverfi, óháð efnahag eða aðstæðum að öðru leyti. Hafnarfjörður á að vera fyrirmynd annarra sveitarfélaga í félags- og fjölskylduþjónustu, ekki eftirbátur. Til þess þarf félagsþjónustan að vera mönnuð öflugu fólki sem lætur verkin tala og er stutt af heilindum af stjórn bæjarins. 

Tími raunverulegrar sóknar í húsnæðismálum - tími afsakana og aðgerðaleysis er liðinn
Hafnarfjörður þarf aftur að verða raunhæfur valkostur fyrir venjulegar fjölskyldur og ungt fólk, m.a. með því að bjóða upp á hagkvæmt húsnæði í grænum hverfum. Það þarf skýrar aðgerðir í húsnæðismálum til að Hafnarfjörður geti vaxið til framtíðar sem sterkasta sveitarfélagið á höfuðborgarsvæðinu. 

Tími réttlætis og virðingar í leikskólamálum – tími andvaraleysis og flumbrugangs er liðinn
Hafnarfjörður þarf að sýna leikskólastarfi virðingu, bæði gagnvart starfsfólki leikskólanna og gagnvart foreldrum og börnum. Leikskólinn er fyrsta skólastigið fyrir börnin okkar en ekki geymslustaður og Hafnarfjörður á að vinna markvisst að því að laða til sín hæft starfsfólk og umbuna því með góðum aðbúnaði og kjörum. 

Tími jafnréttis og fjölbreytni í íþróttastarfi í bænum – tími meðalmennsku er liðinn 
Hafnarfjörður á að vera íþróttabær fyrir alla og styðja við fjölbreytt íþróttastarf. Frístundastyrkurinn á að gera öllum börnum í Hafnarfirði kleift að stunda íþróttir. Þar á meðal annars að horfa til þess sem vel hefur verið gert í nágrannasveitarfélögum. Sterkt og árangursríkt íþróttastarf þarf markvissan stuðning og aðgerðir sem styðja við þarfir iðkenda og foreldra. 

Tími virðingar fyrir fötluðum bæjarbúum – tími mannréttindabrota og lögbrota er liðinn 
Hafnarfjarðarbær á að standa við gerða samninga og fara að lögum í málefnum fatlaðs fólks. Bæjarfélagið á að gera NPA samninga og sýna fötluðu fólki þá virðingu sem þeim ber í stað þess að brjóta lögvarin réttindi á íbúum bæjarins í nafni sparnaðar. 

Leit um „��“

2907 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������“

2907 niðurstöður fundust við leit að „������������������������������������������������������������“