Kynningarfundur í Iðnó | Flokksval XS í Reykjavík

Í fyrsta skipti í nær hundrað ár, kemur íslenskt launafólk ekki saman í kraftmiklum kröfugöngum á alþjóðlegum baráttudegi verkalýðsins.  

En þótt samtakamáttur launafólks verði kannski ekki jafn sýnilegur á götum úti víðsvegar um landið í dag, heldur baráttan svo sannarlega áfram. 

Veiran hefur fært okkur heim sanninn um nauðsyn þess að hafa sterkt velferðarkerfi og öfluga samneyslu, þó vissulega ættum við að dreifa byrðunum jafnar. Þá hefur öflugt öryggisnet á vinnumarkaði skipt höfuðmáli í baráttunni við heimsfaraldurinn. Það náðist ekki af sjálfu sér. Staðan væri allt önnur á Íslandi, ef ekki væri fyrir samtakamátt launafólks og þrotlausa baráttu þess í þágu félagslegs réttlætis og bættra lífskjara. 

En erfiður vetur kennt okkur að betur má ef duga skal, svo við getum tryggt nægilega sterka og vel fjármagnaða grunninnviði sem þjóna öllum landsmönnum frá degi til dags – en geta líka þolað áraun og staðið af sér hörð vetrarveður eða skæðan faraldur sem við upplifum nú. Þetta á við um samgöngurnar okkar, fjarskiptin, rafmagnið – en líka heilbrigðisþjónustu og menntun. 

Nú þegar við upplifum þennan skógarbruna sem orðið hefur er mikilvægt að við höfum framsýni til að taka meðvitaða ákvörðun um hvers konar gróður við viljum rækta þegar hann er genginn yfir. Þar verðum við að huga að því að upp spretti lágreist, fjölbreytt flóra frekar en örfá háreist tré sem skyggja á rest.  

Nú þarf að eiga sér stað lýðræðisleg umræða um grundvallargildi, skipulag og skiptingu gæða í samfélaginu. Með skapandi hugsun að vopni, jöfnuð og fjölbreytni að leiðarljósi, höfum við raunverulegt tækifæri til að betra samfélag rísi upp úr brunarústunum. 

Sú umræða verður að eiga sér sér stað á þeim forsendum að innan fárra áratuga verður þátttaka mannsins í samfélaginu með allt öðrum hætti en við höfum þekkt hingað til. Tækniþróunin, sem er í veldisvexti, mun gjörbreyta samfélaginu okkar. 

Framleiðni getur aukist gríðarlega, sem er forsenda þess að við getum tekist á við breytta aldurssamsetningu mannkyns. Möguleikar skapast til styttri vinnuviku og fjölskylduvænna samfélags, til vistvænni framleiðslu, sem eru nauðsynleg viðbrögð við loftslagsógninni og síðast en ekki síst getur hún nýst til að jafna stöðu milli ríkari og fátækari hluta heimsins. Allt þetta er forsenda fyrir langþráðum friði í heiminum. 

Þessum breytingum fylgja þó líka ógnir, ef ekki er rétt haldið á spilunum: sundurlyndi þjóða gæti aukist, með vaxandi ófriði og minni möguleikum til að samhæfa nauðsynlegar loftlagsaðgerðir. Loks gæti bilið milli þeirra efnameiri og snauðu stóraukist. 

Baráttu launafólks fyrir réttlátara samfélagi er því hvergi nærri lokið – og Samfylkingin mun halda áfram að styðja þá baráttu af alefli sviði stjórnmálanna. 

Í fyrsta skipti í nær hundrað ár, kemur íslenskt launafólk ekki saman í kraftmiklum kröfugöngum á alþjóðlegum baráttudegi verkalýðsins. 

Framkvæmdarstjóri

Karen Kjartansdóttir

Upplýsingafulltrúi þingflokks

Tómas Guðjónsson

Reglur um formannskjör úr lögum Samfylkingarinnar – jafnaðarmannaflokks Íslands 

6.01     Formaður Samfylkingarinnar - jafnaðarmannaflokks Íslands skal kjörinn allsherjaratkvæðagreiðslu meðal allra skráðra félagsmanna enda komi fram krafa þar um frá a.m.k. 150 flokksmönnum eigi síðar en 45 dögum fyrir boðaðan landsfund. 

 Framkvæmdastjórn skipar sérstaka 3ja manna kjörstjórn vegna allsherjaratkvæðagreiðslu um formannskjör 12 vikum fyrir landsfund. Hún auglýsir m.a. framboðsfrest sem skal vera a.m.k. 10 dagar. Framboðum skulu fylgja meðmæli a.m.k. 20 félagsmanna úr hverju kjördæmi landsins. Kosningarétt í kjörinu hafa þeir sem eru á félagaskrá flokksins við lok framboðsfrests. Hin sérstaka kjörstjórn afhendir kjörstjórn landsfundar niðurstöðu kjörsins á landsfundi. Berist einungis eitt framboð fellur allsherjaratkvæðagreiðsla niður og formaður skal kjörinn á landsfundi, sbr. gr. 6.02. Flokkstjórn setur nánari reglur um allsherjaratkvæðagreiðslu og störf hinnar sérstöku kjörstjórnar.   

6.02.   Fari ekki fram allsherjaratkvæðagreiðsla um embætti formanns samkvæmt gr. 6.01 skal formaður kjörinn á reglulegum landsfundi sbr. 6.04. Kjörgengir eru allir félagar 18 ára og eldri. Framboð skulu berast framkvæmdastjórn skriflega eigi síðar en einni viku fyrir upphaf landsfundar. Kosning skal fara fram þótt aðeins einn hafi gefið kost á sér.  

6.04     Á reglulegum landsfundi skal kjósa til tveggja ára sem hér segir:  

a. Stjórn flokksins aðra en formann þingflokks og formann sveitarstjórnarráðs; formann flokksins nema viðhöfð sé allsherjaratkvæðagreiðsla skv. ákvæðum gr. 6.01, varaformann, ritara, gjaldkera flokksins og formann framkvæmdastjórnar hvern um sig sérstaklega og í ofangreindri röð.  

b. Framkvæmdastjórn: Sex fulltrúa og sex til vara. Atkvæðaseðill er ekki gildur nema kosnir séu a.m.k. sex fulltrúar og er ógildur ef kosnir eru fleiri en tólf fulltrúar. Þau sex sem flest atkvæði hljóta teljast réttkjörnir aðalfulltrúar. Næstu sex sem hljóta næstflest atkvæði án þess að ná kjöri sem aðalfulltrúar teljast réttkjörnir varafulltrúar.  

c.  Þrjátíu fulltrúa í flokksstjórn.  

19.02 Þrátt fyrir ákvæði gr. 6.01, 6.02 og 6.04 í lögum þessum skal formaður sem kosinn er í allsherjaratkvæðagreiðslu sem lokið er áður en aukalandsfundur í Reykjavík 3.-4. júní 2016 hefst, teljast réttkjörinn formaður Samfylkingarinnar – jafnaðarmannaflokks Íslands frá því að kjöri er lýst á aukalandsfundinum og til reglulegs landsfundar árið 2019. 

(Samþykkt á aukalandsfundi 3. júní 2016.)

Mannauðurinn er dýrmætur og í honum býr drifkrafturinn 

Fréttin verður uppfærð í samræmi við framvindu mála á Alþingi

Samfylkingin hefur lagst á árarnar með stjórnvöldum við að greiða málum ríkisstjórnarinnar í tengslum við Covid-19 leið í gegnum þingið. Við höfum unnið þessi mál í nefndum í góðri samvinnu við þingmenn stjórnarmeirihlutans, sem að vísu hafa ekki samþykkt sumar breytingatillögur okkar. 

Í allri þessari vinnu reynum við að koma auga á það sem þarf að gera betur og koma með tillögur til úrbóta. Sjaldan hefur verið jafn mikilvægt og nú að standa vörð um kjör og réttindi vinnandi fólks.  Þúsundir manna lenda á atvinnuleysisbótum og staða heimilanna versnar. Ríkisstjórnin ætti að gera það að algjöru forgangsmáli sínu að vernda heimili landsins og hækka atvinnuleysisbætur eins og Samfylkingin hefur lagt til á Alþingi. 

Um leið þurfa stjórnvöld að skapa fyrirtækjum af öllum stærðum góð skilyrði og ýta undir fjölbreytta verðmætasköpun um allt land og fyrir alla hópa samfélagsins. Við svona aðstæður verður að ráðast í mun umfangsmeiri fjárfestingar heldur en ríkisstjórnin ætlar í. 

Stjórnarandstaðan lagði fram tillögur um aukna fjárfestingu sem var hafnað að ríkisstjórninni. Ríkisstjórnin hefur ekki tryggt að fyrirtæki sem hafa tengsl við skattaskjól fái ríkisstuðning, Samfylkingin mun þrýsta á það verði gert og leggja fram tillögu þess efnis. Samfylkingin vill ganga mun lengra  til að ýta undir nýsköpun, rannsóknir og þróun í atvinnulífinu. 

Kynjahalli á úrræðinu sem kallað er „allir vinna“ er of mikill og ljóst að það úrræði þarf að ná til fleiri starfstétta. Námsmenn hafa ekki farið varhluta af þeim þrengingum og erfiðleikum sem hafa fylgt komu veirunnar Covid-19 hér til lands. Þess vegna höfum við í Samfylkingunni lagt til að ráðist verði í almennar aðgerðir fyrir þenna hóp vegna Covid-19. 

Lesa má um tillögur Samfylkingarinnar fyrir námsmenn hér.

Í þessari frétt má nálgast helstu áherslur Samfylkingarinnar í tengslum við Covid-19

Samfylkingin hefur tekið í notkun nýtt merki sem flokkurinn fékk Hugsmiðjuna til þess að útfæra. 

Markmið með breytingu merkisins er að færa myndrænt efni Samfylkingarinnar inn í nútímann með merki sem er í senn sveigjanlegt og klassískt. Merkið vísar í rauða hringinn eða kúluna sem flestir tengja við flokkinn, en rákirnar tákna gagnsæi.

Merkið var samþykkt á sameiginlegum fundi framkvæmdarstjórnar, stjórnar og þingflokks Samfylkingar og í kjölfarið kynnt formönnum aðildarfélaga Samfylkingarinnar. 

Merkið er lifandi og sveigjanlegt. Það býður þannig upp á hreyfingu á stafrænum miðlum og er þá til dæmis hægt að nota sem S þegar það hentar. Hringurinn er þó aðal merki flokksins. 


Samfylkingin hefur tekið í notkun nýtt merki sem flokkurinn fékk Hugsmiðjuna til þess að útfæra. 

Samfylkingin hefur lagt það til á Alþingi að námsmenn eigi rétt á atvinnuleysisbótum í sumar. Ljóst er að það munu ekki allir námsmenn geta nýtt sér úrræði stjórnvalda í sumar.

Námsmenn eigi rétt á atvinnuleysisbótum

Leit um „��“

2913 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������“

2913 niðurstöður fundust við leit að „������������������������������������������������������������“