Nú þegar birtir til, veiran er á undanhaldi og við sjáum fram á að endurheimta loksins eðlilegra líf verður að halda vel á spilunum og tryggja að uppgangurinn framundan verði í þágu okkar allra. Samfylkingin leggur  til sex markvissar aðgerðir til að hraða ráðningum, auka virkni á vinnumarkaði, verja afkomuöryggi og leggja grunn að kraftmikilli endurreisn. Ein mikilvægasta aðgerðin er að veittur verði tímabundinn skattafsláttur þegar einstaklingar koma aftur til starfa eftir atvinnuleysi. Einnig leggjum við til að gera fyrirtækjum  kleift að ráða nýútskrifaða einstaklinga úr háskóla- og iðnnámi til starfa á ráðningarstyrk til sex mánaða. Leið Samfylkingarinnar er einföld í framkvæmd og felur í sér tvöföldun persónuafsláttar í jafn marga mánuði og einstaklingur hefur verið frá vinnu. Með þessu er komið til móts við heimili sem hafa orðið fyrir miklu tekjufalli og þurft að ganga á sjóði sína eða safna skuldum og einstaklingum gert kleift að vinna sig hraðar upp.

Hvert prósentustig atvinnuleysis kostar ríkissjóð 6 milljarða á hverju ári. Það er sóun sem við höfum ekki efni á. Verkefnið framundan er að koma fólki og fyrirtækjum hratt af stað og þar skiptir hver mánuður máli. Þannig er brýnt að aðgerðirnar komi strax til framkvæmda um leið og við ljúkum bólusetningum, afléttum takmörkunum og blásum til nýrrar sóknar. 

Úrræðin sem Samfylkingin leggur til munu borga sig upp á 1-2 árum því þau hraða ráðningum og stuðla þannig að aukinni virkni og verðmætasköpun. Markmiðið er að draga úr langvarandi kostnaði vegna atvinnuleysis og tryggja að ekki verði bakslag þegar sumrinu lýkur. Aðgerðir Samfylkingarinnar eru til þess fallnar að tryggja að samfélagið rati í réttan farveginn í sumar og frjórri jarðvegur verði til staðar fyrir nýja ríkisstjórn að byggja á eftir næstu kosningar.

Í haust lagði Samfylkingin fram Ábyrgu leiðina um vinnu, velferð og græna framtíð með fjölda tillagna. Sumar tillögurnar hefur ríkisstjórnin tekið upp í sínum aðgerðum en við teljum að aðrar hefðu gagnast vel til að koma hjólunum af stað. Nú kynnum við fleiri aðgerðir sem taka mið af breyttum aðstæðum og brýnt er að hrinda í framkvæmd nú í sumarbyrjun. 

Í fyrsta lagi leggjum við til að stutt verði betur við atvinnuleitendur. Atvinnuleysisbætur hækki upp í 95% af lágmarkslaunum og tímabil atvinnuleysisbóta verði lengt um 12 mánuði.

Í öðru lagi leggjum við til að ráðningarstyrkir verði veittir í 12 mánuði í stað 6 og hærri ráðningarstyrkur geti einnig nýst einstaklingum sem misstu vinnu síðasta sumar. Þannig tryggjum við atvinnulífinu fyrirsjáanleika, komum í veg fer óþarfa hik í ráðningum og gerum fyrirtækjum kleift að gera áætlanir inn í veturinn. Aðgerðin nái einnig til þeirra sem hafa verið vinnulitlir frá 2019.

Í þriðja lagi  leggjum við til að veittur verði tímabundinn skattaafsláttur þegar einstaklingar koma aftur til starfa eftir atvinnuleysi. Leið Samfylkingarinnar er einföld í framkvæmd og felur í sér tvöföldun persónuafsláttar í jafn marga mánuði og einstaklingur hefur verið frá vinnu. Með þessu er þeim sem urðu fyrir mestu tekjufalli vegna kórónukreppunnar gert kleift að vinna sig hraðar upp.

Í fjórða lagi leggjum við til ný úrræði fyrir námsmenn og ungt fólk. Sumarstörf til námsmanna verði í 3 mánuði í stað 2,5, störfin nái einnig til einkafyrirtækja, ekki bara opinberra stofnana og félagasamtaka eins og úrræði ríkisstjórnarinnar gerir ráð fyrir og námsmönnum verði tryggður réttur til atvinnuleysisbóta í námshléum. Þá verði fyrirtækjum gert kleift að ráða nýútskrifaða einstaklinga úr háskóla- og iðnnámi til starfa á ráðningarstyrk til sex mánaða. 

Í fimmta lagi vill Samfylkingin fjölga störfum og styðja við kraftmikið þróunarstarf á sviði nýsköpunar, hugverka- og hátækniiðnaðar með því að festa í sessi tímabundna hækkun endurgreiðslna á rannsóknar- og þróunarkostnaði og auka framlög til Tækniþróunarsjóðs svo öll framúrskarandi verkefni hljóti styrk.

Í sjötta lagi leggjum við til að listafólk verði styrkt í sumar til að halda viðburði um allt land. Komið verði upp miðlægu og hraðvirku umsóknarferli þar sem listafólk og samkomustaðir geti sótt um styrki til viðburðahalds. Með þessu léttum við undir með listamönnum sem hafa orðið fyrir miklu tekjutapi og að miklu leyti setið eftir í aðgerðum ríkisstjórnarinnar og stuðlum að skemmtilegra og litríkara sumri þar sem landsmenn fá notið fjölbreyttrar menningardagskrár um allt land.
 
 Næstu skref:
 Samfylkingin mun leggja fram þessar aðgerðir á Alþingi í formi þingsályktunar í vikunni. Samfylkingin leggur áherslu á að málið komist á dagskrá.

Á næstu dögum mun þingflokkur Samfylkingarinnar einnig leggja fram breytingartillögur við fjármálaáætlun þar sem við leggjum til breytta forgangsröðun í ríkisfjármálum næstu fimm árin 2022 - 2026.

Ný úrræði gegn atvinnuleysi, störf fyrir námsmenn, fjárfestingar í nýsköpun og sumarstyrkir fyrir listafólk um allt land

Framboðslisti Samfylkingarinnar í Norðvesturkjördæmi fyrir alþingiskosningarnar 25. september 2021 samhljóða samþykktur á fundi kjördæmisráðs Samfylkingarinnar í kvöld.

Áður hafði verið kosið í þrjú efstu sætin á auknu kjördæmaþingi þann 27. mars sl., uppstillinganefnd sá um að stilla upp á listann frá fjórða sæti. 

Valgarður Lyngdal Jónsson forseti bæjarstjórnar Akraneskaupstaðar leiðir listann „Ég er þakklátur fyrir traustið sem félagar mínír í Norðvesturkjördæmi hafa sýnt mér. Ég er fullur bjartsýni, fús til verka og ég hlakka til samstarfsins við meðframbjóðendur mína og Samfylkingarfólk um allt kjördæmið". - Valgarður Lyngdal Jónsson. 

Jónína Björg Magnúsdóttir skipar annað sætið, en hún er mörg kunn fyrir "íspinnalagið" Sveiattan þar sem að hún samdi texta við Mamma þarf að djamma lagið. En Jónína hefur víðtæka reynslu úr íslensku atvinnulífi, hefur mikið starfað með fötluðum auk þess að starfa sem stuðningsfulltrúi og kennari, vitavörður, matráður, flokkstjóri og aðstoðað í sauðburði í mörg á að Hömrum í Haukadal. „Hjarta mitt brennur fyrir fólkið í landinu, reynslu þess og lífi hvort sem er í sorg og í gleði.“ - Jónína Björg Magnúsdóttir.

Sigurður Orri Kristjánsson - Reykjavík

Edda Katrín Einarsdóttir - Ísafjörður 

Gunnar Rúnar Kristjánsson – Austur Húnavatnssýsla 

Steinunn Sigurbjörndóttir – Dalasýsla 

Guðný Friðfinnsdóttir – Sauðárkrókur 

Salvör Svava G. Gylfadóttir – Borgarbyggð 

Sigurbjörg K. Ásgeirsdóttir - Patreksfjörður

Framboðslisti Samfylkingarinnar í Norðvesturkjördæmi

Á miðvikudag þann 26. maí kl. 10:00 fáum við varaformann flokksins og borgarfulltrúa, Heiðu Björgu Hilmisdóttur í heimsókn.  Heiða Björg hefur sem formaður velferðarráðs borgarinnar, staðið í stórræðum varðandi velferðarmál í borginni.
Fundirnir byrja kl.10 eins og venjulega og þeim þarf að vera lokið kl.12.


Hornsteinn í stefnu jafnaðarmanna er að styðja við börn og barnafjölskyldur, að tryggja jöfnuð og skapa fjölskylduvænt samfélag. Því þegar allt kemur til alls er það fjölskyldan – velferð hennar og heilbrigði – sem er eitt það mikilvægasta í lífi sérhvers einstaklings.

Þrátt fyrir að fjölskyldugerðin hafi á undanförnum áratugum tekið miklum breytingum, hafa grunnþarfir fjölskyldna lítið breyst. Allir einstaklingar þurfa stuðning frá fjölskyldu sinni og það veitir okkur fátt meiri ánægju en að sjá fjölskyldumeðlimi vaxa og þroskast. Hlutverk ríkisins á að vera að veita öllum foreldrum aðstoð við framfærslu yfir það tímabil þegar útgjöld eru hvað hæst og að jafna stöðu tekjulægri fjölskyldna þannig að börn búi ekki við fátækt eða skerta möguleika til að stunda nám og tómstundastarf.

Til að sátt og stöðugleiki geti ríkt þurfa fjölskyldur að búa við öryggi. Stuðningur við barnafjölskyldur er eitt mikilvægasta úrræðið sem ríkið hefur til að bæta lífskjör og draga úr fátækt barnafjölskyldna og er um leið stjórntæki við útfærslu á fjölskyldustefnu hins opinbera á hverjum tíma.

Samfylkingin er nú sem fyrr í fararbroddi fyrir bættum kjörum fjölskyldufólks og telur rétt að gera róttækar kerfisbreytingar á styrkjum til barnafjölskyldna. Jafnframt vill Samfylkingin hækka framlög til málaflokksins. Núverandi barnabótakerfi er bæði flókið og nær einungis til lágtekjufjölskyldna og þrátt fyrir allt þá býr hluti foreldra með lágar tekjur eftir sem áður við skertar barnabætur. Við slíkt er ekki hægt að una. Samfylkingin vill að stuðningur við barnafjölskyldur taki annars vegar mið það því að jafna framfærslukostnað milli heimila sem hafa börn á framfæri og annarra og hins vegar að stuðningsgreiðslurnar jafni stöðu fjölskyldna sem hafa lágar tekjur.

Með því að forgangsraða opinberum styrkjum í þágu barnafjölskyldna og koma upp almennu styrkjakerfi sem byggir á barnagreiðslum sem ná til allra foreldra en ekki einungis þeirra tekjulægstu munu lífsgæði barnafjölskyldna aukast. Bætt stuðningskerfi munn svo aftur skila sér í betra og áhyggju minna samfélagi öllum til gagns. 

Greinin birtist fyrst í Víkurfréttum 7. maí. 

Viktor Stefán Pálsson skipar annað sætið í Suðurkjördæmi

Forgangsröðun í þágu barnafjölskyldna

Stórir hópar listafólks hafa því miður setið verkefnalausir síðasta árið. COVID-19 faraldurinn hefur hoggið stórt skarð í menningarlífið og tekjur listafólks á Íslandi þegar leikhús, tónleikastaðir og söfn hafa þurft að loka eða halda starfsemi sinni í lágmarki.

Auður Íslands þegar kemur að fólki í skapandi greinum verður ekki metinn til fjár og þar eigum við fjölda fulltrúa í fremstu röð á heimsvísu. Atvinnugreinin er ein stærsta stoð ferðaþjónustunnar, hún eykur lífsgæði þjóðarinnar, listir eru mikilvægar í tómstundastarfi barna og auka námsárangur á öðrum sviðum og flestar aðrar atvinnugreinar njóta krafta listafólks með einum eða öðrum hætti. Myndlistarmenn, tónlistarmenn, arkitektar, grafískir hönnuðir og annað listafólk eru nauðsynlegur hlekkur í keðju samfélagsins. Auk þess hefur listin og menningarlífið gildi í sjálfu sér.

Það er ekki sjálfgefið að menningarlíf Íslendinga haldi áfram að blómstra. Margt listafólk er útbrunnið, vinnur fjölda starfa meðfram listsköpun sinni, fær litlar greiðslur fyrir vinnu sína og styrkir til menningarstarfsemi eru af skornum skammti. Við því þarf að bregðast.

Hlúum að menningarstarfsemi á landinu öllu og vinnum að bættu starfsumhverfi og atvinnuöryggi listafólks, þvert á greinar.

Aukum aðgengi fólks að listnámi, óháð efnahag, uppruna, fötlunar og annarra þátta sem auka á jaðarsetningu fólks í samfélaginu. Enn er of algengt að fólk úr lægri tekjuþrepum samfélagsins geti ekki sótt sér listnám á háskólastigi vegna fjárhagslegra þröskulda, t.a.m. námsgjalda eða hárra skólagjalda Því mega skólagjöld við Listaháskóla Íslands ekki vera hærri en við HÍ. Þarna er fatlað fólk og fólk af erlendum uppruna sérstaklega jaðarsett.

Hækkum listamannalaun og fjölgum mánuðum sem úthlutað er. Það skilar sér margfalt til baka til samfélagsins.

Leggjum metnað í að Reykjavík verði menningarborg á heimsmælikvarða.

Styðjum við menningarstarf um land allt með myndarlegum styrkjum.

Gerum Ríkisútvarpinu kleift að sinna hlutverki sínu til þess að styðja við hvers kyns liststarfsemi á Íslandi, bæði í sjónvarpi og útvarpi.

Enginn veit hvað átt hefur fyrr en misst hefur. Íslenskt menningarlíf er á gjörgæslu vegna COVID-19 faraldursins og margt listafólk er í erfiðri stöðu vegna tekjutaps. Samfylkingin - jafnaðarmannaflokkur Íslands leggur til að listafólk verði styrkt í sumar til að halda viðburði um land allt. Koma þarf á miðlægu og hraðvirku umsóknarferli þar sem listafólk og samkomustaðir geti sótt um styrki. Með þessu er hægt að styðja við listafólk sem hefur orðið fyrir gífurlegu tekjutapi og setið eftir í aðgerðum ríkisstjórnarinnar.

Virkjum menningarauðinn okkar og sýnum að íslenskt listafólk skipti okkur máli.

Greinin birtist fyrst í Kjarnanum 17. maí.

Inga Björk Margrétar Bjarnadóttir skipar 3. sæti á lista Samfylkingarinnar í Suðvesturkjördæmi fyrir komandi þingkosnningar

Á þriðjudagskvöld ætlum við að ræða stöðu leghálsskimana. Helga Vala Helgadottir, Rósa Björk Brynjólfsdóttir ræða við Ásgeir Thoroddsen og Ernu Bjarnadottir um hvernig staðan sem komin er upp hefur áhrif á heilsu og öryggi kvenna um allt land. Heiða Björg Hilmisdóttir, borgarfulltrúi og varaformaður Samfylkingarinnar verður fundarstjóri. Komdu og vertu með á Facebooksíðu Samfylkingarinnar.

Frá síðustu áramótum hafa ítrekað borist fréttir af klúðri heilbrigðisyfirvalda við flutning skimunar á leghálskrabbameini frá Krabbameinsfélaginu til heilsugæslu, Landspítala og danskrar rannsóknarstofu í Hvidovre. Ekki virðist vera nokkur vafi á að starfsfólk allra þessara staða sé vel hæft til sinna starfa en það breytir ekki þeirri staðreynd að ákvarðanataka heilbrigðisyfirvalda um flutning leghálssýna úr landi og framkvæmdin í kjölfarið virðist vera það illa unnin og ómarkviss að eftir standa þúsundir kvenna í óvissu um heilsufar sitt.

Ásgeir Thoroddsen kvensjúkdómalæknir og sérfræðingur í krabbameinslækningum kvenna verður með okkur til þess að veita okkur mikilvæga innsýn og faglegt mat á stöðunni.

Forsprakki aðgerðahópsins “Aðför að heilsu kvenna” Erna Bjarnadóttir verður einnig með okkur á þriðjudaginn. Aðgerðarhópurinn Hefur með sinni rösku framgöngu með Ernu Bjarnadóttur í broddi fylkingar haldið á lofti þeim afleiðingum sem þessi ákvörðun hefur haft í för með sér og sendi nýlega frá sér yfir­lýsingu um málið þar sem ferlið í kringum greiningu sýnanna voru harð­lega gagn­rýnd.

Kæru félagar, til hamingju með daginn.

Kannski má segja að þessi dagur sé ein helsta hátíð okkar jafnaðarmanna – þó við gerum kannski ekki jafn mikið úr honum prívat og persónulega og sumum öðrum rauðu dögum almanaksins.

En hann er okkur þó samofin – okkur sem erum bandamenn launafólks og verkalýðshreyfingarinnar.

Við erum nefnilega sannfærð um það að samfélag, byggt á miklum jöfnuði og samstöðu er líklegra til að vera friðsamt, heilbrigt og framsækið.

Dagurinn í dag minnir okkur á þrotlausa baráttu við hinar hefðbundnu áskorarir mannkyns – fátækt og ójöfnuð - sem hafa verið dragbítar á heilbrigt samfélag í margar aldir. 

Margt hefur áunnist og við gleðjumst yfir því, en enn er of mikið ógert. 

Ofan í þessa stanslausu viðureign bætast svo aðrar ákoranir við sem eru ekki síður flóknar: loftlagsógnin og tæknibreytingar.

Árangur okkar gegn loftlagsógninn verður afgerandi um það hvort okkar takist að búa komandi kynslóðum – og öllu lífríkinu lífvænlegar aðstæður.

Og við þurfum að mæta tæknibreytingunum hvort sem okkur líkar betur eða verr – því eðli þeirra er að þær una hvorki hreppamörkum eða landamærum.

Báðar eru sem sagt óumflýjanlegar og þar skiptir höfuðmáli að aðgerðir leiði til meiri lífsgæða fyrir alla – auki jöfnuð en ekki ójöfnuð.

Á þeirri vegferð eru gildi Samfylkingarinnar um frelsi, jafnrétti og samstöðu mikilvægustu hráefnin í uppskriftina.

Brýnast verkefni næstu mánuða er þó að vinna okkur út úr núverandi atvinnukreppu og vinda ofan af þeim ójöfnuði sem hefur aukist samfara henni; fyrst og fremst vegna, seinna, of lítilla og um margt rangra viðbragða stjórnvalda.

Í stað þess að ráðast gegn birtingarmynd kreppunnar og verja strax hærri upphæðum beint til þeirra sem urðu fyrir atvinnumissi og stóðu illa fyrir, lét ríkisstjórnin opinberum stofnunum s.s. Seðlabanka Íslands það eftir veita auknu fé í umferð gegnum bankana til að örva hagkerfið. 

Það fjármagn hefur fyrst og fremst gagnast þeim sem héldu vinnunni og endurspeglast nú í hærra húsnæðis- og verðbréfaverði, hærri verðbólgu og eignaójöfnuði. 

Þessi leið hefur ekki gagnast þeim sem misstu vinnuna og hafa mörg þurft að tæma sjóði sína eða taka lán til að halda sjó og búa börnum sínum eins eðlilegt líf og kostur er gegnum þessa kreppu.

Þess vegna erum við stödd hér í dag á baráttudegi launafólks – því það er verk að vinna fyrir jafnaðarmannaflokk Íslands, verkalýðshreyfinguna og önnur þau sem berjast fyrir jafnara og réttlátara samfélagi. 

Útlitið bjart segir fjármálaráðherra og virðist telja allt á eðlilegu róli.  

Vissulega skulum við að vera þakklát fyrir allt sem hefur áunnist í samfélaginu síðustu áratugina -  um margt erum við ríkt samfélag.

En við erum ríkt samfélag í sögulegri atvinnukreppu. Þar sem tugþúsundir vilja vinna en fá ekki vinnu - og er gert að bera þyngstu byrðar í heimsfaraldri; mest ungt fólk, konur og innflytjendur.

Og þetta er ljót birtingarmynd á ríku samfélagi. Ef ekki verður meira gert til að vinda ofan af þessum ójöfnuði getum við endað uppi með klofið samfélag til framtíðar.

Við lifum í ríku samfélagi sem sættir sig við að yfir 6000 börn lifa við skort, 

öryrkjar og margir eldri borgurum þurfa að framfleyta sér við fátæktarmörk – og horfa á lífskjarabilið aukast ár frá ári.

Þar sem óöryggi á húsnæðismarkaði er viðvarandi og ungt fólk hefur ekki efni á því að kaupa íbúð eða að leigja á almennum leigumarkaði. 

Þar sem það kostar of mikið að veikjast, hvort sem er á líkama og sál. Og margir fá ekki aðgang að viðunandi heilbrigðisþjónustu.

Þar sem margir innflytjendur búa við hörmulegan aðbúnað - fá ekki sömu tækifæri og hafa ekki sams konar öryggisnet og við sem fæddumst hér.

Þar sem námsmönnum er boðið upp á svo mikið lélegri skilyrði en í nágrannalöndunum að maður efast um að stjórnvöld geri sér grein fyrir gildi þeirrar fjárfestingar sem menntun er.

EN… þar sem örfáum einstaklingum í samfélaginu er hins vegar gert mögulegt að mokgræða á sameiginlegum auðlindum þjóðarinnar, án þess að hún fái sanngjarnan hlut af arðinum. 

Útlitið gæti verið bjartar hvað sem fjármálaráðherra finnst.

Ekki síst þegar ríkisstjórnin lætur þetta ekki einungis viðgangast heldur dregur tennur kerfisbundið úr eftirlitsstofnunum til að auðvelda þá óheillaþróun sem óheyrileg auðsöfnun.

Samfylkingin tekur undir með verkalýðshreyfingunni um að það sé nóg til– en það þarf hins vegar pólitískan vilja við landsstjórnina til þess að skipta gæðunum jafnar. 

Því er til mikils að vinna að hér verði mynduð ríkisstjórn í haust með flokkum innanborðs sem vilja byggja á meiri jöfnuði, jafnvægi og félagslegu réttlæti. 

Stjórn sem ræðst strax í markvissar aðgerðir til að jafna og bæta kjör alls almennings í landinu. Skapar aðstæður fyrir barnvænt samfélag þar sem jafnvægi ríkir milli vinnu og einkalífs, þar sem allir hafa aðgang að öruggu húsnæði og gjaldfrjálsri opinberri heilbrigðisþjónustu.  Sem tryggir öllu fólki öryggi og tækifæri frá vöggu til grafar.

Ríkisstjórn sem er tilbúin stokka upp í flóknum kerfum og gerir þau mannvænni. Félagshyggjustjórn sem sættir sig ekki við atvinnuleysi næstu árin heldur brettir upp ermarnar og skapar fleiri störf. M.a. með því að ráðast í græna atvinnubyltingu um land allt.

Hún þarf að efla fjölþjóðlegt samstarf og tryggja það hin óumflýjanlega tæknibylgja - sem ríður nú yfir - sé öllum til hagsbóta ekki fáum útvöldum.

Að hún leiði til aukinnar verðmætasköpunar, minna vistspors og meiri jöfnuðar en auðurinn af sjálfvirknivæðingunni renni ekki til enn færri aðila á enn meiri hraða enn áður hefur þekkst.

Og þannig stjórn þarf að vera tilbúin til róttækra loftlagsaðgerða sem tryggja sanngjörn umskipti - þannig að þær aðgerðir bitni ekki harðast á þeim sem síst skyldi - heldur skapi okkur öllum sem nú lifum - og framtíðarkynslóðum - velsæld og betri aðstæður.

Slík stjórn þarf, ólíkt núverandi að hafa hugmyndaflug og kjark til skoða nýjar leiðir og horfa kokhraust til framtíðar. 

Sækja svo fram og komast fyrir vaðið í stað þess að vera í eilífum viðbrögðum.

Þetta er annað árið í röð sem við komumst ekki í kröfugöngur eða getum hist í hefðbundnu vöfflukaffi í heimabyggð.

En þótt samtakamáttur launafólks verði kannski ekki svo sýnilegur á götum úti, heldur barátta verkalýðshreyfingarinnar, og Samfylkingarinnar, fyrir jafnara og öruggara samfélagi áfram. Og ég heiti því að auðnist Samfylkingunni – jafnaðarmannaflokki Íslands að leiða næstu ríkisstjórn verða krefjandi verkefni ekki tekin neinum vettlingatökum.

Ég óska jafnaðarmönnum, verkalýðshreyfingunni og öllu launafólki innilega til hamingju með daginn.

Kæru félagar, til hamingju með daginn! 

Það er ljóst að það hefur því miður ríkt ófremdarástand í einu af mikilvægustu heilbrigðismálum þessa kjörtímabils sem snúast um heilbrigði kvenna; breytingar á skimun á legháls – og brjóstakrabbameini. Ástæðan fyrir ákvörðuninni um að breyta ferlinu hefur því miður ekki verið skýrð nægilega vel fyrir konum. Og þó að yfirlýst markmið með breyttu fyrirkomulagi sé að færa skimunarfyrirkomulagið nær því sem mælt er með í alþjóðlegum skimunarleiðbeiningum og í samræmi við framtíðarsýn og markmið heilbrigðisstefnu til ársins 2030 sem Alþingi samþykkti 2019, þá hefur framkvæmdin því miður verið klúðursleg, óljós og umfram allt illa kynnt fyrir konum. Það hefur valdið konum og aðstandendum þeirra óöryggi og vantrausti þeirra á kerfið sem á að þjóna konum og þeirra heilbrigði. Nú er svo komið að fimm stofnanir innan heilbrigðiskerfisins bera ábyrgð á breyttu skipulagi og framkvæmd skimana hjá konum fyrir krabbameini.

Þetta klúður hefur reynst afdrifaríkt og nú er svo komið að aðgerðahópur rúmlega 14 þúsund kvenna og aðstandenda þeirra, sem hóf undirskriftasöfnun fyrir rúmum tveimur mánuðum, sendi frá sér fréttatilkynningu í gær um að konur, sem fóru í skimun í nóvember á síðasta ári, séu ekki enn búnar að fá niðurstöður í sínum rannsóknum á þessu ári.

Aðrar konur hafa nú jafnvel fengið þá niðurstöðu að þurfa í frekari rannsóknir eftir nærri 6 mánaða ferli i óvissu og ótta og allt að 4 vikna bið að komast í þær rannsóknir. Slík framkvæmd getur ekki verið boðleg, hvorki konum og aðstandendum þeirra, né læknum þeirra nú í sumarbyrjun 2021. Það er greinilegt að ferli greininga og miðlun niðurstaða úr skimun fyrir leghálskrabbameini er í einhverjum ólestri og skipuleg upplýsingagjöf til kvenna um þeirra stöðu er ónóg þegar margir mánuðir hafa liðið án þess að leghálsskimanir og ferlarnir við þær hafa verið skýrðir almennilega út fyrir konum, hvað þá fyrir fagaðilum.

Eykur á ótta kvenna og vantrú á heilbrigðiskerfi

Ákvörðun að tillögu Skimunarráðs um að samhæfa skimunarferli hér á landi í átt að alþjóðlegum stöðlum og vinnubrögðum er góðra gjalda verð, en ef einhver þáttur vinnulagsins sem við höfum nú þegar er að virka, af hverju að rekja það upp ? Ef tilgangurinn var sá að færa skipulagið nær alþjóðlegum stöðlum, hvers vegna var ekki búið að samræma og skipuleggja ferlana til að skimunin og miðlun niðurstaðanna úr þeim gengi hratt og skipulega fyrir sig þegar fyrstu sýnin voru send til Danmerkur ? Og hvers vegna var ákveðið að semja við rannsóknarstofu í Danmörku um greiningu leghálssýna sem tekin eru hér á landi þegar hægt var að framkvæma þær rannsóknir hér á landi sem samkvæmt sérfræðingum hefði þýtt hraðara og markvissara ferli ? Ef um var að ræða að kostnaður við rannsóknirnar sé lægri í Danmörku en á Íslandi, líkt og heilbrigðisráðuneytið hefur haldið fram, þá hafa engin skýr gögn um það verið lögð fram um þann lægri kostnað.

Konur eiga ekki að þurfa að bíða í marga mánuði eftir að fá niðurstöður í sínar persónlegu legháls-eða brjóstaskimanir. Það býr til óvissu, hræðslu og vantraust kvenna á heilbrigðiskerfið sem á að vera sterkt og öflugt fyrir þær. Núverandi staða í þessu risastóra kvennaheilbrigðismáli er óviðundandi og tryggir hvorki öryggi né gæði sem konur og aðstandendur þeirra eiga skilið.

Rósa Björk, þingmaður, skrifar um ástandið og óvissuna sem nú ríkir í heilbrigðismálum kvenna.  

„Ekki leikur vafi á því að skráning eigna á aflands- og lágskattasvæðum til þess að forðast eðlileg skattskil og tryggja leynd er andstæð hagsmunum alls almennings og hefur í för með sér margvíslegan óbeinan skaða sem útilokað er að meta að fullu til fjár.“ (Eignir Íslendinga á aflandssvæðum, bls. 11)

Það var rétt fyrir kosningar haustið 2016 sem starfshópur skilaði fjármála- og efnahagsráðherra skýrslu um eignir Íslendinga á aflandssvæðum. Ráðherrann ákvað að setja skýrsluna ofan í skúffu. Nýr ráðherra birti hana árið 2017. Starfshópurinn hafði ekki mikinn tíma til að vinna skýrsluna og rýna flókin gögn til að draga ályktanir og kallaði eftir frekari rannsóknum til að fyrirbyggja stórfelld skattsvik.

Ég hef óskað eftir sérstakri umræðu á Alþingi við fjármála- og efnahagsráðherra um eignir Íslendinga á aflandssvæðum þar sem mikilvægum spurningum er varpað fram og svara vænst frá ráðherranum. Þeim sama ráðherra og stakk skýrslunni í skúffuna haustið 2016.

Í árslok 2007 voru 56% Úrvalsvísitölu Kauphallarinnar í eigu aflandsfélaga. Þessi félög voru að lang mestu leyti í eigu Íslendinga og sama gilti um óskráð félög í aflandseignarhaldi. Við þurfum svör við því hve stór hluti Úrvalsvísitölu Kauphallarinnar er í eigu aflandsfélaga núna vorið 2021 og hve stór hluti þeirra félaga er í eigu Íslendinga.

Í ljósi reynslunnar og ef ætlunin er að fyrirbyggja tjónið áður en það verður að veruleika, benda skýrsluhöfundar á að best sé að beina sjónum framar öðru að þeim greinum milliríkjaviðskipta þar sem virðisaukinn er mestur og vex hraðast hverju sinni. Því vaknar spurningin um hvort sjónum eftirlits og skattrannsókna hefur verið beint í þessa átt síðast liðinn áratug.

Milliverðlagning felst oftast í því að innflutningsverð er skráð hærra en raunverulegt innkaupsverð eða að útflutningsverð er skráð of lágt. Þannig verða til tekjur erlendis sem safnast fyrir á aflandssvæðum. Ólögmæt milliverðlagning í vöruviðskiptum milli ríka er algengt form skattsvika í ýmsum löndum. Rannsaka þarf ólögmætrar milliverðlagningar í vöruviðskiptum m.a. með sundurliðun á vöruviðskiptum á milli landa. Ætli þess konar rannsóknir hafi farið fram hér á landi síðast liðin ár?

Í skýrslunni kemur fram að í gögnum Seðlabanka Íslands um utanríkisviðskipti og fjármagnsjöfnuð fram til ársins 2010, sé undir liðunum „skekkjur og vantalið“ mikið misræmi. Ekki eru til heimildir um hvert þessir peningar fóru en hugsanlega hefur verið um dulinn fjármagnsflótta að ræða eða peningaþvætti. Svara þarf því hvernig staðan er á þessum liðum núna og hvort óskráðar fjármagnstilfærslur hafi verið rannsakaðar m.t.t. peningaþvættis og flutnings á aflandsreikninga.

Alþjóðleg stórfyrirtæki nýta sér mörg þau tækifæri sem þau búa yfir til að flytja arð þangað sem gjöld eru lægst. Íslenski kaupskipaflotinn er allur skráður erlendis og áhafna- og starfsmannaleigur einnig. Þetta segja skýrsluhöfundar að megi kalla „hentiskráningu“ eigna og tekna. Slíka skráningu sem íslensk fyrirtæki eða fyrirtæki með starfsemi á Íslandi ástunda þarf að kortleggja.

Alþjóðleg samvinna hefur aukist á undanförnum árum um aðgerðir gegn skattakjólum og öflun upplýsinga um raunverulega eigendur aflandsfélaga. Kallað er eftir enn frekari alþjóðlegri samvinnu, nú síðast frá forseta Bandaríkjanna. Þátttaka Íslendinga á alþjóðavísu í aðgerðum gegn skattaskjólum þarf að vera markviss.

Til að koma í veg fyrir að skaðinn sem átti sér stað við aflandsvæðinu Íslands endurtaki sig í einhverri mynd verður að rannsaka, kortleggja, vinna að vandaðri lagasetningu og vinna með öðrum þjóðum gegn notkun skattaskjóla.

Skattaskjól eru nýtt af fólki sem vill fela peningana sína fyrir Skattinum og láta aðra bera uppi sinn hlut í velferðarkerfinu.

"Ég hef óskað eftir sérstakri umræðu á Alþingi við fjármála- og efnahagsráðherra um eignir Íslendinga á aflandssvæðum þar sem mikilvægum spurningum er varpað fram og svara vænst frá ráðherranum. Þeim sama ráðherra og stakk skýrslunni í skúffuna haustið 2016."

Stefnumót með frambjóðendum – spurt og spjallað? 

Hver er uppáhaldsmatur Jóa? Fyrir hverju brennur hann?

Þetta og margt margt fleira færðu að vita ef þú sest við skjáinn á næstu dögum til að kynnast frambjóðendum okkar í þremur efstu sætunum í Reykjavíkurkjördæmunum suður og norður.

„Vinnum næstu kosningar og tryggjum að upp úr kórónukreppunni rísi réttlátara samfélag sem byggir á fjölbreyttu og sjálfbæru atvinnulífi, sanngjörnum leikreglum á vinnumarkaði og sterku velferðarkerfi þar sem enginn er skilinn eftir.“ Jóhann Páll.

Samfylkingarfélagið í Reykjavík býður til rafrænna stefnumóta með þeim Jóhanni Páli, Helgu Völu, Kristrúnu, Dagbjörtu, Viðari og Rósu Björk núna í byrjun maí sem hér segir: 

Þriðjudaginn 4. maí - Jóhann Páll Jóhannsson: https://zoom.us/j/97667176763

Miðvikudaginn 5. maí - Helga Vala Helgadóttir: https://zoom.us/j/94318407885

Fimmtudaginn 6. maí - Kristrún Frostadóttir: https://zoom.us/j/95333064055

Þriðjudaginn 11. maí - Dagbjört Hákonardóttir: https://zoom.us/j/98666374908

Miðvikudaginn 12. maí - Viðar Eggertsson: https://zoom.us/j/94026634251 

Fimmtudaginn 13.. maí - Rósa Björk Brynjólfsdóttir: https://zoom.us/j/96329319788

Blaðamaður og stjórnmálahagfræðingur.
Fæddur 1992. 

Nýfluttur frá Bretlandi eftir framhaldsnám í evrópskri stjórnmálahagfræði og sagnfræði. Maki er Anna Bergljót Gunnarsdóttir, nýdoktor í efnafræði við Cambridge-háskóla. 

„Vinnum næstu kosningar og tryggjum að upp úr kórónukreppunni rísi réttlátara samfélag sem byggir á fjölbreyttu og sjálfbæru atvinnulífi, sanngjörnum leikreglum á vinnumarkaði og sterku velferðarkerfi þar sem enginn er skilinn eftir.“

Samfylkingin verður að ná góðum árangri í Alþingiskosningum 2021 svo við getum skipt um kúrs og myndað sterka félagshyggjustjórn á Íslandi með skýra framtíðarsýn í atvinnumálum, velferðarmálum og loftslagsmálum. Við þurfum að koma í veg fyrir að hægriöflin noti kórónuástandið til að skemma sameiginlegu kerfin okkar og grafa undan samstöðu vinnandi fólks. Stóra verkefni Samfylkingarinnar er að leiða saman umbótaöflin á Íslandi og tryggja að upp úr kórónukreppunni rísi réttlátara samfélag sem byggir á fjölbreyttu og sjálfbæru atvinnulífi, sanngjörnum leikreglum á vinnumarkaði og sterku velferðarkerfi þar sem enginn er skilinn eftir.

Menntun og störf

Ég starfaði sem blaðamaður á Stundinni frá stofnun fjölmiðilsins 2015 til 2019 og áður á DV. Hef þrisvar sinnum unnið til blaðamannaverðlauna fyrir störf mín, m.a. fyrir umfjöllun um lekamálið árið 2014 og uppreist æru kynferðisbrotamanna 2017 og auk þess hlotið tilnefningar, m.a. árið 2018 fyrir umfjöllun um viðskipti Bjarna Benediktssonar og fjölskyldu hans við Glitni í aðdraganda bankahrunsins. 

Ég lauk meistaranámi í evrópskri stjórnmálahagfræði við LSE í haust og meistaranámi í sagnfræði frá Edinborgarháskóla árið 2017. Áður tók ég BA í heimspeki við Háskóla Íslands með lögfræði á alþjóðasviði sem aukagrein. Eftir að ég lauk námi og flutti til Íslands ákvað ég að breyta til, hætta í blaðamennsku og skrá mig í Samfylkinguna. Síðan hef ég m.a. starfað við ráðgjöf og hugmyndavinnu fyrir þingflokkinn okkar, t.d. vinnslu kynningarritsins Ábyrga leiðin – úr atvinnukreppu til grænnar framtíðar.

Á meðal þeirra ýmsu mála sem ég vil beita mér fyrir eru eftirfarandi: 

Dregið verði úr tekjuskerðingum í barnabótakerfinu svo það verði almennt stuðningsnet líkt og á hinum Norðurlöndunum

foreldrar í láglaunastörfum fái fæðingarorlofsgreiðslur sem samsvara lágmarkslaunum en ekki aðeins 80% af fyrri tekjum

Húsnæðisstuðningur verði aukinn og ráðist í markvissar aðgerðir til að tryggja húsnæðisöryggi, m.a. með auknum stofnframlögum til uppbyggingar almenna íbúðakerfisins 

Hæstu tekjur verði skattlagðar með sambærilegum hætti og í Danmörku og Svíþjóð til að mæta auknum útgjöldum til velferðarmála og innleiddur verði stóreignaskattur með sanngjörnu fríeignamarki

Auðlindarentunni í sjávarútvegi verði skilað til þjóðarinnar með blandaðri leið veiðigjalda og uppboðs og spornað verði gegn samþjöppun og yfirgangi stórútgerða með skýrari reglum um yfir­ráð tengdra aðila yfir afla­hlut­deild­um og skilvirkri framkvæmd þeirra

Ísland taki slaginn á alþjóðavettvangi gegn efnahagslegu misrétti, skaðlegri skattasamkeppni og yfirgangi hinna stóru og sterku, standi með jaðarsettum hópum og rétti kvenna yfir eigin líkama, mótmæli mannréttindabrotum hvar sem þau eru framin og axli ábyrgð í flóttamannamálum með mannúðlegri móttöku hælisleitenda

Ráðist verði í endurskoðun á lagaumhverfi og stjórnsýslu barnaverndar- og umgengnismála til að tryggja að börn njóti vafans þegar grunur er um ofbeldi á heimili 

Mótuð verði sjálfbær atvinnu- og iðnaðarstefna fyrir Ísland með áherslu á hugvit, nýsköpun og háframleiðnigreinar 

Ríkisstjórn Íslands setji markmið um 60 prósenta samdrátt í losun gróðurhúsalofttegunda fyrir árið 2030 eins og Evrópuþingið og leggi fram metnaðarfyllri aðgerðaáætlun í loftslagsmálum sem felur í sér hröðun orkuskipta, stóreflingu almenningssamgangna og markvissar aðgerðir til að bæta landnýtingu og draga úr losun frá landbúnaði

Stefnumót með frambjóðanda - Jóhann Páll Jóhannsson

Leit um „��"

3368 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

3368 niðurstöður fundust við leit að „������������������������������������������������������������"