Kvennahreyfing Samfylkingarinnar heldur opið hús, í sal Samfylkingarinnar á Hallveigarstíg 1 - 101 Reykjavík, fyrir baráttufundinn Kallarðu þetta jafnrétti? á Arnhóli á morgun, þriðjudaginn 24. október.

Húsið opnar kl. 12 og við leggjum af stað skömmu fyrir fundinn sem hefst kl. 14:00. Gott aðgengi er á Hallveigarstíg.

Hittumst, spjöllum og göngum svo saman að Arnarhóli.

Kvennaverkfall - hittingur fyrir baráttufund á Arnarhóli 

Spjallkaffi Samfylkingarinnar í Reykjavík 60+ verður á sínum stað miðvikudaginn 25. október kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Í tilefni 40 ára afmælis Kvennalistans verður gestur okkar að þessu sinni Kristín Jónsdóttir, sagnfræðingur. Kristín tók þátt í undirbúningi og stofnun Kvennaframboðs 1982 og Kvennalistans 1983. Kristín er einnig ritstjóri og stofnandi vefsins, kvennalistinn.is. Kristín fer yfir sögu Kvennalistans, tilurð og stefnumál.

Kvennalistinn var eitt af þeim stjórnmálaöflum sem stofnuðu Samfylkinguna     

Það verður heitt á könnunni og eitthvað með því. 

Verið öll velkomin! 


Fundurinn var vel sóttur og umræður voru líflegar. Kristrún Frostadóttir, formaður Samfylkingarinnar, mætti og gerði grein fyrir Öruggum skrefum í heilbrigðis- og öldrunarmálum, nýsamþykktri stefnu Samfylkingarinnar í málaflokknum. Stefnan byggir á metnaðarfullu málefnastarfi með breyttu sniði eftir kjör nýrrar forystu, sem m.a. byggði á því að opna vinnuna upp á gátt og færa málefnavinnuna nær almenningi um allt land. Einnig voru almennar umræður um stjórnmálaástandið og sátu Kristrún og Þórunn Sveinbjarnardóttir, þingmaður flokksins í kjördæminu fyrir svörum auk Guðmundar Árna Stefánssonar, varaformanns flokksins sem jafnframt var fundarstjóri aðalfundarins.y

Fyrir utan almennar umræður um stjórnmálin þá voru tekin fyrir hefðbundin aðalfundarstörf. Ólafur Ingi Óskarsson, formaður kjördæmisráðs, gaf ekki kost á sér til áframhaldandi starfa eftir fjögur ár sem formaður kjördæmisráðs. Fundarmenn þökkuðu honum góð og farsæl störf fyrir kjördæmisráðið. Nýr formaður var kjörinn Gauti Skúlason og með honum í stjórn voru kjörin Erlendur Geirdal, Elín Eiríksdóttir, Kristján Sveinbjörnsson og Árný Hekla Marinósdóttir.

 Aðalfundur kjördæmisráðs Samfylkingarinnar í Suðvesturkjördæmi var haldinn á Strandgötunni í Hafnarfirði fimmtudaginn 19. október.

Aðalfundur kjördæmisráðs Suðvesturkjördæmis

Skiptum um kúrs og endurheimtum efnahagslegan stöðugleika

Samfylkingin – jafnaðarflokkur Íslands vill að skipt verði um kúrs við stjórn efnahagsmála. Efnahagsstefna ríkisstjórnarinnar er komin í þrot. Það birtist meðal annars í mikilli verðbólgu og háum vöxtum sem leggjast þungt á heimilin og fyrirtækin í landinu. Þetta bætist ofan á alvarlegan vanda í velferðarmálum og skeytingarleysi gagnvart afkomu fólks og öryggi.

Samfylkingin kynnti kjarapakka í tengslum við fjárlög í fyrra sem heldur enn gildi sínu. Hugmyndin er að verja heimilisbókhaldið og vinna um leið gegn verðbólgu með því að að taka á þenslunni þar sem þenslan er í raun og veru. Þetta kallar á sértækar aðhaldsaðgerðir á tekjuhlið ríkissjóðs og sértækar aðgerðir á borð við vaxtabætur og barnabætur, róttækar breytingar á leigumarkaði þ.m.t. leigubremsa og ívilnun til uppbyggingar á almennum íbúðum. Þannig verði stuðlað að stöðugleika á vinnumarkaði en til að árangur náist í baráttu gegn verðbólgu er algert lykilatriði að slíkur kjarapakki sé fullfjármagnaður og gott betur.

Nú þarf að endurheimta efnahagslegan stöðugleika. Samfylkingin skorar á ríkisstjórnina að koma sér strax að verki ellegar sjá sóma sinn í því að hætta og boða til kosninga. Samfylkingin er tilbúin í verkin.

 Fordæmum stríðsglæpi fyrir botni Miðjarðarhafs

Samfylkingin – jafnaðarflokkur Íslands fordæmir með afgerandi hætti þá stríðsglæpi sem framdir hafa verið fyrir botni Miðjarðarhafs af hálfu Ísraelshers og Hamas-samtakanna. Þá skorar Samfylkingin á ríkisstjórnina að hún beiti sér fyrir því á alþjóðlegum vettvangi að tryggja nauðsynlega mannúðaraðstoð til almennra borgara, tafarlaust vopnahlé og að þrýst verði á Ísrael að fylgja alþjóðalögum og binda endi á aðskilnaðarstefnu undanfarinna áratuga.

Árið 2011 varð Ísland fyrsta vestræna ríkið til að viðurkenna sjálfstæði og fullveldi Palestínu sem var gert með samhljóða samþykkt Alþingis undir forystu ríkisstjórnar Jóhönnu Sigurðardóttur. Í sömu ályktun skoraði Alþingi á Ísraela og Palestínumenn að leita sátta með friðarsamningum á grundvelli þjóðaréttar og ályktana Sameinuðu þjóðanna. Grundvallaratriði er gagnkvæm viðurkenning Ísraelsríkis og Palestínuríkis og að áhersla verði lögð á rétt flóttamanna til að snúa aftur til Palestínu. Samfylkingin vill árétta þessa afstöðu flokksins og Íslands og skorar á ríkisstjórnina að gera slíkt hið sama.

Stjórnmálaályktun flokksstjórnarfundur Samfylkingarinnar í Hofi á Akureyri 14. október 2023

Stjórnmálaályktun flokksstjórnarfundar

Örugg skref í heilbrigðis- og öldrunarmálum 

Lesið Örugg skref í heilbrigðis- og öldrunarmálum í heild sinni hér á pdf formi.

Öryggi er tilfinning sem er mikils virði

Við höfum öll persónulega reynslu af heilbrigðiskerfinu. Þegar það virkar sem skyldi þá veitir það fólki öryggi. Og það er á okkar viðkvæmustu stundum sem reynir á — þegar eitthvað kemur upp á hjá okkur sjálfum eða fólkinu sem stendur okkur næst. Þá reynir á hvort við búum við sterka velferð. 

Þetta er tilfinning sem er erfitt að lýsa með orðum eða meta til fjár. Heilbrigðisþjónustan getur virst okkur fjarlæg um stundarsakir — eða jafnvel lengst af séum við heppin — en á einu augnabliki getur hún orðið svo nálæg að nær allt annað hverfur í samanburði. Þá veltur öryggið á aðgengi að vel menntuðu og vel þjálfuðu heilbrigðisstarfsfólki, sem vinnur við öruggar vinnuaðstæður og getur nýtt eins fullkomin tæki og lyf og kostur er á.

En öryggið felst líka í fleiru sem er erfitt að mæla í afköstum eða skilvirkni: í mannlegri tengingu. Augnsamband, hönd á öxl, manneskja sem tengir, hlustar og skilur — einhver sem annast mann og hefur tíma til að gera það af fullri athygli og alúð. Þessi mannlega tenging getur skipt sköpum þegar á reynir.

Stjórnmálafólk ber ábyrgð á umgjörð og stjórn heilbrigðis- og öldrunarmála í landinu. Milljarðarnir sem fara til þessara málaflokka á ári hverju geta virst fjarlæg stærð. En við sem erum í stjórnmálum megum þó aldrei missa sjónar á hinum daglega veruleika fólks sem þetta snýst allt um þegar upp er staðið.

Við getum litið á þetta sem tveggja kjörtímabila vegferð — þar sem fólkinu í landinu gefst tækifæri til að taka punktstöðu í hálffleik. Valkosturinn sem Samfylkingin býður upp á í næstu kosningum verður skýr — en það verður auðvitað í höndum fólksins í landinu að velja þessa leið.

Njótið lestursins. Og komið sem flest með okkur!

- Kristrún Frostadóttir, formaður Samfylkingarinnar – Jafnaðarflokks Íslands

Hér má lesa inngang Kristrúnar að Öruggum skrefum í heild sinni. 

1. Fólk fái fastan heimilislækni og heimilisteymi 

Eitt af því sem veldur óöryggi í heilbrigðiskerfinu er skortur á föstum tengilið sem þekkir sitt fólk og hefur yfirsýn. Það veldur líka álagi annars staðar í kerfinu.

Óöryggið er óhagkvæmt. Rannsóknir sýna að innlagnir á sjúkrahús eru 30% algengari hjá þeim sem hafa ekki fastan heimilislækni. Að auki hefur fólk með heimilislækni bæði lægri dánartíðni og meiri lífsgæði (e. quality-adjusted life-years).

Nú eru aðeins um 50% Íslendinga með fastan heimilislækni. Í Noregi er hlutfallið yfir 95%. Ljóst er að styrkja þarf heimilislækningar í landinu. En „heimilisteymi“ þar sem fjölbreyttur hópur heilbrigðisstarfsfólks skapar fasta tengingu við fólk er hluti af lausninni til framtíðar.

Samfylkingin vill að fólk upplifi öryggi og trausta tengingu við heilbrigðiskerfið.

Fólk fái fastan heimilislækni og heimilisteymi 

10 ára markmið um að allir Íslendingar fái heimilislækni og heimilisteymi 

Á fyrsta kjörtímabili setjum við fólk yfir 60 ára og langveika í forgang 


„Heimilisteymi“ á heilsugæslu sem veita fólki fastan tengipunkt við heilbrigðiskerfið — þetta er hægt að gera hratt 

Heilsugæslur fái fjárhagslegan hvata til að koma upp teymum heilbrigðisstarfsfólks sem sinnir tilteknum hópi einstaklinga 

Heimilisteymi auka aðgengi, skilvirkni og samfellu í þjónustu — maður þarf ekki alltaf tíma hjá lækni 


Tryggjum fasta tengingu við heilbrigðiskerfið fyrir alla Íslendinga

Hvatar til fastráðningar á heilsugæslu um land allt
> Niðurfelling námslána hjá læknum sem ráða sig til lengri tíma á svæðum þar sem læknaskortur er viðvarandi — horft til fordæmis frá Noregi 

Hluti nýrra námsplássa við læknanám í HÍ tekinn frá fyrir fjölbreyttari inntökuleiðir 
> Litið til bakgrunns eða tengsla við svæði þar sem læknaskortur er viðvarandi — á Íslandi koma 75% nýnema í læknanámi HÍ úr þremur framhaldsskólum og aðeins 5% koma úr skólum utan stórhöfuðborgarsvæðis 
> Fordæmi frá Svíþjóð: Ef inntökuskilyrði eru uppfyllt er horft til fleiri þátta en einkunnar á inntökuprófi 

Eyrnamerkt fjármagn til fjölgunar læknanema við HÍ
 > Fylgjum áætlun um fjölgun úr 60 í 75 nýnema árið 2024 og upp í 90 árið 2028 

Styrkjum sérnám í heimilislækningum og komum á fót sérnámi í héraðslækningum

Skilgreinum viðmiðum æskilegan fjölda skjólstæðinga á hvern heimilislækni 

„Pössum gólfið“ þar til markmið um heimilislækna og heimilisteymi nást: Bætum starfsaðstæður og tryggjum svigrúm fyrir öfluga grunnþjónustu áður en verkefnum heilsugæslu er fjölgað 

Styrkjum stoðþjónustu, fjárfestum í tæknilausnum og drögum úr skriffinnsku 
(sjá kafla 4: Meiri tími með sjúklingnum)

„Þyrfti maður ekki að hafa sinn tengilið í heilbrigðiskerfinu? Sérstaklega þau sem eru eldri. Fólk hittir alltaf nýja og nýja manneskju og það er það sem fólki finnst óöryggi í.“  — Garðabær, 1. apríl 2023 

„Það sem hvílir langþyngst á okkur er læknaskortur. Ástandið er mjög bagalegt á þetta stóru svæði og sérstaklega á veturna. Það er vont að vera ekki með fasta heimilislækna. Ég er kannski bara svona gamaldags en ég þoli ekki að byrja alltaf á allri rullunni frá því að maður var unglingur og allt til dagsins í dag. En sjálfsagt er þetta svona víðar á landinu.“ — Ísafjörður, 26. maí 2023 

2. Þjóðarátak í umönnun eldra fólks 

Brotakennd þjónusta við eldra fólk er einn helsti vandi heilbrigðiskerfisins í heild. Það sem er vanrækt í öldrunarþjónustu leiðir til ótímabærra innlagna á bráðamóttöku og á sjúkrahús. Og síðan er fólk geymt á göngunum vegna skorts á hjúkrunarrýmum — sem er óboðleg þjónusta og afleit nýting á skattfé.

Rannsóknir sýna að stærstur hluti kostnaðar við heilbrigðisþjónustu er við þau 10-15% eldra fóks sem veikast er á hverjum tíma; hóps sem glímir við fjölveikindi, færnitap eða félagslega erfiðleika. Það er viðkvæmasti hópurinn sem þarf að setja í forgang. Til þess verður að grípa inn fyrr og leggja áherslu á öfluga og vel fjármagnaða heimaþjónustu. Samhliða því verður að vinna upp uppbyggingarskuldina sem birtist í skorti á hjúkrunarrýmum fyrir þau sem þurfa. 

Samfylkingin vill leiða þjóðarátak í umönnun eldra fólks á Íslandi með virðingu að leiðarljósi. 

Þjóðarátak í umönnun eldra fólks 

Viðkvæmasta hópinn í forgang — með áherslu á öfluga heimaþjónustu

Viðurkennum að þetta kostar peninga og útheimtir pólitíska forgangsröðun 

Fækkum ótímabærum innlögnum eldra fólks á sjúkrahús 

Tryggjum eldra fólki fastan heimilislækni (sjá kafla 1: Fólk fái fastan heimilislækni og heimilisteymi)
> Inngrip fyrr hjá viðkvæmasta hópnum sem glímir við fjölveikindi eða færnitap 

Aukum fjármagn til heimahjúkrunar og eflum samþætta heimaþjónustu
 > Fjölbreyttur stuðningur til að auka lífsgæðin heima: heimahjúkrun, dagdvalir, félagslegur stuðningur, iðju- og sjúkraþjálfun

Byggjum sambýli fyrir einangraðasta hópinn sem glímir við félagslega erfiðleika 

Útskrifum fólk af sjúkrahúsum þegar meðferð er lokið 

Þjóðarátak í uppbyggingu og fjármögnun hjúkrunarrýma fyrir þá sem ekki geta búið heima þrátt fyrir öfluga samþætta heimaþjónustu 

Styrkjum rekstrargrunn hjúkrunarheimila til að bæta mönnun og umönnun eldra fólks á síðustu æviárum þess 

„Ég tala bæði sem læknir og ekki síður sem notandi og aðstandandi. Þið vitið öll hvernig talað er um Landspítalann. En að mínu mati liggur mesti vandinn ekki þar heldur í brotakenndri þjónustu við aldraða.“ — Reykjavík, 1. apríl 2023 

„Ég hef mestar áhyggjur af öldrunarmálum. Þetta fólk er búið að strita og púla fyrir okkur alla ævi og það er bara frumskylda okkar að fólki geti liðið vel þar sem það býr síðustu stundir ævi sinnar. Virðing og stolt eiga að vera leiðarljós og það þarf að passa upp á þetta mannlega.“ — Sauðárkrókur, 9. maí 2023 

Samþjöppun þjónustu í heilbrigðiskerfinu hefur að hluta bitnað á aðgengi og verið á kostnað heimila í dreifðum byggðum.

Fólk hefur réttmætar og raunsæjar væntingar um ákveðna grunnþjónustu hringinn í kringum landið (sjá kafla 1: Fólk fái fastan heimilislækni og heimilisteymi og kafla 2: Þjóðarátak í umönnun eldra fólks). En það skilur að erfitt getur reynst að veita flóknari þjónustu heima í héraði; hana þarf að sækja í þéttbýli og við verðum öll að hafa aðgengi að henni.

Þess vegna eru samgöngur heilbrigðismál. Og fyrsta hjálp getur skipt sköpum.

Samfylkingin vill að allir landsmenn hafi öruggt aðgengi að heilbrigðisþjónustu. Ef þjónustan er sótt yfir heiðina eða í gegnum fjallið þá verður það að vera öruggt fyrir sjúklinginn og hann á ekki að greiða flutninginn úr eigin vasa.

Öruggt aðgengi að heilbrigðisþjónustu um land allt 

Aukinn kraftur í styrkingu sjúkraflutninga og niðurgreiðslu ferðakostnaðar til að taka á áhrifum af samþjöppun í heilbrigðiskerfinu á undanförnum áratugum

Efling heilsugæslu (sjá kafla 1: Fólk fái fastan heimilislækni og heimilisteymi) og aukið aðgengi að sérfræðiþjónustu á landsbyggðunum (sjá kafla 5: Tökum ábyrgð á heilbrigðiskerfinu í heild)

Styrkjum fyrsta viðbragð um land allt og styttum viðbragðstíma, m.a. með sjúkra- og björgunarþyrlum 

Höggvum á hnútinn: Fjölgum þyrluáhöfnum Landhelgisgæslunnar og staðsetjum eina sérútbúna sjúkra- og björgunarþyrlu utan höfuðborgarsvæðisins
> Vel staðsett­ar sjúkra- og björgunarþyrl­ur yrðu bylt­ing í öruggu aðgengi allra Íslendinga að heil­brigðisþjón­ustu, til sjós og lands

Tryggjum læknisfræðilega ráðgjöf við bráðatilfelli með þjónustu „fjarskiptalæknis“

Vinnum áfram að hærra menntunarstigi sjúkraflutningafólks — ekki síst í dreifbýli þar sem fyrsta viðbragð skiptir mestu máli

Uppfærum greiðsluþátttöku hins opinbera þegar heilbrigðisþjónusta er sótt um langan veg

Tökum tekjutap fjölskyldna með í reikninginn
> Svo sem vegna vinnutaps og barnagæslu — þetta skiptir sérstaklega miklu máli fyrir fjölskyldur langveikra barna

Breytum reglum þannig að greiðsluþátttakan nái einnig til fyrirbyggjandi meðferða

Nýtum og eflum til muna velferðar- og heilbrigðistæknilausnir til að styðja við grunnþjónustu hringinn í kringum landið (sjá meira í kafla 4: Meiri tími með sjúklingnum)

„Samgöngumál eru líka heilbrigðismál hjá okkur. Þjónustan sem við fáum er góð en það verða líka að vera öruggar og tryggar samgöngur svo að við höfum aðgengi að henni þegar á þarf að halda. Og til að sjúkrabíllinn komist til og frá samfélaginu í neyðartilvikum.“ — Siglufjörður, 13. apríl 2023 

„Það sem snýr að venjulegu fólki hér er ekki síst kostnaðurinn sem við berum umfram til dæmis fólk á höfuðborgarsvæðinu. Ferðir, gisting og ég tala nú ekki um vinnutapið — ef til dæmis kona fer upp á land til að eignast barn og maðurinn fer með. Við borgum sömu skatta en fáum auðvitað ekki sömu þjónustu. Það ætti að koma betur til móts við okkur varðandi kostnaðinn.“ — Vestmannaeyjar, 31. maí 2023 

Ef mönnun í heilbrigðiskerfinu er ekki viðunandi getur það leitt af sér vítahring versnandi starfsaðstæðna og þjónustu — sem stuðlar svo aftur að verri mönnun. 

Um 25% hjúkrunarfræðinga á Íslandi hætta að starfa við fagið innan 5 ára frá útskrift. Það getur ekki verið hagkvæmt. Við verðum að halda í fólkið okkar.

Heilbrigðisstarfsfólk vill öruggar vinnuaðstæður og tíma til að sinna sjúklingum sínum vel

Á undanförnum árum hefur fjarað undan stoðþjónustu við heilbrigðisstarfsfólk og um leið fer sífellt meira af tíma þess í ýmiskonar skriffinnsku. Læknir á heilsugæslu ver sem dæmi að jafnaði um 50% af tíma sínum með sjúklingum.

Tæknilausnir munu ekki koma í stað mannlegra tengsla í heilbrigðisþjónustu. Þvert á móti, fjárfesting í nýrri tækni á að tryggja meiri tíma fyrir hið mannlega.

Samfylkingin vill að heilbrigðisstarfsfólk fái meiri tíma með sjúklingnum.

Sköpum aðstæður þar sem fólk vinnur við það sem það hefur menntað sig til að gera 

Styrkjum stoðþjónustu við heilbrigðisstarfsfólk, fjárfestum í nýjum tæknilausnum og drögum úr tímanum sem fer í skriffinnsku

Tökum stjórn á sjúkraskrárkerfunum og komum á einni miðlægri sjúkraskrá

Miðlæg sjúkraskrá dregur úr endurtekinni vinnu, bætir yfirsýn heilbrigðisstarfsfólks og eykur öryggi almennings

Tækni í heilbrigðiskerfinu á að vera á forsendum sjúklinga og heilbrigðisstarfsfólks, ekki tæknifyrirtækja sem selja þjónustuna

Fjölgum starfsfólki í stoðstéttum heilbrigðiskerfisins

Til að heilbrigðisstarfsfólk hafi meiri tíma með sjúklingnum þarf viðeigandi stoðþjónusta að vera til staðar — hvort sem það er umsjónarmaður fasteigna, heilbrigðisgagnafræðingur, tölvunarfræðingur eða sérhæft aðstoðarfólk

„Landspítalinn ver gríðarlegum fjármunum í að mennta fólk sem fer síðan í kulnun og til annarra starfa. Við erum með rosalega mikið af menntuðu heilbrigðisstarfsfólki sem vill ekki vinna í kerfinu vegna þess hvernig starfsaðstæðurnar eru. Þegar ég fór að vinna í Noregi var ég með einn bráðveikan sjúkling og einn venjulegan. Á Íslandi var ég kannski með upp í sex bráðveika og fólk hrökklast bara frá.“  — Blönduós, 8. maí 2023 

„Nýtt hús breytir náttúrulega ekki neinu ef það verður ekki meiri mannskapur. Og það þarf líka að bæta við fólki úr ýmsum stoðstéttum. Ég eyði hálfum deginum í skriffinnsku — skrifa niður nótur um sjúklinga, vottorð og tilvísanir. Í staðinn fyrir að ég gæti talað við helmingi fleiri sjúklinga yfir daginn ef það væri gervigreind sem skrifaði nótur til dæmis. Við þurfum að verja alltof miklum tíma í skriffinnsku í þessu kerfi.“  — Ungt heilbrigðisstarfsfólk í Reykjavík, 25. apríl 2023 

Heilbrigðisstarfsfólk ver alltof miklum tíma í að skrifa vottorð og umsóknir

Fylgjum tillögum starfshóps um vottorðagerð — meðal annars um að hætt verði að gefa út læknisvottorð fyrir veikindum í skemmri tíma en viku eða gjald vegna slíkra vottorða verði hækkað

Fjárfestum í nýjum tæknilausnum sem auka skilvirkni og skapa meiri tíma með sjúklingnum

Með því að draga úr tíma sem fer í skriffinnsku og uppflettingar heilbrigðisstarfsfólks má bæta samskipti við sjúklinga og skapa svigrúm fyrir hið mannlega

Hættum með flatar aðhaldskröfur sem koma í veg fyrir stafræna vegferð
> Fjármögnuð áætlun um stafræna vegferð í heilbrigðismálum eykur skilvirkni og dregur úr kostnaði til lengri tíma litið

Berum virðingu fyrir reynslu fólks og tímanum sem fer í að miðla henni

Hvatar til að byggja upp sérhæfða þjálfun og starfsreynslu á vinnustað — þannig fjárfestum við í þekkingu

Fleiri sjúkrastofnunum gert kleift að taka að sér starfsnema og umbunað fyrir það

5. Tökum ábyrgð á heilbrigðiskerfinu í heild

Stjórnmálafólk ber ábyrgð á heilbrigðiskerfinu í heild. Það gildir jafnt um opinberan rekstur og einkarekstur. Samfylkingin skilur kostina við blandað heilbrigðiskerfi. En flest sem fer úrskeiðis í kerfinu lendir í fangi sjúkrahúsa. Því er lykilatriði að ákvarðanir um útvistun til einkarekstrar veiki ekki getu sjúkrahúsa til að veita bráðaþjónustu eða aðra flókna þjónustu.

Stjórnmálafólk ber ábyrgð á heilbrigðiskerfinu

Rammi um sérfræðiþjónustu utan sjúkrahúsa ætti að grundvallast á kröfu um jafnt aðgengi — enda er þjónustan borguð með skattfé. Og auðvitað þarf öflugt eftirlit til að tryggja bestu nýtingu fjármuna í þessum stærsta útgjaldaflokki hins opinbera, óháð rekstrarformi.

Samfylkingin vill að einkarekstur í heilbrigðisþjónustu sé á forsendum hins opinbera. Enda er þjónustan greidd með skattfé almennings.

Tökum ábyrgð á heilbrigðiskerfinu í heild

Jöfnum aðgengi að heilbrigðisþjónustu — þar á meðal þjónustu sérgreinalækna

Bætum samspil einkarekstrar og sjúkrahúsa

Tryggjum Sjúkratryggingum Íslands bolmagn til að markmið um jafnt aðgengi og hagkvæmni náist í samningum við einkaaðila

Forsendur þess eru að fyrir liggi kröfulýsing um magn og gæði þjónustu og að eftirlit sé fullnægjandi

Aukum rekstrarfé Sjúkratrygginga sem hlutfall af veltu
> Stofnunin veltir 130 milljörðum á ári — en rekstrarfé hefur dregist saman á undanförnum árum

Í næstu samningum við sérgreinalækna verði lögð megináhersla á jafnara aðgengi um land allt:
> Þeir fái þjónustuna sem helst þurfa
> Þjónustan er fjármögnuð úr sameiginlegum sjóðum landsmanna — ekki á að veita hana á forsendum búsetu eða „fyrstur kemur, fyrstur fær“ eins og nú er

Endurskoðum og lækkum greiðsluþátttöku einstaklinga í heilbrigðiskerfinu

Eitt greiðsluþátttökukerfi fyrir heilbrigðisþjónustu og lyf eykur sanngirni og gagnsæi

Veitum sjúkrahúsum aukið svigrúm til að ákveða hvernig þau vinna með einkarekstri

Útvistun til einkarekstrar má ekki veikja getu sjúkrahúsa til að veita bráðaþjónustu eða aðra flókna þjónustu sem á að veita innan sjúkrahúsa

Aukið svigrúm og aukin ábyrgð sjúkrahúsa: Þau taki sjálf ákvarðanir um útboð til einkarekstrar

Eflum eftirlit með hagkvæmri ráðstöfun fjármuna, óháð rekstrarformi

Sjúkratryggingar og embætti landlæknis fái bolmagn til að sinna eftirlitshlutverki sínu

Innra og ytra eftirlit með heilbrigðisstofnunum í opinberum rekstri

Samfylkingin stefnir að því að auka fjárframlög til heilbrigðis- og öldrunarmála í skrefum til að styrkja kerfið og standa undir þjóðarmarkmiðunum fimm. Örugg skref í rétta átt fela í sér að á tveimur kjörtímabilum undir stjórn jafnaðarfólks muni framlög til heilbrigðis- og öldrunarmála hækka sem nemur 1 - 1,5% af landsframleiðslu á ársgrundvelli miðað við núverandi fjárlög. Slíkt viðbótarfjármagn mun skipta sköpum til að nýta betur það fjármagn sem nú þegar er veitt til málaflokksins.

Fjárlög ársins 2024 gera ráð fyrir 7,6% af landsframleiðslu í heilbrigðis- og öldrunarmál ef litið er framhjá framlögum til uppbyggingar Nýja Landspítalans. Það verkefni mun ekki fara frá okkur. Fjármagn verður áfram tryggt í verkefnið enda fjárfesting til áratuga. En eftir standa undirliggjandi rekstraráskoranir. Það er reglulegur rekstur sem útheimtir föst fjárframlög — sem þarf að fjármagna að fullu.

Rétt fjármögnuð úrræði munu spara okkur hundruð milljarða fram í tímann. Alltof lengi hafa ráðamenn komist upp með að verja peningum í að leysa stök verkefni á meðan grunnvandinn stendur óleystur og býr til kostnað annars staðar í kerfinu.

Við rekum í dag okkar dýrustu legudeildir fyrir eldra fólk á sjúkrahúsum landsins í stað þess að annast fólkið okkar í réttum og velfjármögnuðum úrræðum. Við vitum að líkur á innlögn og notkun flóknari og dýrari heilbrigðisþjónustu eru 30% meiri ef fólk hefur ekki fastan heimilislækni. Og vanfjárfesting í tæknilausnum sem henta heilbrigðiskerfinu hefur leitt til þess að tækifæri til sparnaðar í rekstri fara forgörðum.

Valkosturinn sem Samfylkingin býður fólkinu í landinu upp á er að við sameinumst um nýja leið — til að bæta lífsgæði fólks og treysta reksturinn í málaflokknum. Til þess verðum við að sameinast um að sækja tekjur og taka meðvitaða ákvörðun um að fjármagna vegferðina. Annars fáum við kostnaðinn í fangið síðar meir en samsetningin verður ekki með þeim hætti sem við hefðum óskað.

Við getum hafið þessa vegferð, í átt að sterkari velferð og betur reknu ríki, með nokkrum öruggum skrefum.

Árleg fjárframlög til heilbrigðis- og öldrunarmála hækki um 1-1,5% af vergri landsframleiðslu

Fjárframlög aukin jafnt og þétt á 8 árum — tveimur kjörtímabilum

Fjármögnun tryggð á tekjuhlið ríkissjóðs

Á tæpum áratug getum við sem samfélag fjármagnað þessa vegferð — meðal annars með því að:

Draga úr misræmi milli skattlagningar fjármagns- og launatekna

Tryggja að arður af sameiginlegum náttúruauðlindum nýtist í þágu samfélagsins alls
> Útfært nánar eftir samtal við fólkið í landinu um atvinnu og samgöngur veturinn 2023 til 2024

Endurskoða tekjuskattskerfið með það markmið að færast nær velferðarsamfélögum Norðurlanda
> Útfært nánar eftir samtal við fólkið í landinu um húsnæðis- og kjaramál frá vori fram á haust 2024

„Ef við ætlum að gera stórátak í heilbrigðiskerfinu sem víða er þörf á – þá þarf náttúrulega að ná þjóðarsamstöðu. Hvar ætlum við að ná fjármagninu? Ætlum við að fara í skattahækkanir? Kannski er þjóðin til í það en þetta gæti orðið stórt mál í næstu kosningum.“ 

Það er auðvitað sorgleg staðreynd að öllum þessum árum síðar séu konur enn í þeim sporum að þurfa að leggja niður störf og mótmæla en það er því miður veruleikinn.

Í dag hafa konur 21% lægri atvinnutekjur en karlar. 40% kvenna verða fyrir kynbundnu ofbeldi á lífsleiðinni og samkvæmt nýjum þjóðarpúlsi Gallups um verkaskiptingu á heimili sinna konur í mun meira mæli heimilisstörfum en karlkyns makar þeirra.

Þegar konur í gagnkynhneigðum samböndum voru spurðar um hvernig heimilisverkin skiptust á milli þeirra og maka sögðust 67% sinna þeim meira. Á sama tíma sögðust 12% karla sinna heimilisstörfum í meira mæli. Þegar kemur að umönnun barna sögðust 59% kvenna sinna þeim meira en karlkyns maki. 31% karla telja kvenkyns maka sinn sinna börnum sínum meira en einungis 2% kvenna telja karlkyns maka sinna börnum meira en þær.

Um leið og ég hvet konur til að taka þátt næsta þriðjudag þurfum við karlar líka að taka þessa stöðu alvarlega. Við þurfum ekki síður að leggjast á árar til að breyta þessari ólíðandi stöðu. Við skulum sýna samstöðu með kröfum kvenna á þriðjudaginn og raunar alla daga. Óhjákvæmilega verða margir skólar og leikskólar óstarfhæfir og þess vegna vil ég hvetja feður, afa, bræður, til að gera ráðstafanir á morgun og tryggja þátttöku kvenna í verkfallinu.

Látum konur ekki einar standa í baráttunni fyrir jafnrétti.

Greinin birtist á visi.is 23. október 2023.

Á morgun er heilsdags kvennaverkfall á Íslandi og þá eru komin 48 ár síðan konur lögðu niður störf og mótmæltu um allt land með mjög eftirminnilegum hætti.

Líðandi stund: málstofa um atvinnu og samgöngumál

Ásdís Helga Jóhannsdóttir, ný kjörin varaformaður ASÍ ung 

Aðalsteinn Árni Baldursson, formaður Framsýnar 

Eiður Stefánsson, formaður Félags verslunar- og skrifstofufólks Akureyri og nágrenni 

Trausti Jörundarson, formaður Sjómannasambands Eyjafjarðar 

form. Verkalýðsmálaráðs Samfylkingarinnar

Málstofa Verkalýðsmálaráðs Samfylkingarinnar: Atvinnu- og samgöngumál 

Góðir landsmenn.
Á hægri fæti innskeifur en útskeifur á vinstri
eftir þekktu mynstri.
Hlaut að ganga í hringi,
hafnaði á þingi.

Svona yrkir Þórarinn Eldjárn og gerir létt grín að meintum hringlandahætti þingmanna þar sem efndir fylgja ekki alltaf orðum. Mér finnst vísan að minnsta kosti eiga vel við ríkisstjórnina sem kemst hvorki áfram né afturábak. Það er kannski skiljanlegt. Þegar búið er að taka ágreiningsmál á milli stjórnarflokkanna út af borðinu er fátt eftir nema vellíðan sem valdastólar gefa. Þá fer pólitíkina að vanta í pólitíkina.

Sannleikurinn er sá, kæru landsmenn, að það ríkir megn óánægja með sitjandi ríkisstjórn: Heilbrigðisþjónustan líður fyrir úrræðaleysi stjórnvalda og mönnunarvandinn þar er óleystur. Samningar við sérgreinalækna hafa verið lausir í fjögur og hálft ár og fólkið sem þarf á þjónustu þeirra að halda greiðir háar upphæðir úr eigin vasa og þau efnaminni fresta því að fara til læknis. Almannatryggingar eldra fólks og öryrkja hafa dregist enn frekar aftur úr lágmarkslaunum og lífeyrisréttindi rýrna. Ríkisstjórnin dregur lappirnar við uppbyggingu félagslegs húsnæðis og lætur eins og vöxtur ferðaþjónustunnar valdi ekki álagi á innviði og húsnæðismarkað.

Það er aðkallandi að bæta kjör og styrkja stöðu ungs fólks og barnafjölskyldna. Ójöfnuð sem birtist í óréttlátri skattastefnu og aukinni gjaldtöku í heilbrigðiskerfinu þarf að stöðva strax. Það verður að jafna leikinn.

Grunur hefur vaknað um vond vinnubrögð við sölu ríkiseigna og sala hluta í Íslandsbanka til útvalinna er tortryggð. Ríkisstjórnin færir eignir og auðlindir þjóðarinnar á silfurfati á afslætti til fámenns hóps auðmanna.

Sjálfvirknivæðing færist stöðugt í aukana og mun leiða til mikilla breytinga á vinnumarkaði en ríkisstjórnin grípur ekki til aðgerða til að undirbúa þær stórfelldu þjóðfélagsbreytingar.

Ógnin sem stafar að loftslagsbreytingum af mannavöldum er raunveruleg og nánast áþreifanleg en ríkisstjórnin grípur ekki til aðgerða þar sem skipta máli.

Í þessum brýnu úrlausnarmálum er ríkisstjórnin aðgerðalaus. Ég kalla eftir stefnu í þessum efnum og aðgerðaráætlunum þar sem velferð almennings er höfð að leiðarljósi og tryggt að kostnaður falli ekki á herðar tekjulægri hópa eða íbúa í dreifðum byggðum, umfram aðra.

Endurskoðun laga um stjórn fiskveiða og laganna um eftirlit og heimildir Fiskistofu stendur yfir. Betri lög verða að vinna gegn samþjöppun í sjávarútvegi, gera nýliðun í greininni mögulega og hámarka arð þjóðarinnar af auðlindinni.

Samfylkingin vill réttlátari skiptingu arðsins sem auðlindir okkar gefa. Við viljum líka að þjóðin fái að kjósa um áframhald viðræðna við Evrópusambandið og ef jákvæð niðurstaða fæst, taka upp stöðugri og ódýrari gjaldmiðil en íslensku krónuna.

Það er stundum sagt að það að breyta kerfum sé eins og að flytja kirkjugarð – að ekki megi búast við hjálp frá þeim sem þar eru fyrir. En við þurfum ekki og eigum ekki að gera allt á forsendum þeirra fáu sem hagnast á að viðhalda óbreyttum kerfum.

Ágætu landsmenn. Víða í Evrópu líkt og hér heima er kynnt undir tortryggni í garð innflytjenda og flóttamanna og búinn til andstæðingur úr öllum þeim sem þykja skera sig úr, hvort sem er á grundvelli trúarbragða, uppruna eða litarháttar. Andrúmsloftið að þessu leyti er farið að minna á öfga fasismans sem kynnti ófriðarbálið á fjórða áratug 20.aldar. Friðelskandi þjóð á alltaf að beita sér gegn slíkri þróun. Umburðarlyndi, samkennd og jöfnuður er afl friðar.

Ef við sem erum á þingi göngum bara í hringi breytist ekkert.

Baráttan fyrir mannréttindum og gegn misskiptingu auðs og misbeitingu valds, baráttan fyrir bættum kjörum lágtekjufólks ásamt menntun og velferð fyrir alla íbúa þessa lands, er í mínum huga ein og sama baráttan. Barátta jafnaðarmanna fyrir betra samfélagi.

Góðar stundir.

Ræða Oddnýjar í eldhúsdagsumræðum á Alþingi 7. júní 2023.

Ræða Oddnýjar: „Barátta jafnaðarmanna fyrir betra samfélagi“

Bæjarmálafundur verður haldinn í Sunnuhlíð kl. 20 í kvöld. Farið verður yfir stöðu mála í nefndum og efni næsta bæjarstjórnarfundar verður til umræðu en dagskrá hans má sjá hér fyrir neðan.

Öll velkomin! 

Þar gerðu stjórnarandstaðan lokatilraun til þess að færa orkukostinn Hvammsvirkjun í biðflokk áætlunarinnar ásamt Urriðafoss- og Holtavirkjun. Meiri hluti Vinstrigrænna, Framsóknar- og Sjálfstæðiflokks felldi breytingartillögu um að færslu Hvammsvirkjunar í biðflokk en lagði þó til að Holta- og Urriðafossvirkjanir færu í biðflokk. Það hefði verið borðleggjandi að láta kostina þrjá fylgjast að enda allir kostir í byggð. Í staðinn lagði meiri hlutinn í umhverfis- og samgöngunefnd Alþingis það til að Hvammsvirkjun yrði höfð til hliðsjónar  við sérstaka úttekt á áhrifum framkvæmdanna þriggja í nærsamfélagi þeirra. Niðurstaða þeirrar skoðunar liggur enn ekki fyrir en hitt er alveg ljóst að áformaðar virkjanir í byggð hafa klofið samfélögin við Þjórsá í tvo áratugi. Í dag er reiðin og sorgin vegna Hvammsvirkjunar áþreifanleg.

Á dögunum bárust fréttir af því að sveitarstjórn Skeiða- og Gnúpverjahrepps hefði samþykkt að veita Landsvirkjun framkvæmdaleyfi fyrir Hvammsvirkjun. Mun það hafa verið samþykkt með fjórum atkvæðum gegn einu. Sveitarstjórn Rangárþings ytra hefur enn ekki afgreitt framkvæmdaleyfi virkjunarinnar fyrir sitt leyti. Það hefur mátt skilja á sumum sveitarstjórnafulltrúum á svæðinu að fyrst kosturinn hafi verið afgreiddur í nýtingarflokk á Alþingi þá sé þeim nauðugur einn kostur að veita framkvæmdaleyfið. Það er fjarri öllum sanni og sveitarstjórnafólk veit auðvitað betur. Hver sveitarstjórn fer með skipulagsvaldið og leggur sjálfstætt mat á veitingu framkvæmdaleyfa. Þá hefur einnig heyrst að sveitarstjórnum finnist þær fá lítið fyrir sinn snúð þegar reist er virkjun í sveitarfélaginu. Á því sjónarmiði hef ég meiri skilning. Í fljótu bragði finn ég ekki annan beinan fjárhagslegan ávinning af Hvammsvirkjun í Skeiða- og Gnúpverjahreppi en rammasamning við Landsvirkjun sem skilaði hreppnum 70 milljónum króna árið 2008. Það getur varla talist mikill fjárhagslegur ávinningur.

Í ljósi sögu áforma um virkjanir í neðri Þjórsá er ekki nema von að fólk reki upp stór augu og spyrji réttilega í hvað orkan eigi að fara. Nýlega vakti Snæbjörn Guðmundsson jarðfræðingur athygli á því að orkusala til rafmyntagraftar væri jafnmikil þeirri orku sem seld er til allra heimila hér á landi og spurði hvort þau 90MW sem eiga að fást úr Hvammvirkjun verði seld til rafmyntagraftar. Það er eðlileg spurning sem stjórn og stjórnendur Landsvirkjunar þurfa að svara. Það skiptir nefnilega máli í hvers konar verkefni takmarkaðar náttúrulegar orkuauðlindir Íslands eru seldar.

Greinin birtist í Morgunblaðinu 16. júní 2023.

Pistill þessi er ritaður réttu ári eftir að Alþingi afgreiddi þriðja áfanga áætlunar um vernd og orkunýtingu landssvæða, svokallaða rammaáætlun. 

Leit um „��“

2328 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Vertu í bandi:

Leit um „���������������������������“