Samfylkingin í Suðurkjördæmi ásamt Kristrúnu Frostadóttur, formanni Samfylkingarinnar, bjóða íbúum á Hvolsvelli og nágrennis til opins fundar.

Á fundinum verður farið yfir hin þrjú áherslumál Samfylkingarinnar fyrir komandi alþingiskosningar:

- Framkvæmdaplan í húsnæðis- og kjaramálum
- Krafa um árangur í atvinnu- og samgöngumálum
- Örugg skref í heilbrigðis- og öldrunarmálum

Önnur málefni verða einnig opin til umræðu. Í kjölfarið verður íbúum boðið að spyrja frambjóðendurna ásamt Kristrúnu spurninga.

Við hvetjum alla, sama þó að þið séuð ákveðin eða óákveðin, að koma og taka þátt í mikilvægu samtali.

Samfylkingin í Kraganum opnar kosningamiðstöð sína fyrir gestum og gangandi á laugardaginn kemur, þann 9. nóvember kl. 14:00, í Samfylkingarhúsinu í Hafnarfirði á Strandgötu 43.

Á boðstólum verða vöfflur að hætti hússins, kaffi og svalar fyrir börnin! Blaðrarinn verður í heimsókn á milli kl. 14:15 og 15:30.

Okkar frábæru frambjóðendur verða mætt á staðinn og eru heldur betur til í gott spjall!

Við bjóðum öll velkomin í heimsókn til okkar og hlökkum til að sjá ykkur!

Endilega smelltu á "Going" á viðburði á Facebook.

Það getur verið ruglingslegt þegar flokkar sem hafa stýrt landinu í lengri tíma láta skyndilega eins og þeir hafi ekkert haft með stýringu á þjóðarskútunni að gera. Flokkar sem hafa rekið ríkissjóð í halla árum saman, og eru með áform um að gera það áfram þannig að hann verði í mínus í að minnsta kosti níu ár. Flokkar sem hafa kerfisbundið fjársvelt velferðarkerfin til að geta ráðist í ófjármagnaðar skattalækkanir og ýtt undir frekari einkavæðingu. Flokkar sem hafa hlíft breiðum bökum við eðlilegum álögum en þess í stað stóraukið skuldsetningu ríkissjóðs og þar með árlegan vaxtakostnað upp í 114 milljarða króna.

Flokkar sem hafa sýnt slíka óstjórn í efnahagsmálum að verðbólga fór um tíma í tveggja stafa tölu og hefur verið yfir markmiði í fjögur ár, sem leitt hefur af sér að stýrivextir hafa nú verið yfir níu prósent í meira en 14 mánuði. Afleiðingar þess eru þær að heimili landsins borguðu 40 milljörðum krónum meira í vexti í fyrra en þau gerðu tveimur árum áður.

Í stuttu máli, flokkar sem segja eitt, en gera annað.

Þegar illa gengur hjá þessum flokkum að selja venjulegu fólki með sjónhverfingum að óstjórn sé stöðugleiki, en sjö af hverjum tíu íbúum telja íslenskt samfélag vera á rangri leið, þá grípa þeir til þess ráðs að reyna að hræða það frá því að kjósa breytingar. Helsta töfrabragðið þar er að vara við því að félagshyggjuflokkar muni hækka skatta á heimilin.

Það gengur illa hjá þessum flokkum núna og skattagrýlan hefur verið dregin fram í dagsljósið að nýju. Öll sömu gömlu trikkin ganga í endurnýjun lífdaga. Kastljósið beinist eðlilega að þeim flokki sem flestir kjósendur virðast binda vonir við að geti breytt kerfum sem virka bara fyrir suma en alls ekki alla, Samfylkingunni.

Hún er eini flokkurinn sem hefur lagt fram skýrt langtímaplan um hvað stendur til að gera á næstu árum til að mæta þjóðinni í þeim málum sem brenna helst á henni. Plan um að ná aftur stjórn á fjármálum ríkisins, að stíga örugg skref til að leysa áskoranir í heilbrigðis- og öldrunarmálum, að rjúfa stöðnun í atvinnu- og samgöngumálum og leysa bráðavanda í húsnæðis- og kjaramálum til skemmri og lengri tíma.

Plan sem breytir samfélaginu til hins betra.

Útspilin þrjú fela í sér vöxt með velferð, í stað þess að halda áfram að búa til hagvöxt á kostnað velferðar líkt og verið hefur.

Framkvæmdarplanið er fullfjármagnað og því hlutlaus með tilliti til ríkisfjármála. Það felur í sér aukin rekstrarútgjöld upp á um 1,75 prósent af landsframleiðslu. Til að setja það í samhengi þá

eru áætluð útgjöld ríkissjóðs nú rétt undir 30 prósent af landsframleiðslu. Þarna er því ekki um að ræða eitthvað óhóf en samt nóg til að leysa Ísland úr fjötrum aðgerðarleysis og stöðnunar síðustu ára.

Ef fólk vill frekar skoða þessar stærðir í krónum og aurum þá yrði árlegur viðbótarkostnaður vegna plansins um 80 milljarðar króna á ári miðað við núverandi landsframleiðslu þegar það væri að fullu komið til framkvæmda, sem gerist yfir nokkurra ára tímabil. Þessir fjármunir verða sóttir með því að auka álögur á breiðu bökin, taka til í ríkisrekstrinum og stuðla að sjálfbærum hagvexti. Aukinni verðmætasköpun verður náð með því að auka framleiðni í hagkerfinu og þar með hagvöxt á mann með auknum umsvifum í atvinnulífi, í stað þess að hagvöxtur byggi á fólksfjölgun líkt og verið hefur. Hagvöxtur drifinn áfram af fólksfjölgun lítur kannski vel út þegar horft er á hann einan og sér. En þegar hagvextinum er deilt niður á íbúa þá kemur í ljós að hann er minni en í flestum samanburðarríkjum, er ekki sjálfbær og hefur mikil, og alvarleg, neikvæð hliðaráhrif á önnur svið samfélagsins. Á húsnæðismarkað. Á heilbrigðiskerfið. Á skólanna, samgöngur, löggæslu og aðra innviði.

Meirihlutinn verður sóttur með svigrúmi sem verður til með skilvirkari ráðstöfun opinberra fjármuna, álagningu almennra auðlindagjalda á sjávarútveg, eldi, ferðaþjónustu og orku, hækkun fjármagnstekjuskatts úr 22 í 25 prósent og aðgerðum til að skrúfa fyrir skattaglufur sem hafa meðal annars gert fjármagnseigendum kleift árum að telja fram launatekjur sem fjármagnstekjur, og greiða fyrir vikið mun lægri skatta en aðrir til samneyslunnar. Í þessu plani eru engin áform um að hækka tekjuskatt á heimili landsins né að auka skuldir ríkissjóðs til að fjármagna það.

Þurfum við að hafa miklar áhyggjur af þeim sem þurfa að greiða aðeins meira til samneyslunnar til að endurreisa velferðarkerfið? Svarið við því er nei.

Samkvæmt skattframtölum voru fjármagnstekjur landsmanna alls 303 milljarðar króna á árinu 2023 og hækkuðu um 61 milljarða króna, eða 25 prósent, milli ára. Af þessum fjármagnstekjum þénaði efsta tekjutíundin 211 milljarða króna, eða um 70 prósent þeirra allra. Þar er borð fyrir báru að greiða fjármagnstekjuskatt í anda hinna Norðurlandanna.

Áratugum saman hefur verið til staðar skattaglufa hérlendis sem felur í sér að tekjuháir einstaklingar geti talið launatekjur fram sem fjármagnstekjur í gegnum einkahlutafélög og þannig komið sér undan því að greiða sömu skatta og annað launafólk.

Alþýðusamband Íslands (ASÍ) áætlaði fyrir nokkrum árum að hið opinbera verði af um átta milljörðum króna vegna þess ári, sem eru um tíu milljarðar króna á núvirði. Það að loka þessu ehf-gati með aðferðum sem tíðkast á hinum Norðurlöndunum er ekki bara samfélagslega hagkvæmt, heldur sanngirnis- og réttlætismál.

Réttmætt gjald fyrir nýtingu auðlinda

Nokkuð ljóst er að það er ekki mikil andstaða hjá þjóðinni að þeir sem nýta sameiginlegar auðlindir hennar greiði réttmætt gjald fyrir þá nýtingu. Í nýlegri könnun ASÍ kom fram að 57 prósent svarenda töldu að hlutdeild almennings í þeim arði sem verður við nýtingu auðlinda á Íslandi væri ranglát. Einungis 26 prósent töldu hana réttláta. Einvörðungu kjósendur Sjálfstæðisflokksins voru í meirihluta á þeirri skoðun að skiptingin á hagnaðinum af nýtingu sameiginlegra auðlinda væri réttlát.

Þótt meginþorri arðseminnar af orkunýtingu skili sér í samneyslu vegna þess að stærstu orkufyrirtækin eru í opinberri eigu þá hefur einka­reknum orku­fram­leiðslu­fyr­ir­tækjum fjölgað. Það kallar á skýran ramma og orkuskatt. Ferðaþjónusta er orðin ein af stærstu atvinnuvegum þjóðarinnar og hefur hingað til notið skattaívilnunar. Leggja þarf á sanngjarnt auðlindagjald með aðgangsstýringu í þeim geira. Samhliða því að tekjur af fiskeldi í sjó vaxa munu tekjur ríkissjóðs af auðlindagjöldum sem leggjast á þann atvinnuveg vaxa líka.

Sjávarútvegur einn og sér hefur, samkvæmt tölum sem Deloitte tekur saman árlega fyrir geirann, hagnast um 190 milljarða króna frá byrjun árs 2021 og út árið 2023. Þetta er hagnaður eftir alla fjárfestingu og greiðslu allra opinberra gjalda, meðal annars veiðigjalda. Síðustu ár hefur kakan skipst þannig að um 70 prósent af hagnaði fyrir greiðslu opinberra gjalda hefur setið eftir hjá útgerðunum en um 30 prósent farið í samneysluna. Hærra auðlindagjald á sjávarútveg með þrepaskiptingu til að hlífa smærri útgerðum, til að ná stærri hluta af auðlindarentunni til þjóðarinnar án þess að ráðast í meiriháttar kerfisbreytingar, er ekki bara góð leið til að afla fjár til að reisa við velferðarkerfið. Það er sanngjarnt og réttlátt.

Það er skref í átt að samfélagslegri sátt.

Kæru kjósendur. Ekki láta hræða ykkur frá því að kjósa yfir ykkur kerfisbreytingar sem eru á forsendum almannahags, ekki sérhagsmuna. Látið frekar von, þor og bjartsýni um að hlutirnir þurfi ekki að vera eins og þeir eru stýra því hvert atkvæði ykkar fer.

Það er ekki einhver pólitískur ómöguleiki að breyta íslensku kerfunum úr því að vera valdakerfi þar sem gæðum er úthlutað í að vera þjónustukerfi þar sem gæði eru tryggð. Það er vel hægt að gera það án þess að auka álögur á heimilin í landinu.

Það er kominn tími á breytingar. Það er kominn tími á uppfærslu. Það er kominn tími á alvöru efnahagslegan stöðugleika. Það er kominn tími á ríkisstjórn sem byggir upp lífskjör og velferð á́ grundvelli ábyrgrar hagstjórnar og verðmætasköpunar. Sem leggur áherslu á almannahag ekki sérhagsmuni. Sem starfar fyrir fólkið í landinu.

Greinin birtist á visi.is 31. október 2024.

Það sem einkennir kosningar á Íslandi er að ýmsir flokkar virðast skyndilega detta niður á mjög einfaldar lausnir á mjög flóknum vandamálum nokkrum vikum áður en þær fara fram. Þessum lausnum er svo oft pakkað í glansandi umbúðir af markaðssérfræðingum og reynt að selja þær í skiptum fyrir atkvæði.

Það er kominn tími á upp­færslu á Ís­landi

Breytt samfélagsgerð, ólíkar kynslóðir og tækniþróun kalla á nýja hugsun í þjónustu við okkur sem erum að eldast - hresst eldra fólk, eldra fólk þar sem færni hefur minnkað og þau sem glíma við heilsubrest og þurfa á stuðningi að halda við daglegt líf. Samkvæmt mannfjöldaspám Hagstofu Íslands stendur þjóðin frammi fyrir sömu áskorunum og nágrannaþjóðir okkar. Árið 2020 var hlutfall fólks yfir 65 ára 14%, árið 2038 er áætlað að það hlutfall verði yfir 20% mannfjöldans og árið 2064 yfir 25%. Þannig mun mín kynslóð, næsta kynslóðin á undan mér og þær sem á eftir koma, lifa lengur, vera fjölmennari og gera meiri kröfur á samfélagið hvað varðar þjónustu, lífsgæði og heilbrigði.

Ákall um nýja hugsun, aðra vídd og öðruvísi þjónustu

Hvernig getum við brugðist við ólíkum þjónustuþörfum þegar þær banka upp á, verið í senn fyrirbyggjandi en samt tilbúin þegar tímabundin veikindi steðja að, langtíma heilsubrestur eða þegar maki fellur frá. Öll viljum við sitja við stýrið, stjórna ferðinni sjálf og sú kynslóð sem er að skríða yfir 67 ára tímalínuna er engin undantekning. Mörg hver hafa haft tækifæri til að mennta sig, búa erlendis og ferðast um heiminn, eiga farsæla starfsævi að baki og koma fjölskyldu á legg. Jafn fjölbreyttur hópur eins og samfélagið okkar er. Kynslóð sem gerir meiri kröfur á þjónustu og umgjörð, eru kröfuharðari neytandi og því þarf að endurhugsa þjónustu við eldra fólk og verðugt að spyrja hvernig borg viljum við eldast í?

Forvarnaheimsóknir, þjónustukort eða heimsóknahringur

Forvarnaheimsóknir gætu verið lausn sem væri áhugavert að skoða. Heimsókn stæði til boða frá fagfólki öldrunarþjónustu borgarinnar en borgarinn fengi bréf þar sem boðið væri upp á heimsókn frá fagteymi heimaþjónustu og samtal yrði tekið um stöðu borgarans í lífinu. Samtalið getur snert daglegt líf, líðan, félagsleg tengsl, húsnæði, fjármál og heilsufar. Kynnt væri sú þjónusta og úrræði sem í boði eru og henta hverju sinni. Það má líka afþakka heimsóknina en hún myndi standa öllum þeim er hafa náð 75 ára aldri, hafa misst maka sinn eða búa eitt. Markmiðið er að skapa persónuleg tengsl, byggja brú trausts milli borgarans og starfsfólks, leggja út net sem grípur þau sem þess þurfa, jafnvel þau sem átta sig ekki á þörfinni og um leið kortleggja þjónustuþörf til að nýta sem best gæði þjónustunnar.

Þjónustukort er áhugaverð gerð þjónustu sem mig langar að leggja fram en kortið er skilgreint fyrir þau sem þurfa stuðning við persónulegar athafnir daglegs lífs eða eru með veikt félagslegt tengslanet. Þjónustan veitir auka 30 mínútur á viku með starfsfólki heimaþjónustu og borgarinn sjálfur ráðstafar í hvað tímanum er varið. Hægt væri að safna tímum saman og nota í lengri stund eða í hóphittingi með félögunum. Tímann væri hægt að nota til að fara á kaffihús, í bíó, safnaheimsóknir, gönguferðir, hengja upp jólaskraut, þrif, heimsókn í blómabúð, spila, hlusta á tónlist, skoða myndir, bað, klippingu, tölvukennslu, handsnyrtingu, heimsókn til fjölskyldu og vina eða skipta um ljósaperu. Óþrjótandi möguleikar en umgjörðin er mannleg reisn, borgarinn í öndvegi, hann stýrir ferðinni.

Það getur verið snúið fyrir maka þess sem missir heilsu og þrek að sinna eigin hreyfingu, tómstundum eða vinum. Skyldur við makann taka yfir allt daglegt líf. Heimsóknahringur væri stuðningsþjónusta sem gæti brúað bil þarfa beggja hjóna - makans sem þarf að komast út og þess sem heima situr og þarf tilbreytingu. Hringurinn samsettur af fólki sem hjónin þekkja til, hafa fylgt þeim yfir ævina, gæti verið fjölskylda, vinir, börn vina eða annað samferðafólk. Heimsóknum yrði skipt niður á vikur og á meðan heimsókn stendur yfir gefst makanum tækifæri til að sinna sér og sínum áhugamálum, fær andrými sem oft vantar inn í daglegt líf eldra fólks við þessar aðstæður. Stuðningur borgarinnar felst í skipuleggja umgjörðina, veita hvatningu og fylgja eftir.

Málstjóri tryggir farsæla þjónustu við eldra fólk

Reykjavíkurborg innleiddi á síðasta kjörtímabili umbreytingu á þjónustu við börn og fjölskyldur þeirra þegar Betri borg fyrir börn komst til framkvæmdar. Þar er leitast við að veita viðeigandi stuðning sem fyrst, þétta samstarf velferðasviðs og skóla- og frístundasviðs í þjónustumiðstöð hverfisins til bæta þjónustu við börn og fjölskyldur með því að færa hana í skólaumhverfi barnsins. Málstjóri annast barnið og fjölskylduna en hans verkefni er að veita ráðgjöf og upplýsingar um þjónustu í þágu farsældar barna. Aðstoða við að tryggja aðgang að mati og/eða greiningu á þörfu, bera ábyrgð á gerð stuðningsáætlunar og að stýra stuðningsteymi, fylgja eftir að þjónusta sé veitt í samræmi við stuðningsáætlun og veita þeim sem sitja í stuðningsteymi ráðgjöf og upplýsingar um samþættingu þjónustu barnsins. Við þurfum málstjóra til að tryggja farsæld eldra fólks þegar þjónustuþörfin vex. Málstjóri er þjónustubrú yfir í viðeigandi úrræði og tekur utan um borgarann og fjölskyldu hans, tryggir réttar greiningar, samfellu í þjónustu, að stuðningsáætlanir og endurhæfing sé gerð ásamt að tryggja ráðgjöf til þeirra sem standa næst borgaranum næst.

Þegar líður að kveðjustund ætti að vera val um hvort líknarþjónusta sé veitt heim því sumir vilja deyja heima, deyja hjá sínum nánustu í því umhverfi sem þau þekkja og líður best í en ekki á stofnun eða sjúkrahúsi. Þetta á ekki við öll en sum og ætti að vera þjónusta sem tekur utan um vilja einstaklings og fjölskyldu hans um hvar hann vill deyja. Oft eru aðstandendur að þolmörkum komnir og því brýnt að skoða þann möguleika hvernig hægt væri að útfæra líknandi meðferð fyrir eldra fólk í heimahúsi fyrir þau sem þess óska.

Kynslóðir breytast og þarfir þeirra með - tökum samtalið

Kynslóðir breytast og þarfir þeirra með. Borg framtíðar verður til núna og því mikilvægt að kalla eftir umræðu um hvernig borg við viljum eldast í, hvernig þjónustu við sjáum fyrir okkur. Viljum við vera við stýrið, leggja línurnar? Reykjavíkurborg er vinna að stefnumótun um þjónustu við eldra fólk. Ofangreindar hugmyndir eru settar fram til að kalla eftir samtali, milli kynslóða, milli hjóna, milli fjölskyldna. Við sem samfélag þurfum að hugsa út fyrir kassann okkar, umbreyta þjónustunni með nýjum leiðum, annarri nálgun. Við þurfum á ykkur að halda til að koma inn með hugmyndir um hvernig þjónusta framtíðar á að vera og því viljum taka samtalið við fleiri kynslóðir á komandi vikum því vonandi eldumst við öll og ber gæfa til að eiga farsæla öldrun.

Greinin birtist á visi.is 3. febrúar 2024. 

Samfylkingin ætlar að lækka kostnað heimilanna. Kostnaðurinn við að lifa venjulegu lífi hefur rokið upp úr öllu valdi á Íslandi. Það er of dýrt að borga vexti, of dýrt að borga húsnæði og það er meira að segja of dýrt að kaupa í matinn hérna. Þessu ætlar Samfylkingin að breyta – fáum við til þess traust hjá þjóðinni í kosningunum þann 30. nóvember.

Leyfum þeim ekki að afvegaleiða umræðuna
Sjálfstæðisflokkurinn hefur hækkað kostnað heimilanna. Með verðbólgu, vöxtum og húsnæðisverði – og með því að þyngja skattbyrði venjulegs vinnandi fólks, jafnt og þétt, frá árinu 2013. Það er löngu ljóst að Sjálfstæðisflokkurinn kann ekki að fara með fé og forysta flokksins er vanhæf til að stjórna.

Leyfum Sjálfstæðisflokknum ekki að afvegaleiða umræðuna og beina sjónum frá eigin vanhæfni. Nú skulum við standa saman og svara þeim af festu. Og gleymum því ekki hve illa Sjálfstæðisflokkurinn hefur brugðist fólkinu í landinu á liðnu kjörtímabili.

Sjálfstæðisflokkurinn hækkar vexti
Fyrir síðustu kosningar lofaði Bjarni Benediktsson, formaður Sjálfstæðisflokksins, lágum vöxtum. Það er skemmst frá því að segja að Sjálfstæðisflokkurin sveik loforðin – og rústaði þannig plönum bæði heimila og fyrirtækja.

Í fyrra greiddu heimilin í landinu 40 milljörðum meira í vexti en árið 2021. Þetta er það sem við höfum kallað ofurskattinn á ungt fólk og alla sem skulda. Sem dæmi hefur greiðslubyrði fólks af meðalláni hækkað um 150 til 350 þúsund krónur í hverjum mánuði, eftir því hvort lánið er verðtryggt eða ekki.

Þetta gerðist vegna þess að Sjálfstæðisflokkurinn missti alla stjórn á efnahagsmálunum. Verðbólga fór á flug og vextir hækkuðu – en fráfarandi ríkisstjórn reyndist fullkomlega vanhæf til að ná stjórn á stöðunni. Seðlabankinn var skilinn einn eftir og látinn hækka vextina, og því fór sem fór: Verðbólgan var brotin á baki hins almenna launamanns.

Munum þetta þann 30. nóvember.

Sjálfstæðisflokkurinn hækkar verð
Fyrir síðustu kosningar lofaði Sjálfstæðisflokkurinn stöðugleika. Hvernig hefur gengið að standa við stóru orðin? Allt kjörtímabilið hefur verðbólga á Íslandi verið í hæstu hæðum. Verðbólgan hefur verið yfir markmiði núna í meira en fjögur ár.

Meðalíbúð hefur hækkað úr 50 milljónum króna í 70 milljónir, bara á þessu kjörtímabili. Á sama tíma hefur matarkarfan hækkað. Fjölskylda sem komst af með að verja 125 þúsund krónum í matvörubúð á mánuði árið 2021 þarf nú að borga um 400 þúsund krónum meira á ári fyrir matinn. Það munar um minna.

Munum þetta þann 30. nóvember.

Sjálfstæðisflokkurinn hækkar skatta
Fyrir utan hækkun vaxta og verðlags þá gæti einhver haldið að Sjálfstæðisflokkurinn hefði lækkað skatta á hinn almenna mann. En það er rangt.

Þvert á móti: Sjálfstæðisflokkurinn hefur þyngt skattbyrði venjulegs vinnandi fólks frá árinu 2013.

Skattbyrði er hlutfallið af heildartekjum sem greitt er í beina skatta að frádregnum tilfærslum. Og þegar gögn Hagstofu Íslands eru skoðuð kemur á daginn að skattbyrði allra tekjuhópa hefur þyngst frá árinu 2013, með einni undantekningu, sem er að skattbyrði tekjuhæsta hópsins hefur minnkað á þessu tímabili.

Munum þetta þann 30. nóvember.

Samfylkingin er eini flokkurinn með plan
Við í Samfylkingunni erum með plan til að lækka kostnað heimilanna. Forgangsmál okkar númer 1, 2 og 3 verður að gera það sem þarf til að kveða niður verðbólgu og vexti. Það gerum við með því að taka til í ríkisrekstri og fara betur með fé – auk þess að ráðast í bráðaaðgerðir í húsnæðismálum, afla tekna með sanngjörnum hætti og lögfesta stöðugleikareglu í fjármálum ríkisins.

Samfylkingin ætlar ekki að hækka skatta á vinnandi fólk. Við erum eini stjórnmálaflokkurinn sem hefur kynnt sitt plan fyrir kosningarnar 30. nóvember – með þremur ítarlegum útspilum sem heita Örugg skref í heilbrigðis- og öldrunarmálum, Krafa um árangur í atvinnu- og samgöngumálum og Framkvæmdaplan í húsnæðis- og kjaramálum.

Planið er til tveggja kjörtímabila og gengur út á að fjárfesta í innviðum til að auka verðmætasköpun, ýta undir hagvöxt og draga úr rekstrarkostnaði hjá hinu opinbera. Það kallar á fjármögnun í fyrstu en skilar ávinningi til lengri tíma eins og allir vita sem hafa rekið fyrirtæki. Á tekjuhlið ríkissjóðs viljum við taka upp almenn auðlindagjöld, skrúfa fyrir skattaglufur og laga fjármagnstekjuskattskerfið til að auka jafnræði í skattheimtu launa og fjármagns.

Hverjum treystirðu best til að lækka kostnað heimilanna?
Sjálfstæðisflokkurinn hefur sýnt að hann kann ekki að fara með fé, og forysta flokksins kann ekki að stjórna fyrir fólkið í landinu. Þau eru ekki með neitt plan og boða ekki neinar breytingar. En við vitum að Sjálfstæðisflokkurinn hefur hækkað vexti, hækkað verð og hækkað skatta á hinn almenna mann.

Verður þetta gleymt og grafið þann 30. nóvember – eða munu kjósendur veita Sjálfstæðisflokknum verðskuldaða ráðningu?

Senn fær þjóðin tækifæri til að svara fyrir sig með kjörseðlinum.

Kristrún Frostadóttir, formaður Samfylkingarinnar – jafnaðarflokks Íslands

Grein Kristrúnar Frostadóttur í Morgunblaðinu 5. nóvember 2024.

Sjálfstæðisflokkur hækkar kostnað heimilanna

Samfylkingin í Norðvesturkjördæmi býður í kaffi og spjall með frambjóðendum mánudaginn 4. nóvember kl. 20:00 í Samfylkingarsalnum Stillholti 16-18, Akranesi. 

Á fundinum munu frambjóðendur Samfylkingarinnar, Arna Lára Jónsdóttir, Jóhanna Ösp Einarsdóttir og Hannes S. Jónsson taka á móti gestum og ræða málefni dagsins.

Kíktu í kaffi og taktu samtalið! 

Kaffi og spjall með frambjóðendum - Akranes

Allt hefur sinn tíma. Við höfum leitt breytingar í Samfylkingunni – með því að fara aftur í kjarnann og færa flokkinn nær fólkinu í landinu. Og nú er kominn tími á breytingar við stjórn landsmála.

Ný forysta Samfylkingar lagði fram plan haustið 2022 um metnaðarfulla málefnavinnu um land allt í þeim málaflokkum sem helst brenna á þjóðinni. Þetta plan hefur gengið eftir. Við opnuðum flokkinn upp á gátt til að fá sem flesta að borðinu og höfum staðið í ströngum undirbúningi.

Afraksturinn er þrjú útspil, sem við höfum unnið þétt með þjóðinni, þar sem við höfum sett fram áherslur, forgangsröðun og útfærslur á stefnu okkar í ýmsum veigamiklum málaflokkum:

• Örugg skref í heilbrigðis- og öldrunarmálum

• Krafa um árangur í atvinnu- og samgöngumálum

• Framkvæmdaplan í húsnæðis- og kjaramálum

Útspilin eru aðgengileg öllum á vef Samfylkingarinnar og þar er einnig stefna okkar á öðrum sviðum. Með þessari skipulögðu vinnu viljum við bjóða upp á skýran valkost um breytingar í kosningunum til Alþingis, þann 30. nóvember 2024, og um leið tryggja að við verðum tilbúin til verka frá fyrsta degi í nýrri ríkisstjórn – fáum við til þess traust í kosningunum.

Klassísk jafnaðarstefna grundvallast á þeirri sann-færingu að kraftmikil verðmætasköpun fari best með sterkri velferð, og að við höfum öll réttindi en líka skyldur hvert gagnvart öðru.

Það fer enginn neitt einn. Við erum sterkari saman. Og flestir Íslendingar vilja tilheyra þjóð sem getur verið stolt af sterkri velferð.

Þess vegna er þetta útspil um kjarnamál jafnaðarmennsku: Hvernig pössum við upp á efnahaginn? Hvað þarf að gera svo allir hafi öruggt húsnæði? Hver eru næstu skref til að tryggja örugga afkomu fólks um ævina alla – þar með talið barnafólks og þeirra sem geta ekki unnið fullt starf vegna örorku eða aldurs?

Það er eilífðarverkefni sósíaldemókrata í stjórnmálum að svara slíkum spurningum með lausnum og aðgerðum sem skila raunverulegum árangri í daglegu lífi. Undir þeirri ábyrgð ætlum við í Samfylkingu að rísa og þá er lykilatriði að vera með framkvæmdaplan í húsnæðis- og kjaramálum.

Á þessum 32 opnu fundum okkar um húsnæðis- og kjaramál í haust, hringinn í kringum landið, kom skýrt fram hve alvarlega fráfarandi ríkisstjórn hefur brugðist fólkinu í landinu í undirstöðuatriðum. Óstjórnin í efnahagsmálum hefur grafið undan fjárhagslegu öryggi ungs fólks og allra sem skulda. Úrræðaleysið í húsnæðismálum hefur skapað bráðavanda sem bitnar harðast á þeim sem síst skyldi. Og velferðarkerfið stendur ekki undir þeim kröfum sem við gerum um afkomuöryggi vinnandi fólks, barnafjölskyldna, eldri borgara og öryrkja.

Við heyrðum þessar sögur alls staðar. En við upplifðum líka sterka von og trú fólks á að ný ríkis-stjórn geti ráðist í nauðsynlegar breytingar til að snúa vörn í sókn. Á fundunum teiknaðist fljótlega upp skýr rauður þráður um lykilverkefni næstu ríkisstjórnar: Lægri vexti, bráðaaðgerðir í hús-næðismálum auk kerfisbreytinga til lengri tíma og loks aðgerðir til að tryggja örugga afkomu fólks í lífsins ólgusjó.

Tilfinninguna og þessa forgangsröðun sóttum við beint til fólksins. Á þeim grunni áttum við síðan fundi með verkalýðshreyfingunni, stofnunum, fyrirtækjum, hagsmunasamtökum og sérfræðingum í húsnæðis- og kjaramálum og samhliða unnum við tillögur okkar til aðgerða.

Við erum með plan. Og Samfylkingin er sannarlega til framkvæmda reiðubúin.

Fólkið í landinu velur leiðina áfram fyrir Ísland og kosningarnar 30. nóvember eru tækifæri til að velja nýtt upphaf. Samfylkingin vill fylkja fólki aftur saman um jákvæða pólitík og stórhuga stjórnmál. Við viljum ná þjóðinni saman um málin sem mestu skipta í daglegu lífi. Samstaða um breytingar er leiðin sem við viljum fara – í stað þess að keyra á klofningsmálum sem hópaskipta samfélaginu.

Sumt af því sem við leggjum til í þessu útspili þarf

að framkvæma hratt. Þetta á til dæmis við um það forgangsmál Samfylkingar að endurheimta efna-hagslegan stöðugleika með því að ná aftur styrkri stjórn á fjármálum ríkisins og grípa til bráðaaðgerða í húsnæðismálum. Annað tekur lengri tíma, til að mynda þær kerfisbreytingar í húsnæðismálum sem við leggjum til og lögfestingin á rétti til leikskólavistar, sem kallar á breytta tekjuskiptingu ríkis og sveitarfélaga.

Framkvæmdaplanið í húsnæðis- og kjaramálum er fullfjármagnað – annars vegar með ráðstöfunum á útgjaldahlið ríkissjóðs, áformum um hagræðingu og bætta nýtingu opinbers fjár, og hins vegar með tekjum sem fást með því að skrúfa fyrir skattaglufur og draga úr misræmi milli skattlagningar launa og fjármagns.

Njótið lestursins. Næstu vikur verða mikilvægar. Við vinnum þetta saman!

Kristrún Frostadóttir, formaður Samfylkingarinnar - jafnaðarflokks Íslands

Sérstakar þakkir fær stýrihópur Samfylkingar um húsnæðis- og kjaramál, Jóhann Páll Jóhannsson formaður, Hjördís Þóra Sigurþórsdóttir, Hildur Rós Guðbjargardóttir og Kolbeinn H. Steáfnsson, auk fjölda fólks um land allt sem lagði okkur lið með einum eða öðrum hætti í málefnavinnunni. 

Samfylkingin í Suðurkjördæmi býður á opinn kaffifund að Eyravegi 15, Selfossi laugardaginn 2. nóvember, húsið opnar klukkan 10:00.

Á fundinum munu frambjóðendur Samfylkingarinnar, þau Víðir Reynisson, Ása Berglind Hjálmarsdóttir og Arna Ír Gunnarsdóttir, taka á móti gestum og ræða málefni dagsins.

Þau vilja hitta sem flesta, heyra hvað skiptir fólk máli og kynna helstu áherslur Samfylkingarinnar fyrir komandi Alþingiskosningar.

Þessi viðburður er kjörið tækifæri fyrir íbúa Suðurkjördæmis til að kynnast frambjóðendunum og þeim stefnumálum sem Samfylkingin hefur lagt mikla vinnu í á undanförnum tveimur árum.

Lögð verður áhersla á málefni sem snerta líf og framtíð fólks í Suðurkjördæmi og hvernig Samfylkingin hyggst vinna að sterkari, sjálfbærari og sanngjarnari framtíð fyrir landið allt.

Kíktu í kaffi og taktu samtalið! 

Laugardagskaffi - Samfylkingin í Suðurkjördæmi

Samfylkingin nýtir vef- og samfélagsmiðla, líkt og aðra miðla, til þess að auglýsa og koma skilaboðum á framfæri við félaga og almenning. 

Hægt er að fela þær auglýsingar sem Samfylkingin birtir á vef- og samfélagsmiðlum, rétt eins og hægt er að bannmerkja sig hjá Þjóðskrá. Hér er að finna leiðbeiningar um hvernig er hægt að fela auglýsingar á ýmsum vefmiðlum. Jafnframt getur þú haft samband við skrifstofu flokksins og fengið aðstoð til að koma í veg fyrir að auglýsingar frá Samfylkingunni birtist þér.

Á Google í síma eða tölvu velur þú Info  > Why this ad. Turn off Show ads from Samfylkingin

Á Gmail, veldu Info > Control ads like this > Block this advertiser

Á Facebook velur þú ,,Hide ad“ við auglýsingu frá Samfylkingunni. Í kjölfarið getur þú valið að fela allar auglýsingar frá Samfylkingunni með því að velja ,,Hide all ads from Samfylkingin".

Á Instagram ýtir þú á punktana þrjá í horni auglýsingar frá Samfylkingunni. Þar getur þú valið að fela þá auglýsingu með því að velja ,,Hide ad“. Eins getur þú útilokað Samfylkinguna frá þínum reikningi með því að fara á Instagram-síðu Samfylkingarinnar, ýtt á punktana þrjá í hægra horninu uppi og valið þar Block.

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. 

Persónuverndarfulltrúi flokksins svarar öllum spurningum sem kunna að vakna varðandi persónuvernd gegnum netfangið personuvernd@samfylking.is. 

Hér má finna persónuverndarstefnu Samfylkingarinnar í heild sinni.  

Samfylkingin í Suðvesturkjördæmi stendur fyrir opnum fundi um bráðaaðgerðir í húsnæðismálum en flokkurinn gaf nýverið út framkvæmdaplan í húsnæðis- og kjaramálum.

Á fundinum verða efstu frambjóðendur XS á lista í Kraganum þau Hildur Rós Guðbjargardóttir (6. sæti), Jóna Þórey Pétursdóttir (5. sæti), Árni Rúnar Þorvaldsson (4. sæti), Þórunn Sveinbjarnardóttir (3. sæti), Guðmundur Ari Sigurjónsson (2. sæti) og frummælandi verður Alma Möller oddviti listans.

Fundurinn er næstkomandi fimmtudag, 7. nóvember kl. 20:00 í húsnæði Siglingafélagsins Ýmis að Naustavör 14 í Kópavogi.

Kaffi og með því í boði, við hlökkum til að sjá þig!

Endilega smelltu á "Going" á viðburði á Facebook.

Leit um „��“

2835 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������“

2835 niðurstöður fundust við leit að „������������������������������������������������������������“