Spjallkaffi Samfylkingarinnar í Reykjavík 60+ verður á sínum stað miðvikudaginn 2. október kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Gestur verður Heiða Björg Hilmisdóttir, borgarfulltrúi og formaður velferðaráðs.

Það verður heitt á könnunni og eitthvað með því. 

Verið öll velkomin! 

Samfylkingarfélagið Í Mosfellsbæ verður með fund um stefnudrög Samfylkingarinnar laugardaginn 5. október kl. 11:00. Byrjum fundinn á að fara yfir bæjarmálin og einhendum okkur svo í stefnudrögin. Þórunn Sveinbjarnardóttir, þingmaður okkar í Suðvestur kjördæmi verður gestur fundarins. 

Á fundinum gefst ykkur tækifæri til að koma með breytingatillögur sem félagsfundurinn kýs svo um. Hljóti tillögur meirihluta á fundinum verða þær sendar til stjórnar og verða til umræðu og afgreiðslu á landsfundi. Tillögur sem ekki hljóta meirihluta á fundinum geta einstaklingar sent frá sér í eigin nafni til stjórnar, eigi síðar en 17. október kl. 23.59.

Aðeins tillögur sem berast fyrir þennan tíma, 17. okt. kl. 23.59, verða til umfjöllunar á landsfundi. Ekki verður hægt að bera upp nýjar tillögur í málefnanefndum á landsfundi. 

Vinsamlegast notið sniðmátið sem fylgir með þessum tölvupósti til að senda inn breytingatillögur.

Tillögurnar sem félagsfundurinn samþykkir verða svo birtar á heimasíðunni þar sem öllum gefst tækifæri til að kynna sér þær fyrir landsfundinn. 
 

Mosfellsbær: Laugardagskaffi og málefnafundur

„Þetta gekk vonum framar. Við byrjuðum á fjölskyldugrilli í Borgarnesi á mánudegi og þræddum svo allan hringinn, og enduðum í Eyjum og á Hvolsvelli á laugardeginum. Þetta voru 18 opnir fundir í allt, vel sóttir og gagnlegir, en ég hlakka til að halda áfram á höfuðborgarsvæðinu og í nærsveitum á næstu vikum,“ segir Kristrún Frostadóttir, formaður Samfylkingar, sem bindur miklar vonir við vinnu flokksins í húsnæðis- og kjaramálum.

„Já, þetta eru sennilega okkar mestu hjartans mál, lykilmálaflokkar jafnaðarfólks, og það má segja að fólkið í landinu sjái mikil tækifæri til að gera betur á þessu sviði. Svo ekki sé fastar að orði kveðið. Það þarf að tryggja öllum öruggt húsnæði. Og sjá til þess að velferðarkerfið okkar sé þannig úr garði gert að allir landsmenn njóti virðingar og mannsæmandi lífskjara.“

Þá segir Kristrún að stjórn efnahagsmála brenni á flestum. Þegar sé farin að teiknast upp nokkuð skýr mynd í vinnu stýrihóps Samfylkingar um húsnæðis- og kjaramál. „En það verður spennandi að heyra hljóðið í fólki á suðvesturhorninu – hvort það er ekki mikill samhljómur í meginatriðum, og eins hvort það er einhver áherslumunur,“ segir Kristrún.

Nýtt útspil væntanlegt í lok október
Málefnastarf Samfylkingar er nú með nýju sniði. Stefna flokksins er sem fyrr samþykkt á landsfundi og unnin í málefnanefndum flokksins þess á milli. En því til viðbótar hefur forysta flokksins unnið að forgangsröðun, áherslum og útfærslum í völdum lykilmálaflokkum. Það er gert með víðtæku og opnu samtali við flokksfólk og almenning um land allt – en vinnan við hvert útspil er leidd af stýrihópi fólks héðan og þaðan úr flokknum. Þetta er nýlunda sem hefur aukið aðkomu flokksfélaga og almennings að stefnumörkun forystu Samfylkingar milli landsfunda.

Heilbrigðismál voru í forgrunni í fyrra og síðasta vetur voru atvinna og samgöngur efst á baugi. Afrakstur þeirrar vinnu má finna í útspilunum Örugg skref í heilbrigðis- og öldrunarmálum og Kröfu um árangur í atvinnu- og samgöngumálum. Nýtt útspil um húsnæði og kjaramál er væntanlegt í lok október eða skömmu fyrir næsta landsfund Samfylkingar sem fer fram í Reykjavík dagana 15. og 16. nóvember.

Næstu fundir á suðvesturhorninu
Ásamt almennum fundum um húsnæði og kjaramál verður efnt til sérstakra þemafunda á næstunni um ýmis mál. Þetta er meðal annars gert í samstarfi við stjórn verkalýðsmálaráðs Samfylkingar, Ungt jafnaðarfólk, Landssamtökin 60+, ASÍ-UNG og UngÖBÍ.

Fundasyrpan á suðvesturhorninu hófst í síðustu viku með góðu samtali í Vogum á Vatnsleysuströnd. Næstu fundir verða á eftirtöldum stöðum:

KJÖR ÖRYRKJA – fjarfundur
Zoom
mánudag 23. september kl. 20:00

HAFNARFJÖRÐUR – súpufundur
Kænan
þriðjudag 24. september kl. 19:00

AKRANES – súpufundur
Samfylkingarsalurinn (Stillholti 16-18)
fimmtudag 26. september kl. 19:30

KJÖR ELDRI BORGARA – morgunfundur
Safnaðarheimili Laugarneskirkju
laugardag 28. september kl. 10:00

REYKJANESBÆR – kaffispjall
Samfylkingarsalurinn (Víkurbraut 13)
mánudag 30. september kl. 17:00

SANDGERÐI – kvöldspjall
Varðan
mánudag 30. september kl. 20:00

VERKALÝÐSMÁLARÁÐ – kaffispjall með forseta ASÍ
Leiknisheimilið í Breiðholti
þriðjudag 1. október kl. 17:00

GRINDVÍKINGAR – kvöldspjall
Safnaðarheimili Bústaðakirkju
þriðjudag 1. október kl. 20:00

REYKHOLT Í BLÁSKÓGABYGGÐ – súpufundur
Mika veitingahús
fimmtudag 3. október kl. 12:00

ÞORLÁKSHÖFN – fjölskyldugrill
Versalir
fimmtudag 3. október kl. 17:30

SELFOSS – kvöldspjall
Tryggvaskáli
fimmtudag 3. október kl. 20:00

KJÖR UNGS FÓLKS – föstudagsspjall með UJ og ASÍ-UNG
Loft í Reykjavík
föstudag 4. október kl. 17:00

SELTJARNARNES – kvöldspjall
Vivaldisalur Gróttu
miðvikudag 9. október kl. 20:00

Verið öll hjartanlega velkomin!

Á dögunum efndi Samfylkingin til samtals hringinn í kringum landið um húsnæði og kjaramál. Nú hefur verið boðað til fjölda funda á suðvesturhorni landsins

Fjöldi funda á suðvesturhorni um húsnæði og kjaramál


Sendur verður út hlekkur á fundinn á þau sem skrá sig.

Skráning hér fyrir félaga í Norðvesturkjördæmi, https://forms.gle/GsFRPv4GPXMYu8yx8

Join Zoom Meeting
https://us06web.zoom.us/j/86960428804

Meeting ID: 869 6042 8804


Kjör fulltrúa í flokksstjórn og varamanna þeirra

Kjör nefnda og ráða eftir því sem þurfa þykir

Árgjöld aðildarfélaga til kjördæmisráðs

Stjórn kjördæmisráðs hvetur alla félagsmenn í Norðvesturkjördæmi til að mæta á fundinn, ræða stöðuna í stjórnmálunum í dag og taka þátt í undirbúningi og umræðum vegna alþingiskosninga á næsta ári.

Kristrún Frostadóttir formaður flokksins mun ávarpa fundinn.

Boðað er til framhaldsaðalfundar í kjördæmisráði Norðvesturkjördæmi miðvikudaginn 25. september kl.17:45. Fundurinn verður rafrænn. 

Framhaldsaðalfundur í Norðvesturkjördæmi

Undanfarna sex mánuði hefur heimurinn horft upp á hryllilega mannúðarkrísu stigmagnast á Gaza-ströndinni. Hungursneyð vofir yfir íbúum og nær ómögulegt er orðið fyrir alþjóðleg hjálparsamtök og heilbrigðisstarfsfólk að veita særðum og sjúkum aðstoð undir stöðugu sprengjuregni. Stjórnvöld í Ísrael hafa lýst því yfir að þau muni ekki heimila neyðaraðstoð frá Palestínuflóttamannaaðstoð Sameinuðu þjóðanna (UNRWA) í norðurhluta Gaza þar sem neyðin er einna mest.

Það hefur tekið alþjóðasamfélagið óafsakanlega langan tíma að sameinast um skýr skilaboð um varanlegt vopnahlé á Gaza. Á leiðtogafundi Evrópusambandsins í liðinni viku náðist þó langþráð samstaða um ákall um tafarlaust mannúðarhlé á Gaza – og í framhaldinu varanlegt vopnahlé, skilyrðislausa lausn gísla og afléttingu á öllum hömlum á mannúðaraðstoð. Þá komu ríki Evrópusambandsins sér jafnframt saman um refsiaðgerðir gegn ólöglegu landtökufólki á Vesturbakkanum auk þess sem Spánn, Írland, Slóvenía og Malta bættust í hóp þeirra tíu Evrópusambandsríkja sem lýst hafa yfir stuðningi við viðurkenningu á sjálfstæði Palestínu.

Í gær fór svo fram söguleg atkvæðagreiðsla þegar Öryggisráð Sameinuðu þjóðanna samþykkti ályktun um tafarlaust vopnahlé sem vara á út föstumánuð múslima hið minnsta, skilyrðislausa lausn gísla ásamt afléttingu á öllum hindrunum á mannúðaraðstoð. Ályktunin var lögð fram af þeim tíu ríkjum sem ekki eiga fast sæti í Öryggisráðinu en ákvörðun Bandaríkjanna um að beita ekki neitunarvaldi heldur sitja hjá við afgreiðsluna markar tímamót í samskiptum Bandaríkjanna og Ísraels. Allt er þetta til marks um að loksins virðist þolinmæði alþjóðasamfélagsins gagnvart framgöngu ísraelskra stjórnvalda vera á þrotum. Í Ísrael hefur einnig fjarað undan stuðningi við þarlend stjórnvöld.

Tökum ákveðnari skref og tölum fyrir sjálfstæðri Palestínu

Viðbrögð ríkisstjórnar Íslands við mannúðarkrísunni fyrir botni Miðjarðarhafs hafa því miður verið gagnrýniverð fyrir margra hluta sakir. Þeirri gagnrýni höfum við í Samfylkingunni haldið á lofti á Alþingi og víðar á opinberum vettvangi. Í kjölfar gagnrýni á ríkisstjórnina, eftir hjásetu Íslands á Allsherjarþingi Sameinuðu þjóðanna í atkvæðagreiðslu um vopnahlé í október, sameinaðist Alþingi um þingsályktun sem skýrði afstöðu Íslands þar sem meðal annars var sett fram krafa um tafarlaust vopnahlé. Þá hefur utanríkisráðherra nú aflétt frystingu á kjarnaframlagi Íslands til UNRWA – en ákvörðun um frystingu framlaganna olli verulegum vonbrigðum fyrr á árinu. Loks hefur tekist að koma 72 dvalarleyfishöfum út af Gaza-svæðinu. Allt skiptir þetta máli.

Nú er hins vegar tímabært að Ísland taki ákveðnari skref til stuðnings palestínsku þjóðinni. Við getum verið stolt af því að hafa verið eitt af fyrstu ríkjum Evrópu til að viðurkenna sjálfstæði Palestínu með þingsályktun haustið 2011. Og í desember sama ár staðfestu utanríkisráðherrar Íslands og Palestínu upptöku stjórnmálasambands milli ríkjanna með formlegum hætti. Íslensk stjórnvöld ættu nú að halda þessari afstöðu á lofti og tala hátt og ákveðið fyrir stofnun sjálfstæðs og fullvalda ríkis Palestínu. Varanlegur friður verður ekki tryggður öðruvísi en með tveggja ríkja lausn.

Ef Ísrael virðir að vettugi ályktun Öryggisráðs Sameinuðu þjóðanna frá því í gær ættu íslensk stjórnvöld einnig að eiga frumkvæði að viðræðum við önnur Norðurlandaríki um mögulegar efnahagslegar og pólitískar þvingunaraðgerðir gagnvart Ísrael. Hörmungum verður að linna – og Ísland verður að leggja sitt af mörkum til þess á alþjóðavettvangi.

Varan­legt vopna­hlé og sjálf­stæð Palestína

 SffR boðar til umræðufunda um drög að stefnu Samfylkingarinnar sem tekin verður til afgreiðslu á landsfundi. 

Miðvikudaginn 25. september kl. 17:00 - 18:30 verður fjallað um umhverfi, loftslag og náttúruvernd og síðar sama kvöld kl. 20:00 - 21:30 er boðað til samskonar fundar um stefnu í atvinnu- og efnahagsmálum, byggðamálum, samgöngum og sveitarstjórnarmálum.

Fundarmenn eru hvattir til að kynna sér stefnudrögin áður en að fundinum kemur, sjá hér.

Á fundinum verða rædd þau atriði í stefnunni sem fundarmenn kjósa helst og rituð fundargerð um umræðurnar. Aðildarfélög flokksins og einstakir flokksmenn geta lagt fram ályktunartillögur og breytingartillögur við stefnudrögin og skal þeim skilað fyrir 18. október til framkvæmdastjórnar Samfylkingarinnar.

Takið þátt í stefnuumræðunni fyrir landsfund í upphafi kosningavetrar ‒ Höfum  áhrif á stefnu Samfylkingarinnar !

Enn er hægt að skrá sig sem landsfundarfulltrúa en hægt er að skrá sig hér.

Reykjavík: Málefnafundur - umhverfis & atvinnu- og efnahagsmál

Á meðal gesta verða Kristrún Frostadóttir formaður Samfylkingar, þingmenn flokksins, forystufólk ASÍ-UNG og Ungs jafnaðarfólks.


Hvaða breytingar vilt þú í húsnæðis- og kjaramálum á Íslandi? Við viljum fá þig með í samtalið 🌹

Samfylkingin stendur fyrir samtali um húsnæði og kjaramál um land allt. Málefnastarf flokksins er nú með nýju sniði – heilbrigðismálin voru í forgrunni í fyrra, svo atvinna og samgöngur síðasta vetur og loks er komið að húsnæði og kjaramálum.

Fundirnir eru hugsaðir til að gefa fólki um land allt kost á að taka þátt í málefnastarfi Samfylkingar og leggja grunn að áherslum og forgangsröðun flokksins í veigamestu málaflokkum. Afraksturinn verður kynntur í væntanlegu útspili um húsnæði og kjaramál nú í haust.

Hér eru hlekkir á nýleg útspil Samfylkingar:

Örugg skref í heilbrigðis- og öldrunarmálum – https://bit.ly/3y7dFPm

Krafa um árangur í atvinnu- og samgöngumálum – https://bit.ly/3UE77zJ

Og hér má finna upplýsingar um næstu fundi: www.facebook.com/samfylkingin/events

Verið öll velkomin á Loft í Reykjavík föstudaginn 4. október kl. 17:00. Boðið verður upp á kaffi, kruðerí, svaladrykki og samtal um húsnæði og kjaramál ungs fólks.

Föstudagsspjall með ASÍ-UNG og UJ um húsnæði og kjaramál

Samfylkingarfélagið á Akureyri verður með fund um stefnudrög Samfylkingarinnar fimmtudaginn 10. október kl. 20:00. 

Önnur mál

Á fundinum gefst ykkur tækifæri til að koma með breytingatillögur sem félagsfundurinn kýs svo um. Hljóti tillögur meirihluta á fundinum verða þær sendar til stjórnar og verða til umræðu og afgreiðslu á landsfundi. Tillögur sem ekki hljóta meirihluta á fundinum geta einstaklingar sent frá sér í eigin nafni til stjórnar, eigi síðar en 17. október kl. 23.59.

Aðeins tillögur sem berast fyrir þennan tíma, 17. okt. kl. 23.59, verða til umfjöllunar á landsfundi. Ekki verður hægt að bera upp nýjar tillögur í málefnanefndum á landsfundi. 

Vinsamlegast notið sniðmátið sem fylgir með þessum tölvupósti til að senda inn breytingatillögur.

Tillögurnar sem félagsfundurinn samþykkir verða svo birtar á heimasíðunni þar sem öllum gefst tækifæri til að kynna sér þær fyrir landsfundinn. 
 

NÝTT verklag á málefnastarfi á landsfundi 2024.

Landsfundur Samfylkingarinnar verður haldinn dagana 15. & 16. nóv. á Hilton Reykjavík Nordica. Framundan er spennandi kosningavetur og hvetjum við alla til að mæta og taka þátt á þessum viðburði sem jafnframt er æðsta vald flokksins. Við hvetjum alla áhugasama til að gefa kost á sér sem fulltrúar félagsins á landsfundinum.

Skráning landsfundarfulltrúa: https://forms.gle/gPAqXkfifJdDeveL6

Samfylkingin gerir kröfu um íslensk kjör á íslenskum vinnumarkaði.

Verðmætasköpun í landinu þarf að standa undir þeim kjörum sem samið er um í kjarasamningum og réttindi og aðstæður vinnandi fólks verða að samræmast íslenskum lögum. Þessi krafa gildir jafnt um Íslendinga og útlendinga sem hér vinna.

Það hljómar kannski eins og sjálfsagt mál. En þetta er í raun hápólitískt:

Því að ysta vinstrið sér ekki mikilvægi vaxtar og verðmætasköpunar til að standa undir góðum lífskjörum. En harðasta hægrið er engu skárra. Þar er bara horft á vöxt, án samhengis, og engu skeytt um félagsleg áhrif þess þegar vöxturinn er einkum knúinn áfram með stórfelldum innflutningi á vinnuafli. Foringjar Sjálfstæðisflokksins vilja nú kollvarpa íslenska vinnumarkaðsmódelinu og skilja ekki mikilvægi þess að hagvöxtur skili sér í raun og veru til launafólks. Þetta er breyting frá því sem áður var – þegar flokkurinn átti enn fjöldafylgi meðal allra stétta.

Það er pólitík Samfylkingar að sameina hvort tveggja: Kraftmikla verðmætasköpun og sterka velferð. Og við viljum byggja eitt samfélag fyrir alla sem hér búa. Þetta er skynsemi sósíaldemókrata.

Ríkisstjórnin hefur sofið á verðinum
Í fréttaskýringu Kveiks á RÚV í vikunni var fjallað um félagsleg undirboð á íslenskum vinnumarkaði, vinnumansal og misneytingu verkafólks. Staðreyndin er sú að staðan hefur lengi verið alvarleg og verkalýðshreyfingin ítrekað vakið athygli á vandanum – oft með Samtök atvinnulífsins sér við hlið, nú síðast með sameiginlegri yfirlýsingu ASÍ og SA. En ríkisstjórnin hefur sáralítið aðhafst til að taka á þessum málum.

Hvers vegna ekki?

Það er auðvitað bara lítið brot af fyrirtækjum sem brjóta á réttindum launafólks, hvað þá vísvitandi. Langflestir virða leikreglurnar á íslenskum vinnumarkaði. En þess þá heldur ættum við að geta tekið höndum saman og skorið upp herör gegn þessum brotum. Enda ekki aðeins óafsakanleg meðferð á fólki heldur grefur þetta líka undan stöðu allra annarra á vinnumarkaði og skekkir samkeppnisstöðu fyrirtækja – því að þau fáu sem komast upp með brotin njóta forskots gagnvart hinum sem eru með allt sitt á hreinu.

Því miður virðist sitjandi ríkisstjórn hafa sameinað það versta frá hvorum jaðri stjórnmálanna fyrir sig: Þau hafa annars vegar staðið í vegi fyrir aukinni framleiðni og verðmætasköpun og hins vegar sofið á verðinum gagnvart félagslegum undirboðum og slæmri meðferð á launafólki.

Tökum fast á félagslegum undirboðum
Samfylkingin vill fara í þveröfuga átt við sitjandi ríkisstjórn. Við viljum grípa til aðgerða til að auka framleiðni og verðmætasköpun – og standa um leið þétt við bak hins vinnandi manns með sterku velferðarkerfi og traustum stofnunum sem tryggja heilbrigðan vinnumarkað.

Við höfum farið aftur í kjarna jafnaðarstefnu og forgangsraðað. Við segjumst ekki ætla að gera allt fyrir alla – en eitt af því sem við höfum sagt, og sem við ætlum sannarlega að gera, er að taka fast á félagslegum undirboðum.

Í útspilinu sem Samfylkingin kynnti síðasta vor, undir yfirskriftinni Krafa um árangur í atvinnu- og samgöngumálum, settum við fram þrjár grundvallarkröfur og aðgerðir til árangurs. Ein af þessum þremur grundvallarkröfum er einmitt krafan um íslensk kjör og atvinnustefnu fyrir Ísland. Þar eru meðal annars útlistaðar aðgerðir til að taka á undirboðum og hvetja til beins ráðningarsambands, svo sem með því að herða á eftirliti með starfsmannaleigum, innleiða reglur um keðjuábyrgð í öllum stærri verklegum framkvæmdum, efla heimildir til vinnustaðaeftirlits og lögfesta skýr refsiákvæði vegna vinnumansals.

Styrkjum aftur löggæslu í landinu
Samfylkingin lítur á þetta sem eitt af lykilverkefnum næstu ríkisstjórnar.

Nú er staðan sú að verkalýðshreyfingin sinnir stærstum hluta eftirlits á vinnustöðum, samkvæmt lögum frá árinu 2010 sem Sjálfstæðisflokkurinn greiddi atkvæði gegn einn flokka. En það er ekki síst framkvæmdin og það sem tekur við þegar alvarleg mál koma upp sem hefur algjörlega misfarist hjá sitjandi ríkisstjórn. Það er vegna veikburða stofnana. Lögregluna, Skattinn og Vinnumálastofnun skortir bolmagn til að sinna þessum málum sem skyldi. Sem dæmi má nefna að hjá lögreglunni á höfuðborgarsvæðinu, sem er stærsta lögregluembættið, eru aðeins þrír starfsmenn sem rannsaka mansal og lögbrot gegn launafólki.

Meðal annars þess vegna lítum við í Samfylkingunni á það sem jafnaðarmál að styrkja aftur löggæslu í landinu. Enda vitum við á hverjum það bitnar helst þegar lögreglan er undirmönnuð og ákæruvaldið vanrækt. Það kemur harðast niður á fólki í viðkvæmri stöðu.

Samhengið við fjölgun innflytjenda
Loks er nauðsynlegt að ræða brot gegn réttindum launafólks í samhengi við fjölgun innflytjenda á íslenskum vinnumarkaði. Það liggur fyrir að langstærstur hluti þessara brota beinist gegn fólki sem kemur hingað til að vinna.

Frá árinu 2017 hefur fjöldi innflytjenda á Íslandi tvöfaldast og farið úr 10,5%, sem er nærri meðaltali OECD-ríkja, og upp í 18,5%, sem er eitt hæsta hlutfallið innan OECD. Þetta eru engar smávægilegar breytingar sem hafa orðið á skömmum tíma. Sofandaháttur ríkisstjórnarinnar er ekki síst alvarlegur í þessu ljósi.

Þegar hagvöxtur er einkum knúinn áfram með mikilli fólksfjölgun fremur en með aukinni framleiðni og hagvexti á mann – þá eykst auðvitað hættan á því að við missum stjórn á mikilvægum atriðum sem snúa til dæmis að réttindum launafólks, inngildingu innflytjenda og samfélagslegum innviðum. Þess vegna þarf að gæta jafnvægis í efnahagslífi og marka stefnu um uppbyggingu þess.

Stundum er látið eins og íslensk stjórnvöld geti ekkert gert til að hafa áhrif á fólksfjölgun og flutning fólks til Íslands vegna þess að við erum aðilar að samningnum um Evrópska efnahagssvæðið (EES). Það er alrangt.

Í fyrsta lagi erum við sjálfstætt ríki og setjum okkar eigin lög um kjarasamninga, réttindi og aðstæður vinnandi fólks. Og við eigum að taka fast á félagslegum undirboðum. Í öðru lagi hefur stefna stjórnvalda alltaf grundvallaráhrif á það hvers konar atvinnulíf byggist upp á Íslandi, og það getur ráðist jafnt af aðgerðum og aðgerðaleysi stjórnvalda. Skattkerfi og regluverk hefur mikið að segja. Í þriðja lagi skiptir máli að hagstjórnin ýti ekki undir hraðari og meiri fólksfjölgun en við stöndum undir. Að þessu leyti má taka undir brýningu sem kemur fram í nýju riti Seðlabanka Íslands, Fjármálastöðugleika 2024/2: „Hagstjórn sem miðar að jafnvægi í þjóðarbúskapnum heldur aftur af fólksfjölgun.  Ekki verður eingöngu stuðlað að jafnvægi á íbúðamarkaði á þenslutímum með auknu framboði, heldur einnig með því að tempra eftirspurn.”

Mótum atvinnustefnu fyrir Ísland
Samfylkingin vill auka framleiðni í hagkerfinu og stuðla þannig að auknum hagvexti á mann. Þess vegna höfum við kallað eftir atvinnustefnu fyrir Ísland sem stendur undir íslenskum kjörum og við kynntum tillögur þar að lútandi í útspili okkar um atvinnu- og samgöngumál.

Fyrsta skrefið hlýtur að vera að horfast í augu við þá stöðu sem er uppi og viðurkenna að aðgerðir og aðgerðaleysi stjórnvalda hefur áhrif á uppbyggingu atvinnulífsins. Ýmsar atvinnugreinar eru og verða alltaf vinnuaflsfrekar – eins og til dæmis mannvirkjagerð og velferðarþjónusta – en við höfum meira svigrúm til stefnumótunar þegar kemur að útflutningsgreinum okkar. Þar viljum við fyrst og fremst sjálfbæran vöxt, mikla framleiðni og vel launuð störf.

Afstaða Samfylkingar er skýr. Við gerum ákveðnar kröfur sem verða að gilda um alla sem hér vinna:  Íslensk kjör samkvæmt íslenskum kjarasamningum – og að réttindi og allar aðstæður séu í samræmi við íslensk lög og þau viðmið sem gilda í samfélaginu okkar. Ef þessar kröfur eru uppfylltar þá er það öllum landsmönnum í hag. En ef störfin standa ekki undir íslenskum kjörum þá eiga þau ekki erindi á íslenskum vinnumarkaði.

Því að kraftmikil verðmætasköpun fer best með sterkri velferð.

Kristrún Frostadóttir, formaður Samfylkingarinnar – jafnaðarflokks Íslands

Ís­lensk kjör á ís­lenskum vinnu­markaði

Miðvikudaginn 9. október kl. 17:30 - 19:00 verður fjallað um menntun og menningu og síðar sama kvöld kl. 19:30 - 21:00 er boðað til samskonar fundar um stefnu í alþjóðamálum, Ísland í samfélagi þjóðanna.

Reykjavík: Málefnafundur - menntun og menningu & alþjóðamálum

Leit um „��“

2744 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2744 niðurstöður fundust við leit að „���������������������������“