Spjallkaffi Samfylkingarinnar í Reykjavík 60+ verður á sínum stað miðvikudaginn 28. febrúar kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Gestur okkar að þessu sinni er Sara Björg Sigurðardóttir, varaborgarfulltrúi og fulltrúi í öldungarráði Reykjavíkurborgar. 

Það verður heitt á könnunni og eitthvað með því. 

Verið öll velkomin! 

Næstu daga, 6. - 7. mars mun Samfylkingin efna til opinna funda á Vestfjörðum dum atvinnu og samgöngur. Hér fyrir neðan er að finna staði og tíma funda.

Þar verður flokksfélögum og almenningi boðið að eiga milliliðalaust samtal við forystufólk flokksins og fulltrúa úr stýrihóp um atvinnu og samgöngur.
 

Á meðal gesta verða Kristrún Frostadóttir formaður Samfylkingarinnar og Arna Lára Jónsdóttir sem er formaður í stýrihópi flokksins um atvinnu og samgöngur.

Hvernig vilt þú sjá atvinnu og samgöngur þróast á Íslandi?

Við viljum fá þig með í samtalið!

BÍLDUDALUR
Vegamót Bíldudal
miðvikudagur 6. febrúar kl. 12:00

ÞINGEYRI
Blábankinn
miðvikudagur 6. febrúar kl. 17:15

ÍSAFJÖRÐUR
Edinborgarhúsið
miðvikudagur 6. febrúar kl. 20:00

BOLUNGARVÍK
Hótel Tangi
miðvikudagur 21. febrúar kl. 8:00

Bíldudalur: Opinn fundur um atvinnu og samgöngur

BÍLDUDALUR
Vegamót Bíldudal
miðvikudagur 6. mars kl. 12:00

ÞINGEYRI
Blábankinn
miðvikudagur 6. mars kl. 17:15

ÍSAFJÖRÐUR
Edinborgarhúsið
miðvikudagur 6. mars kl. 20:00

BOLUNGARVÍK
Einarshúsið
miðvikudagur 7. mars kl. 12:00

Bolungarvík: Opinn fundur um atvinnu og samgöngur

Verkalýðsmálaráð stendur fyrir félagsfundi um húsnæðsmál miðvikudaginn 6. mars, kl. 20:00. Fundurinn verður í sal Samfylkingarinnar á Hallveigarstíg 1. og einnig aðgengilegur á Zoom. 

Frummælendur eru þeir  Arnþór Sigurðsson og Bjarni Þór Sigurðsson. 

https://us06web.zoom.us/j/83703123791

Meeting ID: 837 0312 3791 

Félagsfundur Verkalýðsmálaráðs um húsnæðismál 

Opinn fundur um atvinnu og samgöngur á Sauðárkróki. Fundurinn verður miðvikudaginn 13. mars kl. 19:30 á Kaffi Krók. Meðal gesta verða Kristrún Frostadóttir formaður Samfylkingarinnar og Arna Lára Jónsdóttir sem er formaður í stýrihópi flokksins um atvinnu og samgöngur.


Hvernig vilt þú sjá atvinnu og samgöngur þróast í Skagafirði og á Íslandi öllu? Við viljum fá þig með í samtalið.

Sauðárkrókur: Opinn fundur um atvinnu og samgöngur

Hér er vitnað beint í stefnu Samfylkingarinnar – jafnaðarflokks Íslands. Frjáls samkeppni á markaði er grundvöllur neytendaverndar og heilbrigðs atvinnulífs. Hún stuðlar að jafnræði á milli fyrirtækja og lægra vöruverði til neytenda. Hún eykur kaupmátt og bætir kjör almennings. Launafólk á því mikið undir því að stjórnvöld hér á landi styðji við og stuðli að samkeppni á markaði.

Þetta eru ekki flókin sannindi en okkar litla, auðlindadrifna og opna hagkerfi er mjög hætt við samþjöppun og fákeppni á tilteknum mörkuðum. Það er því dapurlegt að fylgjast reglulega með fulltrúum atvinnulífsins hjóla í Samkeppniseftirlitið og starfsemi þess. Sums staðar í Borgartúninu virðist það sjálfstætt markmið að grafa undan samkeppni á markaði og eftirliti stjórnvalda með henni. Þannig haga samtök atvinnurekenda á Norðurlöndunum sér ekki, heldur sjá hag sinn í því að standa með heilbrigðri samkeppni ásamt með verklýðshreyfingunni. Stjórnvöld í nágrannaríkjum okkar styðja einnig myndarlega við starfsemi Neytendasamtaka í sínum löndum, enda meðvituð um mikilvægi þeirra á markaði. Það er ekki gert á Íslandi.

Ólögmætt samráð stóru skipafélaganna Eimskips og Samskipa kostaði íslenskt samfélag tæplega 62 milljarða króna á árunum 2008 til 2013. Þar af var kostnaðarauki neytenda 26 milljarðar króna sem rekja má beint til hækkana gjaldskrár skipafélaganna umfram almennt verðlag. Þetta kom fram á úttekt sem Analytica vann að beiðni Neytendasamtakanna, Félags Atvinnurekenda og VR og birt var í síðustu viku. Hér er um gríðarlegar háar upphæðir að ræða. Til samanburðar nægir að nefna að áætlað er að uppkaup húseigna í Grindavík muni kosta ríkissjóð rúmlega 60 milljarða króna. Það setur tjónið af hinu ólöglega samráði í samhengi sem flest skilja.

Í frétt á heimasíðu Neytendasamtakanna má einnig lesa að lántakendur verðtryggðra lána hafi greitt um 17,4 milljarða aukalega vegna hækkunar vísitölu sem tilkomin er vegna samráðsins, og er það varlega áætlað. Aðgangs- og samkeppnishindranir stóru skipafélaganna á því árabili sem um ræðir höfðu því bein áhrif á kjör verðtryggðra lána vegna vísitölubindingar þeirra.

Þannig var svínað á neytendum og komið í veg fyrir að ný flutningafyrirtæki gætu náð fótfestu á markaði. Fórnarkostnaður almennings nemur samkvæmt úttektinni sem hér er fjallað um tilboði ríkisvaldsins í húseignir allra íbúa Grindavíkur.

Greinin birtist í Morgunblaðinu 29. febrúar 2024. 

Almenningi farnast best í opnu hagkerfi þar sem frjálsræði ríkir í viðskiptum, samkeppni er virk og gagnsæi ríkir í allri efnahagsstarfsemi. Frjáls viðskipti nást ekki með  afskiptaleysi hins opinbera. Þvert á móti er grundvöllur frjálsra viðskipta ævinlega fólginn í því að stjórnvöld tryggi sanngjarnar leikreglur og skýra umgjörð á markaði …

Samfylkingin í Kópavogi heldur aðalfund sinn miðvikudaginn 13. mars kl. 20 að Hlíðarsmára 9. Húsfélag Samfylkingarnar í Kópavogi heldur einnig aðalfund sinn 13. mars kl.19.30. 

Dagskrá
1. Kjör fundarstjóra og fundarritara 
2. Skýrsla stjórnar og nefnda fyrir liðið starfsár eftir því sem við á 
3. Áritaðir reikningar fyrra árs lagðir fram til umræðu og samþykktar 
4. Breytingar á samþykktum 
5. Kjör stjórnar 
6. Kjör félagslegra skoðunarmanna reikninga 
7. Kjör uppstillinganefndar 
8. Kjör í nefndir og ráð á vegum félagsins 
9. Önnur mál.   


Tillögur til breytinga á samþykktum er hægt að senda á betrikopavogur@gmail.com. 

Sé áhugi á framboði er hægt að hafa samaband við Kristínu Sævarsdóttur formann uppstillingarnefndar, kristin@husa.is. 


Hér er að finna samþykktir félagsins.

Ef árangur á að nást þá getur enginn skorast þar undan. Sveitarstjórnarráð Samfylkingarinnar skorar á ríkisstjórnina að nýta þær hugmyndir sem fram hafa komið í kjarapakka Samfylkingarinnar. Í þeim kjarapakka er m.a. gert ráð fyrir hækkun barnabóta til fjölskyldna, vaxtabóta og hækkun húsnæðisbóta til leigjenda.

Þá styður sveitarstjórnarráð framkomnar kröfur verkalýðshreyfingarinnar sem fela m.a í sér lægri gjaldskrárhækkanir, að brúa bilið milli fæðingarorlofs og leikskóla og gjaldfrjálsar skólamáltíðir í grunnskólum, þar sem ríkið ber mestan hluta kostnaðar. Að því sögðu þá skiptir sköpum að fjármögnun frá ríkinu verði tryggð til framtíðar, en sveitarfélögin í landinu eru því miður margbrennd af vinnubrögðum ríkisvaldsins, sem stofna til verkefna eða taka þátt í kostnaði við verkefni tímabundið þegar þeim er komið á laggirnar. Sveitarfélögin eru svo skilin eftir og þurfa að standa undir kostnaði við veitta þjónustu þegar fram í sækir. Auðvelt á að vera að búa þannig um hnúta að svo verði ekki að þessu sinni. 

Sveitarstjórnarráð Samfylkingarinnar 6. mars 2024

Sveitarstjórnarráð Samfylkingarinnar tekur undir með verkalýðshreyfingunni að mikilvægt er að þjóðarsátt náist í tengslum við gerð kjarasamninga um aðgerðir til að ná niður verðbólgu og vöxtum.

Ályktun sveitarstjórnarráðs Samfylkingarinnar

Útspilið er afrakstur af metnaðarfullu málefnastarfi síðustu 6 mánuði þar sem forystufólk flokksins heimsótti 180 fyrirtæki, fundaði með sérfræðingum og efndi til 26 opinna funda um atvinnu og samgöngur víðs vegar um landið.

Smellið hér til að lesa útspilið í heild: Krafa um árangur í atvinnu- og samgöngumálum

Þrjár grundvallarkröfur
„Þetta eru kröfur frá þjóðinni sem við höfum meðtekið og gerum að okkar: Þrjár grundvallarkröfur í atvinnu- og samgöngumálum sem Samfylkingin gerir til næstu ríkisstjórnar – sem við bjóðum okkur fram til að leiða,“ segir Kristrún í tilefni af kynningu á útspilinu. Þar eru krafa um framfarir í orku- og samgöngumálum, krafa um skynsemi í auðlindastefnu og krafa um íslensk kjör og atvinnustefnu fyrir Ísland.

„Þannig felur Krafa um árangur í atvinnu- og samgöngumálum í sér eins konar verklýsingu fyrir nýja ríkisstjórn – þrjár grundvallarkröfur í mikilvægum málaflokkum og aðgerðir til árangurs svo hægt verði að ná settu marki á tveimur kjörtímabilum.“

Kristrún: „Stolt af útkomunni“

Á flokksstjórnarfundi Samfylkingarinnar á Laugarbakka síðastliðinn laugardag var útspilið kynnt fyrir flokksstjórn og tekið til umræðu. Næstu vikur mun forysta Samfylkingarinnar síðan fara með útspilið aftur til almennings og kynna áherslurnar í atvinnu- og samgöngumálum vítt og breitt um landið.

„Ég er hæstánægð með þessa vinnu og stolt af útkomunni. Ég hlakka til að kynna útspilið og veit að það mun nýtast okkur vel. Stýrihópurinn okkar stóð sig sannarlega í stykkinu og við þökkum kærlega fyrir þeirra framlag,“ segir Kristrún – en stýrihóp flokksins um atvinnu og samgöngur skipuðu Arna Lára Jónsdóttir formaður, Kristján Þórður Snæbjarnarson, Margrét Kristmannsdóttir og Stefán Þór Eysteinsson.

Húsnæðis- og kjaramál næst á dagskrá
Áður hafði Samfylkingin kynnt útspilið Örugg skref í heilbrigðis- og öldrunarmálum, þar sem sett voru fram fimm þjóðarmarkmið og örugg skref í rétt átt. Næst á dagskrá eru húsnæðis- og kjaramál sem verða í forgangi hjá flokknum næstu 6 mánuðina.

Á flokksstjórnarfundinum á Laugarbakka kynnti stjórn Samfylkingarinnar nýjan stýrihóp sem mun leiða málefnastarfið um húsnæðis- og kjaramál fram að landsfundi í haust. Stýrihópinn skipa þau Jóhann Páll Jóhannsson þingmaður sem er formaður, Hildur Rós Guðbjargardóttir sveitarstjórnarfulltrúi úr Hafnarfirði, Hjördís Þóra Sigurþórsdóttir formaður AFLs starfsgreinafélags á Austurlandi og 2. varaforseti ASÍ og Kolbeinn Hólmar Stefánsson dósent við félagsráðgjafadeild HÍ.

Frekari upplýsingar um framhaldið í þeirri vinnu verða sendar til flokksfélaga á næstunni.

Kristrún Frostadóttir, formaður Samfylkingarinnar, kynnti í dag nýjasta útspil flokksins sem ber yfirskriftina Krafa um árangur í atvinnu- og samgöngumálum á fréttamannafundi í Skeiða- og Gnúpverjahreppi.

Nýtt útspil: Krafa um árangur í atvinnu- og samgöngumálum

Mannréttindadómstóll Evrópu (MDE) birti í vikunni dóm í máli Magnúsar M. Norðdahl og Guðmundar Gunnarssonar gegn íslenska ríkinu vegna alþingiskosninganna sem fram fóru 25. september 2021. Ríkið tapaði málinu og var gert að greiða tvímenningunum skaðabætur.

Tvennt er mikilvægast í niðurstöðu MDE:
- Rétturinn til frjálsra kosninga skv. 3. gr. í 1. viðauka Mannréttindasáttmála Evrópu var ekki varinn.
- Ákvæði 13. gr. sáttmálans um raunhæf og skilvirk réttarúrræði voru ekki í boði.

Stjórnarskrá lýðveldisins Íslands, laga nr. 33/1944, uppfyllir ekki mikilvæg skilyrði mannréttindasáttmálans um sjálfstæða, óháða dómstóla og leið borgaranna til að leita réttar síns. Í mínum huga er engum blöðum um það að fletta að Alþingi ber að bregðast við dómnum og gera nauðsynlegar umbætur á kosningalögum og stjórnarskránni. Það gladdi mig að heyra dómsmálaráðherra lýsa sömu skoðun í fjölmiðlum, því það þýðir að ef til vill má ná þverpólitískri samstöðu um breytingar sem leiða af dómi MDE. Það væri kærkomin tilbreyting í því að Alþingi næði saman um tillögur í þessu mikilvæga máli fyrir næstu alþingiskosningar. Stjórnskipan landsins er undir.

Samkvæmt niðurstöðu Mannréttindadómstólsins tryggir íslensk löggjöf ekki réttinn til frjálsra kosninga, sem er grundvallarforsenda lýðræðisins. Dómstóllinn efast ekki um rannsókn undirbúningsnefndar kjörbréfanefndar haustið 2021 hafi verið trúverðug eða tillögur hennar óhlutdrægar. Hann telur sig ekki heldur geta velt vöngum yfir því hvort pólitísk afstaða hafi ráðið atkvæðagreiðslu í þingsal. Hér er rétt að minna á að undirbúningsnefndin þríklofnaði í afstöðu sinni til málsins. Hins vegar er því slegið föstu að vegna skorts á reglum sem tryggi hlutleysi megi draga í efa að atkvæðagreiðsla í þingsal hafi verið óvilhöll að ásýnd og yfirbragði. Ásýnd skiptir nefnilega líka máli í lýðræðisríki, ekki aðeins lagaframkvæmdin.

Brot gegn einni manneskju, brot gegn rétti einnar manneskju til frjálsra kosninga er brot gegn okkur öllum. Þannig er það í lýðræðisþjóðfélagi og þess vegna verður Alþingi að bregðast við dómnum. Fyrirkomulag þar sem Alþingi sjálft úrskurðar um gildi kosninga án þess að óhlutdrægni sé tryggð, án þess að niðurstaðan sé kæranleg til dómstóls eða óháðs úrskurðaraðila stenst einfaldlega ekki  lágmarkskröfur um lýðræðislega stjórnarhætti, kröfur sem við höfum skuldbundið okkur til að virða ásamt öðrum Evrópuþjóðum.

Stjórnskipunar- og eftirlitsnefnd Alþingis hyggst taka dóm MDE til umfjöllunar og kalla til sérfræðinga í stjórnskipunarrétti. Vonandi leiðir sú athugun til þess að stjórnmálaflokkarnir nái sameiginlegri niðurstöðu um viðbrögð við dómnum. Tryggja verður frjálsa framkvæmd alþingiskosninga á Íslandi. 

Rétturinn til frjálsra kosninga ekki tryggður á Íslandi

Leit um „��“

2746 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������“

2746 niðurstöður fundust við leit að „���������������������������������������������������“