Opinn borgarafundur á vegum Samfylkingarinnar í Hafnarfirði klukkan 20:00 þriðjudaginn 23. janúar í Samfylkingarhúsinu í Hafnarfirði að Strandgötu 43.

Eldsumbrotin nærri Grindavík og alvarlegar afleiðingar fyrir íbúa og byggðina þar hafa kallað fram umræður um hættur annars staðar á Reykjanesskaga. Sérfræðingar hafa varað við hugsanlegum gosum annars staðar á skaganum og fræðafólk hefur bent á gömul gossvæði ofan Hafnarfjarðar sem gætu vaknað til lífsins. Áhættumat er í gangi og niðurstöður eru væntanlegar í vor.

Ármann Höskuldsson eldfjallafræðingur verður gestur fundarins. Viðtal við Ármann um möguleg eldsumbrot á Reykjanesskaga má sjá hér: https://www.visir.is/.../-erfidasta-svaedid-i-fram... .

Kaffi og kruðerí í boði og öll velkomin. Fáum upplýsingar og umræðu um þetta mikilvæga mál fyrir bæinn okkar.

Samfylkingin jafnaðarflokkur Íslands í Hafnarfirði.

Eldsumbrot: Er Hafnarfjörður í hættu? 

Undanfarið ár höfum við fundið fyrir miklum meðbyr með stefnumálum flokksins sem hefur meðal annars endurspeglast í skoðanakönnunum allt árið. Sá meðbyr er okkur öllum mikilvægur og hvatning til að halda áfram baráttunni fyrir jafnari kjörum almennings og betra samfélagi í anda jafnaðarstefnunnar. Við höfum lagt okkur fram við að halda stefnu jafnaðarfólks á lofti og lagt til fjölmörg þingmál og breytingartillögur með það að markmiði.

Í upphafi septembermánaðar tilkynnti Helga Vala Helgadóttir að hún myndi láta af þingstörfum eftir farsælan feril á Alþingi og ötula baráttu fyrir betra samfélagi. Helga Vala leiddi framboðslista Samfylkingarinnar í Reykjavíkurkjördæmi norður frá árinu 2017. Við þökkum Helgu Völu kærlega fyrir gott og óeigingjarnt starf fyrir flokkinn og á Alþingi síðustu ár og óskum henni velfarnaðar á nýjum vettvangi.

Þingið var sett þann 12. september og þá tók Dagbjört Hákonardóttir sæti á Alþingi í stað Helgu Völu. Dagbjört hafði áður komið inn á þing sem varaþingmaður en hún var í þriðja sæti á lista flokksins í Reykjavík norður fyrir Alþingiskosningarnar 2021. Dagbjört hefur komið inn í þingstörfin af miklum krafti og staðið sig vel.

Flokksstjórnarfundur Samfylkingarinnar var haldinn 14. - 15. október á Akureyri, fjölmennur, kraftmikill og skemmtilegur. Stjórnmálaályktun fundarins má sjáhér.

Jarðhræringar við Grindavík settu eðlilega mark sitt á þingstörfin þetta haustið. Þingflokkur Samfylkingarinnar greiddi atkvæði með þeim frumvörpum ríkisstjórnarinnar sem lutu að því að styðja íbúa Grindavíkur og verja mikilvæga innviði á Reykjanesi.
Umræður um stefnuræðu forsætisráðherra fóru fram 13. september. Ræðumenn okkar þar voru Kristrún Frostadóttir og Jóhann Páll Jóhannsson.

Haustþingið hófst venju samkvæmt með framlagningu fjárlaga. Þingflokkurinn gagnrýndi harðlega úrræðaleysi ríkisstjórnarinnar gagnvart hárri verðbólgu, sem endurspeglaðist í fjárlagafrumvarpinu.

Kristrún, Oddný og Jóhann Páll kynntu kjarapakka Samfylkingarinnar sem var fylgt eftir með afmörkuðum breytingartillögum við fjárlög og breytingum við bandorm.

Markmið kjarapakkans var að milda höggið fyrir heimilin og vinna bug á verðbólgunni, meðal annars með því að beita aðhaldi þar sem þenslan er í raun. Auk stuðnings við skuldsett heimili er þar meðal annars að finna vaxtabætur fyrir bændur og aðgerðir til að auka húsnæðisöryggi, svo sem með því að ná stjórn á Airbnb, tímabundinni leigubremsu að danskri fyrirmynd og ívilnun til uppbyggingar almennra íbúða. Loks eru í kjarapakkanum tillögur um 24 milljarða aðhald á tekjuhlið ríkissjóðs. Þar er gert ráð fyrir 6 milljörðum til að fjármagna aðgerðir vegna ástandsins í Grindavík, svo sem afkomutryggingu og leigustuðning. Tekjutillögurnar eru óbreyttar frá þeim kjarapakka sem Samfylkingin kynnti fyrir fjárlög og kjarasamninga í desember í fyrra.

Haustið hefur verið viðburðarríkt hjá þingmönnunum okkar. Kristrún mælti fyrir þingsályktunartillögu um þjóðarmarkmið um fastan heimilislækni og heimilisteymi. Efni tillögunnar er hluti hugmynda sem Samfylkingin kynnti íÖruggum skrefum í heilbrigðis- og öldrunarmálumfyrr í haust. Þær eru afrakstur vinnu flokksins fyrr á þessu ári, þar sem meðal annars voru haldnir yfir 40 opnir fundir um heilbrigðis- og öldrunarmál. Þar gafst almenningi um allt land, auk heilbrigðisstarfsfólks og sérfræðingum, tækifæri til að ræða við formann, þingmenn og fulltrúa Samfylkingarinnar milliliðalaust.

Jóhann Páll lagði fram og mælti fyrir frumvarpi um umfangsmiklar breytingar á lögum um fæðingar- og foreldraorlof. Meginmarkmið tillögunnar er að auka afkomuöryggi foreldra, tryggja barnshafandi foreldri rétt til launaðs meðgönguorlofs og að foreldrar barna fram að grunnskólaaldri öðlist rétt til 20% vinnutímastyttingar með stuðningi úr Fæðingarorlofssjóði í allt að sex mánuði.

Oddný lagði fram þingsályktunartillögu um réttlát græn umskipti. Með samþykkt hennar yrði ríkisstjórninni m.a. falið að gera tímasetta og fjármagnaða aðgerðaáætlun til að tryggja réttlát græn umskipti; koma í veg fyrir það ójafnrétti sem hlotist getur af loftslagsvá og tryggja að græn umskipti auki jöfnuð í samfélaginu.

Þórunn Sveinbjarnardóttir er formaður stjórnskipunar- og eftirlitsnefndar Alþingis. Nefndin hefur til umfjöllunar skýrslu Ríkisendurskoðunar um Fangelsismálastofnun og álit Umboðsmanns Alþingis um aðbúnað á Litla-Hrauni. Báðar segja sögu af vanrækslu stjórnvalda í þessum mikilvæga málaflokki. Þórunn hafði einnig haft frumkvæði að skoðun stjórnskipunar- og eftirlitsnefndar á geðheilbrigðisþjónustu. Nefndin vinnur nú að gerð tillögu um skipun rannsóknarnefndar Alþingis vegna aðdraganda og eftirmála snjóflóðsins mannskæða í Súðavík í janúar 1995. Þórunn situr einnig í umhverfis- og samgöngunefnd og ber þar hæst þáttaka á COP28 í Dubai. Ísland styður markmiðið um að hlýnun jarðar fari ekki yfir 1,5 gráður en ekkert í aðgerðum ríkisstjórnarinnar benda til þess að hugur fylgi máli. Aðgerðir eru óljósar og alls ekki ljóst hvernig draga á úr losun fyrir árið 2030 eða ná lögbundnum markmiðum um kolefnishlutleysi árið 2040.

Dagbjört tók sæti í Allsherjar- og menntamálanefnd nú í haust. Dagbjört hefur lagt áherslu á að menntamál fái það vægi sem þau eiga skilið, með áherslu á lausnir jafnaðarstefnunnar. Hún lagði meðal annars fram frumvarp um systkinaforgang í leikskólum. Markmiðið með frumvarpinu er að gera sveitarfélögum kleift að veita yngri systkinum forgang á leikskóla eldra systkinis.

Sjálfur sit ég í utanríkismálanefnd og þar hefur umfjöllun um hryllinginn í Úkraínu og á Gaza tekið mikinn tíma. Nefndin lagði fram þingsályktunartillögu þar sem hryðjuverk og stríðsglæpir voru fordæmd, tafarlauss vopnahlés krafist á Gaza og að mannúðaraðstoð yrði tryggð. Hún var samþykkt samhljóða. Í kjölfarið gaf utanríkisráðherra munnlega skýrslu um viðbrögð ríkisstjórnarinnar, að beiðni þingflokks Samfylkingarinnar, og tókum við Kristrún þátt í þeirri umræðu. Þá lagði ég fram frumvarp um samfélagsþjónustu ungra brotamanna þar sem gert er ráð fyrir að dómstólum verði fengið það úrræði að dæma ungt fólk í samfélagsþjónustu. Það fæli í sér meiri virðingu fyrir þrískiptingu ríkisvaldsins, yki gagnsæi og gæfi dómstólum betra tækifæri til að taka á vanda ungra brotamanna.

Þrír varaþingmenn tóku sæti á Alþingi þetta haustið og létu öll að sér kveða. Guðmundur Andri Thorsson rithöfundur og ritstjóri hjá Forlaginu kom tvívegis inn á þing í fjarveru Þórunnar. Magnús Árni Skjöld dósent kom inn í nóvember þegar Jóhann Páll tók fæðingarorlof. Þá kom Ragna Sigurðardóttir læknir inn fyrir Dagbjörtu í nóvember.

Á nýju ári munum við halda áfram að ferðast vítt og breitt um landið, hitta jafnaðarfólk, skiptast á skoðunum og þiggja góð ráð og brýningar. Stýrihópur flokksins hefur einnig hafið vinnu við metnaðarfullt málefnastarf um atvinnu og samgöngur. Eftir áramót munum við því heimsækja vinnustaði um allt land  og halda fjölda opinna funda um atvinnu- og samgöngumál. Útkoman úr þeirri vinnu verður svo kynnt fyrir flokksstjórnarfund í vor, með útspili á borð við það sem var sett fram í heilbrigðismálum síðasta haust. Þessi vinna snýst ekki um breytingar á stefnu flokksins heldur fremur að móta áherslur, útfærslur og forgangsröðun fyrir nýja ríkisstjórn að loknum næstu kosningum og vonandi undir forystu jafnaðarfólks.

Kæru félagar, stuðningur ykkar og þátttaka hefur verið okkur mikils virði og við hlökkum til að eiga áframhaldandi samskipti á nýju ári. Þingflokkurinn sendir ykkur öllum óskir um friðsama og gleðilega hátíð og gæfuríkt komandi ár.

Jólakveðja fyrir hönd þingflokks Samfylkingarinnar,
Logi Einarsson þingflokksformaður

Að baki er skemmtilegt og kraftmikið haust hjá okkur í þingflokki Samfylkingarinnar.

Opið hús, og fyrsta laugardagskaffi ársins, Samfylkingarinnar í Árborg og nágrenni verður haldið laugardaginn 20. janúar kl. 11:00 í Samfylkingarsalnum að Eyravegi 15 á Selfossi. 

Félagsfólk er hvatt til að mæta og bjóða með sér gestum.

Bæjarfulltrúar í Árborg verða á fundinum, við höfum um margt að ræða í þjóðmálum og þátttöku okkar í skipulögðu málefnastarfi flokksins. Næsti kafli málefnastarfsins fjallar um atvinnu- og samgöngumál, málefni þar sem landsbyggðin öll skiptir máli.

Á nýju ári má gera ráð fyrir breytingum af mörgu tagi. Ein af þeim eru fyrirhuguð borgarstjóraskipti en samkvæmt málefnasamningi núverandi meirihluta mun Dagur B. Eggertsson láta af embætti borgarstjóra nú í janúar og oddviti Framsóknar taka við.

Samfylkingarfélagið í Reykjavík býður til félagsfundar með Degi mánudaginn 8. jan. kl. 20:00 í félagsheimili Samfylkingarinnar að Hallveigarstíg 1.

Fundarefni: Hvernig skilur Dagur við borgina og hvert stefnir borgin okkar?

Fundinum stýrir Ellen Calmon, varaborgarfulltrúi og f.v. formaður SffR.

Það er rétt að minna á að það fá ekki öll börn fræðslu heima fyrir, og síst þau sem allra mest þurfa á henni að halda. Í vikunni sem leið stóð Kennarasamband Íslands fyrir kennaraviku í tilefni alþjóðlegs dags kennara þann 5. október. Á sama tíma bar einna hæst á baugi umræða um kynfræðslu í skólum til yngri aldurshópa og hlutverk grunnskólanna í því að veita slíka fræðslu. Þessi umræða hefur jafnframt verið fyrirferðarmikil um hinseginmálefni og hvort æskilegt væri að fræða grunnskólanemendur um mismunandi kynhneigðir og kyngervi. Þessi umræða hefur öðru fremur staðfest að hér á landi ríkir almenn og breið þjóðfélagsleg sátt um að börn fái viðeigandi fræðslu og menntun í grunnskólanum um eigin líkama, kynheilbrigði, kynhneigðir og mismunandi fjölskyldumynstur – þekkingu sem endurspeglar þeirra daglega líf og áskoranir sem þar birtast.

Það er því ekki lítið á kennara lagt, og börnin okkar ekki heldur. Við búum að því að eiga þaulmenntaða kennarastétt þar sem margir hafa orðið sér úti um djúpa sérhæfingu á sínu sviði. Ein stærsta áskorun þeirrar kynslóðar sem vex nú úr grasi er læra að fóta sig í stafrænum heimi. Nýleg rannsókn Fjölmiðlanefndar og HÍ sýnir okkur að yfirgnæfandi meirihluti barna á grunnskólaaldri fær farsíma í hendur og um leið aðgang að upplýsingum sem eru misáreiðanlegar og oft á tíðum skaðlegar þeim. Þessi umræða er því nátengd þeirri sem lýtur að upplýsingatæknikennslu í grunnskólum. Ólíkt kyn- og hinseginfræðslu, er upplýsinga- og tæknimennt er með beinum orðum nefnd í aðalnámskrá fyrir grunnskóla að virtri endurskoðun hennar frá árinu 2013. Lykilhæfniviðmið og almenn hæfniviðmið eru metnaðarfull og gera í mjög stuttu máli meðal annars ráð fyrir að við lok 10. bekkjar geti nemandi nýtt sér upplýsingatækni til að afla sér þekkingar.

Það er ástæða fyrir því að þetta er ávarpað hér. Upplýsingatæknikennsla er nefnilega í ákveðnu uppnámi. Fyrir liggja tvær ákvarðanir Persónuverndar um nýtingu kennslulausna, annars vegar gagnvart Reykjavíkurborg í lok árs 2021 og nú síðast gegn Kópavogsbæ í maí 2023. Af niðurstöðum má draga þá ályktun að það sé mat stofnunarinnar að sveitarfélögum (og þar með talið grunnskólum) sé ekki í sjálfsvald sett að nýta lausnir sem þessar vegna ýmissa áhættuþátta og skorti á lagaheimildum þar um. Þá hefur eftirlitsyfirvaldið jafnframt haft nýtingu skýjalausna til skoðunar á undanförnum mánuðum. Á næstu vikum mun koma í ljós hvort grunnskólum í stærstu sveitarfélögum verði hreinlega gert að láta af nýtingu almennra skýjalausna sem metin hefur verið forsvaranleg af helstu sérfræðingum á sviði persónuverndar og upplýsingatækni, ekki síst að virtri þýðingu hennar fyrir upplýsingatæknikennslu.

Á mannamáli þýðir þetta að tækninni (eins og við þekkjum hana í daglegu starfi) yrði gott sem úthýst úr íslenskum skólastofum. Íslenskum grunnskólum er að þessu leyti sniðinn mun þrengri stakkur en á Norðurlöndum og í Evrópu, sem þýðir að bannið verður ekki aðeins leitt til almennu persónuverndarreglugerðar ESB sem tók gildi árið 2018. Margir velta því fyrir sér hvað veldur hinni séríslensku nálgun. Persónuvernd stendur ekki á svörum – það á að vernda börnin og hindra það í lengstu lög að persónuupplýsingar þeirra verði afhentar tæknirisum á silfurfati. Það er góðra gjalda vert, og ekkert sveitarfélag vill stunda slíka gagnaflutninga. Aðferðir og leiðir Persónuverndar til að stemma stigu við slíku koma hvorki heim og saman við aðalnámskrá grunnskóla, né bera þær með sér að grunnskólinn er lykilvettvangur þess þegar kemur að því að standa vörð um hagsmuni barna. Við gerum það fyrst og fremst með því að kenna þeim að bera sig rétt að í upplýsingasamfélaginu.

Þegar horft er á söguna hefur ekki reynst farsælt neita að horfast í augu við áskoranir samtímans að og meina börnum að fræðast um þær. Að því er lýtur að upplýsingatækni er vandséð hvernig á að ná fram markmiðum aðalnámskrár ef kennarar geta ekki nýtt skýjalausnir með sama hætti og viðgengst með farsælum hætti á Norðurlöndunum og víðs vegar í Evrópu. Þar þurfa öll að læra að fóta sig. Skólastarf hefur liðið verulega fyrir þessa óvissu á undanförnum misserum og ber framkvæmdavaldinu, með skýrri aðkomu Alþingis ef þess gerist þörf, að skapa kennurum ótvíræð starfsskilyrði og leggja línur um framtíðarsýn í málaflokknum. Það er ekki síst skylda okkar að sjá grunnskólanemendum fyrir því að þau fái þessa kennslu ekki aðeins heima fyrir. Nemendur þurfa öfluga upplýsingatæknikennslu mótaða af okkar færustu sérfræðingum, og hana fá þau í grunnskólanum.

Það er vel þess virði að gjalda varhug við hvers konar yfirlýsingum um að börnum standi ógn af fræðslu og kennslu á því umhverfi sem endurspeglar daglegt líf þeirra. Ég óska kennurum til hamingju með alþjóðlegan kennaradag. Það eruð þið sem eruð sérfræðingar í hagsmunum barna.

Greinin birtist á visi.is 9. október 2023. 

Á morgun kemur skólinn, hvar verða skýin þá?

Flokksstjórnarfundur verður haldinn laugardaginn 14. október í Hofi á Akureyri, húsið opnar kl.13. Við vonum svo sannarlega að sem flest hafi tök á að mæta til leiks og taka þátt, félagar, makar og börn velkomin. Gott aðgengi er í Hofi, fundurinn er haldinn í salnum Hamrar.  

Atvinna og samngöngur verða í forgrunni, enda næsta áhersla í málefnastarfi flokksins með fólki um land allt. 

Við fáum góða gesti úr kjördæminu til að ræða atvinnu, samgöngur og lífið í kjördæminu.  Þá gefst einnig tækifæri í spjalla beint við forystufólk okkar og opið samtal við kjörna fulltrúa beint um þeirra störf og komandi þingvetur.

Við höfum skipulagt rútuferð frá bílastæðinu ofan fyrir Hús verslunarinnar (nær Kringlumýrarbraut) í Reykjavík kl. 07:00 laugardagsmorguninn 14. október, með stoppi í Staðarskála, og aftur til baka á kl.11:30 frá Ráðhústorginu á Akureyri sunnudeginum 15. október.

Flokksstjórarnarfundir eru opnir öllum félögum Samfylkingarinnar. 

Skráning í rútuna er hafin, við skráningu er einnig greitt fyrir farið sem er 5.000 kr.

Skráning á fundinn og í rútuna hér: https://forms.gle/mLeCRd8y5nkhFCAy7

Fargjaldið fyrir rútuna er 5.000 og greiðist inn á bk. 0111 hb. 26 rknr. 19928 -
kt. 690199-2899. Ath. að ekki verður tekið frá pláss í rútunni nema eftir að greitt hefur verið. 

ATH. að fólk verður sjálft að sjá um að bóka gistingu. 

07:00 - Lagt af stað frá Reykjavík - rútan fer frá bílastæði við Húsi verslunarinnar 

10:00 - 12:00 Verkalýðsmálaráð og Samfylkingarfélagið á Akureyri halda opinn fund í Sunnuhlíðinni

13:00 - Húsið opnar, skráning og hádegismatur 

13:40 - Arnheiður Jóhannsdóttir, framkvæmdastjóri Markaðsstofu Norðurlands heldur erindi og opnar fyrir spurningar úr sal, Ferðaþjónustan á Norðurlandi, flug og aðrar samgöngur.

13:50 - Kynning á drögum að stjórnmálaályktun 

14:00 - Formaður og stýrihópur svara spurningum um Örugg skref

14:30 - Erindi að vestan - Jóhanna Ösp Einarsrdóttir, formaður Fjórðungssambands Vestfjirðinga

15:15 - Þingveturinn framundan: Dagbjört, Jóhann Páll, Logi og Þórunn fara yfir áherslumál þingvetrarins 

15:45 - Erindi að austan - Stefán Þór Eysteinsson oddviti Fjarðarlistans 

15:55 - Atvinna og samgöngur - kynning á málefnastarfi

16:10 - Hugmyndavinna í atvinnu- og samgöngumálum 

16:30 - Almennar umræður, afgreiðsla tillagna og ályktun fundarins

18:00 -  Gleðistund hjá Samfylkingunni á Akureyri, Sunnuhlíðinni 

19:30 -  Kvöldverður og teiti í Golfskálnum 

Skráning í kvöldverð: https://forms.gle/Je4oa56hpcA6SNJ3A

Brottför frá Ráðhústorginu á Akureyri kl. 11:30 sunnudaginn 15. september.  

Kaffi- og fundargjaldið er 3.500 og 2.000 fyrir námsmenn, lífeyrisþega og fólk á fjárhagsaðstoð, greiðist inn á bk. 0111 hb. 26 rknr. 19928 - kt. 690199-2899.

Kvöldverður og teiti í Golfskálanum 7.500 og 6.000 fyrir námsmenn, lífeyrisþega og fólk á fjárhagsaðstoð greiðist inn á bk. 0111 hb. 26 rknr. 19928 - kt. 690199-2899.

Æskilegt er að skrá sig og greiða kaffi- og fundargjaldið sem fyrst, eða eigi síðar en 12. október kl. 21:00.

Aðeins flokksstjórn hefur atkvæðisrétt á flokksstjórnarfundi.
En allir félagar í Samfylkingunn hafa tillögu og málfrelsi. 

Ályktunartillögur fyrir reglulega flokkstjórnarfundi skv. grein 7.06, sem aðrir flytja en stjórn eða framkvæmdastjórn, skulu hafa borist a.m.k. tveimur vikum fyrir boðaðan fund og skulu kynntar á heimasíðu flokksins. Tillögur skal senda á samfylking@samfylking.is eigi síðar en 29. september kl. 23:59.

29. september - Síðasti dagur til að skila inn ályktunar- og breytingartillögur 
14. október - Flokksstjórarfundur í Hofi á Akureyri

Flokksstjórnarfundur verður haldinn 14. - 15. október í Hofi á Akureyri.

Vinnandi vegur: Haustfundur flokksstjórnar

Spjallkaffi Samfylkingarinnar í Reykjavík 60+ verður á sínum stað miðvikudaginn 18. október kl. 10:00 - 12:00 í sal Samfylkingarinnar við Hallveigarstíg 1, 101 Reykjavík.

Sara Björg Sigurðardóttir, varaborgarfulltrúi og formaður Öldungaráðs Reykjavíkurborgar. Sara ræðir um búsetuform framtíðar fyrir 60+ og um fyrirbyggjandi aðgerðir varðandi einmanaleika fólks. 
Hlökkum til að sjá ykkur, komum með okkar hugmyndir og langanir.      

Það verður heitt á könnunni og eitthvað með því. 
Verið öll velkomin! 

Nýlega mælti ég fyrir frumvarpi á Alþingi sem felur í sér eftirfarandi fimm breytingar á lögum um fæðingar- og foreldraorlof:

1. Fyrstu 350 þúsund krónur af viðmiðunartekjum fæðingarorlofsgreiðslna verða óskertar og 80%-reglan mun einvörðungu taka til tekna umfram þá fjárhæð. Þetta er lykilaðgerð til að verja afkomuöryggi foreldra, enda má launalægsta fólkið á Íslandi ekki við 20% tekjuskerðingu þegar það eignast barn.

2. Barnshafandi foreldri öðlast rétt til launaðs meðgönguorlofs allt að fjórum vikum fyrir áætlaðan fæðingardag án þess að sá tími komi til frádráttar þeim tíma sem foreldri á rétt á til launaðs fæðingarorlofs eftir fæðingu. Slíkur réttur er tryggður í Noregi og Danmörku. Að breytingunni hníga sterk heilsufarsleg rök, enda fylgir seinni hluta meðgöngu jafnan mikið álag og veikindaréttur fólks er mismunandi.

3. Fæðingarstyrkir til námsmanna og fólks utan vinnumarkaðar hækka um 50%. Fjárhæðirnar eru smánarlegar í dag og duga hvergi nærri til framfærslu. Að auki er lagt til að námsmenn sem eiga rétt á fæðingarstyrk fái einnig styrk til framfærslu annarra barna undir 18 ára aldri sem nemur einföldum barnalífeyri eins og gildir um lánþega hjá Menntasjóði námsmanna.

4. Þak á fæðingarorlofsgreiðslur hækkar úr 600 þúsund krónum í 800 þúsund krónur á mánuði, en þakið hefur staðið í stað frá því að núgildandi lög tóku gildi árið 2020. Þetta er mikilvægt jafnréttismál og raunar ætti þakið að vera umtalsvert hærra í tekjutengdu fæðingarorlofskerfi.

5. Foreldrar barna fram að grunnskólaaldri öðlast rétt til 20% vinnutímastyttingar með stuðningi úr Fæðingarorlofssjóði í allt að sex mánuði. Greiðslurnar reiknast á sama hátt og greiðslur vegna fæðingarorlofs en í hlutfalli við skerðingu á starfshlutfalli. Í dag er Ísland eftirbátur annarra Evrópuríkja hvað varðar jafnvægi milli vinnu og fjölskyldulífs og raunar er Tyrkland eina Evrópulandið sem kemur verr út að þessu leyti í lífsgæðasamanburði OECD. Með þessari réttarbót yrði stigið mikilvægt skref í átt að fjölskylduvænni vinnumarkaði á Íslandi.

Hér má lesa frumvarpið í heild ásamt greinargerð um tillögurnar og útfærslu þeirra. Best væri ef kerfisbreytingar í þessa veru yrðu lögfestar samhliða frekari lengingu fæðingarorlofs með fjölgun orlofsmánaða sem hvort foreldri á sjálfstæðan rétt til.

Á meðal þeirra sem lýst hafa stuðningi við frumvarpið eru Alþýðusamband Íslands, Kvenréttindafélag Íslands, Félag íslenskra fæðingar- og kvensjúkdómalækna, Ljósmæðrafélag Íslands og samtökin Fyrstu fimm. Ég hlakka til að fylgja málinu eftir á vettvangi velferðarnefndar Alþingis.

Hvernig sköpum við réttlátara og sterkara fæðingarorlofskerfi á Íslandi?

Fæðingar­or­lof í anda jafnaðar­mennsku

Alþýðuflokksfélag Reykjavíkur fagnar 85 ára afmæli þann 21. október, húsið opnar kl. 15:30 og dagskrá hefst kl. 16:00.

Dagskrá: 
Ávarp - Guðmundur Árni Stefánsson varaformaður Samfylkingarinnar
Reykjavík fyrir alþýðuna, Alþýðuflokksfélag Reykjavíkur 1938-2023 - Sigurður Pétursson sagnfræðingur

Fundarstjóri - Rúnar Geirmundsson 

Léttar veitingar í boði. Hlökkum til að sjá ykkur sem flest. 

Alþýðuflokksfélag Reykjavíkur 85 ára afmæli 

Spjallkaffi Samfylkingarinnar í Hafnarfirði 60+ verður á sínum stað á  fimmtudaginn 26. október kl. 10:30 - 12:00 í sal Samfylkingarinnar Strandgötu 43, Hafnarfirði.

Gestur okkar að þessu sinni verður Árni Rúnar, sveitarstjórnfarfulltrúi Samfylkingarinnar í Hafnarfirði.

Það verður heitt á könnunni og eitthvað með því. 
Verið öll velkomin! 

Leit um „��“

2745 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2745 niðurstöður fundust við leit að „���������������������������“