Þá er komið að fyrsta opna húsinu á þessu hausti, næsta laugardag þann 7. október. kl. 11:00 - 13:00 í Þverholtinu. 

Anna Sigríður bæjarfulltrúi og fulltrúar Samfylkingarinnar í nefndum munu fara yfir helstu mál sem eru til umfjöllunar hjá meirihlutanum á vettvangi bæjarstjórnar og nefnda, svara spurningum og spjalla við gesti.

Léttur hádegisverður verður í boði. Hlökkum til að hitta ykkur sem flest.

Við viljum tala skýrt og gefa kjósendum tækifæri til að kynna sér forgangsröðun Samfylkingarinnar í mikilvægum málaflokkum. Áhersluatriðin byggja að sjálfsögðu á traustum grunni jafnaðarstefnunnar en í þeim felst loforð um hvaða verkefni við viljum setja í forgang á næstu kjörtímabilum. 

Gott og greitt aðgengi að nauðsynlegri heilbrigðisþjónustu er lykillinn að bættri lýðheilsu. Þess vegna er það höfuðmarkmið okkar að innan áratugar hafi öll sem hér búa heimilislækni eða skilgreint teymi sem hægt er að leita til á næstu heilsugæslustöð. Á fyrsta kjörtímabilinu viljum við setja 60 ára og eldri og langveika í forgang. 

Þessi sjálfsagða aðgerð mun skila sér í öruggum og greiðum samskiptum borgaranna við heilsugæsluna, sem alltaf á að vera fyrsti viðkomustaður okkar í heilbrigðiskerfinu. Aðeins helmingur fólks á Íslandi hefur fastan heimilislækni en sambærilegt hlutfall í Noregi er 95%. Rannsóknir sýna að þau sem ekki hafa heimilislækni eru 30% líklegri til að þarfnast innlagnar á sjúkrahús. Varla þarf að taka fram hversu miklu máli það skiptir að veita rétta heilbrigðisþjónustu á réttum stað í kerfinu út frá sjónarmiðum hagkvæmni og tímasparnaðar.

Þjónustu við aldraða er annar lykilþáttur í tillögum Samfylkingarinnar. Mikill skortur er á hjúkrunarrýmum og fjármagn til heimahjúkrunar hefur haldist óbreytt sem hlutfall af landsframleiðslu frá árinu 2009. Hér bíða okkar brýn verkefni sem ríkisstjórnir síðustu tíu ára hafa hreinlega ekki ráðið við þótt öll séum við væntanlega meðvituð um hækkandi lífaldur þjóðarinnar. 

Við viljum að sjálfsögðu að fólki um allt land sé tryggt öruggt aðgengi að heilbrigðisþjónustunni í heimabyggð. En það þarf líka að styrkja sjúkraflutninga og verja hærri upphæðum til að niðurgreiða ferðakostnað þeirra sem þurfa að sækja þjónustu fjarri heimabyggð. Það segir sig sjálft að fjölskyldur geta ekki tekið á sig ítrekað vinnu- og tekjutap til dæmis vegna langvinnra veikinda. 

Allir hlutar heilbrigðiskerfisins þurfa að vinna vel saman, allt frá heilsugæslu til bráðaþjónustu. Samfylkingin teflir fram skýrri heildarsýn á velferðarsamfélagið og hefur hugrekki til að segja við kjósendur að verja þurfi stærra hlutfalli af vergri landsframleiðslu til heilbrigðis- og öldrunarþjónustu. Við viljum hækka hlutfallið um 1 til 1,5% á átta árum. Það er eðlileg hækkun sem skilar betri þjónustu og bættri heilsu. Þetta gerum við án þess að hækka skatta á venjulegt launafólk en með því að draga úr misræmi skattlagningar fjármagns- og launatekna og tryggja að arður af nýtingu sameiginlegra auðlinda okkar nýtist í þágu alls samfélagsins.

Greinin birtist í Morgunblaðinu sunnudaginn 8. okt. 2023.  

Samfylkingin kynnti á dögunum fimm þjóðarmarkmið í heilbrigðis- og öldrunarþjónustu. 

Samfylkingin í Árborg og nágrenni stendur fyrir opnum fundum í Samfylkingarsalnum að Eyravegi 15 á Selfossi kl 11:00 annan hvern laugardag fram að jólafríi. 

Næsta laugardagskaffi Samfylkingarinnar verður laugardag 21. október kl. 11:00.

Rædd verður vinna að aðgerðaáætlun Samfylkingarinnar um Vaxtarplan fyrir Ísland, sem kynnt var á fundi flokksstjórnar á Akureyri. Einnig förum við yfir stefnumótun og starfsáætlun okkar á næstu vikum.

Kaffi og meðlæti.
Fundirnir eru öllum opnir og félagsfólk er hvatt til að taka virkan þátt.

Milljón manns hefur verið gert að rýma norðurhluta Gaza svo að Ísraelsher geti gengið á milli bols og höfuðs á hryðjuverkamönnum Hamas. 

Vígamenn Hamas frömdu skelfileg hryðjuverk innan landamæra Ísraels 7. október sl. Árás sem á engan sinn líka í sögu Ísraelsríkis; fjöldamorð voru framin og fólk tekið í gíslingu. Engum var eirt, hvorki börnum né gamalmennum. Manni rennur kalt vatn á milli skinns og hörunds við að heyra lýsingar á voðaverkunum. Ekkert getur afsakað þau. 

Íbúar Gaza eru rúmlega 2 milljónir talsins. Tæplega helmingur þeirra er börn og ungmenni yngri en 19 ára. Þau þekkja lítið annað en skort og fátækt, ofbeldi og loftárásir. Nú eru þau lögð á flótta og enginn veit hvar eigi að hýsa þau eða hver ætli að gefa þeim að borða. Það er ekkert minna en katastrófa sem minnir óþægilega mikið á Nakba, flótta Palestínumanna frá heimkynnum sínum árið 1947. 

Smáríkið Ísland lék lykilhlutverk á fundi Sameinuðu þjóðanna 1948 þegar uppskipting Palestínu og Ísraels var ákveðin. Ísland var einnig fyrsta vestræna lýðræðisríkið sem viðurkenndi sjálfstæði og fullveldi Palestínu með samþykkt Alþingið árið 2011. Við berum því bæði pólitíska og siðferðilega ábyrgð gagnvart Ísrael og Palestínu. 

Ísrael og Gaza hafa verið í klóm pólitískra öfgaafla um langt skeið. Benjamín Netanyahu leiðir ríkisstjórn í Ísrael sem er samansafn hægri öfgamanna sem reiðir sig á stuðning bókstafstrúaðra gyðinga. Það fólk hefur lítinn sem engan áhuga á því að styðja tveggja ríkja lausnina en hefur einbeitt sér að því að gefa ofbeldisfullu landránsfólki lausan tauminn, auk þess að grafa undan réttarríkinu með fyrirætlunum um veikingu dómstóla. Sem betur fer hefur almenningur í Ísrael mótmælt þeim áformum með aðdáunarverðum þrótti á liðnu ári. Hamas eru systursamtök Hezbollah í Líbanon og njóta hernaðarstuðnings og velþóknunar klerkaveldisins í Íran. Kosningar hafa ekki verið haldnar á heimastjórnarsvæðum Palestínu frá árinu 2006. 

Lýðræði og friði stafar mikil hætta af öfgahreyfingum sem þessum og ég fullyrði að þær þjóna ekki sameiginlegum hagsmunum þess fólks sem byggir Ísrael og Palestínu. 

Samfylkingin fordæmir stríðsglæpi Hamas og Ísraelshers og skorar á ríkisstjórn Íslands að beita sér fyrir því á alþjóðlegum vettvangi að tryggja nauðsynlega mannúðaraðstoð til almennra borgara, tafarlaust vopnahlé og að þrýst verði á Ísrael að fylgja alþjóðalögum og binda enda á aðskilnaðarstefnu undanfarinna áratuga. Öfgar og illska með tilheyrandi grimmd og blóðsúthellingum leysa engan vanda og stuðla sannarlega ekki að friði.

Greinin birtist í Morgnblaðinu 17. október 2023. 

Þegar þessi orð eru rituð er allsherjarinnrás Ísraelshers á Gaza ströndina yfirvofandi. 

Það ríkir ófremdarástand í fangelsismálum hér á landi. Ástand sem OPCAT-eftirlit umboðsmanns Alþingis með stöðum þar sem frelsissviptir dvelja ber vitni um ásamt stjórnsýsluúttekt Ríkisendurskoðunar á Fangelsismálastofnun. Niðurstöðurnar eru sláandi. Þetta ástand er á ábyrgð stjórnvalda, þeirra ríkisstjórna sem setið hafa undanfarin tíu ár, en allan þann tíma hefur Sjálfstæðisflokkurinn farið með dómsmálaráðuneytið. Ítrekaðar ábendingar umboðsmanns, Afstöðu, Fangavarðafélagsins, Rótarinnar og aðstandenda fanga virðast lítil áhrif hafa á ráðherrana sem ábyrgð bera á fullnustukerfinu.
 
 Við blasir vanfjármögnun og vanræksla. Róður Fangelsismálastofnunar er þungur en segja má að fjárskortur stofnunarinnar hafi keðjuverkandi áhrif. Ástandið á Litla-Hrauni er til skammar og engum bjóðandi. Að telja aðbúnað fanga þar stuðla að betrun og mannrækt eru í besta falli öfugmæli. Aðstaðan sem veitt er til fjölskylduheimsókna er dapurlegur vitnisburður um hvað við teljum börnum bjóðandi.
 
 Endurbóta- og viðhaldsþörf fangelsa er mikil. Húsnæði Litla-Hrauns er hálfónýtt en stærsta byggingin þar er talin það illa farin að það ógni heilsu fanga og starfsfólks. Starfsemin þar uppfyllir aðeins að hluta nútímakröfur sem gerðar eru um öryggi og endurhæfingu í fangelsum, sem gerir það að verkum að ofbeldis- og fíkniefnamál eru viðvarandi vandamál. Menntun og starfsþjálfun fangavarða er brotakennd.
 
 Undirmönnun er á flestum sviðum Fangelsismálastofnunar sem leiðir til þess að ekki er fullnýting á afplánunarrýmum. Það vantar 18 ársverk fangavarða og 10 sérfræðinga til að uppfylla öryggiskröfur og aðrar kröfur um aðbúnað fanga. Illa gengur að stytta boðunarlista og er því nokkuð um að dómar fyrnist þar sem of langt líður á milli dóms og afplánunar. Ofbeldisdómar fyrnast. Það er þannig ekki unnt að treysta því að niðurstöðum dómstóla landsins um afplánun sé í raun fylgt eftir.
 
 Staða kvenna í fangelsum er ólíðandi. Ekki eru til sérstök vistunarúrræði fyrir konur og er konum sem ekki komast að í opnu úrræði gert að afplána dóma sína í öryggisfangelsi sem ekki er hannað til langrar fangavistar. Þetta er vafasöm framkvæmd enda hafa þær fæstar framið alvarleg ofbeldisbrot. Þær hafa skertara aðgengi að störfum, virkni og endurhæfingu en karlkyns fangar.  Umboðsmaður Alþingis fjallaði um aðbúnað aðstæður kvenna í fangelsum í skýrslu sumarið 2023.   
 
 Við afgreiðslu fjárlagafrumvarpsins lagði Samfylkingin til að fjárlaganefnd gerði þverpólitíska tillögu um nauðsynlega fjármögnun úrbóta í fangelsismálum. Stjórnarflokkarnir studdu það ekki. Það vekur furðu í ljósi stöðunnar en er vissulega tímanna tákn og segir sögu af erindisleysi ríkisstjórnarinnar.

Greinin birtist í Morgunblaðinu 13. janúar 2024. 

Við gerð fjárhagsáætlunar hækkuðu mörg stærri sveitarfélögin almennar gjaldskrár sínar umtalsvert á nýju ári, enda hafa verðbólga og hátt vaxtastig valdið sveitarfélögum eins og öðrum miklum vanda. Nokkur þessara sveitarfélaga hafa nú aðeins dregið í land og hyggjast endurskoða þá hækkun sem er innlegg þeirra sveitarfélaga í kjarasamningsviðræður aðila vinnumarkaðarins sem nú standa yfir enda mikilvægt að allir leggi sitt af mörkum í baráttunni við verðbólguna og vextina.

Skólamáltíðir hækka um tugi prósenta

Við gerð fjárhagsáætlunar 2024 ákvað meirihluti Framsóknar- og Sjálfstæðisflokks í Hafnarfirði að gjaldskrár myndu hækka um 9,9% frá áramótum. Og sem dæmi má nefna að leikskólagjöldin hækka um 9,9%. En matarkostnaður í leikskólum hækkaði um heil 19% líka. Í grunnskólanum var sömu sögu að segja af matarkostnaði nema þar nam hækkunin heilum 33%. Meirihluti Framsóknar- og Sjálfstæðisflokks tók nefnilega ákvörðun um hækka ekki kostnaðarhlutdeild bæjarins í matarkostnaði leik- og grunnskólabarna þegar gjaldskrá Skólamatar hækkaði um 33%. Þetta gerðis meirihlutinn þrátt fyrir háfleyg orð í málefnasamningi meirihlutans um að markviss skref verði tekin á kjörtímabilinu í átt að gjaldfrjálsum skólamat. Meirihlutinn bætti svo um betur þegar hann felldi tillögu Samfylkingarinnar við afgreiðslu fjárhagsáætlunar um að hlutdeild bæjarins myndi hækka upp í 50% frá og með áramótum til þess að verja fjölskyldur í bænum fyrir þessari miklu hækkun.

Hætta á að mörg börn fari á mis við skólamáltíðir

Að sjálfsögðu ættu skólamáltíðir að vera endurgjaldslausar en ef það er óskhyggja í mér þá hefði meirihluti Framsóknar- og Sjálfstæðisflokks a.m.k. átt að samþykkja tillögu okkar jafnaðarfólks og hækka kostnaðarhlutdeild bæjarins í skólamáltíðum svo hækkunin komi ekki niður á börnum og heilsu þeirra til framtíðar. Einfaldlega vegna þess að skólamáltíðir eru lýðheilsumál og væri eðlilegast að taka þær sérstaklega út fyrir sviga í gjaldskrárhækkunum á þjónustu. Því miður er líklegt að þessi bratta hækkun á skólamat í leik- og grunnskólum Hafnarfjarðar muni leiða til þess að mörg heimili hafi einfaldlega ekki efni á því að greiða hærri upphæðir fyrir skólamáltíðir. Slíkt getur leitt til þess að mörg börn fái ekki þá næringu sem þau þurfa.

Það er alvarlegt lýðheilsumál að ákveðinn hópur barna fái færri tækifæri til þroska og heilsu vegna efnahags heimilisins. Það er alvarlegt mál að börn fái ekki góða næringu og til lengri tíma litið fer þetta að bitna á heilsu og þroska þessara barna. Því er það nokkuð ljóst að þessi kostnaður mun lenda annars staðar í kerfinu eftir nokkur ár. Því tel ég einsýnt að Hafnarfjarðarbær verði að endurskoða gjaldskrárhækkanir fyrir skólamáltíðir og minni á að hér er um lýðheilsumál að ræða.

Greinin birtist á visi.is 16. janúar 2024. 

Lýðheilsuógnandi gjaldskrárhækkanir?

Hún var sannarlega tilkomumikil 4 kílómetra gossprungan með háum eldtungunum sem sáust vel til allra átta.

Hættumat útilokar ekki að gosopnun verði án fyrirvara í Grindavíkurbæ og Grindvíkingar búa enn við óvissuna. Þó erfitt sé að spá um hvað næstu dagar bera í skauti sér og ýmsir bæði leiknir og lærðir hafi samt á því sterkar skoðanir, þá farnast okkur best þegar við hlustum á okkar færasta fólk. Það er sameiginleg niðurstaða Veðurstofunnar, almannavarna og lögreglu eftir greiningu gagna að enginn eigi að vera í Grindavík við þessar aðstæður. Og alls ekki megi ganga að gosstöðvunum.

Þegar búið er við neyðarástand líkt og Grindvíkingar gera má búast við að því fylgi tilfinningalegt rót. Þetta er í raun ólýsanlegt áfall sem þau ganga þurfa að ganga í gegnum. Við erum öll vanmáttug gagnvart slíkum ógnarkröftum jarðar. Óvissan og óöryggið tekur á og það er mikilvægt að Grindvíkingar hugi að líðan sinni og þeirra sem næst þeim standa. Það þarf einnig að huga að líðan lykilfólks í almannavörnum, björgunarsveit, lögreglu og þeirra sem vakta mikilvæga innviði. Þau þurfa afleysingu og hvíld þegar atburðir dragast á langinn. 

Grindvíkingar þurfa aðstoð okkar allra. Mest aðkallandi er að finna húsnæði þar sem þau geta búið sér heimili og komið sem mestu jafnvægi á heimilislíf. Það er ekki síst mikilvægt fyrir börnin. Það er einnig krefjandi því fyrir er húsnæðisvandi í landinu. 

Fjárhagsáhyggjum þarf að létta af Grindvíkingum. Bankar og lífeyrissjóðir hafa fryst húsnæðislán og bankarnir fellt niður vexti og verðbætur á sama tíma. Það hafa lífeyrissjóðir hins vegar ekki gert. Það gengur alls ekki að skilja þau 100 heimili eftir sem eru með lífeyrissjóðslán, ef lífeyrissjóðirnir vilja ekki eða telja sig ekki geta farið sömu leið og bankarnir. Það kemur í ljós á nýju ári og þá verður Alþingi að fylgja málinu eftir.

Við alþingismenn eigum að gera allt sem í okkar valdi stendur til að létta óþarfa áhyggjum af Grindvíkingum – nægar eru þær samt. Við erum í miðjum storminum og vitum ekki hvernig þessir atburðir enda en Grindvíkingar þurfa að  vita að þjóðin stendur með þeim í gegnum storminn.

Ég hef hvatt til þverpólitísks samtals um aðgerðir hvort sem þær eru efnahagslegar eða félagslegar, varði vinnumarkaðinn, fyrirtækin eða heimili Grindvíkinga. Verðmætin eru ekki aðeins í hlutum, fasteignum og fyrirtækjum heldur ekki síður í fólkinu sjálfu, listum og menningu ásamt andlegri og líkamlegri heilsu þeirra.

Samhjálp og samstaða með þeim sem á þurfa að halda eru einkenni góðs samfélags. 

Greinin birtist í Morgunblaðinu 21. desember 2023. 

„Amma, það er eitthvað rosalegt að gerast við Grindavíkurveginn“ sagði elsta barnabarnið mitt sem var á Reykjanesbrautinni þegar gosið við Sundhnjúkagíga hófst nú á mánudagskvöldið. 

Við heyrum höfunda lesa úr nýjum bókum:
Vilborg Davíðsdóttir–Land næturinnar
Magnús Jochum Pálsson–Mannakjöt
Sigmundur Ernir Rúnarsson–Í stríði og friði fréttamennskunnar

Við gæðum okkur á glögg, gosvatni, kaffi og piparkökum, spjöllum saman og syngjum kannski eitt eða tvö jólalög. Jólaboðskapinn flytur Kristrún formaður, og Siggeir Ævarsson formaður Grindavíkurfélagsins segir okkur nýjustu tíðindi af afleiðingum náttúruhamfarana á Reykjanesskaga.

Hlökkum til að sjá ykkur – allt Samfylkingarfólk í Reykjavík velkomið.  

Sérstakir heiðursgestir erufélagar frá Grindavík.

Við fögnum komandi hátíðum með jólagleði SffR þriðjudaginn 12. desember kl. 19.30 á Hallveigarstöðum (ekki Hallveigarstíg), Kvennaheimilinu við Túngötu og Garðastræti, neðstu hæð.

Dagur B. Eggertsson býður til þakkarhátíðar næstkomandi laugardag til að þakka samferðarfólki, samstarfsfólki, stuðningsfólki, vinum og ættingjum fyrir samfylgdina síðustu ár. Viðburðurinn fer fram í Borgarleikhúsinu klukkan 15:00. Húsið opnar kl. 14.30 og að lokinni stuttri dagskrá gefst tækifæri til þess að skála saman í forsalnum.

Vinsamlegast skráið mætingu https://tix.is/is/bl/specialoffer/johnv3i4g2g4s/

Í fyrsta lagi tókst loks eftir fimm ára baráttu að ná fram hækkun á framlögum til almennra menningarstyrkja sem hafa ekki haldið í við verðlag undanfarin ár og því rýrnað að verðgildi um þriðjung. Tillaga meirihluta menningar-,íþrótta- og tómstundaráðs var að hækka styrkina í þremur áföngum um 15 milljónir í hvert sinn og var fyrsti áfanginn samþykktur 5. desember sl. Þessi hækkun þýðir að hægt verður að styrkja fleiri verkefni á komandi ári og hækka styrki til einstakra verkefna.

Hitt stóra forgangsmálið á menningarsviðinu við undirbúning fjárhagsáætlunar næsta árs var að fá samþykkta hækkun á mikilvægum samningum við fimm sjálfstætt starfandi aðila í menningarborginni sem allir leggja mikið af mörkum til frumsköpunar og miðlunar á menningu. Þar er um að ræða samninga við Kling og Bang og Nýlistasafnið, Tjarnarbíó, Dansverkstæðið og Bíó Paradís. Þessir aðilar eiga það sammerkt að hafa skilað afburða starfi og hafa sýnt ungu kynslóðinni í menningarlífinu sérstaka ræktarsemi. Við fengum samþykkta hækkun til þessara aðila um 18 m.kr. samtals sem léttir verulega róður þeirra við að ná endum saman í sínum rekstri á tímum langvarandi hávaxta og verðbólgu.

Kling og Bang og Nýlistasafnið eru hvort tveggja listamannarekin sýningarrými í miðborginni sem standa fyrir fjölbreyttu sýningarhaldi, ekki síst á verkum ungs listafólks og þeirra sem ekki eiga endilega samastað í stóru listasöfnunum.Þessi söfn hafa undanfarin ár átt heimili í Marshall húsinu á Granda og vegur þeirra hefur vaxið með sýningum sem hafa vakið athygli innanlands en líka erlendis sbr. sýningu Kling og Bang á verkum Pussy Riot sem var valin ein af 10 bestu listsýningum ársins 2022 í Washington Post og hefur nýlega verið sett upp í hinu fræga Louisiana safni í Danmörku. Kling og Bang fagnaði 20 ára afmæli á árinu og eitt meginmarkmið er að koma á framfæri upprennandi listafólki sem starfar heima eða erlendis í bland við alþjóðlegt listafólk og skapa faglegt, krefjandi og metnaðarfullt umhverfi fyrir listafólk á Íslandi.Nýlistasafnið hefur verið vettvangur nýrra strauma og tilrauna í samtímamyndlist í yfir 40 ár. Safnið er stökkpallur fyrir ungt og upprennandi listafólk en safnið varðveitir líka einstaka safneign og geymir þannig dýrmæta sögu samtímamyndlistar á Íslandi frá árinu 1952 til okkar tíma.

Reykjavíkurborg og menningar- og viðskiptaráðuneytið náðu samkomulagi sl. sumar um að styrkja starfsemi Tjarnarbíós með þríhliða samningi sem felur í sér hækkun framlaga til starfseminnar, greiningu á þörfum Tjarnarbíós og sjálfstæðra sviðslista almennt á höfuðborgarsvæðinu fyrir bætta aðstöðu og loks úttekt á leiðum til að styrkja fjárhagsgrundvöll Tjarnarbíós. Nú hefur aukið framlag borgarinnar verið tryggt á næsta ári og senn styttist í að niðurstöður greiningarverkefnanna liggi fyrir sem við hyggjumst svo nýta til að vinna uppbyggingaráætlun til næstu ára. Tjarnarbíó hefur lyft grettistaki sem heimili sjálfstæðra sviðslista og heldur úti gríðarlega metnaðarfullri dagskrá allt árið um kring þar sem boðið er upp á fjölbreytta flóru af leiklist, danslist, uppistandi, gjörningum og tónlistarflutningi sem er bæði nærandi og styrkjandi.

Dansverkstæðið er heimili danslistarinnar og heldur uppi fána hennar en er líka mikilvægur vettvangur námskeiða fyrir börn og ungmenni sem vilja kynnast danslistinni af eigin raun.Dansverkstæðið tekur þátt í ýmsum alþjóðlegum verkefnum, tekur virkan þátt í uppbyggingu danslistarinnar og opnar faðminn fyrir Reykjavík Dance Festival, Félagi íslenskra listdansara og hagsmunasamtaka danslistafólks. Dansverkstæðiðhefur án efa átt stóran þátt í því að halda merki dansins á lofti og tryggja endurnýjunarkraft inn í t.d. barnasýningar stóru leikhúsanna og sívinsæla viðburði eins og Skrekk, þar sem grunnskólarnir í borginni hafa sýnt listir sínar við fádæma undirtektir.

Síðast en ekki síst er svo samningurinn við Heimili kvikmyndanna í Bíó Paradís sem hefur tekið fyrirbærið listrænt bíó og kvikmyndaklúbbur skrefinu lengra og býður upp á afar metnaðarfulla og skemmtilega dagskrá fyrir unga sem aldna, kvikmyndaunnendur og grúskara, en líka fólk sem vill bara hafa gaman og rifja upp skemmtilegar stundir yfir myndum sem nutu vinsælda á sokkabandsárunum.

Menningarsamningarnir hafa nú verið endurnýjaðir með hærri framlögum borgarinnar til næstu þriggja ára og þannig eru send skýr skilaboð um að Reykjavík verður áfram kröftug menningarborg með öflugar menningarstofnanir í fremstu röð á borð við Listasafn Reykjavíkur, Borgarbókasafn, Borgarsögusafn, Leikfélag Reykjavíkur og Hörpu en líka sjálfstætt starfandi aðila eins og hina fimm fræknu sem sérstaklega halda merki nýsköpunar og grósku hátt á lofti.

Greinin birtist á visi.is 20. desember 2023. 

Við náðum tveimur mikilvægum áföngum í höfn við samþykkt fjárhagsáætlunar 2024 í byrjun desember.

Mikil­vægir menningarsamningar í höfn

Leit um „��“

2836 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2836 niðurstöður fundust við leit að „���������������������������“