Áfram Akureyri - fyrir okkur öll

Börnin okkar

Stöndum vörð um hag barnanna okkar, einkum þeirra barna sem þurfa á sérstökum stuðningi að halda.

Tryggjum öllum börnum pláss á leikskóla eða hjá dagforeldri frá 12 mánaða aldri. Lækkum í kjölfarið leikskólagjöld
Reisum nýjan leikskóla þar sem þörfin er mest og hefjum strax undirbúning að nýjum leikskóla til að þjónusta ný hverfi
Förum í aðgerðir til að útrýma sárafátækt
Ónýttir frístundastyrkir renni í sjóð sem nýttur verður til að styrkja börn og ungmenni sem njóta ekki skipulags frístundastarfs
Aukum faglegan stuðning í grunn- og leikskólum
Stöndum vörð um og eflum faglegt starf og starfsaðstæður í leik- og grunnskólum í samráði við starfsfólk
Leggjum áherslu á að standa vel að móttöku barna með íslensku sem annað tungumál
Vinnum af fullum þunga til að fyrirbyggja einelti innan grunnskólanna
Áhersla verður lögð á hvers konar forvarnir fyrir börn og unglinga
Tryggjum fullt starf námsráðgjafa fyrir hverja 300 nemendur
Höldum áfram með verkefnið „Barnvænt sveitarfélag“

Framúrskarandi í umhverfis- og loftslagsmálum

Akureyrarbær hefur í gegnum tíðina rutt brautina fyrir önnur sveitarfélög á landinu á sviði umhverfismála. Við viljum að Akureyrarbær haldi áfram á þeirri braut og festi sig í sessi sem sveitarfélag í fremstu röð í umhverfis- og loftslagsmálum hér á landi og stuðli að því að þau sem hér búa og starfa geti lifað og starfað í sátt við umhverfi og loftslag.

Drögum markvisst úr losun gróðurhúsalofttegunda og aukum kolefnisbindingu
Leggjum grunn að nauðsynlegum orkuskiptum
Hættum að sætta okkur við að svifryksmengun fari yfir heilsuverndarmörk
Tökum upp samgöngustyrki til starfsfólks Akureyrarbæjar sem nýtir vistvæna samgöngumáta til að ferðast til og frá vinnu
Gerum strætó að eftirsóknarverðum samgöngumáta
Setjum fullan þunga í uppbyggingu hjóla- og göngustíga
Akureyrarbær verði þáttakandi í verkefni ríkisins sem kallast „græn skref“
Könnum til hlítar kosti þess að koma á laggirnar líforkuveri og breytum úrgangi í verðmæti
Verum áfram í fremstu röð í úrgangs- og sorpmálum
Leggjum áherslu á fræðslu um umhverfis- og loftslagsmál
Styðjum áfram við starfsemi Eims og Vistorku
Leggjum áherslu á að skapa aðstæður sem gerir fólki kleift að nýta aðra samgöngumáta til jafns við einkabílinn

Öflugt eldra fólk

Stuðlum að því að eldra fólki sé gert kleift að vera virkt, ánægt og að það búi við öryggi á öllum sviðum samfélagsins. Akureyri á að vera aldursvænn bær þar sem gott er að verja efri árunum.

Frítt í sund fyrir 67 ára og eldri
Lækkum verð á hádegismat í félagsmiðstöðvum
Förum í verkefnið „virk efri ár“ með áherslu á heilsueflingu í fyrsta áfanga
Leggjum áherslu á að tekið sé tillit til eldra fólks í þjónustu, skipulagi og starfi sveitarfélagsins
Verðum aldursvænt sveitarfélag, með það að markmiði að tekið sé tillit til eldra fólks í þjónustu, skipulagi og starfi sveitarfélagsins
Eflum starf félagsmiðstöðva fólksins í samráði við eldra fólk með áherslu á alhliða heilsueflingu og félagsstarf
Tryggjum öllu eldra fólki húsnæði við hæfi
Styðjum við þróun á velferðartækni og innleiðingu nýjunga sem létta lífið
Heimaþjónusta sé fjölbreytt og sveigjanleg og unnin í samráði við þau sem þjónustunnar njóta
Söfnum upplýsingum og kortleggjum líðan og velferð eldra fólks og nýtum gögnin til að gera betur
Leggjum áherslu á samhæfingu í heimaþjónustu á vegum sveitarfélagsins og heimahjúkrun á vegum ríkisins
Höldum áfram að vinna með mælanlega og tímasetta aðgerðaráætlun í málefnum eldra fólks, þar sem áhersla er lögð á heilsueflingu í fyrsta áfanga
Allar upplýsingar um þjónustu við eldra fólk verði aðgengilegar á einum stað

Velferð og vellíðan

Stuðlum að velferð íbúa á grundvelli samhjálpar og tryggjum fjárhagslegt og félagslegt öryggi þeirra. Bætum lífskjör þeirra sem standa höllum fæti og vinnum markvisst í að stytta biðlista eftir þjónustu. Sköpum samfélag þar sem við tökum tillit til fjölbreyttra og ólíkra þarfa íbúa, þannig að öll fái notið sín.

Tryggjum að gjaldtaka fyrir þjónustu sé hófleg og tekið sé tillit til félagslegra og fjárhagslegra aðstæðna við ákvörðun gjalda, afslátta og styrkja
Hækkum fjárhagsaðstoð sveitarfélagsins
Höldum áfram að leggja sérstaka áherslu á málefni barna og ungmenna, fatlaðs fólks, aldraðra og öryrkja
Tryggjum nægilegt framboð félagslegra leiguíbúða á vegum sveitarfélagsins
Útrýmum sárafátækt
Könnum til hlítar þörf fyrir opnun fjölskylduhúss
Tryggjum fötluðu fólki húsnæði við hæfi
Leggjum áherslu á fjölbreytta atvinnumöguleika fatlaðs fólks
Vinnum markvisst gegn ofbeldi, sérstaklega kynbundnu ofbeldi, ofbeldi gegn börnum, fötluðum og öldruðum
Leggjum áherslu á að fyrirbyggja geðrænan vanda með snemmtækri íhlutun.
Römpum upp Akureyri!
Stefnum markvisst að því að bæta aðbúnað og starfsumhverfi starfsmanna sveitarfélagsins
Leggjum áherslu á að bæta umferðaröryggi
Stöndum vörð um mikilvægar ríkisstofnanir á svæðinu s.s. Háskólann á Akureyri, Sjúkrahúsið á Akureyri, framhaldsskólana og heilsugæsluna
Aukum stuðning við Súlur, björgunarsveit sem gegnir mikilvægu hlutverki í samfélaginu
Styðjum við verkefnið Frú Ragnheiður á vegum Rauða krossins
Fötluðu fólki og fjölskyldum fatlaðra barna skulu standa til boða fjölbreytt stuðningsúrræði sem auka lífsgæði

Fjölbreytt og skemmtilegt samfélag

Leggjum áherslu á fjölbreytileika og gleði í samfélagi sem við öll tilheyrum

Komum á verkefninu Betri Akureyri
Heimilum frjálsa útiveru hjá kisum á sama tíma og við endurskoðum og framfylgjum reglum um gæludýrahald
Förum í samstarf um rekstur dýraathvarfs í heppilegu húsnæði.
Gerum göngugötuna að göngugötu
Byggjum upp lífleg almannarými með áherslu á náttúruna og mannvænt umhverfi.
Skoðum leiðir til að auka valkosti í matarframboði stofnana
Fjölgum viðburðum sem lífga upp á tilveruna
Förum í hreinsunarátak, fegrum bæinn með markvissum aðgerðum og viðhöldum hreinum og snyrtilegum bæ
Fegrum Búðargilið
Ráðumst í kynningarátak fyrir fólk af erlendum uppruna á tækifærunum sem felast í því að búa og starfa á Akureyri.
Vinnum móttökuáætlun fyrir nýja íbúa sveitarfélagsins, innlenda sem erlenda. Nýir íbúar fái kynningarpakka með mikilvægum upplýsingum

Mannréttindi sem leiðarljós

Leggjum áherslu á fjölbreytileika og gleði í samfélagi sem við öll tilheyrum

Tökum vel á móti flóttafólki með fagmennsku og mannúð að leiðarljósi
Gerum samning við Samtökin 78 um fræðslu og ráðgjöf til starfsmanna Akureyrarbæjar, nemenda í grunnskólum og bæjarbúa
Vinnum gegn staðalímyndum innan þjónustustofnana og gagnvart notendum þjónustunnar
Leggjum áherslu á markvissa upplýsingagjöf til ólíkra hópa samfélagsins
Stóreflum íbúasamráð, með sérstakri áherslu á samráð við öldungaráð, ungmennaráð, samráðshóp um málefni fatlaðs fólks, fjölmenningarráð og hverfisnefndirnar
Ráðumst í markvissar aðgerðir til að stuðla að jafnrétti og jafnri meðferð við ráðstöfun fjármagns, í þjónustu og starfsmannamálum
Vinnum að samþættingu mannréttindasjónarmiða og tryggjum jöfnuð án tillits til uppruna, þjóðernis, stéttar, tungumáls, litarháttar, trúar, lífsskoðana, trúleysis, kyns, kynhneigðar, kynvitundar, kyntjáningar, kyneinkenna, aldurs, fötlunar, holdafars, líkamsgerðar, heilsufars, atgervis eða annarrar stöðu
Stöndum vörð um öflugt stuðningsnet með áherslu á þau sem standa höllum fæti

Íþrótta- og frístundabær í fremstu röð

Leggjum áherslu á að íþróttir- og frístundir stuðli að auknum jöfnuði, lýðheilsu og gleði fyrir öll. Horfum til mikilvægi íþróttahreyfingarinnar fyrir atvinnulífið og samkeppnishæfni svæðisins.

Komum á fót frístundastrætó og drögum úr skutlinu
Ljúkum uppbyggingu á KA svæðinu
Byggjum nýtt þjónustuhús í Hlíðarfjalli og stuðlum að uppbyggingu Hlíðarfjalls sem heilsárs útivistarparadísar fyrir íbúa jafnt sem ferðalanga
Byggjum vetraraðstöðu golfklúbbsins á Jaðri
Kaupum gólf sem hægt er að nýta í Boganum fyrir fjölbreytta íþrótta- og menningarviðburði
Hækkum frístundastyrkinn í 50 þúsund krónur og breikkum aldursbil þeirra sem njóta styrksins
Stöndum vörð um framúrskarandi starf félagsmiðstöðvanna í bænum
Styðjum sérstaklega hátíðir og viðburði sem tengjast útivist og lýðheilsu
Mörkum nýja íþrótta- og lýðheilsustefnu með áherslu á börn- og ungmenni, afreksstarf, lýðheilsu og eldra fólk
Vinnum með íþróttafélögunum í bænum að því að fleiri börn og ungmenni geti tekið þátt í íþróttastarfi án þess að tilgangurinn sé keppnismiðaður
Næstu verkefni í forgangsröðun í uppbyggingu íþróttamannvirkja eru svo uppbygging 50 m keppnissundlaugar og fjölbreytt uppbygging á félagssvæði Þórs.

Blómlegt menningarlíf

Leggjum áherslu á menningu fyrir alla hópa samfélagsins, með áherslu á eflingu grasrótarstarfs listafólks. Horfum til gildis menningar fyrir samkeppnishæfni og atvinnulíf á svæðinu.

Hækkum framlög í menningarsjóð
Hlúum að og eflum barnamenningu á Akureyri
Styðjum áfram vel við starf Hofs, Sinfóníuhljómsveitar Norðurlands og Leikfélags Akureyrar undir merkjum Mak
Leggjum frekari áherslu á stuðning við grasrót listafólks, með áherslu á aukin atvinnutækifæri
Stöndum vörð um starf Tónlistarskólans á Akureyri og styðjum við starf Tónræktarinnar
Hvetjum til og stuðlum að nýtingu almannarýma til að miðla menningu og listum
Stöndum vörð um fjölbreytta starfsemi í Listagilinu
Berjumst fyrir því að listnám á háskólastigi verði í boði á Akureyri
Horfum bæði til verðmæti menningar fyrir íbúa sem og menningartengda ferðaþjónustu, ekki síst utan háannatíma
Styðjum við faglegt starf safna í bænum og framfylgjum markvisst samþykktri safnastefnu
Eflum samvinnu menningarstofnana á Norðurlandi eystra
Lengjum starfslaun listamanna í 12 mánuði

Fagleg og metnaðarfull skipulagsmál

Skipuleggjum bæinn okkar með metnað, fagmennsku, umhverfið, loftslagsmál, vellíðan og söguna að leiðarljósi.

Tryggjum öllum íbúum húsnæði við hæfi. Mörkum stefnu og áætlun í uppbyggingu íbúðarhúsnæðis
Tryggjum jafnræði og samræmi við úthlutun lóða
Stuðlum að stöðugu lóðaframboði og að atvinnulóðir jafnt sem íbúðalóðir séu alltaf lausar til úthlutunar
Byggjum upp Akureyrarvöll sem perlu í hjarta bæjarins
Byggjum upp vistvænan og lifandi miðbæ og einföldum Glerárgötuna við Pollinn
Hefjum uppbyggingu á tjaldsvæðisreitnum við Þórunnarstræti með áherslu á fjölbreytta byggð sem tekur mið af umhverfinu
Stöndum vörð um yfirbragð eldri byggðar bæjarins með alvöru aðgerðum, t.d. með skilgreiningu verndarsvæða
Þéttum áfram byggð í sátt við íbúa og samfélagið með hugmyndina um mannvænt samfélag að leiðarljósi. Áhersla verði lögð á uppbyggingu á skilgreindum þéttingarreitum
Mörkum nýja byggingarlistastefnu Akureyrar og gerum slíkri stefnu hærra undir höfði í ákvarðanatöku í skipulagsmálum
Stuðlum að markvissri uppbyggingu íbúða í samvinnu við húsnæðisfélög án hagnaðarsjónarmiða í formi stofnframlaga og með lóðaúthlutun og leggjum áherslu á að tekið sé sérstakt tillit til þarfa fyrir félagslegar leiguíbúðir í skipulagi nýrra hverfa.
Endurskoðum aðalskipulag Akureyrarbæjar til að vilji íbúa bæjarins um framtíðarþróun komi fram með skýrum hætti

Fjölbreytt atvinnulíf

Fjölbreytt atvinnulíf er leiðin að blómlegu og hamingjusömu samfélagi fyrir okkur öll.

Tryggjum að þjónusta sveitarfélagsins taki tillit til þarfa atvinnulífsins.
Gerum úttekt á mikilvægi lista, skapandi greina og íþrótta í bæjarfélaginu og framlag þessara geira til atvinnusköpunar í bænum
Hvetjum til þess að iðn- og tækninám á framhaldsskólastigi verði eflt á Akureyri
Höldum áfram að efla öflugan samstarfsvettvang okkar, SSNE, samtök sveitarfélaga og atvinnuþróunar á Norðurlandi eystra og samstarfsverkefni sem þeim tengjast
Tökum áfram þátt í uppbyggingu miðstöðvar í málefnum Norðurslóða á Akureyri
Tökum áfram þátt í uppbyggingu Velferðartæknimiðstöðvar
Leggjum áherslu á að skapa umhverfi sem styður við frumkvöðla, nýsköpun og atvinnuþróun
Tökum þátt í gerð innviðagreiningar og samgönguáætlunar landshlutans
Styðjum við starf Markaðsstofu Norðurlands og flugklasans
Höldum áfram stuðningi við uppbyggingu reglulegs millilandaflugs um Akureyrarflugvöll
Styðjum við starf Þekkingarvarðar og uppbyggingu þekkingarþorps á háskólasvæðinu
Leggjum áherslu á að magn og gæði raforku verði tryggt
Hvetjum til nýsköpunar í nýtingu úrgangs og aukinnar verðmætasköpunar úr úrgangi
Styðjum við leiðir sem stuðla að góðu umhverfi starfa án staðsetningar
Höldum áfram að markaðssetja Akureyrarbæ sem vænlegan kost fyrir íbúa, atvinnulíf og ferðamenn
Kortleggjum hvaða tækifæri opnast með bættum raforkutengingum og kynnum fyrir fyrirtækjum og fjárfestum
Beitum okkur fyrir því að heimili og fyrirtæki í öllum hverfum eigi kost á háhraðatengingu fyrir árslok 2024
Markaðssetjum Hrísey sem paradís fyrir stafræna flakkara

Ábyrgur rekstur

Höldum áfram að auka tekjurnar og efla samkeppnishæfni okkar, bæði á íbúa- og atvinnumarkaði. Samhliða þarf að vinna að stöðugum og faglegum umbótum í rekstrinum.

Leggjum áherslu á að skapa öflugt og fjárhagslega sjálfbært samfélag til framtíðar
Leggjum áherslu á stafrænar lausnir í þjónustu sveitarfélagsins
Byggjum við ráðhúsið, sameinum starfsemi bæjarins á færri staði og drögum með því úr rekstrarkostnaði
Leggjum áherslu á góða samvinnu bæjarstjórnar og stjórnenda sveitarfélagsins í rekstri sveitarfélagsins
Eigum í markvissu samtali við ríkisvaldið um sanngjarna tekjuskiptingu ríkis og sveitarfélaga
Leggjum áherslu á sjálfbærar framkvæmdir og grænar fjárfestingar sem draga úr rekstrarkostnaði til framtíðar
Vinnum markvisst að uppbyggingu Akureyrar sem fjölskylduvænnar svæðisborgar í samvinnu við ríkisvaldið