Samfylkingarfélagið í Borgarbyggð boðar til félagsfundar sunnudaginn 20. október, kl. 17:00. 

Fundurinn verður haldinn í sal Símenntunar Vesturlands, Bjarnabraut 8. 

Efni fundarins er tilnefningar á framboðslista Samfylkingarinnar í Norðvesturkjördæmi fyrir komandi Alþingiskosningar. 

Öll velkomin!

Félagsfundur um tilnefningar á framboðslista

Samfylkingin í Árborg og nágrenni býður í laugardagskaffi 19. október kl. 11:00 að Eyravegi 15. 

Samfylkingin er komin í kosningagírinn, fjórhjóladrifið og með keðjurnar í skottinu.

Við hefjum kosningabaráttuna með opnu húsi og kaffiveitingum. 

Upplýsingar um fyrirkomulag vals á framboðslista og söfnun meðmælenda.

Umræður um málefni, áherslur og starfið framundan. 

Öll velkomin

Félagar fjölmennum og bjóðum gestum með.

Stjórn Samfylkingarinnar í Árborg og nágrenni.

Finnum kraftinn í hvor annarri á Kvennafrídaginn. 

Í tilefni dagsins býður Kvennahreyfing Samfylkingarinnar í drykk og samveru. Nú sem áður er rétti tíminn til þess að finna kraftinn í hvor annarri og fara með hann út í næstu vikur.
Sjáumst á Hallveigarstíg , fimmtudaginn 24. október kl. 17:00

Samfylkingarfélagið í Reykjavík boðar til umræðufundar um stöðuna og næstu skref í kosningabaráttunni næstkomandi laugardag,19. október.

Þar mun undirritaður og formaður Fulltrúaráðs Samfylkingarfélaganna í Reykjavík, Björk Vilhelmsdóttir, vera með stutta framsögu um það sem farið hefur fram síðustu daga og hvað verður á takteinunum á næstu dögum og vikum.

Fundurinn fer fram á Hallveigarstíg og hefjum við leik kl 11:00 með vöfflum og öðru meðlæti og verðum þar til að verða til 13:00.

Á fundinum geta þeir sem hafa áhuga og tíma til að aðstoða í baráttunni á næstu vikum skráð sig til þátttöku.

Hefjum kosningabaráttuna - ræsum vélina

Boðað er til fundar Samfylkingarinnar í Norðvesturkjördæmi fimmtudaginn 24. október kl. 21:30, fundurinn er fjarfundur.

Fjarfundarhlekkur: https://us06web.zoom.us/j/88967525355

Efni fundarins er tillaga uppstillingarnefndar á framboðslista Samfylkingarinnar í Norðvesturkjördæmi í komandi alþingiskosningum.

Á fundinum verður kosið um tillögu uppstillingarnefndar.

Kær kveðja, stjórn kjördæmisráðs Samfylkingarinnar í Norðvesturkjördæmi.

Boðað er til fundar kjördæmisráðs Samfylkingarinnar í Suðurkjördæmi fimmtudaginn 24. október kl. 20:00 í félagsheimilinu Stað á Eyrarbakka.

Efni fundarins er tillaga uppstillingarnefndar á framboðslista Samfylkingarinnar í Suðurkjördæmi í komandi alþingiskosningum. Á fundinum verður kosið um tillögu uppstillingarnefndar.

Öll skráð í Samfylkinguna í Suðurkjördæmi eru velkomin á fundinn. 

Spjallkaffi Samfylkingarinnar í Reykjavík 60+ verður á sínum stað miðvikudaginn 23. október kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Gestur verður Logi Einarsson, formaður þingflokks Samfylkingarinnar.

Það verður heitt á könnunni og eitthvað með því. 

Verið öll velkomin! 

Verið öll velkomin í Vörðuna í Sandgerði mánudaginn 30. september kl. 20:00. Á meðal gesta verða Kristrún Frostadóttir formaður Samfylkingar, Oddný G. Harðardóttir þingmaður Suðurkjördæmis, Sigursveinn Bjarni Jónsson formaður bæjarráðs Suðurnesjabæjar og Hildur Rós Guðbjargardóttir sem er fulltrúi í stýrihópi flokksins um húsnæði og kjaramál.

Hvaða breytingar vilt þú í húsnæðis- og kjaramálum á Íslandi? Við viljum fá þig með í samtalið 🌹

Samfylkingin stendur fyrir samtali um húsnæði og kjaramál um land allt. Málefnastarf flokksins er nú með nýju sniði – heilbrigðismálin voru í forgrunni í fyrra, svo atvinna og samgöngur síðasta vetur og loks er komið að húsnæði og kjaramálum.

Fundirnir eru hugsaðir til að gefa fólki um land allt kost á að taka þátt í málefnastarfi Samfylkingar og leggja grunn að áherslum og forgangsröðun flokksins í veigamestu málaflokkum. Afraksturinn verður kynntur í væntanlegu útspili um húsnæði og kjaramál nú í haust.

Hér eru hlekkir á nýleg útspil Samfylkingar:

Örugg skref í heilbrigðis- og öldrunarmálum – https://bit.ly/3y7dFPm

Krafa um árangur í atvinnu- og samgöngumálum – https://bit.ly/3UE77zJ

Og hér má finna upplýsingar um næstu fundi: www.facebook.com/samfylkingin/events

Sandgerði: Kvöldspjall um húsnæði og kjaramál

Íslenskt samfélag er í tilvistarkreppu. Við erum harmi lostin vegna ofbeldis á götum úti og unga fólksins sem kveður okkur allt of snemma.

Hann minnir okkur líka á að djúpstæðan vanda er ekki hægt að leysa með röð átaksverkefna. Uppbygging heilbrigðis- og velferðarkerfis hlýtur að vera brýnasta verkefni stjórnmálanna.

Íbúum þessa lands hefur fjölgað um 20% á liðnum áratug. Í ofanálag tökum við á móti meira en tveim milljónum ferðamanna ár hvert. Því er ekki furða að það reyni á innviði samfélagsins, innviði sem haldið er uppi af innflytjendum sem eru nógu góðir til að efla hagvöxt og velsæld okkar hinna en mega helst ekki komast í rjómann, eins og OECD hefur bent okkur á.

Í þessu samhengi langar mig að nefna systur tvær. Þær heita Vanda Sig og Drífa Sig. og koma við sögu í lífi mínu daglega. Ég verð að viðurkenna að það er ekki alltaf gott jafnvægi á milli systranna Vöndu og Drífu.

Viðar Halldórsson félagsfræðingur bendir á í nýlegri grein að það sé eins og við höfum týnt okkur sjálfum og misst sjónar á töfrum þess að búa saman í samfélaginu. Allt þarf að gerast hratt og við viljum gleypa heiminn helst í einum bita. Við þurfum að minnka hraðann og draga úr samfélagslegri streitu. Kannski eiga systurnar, Drífa og Vanda þriðju systurina. Ég held hún heiti Hvíla sig.

„Það eru engar hömlur á þau sem eiga peninga en alltaf verið að setja hömlur á okkur hin“ sagði maður á fundi Samfylkingarinnar í síðustu viku. Þar lýsti hann í einni setningu upplifun venjulegs fólks af eignaójöfnuði og misskiptingu. Þetta kristallast á húsnæðismarkaðnum þar sem fjársterkir aðilar kaupa upp íbúðir til Airbnb útleigu og einungis börn efnameiri foreldra komast inn á markaðinn.

Það hefur mikið verið rætt um læsi og lesskilning barnanna okkar á undanförnum mánuðum og misserum. Niðurstöðu PISA sýnir okkur að það er beint áhrifasamband á milli félagslegrar og efnahagslegrar stöðu heimila sem börn búa á og lesskilnings þeirra.  Læsi snýst um efnahagslega og félagslega stöðu en PISA sýnir okkur líka fleira. Hún sýnir okkur að það skortir samkennd og samvinnu hjá unga fólkinu okkar. Ég hef meiri áhyggjur af því en að börnin okkar taki sig ekki á í lestrinum. 

Bakslag í jafnréttisbaráttunni og kvenfrelsisbaráttunni veldur mér líka áhyggjum.

Enn eru ævitekjur kvenna 20% lægri en karla og kvennastéttir eins og leikskólakennarar knýja á um betri kjör og starfsumhverfi en í stað þess að fjármagna leikskólastigið betur er hafin tilraunastarfsemi með leikskólana án þess að jafnréttisáhrif þeirra hafi verið metin.

Ég er í engum vafa um að stytting vinnutíma og betra starfsumhverfi á leikskólum skilar sér í betri mönnun og ánægðara starfsfólki. En þjónustuskerðing og hækkuð gjöld kemur verst niður á þeim sem síst mega við því.

Það er leitun að fyrirkomulagi sem gengur eins augljóslega gegn hagsmunum kvenna og lágtekjufólks á vinnumarkaði og þessu nýja fyrirkomulagi sem stundum er kennt við Kópavog. Það er nefnilega þannig að hagsmunir barna foreldra fara saman í þessu eins og öðru.

Í 11 mánuði höfum við horft upp á Ísralesher gereyða Gasaströndinni og nú eru þeir byrjaðir á Vesturbakkanum. Tvö og hálft ár eru frá innrás Rússlands í Úkraínu og í Súdan geisar nú eitt hryllilegasta stríð sem sögur fara af og það er ólíkt hlutskipti stúlknanna í Kabúl og Kópavogi. Það er ekki nema von að spurt sé: Hvar eru friðflytjendurnir?

Við þingsetninguna í gær hlýddum við á boðskap nýs biskups og ræðu nýs forseta. Þar gat að líta nýja ásýnd og nýjar áherslur þessara mikilvægu embætta. Vonandi verður þess ekki langt að bíða að nýr forsætisráðherra bætist í þennan fríða hóp.

Ræða Þórunnar Sveinbjarnardóttur í umræðum um stefnuræðu forsætisráðherra á Alþingi þann 11. september 2024.  

„Uppbygging heilbrigðis- og velferðarkerfis er og verður brýnasta verkefni stjórnmálanna“

Samfylkingarfélagið á Vestfjörðum verður með fund um stefnudrög Samfylkingarinnar fimmtudaginn 26. september kl. 20:00 í Vestrahúsinu við Suðurgötu á Ísafirði, gengið er inn hjá Háskólasetrinu. Fundurinn verður einnig í fjarfundi (hlekkur fyrir neðan) 

Á fundinum gefst ykkur tækifæri til að koma með breytingatillögur sem félagsfundurinn kýs svo um. Hljóti tillögur meirihluta á fundinum verða þær sendar til stjórnar og verða til umræðu og afgreiðslu á landsfundi. Tillögur sem ekki hljóta meirihluta á fundinum geta einstaklingar sent frá sér í eigin nafni til stjórnar, eigi síðar en 17. október kl. 23.59.

Aðeins tillögur sem berast fyrir þennan tíma, 17. okt. kl. 23.59, verða til umfjöllunar á landsfundi. Ekki verður hægt að bera upp nýjar tillögur í málefnanefndum á landsfundi. 


Fundargögn eiga að hafa borist skráðum félögum á Vestfjörðum, með uppgefið netfang,  í tölvupósti, hafir þú ekki fengið tölvupóstinn vinsamlegast sendu erindi á samfylking@samfylking.is .

Leit um „��"

3431 niðurstaða fannst við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3431 niðurstaða fannst við leit að „���������������������������������������������������"