Hönnunarsamkeppni - samráð við listafólk og borgarbúa

Fyrr í dag, undirrituðu Dagur B. Eggertsson, borgarstjóri, og Magnús Ásmundsson, hafnarstjóri Faxaflóahafna, samning um kaup borgarinnar á húsnæði Faxaflóahafna í Hafnarhúsinu. Með samningnum mun Reykjavíkurborg eignast Hafnarhúsið í heild sinni sem mun meðal annars hýsa nýtt safn Nínu Tryggvadóttur.

Áætlað er að safn Nínu Tryggvadóttur verði stað­sett í austur­hluta Hafnar­hússins í Reykja­vík en í vestur­hluta þess er Lista­safn Reykja­víkur. Safn Nínu Tryggvadóttur mun prýða þau verk sem Una Dóra Copley, einka­dóttir Nínu, hefur ánafnað Reyk­víkingum. Um er að ræða vel á annað þúsund lista­verka eftir Nínu sem eru mál­verk, teikningar, gler­verk, vatns­lita­myndir og fleira.

Í framhaldinu verður efnt til hugar­flugs og sam­ráðs við listafólk og borgarbúa á öllum aldri vegna frekari út­færslu á Hafnar­húsinu þar sem kallað verður eftir hug­myndum til undir­búnings hönnunar­sam­keppni. Þar verða út­færðar breytingar á húsinu til að rúma tilkomumikið Safn Nínu Tryggva­dóttur og stækkun Lista­safns Reykja­víkur. Tryggvagatan og allt svæðið í kringum Borgarbókasafnið í Grófinni og Hafnarhúsið verður samfelld og sannkölluð menningartorfa þegar allt verður fullbyggt sem við megum svo sannarlega láta okkur hlakka til að bera augum.

Verðmætasta gjöf sem borgin hefur þegið

Ég var svo lánsöm að eiga góða stund með Unu Dóru í haust þegar hún kom hingað til lands til að undirrita gjafasamninginn til borgarinnar en þá varð borgarstjóra á orði að þetta væri verðmætasta gjöf sem borgin hefur þegið. Una Dóra er sem fyrr segir einkadóttir Nínu Tryggvadóttur myndlistakonu og rithöfundar og Dr. Al Copley listamanns og doktors í læknavísindum.

Í samtali mínu við Unu Dóru langaði mig til að skilja betur hvers vegna Una Dóra færir Reykvíkingum þessa rausnarlegu gjöf, en mín tilfinningin er að æ sjaldgæfara sé að viðlíka gjafir séu gefnar í þessum kapítalíska heimi.

Una Dóra var rétt liðlega 17 ára gömul þegar hún missti móður sína og var það henni mikið áfall. Nína Tryggvadóttir lést í Bandaríkjunum þann 18. júní 1968 en jarðneskar leifar hennar hvíla í Fossvogskirkjugarði í Reykjavík. Una Dóra var ein sinna skólasystkina sem hafði misst foreldri. Hún sagði móðurmissinn hafa breytt henni og að hún hafi hreinlega orðið önnur manneskja eftir þetta áfall. Una Dóra hefur sterka tengingu við móður sína og segist alltaf hafa fundið fyrir nærveru hennar í gegnum lífið. En Nína birtist henni reglulega með ýmsum táknum og ekki síst þegar kemur að umsýslu með verkum hennar. Hún segir að móðir hennar hafi fylgt henni í þessa vegferð og megi því túlka sem svo að Nína hefði verið sátt við þessa ráðstöfun.

Í uppvextinum varði Una Dóra flestum sumrum sínum á Íslandi, mest á Fálkagötunni í íbúð sem foreldrar hennar keyptu þegar hún var lítil og ber því sterkar taugar til Reykjavíkur. Þegar ég spurði hana af hverju hún ánafnar Reykjavíkurborg öllum þessum verkum og eigum, þá svaraði hún því til - Af því Nína var alltaf íslensk – alltaf íslenskur ríkisborgari og gerðist aldrei bandarískur ríkisborgari. Hún sagði Nínu hafa kynnt land og þjóð hvar sem henni gafst færi á og átti oft í djúpum samræðum við fólk um Ísland. Því má með sanni segja að íslenska taugin hafi ætíð verið sterk og því eigi verk hennar hér heima. Þetta verður vissulega Safn Nínu Tryggvadóttur en aldrei hefði það orðið nema fyrir rausnarlega gjöf og ást Unu Dóru á Íslandi og Reykjavík, að ógleymdum stuðningi eiginmanns hennar heitnum Scott Jeffries sem studdi hana dyggilega í þessum velgjörðum.

Munu Reykvíkingar seint geta þakkað Unu Dóru nógsamlega.

Ég hlakka til að taka þátt í og fylgjast með framvindu verkefnisins þar til Safn Nínu Tryggvadóttur verður að veruleika.

Safn Nínu Tryggva­dóttur í Hafnar­húsið – Takk Una Dóra!

Logi Einarsson kemur í heimsókn í Kópavoginn, mánudaginn 6. des. kl. 20:00. Fundurinn verður haldinn á Catalínu í hjarta Kópavogs (hliðarsalur). 

Logi mun fara yfir áherslumál þingflokksins fyrir komandi þing. 

Mætum öll og hlustum á okkar mann.  

Kveðja, stjórnin. 

Bjarkarhlíð fær auka 7, 5 miljónir til að sinna þessu mikilvæga verkefni. Allir sem dvallið hafa á vistheimilum geta sótt ráðgjöf í Bjarkarhlíð, hvort sem heimilin voru rekin af ríkinu, Reykjavíkurborg eða einkaaðilum. 

Heiða Björg Hilmisdóttir, formaður velferðarráðs, segir að með þessu séu send skýr skilaboð til einstaklinga sem hafi orðið fyrir ofbeldi á vistheimili. „Börn eiga aldrei að verða fyrir ofbeldi og það er hræðilegt að heyra af því ofbeldi sem fólk hefur lýst að það hafi orðið fyrir á vistheimilum. Með þessu skrefi viljum við senda skýr skilaboð til þeirra sem vistuð voru sem börn á vegum Reykjavíkurborgar um að hafi þau orðið fyrir ofbeldi þá standi þeim til boða stuðningur í Bjarkarhlíð. Það er ekki hægt að breyta fortíðinni en við getum sannarlega staðið saman um það núna að taka afsöðu gegn hvers kyns ofbeldi og að trúa og styðja þau sem fyrir því hafa orðið.“

Með þessum aukna styrk til Bjarkarhlíðar vonast Reykjavíkurborg að unnt verði að bregast við þeim áföllum sem þessir einstaklingar hafa orðið fyrir sem börn. Undafarnar vikur, mánuði og ár hafa fjölmargir opnað sig um það ofbeldi sem það varð fyrir á slíkum heimilum og það er verk að vinna að hjálpa fjölmörgum að vinna sig út úr þessum áföllum. 

Ákveðið var á fundi Velferðarráðs að Bjarkarhlíð, miðstöð fyrir þolendur ofebeldis, fær aukinn styrk frá Reykjavíkurborg til að veita einstaklingum ráðgjöf sem hafa upplifað eða orðið fyrir ofbeldi við dvöl á vistheimilum.

Reykjavíkurborg styrkir Bjarkarhlíð til að veita þolendum ofbeldis vistheimila ráðgjöf

Haustið hefur liðið hratt og senn líður að jólum. Kosningarnar í september voru okkur jafnaðarmönnum vonbrigði - og raunar mörgum þeim sem aðhyllast félagslegt réttlæti og frjálslyndi. 

Þrátt fyrir það var sá möguleiki fyrir hendi að mynda ríkisstjórn frá miðju til vinstri; félagshyggjukosturinn var raunhæfur möguleiki sem að formaður Vinstri grænna hafnaði, til þess eins að endurnýja samstarf við Sjálfstæðisflokkinn.

Eftir tveggja mánaða bið birtu ríkisstjórnarflokkarnir þrír loks nýjan stjórnarsáttmála, litlausan og íhaldssaman. Hvergi minnst á fátækt og varla á ójöfnuð; þúsundum barna sem búa við skort, tekjulágu fólki, öryrkjum og öldruðum ekki gefin mikil von um bjartari tíma. Í byrjun gladdist ég þó að sjá áherslu lagða á loftslagsmálin, tæknibreytingar og öldrun þjóðar - en þau fögru fyrirheit voru slegin köld með framlagningu fjárlaga. Þar kom hið rétta andlit ríkisstjórnarinnar í ljós; engin aukning til loftslagsmála umfram það sem gert var ráð fyrir, niðurskurður á framlögum til mennta- og menningarmála og enga aukningu að sjá í húsnæðisuppbyggingu þrátt fyrir mikla vöntun. 

Heimsfaraldurinn heldur áfram að leika okkur grátt. Vegna fjölda smita í samfélaginu varð að fresta mikilvægum flokksstjórnarfundi sem átti að halda í nóvember. Það bíður því nýs árs að hittast í persónu og ræða stöðuna í stjórnmálum og framtíð jafnaðarstefnunnar. 

Verkefnin eru ærin og erindi jafnaðarmanna jafn mikilvægt og áður. Stjórnvöld hafa ríku hlutverki að gegna í baráttunni gegn ójöfnuði; réttlátt skattkerfi, félagslegt húsnæði, barnabætur og öflugar almannatryggingar skipta máli. Mikil misskipting dregur úr verðmætasköpun, skerðir lífsgæði og rýfur samkennd. Þá þarf að styrkja stoðir heilbrigðisþjónustunnar, vinna að nýrri sátt í fiskveiðistjórnunarkerfinu, mæta áskorunum framtíðarinnar og hamfarahlýnunar með stefnufestu og fjárfestingu, sækja fram í menntamálum og byggja upp atvinnulíf sem er fjölbreyttara, alþjóðlegra og grænna. 

Við jafnaðarmenn gefumst því ekki upp þótt móti blási heldur höldum ótrauð áfram til sigurs í sveitarstjórnarkosningunum í vor og Alþingiskosningunum næst - hvort sem þær verða eftir eitt ár eða fjögur. 

Kæru félagar, haustið hefur liðið hratt og senn líður að jólum. Kosningarnar í september voru okkur jafnaðarmönnum vonbrigði - og raunar mörgum þeim sem aðhyllast félagslegt réttlæti og frjálslyndi. 

Frekar en sú staðreynd að við förum nú inn í kjarasamningavetur með mikla verðbólgu og hátt húsnæðisverð. Þetta er afleiðing af hagstjórnarákvörðunum ríkisstjórnarinnar.

Ein stærsta COVID aðgerðin í fyrra fól í sér brúarlán með ríkisábyrgð. Sérstaklega var liðkað fyrir getu bankanna til að veita lán til að fylgja þessu eftir. Stjórnvöld tóku meðvitaða ákvörðun um að útvista stórum hluta af efnahagslegum björgunaraðgerðum til fjármálafyrirtækja sem völdu hvert lánsfjármagn flæddi. Nær engin brúarlán voru veitt. En gríðarlegt fjármagn fór inn á íbúðamarkaðinn og aðra eignamarkaði í stað þess að drífa áfram nýja fjárfestingu. 

Þessi aðgerð varð til þess að mikið auka fjármagn elti sömu fasteignirnar og úr varð kapphlaup á íbúðamarkaði. Seigfljótandi framboðshliðin, þangað sem lítið fjármagn rann, réði ekki við þessa hröðu breytingu. Stærsti hluti skuldaaukningarinnar í einkageiranum í fyrra rataði í sömu eignirnar og fyrir voru á íbúðamarkaðnum. Engin ný verðmæti sköpuðust vegna þessa. 

Geta heimilanna til að skuldsetja sig meira en ella vegna aðgerða ríkisstjórnarinnar er m.a. á bakvið einkaneysluvöxt síðustu mánaða sem hefur drifið áfram hraðan efnahagsbata. En þessum hraða bata fylgir aukið ójafnvægi í hagkerfinu þar sem íbúðaverð hefur rokið fram úr ráðstöfunartekjum og ungt fólk á leið út í lífið er skuldsettara en áður. Lærdómurinn af krísunni 2008 er að skuldir heimila og fyrirtækja skipta máli, ekki aðeins skuldir ríkissjóðs.  

Þessi þróun var fyrirsjáanleg. Ábendingar bárust, m.a. frá undirritaðri, um að skynsamlegra væri að ríkið kæmi fjármagni beint til þeirra sem á því þurftu vegna COVID og það hratt. Bankarnir myndu beina útlánasvigrúmi inn á íbúðamarkað á áhættutímum og ójafnvægi skapast. Þessar ábendingar voru ítrekað hundsaðar.

Fjármálastöðugleikanefnd Seðlabanka Íslands lýsti því síðan yfir fyrr í vikunni að kerfisáhætta færi vaxandi vegna hækkandi íbúðaverðs og skulda heimilanna. Aukna áhættu má merkja í greiðslubyrði, sérstaklega hjá fyrstu kaupendum og veðsetningarhlutföll hafa hækkað. Þá eru uppi áhyggjur um að eignaverðshækkanir verði til þess að skuldsetning aukist enn frekar, sem þrýstir áfram á íbúðaverð. 

Staðan á íbúðamarkaði er ekki nýtilkomin. Íbúðaverð hefur hækkað um 50% umfram ráðstöfunartekjur heimilanna á síðustu 30 árum. Langtímastefnu hefur skort í húsnæðismálum hjá ríkisstjórninni. Hugmyndafræðilegur ágreiningur innan ríkisstjórnarinnar um björgunarúrræði bættist svo við þetta langvarandi stefnuleysi sem varð til þess að ráðist var í aðgerðir í fyrra sem ýktu vandann á húsnæðismarkaði enn frekar.  

Verðbólga er nú 1,7% hærri en síðasta afkomuáætlun ríkisstjórnarinnar gerði ráð fyrir. Ríkissjóður greiðir 3,6 milljarða aukalega í verðlagsbætur vegna þessa. Það jafngildir fjármagninu sem ríkisstjórnin ætlar að ráðstafa í niðurgreiðslu á uppbyggingu hagkvæms húsnæðis á næsta ári. 

Svona smáskrefapólitík kostar. Verðbólgan er upprunnin á ríkisstjórnarborðinu. Í stað þess að hafa sýn á hvernig ríkið getur stutt við stöðugleika á húsnæðismarkaði setti stjórnin með afstöðuleysi sínu af stað atburðarás sem leitt hefur til hærri verðbólgu og óstöðugleika. 

Skuldsetning ríkissjóðs er 200 milljörðum króna minni en við var búist, en skuldir heimilanna hafa aukist um 400 milljarða frá því að faraldurinn hófst. Þetta er ekki tilviljun.

Fjárhagsáætlun Seltjarnarnesbæjar 2022 gerir ráð fyrir áframhaldandi halla á rekstri bæjarins en á síðustu fjórum árum hefur bærinn þrisvar verið rekinn með halla og stefnir allt í að árin 2021 og 2022 verði það einnig. Fjárhagsáætlunin næsta árs gerir ráð fyrir 1,5 milljón króna afgangi sem er 0,04% af rekstrargjöldum bæjarins. Við það má bæta að í umræðu um fjárhagsáætlunina kemur í ljós að gert er ráð fyrir talsverðri tekjuaukningu og útgjaldalækkunum á ýmsum liðum sem ekki eru útfærðir eða í hendi svo svigrúmið er lítið og óvissan mikil.

Nýr leikskóli var stóra kosningaloforð meirihlutans fyrir síðustu kosningar. Í stefnuskrá Sjálfstæðismanna var lofað að bjóða út byggingu nýs leikskóla strax haustið 2018. Í fjárfestingaáætlun bæjarins fyrir árið 2022 er aðeins gert ráð fyrir fjármunum í undirbúning fyrir byggingu nýs leikskóla og því ljóst að framkvæmdir munu ekki einu sinni hefjast á þessu kjörtímabili. 

Málefni leikskólans hafa mikið verið rædd á kjörtímabilinu og hafa vinnubrögð meirihlutans þegar kemur að samskiptum við foreldra og starfsfólks leikskólans, seinagangur við uppbyggingu sem og undirbúningur vegna inntöku barna orðið til þess að traust íbúa og starfsfólks á stjórnendum sveitarfélagsins hefur minnkað hratt. 

Það kjörtímabil sem nú er að klárast hefur verið kjörtímabil, tapreksturs, gjaldskrárhækkana, niðurskurðar og þverrandi ánægju íbúa með þjónustu sveitarfélagsins (samkvæmt þjónustukönnun Gallups). Sú þjónusta sem bærinn veitir í dag kostar meira en bærinn fær í tekjur, þrátt fyrir mikla hagræðingu og gjaldskrárhækkanir síðustu ár. Rekstur sveitarfélagsins er því ósjálfbær miðað við núverandi tekjuforsendur. Greiningar Sambands íslenskra sveitarfélaga og annarra greiningaraðila eru á þann veg að rekstur sveitarfélaga muni þyngjast á næstu árum vegna launahækkana, þjónustuaukningar og hækkandi aldurs þjóðarinnar. Það liggur því í loftinu að taka þarf til skoðunar tekjuforsendur bæjarins til að ná sjálfbærni í rekstri og geta brugðist við þeim breytingum sem fyrirséðar eru á næstu árum.

Þrátt fyrir að síðustu ár, fyrir og eftir Covid hafi verið þung í rekstri sveitarfélagsins og umræðan hafi því aðallega verið um hvernig megi verja þjónustu við íbúa í stað umræðu um hvernig má sækja fram, þá eru fjölmörg tækifæri í stöðunni með skýrri stefnu og markvissri stjórnun . 

Útsvarsstofn Seltjarnarnesbæjar er sterkur þrátt fyrir fámennið og skuldsetning er ekki of mikil. Hámarksútsvar sem sveitarfélög innheimta á Íslandi er 14,52% en Seltjarnarnesbær innheimtir 13,70%. Ef Seltjarnarnesbær myndi innheimta 14,48% í útsvar líkt og nágrannasveitarfélögin Kópavogur, Hafnarfjörður og Mosfellsbær gera þá myndi það duga til að snúa við taprekstri bæjarins, bæta fjármögnun til viðhalds eigna og minnka lántöku.  Með rekstur sveitarfélagsins í jafnvægi væri hægt að eyða minni tíma í átök og björgunaraðgerðir og nýta starfskrafta starfsfólks og fundi sveitarstjórnarfólks betur til að vinna stefnumiðað að bættri þjónustu við íbúa. Seltjarnarnesbær hefur fulla burði til þess að reka bæjarsjóð hallalaust og halda úti metnaðarfullri þjónustu við bæjarbúa sem kjósa að búa í sveitarfélagi þar sem er frábært að alast upp og eldast.  

Greinin birtist í nóvemberblaði Nesfrétta.

Nú stendur yfir síðasta fjárhagsáætlunargerð bæjarstjórnar á þessu kjörtímabili og hefur áætlunin verið kynnt í bæjarstjórn.

13 aðilar verða í framboði í flokksvali Samfylkingarinnar í Hafnarfirði. Flokksval fer fram laugardaginn 12. febrúar næstkomandi.

Í framboði eru:
Helga Þóra Eiðsdóttir
Hildur Rós Guðbjargardóttir
Jón Grétar Þórsson
Kolbrún Magnúsdóttir
Rósa Stefánsdóttir
Sigrún Sverrisdóttir
Sigurbjörg Anna Guðnadóttir
Stefán Már Gunnlaugsson
Árni Rúnar Þorvaldsson
Auður Brynjólfsdóttir
Gauti Skúlason
Guðmundur Árni Stefánsson
Gunnar Þór Sigurjónsson

Kosningarétt í flokksvalinu eiga flokksfélagar og skráð stuðningsfólk Samfylkingarinnar sem hafa lögheimili í Hafnarfirði og eru rétt skráð 4. febrúar nk.

Á næstu dögum munu birtast ítarlegri upplýsingar um frambjóðendur og fyrirkomulag flokksvalsins á vefsvæði Samfylkingarinnar í Hafnarfirði,https://xs.is/samfylkingin-i-hafnarfirdi-.

Kjörstjórn Samfylkingarinnar í Hafnarfirði

Þrettán frambjóðendur í flokksvali Samfylkingarinnar í Hafnarfirði


Reglur vegna skráningar sem stuðningsaðili

Skráðir stuðningsaðilar eru aðgreindir frá skráðum félagsmönnum í skrám Samfylkingarinnar.

Skráðir stuðningsaðilar hafa engar skyldur eða réttindi í félagsstarfi flokksins umfram óflokksbundið fólk, fyrir utan kosningarétt í flokksvölum samkvæmt ákvörðun hlutaðeigandi flokkseininga.

Skrá yfir stuðningsaðila er m.a. notuð til útsendinga á upplýsingum sem flokksskrifstofa telur að eigi erindi við flokksmenn og almenning.

Skráður stuðningsaðili verður að segja sig persónulega frá stuðningsyfirlýsingu sinni, svo sem með rafrænni afskráningu.

Sömu reglur eiga við um vinnslu upplýsinga úr skrá stuðningsaðila og eiga við um félagatöl, s.s. reglur um vinnslu innan flokksins í tilefni af flokksvali og reglur að þeim verði ekki dreift til óviðkomandi.

Á félagsfundi Samfylkingarinnar í Reykjanesbæ 17. janúar var kosin uppstillingarnefnd sem setja á saman tillögu að S-lista Samfylkingarinnar og óháðra fyrir komandi bæjastjórnarkosningar 2022 og leggja hann fyrir félagsfund til samþykktar. 

Uppstillinganefndin kallar því hér með eftir tilnefningum á fólki sem þú vilt sjá á lista Samfylkingarinnar og óháðra í Reykjanesbæ við næstu kosningar. Ekkert mælir gegn því að hver og ein/n gefi kost á sjálfri/um sér (það er ekki skilyrði að viðkomandi sé nú þegar félagi í flokknum). 

Þegar tilnefningar hafa borist mun uppstillinganefnd kanna hvort viðkomandi er tilbúin/n að gefa kost á sér.

Tilnefningarferlið stendur til miðnættis 31. janúar 2022, tilnefningar má senda á netfangið xs@xsreykjanesbaer.is og fullum trúnaði er heitið.

VILT ÞÚ TILNEFNA Á LISTA FYRIR BÆJARSTJÓRNARKOSNINGAR?

Framboðs- og tilnefningarfrestur í Reykjanesbæ

Leit um „��“

2753 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2753 niðurstöður fundust við leit að „���������������������������“