Verið velkomin á kosningavöku Samfylkingarinnar á Akureyri í Sunnuhlíð 12. 

Húsið opnar kl. 20 og verður lifandi tónlist og fjótandi veitingar. 

Samfylkingarfélagið Þjóðvaki boðar til félagsfundar þriðjudaginn
26. október í fundarsal Samfylkingarinnar, Sóltúni 26, 105 Reykjavík. Fundurinn hefst kl.18:00 og lýkur fyrir kl. 19:30.

Dagskrá fundarins verður þessi:

Stjórnmálaástandið – framsaga Heiða Björg Hilmisdóttir, varaformaður Samfylkingarinnar.

Aðalfundur FSR – val fulltrúa Þjóðvaka og umræða um framkomnar lagabreytingatillögur.

Þeir félagsmenn sem ekki komast á fundinn og aðrir félagsmenn sem óska eftir að verða valdir sem fulltrúar Þjóðvaka á aðalfundi Fulltrúaráðs Samfylkingarinnar í Reykjavík (FSR), sbr 2. Dagskrárliður, geta sent póst á hrannar@hrannar.is fyrir fundinn.

Boðað er til ársþings 60+ í Reykjavík, miðvikudaginn 27. október 2021 kl. 16:00 á skrifstofu Samfylkingarinnar Sóltúni 26.

Dagskrá:
1. Greinargerð um störf og framkvæmdir stjórnar á liðnum 2 árum
2. Breytingar á samþykktum
3. Kosnings formanns
4. Kosning fjögurra félagsmanna í aðalstjórn
5. Kosning tveggja félagsmanna í varastjórn
6. Kosning þriggja manna í uppstillingarnefnd
7. Önnur mál

Í samþykktum félagsins segir meðal annars:
8. grein.: Stjórn 60+ í Reykjavík skal skipuð fimm aðalmönnum og tveimur varamönnum. Í stjórninni skulu vera a.m.k. tvær konur og a.m. k. tveir karlar. Formaður skal kjörinn beinni kosningu á ársþingi en aðrir kjörnnir stjórnarmenn skipta með sér verkum. Varamenn sitja stjórnarfundi í forföllum aðalmanns og oftar ef þurfa þykir. Formaður boðar stjórnarfundi.

Útdráttur úr 9. grein:....Tillaga uppstillingarnefndar að stjórn félagsins skal liggja fyrir á skrifstofu Samfylkingarinnar eigi síðar en fimm sólarhringum áður en boðað ársþing skal hefjast. Önnur framboð til stjórnar skulu berast skrifstofu Samfylkingarinnar eigi síðar en tveimur sólarhringum áður en boðað ársþing skal hefjast.

Grein 10. Samþykktum þessum verður ekki breytt nema á löglega boðuðu ársþingi enda hafi þess verið getið sérstaklaga í fundarboði og frá því greint hvaða breytingartillögur liggi fyrir fundinum. Breytingar á samþykktum þessum öðlast gildi hljóti þær samþykki 2/3 gildra atkvæða.
Samþykktir félagsins í heild liggja frammi á skrifstofu Samfylkingarinnar.
Allir meðlimir í Samfylkingunni sem eiga lögheimili í Reykjavík og eru 60 ára geta boðið sig fram til setu í stjórn félagsins. Framboð skal tilkynna til uppstillingarnefndar eða á skrifstofu Samfylkingarinnar.

Á degi fundarboðs þessa liggja engar tillögur til breytinga á samþykktum fyrir.

Við í stjórn 60+ í Reykjavík vonumst að hitta sem flesta á ársþinginu.

Kveðja,
Reynir Vilhjálmsson
formaður

Ég ritaði grein um þetta í byrjun árs 2018 en því miður er staðan enn sú að svo virðist sem stjórnkerfið líti svo á að sum börn njóti ekki verndar samkvæmt barna- og barnaverndarlögum. Þetta er harkaleg fullyrðing en staðan er sú að þegar kemur að því að vernda barn foreldris sem er í deilum við hitt foreldrið hafa barnaverndarnefndir fengið þær leiðbeiningar frá Barnaverndarstofu að ekki skuli hafa afskipti. Þannig getur foreldri sem neitar að skila barni til hins foreldris og neitar jafnvel einnig að skila barni í skóla vikum og mánuðum saman, treyst á að barnavernd muni lítið aðhafast vegna málsins. Þetta eru raunveruleg tilvik sem því miður hafa átt sér stað til mikils tjóns fyrir þau börn sem við þetta búa. Það að einangra barn algjörlega frá foreldri, systkinum, vinum, skólaþátttöku og tómstundum má skilgreina sem ofbeldi gegn viðkomandi barni. Það stjórnvald sem fer með málefni barna verður og ber lögum samkvæmt að stíga inn í án tafar en því er ekki að skipta að sögn vegna leiðbeininga sem barnaverndarnefndir fengu. Mál er varðar þessi börn skal leysa í réttarkerfinu og því heldur barnavernd sér fjarri.  

Umgengni barns við foreldri er einn af grundvallarréttum barns og mætti því ætla að stjórnvöld tækju af festu á því ef á þessum mikilvæga rétti er brotið. Sama má segja um menntun, umönnun og félagslegt atlæti. Því miður eru sýslumannsembættin víða um land afskaplega vanmáttug til að bregðast með fullnægjandi hætti við málum hvar barni er meinað að umgangast foreldri sitt eða stafar hætta af umgengni. Leita þarf ítrekað til dómstóla og ef vilji foreldris til áframhaldandi átaka við hitt foreldrið er fyrir hendi getur það tafið úrlausn mála árum saman til varanlegs tjóns fyrir barnið. Í öfgafyllstu dæmunum er börnum haldið frá leik- og grunnskóla mánuðum saman og þrátt fyrir skólaskyldu og tjón á heilsu barns gerir barnavernd ekkert, jafnvel þótt skólayfirvöld tilkynni fjarveru barnsins. Barnavernd hefur þannig tekið sér stöðu fjarri hagsmunum barnsins í þessum einstaka málum. Vegna tilmæla Barnaverndarstofu, sem nú eru orðin nokkurra ára gömul, virðist sem deilur foreldris við hitt foreldrið, sem þegar verst lætur einkennist af ofbeldi gegn barni, leiði til þess að barnaverndaryfirvöld telji sig undanskilin þeirri skýlausu skyldu sinni í barnaverndarlögum að stjórnvöldum beri að vernda börn. Þetta getur ekki átt að vera svona og vil ég skora á stjórnvöld og barnaverndaryfirvöld að endurskoða þessa málsmeðferð svo öll börn njóti hér verndar. 

Greinin birtist í Morgunblaðinu 14. okt.  

Í barna- og barnaverndarlögum er skýrt áréttað að stjórnvöld skuli ávallt beita þeim ráðstöfunum sem ætla megi að séu barni fyrir bestu. Þá er einnig skýrt að vernda beri börn gegn hvers kyns ofbeldi eða vanvirðandi meðferð. 

Rafrænn bæjarmálafundur Samfylkingarinnar í Kópavogi í kvöld, mánudag 
11. okt. kl. 20:00.

Bæjarfulltrúar fara yfir þau mál sem eru efst á baugi og nefndarfólk segir frá málum sinna nefnda.
Fundurinn er aðeins rafrænn - slóð á fundinn og lykilorð hafa verið send félagsmönnum í tölvupósti þann 11 .okt. 

Tillaga borgarfulltrúa Sjálfstæðisflokksins um útboð allra þátta stafrænnar umbreytingar var felld á borgarstjórnarfundi í gær. Ekki var hægt að bregðast öðruvísi við og komu hörkuleg viðbrögð, m.a. frá dómsmálaráðherra, á óvart en hún taldi málið vera „til skammar“. En svo virðist að slík viðbrögð sem og tillagan sjálf byggi á töluverðri vanþekkingu í málinu. Málið býður kannski upp á ofureinfalda nálgun – „borgin er ekki til að bjóða allt verkefnið út eins og ríkið gerir“ og er þetta nálgun í pólítiskri umræðu sem oft hefur verið tengd popúlisma eða áróðri: að ná athygli en treysta á það að fólk nenni ekki að kynna sér smáa letrið. Fyrir alla sem kynna sér miklu flóknari veruleika verkefnisins, lög og ramma sem gilda fyrir innkaup hins opinbera, þá lítur þetta nefnilega allt öðruvísi út.

Stafræn umbreyting er afar framsækið verkefni Reykjavíkurborgar sem mun margborga sig og skila sér í betri þjónustu við borgarbúa. Borgin nýtur sér útboð og fleiri innkaupaferla til að ná í þekkingu og vöruframboð á markaðnum á bestu mögulegum kjörum. Af þeim 10 milljörðum sem samþykktar eru fyrir verkefnið verða tæplega 80% varið í innkaup af tækjum og þjónustu. Að láta eins og Reykjavíkurborg ætli sér einungis að styðjast við innanhúslausnir byggist sem sagt á misskilningi og rangfærslum.

Öfugt við það sem dómsmálaráðherra heldur fram þá er stafræna umbreytingin hjá borginni af allt öðrum toga en hjá ríkinu. Verkefni ríkisins „Stafrænt Ísland“ er miklu meira forritunarverkefni og eðlilegt að bjóða það út. Verkefnið hefur hins vegar ekkert með innleiðingu breytinganna þar sem þjónustan fer fram að gera. Hjá borginni vinna meira en 9000 manns á fleiri hundruð starfsstöðvum sem þurfa að geta unnið með kerfinu og ferlum. Að innleiða og leiða slíkar breytingar í störfum allra án þess að hafa innanhúsþekkingu væri fráleitt. Og þess vegna fer borgin nákvæmlega sömu leið og leiðandi fyrirtæki á markaði eins og bankar og tryggingafélög. Verkefnið hefur farið í gegnum umfangsmikla greiningu á kostnaði, öryggi, áreiðanleika og áhættu í samráði við ráðgjafa innanlands sem utan. Hversu vel þetta hefur verið unnið sýnir sig kannski í því að Reykjavíkurborg er á meðal sex borga í þriggja ára nýsköpunarverkefni sem ber nafnið „Build Back Better“ og mun fá fjárframlag upp á 2,2 milljónir bandaríkjadala frá Bloomberg Philantrophies.

Í umræðunni benti ég fulltrúum minnihlutans einnig en án árangurs á að tillagan væri einfaldlega brot á innkaupareglum Reykjavíkurborgar.

Tillagan, sem hljóðaði upp á að Innkaupasviði Reykjavíkurborgar yrði falið að vinna að útboðum, samræmist ekki innkaupareglum borgarinnar. Tillagan fól í sér brot á 5. gr. reglnanna þar sem skilgreint er hver hefur umsjón með innkaupum borgarinnar, sem og hver veitir ráðgjöf og hefur eftirlit með innkaupum. Borgarstjórn hefði einfaldlega ekki verið heimilt að samþykkja tillöguna og fela Innkaupaskrifstofu að vinna að útboðum á grundvelli Innkaupareglna Reykjavíkurborgar.

Útboð er hins vegar ekki heldur töfralausn – segjum að í sértæku verkefni komi einfaldlega bara eitt fyrirtæki til greina. Ef við bjóðum samt út, þá eru það ekki geimvísindi að þetta fyrirtæki veit þetta nákvæmlega eins og við og mundi bjóða himinhátt verð sem við yrðum þá að taka. Þannig að það gæti verið stórtap að bjóða allt út án greiningar eins og tillagan gerði ráð fyrir. Þessi þarfa- og kostnaðargreining fór hins vegar fram á vegum þjónustu- og nýsköpunarsviði og í samræmi við innkaupareglur borgarinnarnar.

Fram undan er vinna sem mun bæta, rafvæða og einfalda þjónustu Reykjavíkur í þágu borgarbúa – og spara peninga um leið.

Stafræn umbreyting er afar framsækið verkefni Reykjavíkurborgar sem mun margborga sig og skila sér í betri þjónustu við borgarbúa. Borgin nýtir sér útboð og fleiri innkaupaferla til að ná í þekkingu og vöruframboð á markaðnum á bestu mögulegum kjörum. Af þeim 10 milljörðum sem samþykktar eru fyrir verkefnið verða tæplega 80% varið í innkaup af tækjum og þjónustu.

Til­laga Sjálf­stæðis­flokksins brot á inn­kaupa­reglum borgarinnar

Það tók Gerði um tvö ár að vinna verk­ið, sem var sett upp á árunum 1972 og 1973. Gerður lést tveimur árum eftir að verkið var klárað, aðeins 47 ára göm­ul.

Þar sem áður var bílastæði verður mannlífstorg. Ef að líkum lætur munu meðal annars liststúdentar spranga um torgið með möppur undir handleggnum því til stendur að Listaháskóli Íslands verði þarna. Torgið er sólríkt og í skjóli fyrir norðanáttinni. Það verður mikill happafengur fyrir miðborgina að fá Listaháskólann í Tryggvagötuna

Undanfarið ár hafa borgin og Veitur unnið að endurgerð Tryggvagötu. „Líf­leg og fjöl­breyti­leg almenn­ings­rými“ og „aðl­að­andi borg­ar­brag­ur“ eru leið­ar­ljós við end­ur­gerðina. Mósaíkverkið verður lýst upp.

Hafnarhúsið er næsta hús. Þar er Listasafn Reykjavíkur til húsa. Borgin hefur nú keypt allt húsið. Það verður hús myndlistar. Nú er að fara af stað hugmyndavinna um nýtingu hússins og hvernig myndlistinni verður gert sem hæst undir höfði. Í húsinu verður meðal annars safn Nínu Tryggvadóttur, en á dögunum var skrifað undir samninga vegna höfðinglegrar gjafar Unu Dóru Copley, dóttur Nínu.

Næsta hús við Tryggvagötu, Grófarhúsið, verður hús orðlistarinnar. Þarna eru höfuðstöðvar Borgarbókasafnsins. Nú er verið að undirbúa arkitektasamkeppni um miklar umbætur á húsinu. Ætlunin er að safnið verði enn meira menningarhús, eins og bókasöfn hafa verið að þróast á Norðurlöndunum.

Tollhúsið, Hafnarhúsið og Grófarhúsið voru byggð sem vöruskemmur og skrifstofur á sínum tíma. Þau hafa smám saman gengið í endurnýjun lífdaga sinna. Sama má segja um Tryggvagötu sem var heldur grá, en mun nú hafa mikið aðdráttarafl.

Greinin birtist í Fréttablaðinu 14. okt. 

Tryggvagata er að verða ein flottasta gata bæjarins. Búið er að steypa stórt torg við Tollhúsið sem teiknað var af Gísla Halldórssyni. Óhætt er að segja að hið magnaða mósaíkverk Gerðar Helgadóttur njóti sín afar vel þegar allir bílarnir eru farnir. 

Verið velkomin í kosningakaffi Samfylkingarinnar á Selfossi frá kl. 10.

Vísitölutenging lífeyrisjóðsgreiðslna skilar þeim örlítilli hækkun mánaðarlega yfir árið. Yfirleitt er tekjuáætlun ekki flóknari en það.

Síðan geta komið óvæntar tekjur, líkt og hjá öllum öðrum.

Eldri borgarar reyna að skila samviskusamlega réttri tekjuáætlun fyrir komandi ár og taka yfirleitt tillit til áætlaðra hækkana á greiðslum úr lífeyrissjóði og jafnvel hana ríflegri en ætla má, til að hafa vaðið fyrir neðan sig.

Síðan hefjast reglulegar greiðslur frá Tryggingastofnun og um leið óvissa um hvort tekjuáætlunin standist gagnvart Tryggingastofnun og útreikningi hennar á eftirlaunum með tilliti til skatta og skerðinga. Greiðslur berast mánaðarlega á reikning eftirlaunatakans án teljandi upplýsinga um hvernig þær eru reiknaðar.

Þegar eldri borgarinn hefur síðan skilað inn skattskýrslu sinni fyrir tekjuárið fer af stað eftirá útreikningur hjá Tryggingastofnun hvort allt hafi nú verið rétt. Hvort stofnunin hafi ofgreitt til eldri borgarans - eða vangreitt. Hið síðarnefnda er miklu mun fátíðara að mati Tryggingastofnunar sjálfrar. Hún hefur einstakt lag á að skilja lög þrengsta skilningi – eftirlaunamanninum í óhag.

Stóri dómur fellur hjá Tryggingastofnun um einu og hálfu ári eftir að eftirlaunatakinn skilaði inn tekjuáætlun sinni fyrir árið sem liðið er. Margir eldri borgarar kvíða þessu uppgjöri. Fæstir búast við jákvæðum úrskurði því oftast er það svo að einhvern veginn tekst reiknimeisturum kerfisins að finna út í útreikningum sínum að lífeyristakinn hafi dregið sér fé frá Tryggingastofnun, ef svo má segja, og hann skuldi stofnuninni.

Hið ógagnsæja kerfi sem búið hefur verið til og ellilífeyrir frá Tryggingstofnun grundvallast á veldur mörgum eldri borgararnum verulegum kvíða í löngum aðdraganda uppgjörsins og síðan oft örvilnan, reiði og vanmætti þegar stóri dómur fellur.

Þó svo að eftirlaunamaðurinn efist um niðurstöðu Tryggingastofnunar í uppgjöri hennar á hann erfitt með að beita sér í málinu. Hann mætir her lögfræðinga sem eru á launum hjá stofnuninni þegar hann skýtur máli sínu til úrskurðarnefndar velferðarmála. Stendur þá einn á móti þeim öllum. Fáir treysta sér í það ferli einir og óstuddir.

Það er með ólíkindum að eldra fólki sem fær eftirlaun frá Tryggingastofnun skuli ekki fá sundurliðaðan launaseðil um hver mánaðarmót. Á launaseðlinum ætti að koma fram vel sundurliðaðar greiðslur til eftirlaunamannsins, eins og almennt gerist á vinnumarkaði. Annars vegar frá tekjuáætlun eftirlaunamannsins, þar sem kemur fram hvaða greiðslur koma frá lífeyrissjóði, fjármagnstekjur og önnur laun. Hinsvegar eftirlaun frá Tryggingastofnun og vel tíundaðar og skilgreindar skerðingar á þeim. Að viðbættu þessu frádregnir skattar og gjöld.

Ef slíkur launaseðill birtist eftirlaunamanninum um hver mánaðarmót ætti hann auðveldara með að bregðast fyrr við og ef þörf væri á að uppfæra tekjuáætlun sína til að minnka hugsanlega örvilnan í lokauppgjöri sem margir kvíða fyrir.

Hvaða launamaður á vinnumarkaði myndi láta bjóða sér slíkt? Greinilega sundurliðaður launaseðill og gagnsæi í launaútreikningi er sjálfsagt mál á almennum vinnumarkaði. Af hverju ekki hjá Tryggingastofnun ríkisins?

Þessu verður að breyta. Það verður að taka almannatryggingar og Tryggingastofnun ríkisins til gagngerrar endurskoðunar.

Það er eitt af því sem er á stefnuskrá Samfylkingarinnar ef hún fær til þess brautargengi í kosningunum 25. september.

Atkvæði greitt Samfylkingunni er atkvæði greitt eldra fólki á Íslandi.

Eldri borgarar á eftirlaunum hjá Tryggingastofnun ríkisins skila inn tekjuáætlun til stofnunarinnar í árslok fyrir komandi ár. Þar tíunda þeir samviskulega væntanlegar tekjur sínar sem oftast eru tekjur úr lífeyrissjóði og örlitlar fjármagnstekjur af sparireikningum sínum. Sparireikningarnir bera yfirleitt neikvæða ávöxtun, en þessir litlu vextir teljast þó tekjur og eru reiknaðir þeim til skerðingar á ellilífeyri að fullu. 

Ó­bæri­legt ó­gagn­sæi eftir­launa eldri borgara

Verið velkomin í kosningakaffi Samfylkingarinnar í Reykjavík í Gamla bíó frá kl. 14 - 17.

Leit um „��“

2908 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������“

2908 niðurstöður fundust við leit að „������������������������������������������������������������“