Aukaaðalfundur Fulltrúaráðs Samfylkingarfélaganna í Reykjavík
verur haldinn mánudaginn 9. janúar 2023 í Sóltúni 26 og hefst kl. 17. 

Dagskrá:
1.     Skýrsla framkvæmdastjórnar.
2.     Kjör nýrrar framkvæmdastjórnar (formanns, gjaldkera, þriggja stjórnarmanna og fimm varamanna).
3.     Kjör tíu fulltrúa og sex til vara í flokksstjórn skv. flokkslögum, gr. 9.14, e. og f.
4.     Önnur mál.

Fundurinn er haldinn til þess fyrst og fremst að endurnýja í stjórn vegna brottfalls stjórnarfólks. Þá verður farið yfir starfið og fjárhagsstöðuna. Næsti reglulegi aðalfundur verður haldinn í haust skv. lögum ráðsins, í september eða október. Fulltrúaskipan í ráðinu á aukaaðalfundinum er óbreytt frá 2021.

Framkvæmdastjórn fulltrúaráðsins
(Nánari upplýsingar: Sigfús Ómar, s.892 7774) 

Sigurður Elvar Þórólfsson tók viðtalið.

Hlaðvarpsþættirnir verða aðgengilegir á helstu hlaðvarpsveitum – en til að byrja er efnið aðgengilegt á efnisveitunni SoundCloud.

Hér getur þú hlustað á viðtal við Valgarð í hlaðvarpi Skagafrétta; https://skagafrettir.is/2022/05/12/hladvarp-skagafretta-valgardur-lyngdal-jonsson-oddviti-samfylkingarinnar/

Valgarður Lyngdal Jónsson, oddviti Samfylkingarinnar, er viðmælandinn í þessum þætti þar sem að bæjarmálin eru rauði þráðurinn og kosningarnar framundan.

Hlaðvarp Skagafrétta – Valgarður Lyngdal Jónsson 

Öryrkjar- og ellilífeyrisþegar á grunnlífeyri eru með um 300 þúsund krónur á mánuði í óskertar tekjur. Langar greinar mætti skrifa um uppsafnaða skuld við þessa samborgara okkar, hvernig pólitísk ákvörðun hefur verið tekin um að fylgja ekki lögum um almannatryggingar og auka ójöfnuð á kostnað örorku- og ellilífeyrisþega.

Eins mætti ræða um hversu vanmetin hækkunarþörf bóta er í fjárlögum fyrir næsta ár, þar sem miðað er við úreltar spár um verðbólgu- og launaþróun. Lögum samkvæmt eiga bætur að fylgja verðlagi eða launum í landinu, hvort heldur sem hærra er. Þeim lögum er ekki fylgt og hefur ekki verið fylgt.

Höldum okkur frekar í núinu. 100 þúsund króna höggi hið minnsta sem umræddir samborgarar okkar hafa nú þegar tekið á sig það sem af er ári. 100 þúsund krónur sem tekjulægsta fólk samfélagsins hefur ekki úr að spila núna fyrir hátíðirnar.

Upphaflega átti að hækka bætur almannatrygginga um 3,8% á þessu ári. Mótvægisaðgerð ríkisstjórnarinnar í júní bætti við 3%. Alls hafa bætur almannatrygginga því hækkað að meðaltali um 5,3% á árinu.

Ríkisstjórnin kvittaði í haust undir að verðbólgan þetta árið yrði 7,5%, samkvæmt spá sem er orðin úrelt. Seðlabankinn væntir 8,8% verðbólgu að meðaltali og Samtök atvinnulífsins vænta a.m.k. 8% verðbólgu.

Á mannamáli þýðir þetta að öryrkjar- og ellilífeyrisþegar hafa tekið á sig 3% verðlagshækkun, hið minnsta, sem ekki hefur fengist bætt á árinu. Um 9 þúsund krónur á mánuði. Vel yfir 100 þúsund krónur yfir árið fyrir skatt.

Þessi þróun endurspeglast m.a. í nýjum tölum frá Umboðsmanni skuldara þar sem fram kemur að öryrkjar sem þangað leita eru að meðaltali 3.500 krónur í mínus eftir að hafa greitt öll föst útgjöld. Umsóknir um fjárhagsaðstoð hafa aldrei verið fleiri í einum mánuði hjá Umboðsmanni en í síðasta mánuði.

Við verðum sem samfélag að tala um hvað við skuldum þessum samborgurum okkar fyrir hátíðirnar. Vekja þarf athygli á því hvað ríkisstjórnin skuldar öryrkjum og ellilífeyrisþegum á grunnbótum núna fyrir jól. Þetta er raunkostnaður vegna ófyrirsjáanlegra atburða á árinu.

Fjáraukalög ríkisstjórnar geta tekið mið af slíkum atburðum, og í þessu tilviki ættu þau að gera það. Ríkisstjórnin gerir ráð fyrir 28 þúsund króna eingreiðslu til öryrkja- og endurhæfingarlífeyrisþega fyrir hátíðirnar í nýkynntum fjáraukalögum. Upphæðin eru í engum takti við veruleika fólks. Þarna er einfaldlega ekkert svigrúm eftir áralanga bið eftir réttlæti í þessum málaflokki. Það sem minnsta sem við getum gert er að mæta hækkunum þessa árs.

Í fyrra kom þingið saman, að frumkvæði stjórnarandstöðunnar, og samþykkti 53 þúsund króna eingreiðslu fyrir jólin. Augljóst er af þróun þessa árs, eftir allt sem á undan hefur gengið, að hið sama á við um þetta árið að teknu tillit til verðbólgu hið minnsta.

Fyrir þessu mun Samfylkingin – jafnaðarflokkur Íslands berjast á næstu vikum.

Tekjulægstu einstaklingar landsins hafa fengið vel yfir 100 þúsund króna högg þetta árið.

100 þúsund króna högg fyrir há­tíðirnar

Samfylkingarfélögin í Kópavogi og Garðabæ boða til félagsfundar, mánudaginn 14. nóvember kl. 20:00, í Sal Siglingafélagsins Ýmis, Naustavör 14.

Á fundinum verður skýrslan um sölu á Íslandsbanka til umræðu, en áætlað er að hún komi út sama dag. Einnig förum við yfir stöðuna í stjórnmálunum.

Gestur fundarins verður Þórunn Sveinbjarnardóttir, oddviti okkar í Suðvesturkjördæmi sem er jafnframt formaður stjórnskipunar- og eftirlitsnefndar Alþingis.

Hvetjum öll til að mæta!

Samfylkingin berst fyrir auknu lýðræði, valddreifingu og jafnri aðstöðu allra einstaklinga til þátttöku í ákvörðunum sem varða þá sjálfa og samfélagið allt.

Við viljum samfélag þar sem öll eru jöfn fyrir lögum og njóta fullra mannréttinda án mismununar, svo sem vegna fötlunar, kyns, kynhneigðar og kynvitundar, efnahags, uppruna eða stöðu að öðru leyti. Margbreytileiki mannlífsins skal virtur í hvívetna og öllum tryggð mannhelgi, persónufrelsi og vernd gegn ofbeldi og öðrum mannréttindabrotum. Samfylkingin gefur aldrei afslátt af þessum grundvallarkröfum siðaðs samfélags.

Almannavaldi skal beitt með hófsemd samkvæmt almennum lögum. Lög eiga að vera skýr, framvirk og aðgengileg og engin(n) á að vera háð(ur) geðþótta yfirvalda. Jafnrétti allra gagnvart ríkisvaldinu ber að tryggja með óvilhallri framkvæmd löggæslu, dómsvalds og allrar stjórnsýslu. 

Inngangur

Kristrún Frostadóttir tekur við af Loga Einarssyni sem hefur verið formaður frá 2016 og er því þaulsetnasti formaður Samfylkingarinnar hingað til. 

Kristrún er hagfræðingur að mennt og var oddviti í Reykjavíkurkjördæmi suður til alþingiskosninga haustið 2021 og tók sæti á Alþingi að kosningum loknum.

Landsfundur Samfylkingarinnar var settur í dag. Kristrún Frostadóttir var ein í framboði til formanns og hlaut 94,59 % greiddra atkvæða. Kjörið endurspeglar ánægju með nýkjörinn formann flokksins.  

Kristrún Frostadóttir nýkjörin formaður Samfylkingarinnar 

Framboðstfrestur til varaformannsembætti var 18:30, aðeins barst eitt framboð. Fellur því kosning niður og er Guðmundur Árni Stefánsson því sjálfkjörinn í embættið. 

Guðmunur Árni mun þakka félögum í Gullteig hátíðarsal Grand hótels kl. 19:45. 

Guðmundur Árni Stefánsson er sjálfkjörinn í embætti varaformanns Samfylkingarinnar. 

Guðmundur Árni Stefánsson er nýr varaformaður Samfylkingarinnar

Guðmundur Ari er 34 ára tómstunda- og félagsmálafræðingur og giftur Nönnu Kaaber íþróttafræðingi og á með henni þrjú börn. Hann er oddviti Samfylkingar og óháðra á Seltjarnarnesi sem hlaut rúm 40% í sveitarstjórnarkosningum síðasta vor. Hann hefur setið sem bæjarfulltrúi síðan árið 2014 og í stjórn Sambands íslenskra sveitarfélaga frá árinu 2018.

Við óskum honum til hamingju með kjörið.

Í framboði voru Guðmundur Ari Sigurjónsson og Kjartan Valgarðsson.

Guðmundur Ari Sigurjónsson var kjörinn formaður framkvæmdastjórnar Samfylkingarinnar- jafnaðarflokks Íslands á landsfundi Samfylkingarinnar 2022. Hann hlaut 72,73%% greiddra atkvæða.

Guðmundur Ari Sigurjónsson er nýr formaður framkvæmdastjórnar

Tillagan var borin upp af Arnóri Heiðari Benónýssyni forseta Ungs jafnaðarfólks (UJ) og forvera hans, Rögnu Sigurðardóttur.Aðrar tillögur að breytingu á nafni voru dregnar til baka þar sem sátt náðist um þessa tillögu.Þá samþykkti landsfundur Samfylkingarinnar 2022 að merki flokksins verði rós, sem er alþjóðlegt merki jafnaðarfólks. Það var gert að tillögu verkalýðsmálaráðs Samfylkingarinnar.Kristrún Frostadóttir, nýkjörinn formaður flokksins, fagnar þessum breytingum: „Ég er ánægð með þessar ákvarðanir landsfundar. Með því að taka rósina upp sem merki styrkjum við ímynd okkar sem jafnaðarflokks. Og rósin fer vel saman við áherslur mínar um að leggja ofuráherslu á kjarnamál jafnaðarstefnunnar.“

Landsfundur Samfylkingarinnar samþykkti rétt í þessu að breyta nafni flokksins íSamfylkingin – jafnaðarflokkur Íslands. Það er minniháttar breyting á nafni flokksins sem var áður Samfylkingin – jafnaðarmannaflokkur Íslands.

Nýtt nafn og nýtt merki- Kristrún fagnar ákvörðun landsfundar

Arna Lára er bæjarstjóri á Ísafirði fyrir Í-listann og var varaþingmaður Samfylkingarinnar í Norðvestur kjördæmi 2010, 2019 og 2020. Við óskum henni til hamingju með kjörið.

Í framboði voru Arna Lára Jónsdóttir og Alexandra Ýr van Erven. 

Arna Lára Jónsdóttir var kjörin ritari Samfylkingarinnar- jafnaðarmannaflokks Íslands á landsfundi Samfylkingarinnar 2022. Hún hlaut 59,77% greiddra atkvæða.

Arna Lára Jónsdóttir nýr ritari Samfylkingarinnar

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"