Þann 22. júní verða málefnanefndir með opna umræðufundi í Sóltúni 26, þar verður stefnan til umræðu og breytingatillögur.

Fundirnir eru ætlaðir til samtals um stefnu Samfylkingarinnar og þær breytingartillögur og hugmyndir sem þið ásamt nefndum leggið til.

Við hvetjum öll til að senda tillögur til nefnda fyrir umræðufundina, en einnig er hægt að koma með hugmyndir og tillögur á fundunum. Tillögur má senda á sigrun@samfylking.is. 

Félagar eru hvött til að mæta og taka þátt í stefnumótun. 

Hér er stefnan öll í heild sinni.

Skipting nefnda 22. júní:
Umhverfismál kl. 17 - 18
Byggða og samgöngumál kl. 17 - 18
Atvinnu og efnahagmál kl. 17 - 18
Stjórnkerfi, mannréttindi og lýðræði kl. 18 - 19
Velferðamál kl. 18 - 19
Menning og listir kl. 18 -19
Menntamál kl. 19 - 20
Alþjóðamál kl. 19 - 20

Fyrir þau sem ekki eiga heimangegnt í Sóltúnið getið tekið þátt í fundum rafrænt. 


Þann 18. ágúst skila svo málefnanefndir breytingatillögum. Félagar geta fram að því sent inn tillögur. 

Mikilvægar dagsetningar fram undan í málefnastarfi.

18. ágúst - Málefnanefndir skila tillögum 
8. sept. - Stjórn skilar breytingatillögum til aðildarfélaga
9. - 28. sept. - Aðildarfélög kynna breytingatillögur fyrir félögum 
29. sept. - Aðildarfélög skila athugasedmdum og tillögum frá sér

Eftir fjörugan kosningavetur og miklar umræður um hvernig við getum gert samfélag okkar betra er nú komið að því að skerpa stefnu okkar fyrir komandi landsfund.

Heiða Björg tekur við embætti af Aldísi Hafsteinsdóttur á landsþingi sambandsins sem verður haldið á Akureyri 28. til 30. september næstkomandi. 

Þetta er í fyrsta skipti sem stjórnmálamaður úr öðrum flokki en Sjálfstæðisflokknum fer með formennsku í sambandinu.

Heiða Björg er fædd og uppalin í Eyjafirði, en hefur búið í Reykjavík nær öll hennar fullorðinsár. Heiða Björg var kjörin varaformaður Samfylkingarinnar í febrúar 2017, hún hefur setið í borgarstjórn Reykjavíkur í níu ár og verið varaformaður stjórnar Sambands íslenskra sveitarfélaga síðustu fjögur ár.

Varaformaður Samfylkingarinnar og borgarfulltrúi

Heiða Björg Hilmisdóttir, varaformaður Samfylkingarinnar og borgarfulltrúi, er nýr formaður Sambands íslenskra sveitarfélaga. Kosningu lauk núna í hádeginu.

Heiða Björg Hilmisdóttir nýr formaður Sambands íslenskra sveitarfélaga

Ástæður stjórnarskiptana eru flestum minnisstæðar; Ísland var nær gjaldþrota vegna ákvarðana sem Framsóknarflokkurinn og Sjálfstæðisflokkurinn tóku á árunum 1999 til 2003 þegar helmingaskipti ríkiseigna áttu sér stað. Aðilar tengdir þessum tveimur stjórnmálaflokkum högnuðust gríðarlega þegar ríkisfyrirtæki voru seld í misgagnsæjum söluferlum. Bankarnir tveir Landsbankinn og Búnaðarbankinn tróna svo á toppnum þegar meta á spilltustu aðgerðir stjórnmálaafla á Íslandi fyrr og síðar eins og lesa má um í rannsóknarskýrslu Alþingis um bankahrunið. Skýrslu, sem vert er að rýna í með jöfnu millibili. Í upphafi árs 2009 var ríkissjóður tómur, hallinn gríðarlegur og lánshæfi ríkissjóðs í sögulegum botni. Í ofanálag hafði herská hugmyndafræði í bland við dramb seðlabankastjóra kallað yfir okkur ýkt og að mörgu leyti ósanngjörn viðbrögð margra vinaþjóða. 

Við þessar aðstæður tók ný félagshyggjustjórn við. Víða í löndunum í kringum okkur var niðurskurðarhnífnum óspart beitt með alvarlegum afleiðingum fyrir millistétt og þau sem höllustum fæti stóðu í samfélögunum. Ríkisstjórn Íslands var þröngur stakkur sniðinn en tókst með ákveðnu þrekvirki að koma þjóðinni í gegnum erfiðustu krísu lýðveldistímans á þeim fjórum árum sem hún var við völd. Farin var leið skattahækkana í bland við niðurskurð, en allt gert til að verja viðkvæmustu hópana, draga úr atvinnuleysi og stöðnun samfélagsins. Þetta var gert þrátt fyrir hreint ótrúlega ómerkilega stjórnarandstöðu sem samanstóð af brennuvörgunum sem kunnu ekki að skammast sín og hugsuðu um það eitt að komast aftur til valda. Kröfðust jafnvel afhendingar lyklanna í miðju slökkvistarfi þrátt fyrir augljósa vangetu til slíks verks. 

Allt var gert til að lágmarka skerðingar hjá þeim hópum sem reiða sig á almannatryggingar. Halli ríkissjóðs var talinn í hundruðum milljarða á þessum tíma og lánshæfi skilyrt við raunhæfar áætlanir stjórnvalda. Það sem var á hreinu um leið og gripið var til þeirra aðgerða að skerða lífeyri var að þær áttu að vera tímabundnar rétt á meðan ríkissjóður kæmist fyrir vind. Vorið 2013 var kosið og ríkisstjórn gömlu einkavæðingarflokkanna tók við. Lofað var í stjórnarsáttmála að afnema þessar tímabundnu skerðingar en nú níu árum og fimm ríkisstjórnum síðar hefur ekkert gerst. Tölurnar sýna svart á hvítu að kjaragliðnun er viðvarandi milli þeirra sem fá tekjur sínar frá almannatryggjum og annarra. Bilið milli lífeyris og lágmarkslauna breikkar sífellt. 

Viðbrögð núverandi ríkisstjórnar, þeirrar fimmtu frá 2013, hefur nú tekið af allan vafa um það hvað hún ætlar að gera varðandi kjör öryrkja og ellilífeyrisþega á kjörtímabilinu, aftur á að skipa starfshóp. Starfshópur sem á að skila af sér niðurstöðum eftir tvö ár! Mánuði fyrir kosningar haustið 2017 sagði Katrín Jakobsdóttir í umræðum um stefnuræðu Bjarna Benediktssonar þáverandi forsætisráðherra: „Stjórnvöld eiga ekki að biðja fátækt fólk á Íslandi að bíða eftir réttlætinu.“ Það eru fimm ár liðin og Katrín hefur verið forsætisráðherra frá því í nóvember sama ár. Starfshópurinn er skipaður núna og á að skila af sér eftir tvö ár. Fátækt fólk verður þá búið að bíða í sjö ár! Höfum það í huga sem Katrín sagði við sama tækifæri: „Það er pólitískt val, pólitísk ákvörðun.“ Sjálf hef ég ítrekað bent á það í ræðu og riti að það er ekki náttúrulögmál að fólk búi hér við sárafátækt heldur einmitt pólitísk ákvörðun ríkisstjórna Katrínar Jakobsdóttur. 

Samfylkingin hefur ítrekað lagt það til frá 2013 að hlutur þeirra tekju- og eignaminnstu í landinu yrði leiðréttur. Samfélagið var á gríðarlegri siglingu allt til vorsins 2020 þegar Covid skall á en viðbrögð stjórnvalda fyrir Covid snerust ekki um að bæta kjör þessa hóps. Aðgerðir í Covid voru heldur ekki þeim fátækustu í vil. Skattar hafa markvisst verið lækkaðir á þá ríkustu í samfélaginu og nú þegar verðbólgan er farin á fleygiferð eru það þeir sem minnst hafa á milli handanna sem bera þyngstu byrðarnar. Ákall okkar í Samfylkingunni um tímabundnar aðgerðir til að létta á tekjulægstu hópunum hefur verið mætt af fullkomnu fálæti af hálfu ríkisstjórnarinnar. Þegar svo við bætist að skipaður er starfshópur sem ekki á að bretta upp ermar heldur teygja lopann fram að næstu kosningum þá er áhugaleysið alltumlykjandi. Þegar nýi starfshópurin, sem svo sannarlega er enginn spretthópur,  skilar niðurstöðum sínum verða 11 ár liðin frá því að Framsóknarflokkur og Sjálfstæðisflokkur lofuðu að afnema skerðingarnar og sjö ár frá því að Katrín sagði stjórnvöld ekki eiga að biðja fátækt fólk um að bíða. Við þurfum alvöru breytingar og réttlæti samfara þeim en ekki fleiri skýrslur og engar efndir. 

Greinin birtist á visi.is 28. júní 2022. 

Þann 1. febrúar 2009, á miðju kjörtímabili, tók ný ríkisstjórn Samfylkingar og VG við stjórnartaumunum á Íslandi.

Á þessari stundu er óljóst hversu margir þeirra hljóta afgreiðslu eftir skoðun en það er nokkuð ljóst að vindmyllur verða hluti af orkulandslaginu á þessari öld.

Afgreiðsla þriðja áfanga áætlunar um vernd og orkunýtingu landsvæða á Alþingi í sumar markaði tímamót að því leyti að þar var samþykkt að setja tvo vindorkukosti í nýtingarflokk: Blöndulund (100 MW) og Búrfellslund (120 MW). Þar er mikilvægt skref stigið í átt til þess að nýta fleiri náttúruauðlindir til raforkuframleiðslu hér á landi en vatnsafl og jarðvarma. En það sama gildir um virkjun vindorku og virkjun jarðvarma og vatnsafls. Það er ekki sama hvernig það er gert og heldur ekki hvar. Um það vitna viðbrögð fólks á Vesturlandi, t.d., við virkjanahugmyndum þar. Hér þarf að vanda til verka, því að öflun raforku með vindorku er hvorki óumdeild né án vandkvæða. 

Samfylkingin telur miklu skipta að vindorkukostirnir tveir í nýtingarflokki séu á hendi Landsvirkjunar vegna þess að fyrirtækið er í ríkiseigu og greiðir arð af starfsemi sinni í ríkissjóð. Það er lykilatriði í þessu tilliti að fólkið í landinu njóti ávaxtanna af slíkri orkuvinnslu og því eðlilegt að fyrirtæki í ríkiseigu fari fremst í virkjun vindorku. Einnig liggur fyrir að samspil vatnsafls og vinds getur gert raforkuframleiðslu hagkvæmari og bætt afhendingaröryggi. 

Samkvæmt hugmyndunum í 4. áfanga rammaáætlunar bíða einkaaðilar í röðum eftir því að geta virkjað íslenska rokið. Við það er í sjálfu sér ekkert að athuga en staðan setur stjórnmálunum skýrt og afar mikilvægt verkefni; að marka lagaumgjörð um orkuöflun einkaaðila með þeim hætti að auðlindarentan renni í sameiginlega sjóði en ekki í prívatvasa.  Þetta er forgangsmál sem jafnaðarmannaflokkur Íslands mun beita sér fyrir á Alþingi í vetur.

Öflun vindorku er hvorki óumdeild né án vandkvæða.

Greinin birtist í Fréttablaðinu 26. júlí 2022. 

Kapphlaup um virkjun vindsins er hafið á Íslandi. Hjá verkefnisstjórn rammaáætlunar liggja rúmlega þrjátíu hugmyndir um vindorkukosti víðs vegar um land. 

Fyrir réttu ári féll Afganistan aftur í hendur talibana og 20 ára veru NATO og stofnana Sameinuðu þjóðanna í landinu lauk. Forsetinn, Ashraf Ghani, flúði land og fullyrt er að hann hafi haft með sér illa fengin auðæfi. Afganski herinn veitti talibönum litla mótspyrnu og sóknin inn í Kabúl var hröð. Heimsbyggðin fylgdist með í forundran þegar talibanar stilltu sér upp til myndatöku í forsetahöllinni og eðlilega var spurt: Hvernig gat þetta gerst?
 
Bandaríkin réðust inn í Afganistan haustið 2001, með stuðningi bandamanna sinna, til þess að uppræta starfsemi hryðjuverkasamtakanna al-Kaída eftir árás þeirra á tvíburaturnana í New York og varnarmálaráðuneytið í höfuðborg Bandaríkjanna 11. september 2001. Aðgerðin fékk nafnið Operation Enduring Freedom. Leiðtogar al-Kaída höfðu fundið skjól hjá talibönum í Afganistan og reyndar víðar því að Osama bin Laden hugmyndafræðingur hryðjuverkaárásanna hafðist við í Pakistan þar til hann var ráðinn af dögum árið 2011.
 
 En talibanar höfðu ekki gefist upp. 
 
 Barack Obama fjölgaði í herliði Bandaríkjanna í Afganistan eftir að hann tók við embætti 2009 með það að markmiði að ráða niðurlögum talibana. Stríðinu lauk formlega árið 2014 og varð þar með lengsta stríð í sögu Bandaríkjanna. Ljóst var að Donald Trump vildi draga allt herlið Bandaríkjanna til baka og árið 2020 gerði hann samning við forystumenn talibana um að vorið 2020 hyrfi Bandaríkjaher á brott. Joe Biden tók við forsetaembætti í ársbyrjun 2021 og ákvað að standa við samninginn, þó þannig að fresta brottförinni um nokkra mánuði.
 
Viðskilnaðurinn var skelfilegur. Fall Kabúl minnti helst á fall Saigon árið 1975. Ástandið sem skapaðist við flugvöllinn í Kabúl gleymist seint. 

Rúmlega 60% Afgana er undir 25 ára aldri. Meiri hluti þeirra er fæddur eftir innrásina 2001 og hefur alist upp við loforð Vesturveldanna um frið, betri réttindi og lífsgæði. Ný kynslóð afganskra kvenna hefur hlotið menntun og fengið að starfa utan heimilis. Nú er staða þeirra ömurleg. Stúlkur eldri en 12 ára fá ekki að ganga í skóla og athafna- og ferðafrelsi kvenna er afar takmarkað. Hryllilegar frásagnir berast af barnabrúðkaupum og mansali. Hvert sem litið er blasir neyðin við. Helmingur Afgana hefur ekki hugmynd um hvaðan næsta máltíðin kemur og enn fleiri þurfa á mannúðaraðstoð að halda. 

Þegar á reyndi kom á daginn að alþjóðastofnanir höfðu í raun starfrækt afganska ríkið, lögregluna og herinn, sem féll eins og spilaborg í ágúst 2021. Bandaríkin höfðu á tveimur áratugum varið 2,3 trilljónum bandaríkjadollara í hernaðinn og uppbygginguna í Afganistan. Upphæð sem erfitt er að skilja og kannski ekki að furða að spurt sé um árangur.
 
 Eftir stendur svikin þjóð í sárum.

Greinin birtist í Mgunblaðinu 25. ágúst 2022

Næsta spjallkaffi verðurmiðvikudag 20. september á milli kl 10 og 12 á skrifstofu flokksins að Sóltúni 26.

Gestur okkar að þessu sinni verður Finnur Birgisson, arkitekt og ætlar að ræða og fræða okkur um lífeyrismál. Finnur situr í stjórn eldri borgara í Reykjavík og er fyrrverandi stjórnarmaður í 60+ í Samfylkingunni í Reykjavík.

Það er alltaf heitt á könnunni hjá okkur.
Hlökkum til að sjá þig.

Með kærri kveðju
f.h stjórnar 60+í Reykjavík
Ragnheiður G Sigurjónsdóttir

Málefnafundir þar sem félagsfólki gefst kostur á að yfirfara drög að stefnu flokksins og gefa henni umsögn, breyta og bæta. 

Um er að ræða tvo fundardaga þar sem unnið verður í fjórum málefnahópum báða dagana. Þú mætir bara og velur þér hóp eða velur að flakka á milli hópa. Einnig er hægt að koma skriflegum ábendingum eða umsögn á framfæri fyrir20. september.

Miðvikudagur 14. september kl. 17-19 í Sóltúni 26
Menntamál
Velferð og lýðheilsa
Atvinna og efnahagur
Umhverfi og loftslag

Fimmtudagur 15. september kl. 17-19 í Sóltúni 26
Byggðamál og samgöngur
Menning og listir
Alþjóðamál
Stjórnkerfi, mannréttindi og lýðræði

Samfylkingarfélagið í Reykjavík: Málefnafundur

----Ath! Breytt staðsetning ----
Landsþing Ungra jafnaðarmanna fer fram laugardaginn 27. ágúst á Kornhlöðunni (Baka Baka) við Bankastræti 2, 101 Reykjavík.

Öll sem skráð eru í UJ eru velkomin á landsþingið og við hvetjum sérstaklega þau sem hafa áhuga á starfi Ungra jafnaðarmanna til að skrá sig fyrir þingið.

Hægt verður að sækja um niðurgreiðslu á ferðakostnaði fyrir þau sem eru búsett utan höfuðborgarsvæðisins og ferðast þaðan til að sækja þingið.

Dagskrá er birt með fyrirvara um breytingar!:

10:00-10:30: Afhending þinggagna og greiðsla þinggjalda.
10:30: Setning landsþings.
10:45: Samþykkt fundarskapa.
10:50: Kosning starfsmanna landsþings.
11:00: Skýrsla stjórnar og umræður.
11:30: Skýrsla gjaldkera, framlagning og umræður um reikninga.
12:00-12:30: Hádegishlé (boðið verður upp á hádegismat fyrir landsþingsgesti).
12:30: Umræða og afgreiðsla ályktana.
13:30: Lagabreytingar.
15:00: Kosningar í embætti í eftirfarandi röð:
– Kosning forseta (til tveggja ára).
– Kosning þriggja meðstjórnenda í framkvæmdastjórn (til tveggja ára).
– Kosning framhaldsskólafulltrúa í miðstjórn og framkvæmdastjórn.
– Kosning tólf miðstjórnarfulltrúa og fjögurra til sex varamanna í miðstjórn (til eins árs).
– Kosning tveggja endurskoðenda reikninga (til eins árs).
16:30: Önnur mál.
16:35: Félagshyggjuverðlaun UJ 2022.
16:45: Þingslit og hátíðarræða.
17:00-18:00: Gleðistund að þingslitum loknum 

Landsþingsgjald árið 2022 er kr. 2.500 og gildir fyrir allan daginn og hádegismat á staðnum. Hjólastólaaðgengi er til staðar á Tunglinu.

Landsþingspepp verður haldið þann 25. ágúst á Húrra Sjá nánar hér: https://fb.me/e/3mGCPElRv
--->Hægt verður að kaupa varning á landsþingspeppinu og fram að landsþingi, hafið samband við okkur!

Ályktanir og lagabreytingartillögur skulu sendar á forseti@uj.is fyrir kl. 23:59 mánudaginn 22. ágúst. Framboðsfrestur til forseta rennur út á sama tíma og skulu framboð send á kjorstjorn@uj.is.

Skráningarfrestur á þingið rennur út kl. 23:59 þriðjudaginn 23. ágúst. Skráning fer fram hér: https://docs.google.com/.../1FAIpQLSdC.../viewform...

Fyrir öll gögn og kosningar verður smáforritið Whova notað. Það er fáanlegt bæði í síma og tölvu. Allir skráðir landsþingsgestir fá tölvupóst með boðshlekk á viðburðinn í kjölfar skráningar og greiðslu landsþingsgjalds.

Framboð í framkvæmdastjórn og miðstjórn skulu berast fyrir kl. 12:30 á landsþingsdegi þann 27. ágúst og þau skulu send á kjorstjorn@uj.is.

Kosið verður skv. lögum um forseta Ungra jafnaðarmanna, um þrjá meðstjórnendur í framkvæmdastjórn til tveggja ára, um einn fulltrúa framhaldsskólanema til eins árs og um 12 miðstjórnarfulltrúa til eins árs í senn. Auk þeirra verður kosið um 4-6 varafulltrúa í miðstjórn og tvo skoðunarmenn reikninga.

Við hvetjum öll áhugasöm til að bjóða sig fram.

Hjólastólaaðgengi er til staðar á Kornhlöðunni.

----Attention! New location ----
The Social Democratic Youth's annual congress will be held on Saturday the 27th of August at Kornhlaðan (Baka Baka) at Bankastræti 2, 101 Reykjavík.

All those who are registered members of the Social Democratic Youth can register for the congress. We encourage all those who are interested in taking part in the Social Democratic Youth to attend!

10:00-10:30: Distribution of session documents and payment of registration fees.
10:30: Congress is set.
10:45: Meeting rules.
10:50: Election of congress staff.
11:00: Executive board's report and discussion.
11:30: Financial summary and discussion.
12:00-12:30: Lunch break (lunch is included for guests of the congress).
12:30: Resolutions presented. Vote on presented resolutions.
13:30: Amendments to statutes presented. Vote on presented amendments.
15:00: Elections of executive board members:
– Election of the president of the Social Democratic Youth (two year term).
– Election of three executive board members (two year term).
– Election of a junior college representative (one year term, seat in the executive board and central board).
– Election of 12 central board members (one year term) and 4-6 deputy members of the central board (one year term).
- Election of two auditors of accounts (one year term).
16:00: Other discussions.
16:35: UJ's annual award.
16:45: Dissolution of the congress and a celebratory speech.
17:00-18:00: Happy hour celebration 

The congress will be held in Icelandic. Those who request translation are asked to contact us as soon as possible at forseti@uj.is. The venue is wheelchair accessible.

UJ’s annual congress is the highest power of decision making and organization for UJ and is open to all members of the Social Democratic Alliance aged 16 to 35.

All those who wish to attend must register using the link below and all attendees must be registered before 23:59 on Tuesday, the 23rd of August.

The registration fee is 2.500 ISK and covers the entire congress as well as lunch. Those who travel from outside of the capital region can apply for a travel reimbursement when registering for the congress.

The event managing app Whova will be used for all session documents and elections during the congress. It is available both for smartphones and computers. All guests registered for the congress will receive and email with an invitation to participate in the congress after registration and payment of the registration fee.

Registration to take part in the congress is open here: https://docs.google.com/.../1FAIpQLSdC.../viewform...

A pre-congress party will be held on Thursday, the 25th of August at Húrra
More info here: https://fb.me/e/3mGCPElRv
-->We will be selling merch at the event and until the congress, contact us for more info!

Resolutions and amendments to statutes must be sent by email to forseti@uj.is by 23:59 on Monday, the 22nd of August. Candidacies for president of the Social Democratic Youth must be filed by this time and sent to kjorstjorn@uj.is.

Candidacies can be filed for the executive board, junior college representative, central board and auditors until 12:30 pm on the day of congress, the 27th of August. Candidaces should be sent by email to kjorstjorn@uj.is.

According to the statutes of the Social Democratic Youth, the president of the Social Democratic Youth will be elected for a two year term. Three members of the executive board will be elected for a two year term, one junior college representative for a one year term, and twelve central board members will be elected for a one year term. Four to six deputy members will be elected for the central board, and two auditors of accounts will be elected.

We encourage all those who are interested in taking part in the Social Democratic Youth to file for candidacy!

Lögfesting réttinda og aðgengi að nauðsynlegri heilbrigðisþjónustu er forsenda þess að mannréttindi séu virt. Frelsi kvenna og sjálfsákvörðunarréttur fer einnig hönd í hönd með fjárhagslegu sjálfstæði þeirra. Oftar en ekki ræður fjárhagsleg staða kvenna miklu um raunverulegt frelsi þeirra.

Meirihluti Hæstaréttar Bandaríkjanna ákvað í liðinni viku um að nema úr gildi stjórnarskrárbundinn rétt kvenna til þungunarrofs. Það þýðir að þau réttindi eru nú háð ákvörðunum ríkisþinga. Nú þegar hafa lög tekið gildi í mörgum ríkjum sem leggja nær undantekningarlaust bann við þungunarrofi. Dómara og stjórnmálamenn varðar hvorki um nauðganir, sifjaspell né líf og heilsu kvenna. Þau eru drifin áfram af öfgasinnaðri bókstafstrú en ekki hugmyndum réttarríkisins. Það eiga þau reyndar sameiginlegt með bókstafstrúarmönnum um allan heim, hvort sem þeir tilheyra kristinni eða kaþólskri kirkju, íslam eða hindúisma. Bakslagið er víðar en í Bandaríkjunum eins og dæmin sanna en áfallið er þyngra þegar í hlut á land sem hefur lengið gefið sig út fyrir að vera í forystu lýðræðis i heiminum. 

Um allan heim eiga kvenréttindi og mannréttindi minnihlutahópa í vök að verjast. Pólitísku ofbeldi vex ásmegin og réttarbætur sem sóttar hafa verið á liðnum áratugum eru í hættu. Það á líka við um mannréttindi hinsegin fólks.  Á Íslandi eru einungis þrjú ár frá því að Alþingi tryggði réttinn til þungunarrofs án takmarkana sem áður höfðu verið í gildi. Það var löngu tímabær og nauðsynleg réttarbót. Nú reynir á stjórnmálahreyfingar sem styðja kvenfrelsi og mannréttindi allra hópa í samfélaginu. Íslensk stjórnvöld verða að tala skýrt á alþjóðlegum vettvangi gegn þeim sem hrifsa mannréttindi af fólki. Við í Samfylkingunni munum ekki gefa neitt eftir í þeirri baráttu. Henni er sannarlega ekki lokið.

Baráttan fyrir frelsi kvenna snýst um yfirráð þeirra yfir líkama sínum og lífi. Að konur hafi sjálfsákvörðunarrétt í eigin lífi. 

Leit um „��"

3400 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3400 niðurstöður fundust við leit að „���������������������������������������������������"