Samfylkingarfélagið í Reykjavík býður upp á tvo fjarfundi í vikunni. Sá fyrsti er  þriðjudaginn 22. september og sá síðari á miðvikudaginn 23. september.

Fundirnir eru ætlaðir til kynningar og samtals um stefnudrög Samfylkingarinnar og niðurstöður á starfi málefnanefnda fyrir félaga í Samfylkingarfélaginu í Reykjavík en félögum gefst kostur á að senda inn umsögn eða breytingartillögur um málefnin. 

Er þessi kynning og umsagnarvinna undirbúningur fyrir landsfund Samfylkingarinnar sem haldinn verður 6. og 7. nóvember næstkomandi.

Ellen Calmon og Mörður Árnason munu hafa umsjón með fundunum.
 

Kl. 17 Alþjóðamál - Magnús Skjöld 

Kl. 18 Velferðarmál - Vilborg Oddsdóttir. 

Kl. 19 Atvinnumál - Höskuldur Sæmundsson.

Þér er velkomið að koma inn á fundina hvenær sem þér hentar og fara þegar hentar. Það má vera að sumir vilji einvörðungu taka þátt á einu málefnasviði frekar en öðru. 

Fundirnir eru ætlaðir til kynningar og samtals um stefnudrög Samfylkingarinnar og niðurstöður á starfi málefnanefnda 

Málefnafundur Samfylkingarfélagsins í Reykjavík - Alþjóðamál, velferðarmál og atvinnumál

„Vonin styrkir veikan þrótt, / vonin kvíða hrindir, / vonin hverja vökunótt / vonarljósin kyndir. // Vonin mér í brjósti býr, / besti hjartans auður. / Vonin aldrei frá mér flýr / fyrr en ég er dauður.“

 Þannig orti Páll Ólafsson, skáldið góða á 19. öld um vonina, þetta óumræðilega afl sem við þurfum nú á að halda sem aldrei fyrr andspænis krefjandi verkefnum dagsins. 

Og vonarljósin loga víða – þau eru tendruð af listamönnunum sem hjálpa okkur að túlka og tjá óskiljanlegt ástand og eru samfélagshópur sem þarf sérstaklega að muna eftir. Þau eru tendruð hjá vísindamönnunum sem hjálpa okkur að greina og skilja vágestinn og ná tökum á honum til að geta ráðið niðurlögum hans – og eru annar hópur sem þarf að gæta þess að hafi starfsgrundvöll. Þau loga hjá því fólki sem annast um veikt fólk og hjálpa því til að ná heilsu og þau loga hjá öllum þeim sem ganga daglega til sinnar vinnu og sinna þörfu starfi.

Og vonarljósin þurfa líka að vera leiðarljós í komandi uppbyggingarstarfi. Þá er gott að muna eftir grunngildum jafnaðarstefnunnar eins og hún þróaðist á hinum Norðurlöndum: að reyna alltaf að finna réttláta og sanngjarna skiptingu á gæðum og byrðum, taka almannahagsmuni fram yfir sérhagsmuni, efla velferð og iðka skynsamlega hagstjórn þar sem ábyrgðarkennd helst í hendur við samhjálp. 

Jafnaðarstefnan er ábyrga leiðin út úr vandanum. Nú duga augljóslega ekki úreltar kreddur og kennisetningar nýfrjálshyggjunnar.

Ábyrga leiðin út úr vandanum snýst um að tryggja lágmarksafkomu þeirra sem veikast standa eftir að hafa misst vinnu eða þurfa að treysta á samhjálp. Það er ekki bara rétt vegna þess að fátækt á ekki að sjást í okkar ríka samfélagi heldur líka vegna þess að það örvar hagkerfið.

Ábyrga leiðin snýst um að hækka atvinnuleysisbætur svo að þær nái lágmarkslaunum enda fráleitt að segja atvinnulausu fólki að leita sér bara að vinnu, þegar enga vinnu er að fá.  

Ábyrga leiðin snýst um að veita fjármunum til að skapa störf, styðja lítil fyrirtæki sem byggja á snjöllum hugmyndum, áræði og ástríðu. 

Ábyrga leiðin snýst um að veita fé til þess að efla menntun til að búa í haginn fyrir gott og auðugt mannlíf í framtíðinni.

Ábyrga leiðin snýst um að gera stórátak í loftslagsmálum til að búa í haginn fyrir yfirleitt eitthvað mannlíf í framtíðinni. 

Ábyrga leiðin snýst líka um að kannað sé án þess að eiginhagsmunaverðir ráði för hvort við eigum að taka upp evru sem gjaldmiðil og hvort við eigum að ganga alla leið inn í Evrópusambandið, þar sem öll okkar helstu viðskiptalönd eru og koma sér saman um leikreglur á markaði jafnt fyrir yfirþjóðlega risa sem þjóðarkríli eins og okkur. 

Virðulegi forseti, í morgun birtist í Fréttablaðinu könnun sem sýndi að ráðherrar ríkisstjórnarinnar njóta upp til hópa ámóta trausts og fylgistölur Donalds Trump eru hér á landi. Slíkt vantraust á ráðamönnum getur verið beinlínis hættulegt lýðræðinu. Ein ástæða þess er að kjósendur telja sig ekki geta treyst því að atkvæði þeirra styrki í raun og veru þá stjórnmálastefnu sem þeir aðhyllast. Þessi ríkisstjórn gerir iðulega tilkall til að spanna allt litróf íslenskra stjórnmála en það vantar svo mörg litbrigði í hana að hún líkist í raun og veru meira þoku en regnboga.

Ræða Guðmundar Andar þingmanns Samfylkingarinnar í umræðum um stefnuræðu forsætisráðherra á Alþingi þann 1. október 2020.  

Guðmundur Andri:„Ábyrga leiðin út úr vandanum snýst um að tryggja lágmarksafkomu þeirra sem veikast standa“

Fyrstu smáhýsin, sem ætluð eru heimilislausum með vímuefna- og geðvanda, hafa nú verið sett upp og munu von bráðar vera tekin í notkun. Fyrstu íbúarnir munu geta flutt inn í nóvember. Húsunum hefur verið komið fyrir í Gufunesi og munu íbúar hafa góðan aðgang að þjónustu og stuðningi frá borginni. Vettvangs- og ráðgjafateymi Reykjavíkur (VoR) mun sinna virkri vettvangþjónustu fyrir íbúana en teymið starfar eftir humyndafræðinni "húsnæði fyrst" sem hefur gefst mjög vel t.d. í Belgíu, Finnlandi og Svíþjóð. Árangur slíkrar vinnu hjá örðum borgum hefur sýnt sig og sannað og er Reykjavíkurborg að byggja á sömu hugmyndafræði sem bætir stöðu heimilislausra til muna í borginni. 

Húsin í Gufunesi eru þau fyrstu af mörgum sem munu rísa víðvegar um borgina. Tekið er tillit til óska íbúa um hvar þau vilja búa og félagslegrar tenginga við svæðin.  Húsin eru fyrst sinnar tegundar á Íslandi og eru góð og mikilvæg viðbót í húsnæðiskosti sem standa heimilislausum til boða. 

formaður velferðarnefndar Reykjavíkur og varaformaður Samfylkingarinnar

Ný smáhýsi bylting í málefnum heimilislausra

Gjörbylting í málefnum heimilislausra hjá Reykjavíkurborg 

Ungir jafnaðarmenn lýsa yfir vonbrigðum með síðasta fjárlagafrumvarp ríkisstjórnar Katrínar Jakobsdóttur, fullkomið fálæti stjórnvalda gagnvart atvinnuleysi ungs fólks og þá gráu framtíðarsýn sem birtist í fjármálaáætlun til næstu fimm ára. 

Tæplega helmingur atvinnulausra er ungt fólk á aldrinum 18 til 35 ára samkvæmt tölum Vinnumálastofnunar í ágúst 2020. 

Ríkisstjórn sem hefur borgað eigendum fyrirtækja fyrir að reka starfsfólk þverskallast við að hækka atvinnuleysisbætur og skortir kjark til að ráðast í nauðsynlegar aðgerðir til að fjölga störfum hjá hinu opinbera og í einkageiranum. 

Áfram er stúdentum neitað um atvinnuleysisbætur og engin skref tekin til að gera barnabótakerfið sambærilegt við það sem tíðkast á hinum Norðurlöndunum og þannig ákjósanlegra fyrir ungt fólk að ala upp börn á Íslandi. 

Á sama tíma eru sveitarfélög um land allt skilin eftir á köldum klaka og þar með neydd til uppsagna og niðurskurðar sem mun auka á atvinnuleysi og veikja nauðsynlega þjónustu í nærsamfélaginu. Velferðarþjónusta er þar undir og ýmsar fjárfestingar sveitarfélaga sem mega ekki við frestun. 

Fjárlögin eru að auki blaut tuska framan í ungt fólk sem kallað hefur eftir markvissari aðgerðum í loftslagsmálum. Ríkið mun verja minna en einu prósenti af vergri landsframleiðslu til slíkra aðgerða á næsta ári og aukin útgjöld til umhverfismála milli ára eru rétt um 0,1 prósent af vergri landsframleiðslu. Þar af fer stærstur hluti í ofanflóðasjóð sem er umfram allt mikilvægt almannavarnarmál en hefur lítið með loftslagsmál að gera. Þetta litla heildarframlag er vandræðalegt fyrir ríkisstjórn sem leidd er af flokki sem kennir sig við grænan lit og forsætisráðherra sem boðaði „græna byltingu“ í stefnuræðu sinni á Alþingi í gær.

Loks harma Ungir jafnaðarmenn að ríkisstjórnin skili auðu í því alþjóðlega verkefni sem móttaka flóttafólks er og að framlög til málaflokks umsækjenda um alþjóðlega vernd standi í stað. Ungir jafnaðarmenn kalla eftir skýrri ákvörðun um að Íslendingar sýni mannúð í heimi þar sem stríðsátök geisa og afleiðingar hamfarahlýnunar reka milljónir á flótta.

Ljóst er að endurbóta er þörf á nýju fjárlagafrumvarpi ríkisstjórnarinnar og skora Ungir jafnaðarmenn því á þingmenn allra flokka að vinna saman að gagngerum breytingum á frumvarpinu, sem og þeirri gráu framtíðarsýn sem birtist í fjármálaáætlun til ársins 2025.

Ályktun Ungra jafnaðarmanna um fjárlagafrumvarp og fjárlagaáætlun ríkisstjórnarinnar

Ungir jafnaðarmenn: Grá fjárlög ríkisstjórnarinnar ávísun á atvinnuleysi og stöðnun

 Á þessum skringilegu tímum verður gangverk samfélagsins nánast áþreifanlegt. Hvert tannhjól hefur áhrif á það næsta og lítil bilun - jafnvel í því minnsta - slævir allt gangverkið.

Sjaldan hefur mikilvægi ríkisvaldsins og sterkrar almannaþjónustu birst jafn skýrt og nú – Aldrei augljósara að heilbrigt samfélag þarf öfluga samneyslu, jöfnuð, fjölbreytni og þátttöku allra.

Fullyrðingar hægrimanna um að reglulítill markaður greiði sjálfur úr öllum vandamálum og skili réttmætum gæðum til almennings dæma sig nú endanlega sjálfar.

Nú eru lausnir jafnaðarstefnunnar - sem byggja á heilbrigðu samspili opinberra umsvifa og einkaframtaksins - mikilvægastar í baráttunni við heimsfaraldurinn: Og ríkisstjórnir um allan heim - jafnt til vinstri og hægri – líta til þeirra kinnroðalaust.

Í heimsfaraldri - og sögulegu atvinnuleysi - getur almenningur á Íslandi líka reitt sig á jafnaðarstefnuna. Einnig í baráttunni gegn hamfarahlýnun. 

Með samtakamætti getum við sigrast á þeim áskorunum sem blasa við.  En til þess þarf pólitískan kjark og skýra framtíðarsýn.

Á næstu dögum mun Samfylkingin leggja fram heildstæða áætlun um hvernig Ísland getur brotist út úr atvinnuleysiskreppunni - til móts við grænni framtíð.  

Hún byggir á þremur stoðum: Vinnu – velferð – og grænni uppbyggingu.

Ábyrga leiðin út úr atvinnuleysiskreppunni felst í því að fjölga störfum hratt - bæði í einkageiranum og hjá hinu opinbera um allt land - efla velferð og reisa nýjar grænar stoðir, undir verðmætasköpun framtíðar.

Við þurfum að ráðast í miklu markvissari vinnumarkaðsaðgerðir, taka vel utan um atvinnuleitendur og gera fyrirtækjum kleift að ráða fleiri til starfa. 

Koma til móts við sveitarstjórnir landsins; verja mikilvæg störf en umfram allt vernda nærþjónustu fólks. Fjárfesta í heilbrigðisþjónustu og menntun: Hefja stórátak gegn undirmönnum almannaþjónustunnar, það mun borga sig margfallt. 

Síðast en ekki síst þurfum við að stíga miklu fastar til jarðar í baráttunni gegn hamfarahlýnun. Við núverandi aðstæður dugar nefnilega ekkert minna en – raunveruleg  græn atvinnu bylting! 

Það er ódýrt að heyra forsætisráðherra tala um „græna byltingu“ þegar hún leggur sama dag fram fjárlög og fjármálaáætlun sem gefa engin fyrirheit um slíkt. 

Það er ekki græn bylting þegar Ísland setur sér veikari loftslagsmarkmið en Danmörk og Noregur. 

Ekki græn bylting þegar losun eykst ár frá ári á vakt þessarar.

Og það er ekki græn bylting þegar ríkið ver minna en einu prósenti af vergri landsframleiðslu til loftslagsaðgerða. 

Abraham Lincoln sagði að besta leiðin til að spá fyrir um framtíðina væri að skapa hana –  og nú þurfum við að hafa kjark til þess.  Átök íslenskra stjórnmála næsta árið munu - og þurfa – að snúast um hvert skal stefna.

Rétta leiðin - ábyrga leiðin - felst í því að ráðast strax í kraftmikla græna fjárfestingaráætlun, aðgerðir sem vinna gegn hamfarahlýnun en skapa um leið atvinnu og verðmæti fyrir okkur öll.

Græn atvinnubylting er rétta svarið við atvinnuleysinu sem hefur svo lamandi áhrif á samfélagið okkar. 

Lánakjör ríkisins eru hagstæð – og nú er tíminn til að fjárfesta myndarlega í hugviti, nýsköpun, þróun, umhverfisvænni atvinnustarfsemi og grænni matvælaframleiðslu; hraða orkuskiptum og stórefla almenningssamgöngur. Þetta þarf að gerast strax!

Ég er sannfærður um að við getum skapað betra og sterkara velferðarsamfélag á Íslandi.

Þar sem ekkert barn fer svangt að sofa - þar sem húsnæðisöryggi er jafn sjálfsagt og aðgangur að vatni og lofti. Þar sem gjaldmiðillinn er stöðugri og matarkarfan ódýrari. Þar sem atvinnulausir, öryrkjar og fátækt fólk búa ekki við nístandi óvissu frá degi til dags. 

Þar sem hvers kyns mismunun er hafnað, velferð innflytjenda tryggð og börnum á flótta veitt skjól. 

Samfélag sem einkennist af mannúð og sjálfbærni, jöfnuði og frelsi.

Þannig samfélag sköpum við ekki nema með réttlátari skattbyrði, minni ójöfnuði, heilbrigðari og fjölbreyttari vinnumarkaði. 

Ekki heldur nema við virðum niðurstöðu þjóðaratkvæðagreiðslunnar um nýja stjórnarskrá, aukum alþjóðasamvinnu og tryggjum að þjóðin fái réttmætan arð af auðlindum sínum. 

Og aldrei nema við sýnum meiri metnað í loftlagsmálum.

Við stöndum andspænis gríðarlega flóknum verkefnum sem verða ekki öll leyst á stuttum tíma. En fyrsta skrefið er að skipta um kúrs, snúa skútunni frá hægri og hrista af okkur gamaldags kreddur um það hvernig ríkisfjármál virka og hvernig verðmæti verða til.

Á svona tímum höfum við ekki efni á því að leyfa hugmyndafræði Sjálfstæðisflokksins og fjármálastefnu hægrimanna að ráða för, - Það er einfaldlega alltof mikið í húfi.   

Og þessvegna er mikilvægara en nokkru sinni að við - sem höfum önnur gildi –trúum á aðra leið - séum ábyrg, staðföst og snúm bökum saman.

Það er hlutverk Samfylkingarinnar að leiða saman þau öfl sem eru tilbúin að fylkja sér um vinnu, velferð og græna framtíð – og mynda græna félagshyggjustjórn eftir næstu kosningar.

Ræða Loga Einarssonar formanns Samfylkingarinnar í umræðum um stefnuræðu forsætisráðherra á Alþingi þann 1. október 2020.  

Logi: „Mynda þarf græna félagshyggjustjórn eftir næstu kosningar“

Opinn rafrænn félagsfundur Samfylkingarinnar í Kópavogi um stefnu og áherslur Samfylkingarinnar fyrir landsfundinn í nóvember, verður haldinn mánudaginn 5. október kl. 20 í fjarfundarforritinu Teams. Fundirnir eru ætlaðir til kynningar og samtals um stefnudrög Samfylkingarinnar og niðurstöður á starfi málefnanefnda fyrir félaga í Samfylkingarfélaginu í Kópavogi en félögum gefst kostur á að senda inn umsögn eða breytingartillögur um málefnin. 

Á fundinum fara Pétur Hrafn Sigurðsson oddviti Samfylkingarinnar í Kópavogi og Heiða Björg Hilmisdóttir varaformaður Samfylkingarinnar yfir málin og svarar spurningum. 

Allir félagsmenn Samfylkingarinnar í Kópavogi eiga að hafa fengið gögnin send í tölvupósti og hlekk á fundinn í Teams.

MÁLEFNAFUNDUR HJÁ SAMFYLKINGUNNI Í KÓPAVOGI

Atvinuleysi á Suðurnesjum mælist nú 18% og 7,5% á Suðurlandi með tilheyrandi tekjufalli heimila og sveitarfélaga. Kjördæmisráðið krefst þess að allir þeir sem misst hafa vinnuna vegna covid-19 fái 6 mánaða tekjutengdar atvinnuleysisbætur og horfið verði frá því óréttlæti að skilja þá eftir sem misstu vinnuna í upphafi faraldursins.

Þá er mikilvægt að ríkið í samstarfi við sveitarfélög og fyrirtæki komi af stað atvinnuskapandi átaksverkefnum fyrir atvinnuleitendur þar til atvinnulífið hefur náð sér á strik. 

Nauðsynlegt er að ríkisvaldið styrki jöfnunarsjóð sveitarfélaga og bregðist við lægri útsvarstekjum með mótframlögum þannig að sveitarfélög geti sinnt lögbundinni þjónustu við börn og fatlaða einstaklinga ásamt annarri nærþjónustu við íbúa. Aðgerðarleysi stjórnvalda sýnir ekki aðeins áhugaleysi á stöðu þeirra sem þurfa á þjónustu sveitarfélaga að halda heldur undirstrikar arfaslæma byggðastefnu.

Heilbrigðisstofnanirnar í Suðurkjördæmi, bæði Suðurnesja og Suðurlands eru fjársveltar og hafa ekki fengið fjárframlög í takti við fólksfjölgun í kjördæminu. Heilsugæsla fyrir alla hlýtur að vera sjálfsögð í velferðarríki vilji það standa undir því nafni. Einnig er mikilvægt að tryggja öruggt sjúkraflug til Vestmannaeyja og Hafnar.

Ferðaþjónustan í Suðurkjördæmi hefur orðið fyrir miklu höggi. Leggja verður höfuðáherslu á sköpun atvinnutækifæra bæði fyrir karla og konur með nýsköpun og menntun. Menntunartækifæri verða að vera aðgengileg svo fólk fái tækifæri til að styrkja stöðu sína á vinnumarkaði. Íslenskukennsla atvinnulausra innflytjenda er þar á meðal. 

Aukin grænmetisframleiðsla og skógrækt til að vinna gegn loftslagsvá af mannavöldum, er eitt af yfirlýstum markmiðum stjórnvalda. Forsenda þess að nálgast það markmið er stóraukin starfsmenntun á sviði umhverfis og garðyrkju og stuðningur  við nýsköpun og vöxt. Stofna þarf sérstakan starfsmenntaskóla á framhaldsskólastigi að Reykjum í Ölfusi og stórefla starfsmenntun í samvinnu við fagfélög og fyrirtæki. 

Margar brýnar og hagkvæmar fjárfestingar bíða fjármögnunar í kjördæminu hvort sem er fjárfestingar í menntun, velferð, samgöngum eða annarri uppbyggingu. Nefna má dæmi um ýmis viðhaldsverkefni á vegum ríkisins, lagfæringar á innsiglingu við Þorlákshöfn, sjóvarnargarð við Njarðvíkurhöfn, hjúkrunar- og dvalarrými fyrir aldraða og samgöngubætur sem má flýta til að skapa störf strax. Tryggja verður reglulegar samgöngur til Vestmannaeyja og eyða óboðlegri óvissu í þeim efnum.

Kjördæmisráð Samfylkingarinnar í Suðurkjördæmi krefst aðgerða strax sem skapa atvinnutækifæri og græna uppbyggingu á sama tíma og staðið er vörður um velferðina og heimilin.  

Kjördæmisráðið krefst þess að ríkisstjórnin dreifi byrðunum þannig að þeir sem misst hafa vinnuna beri ekki mestan kostnað í heimsfaraldri. Heimilin búa við rekstrarvanda líkt og fyrirtæki sem tekið hafa skellinn.

Ályktun kjördæmisráðs í Suðukjördæmi

Hvernig við viljum sjá Velferðarþjónustu Reykjavíkurborgar þróast á komandi árum og áratug er til umræðu í dag á fjölmennu málþingi þar sem saman koma yfir 300 manns, notendur, hagsmunaaðilar, fagfólk, stjórnmálafólk og starfsfólk. Þetta er liður í stefnumótun sem hófst með því að Velferðarráð Reykjavíkur samþykkti að móta heildstæða velferðarstefnu fyrir Reykjavík til ársins 2030. Áskoranir í velferðarþjónustu á 21. öldinni eru margar og framundan eru miklar samfélagsbreytingar, breytingar í tækninni, í umhverfinu í kröfum til þjónustu og samfélaginu. Við þurfum því að sameinast um sýn á það hvert við viljum stefna og hvaða skref við viljum taka til að ná þangað.

Eitt af markmiðum stefnumótunarinnar er að flétta inn notendasamráð á öllum stigum og það kallar á grundvallarbreytingar í samskiptum, viðmóti og samráði við notendur og aðstandendur þeirra. Við ákváðum því að hefja stefnumótunina á því að kalla eftir sögum af velferðarþjónustu borgarinnar frá borgarbúum, skoðunum og ábendingum notenda, hagsmunaaðila og starfsmanna. Við höfum lagt ríka áherslu á að ræða við sem flesta, fá fram sjónarmið ólíkra aðila, hlusta, heyra hvað ólíkir hópar hafa að segja og nú þegar hafa yfir 700 einstaklinga og hagsmunaaðilar haft aðkomu sem er bæði gleðilegt og þakkarvert. Skýrt merki um það að velferðarþjónusta skiptir borgarbúa svo sannarlega miklu máli.

Með allt þetta í farteskinu leggur stýrihópur um velferðarstefnu, sem ég fer fyrir, nú fram drög að stefnu sem við munum ræða og dýpka á málþinginu og það er von mín að samstað náist þó málaflokkarnir séu ólíkir og umræðuefnið víðfeðmt. Velferðarráð hefur á undanförnum árum samþykkt stefnu í flestum þeim málaflokkum sem heyra undir sviðið, ss. í málefnum aldraðra, fatlaðs fólks, barnavernd, húsnæðismálum og velferðartækni. Stefnt er að því að velferðarstefnan muni rúma þessar stefnur auk þess að setja fram leiðarljós, gildi, markmið og verk- og tímaáætlun til 5-10 ára.

Grein eftir Heiðu Björg Hilmisdóttur, varaformann Samfylkingarinnar og borgarfulltrúa, sem birtist fyrst á Vísi 22. september.

Ég vil byrja á að fagna brennandi áhuga háttvirts samgönguráðherra og formanns Framsóknarflokksins á stefnu Samfylkingarinnar um vinnu, velferð og græna framtíð. En slík framtíðarsýn birtist hvergi í fjármálaáætlun ríkisstjórnarinnar. Þar er ekki stutt við fólkið sem hefur misst vinnuna, áætlanir um uppbyggingu og fjölgun starfa eru í skötulíki og aukin útgjöld til umhverfismála milli ára eru rétt um 0,1 prósent af vergri landsframleiðslu. Á vakt forsætisráðherra sem talar um græna byltingu. Hæstvirtur ráðherra Sigurður Ingi Jóhannsson veit jafn vel og við í Samfylkingunni að við gætum gert svo miklu miklu betur. En mögulega er hann bara í röngum félagsskap. 

Hæstvirtur forsætisráðherra nefndi það í ræðu sinni hér fyrr í kvöld að einhverjum tilgreindum ákvæðum, sem hún metur að geti komist í gegnum nálarauga ríkisstjórnarflokkanna, skuli breytt en þó þannig að hugnist þeim sem helst engu vilja breyta. Þá sérstaklega þurfa breytingar að hugnast þeim sem engu vilja breyta varðandi nýtingu auðlinda þjóðarinnar. 

Það er með hreinum ólíkindum að þjóðin, sem saman þarf að standa straum af öllum kostnaði við rekstur samfélagsins, skuli dæmd til að láta arðinn af auðlindum sínum renna nánast óskertan í vasa örfárra notenda eða afkomenda þeirra. Í frumvarpi forsætisráðherra eru hvorki tímamörk á einkanýtingu auðlinda né skýr ákvæði um að greiða skuli eiagndanum, sem erum við öll, fullt gjald fyrir afnot hennar. Það er ekki í lagi. 

Alþingi á einfaldlega að fara að vilja þjóðarinnar eins og hann birtist í þjóðaratkvæðagreiðslu þann 20. október 2012. Annað er fásinna í lýðræðisríki og algjör falleinkunn á störfum Alþingis. 

En það eru fleiri ákvæði stjórnarskrár sem ég vil, með leyfi forseta, flytja,  til dæmis 3. mgr. 76. gr. sem hljóðar svo: 

Börnum skal tryggð í lögum sú vernd og umönnun sem velferð þeirra krefst. 

Þarna eru engin börn undanskilin, ekki börn á flótta, ekki börn með fötlun, ekki börn sem hafa verið beitt ofbeldi, ekki fátæk börn. 

Fyrir skömmu síðan tókst, með eindreginni seglu lögmannsins Magnúsar D Norðdal og óbreyttra borgara sem hættu ekki að hafa hátt, að stöðva brottvísun stjórnvalda á fjórum börnum í leit að vernd. Ríkisstjórnin gerði því miður ekkert þeim til bjargar heldur vísaði á kerfið eins og það væri sjálfstætt óbreytanlegt bákn sem enginn réði við. Kerfið er mannanna verk og ríkisstjórninni ber skylda til að gera kerfið bæði skilvirkt og mannúðlegt, þannig að það brjóti ekki á réttindum borgaranna.  

Tökum annað dæmi úr kerfinu - 1.193 börn um allt land bíða eftir greiningu eða meðferð við geðrænum vanda. Hvernig má þetta vera? 

Og hvernig sinnum við börnum sem hafa orðið fyrir kynferðisofbeldi eða áreitni? 19 börn sem orðið hafa fyrir slíku ofbeldi bíða áfallameðferðar hjá Barnahúsi. Bíða þess að kerfið virki sem skyldi. 

Herra forseti – biðlistar eru ekki náttúrulögmál heldur ákvörðun stjórnvalda um að fjármagna ekki og manna með fullnægjandi hætti nauðsynlegar stofnanir. Kerfi sem virkar ekki sem skildi er heldur ekki náttúrulögmál. Þetta eru mannana verk, þetta er pólitísk ákvörðun og á því bera þeir ábyrgð sem fara með valdið hverju sinni. 

Nú er atvinnuleysi að aukast hratt í kjölfar heimsfaraldurs. Þá þarf að hugsa hratt og grípa þá sem helst þurfa á björginni að halda. Við í Samfylkingunni höfum lagt fyrir þingið tillögur um hækkun grunnatvinnuleysisbóta til verndar fjölskyldum í landinu sem nú hafa misst lífsviðurværið. En nei, ríkisstjórnarflokkarnir treysta sér ekki til þess, jafnvel ekki tímabundið eins og við lögðum til. 

Nei, herra forseti, fátækt er heldur ekki náttúrulögmál. Fátækt er pólitísk ákvörðun. Við þurfum hugrökk stjórnvöld sem þora að grípa til sértækra aðgerða til bjargar nauðstöddu fólki. Til þess voru þau kosin. 

Ræða Helgu Völu Helgadóttir þingmanns Samfylkingarinnar í umræðum um stefnuræðu forsætisráðherra á Alþingi þann 1. október 2020.  

Helga Vala: „Fátækt er pólitísk ákvörðun“

Framkvæmdastjóri Almannaróms og varaþingmaður Reykjavíkurkjördæmis suður

Jóhanna Vigdís Guðmundsdóttir

Þær eru margar fyrirmyndirnar í lífinu. Í mínu tilviki standa tvær fremstar meðal jafningja, fyrir óþreytandi mannréttindabaráttu alla sína starfsævi. Guðrún Ögmundsdóttir og Ruth Bader Ginsburg, betur þekktar sem Gunna Ö. og RBG. Báðar voru þessar merkiskonur lagðar til hinstu hvílu á árinu sem nú fer bráðum að ljúka – vonandi án frekari hamfara.

Rám röddin, óendanleg hlýjan og almenn skemmtilegheit gerðu Gunnu Ö. að uppáhaldi allra. Hvar sem hún staldraði við brást ekki að hún stóð vaktina sem óþreytandi baráttukona fyrir mannréttindum allra og veitti þeim sem þurftu aðstoð. Alls staðar tókst Gunnu Ö. að gera alla sem kynntust henni að betri manneskjum.

RBG dáðist ég að úr fjarlægð. Þrátt fyrir að útskrifast með hæstu einkunn úr laganámi gekk henni illa að finna vinnu við hæfi, hún var kona og árið 1959. Á tveggja ára tímabili, 1973-1975, flutti RBG sex mál sem vörðuðu jafnrétti kynjanna fyrir hæstarétti Bandaríkjanna og vann fimm þeirra. Eitt þeirra tryggði konum sjálfsákvörðunarrétt yfir eigin líkama. Seinna varð RBG dómari við þennan sama hæstarétt. Ef ykkur finnst þetta ekki nóg þá gat hún líka, á níræðisaldri, gert hliðarplanka.

Gunna Ö. og RBG náðu því í gegn sem þær ætluðu sér, þvert á flokkslínur og alltaf í þágu annarra. Þær gáfust aldrei upp heldur örkuðu áfram með hugsjónirnar, eitt skref í einu. Nú þurfum við hin að taka við og gæta réttinda þeirra sem þurfa okkar hjálp. Við skulum öll vera meira eins og Gunna Ö. og RBG.

Greinin birtist fyrst í Bakþönkum Fréttablaðsins 2. október 

Leit um „��"

3402 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3402 niðurstöður fundust við leit að „���������������������������������������������������"