Skrifstofa Samfylkingarinnar heldur rafræna félagaskrá fyrir flokkinn og öll aðildarfélög hans skv. grein 2.12 í lögum flokksins.

Reglur þessar gilda um félagaskrá flokksins og öll aðildarfélög hans. Þær gilda einnig um hvers konar áritanir úr skránni og aðrar upplýsingar sem kunna að felast í félagaskrá flokksins og aðildarfélaga hans. Með áritun úr félagaskrá er átt við útgáfu staðfestinga, vottorða eða upplýsinga úr félagaskrá flokksins. Undir það falla viðveruskrár frá fundum þar sem einungis skráðir eða kjörnir flokksfélagar eiga sæti.

Aðildarfélag Samfylkingarinnar getur óskað eftir rafrænum og/eða skriflegum aðgangi að félagaskrá viðkomandi félags. Aðgangurinn skal takmarkast við formann aðildarfélags eða þann aðila sem stjórn þess tilnefnir.

Skrifstofu Samfylkingarinnar er óheimilt að láta öðrum en aðildarfélaginu sjálfu í té félagaskrá þess eða annast áritanir úr því skv. grein 2.12 í lögum flokksins.
Söfnun upplýsinga, vinnsla og miðlun félagaskráa eða úrtaka úr þeim skal ávallt vera í samræmi við lög um persónuvernd og meðferð persónuupplýsinga.

Stjórnmálafélög sem hlíta vilja grundvallarstefnuskrá Samfylkingarinnar, undirgangast lög hennar og hafa a.m.k. 10 fullgilda félaga eiga rétt á aðild að Samfylkingunni skv. grein 3.01 í lögum flokksins.

Enginn getur verið aðalfélagi nema í einu aðildarfélagi. Um réttindi og skyldur aukafélaga fer skv. lögum viðkomandi aðildarfélags skv. grein 3.10 í lögum flokksins.

Félagaskrá Samfylkingarinnar miðast við póstnúmeraskrá og eftir atvikum sveitarfélagsnúmer. Hún er tengd þjóðskrá og skal uppfærð a.m.k. mánaðarlega og oftar ef þurfa þykir s.s. vegna útsendingu bréfa og tölvupósta, límmiðaprentunar, kynninga vegna flokksvals, kosninga o.s.frv.

Skráning í Samfylkinguna skal vera skrifleg og undirrituð af viðkomandi eða send á rafrænu formi í gegnum heimasíðu flokksins eða með tölvupósti. Henni má beina til aðalskrifstofu flokksins skv. grein 3.09 í lögum flokksins eða til aðildarfélags.
Allar nýskráningar skal geyma í a.m.k. 4 ár rafrænt eða á pappír eftir atvikum og skulu þær vera rekjanlegar.

Berist skráning í Samfylkinguna á rafrænu formi í gegnum heimasíðuna eða í tölvupósti skal leita staðfestingar umsækjanda á því að hann hafi sjálfur óskað skráningar í flokkinn.

Berist skráning til aðalskrifstofunnar skal hún skipa umsækjanda í aðildarfélag eftir búsetu hans komi ekki fram ósk um annað skv. grein 3.09 í lögum flokksins. Viðkomandi aðildarfélagi skal tilkynnt um skráninguna svo fljótt sem auðið er.
Berist skráning til aðildarfélags skal litið svo á að hinn skráði óski eftir félagsaðild í því aðildarfélagi. Aðildarfélagið skal tilkynna aðalskrifstofunni um skráninguna svo fljótt sem auðið er.

Einstaklingar sem eru undir 35 ára aldri og sækja um inngöngu í Samfylkinguna skulu vera skráðir í staðbundið aðildarfélag Ungra jafnaðarmanna eftir búsetu þeirra komi ekki fram ósk um annað skv. grein 3.09 í lögum flokksins. Ef ekki kemur fram ósk um annað ber þeim sem tekur á móti skráningunni að upplýsa um hvaða félög þeim standi til boða.
Aðalskrifstofan sendir nýjum félaga tölvupóst/bréf frá formanni Samfylkingarinnar þar sem hann er boðinn velkominn í Samfylkinguna.

Flutningur flokksfélaga á milli aðildarfélaga

Skrifstofa Samfylkingarinnar sér um að færa fólk á milli aðildarfélaga í samræmi við búferlaflutninga skv. þjóðskrá og tilkynna stjórnum aðildarfélaga um það skv. grein 2.12 í lögum flokksins. Tilkynning þess efnis skal vera skrifleg eða á rafrænu formi.
Félagsmaður sem ekki tilkynnir sérstaklega um búsetuskipti flyst sjálfkrafa á milli aðildarfélaga við búsetuskipti í þjóðskrá. Félagsmaður skráður í landsfélag, flyst ekki á milli aðildarfélaga við búsetuskipti. Aðildarfélögunum skal tilkynnt um búsetuskiptin.

Úrsögn úr Samfylkingunni skal vera skrifleg og undirrituð af viðkomandi eða á rafrænu formi. Afskráning fólks úr félagaskránni er einungis heimil af aðalskrifstofu Samfylkingarinnar.

Berist úrsögn úr Samfylkingunni á rafrænu formi skal leita staðfestingar viðkomandi á því að hann hafi sjálfur óskað úrsagnar úr flokknum. Berist úrsögn til aðildarfélags skal félagið senda tilkynningu um úrsögnina til aðalskrifstofunnar á því formi sem hún barst.

Allar úrsagnir skal geyma í a.m.k. fjögur ár, rafrænt eða á pappír eftir atvikum, og skulu þær vera rekjanlegar.

Meðferð félagaskrár í flokksvali og kosningabaráttu

Þrátt fyrir ákvæði 1. greinar í reglum þessum er skrifstofu Samfylkingarinnar heimilt að miðla upplýsingum úr félagaskrá í þeim tilvikum sem nefnd eru í þessari grein.
Í flokksvali til bæjar- og sveitarstjórna og til Alþingis fá formenn kjörstjórna, fyrir hönd kjörstjórnar, afhenta félagaskrá á rafrænu formi.

Í kosningum kjördæmisráða eða sveitarstjórna fær kosningastjóri, fyrir hönd kosningastjórnar afhenta félagaskrá á rafrænu formi.

Að flokksvali eða kosningum loknum er formanni kjörstjórnar í forvali og kosningastjóra í kosningum skylt að afhenda aðalskrifstofu Samfylkingarinnar félagaskrána, með þeim breytingum sem kunna að hafa verið gerðar.

Eingöngu er heimilt er að afhenda frambjóðanda, sem skráður er í Samfylkinguna, í flokksvali Samfylkingarinnar til bæjar- og sveitarstjórna og til Alþingis afrit af félagaskrá á rafrænu formi. Félagaskráin skal innihalda nafn, aldur, heimili og síma. Frambjóðendum er skylt að fara með rafrænar skrár skv. lögum flokksins og lögum um persónuvernd. Heimilt er að afhenda félagaskrána gegn gjaldi.

Í þeim tilfellum sem Samfylkingin býður fram með öðrum stjórnmálaflokkum er óheimilt að afhenda samframboðsflokknum félagaskrá Samfylkingarinnar.

Netfangaskrá og útsendingar skv. félagaskrá

Aðalskrifstofa Samfylkingarinnar heldur netfangaskrá fyrir flokkinn í heild.
Engum má senda tölvupóst samkvæmt netfangaskrá nema samþykki viðkomandi liggi fyrir. Félagsmaður telst hafa gefið samþykki sitt hafi hann gefið Samfylkingunni upp netfangið sitt eða skráð sig sérstaklega á netfangaskrá flokksins.

Aðalskrifstofa Samfylkingarinnar sendir út tölvupóst á netfangaskrána. Aðrir hafa ekki heimild til að senda tölvupóst. Ekki má senda út annað efni á netfangaskrá en sem við kemur flokksstarfinu.

Frambjóðendum í flokksvali Samfylkingarinnar er óheimilt að nota netfangaskrá flokksins.

Aðildarfélög geta nýtt sér þau netföng til útsendingar til flokksfélaga sem þau hafa safnað saman í félagsstarfi sínu og ber þeim að senda aðalskrifstofu jafnóðum allar breytingar á netföngum sem þeim berast.

Þegar aðildarfélag sendir út almennan póst eða tölvupóst á félagsmenn sína s.s. vegna innheimtu á félagsgjöldum o.s.frv. þá skal það ávallt notast við nýjustu útgáfu af félagaskránni annað hvort í gengum rafrænan aðgang eða óska eftir nýjustu uppfærslu félagaskrárinnar frá flokksskrifstofunni. Flokkurinn skal setja sér persónuverndarstefnu sem tryggir persónuvernd á netinu.

Rísi upp ágreiningur varðandi reglur þessar skal leggja hann fyrir framkvæmdastjórn sem sker úr deilunni eins fljótt og tök eru á.

Reglur þessar voru upphaflega samþykktar af framkvæmdastjórn þann 25. september 2006 og með áorðnum breytingum þann 2. mars 2009 og 3. október 2012 og öðlast þær strax gildi.

Samfylkingin hefur lagst á árarnar með stjórnvöldum við að greiða fyrir málum ríkisstjórnarinnar í tengslum við Covid-19 leið í gegnum þingið.  Í allri þeirri vinnu reynum við í Samfylkingunni að koma auga á það sem þarf að gera betur og koma með tillögur til úrbóta.Í allri þessari vinnu reynum við að koma auga á það sem þarf að gera betur og koma með tillögur til úrbóta. Sjaldan hefur verið jafn mikilvægt og nú að standa vörð um kjör og réttindi vinnandi fólks. Hér að neðan má kynna sér breytingartillögur Samfylkingarinnar og sameiginlegar breytingartillögur hjá stjórnarandstöðuflokkum.

Tillögur Samfylkingarinnar um atvinnuleysisbætur sem ríkisstjórnin hafnaði:

     1.      Grunnatvinnuleysisbætur hækki úr 289.510 kr. í 314.720 kr.

     2.      Hámarksfjárhæð tekjutengdra atvinnuleysisbóta hækki úr 456.400 kr. í 516.000 kr.

     3.      Hlutfall tekjutengdra atvinnuleysisbóta af meðaltali heildarlauna hækki tímabundið úr  70% í 100%.

     4.      Námsmönnum verði tryggður réttur til atvinnuleysisbóta frá 1. júní til 31. ágúst 2020.

Sameiginlegar breytingartillögur Samfylkingarinnar, Pírata, Miðflokksins og Flokki fólksins sem ríkisstjórnin hafnaði:

Tvöfalda fyrirhugaða fjármuni í álagsgreiðslur til framlínufólks heimsfaraldursins þannig að það einnig til starfsfólk allra hjúkrunarheimila og í löggæslu. Viðbót yrði 1 milljarður kr. 

Lífeyrisþegar (öryrkjar og eldri borgarar) fái 100.000 kr. einskiptisgreiðslu að heildarupphæð 6 milljarðar kr.

Aukinn stuðningur til SÁÁ að upphæð 100 m kr.

Lokunarstyrkir til fyrirtækja sem eiga eingöngu rétt á stuðningslánum frá ríkisstjórnarflokkunum en stjórnarandstaðan leggur hér til að þessi fyrirtæki fái einnig lokunarstyrki eins og þau fyrirtæki sem þurftu að loka vegna tilmæla sóttvarnaryfirvalda. Um væri að ræða helming fjárhæðar fyrirhugaðra lokunarstyrkja að upphæð 8 milljarða kr.

Frysting lána hjá öllum ferðaþjónustufyrirtækjum í 18 mán að upphæð 8 milljarðar kr.

Aukinn stuðningur til fjölmiðla að upphæð 350 m kr. Slíkt væri í samræmi við boðaðar aðgerðir ríkisstjórnarinnar en engir fjármunir fylgdu þeim loforðum í fjáraukafrumvarpinu.

Hækka upphæðir í endurgreiðslur rannsóknar- og þróunarkostnaðs að upphæð 1,3 ma kr.

Aukinn stuðningur við Kvikmyndasjóð að upphæð 500 m kr.

Auka framlög til Framkvæmdasjóðs ferðamanna að upphæð 500 m kr.

Auka framlög til Sóknaráætlana landshluta að upphæð 500 m kr.

Auka framlög til Ungra frumkvöðla að upphæð 100 m kr.

Það eru mikil vonbrigði að ríkisstjórnin hafi hafnað öllum breytingartillögum Samfylkingarinnar. 

Bæjarmálafundur og undirbúningur kosninga

Vestfirðingar, ræðum alþjóðlegar áskoranir jafnaðarmanna!

Bæjarmálafundur Samfylkingarinnar í Kópavogi

Aðalfundur Hallveigar - félags ungra jafnaðarmanna í Reykjavík

Fundur málefnanefndar Samfylkingarinnar um velferð

Opinn fundur málefnanefndar um umhverfismál

Gegn kvótabraski, skattaskjólum og spillingu!

Leit um „��"

3373 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3373 niðurstöður fundust við leit að „���������������������������������������������������"