Við í Samfylkingunni óskum eftir þínum stuðningi til að leiða breytingar sem nauðsynlegar eru fyrir Ísland. Við höfum átt í innihaldsríku samtali við þjóðina síðastliðin tvö ár og því ætlum við að halda áfram. Það að vera í þjónustu við þjóðina þýðir að hlusta og rækta samband við fólkið í landinu. Það höfum við gert og ætlum að gera áfram.  Þetta samtal er grunnurinn að stefnu Samfylkingarinnar fyrir þessar kosningar sem birtist í Planinu, þremur útfærðum tillögum í efnahagsmálum, velferðarmálum og atvinnu- og innviðamálum.

Samfylkingin er búinn að vinna heimavinnuna og getur strax brett upp ermar og komið stefnumálum sínum í framkvæmd.

Negla niður vextina og hætta að reka ríkissjóð á yfirdrætti. Það gengur ekki að fólk sé að borga himinháa vexti af lánunum sínum, komist ekki út á húsnæðismarkaðinn, að ekki sé talað um áhrifin á framboð húsnæðis. Vaxtabyrðin hefur gríðarleg áhrif á rekstur sveitarfélaga. Við verðum að lækka kostnað heimila og fyrirtækja.

 Laga heilbrigðiskerfið. Fastur heimilislæknir sem þekkir þig og heilbrigðisþjónusta óháð búsetu eru meginstefið ásamt þjóðarátaki í umönnun eldra fólks. Eldra fólk á það skilið.

Styrkja stoðir atvinnulífs um allt land. Sterkir innviðir eru forsenda kraftmikils atvinnulífs. Það þarf að tvöfalda fjárfestingu til samgönguinnviða og auka raforkuframleiðslu.

Viljum við nýtt upphaf eða meira af því sama? Lykillinn að því að ná fram breytingum er að kjósa Samfylkinguna og veita henni sterkt umboð til að leiða þessar breytingar með Kristrúnu Frostadóttur í broddi fylkingar.

Oddviti Samfylkingarinnar í Norðvesturkjördæmi

Nýtt upphaf – í þjónustu við þjóðina

Á laugardaginn verður kosið um framtíð Íslands. Þá fær þjóðin loksins að gera upp við fráfarandi stjórnarflokka og svara fyrir sig með kjörseðlinum. Þessar kosningar eru sögulegt tækifæri til að tryggja breytingar.

Valkostirnir eru skýrir: Meira af því sama eða nýtt upphaf? Áframhaldandi óreiða eða traust forysta? Hörð hægristjórn eða sterk jafnaðarstjórn með Samfylkingu?

Samfylkingin vill leiða ríkisstjórn sem gengur í verkin og gerir það sem þarf til að negla niður vextina, laga heilbrigðiskerfið og laga Ísland. Ísland er frábært land en það er svo margt sem við getum lagað og breytt til hins betra – fáum við til þess traust í kosningunum.

Fólkið þráir breytingar
Við vitum að fólkið í landinu þráir breytingar. Þetta get ég fullyrt eftir að hafa átt samtal við þjóðina á 150 opnum fundum og í 250 fyrirtækjum.

„Við borgum 150 þúsund krónum meira á mánuði,“ sagði ung móðir í Þorlákshöfn. „Ríkisstjórnin hefur bara algjörlega brugðist fólkinu hérna.“ Fjölskyldan er að sligast undan þessum alltof háu vöxtum og það sama á við um fyrirtækin.

„Það særir þjóðarstoltið,“ sagði kona um sjötugt á Sauðárkróki, „að sjá stöðuna í heilbrigðiskerfinu – þar sem eldra fólk er látið búa frammi á spítalagangi, eftir að hafa stritað alla ævi, vegna þess að það fær ekki þjónustu við hæfi.“ Þetta er ómanneskjulegt – en eykur líka kostnað, sem er alveg dæmigert fyrir stöðuna alltof víða í velferðarkerfinu okkar.

Og hvar sem við komum hittum við ungt fólk og fjölskyldur sem þrá ekkert heitar en öruggt húsnæði, þak yfir höfuðið, í stað þess að hrekjast milli íbúða og borga alltof háa leigu. Öryrkjar og fátækt eldra fólk verða verst úti – því að lífeyrir hefur dregist svo langt aftur úr launum á vakt síðustu ríkisstjórna.

Við ætlum að laga þetta. Það er ekki hægt að bjóða þjóðinni áfram upp á óbreytt ástand og meira af því sama. Og þess vegna þurftum við í Samfylkingunni að bjóða betri valkost en þessa þreyttu flokka sem hafa stjórnað landinu alltof lengi.

Við breyttum Samfylkingunni
Mörg þúsund manns um landið allt hafa lagt okkur lið. Við komum Samfylkingunni aftur á rétta braut til að koma Íslandi aftur á rétta braut. Til að tryggja breytingar fyrir fólkið í landinu.

Við getum það – við getum leitt breytingar – og höfum sýnt það í verki. Við byrjuðum á sjálfum okkur með því að fara aftur í kjarnann og færa okkur nær fólkinu í landinu. En við byggjum á sterkum grunni og höfum notið góðs af því að það er fjöldi fólks um land allt, með sterka jafnaðartaug, sem hafði von og trú og hefur tekið virkan þátt í því með okkur að styrkja á ný stöðu Samfylkingarinnar á landsvísu.

Ég gleymi aldrei fyrstu spurningunni á fyrsta opna fundinum mínum sem nýkjörinn þingmaður. Það var í Alþýðuhúsinu í Borgarnesi: „Hvað ertu að gera hérna?“ Já. „Hvað ertu eiginlega að gera hérna?“

Þá voru þau hissa á að það væri kominn þingmaður til að halda fund í upphafi kjörtímabils, með fólkinu í landinu – og alla leið í Borgarnes! En af hverju erum við eiginlega að þessu? Svarið er ennþá það sama og það var í Alþýðuhúsinu þennan dag:

Til að finna sameiginlegan þráð. Til að sameina þjóðina. Til að tryggja breytingar fyrir fólkið í landinu. Og nú getum við sagt fullum fetum að Samfylkingin er komin aftur – á réttan stað; þétt með þjóðinni, við hlið hins vinnandi manns og með puttann á púlsinum í íslensku atvinnulífi.

Við erum með plan og við erum til þjónustu reiðubúin.

Tryggjum breytingar
Lokaskilaboð mín til þjóðarinnar fyrir kosningar eru skýr: Tryggjum breytingar. Samfylkingin tryggir breytingar. Og við erum reyndar eini flokkurinn sem tryggir breytingar í þessum kosningum.

Það er vegna þess að við erum eini flokkurinn sem er með plan um breytingar og líka trausta forystu sem getur leitt þær, eins og við höfum sýnt í verki. Við erum eini flokkurinn sem hefur lagt áherslu á að byggja upp sterkari innviði og laga Ísland – hvort sem litið er á samgöngur, orku eða heilbrigðis- og velferðarkerfið okkar. Og síðast en ekki síst er Samfylkingin eini stóri flokkurinn sem er ekki hluti af gömlu hægriflokkunum sem hafa stjórnað hérna alltof lengi. Ólíkt til dæmis Viðreisn og Miðflokki sem eru hægriflokkar og klofningsflokkar úr Sjálfstæðisflokki og Framsókn.

Samfylkingin er jafnaðarflokkur – sósíaldemókrataflokkur, eins og þeir sem hafa byggt upp einhver farsælustu samfélög í heimi á Norðurlöndum. Það er grundvallarmunur á Samfylkingu annars vegar og öllum hinum flokkunum hins vegar.

Nú er sögulegt tækifæri til að tryggja breytingar og nýtt upphaf fyrir Ísland með sterkri Samfylkingu. En það verður að kjósa breytingar til að tryggja breytingar. Því ef Samfylkingin fær ekki umboð til að mynda nýja ríkisstjórn – þá er raunveruleg hætta á að hér verði mynduð hörð hægristjórn, til dæmis með Sigmundi Davíð og Bjarna og Viðreisn og kannski Framsókn eða Flokki fólksins. Sem nær ekki stjórn á efnahagsmálunum og heldur áfram að veikja velferðarkerfið okkar.

Þess vegna er nauðsynlegt að Samfylkingin verði stærsti flokkurinn til að tryggja breytingar.

Lögum Ísland
Staðreyndin er sú að tækifæri okkar eru stórfengleg. Ísland er frábært land. En það er ekki alveg að virka núna.

Samfylkingin ætlar að lækka kostnað heimila og fyrirtækja: Negla niður vextina með því að hætta að reka ríkið á yfirdrætti. Standa með ungu fólki og fjölskyldum með bráðaaðgerðum á húsnæðismarkaði. Og tryggja öruggar tekjur um ævina alla með því að hækka lífeyri TR í takt við laun og með nýju fæðingarorlofskerfi.

Samfylkingin ætlar að laga heilbrigðiskerfið: Með föstum heimilislækni sem þekkir þig og öruggri heilbrigðisþjónustu óháð búsetu. Við ætlum að hlúa að fólkinu sem byggði landið með þjóðarátaki í umönnun eldra fólks.

Og Samfylkingin ætlar að styðja við atvinnulíf um landið allt: Tvöfalda fjárfestingu í samgöngum með tekjum frá auðlindum og aukinni verðmætasköpun, auk þess að byggja upp orkuinnviði og styðja við orkuskipti með grænum hvötum.

Þannig ætlum við að styrkja velferðina og stækka kökuna. Því að Samfylkingin skilur að það þarf að fjárfesta til að skapa verðmæti. Eins og við heyrðum hjá stjórnanda iðnfyrirtækis í Reykjavík:

„Allir sem reka fyrirtæki vita að það þarf að fjárfesta til að skapa verðmæti. Sama gildir um Ísland,“ sagði hann. „Næsta ríkisstjórn þarf að byrja aftur að fjárfesta og byggja upp sterka innviði svo að atvinnulífið geti blómstrað um allt land.“ Og bætti svo við að lokum: „Kristrún, við getum ekki beðið eftir að það verði farið að stjórna hérna aftur.“

Svona er þetta alls staðar. Hvort sem um er að ræða veski heimilanna, velferðarkerfið eða atvinnulífið. Leið Sjálfstæðisflokks hefur ekki virkað. Nú höfum við 3 daga til að tryggja breytingar næstu 10 árin.

Við vinnum þetta saman.

Kristrún Frostadóttir, formaður Samfylkingar – jafnaðarflokks Íslands

Grein Kristrúnar Frostadóttur í Morgunblaðinu 28. nóvember 2024.

Kaupmáttur meðaltals ráðstöfunartekna hjá fólki á aldrinum 30-39 ára er sá sami í dag og hann var fyrir 20 árum meðan kaupmáttur hefur aukist umtalsvert hjá öðrum aldurshópum. Þetta kemur fram í nýrri greiningu frá Visku stéttarfélagi.

Það er orðið alltof dýrt fyrir fjölskyldufólk að lifa venjulegu lífi á Íslandi. Of dýrt að borga vexti, of dýrt að borga húsnæði og of dýrt að kaupa í matinn. Tækifæri ungs fólks til þess að eignast þak yfir höfuðið ráðast í auknum mæli af því hve mikinn fjárstuðning foreldrar geta veitt. Þessu ætlar Samfylkingin að breyta, fáum við til þess traust í alþingiskosningum 30. nóvember og út á þetta gengur Framkvæmdaplanið okkar í húsnæðis- og kjaramálum.

Vaxtabyrði yngri kynslóða hefur hækkað margfalt hraðar en annarra aldurshópa á undanförnum árum. Árið 2019 greiddu 13% einstaklinga undir fertugu meira en fimmtung af ráðstöfunartekjum sínum í vexti en í fyrra var hlutfallið komið upp í 21%. Til samanburðar hækkaði þetta hlutfall hjá öðrum aldurshópum úr 11% upp í 14% á sama tímabili.

Lykillinn að hraðri lækkun vaxta er aukin festa í ríkisfjármálum. Þar leggur Samfylking áherslu á að lögfest verði stöðugleikaregla um jafnvægi tekna og rekstrarútgjalda með tilliti til hagsveiflunnar, að dregið verði markvisst úr sóun í opinberum framkvæmdum og tekjustofnar styrktir með sanngjörnum auðlindagjöldum og auknu jafnræði í skattheimtu. Við erum ósammála þeim stjórnmálaflokkum sem vilja að ríkasta 1 prósentið á Íslandi greiði miklu lægra skatthlutfall en millistéttin.

Með ábyrgri ríkisfjármálastefnu getum við endurheimt traust til hagstjórnar á Íslandi og stutt við lækkun vaxta. Kosningaloforð hægriflokkanna um stórfellda lækkun skatta í þágu tekjuhæstu hópanna gætu hins vegar hægt á vaxtalækkunarferlinu.

Bráðaaðgerðir og kerfisbreytingar á húsnæðismarkaði

Til að bæta stöðu yngri hópanna á húsnæðismarkaði þarf að vinna hratt á því stórkostlega ójafnvægi sem hefur skapast milli framboðs og eftirspurnar.

Samfylkingin boðar bráðaaðgerðir til að ýta undir að íbúðir nýtist til búsetu frekar en skammtímaleigu til ferðamanna og liðka fyrir uppbyggingu færanlegra einingarhúsa og breytingu vannýtts atvinnuhúsnæðis í vandaðar íbúðir. Með þessu er hægt að auka framboð á húsnæðismarkaði talsvert meira á næstu tveimur árum en áætlanir stjórnvalda hafa gert ráð fyrir og þannig temprum við fasteigna- og leiguverð.

Til lengri tíma þarf fleira að koma til svo húsnæðismarkaðurinn færist í betra horf. Þar boðar Samfylkingin nýja nálgun í skipulagsmálum, aukið samstarf ríkis og sveitarfélaga við uppbyggingu innviða í nýjum íbúðahverfum, aukinn stuðning við leigjendur og óhagnaðardrifin íbúðafélög og skilvirkara fyrirkomulag lána til fyrstu kaupenda.

Nýtt fæðingarorlofskerfi og sáttmáli um leikskólastigið

Ungt fólk á að geta eignast börn án þess að búa við lamandi afkomukvíða. Plan Samfylkingarinnar fyrir barnafólk er þríþætt.

Í fyrsta lagi viljum við lögfesta rétt barna til leikskólavistar frá tilteknum aldri eins og gert hefur verið á hinum Norðurlöndunum. Á Íslandi hefur skort lagaumgjörð og samkomulag um fjármögnun leikskólastigsins og ungbarnafjölskyldur í öllum stærri sveitarfélögum bera hallann af því. Úr þessu þarf að bæta og það kallar á að lög um tekjustofna sveitarfélaga verði endurskoðuð þannig að gert sé ráð fyrir rekstri leikskóla sem lögbundins og fjármagnaðs verkefnis sveitarfélaga.

Í öðru lagi boðar Samfylkingin nýtt fæðingarorlofskerfi til að tryggja betur afkomuöryggi foreldra, draga markvisst úr tekjumissi foreldra á fæðingarári barns og vernda heilsu móður og barns. Um átta meginatriði nýja kerfisins má lesa hér.

Í þriðja lagi mun Samfylkingin koma þróun barnabóta í fastari skorður þannig að þær hækki árlega til jafns við hækkun þrepamarka í tekjuskattskerfinu og skerðingarmörk uppfærist þannig að fjöldi heimila sem fá stuðning haldist stöðugur.

Til lengri tíma skiptir miklu að mótuð verði atvinnustefna fyrir Ísland með áherslu á háframleiðnistörf. Á undanförnum árum hefur hagvöxtur að miklu leyti verið drifinn áfram af vinnuaflsfrekum greinum og mikilli fólksfjölgun. Unga fólkið hefur streymt í háskólanám en hagkerfið ekki skapað tækifæri í takt við menntun þess. Um leið er hlutfall fólks í iðnnámi hérlendis með því lægsta í þróuðum ríkjum. Til að bæta úr þessu þurfum við að halda áfram að byggja upp sterkt og samkeppnishæft menntakerfi og móta virka atvinnustefnu á Íslandi sem miðar að aukinni framleiðni og auknum hagvexti á mann.

Sterk Samfylking er forsenda þessara breytinga

Til að þessi framtíðarsýn verði að veruleika verður Samfylkingin að fá sterka kosningu þann 30. nóvember.

Hægriflokkarnir boða nú stórfelldar skattalækkanir fyrir ríkasta fólkið á Íslandi og vilja dæla peningum út í hagkerfið með því að gefa banka. Það er öruggasta leiðin til að auka á hallareksturinn, hleypa verðbólgunni aftur af stað og setja vaxtalækkunarferlið í uppnám.

Með plani Samfylkingarinnar náum við niður vöxtum, höldum verðbólgu í skefjum og sköpum svigrúm í hagkerfinu til að bæta opinbera þjónustu og efla stuðningskerfi barnafólks. Þannig stöndum við með ungu fólki og fjölskyldum.

Höfundar eru frambjóðendur Samfylkingarinnar í Reykjavíkurkjördæmi suður.

Ójöfnuður milli kynslóða fer vaxandi á Íslandi og hagvöxtur undanfarinna ára hefur dreifst ójafnt milli aldurshópa. 

Stöndum með ungu fólki og fjöl­skyldum

Eldra fólk á að fá heiðurssess í heilbrigðiskerfinu. Þess vegna ætlar Samfylkingin að leiða þjóðarátak í umönnun eldra fólks – fáum við til þess traust í kosningunum 30. nóvember.

Öldrunarþjónusta virkar ekki sem skyldi á Íslandi. Of margar fjölskyldur hafa kynnst því af eigin raun, og ég get fullyrt sjálf að það er sár upplifun.

„Það særir þjóðarstoltið að horfa upp á stöðuna í heilbrigðiskerfinu. Eldra fólk er látið liggja frammi á spítalagangi eftir að hafa stritað alla ævi – því það fær ekki þjónustu við hæfi,“ sagði kona um sjötugt á fundi Samfylkingar á Sauðárkróki í fyrra.

Við ætlum að laga þetta
Okkur er alvara. Þess vegna héldum við 40 opna fundi um heilbrigðismál og öldrunarþjónustu í fyrra með fólkinu í landinu – og annað eins með fólki af gólfinu og öðrum sérfræðingum. Til að teikna upp plan og vera tilbúin til verka í nýrri ríkisstjórn.

Samfylkingin ætlar að laga heilbrigðis- og öldrunarþjónustuna. Við getum það. En það verður ekki gert með plástrum og skyndilausnum – heldur með því laga grunninn. Þar eru efst á blaði þjóðarátak í umönnun eldra fólks og fastur heimilislæknir sem þekkir þig og þína sögu.

Ástæðan er einföld: Þetta tvennt kom upp á hverjum einasta opna fundi sem við héldum, og fólkið sem vinnur á gólfinu er sammála. Eins og ein sagði á fundi í Reykjavík: „Ég tala bæði sem læknir og ekki síður sem notandi og aðstandandi. Þið vitið öll hvernig talað er um Landspítalann. En að mínu mati liggur mesti vandinn ekki þar heldur í brotakenndri þjónustu við aldraða.“

Ríkisstjórnin hefur brugðist
Það er eitthvað að þegar fólk þarf að bíða svona lengi á bráðamóttökunni og ástandið versnar ár frá ári. Þegar eldra fólk er látið búa frammi á spítalagangi því það fær ekki þjónustu við hæfi. Þegar 50% Íslendinga eru með fastan heimilislækni en yfir 95% í Noregi.

Staðreyndin er sú að fráfarandi ríkisstjórn hefur algjörlega brugðist. Það á við í ýmsum málaflokkum en ekki síst í heilbrigðis- og öldrunarmálum. Ríkisstjórnin lýsti því yfir árið 2018 að hún hygðist opna 700 ný hjúkrunarrými fyrir árslok 2024. En hverjar eru efndirnar? Aðeins 200 ný rými hafa verið tekin í notkun á þessum tíma. Miklu minna en að var stefnt. Um leið hefur fjármagn til heimahjúkrunar ekki aukist sem hlutfall af landsframleiðslu frá árinu 2009 – þrátt fyrir öldrun þjóðar.

Vanfjárfesting í velferðarkerfinu
Hafið það í huga þegar Sjálfstæðismenn æpa sig hása yfir því að Samfylkingin ætli að auka útgjöld til heilbrigðismála. Þá erum við að tala fjárfestingu í betra kerfi. En það er dýrara að gera ekki neitt. Því kostnaðurinn vindur stöðugt upp á sig ef við höldum áfram að elta skottið á okkur, eins og fráfarandi ríkisstjórn hefur gert. Það er til dæmis fjórfalt dýrara að sinna mannesku sem þarf mikla umönnun á sjúkrahúsi en á hjúkrunarheimili. Þó er þetta gert í stórum stíl – og það eru engar smáræðisfjárhæðir á hverju ári sem er sóað með þessum hætti. Allt vegna vanfjárfestingar í velferðarkerfi þjóðarinnar.

Þar fyrir utan er alveg ljóst að það mun falla til aukinn kostnaður í heilbrigðisþjónustu á næstu árum. Spurningin er bara hvort við ætlum að fjárfesta í kerfinu til að standa undir betri þjónustu. Eða hvort við höldum áfram á sömu braut, án fjárfestingar, og fáum kostnaðinn samt í bakið með stjórnlausum vexti í rekstrarútgjöldum og verri þjónustu.

Allir sem hafa rekið fyrirtæki skilja að það þarf að fjárfesta til að skapa verðmæti og koma í veg fyrir sóun. Og þetta skilur Samfylkingin.

Nýtt upphaf með Samfylkingu
Hlúum að fólkinu sem byggði landið. Okkur ber skylda til þess – og það er líka lykillinn að því að laga heilbrigðiskerfið.

Við viljum geta verið stolt af sterku velferðarkerfi. Við verðum að passa upp á það sem við eigum hérna saman. Og við verðum að passa upp á hvert annað.

Með öruggum skrefum getum við byggt upp öfluga öldrunarþjónustu sem er landi og þjóð til sóma. Það vill Samfylkingin gera með því að setja viðkvæmasta hópinn í forgang og með því að viðurkenna að þetta kallar á aukna fjárfestingu og pólitíska forgangsröðun.

Í útspilinu okkar, Örugg skref í heilbrigðis- og öldrunarmálum, er að finna örugg skref að settu marki. Þar má nefna aðgerðir sem við viljum ráðast í til að efla heimahjúkrun og samþætta heimaþjónustu – með fjölbreyttum stuðningi til að auka lífsgæðin heima: heimahjúkrun, dagdvölum, félagsstuðningi, iðju- og sjúkraþjálfun. Við ætlum að ganga beint til verka í stórfelldri uppbyggingu og fjármögnun á nýjum hjúkrunarrýmum fyrir þau se ekki geta búið heima, þrátt fyrir öfluga heimaþjónustu. Og með föstum heimilislækni – þar sem við ætlum að setja langveikt fólk og eldri en 60 ára í forgang á fyrsta kjörtímabili – þá getum við gripið fyrr inn í hjá viðkvæmasta hópnum. Þannig fækkum við innlögnum eldra fólks á sjúkrahús.

Nú er tækifæri til að velja nýtt upphaf með Samfylkingu.

Kristrún Frostadóttir, formaður Samfylkingarinnar – jafnaðarflokks Íslands

Grein Kristrúnar Frostadóttur í Morgunblaðinu 22. nóvember 2024.

Komdu í kaffi hjá Samfylkingunni á kjördag!

Samfylkingin býður íbúum í Kraganum í kosningakaffi á kjördag, laugardaginn 30. nóvember frá kl. 14:00 til 17:00 í Þverholti 3 í Mosfellsbæ. Það verður heitt á könnunni og heimagert bakkelsi í boði Samfylkingarfélagsins í Mosfellsbæ.

Frambjóðendur verða á staðnum og spjalla við kjósendur um allt það sem brennur á fólki.

Öll eru velkomin og við hlökkum til að sjá þig.

Kosningakaffi Samfylkingarinnar í Norðurþingi verður í Lions heimilinu!

Öll velkomin í ljúffengar veitingar og kaffi!

Kosningakaffi Samfylkingarinnar á Akureyri verður í Hjálpræðishernum, Hrísalundi 1a!

Öll velkomin í ljúffengar veitingar og kaffi.

Kosningakaffi Samfylkingarinnar á Eskifirði verður í Grunnskólanum á Eskifirði!

með því að hætta að reka ríkið á yfirdrætti

Stöndum með ungu fólki og fjölskyldum

með bráðaaðgerðum á húsnæðismarkaði 

með því að hækka lífeyri TR í takt við laun og með nýju fæðingarorlofskerfi

og örugg heilbrigðisþjónusta óháð búsetu

með þjóðarátaki í umönnun eldra fólks

Tvöföldum fjárfestingu í samgönguinnviðum

með tekjum frá auðlindum og aukinni verðmætasköptun

með uppbyggingu orkuvinnviða og grænum hvötum

Önnur málefni

Samfylkingin birtir auglýsingar á samfélagsmiðlum og í gegnum auglýsingamiðlara til þess að koma skilaboðum sínum á framfæri til þeirra sem flokkurinn telur gagn hafa að. Er það gert með því að óska eftir því að þessir aðilar birti auglýsingarnar þeim notendum sínum sem uppfylla ákveðin skilyrði. Samfylkingin fær aldrei neinar persónuupplýsingar til sín um notendur. Breyturnar sem unnið er með eru aldur, kyn og búseta. Nánari upplýsingar um persónuverndarstefnu Samfylkingarinnar. 

I. Sögulegt tækifæri til að tryggja breytingar
Kæru vinir, takk! Takk af öllu hjarta. Takk fyrir að vona og trúa og taka þetta svona langt með okkur.

Þó að ég sé í forystu – þá vitum við öll að það eru mörg þúsund manns um landið allt, sem hafa lagt okkur lið og eiga hlut í þessu verkefni: Að koma Samfylkingunni aftur á rétta braut – og það höfum við gert. Til að koma Íslandi aftur á rétta braut. Til að tryggja breytingar – fyrir fólkið í landinu.

Við getum það – ég veit við getum það! Ef við stöndum áfram saman og klárum dæmið. Já. Við vinnum þetta saman!

Því kæru landsmenn – nú líður að stóru stundinni. Á laugardaginn verður kosið um framtíð Íslands. Við höfum 3 daga núna – til að tryggja breytingar næstu 10 árin.

Þetta er sögulegt tækifæri og það er þjóðin sem velur:
• Meira af því sama – eða nýtt upphaf með Samfylkingu?
• Áframhaldandi óreiða – eða traust forysta með Samfylkingu?
• Hörð hægristjórn – eða sterk jafnaðarstjórn með Samfylkingu?

Ríkisstjórn sem passar upp á það sem við eigum hérna saman, sem passar upp á landið allt, sem gengur í verkin og gerir það sem þarf – til að negla niður vextina, laga heilbrigðiskerfið og laga Ísland. Því að það ætlum við gera. Fáum við til þess traust í kosningunum á laugardaginn.

II. Fólkið í landinu þráir breytingar
Kæru landsmenn. Staðreyndin er sú að tækifæri okkar eru stórfengleg. Ísland er frábært land. En það er bara ekki alveg að virka núna – allavega ekki fyrir venjulegt fólk: Þessir alltof háu vextir, húsnæðisverðið, heilbrigðiskerfið, og svo margt fleira – sem við getum lagað og breytt til hins betra. Með nýrri forystu fyrir Ísland.

* * *

Í Þorlákshöfn sagði ung móðir að vextirnir væru að sliga fjölskylduna:

„Við erum að borga 150 þúsund krónum meira á mánuði,“ sagði hún. Af verðtryggðu láni! „Ríkisstjórnin hefur bara algjörlega brugðist fólkinu hérna.“

Sem er lýsandi fyrir stöðu alltof margra heimila, og það sama á við um fyrirtækin. Við ætlum að laga þetta!

* * *

Kona um sjötugt, á Sauðárkróki, sagði frá sárri reynslu á fundi Samfylkingar um heilbrigðismál:

„Það særir þjóðarstoltið,“  sagði hún, „að horfa upp á stöðuna í heilbrigðiskerfinu. Eldra fólk er látið búa á spítalagangi eftir að hafa stritað alla ævi – því það fær ekki þjónustu við hæfi.“

Og hugsið ykkur, fyrir utan hvað þetta er ómanneskjulegt og stingur í hjartað – þá eykur þetta líka kostnað í kerfinu. Sem er dæmigert fyrir stöðuna svo víða í velferðarkerfinu okkar. Við ætlum að laga þetta!

* * *

Hvar sem við komum hittum við ungt fólk og fjölskyldur sem þrá ekkert heitar en öruggt húsnæði – þak yfir höfuðið – að þurfa ekki hrekjast á milli íbúða og borga þessa alltof háa leigu. Þetta er bara ósköp venjulegt fólk – sem er ekki að biðja um mikið. En það væri til í að eiga eitthvað afgangs kannski um mánaðamótin til að geta gert eitthvað skemmtilegt.

Og enn og aftur, þarna eru það öryrkjar og fátækir eldri borgarar sem verða verst úti – því að lífeyrir hefur dregist svo langt, langt aftur úr launum á vakt síðustu ríkisstjórnar. Við ætlum að laga þetta!

* * *

Já – kæru vinir. Fólkið í landinu þráir breytingar. Þetta vitum við – og þetta getum við fullyrt. Eftir að hafa hlustað á þjóðina á 150 opnum fundum og í 250 fyrirtækjum, bara á þessu ári. Og það er alveg sama í fyrirtækjunum – ekki síst þessum litlu sem eru föst í íslenskum vöxtum. Þau vilja breytingar – og þau vilja ríkisstjórn aðgerða.

Eins og við heyrðum hjá stjórnanda iðnfyrirtækis í Reykjavík, sem benti á að:

„Allir sem reka fyrirtæki vita að það þarf að fjárfesta til að skapa verðmæti. Það sama gildir um Ísland,“ sagði hann. „Næsta ríkisstjórn þarf að byrja aftur að fjárfesta og byggja sterka innviði svo að atvinnulífið geti blómstrað.“ Og bætti svo við: „Kristrún, við getum ekki beðið eftir að það verði farið að stjórna landinu aftur.“

Svona er þetta alls staðar: Hvort sem um er að ræða veski heimilanna – velferðarkerfið – eða atvinnulífið.

Það er ekki hægt að bjóða þjóðinni upp á þetta áfram – óbreytt ástand og meira af því sama. Og þess vegna þurftum við í Samfylkingunni að bjóða betri valkost en þessa þreyttu valdaflokka – sem hafa ráðið öllu í landstjórninni alltof lengi. Við ætlum að laga Ísland!

III: Saman breyttum við Samfylkingunni – til að breyta Íslandi
Hugsið ykkur, kæru vinir. Við erum komin svo langt. Það er svo mikil vinna að baki. Svo mikil samvinna við fólkið í landinu. Og nú er svo stutt í stóra tækifærið – en sigurinn samt svo langt frá því að vera í hendi. Þess vegna skulum við gefa allt í botn á lokasprettinum og vinna þetta saman.

Hvern hefði grunað? Þegar ég var að hengja upp plakatið í Bónus í Borgarnesi – til að auglýsa minn fyrsta opna fund sem nýkjörinn þingmaður. Að tveimur og hálfu ári síðar yrðum við komin hingað?

Á meðan ég var að þessu kom eldri kona og virti fyrir sér auglýsinguna. Og kallaði á manninn sinn. Þetta voru Ása og Sveinn – í Borgarnesi. Sem ég þekkti ekki neitt. En það lifnaði yfir þeim og þau sögðust bæði ætla að mæta á fundinn í Alþýðuhúsinu. Ég varð náttúrulega bara steinhissa. En það kom á daginn að Sveinn hafði um árabil verið formaður verkalýðsfélagsins í bænum. Og pabbi hans þar áður verið formaður Verkalýðsfélags Akraness.

Síðan þá hef ég hitt þau reglulega. En þetta var eftirminnilegt. Og kveikti einhverja von hjá mér – því það minnti á að þó Samfylkingin hefði legið lágt og tapað áttum, og væri á þeim tíma að sleikja sárin eftir ósigur í kosningum, þá byggjum við á sterkum grunni.

Það er fólk um land allt með sterka jafnaðartaug sem hafði von og trú og hefur nú tekið virkan þátt í að styrkja aftur stöðu Samfylkingarinnar. Samtal fyrir samtal. Fund eftir fund. Og nú í kosningabaráttu. Því að Samfylkingin er flokkur hins almenna manns og við eigum sterkar rætur – sem ná allt aftur til 12. mars 1916, þegar Alþýðuflokkurinn var stofnaður og Alþýðusamband Íslands.

* * *

Og ég gleymi aldrei fyrstu spurningunni á þessum fyrsta opna fundi mínum sem þingmaður:

„Hvað ertu að gera hérna? Hvað ertu eiginlega að gera hérna?“

Þá voru þau hissa á að það væri kominn þingmaður til að halda fund í upphafi kjörtímabils. Með fólkinu í landinu. Og alla leið í Borgarnes!

„Af hverju ertu að þessu?!“

Já, hvern hefði grunað! Svarið er ennþá það sama í dag og það var í Alþýðuhúsinu í Borgarnesi: Til að finna sameiginlegan þráð með þjóðinni.

Af hverju erum við að þessu? Til að finna sameiginlegan þráð. Til að sameina þjóðina. Til að tryggja breytingar – fyrir fólkið landinu.

Og þetta höfum við gert. Við byrjuðum á sjálfum okkur. Með því að fara aftur í kjarnann og ná aftur virkari tengingu við hinn almenna launamann. Saman breyttum við Samfylkingunni. Til að breyta íslenskum stjórnmálum. Til að breyta Íslandi – fyrir fólkið landinu. Líka þau sem eru ekki endilega að velta fyrir sér pólitík frá degi til dags. Þó Íslendingar séu oftar en ekki með sterka jafnaðartaug – og vilji flestir að við pössum upp á það sem við eigum hérna saman.

Nú getum við sagt fullum fetum: Samfylkingin er komin aftur – á réttan stað; þétt með þjóðinni, við hlið hins vinnandi manns og með puttann á púlsinum í íslensku atvinnulífi. Við erum með plan. Og við erum til þjónustu reiðubúin.

Takk – takk fyrir hjálpina – takk fyrir sjá tækifærin sem Ísland hefur með sterkri Samfylkingu. Og takk öll, svo innilega, fyrir að leggja okkur lið við að leiða breytingar. Ég nefndi Ásu og Svein. En ég hefði getað nefnt svo mörg ykkar. Nú fylkjum við okkur saman – og sækjum þennan sigur í kosningunum á laugardaginn – fyrir fólkið í landinu.

IV. Lokaskilaboð til þjóðarinnar: Tryggjum breytingar
Kæru landsmenn. Lokaskilaboð mín til þjóðarinnar fyrir þessar kosningar eru skýr:
Tryggjum breytingar!
Samfylkingin tryggir breytingar.
Við erum eini flokkurinn sem tryggir breytingar í þessum kosningum.

Af því að við erum eini flokkurinn sem er með plan um raunverulegar breytingar og trausta forystu sem getur leitt breytingar. Við höfum sýnt það í verki – við breyttum Samfylkingunni.

Við erum eini flokkurinn sem leggur alla áherslu á að byggja upp sterkari innviði og laga Ísland – hvort sem litið er á samgöngur, orku eða heilbrigðis- og velferðarkerfið okkar.

Og síðast en ekki síst er Samfylkingin eini stóri flokkurinn sem er ekki hluti af gömlu hægriflokkunum sem hafa stjórnað Íslandi alltof lengi! Ólíkt til dæmis Viðreisn og Miðflokki sem eru hægriflokkar og klofningsflokkar úr Sjálfstæðisflokki og Framsókn.

Samfylkingin er jafnaðarflokkur – sósíaldemókrataflokkur. Það er grundvallarmunur. Og nú er sögulegt tækifæri til að tryggja nýtt upphaf með Samfylkingu. En það verður að kjósa breytingar til að tryggja breytingar!

Því ef Samfylkingin fær ekki umboð til stjórnarmyndunar – sem stærsti flokkurinn á Alþingi – þá er raunveruleg hætta á að hér verði mynduð hörð hægristjórn. Með Sigmundi og Bjarna og Flokki fólksins, og jafnvel Viðreisn eða Framsókn. Þess vegna er þetta skýrt: Samfylkingin þarf að vera stærsti flokkurinn til að tryggja breytingar. Já – það er svo mikið í húfi. Snúum bökum saman og vinnum þetta saman!

* * *

Og kæru landsmenn – hvað ætlum við að gera til að leiða breytingar? Þið þekkið þetta.

Samfylkingin ætlar að lækka kostnað heimila og fyrirtækja:
• Negla niður vextina
með því að hætta að reka ríkið á yfirdrætti
• Standa með ungu fólki og fjölskyldum
með bráðaaðgerðum á húsnæðismarkaði
• Tryggja öruggar tekjur um ævina alla
með því að hækka lífeyri TR í takt við laun og með nýju fæðingarorlofskerfi

Samfylkingin ætlar að laga heilbrigðiskerfið:
• Með föstum heimilislækni sem þekkir þig
og öruggri heilbrigðisþjónusta óháð búsetu
• Hlúum að fólkinu sem byggði landið
með þjóðarátaki í umönnun eldra fólks

Og Samfylkingin ætlar að styðja við atvinnulíf um landið allt:
• Tvöfalda fjárfestingu í samgöngum
með tekjum frá auðlindum og aukinni verðmætasköpun
• Byggja upp orkuinnviði
og styðja við orkuskipti með grænum hvötum

Já. Við ætlum að styrkja velferðina og stækka kökuna. Styrkjum velferðina og stækkum kökuna. Það getur Samfylkingin – því að við skiljum að það þarf að fjárfesta til að skapa verðmæti.

Þetta verður fallegt Ísland – stolt þjóð með sterkt velferðarkerfi.

Hvaða flokkur tryggir breytingar? Samfylking. Hvaða flokkur tryggir breytingar? Samfylking.

* * *

Og spyrjum okkur reglulega – eins og fundargestirnir í Borgarnesi: Af hverju erum við að þessu?!

Kæru vinir, fyrir fólkið í landinu – konuna í Þorlákshöfn og fjölskyldu hennar, sem eru að sligast undan alltof háum vöxtum – alla sem lenda í því sama konan á Sauðárkróki, sem horfði upp á ástvin sem fékk ekki þjónustu við hæfi í heilbrigðiskerfinu þegar á reyndi, síðasta spölinn – fyrir unga fólkið sem hrekst um á húsnæðismarkaði, öryrkjana og eldri borgana sem þurfa að skrimta fyrir hver einustu mánaðamót.

Fyrir litlu fyrirtækin sem eru föst í íslenskum vöxtum og þrá stöðugleika – og fyrir atvinnulífið allt sem getur ekki beðið eftir að það verði byrjað að stjórna landinu aftur, eins og einn forstjóri hérna í Reykjavík komst að orði.

Haldiði að þessu fólki finnist vextirnir vera að virka? Húsnæðisverðið vera að virka? Heilbrigðiskerfið vera að virka?

Nei. Alls ekki. Segjum það bara hreint út: Leið Sjálfstæðisflokksins hefur ekki virkað. Fráfarandi ríkisstjórn hefur brugðist fólkinu í landinu.

Gleymum því ekki. Gleymum ekki hvað þau gerðu. Gleymum ekki hvernig þau lofuðu lágum vöxtum og stöðugleika en misstu alla stjórn – með þeim afleiðingum að vextirnir fóru upp og verðbólgan fór upp – og skattar á almenning hafa farið upp frá árinu 2013, til að bæta gráu ofan á svart. Nei, þessi leið hefur ekki virkað. Hvorki fyrir fólkið né fyrirtækin í landinu.

V. Lokaorð: 3 dagar – til að tryggja breytingar næstu 10 árin
Kæru landsmenn. Það er kominn tími á breytingar. 3 dagar – til að tryggja breytingar næstu 10 árin.

„Eftir langa bið, þá veit ég núna,
að ég þarf ekki – að missa trúna.“

Við vinnum þetta saman. Og breytingarnar byrja strax á laugardaginn – fáum við til þess traust hjá þjóðinni í kosningunum.

„Það kemur með þér.
Það kemur með þér.“

Og þá hefst vinnan fyrir alvöru. Takk! Takk kæru vinir! – Vonum, trúum og tökum þetta alla leið!

[TÓNLIST: VORIÐ MEÐ GDRN]

Lokaskilaboð Kristrúnar til þjóðarinnar fyrir kosningar. Ræða flutt í Iðnó miðvikudaginn 27. nóvember.

Lokaskilaboð Kristrúnar fyrir kosningar

Leit um „��“

2834 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������“

2834 niðurstöður fundust við leit að „������������������������������������������������������������“