Þörf einstaklingsins til að tilheyra er mikil; tilheyra fjölskyldu, tilheyra vinahópi, tilheyra skólanum sínum, tilheyra íþróttafélagi - tilheyra samfélagi, öðlast um leið tilgang og mynda félagsleg tengsl.

Félagsfræðingarnir og félagarnir Baumeister og Leary settu fram kenningu „um þörfina fyrir “að tilheyra“ árið 1995 en tilgátan um þörfina fyrir að tilheyra felur í sér að einstaklingurinn hefur mikla þörf fyrir að mynda og viðhalda varanlegum og jákvæðum mannlegum samskiptum. Tvö skilyrði þarf að uppfylla, annars vegar er það þörfin fyrir samfelld og ánægjuleg samskipti við nokkra aðila. Hins vegar þurfa samskiptin að hafa jákvæð áhrif á velferð þeirra.

Þriðjungur barna af erlendum uppruna tilheyrir ekki skólanum sínum

Á farsældarþingi fyrir ári síðan voru kynntar niðurstöður íslensku Æskulýðsrannsóknarinnar. Rannsóknin var stór og viðamikil og margir þættir skoðaðir, m.a. hvernig börn tilheyra í skólanum. Ein spurningin var: „Ef þú hugsar um skólann þinn, að hve miklu leyti ertu sammála eða ósammála eftirfarandi staðhæfingu? Mér finnst ég tilheyra í skólanum“. Hlutfall barna sem valdi svarmöguleikana „Mjög sammála“ eða „Sammála“ í 6. bekk með erlendan bakgrunn var 79%. Þegar svörun 8. bekkinga og 10. bekkinga eru skoðuð er hlutfallið sem telur sig tilheyra skólanum sínum lækkar hlutfallið í 67%. Það er sláandi staðreynd að allt að þriðjungur unglinga af erlendum uppruna telja sig ekki tilheyra skólanum sínum. Spurningar vakna um hvers vegna umhverfið í skólanum nær ekki að skapa skilyrði fyrir samfelld og ánægjuleg samskipti við nokkra aðila í kringum þennan fjölda barna. Hvers vegna upplifa börn sig ekki tilheyra skólanum sínum sem iðar af lífi bæði barna og starfsfólks?

Söguleg fjölgun fólks með erlendan bakrunn

Í tölulegum upplýsingum sem Skóla- og frístundasvið borgarinnar heldur utan um, kemur fram að fjöldi barna með annað móðurmál en íslensku hefur rúmlega tvöfaldast í grunnskólum Reykjavíkur frá árinu 2015 og telja í dag tæplega 3500 börn. Utan Reykjavíkur búa á öllu landinu um 3600 börn með annað móðurmál en íslensku. Þannig býr tæplega helmingur barna af erlendum uppruna á landsvísu í Reykjavík. Uppruni er klárlega breyta sem skiptir máli enda er tungumálið lykill að samfélaginu, lykill að vináttu og vellíðan, lykill að fjölbreyttu íþrótta- og tómstundastarfi, lykill að þátttöku og virkni. Við viljum öll tilheyra hópi þar sem okkur líður vel, að við höfum rödd og að tekið sé mark á okkur, að á okkur sé hlustað.

Krafa um meiri hagvöxt, hærri framleiðni á kostnað samkenndar og jöfnuðar?

Í nýútkominni skýrslu OECD: Skills and Labour Market Integration of Immigrants and their Children in Iceland er að finna svör sem þarf að staldra við, hvaða ljós hafa blikkað lengi og verið hundsuð? Samtök Atvinnulífsins, íslenskt atvinnulíf og iðnaður þurfa að líta í eign barm en þau hafa notið krafta erlends vinnuafls án þess stuðla að markvissri inngildingu þeirra á vinnumarkaðinn, inn í samfélagið. Að stuðla að inngildingu starfsfólks sem kemur hingað til lands og greiðir til samneyslunar, enda atvinnuþátttaka fólks af erlendum uppruna mjög hjá skv. skýrslunni. Mikið til ófaglært fólk en einnig fólk með formlega menntun sem fær ekki menntun sína metna og vinnur við önnur störf en það menntaði sig til. Menntun og tekjur foreldra segja að mestu til um hvernig börnum vegnar í námi, og ofan á það bætist síðan uppruni fólks. Af því leiðir að börn ófaglærðs fólks með lágar tekjur sem eru af erlendum uppruna er sá hópur sem er verst settur í samfélaginu okkar. Í skýrslunni kemur fram að börn af erlendum uppruna gangi síður í leikskóla og verða þar með af því sem samsvarar þremur árum í námi miðað við íslenska jafnaldra sína. Þegar lögbundin grunnskólaganga tekur við þurfum við kannski ekki að verða svo hissa á því að rannsóknir sýni þau ekki tilheyra skólanum sínum, séu ólíklegri til að eignast vini eða taka þátt í tómstundum, eru líklegri til að hætta í framhaldsskóla og enn síður að útskrifast úr háskóla. Þau verða jaðarsett og einmana og upplifa ekki hlutdeild í þorpinu góða sem íslenskir foreldrar eru aldir upp við og þekkja.

Reykjavíkurborg leiðandi í þjónusta börn af erlendum uppruna

Reykjavíkurborg hefur sett málefni barna af erlendum uppruna í algeran forgang í skólanum þrátt fyrir að vera sniðgengin um 6 milljarða króna á ári í tekjur vegna vangreiðslna á framlagi til grunnskóla og sérframlags til barna af erlendum uppruna. í kosningastefnu Samfylkingarinnar 2018 var kafli um aðgerðaáætlun um málefni barna með annað móðurmál en íslensku og hún er komin í framkvæmd. Með henni var lögð rík áhersla á að jafna tækifæri þessara barna og jafnaldra þeirra til menntunar enda er íslenskufærni grundvallaratriði varðandi lýðræðislega þátttöku, jafnrétti í skóla- og frístundastarfi og samfélaginu öllu. Þannig hafa margir margir góðir hlutir verið gerðir síðustu þrjú kjörtímabil til að stuðla inngildingu barnana inn í nærsamfélagið sitt, verkefni eins og Frístundir í Breiðholti, frístundastyrkur hækkaður upp í 75 þúsund og sjóður stofnaður til að greiða umfram kostnað sem hlýst af skipulögðu tómstundastarf fyrir tekjulágar fjölskyldur. Fjárfest hefur verið í innviðum íþróttamannvirkja fyrir milljarða, fern íslenskuver sett á laggirnar og hefur Miðja máls og læsis verið leiðandi á landsvísu í að þróa leiðir við kennslu og námsmat, eins og milli mála prófið, til þess að þjónusta þennan sístækkandi hóp barna. Þrátt fyrir stefnur, aðgerðir, aukið fjármagn og ríkan pólitískan vilja meirihlutans í Reykjavík þá er staðan mikið áhyggjuefni enda fleiri þættir sem koma að mótun samfélags en pólitískur vilji.

Í fyrra var Kjalnesingasaga kennd í 8. bekk í skóla í borginni. Í árganginum eru töluð 24 tungumál. Barn sem er af íslenskum uppruna fékk stuðning heima, á hverju kvöldi var farið yfir kaflana og sagan heimfærð til nútímans og tengd staðháttum í borginn i- Kjalarnes, Korpúlfsstaðir, Elliðavatn, Esjan og vandræðin sem skapast þegar tveir menn vilja giftast sömu konunni. Svo er það barnið af erlendum uppruna, á foreldra hafa aldrei fengið stuðning eða hvatningu frá sínum vinnustað til að læra íslensku, langur vinnudagur, stundum í fleiri en einu starfi til að ná endum saman, dýrtíð og jafnvel gekk barnið ekki í leikskóla því foreldrar þekktu ekki til þeirra. Þau börn þurfa algerlega að reiða á sjálft sig, kennarann og skólafélagana eða ekki. Sum börn gefast upp. Sumir foreldrar gefast upp því þau geta ekki stutt við börnin sín. Hvað gera börn sem gefast upp? Hegðun breytist, hætta sjá tilgang að mæta í skólann og þau leita í jaðarsetta hópa sem hefur verið hafnað í öðrum skólum.

Hvernig er hægt að meta færni nemandanna í Kjalnesingasögu þegar horft er á færni fjölbreytts nemendahóps sem talar 24 tungumál. Standa börnin jafnfætis? Nei það gera þau ekki og kannski þarf að endurskoða kerfið sem hannar svona umgjörð fyrir börn- kannski er tímaskekkja að kenna Kjalnesingasögu í grunnskóla, kannski ætti hún heima í bóknámsframhaldsskóla. Við erum allavega komin á þann stað að þurfa að endurhugsa kerfin okkar, fá meiri fjölbreytileika í námsgögn, stokka upp aðalnámskrá og námsmat sem taka mið af ólíkum þörfum barna og sveigjanleika til að hægt sé að vinna með börnum á grundvelli styrkleika þeirra því þá eru meiri líkur en minni að þeim líði vel, þau fái tilgang og þar af leiðandi tilheyri.

Spjallkaffi Samfylkingarinnar í Reykjavík 60+ verður á sínum stað miðvikudaginn 9. október kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Gestur verður Gunnar Alexander Ólafsson, hagfræðingur hjá ÖBÍ.

Það verður heitt á könnunni og eitthvað með því. 

Verið öll velkomin! 

Samfylkingin í Árborg og nágrenni boðar til tveggja félagsfunda í aðdraganda landsfundar.  

Fundirnir verða haldnir í Samfylkingarsalnum að Eyravegi 15 á Selfossi miðvikudagskvöldin 9. og 16. október og hefjast þeir báðir kl 20:00.
 
Fundarefni beggja funda er undirbúningur fyrir landsfund og umræður um stefnudrög og tillögur fyrir landsfund. Á seinni fundinum verður borið upp til samþykktar val okkar á landsfundarfulltrúum.

Á fundunum gefst ykkur tækifæri til að koma með breytingatillögur sem félagsfundurinn kýs svo um. Hljóti tillögur meirihluta verða þær sendar til stjórnar og teknar til umræðu og afgreiðslu á landsfundi. Tillögur sem ekki hljóta meirihluta á fundinum geta einstaklingar sent frá sér í eigin nafni til stjórnar, eigi síðar en 17. október kl. 23.59.

Aðeins tillögur sem berast fyrir þennan tíma, 17. okt. kl. 23.59, verða til umfjöllunar á landsfundi. Ekki verður hægt að bera upp nýjar tillögur í málefnanefndum á landsfundi. 

Vinsamlegast notið sniðmátið sem fylgir með þessum tölvupósti til að senda inn breytingatillögur á sxarborg@gmail.com eða með skilboðum á facebook.

Tillögurnar sem félagsfundurinn samþykkir verða svo birtar á heimasíðunni þar sem öllum gefst tækifæri til að kynna sér þær fyrir landsfundinn. 

NÝTT verklag á málefnastarfi á landsfundi 2024.

Boðið verður upp á skemmtun fyrir krakkana og líflegan leynigest.

Á meðal annarra gesta verða Kristrún Frostadóttir formaður Samfylkingarinnar, Oddný G. Harðardóttir þingmaður Suðurkjördæmis og Hildur Rós Guðbjargardóttir, fulltrúi í stýrihópi Samfylkingar um húsnæði og kjaramál.

Hvaða breytingar vilt þú í húsnæðis- og kjaramálum á Íslandi? Við viljum fá þig með í samtalið 🌹

Samfylkingin stendur fyrir samtali um húsnæði og kjaramál um land allt. Málefnastarf flokksins er nú með nýju sniði – heilbrigðismálin voru í forgrunni í fyrra, svo atvinna og samgöngur síðasta vetur og loks er komið að húsnæði og kjaramálum.

Fundirnir eru hugsaðir til að gefa fólki um land allt kost á að taka þátt í málefnastarfi Samfylkingar og leggja grunn að áherslum og forgangsröðun flokksins í veigamestu málaflokkum. Afraksturinn verður kynntur í væntanlegu útspili um húsnæði og kjaramál nú í haust.

Hér eru hlekkir á nýleg útspil Samfylkingar:

Örugg skref í heilbrigðis- og öldrunarmálum – https://bit.ly/3y7dFPm

Krafa um árangur í atvinnu- og samgöngumálum – https://bit.ly/3UE77zJ

Og hér má finna upplýsingar um næstu fundi: www.facebook.com/samfylkingin/events

Fjölskyldugrill og samtal um húsnæði og kjaramál í Þorlákshöfn. Verið öll velkomin í Versali fimmtudaginn 3. október kl. 17:30. 

Þorlákshöfn: Fjölskyldugrill + samtal um húsnæði og kjaramál

Vísitölu neysluverðs er ætlað að endurspegla útgjöld heimilanna í landinu. Húsnæðiskostnaður er stór hluti þeirra útgjalda. Skýringin er væntanlega sú að hann endurspeglar útgjöld heimila vegna húsnæðis án þess að draga upp ranga mynd af verðbólgunni og hann er einnig inni í útreikningum verðtryggingarinnar. 


Það er því kúnstugt að hlýða á nýlegar og endurteknar yfirlýsingar ráðherra í ríkisstjórn Íslands um verðbólguna í landinu. Hún mælist nú 6 % en hún hefur verið yfir fimm prósentum frá því í desember 2021. Í umræðum um stefnuræðu forsætisráðherra í síðustu viku kom ítrekað fram í máli stjórnarliða að ef húsnæðiskostnaður væri ekki inni í vísitölu neysluverðs, þá væri verðbólgan „bara“ 3,6 %. Með þessum málflutningi er stuðningsfólk ríkisstjórnarinnar að tala gegn betri vitund, jafnvel að reyna að kasta ryki í augu almennings.

En fólk er ekki fífl og venjulegar vinnandi fjölskyldur sem greiða þurfa af húsnæðislánunum sínum um hver mánaðamót fara ekki varhluta af samspili verðbólgu og vaxtastigs. Stýrivextir hafa verið í 9,25 % í meira en heilt ár en voru 2 % í árslok 2021. Mjög margar fjölskyldur festu vextina á lánunum sínum tímabundið þegar þeir tóku að hækka í þeirri von að ríkisstjórnin næði tökum á ríkisfjármálunum í millitíðinni. Nú horfast þessar sömu fjölskyldur í augu við gríðarlega hækkun greiðslubyrðinnar, hjá sumum hækka afborganirnar um 100 %. Það sér hver maður að við þetta er ekki búandi.

Aðgerðaleysi ríkisstjórnarinnar er orðið að sérstökum skatti á ungt fólk og barnafjölskyldur. Það er skattahækkun í formi ofurvaxta. Ríkið hefur af háu vaxtastigi þó nokkrar tekjur en getuleysi ríkisstjórnarinnar er nær algert. Ekki hefur verið staðið við fyrirætlanir um veitingu hlutdeildarlána og fjárfestar eru umsvifamiklir á húsnæðismarkaði. Enn er spurt: Hverra manna ertu, þegar ungt fólk reynir að komast inn á húsnæðismarkaðinn.

Hafi ríkisstjórnir Katrínar Jakobsdóttur og Bjarna Benediktssonar haft áhuga á því að taka húsnæðisliðinn út úr vísitölu neysluverðs hafa þau haft til þess mýmörg tækifæri í tæplega tvö kjörtímabil. Það hefur ekki verið gert. Í júní 2020 var birt skýrsla sérfræðinga um aðferðafræði við útreikning vísitölu neysluverðs. Þar er ekki lagt til að taka húsnæðisliðinn út úr vísitölunni þótt í skýrslunni séu gerðar athugasemdir við tæknileg atriði í útreikningi hennar. En samt er því gefið undir fótinn í ræðustól Alþingis. 

Ástæðu hárrar verðbólgu og vaxtastigs hér á landi er ekki að leita í samsetningu neysluvísitölunnar heldur í hagstjórnarmistökum síðustu ára. Kostnaður þeirra mistaka leggst ekki jafnt á fólkið í landinu því að í þessu efnahagsumhverfi eru ungt fólk skilið eftir á köldum klaka hárrar verðbólgu og vaxta.

Samfylkingarfélagið í Hafnarfirði verður með fund um stefnudrög Samfylkingarinnar mánudaginn 7. október kl. 18:00. Boðið verður upp á súpu og brauð, Árni Rúnar Þorvaldsson verður fundarstjóri.  

Á fundinum gefst ykkur tækifæri til að koma með breytingatillögur sem félagsfundurinn kýs svo um. Hljóti tillögur meirihluta á fundinum verða þær sendar til stjórnar og verða til umræðu og afgreiðslu á landsfundi. Tillögur sem ekki hljóta meirihluta á fundinum geta einstaklingar sent frá sér í eigin nafni til stjórnar, eigi síðar en 17. október kl. 23.59.

Aðeins tillögur sem berast fyrir þennan tíma, 17. okt. kl. 23.59, verða til umfjöllunar á landsfundi. Ekki verður hægt að bera upp nýjar tillögur í málefnanefndum á landsfundi. 

Skráning á landsfund! 

Vinsamlegast notið sniðmátið sem fylgir með þessum tölvupósti til að senda inn breytingatillögur.

Tillögurnar sem félagsfundurinn samþykkir verða svo birtar á heimasíðunni þar sem öllum gefst tækifæri til að kynna sér þær fyrir landsfundinn. 
 

Hafnarfjörður: Félagsfundur um stefnudrög

Samfylkingarfélagið á Akranesi boðar til fundar um stefnudrög Samfylkingarinnar þriðjudaginn 15. október kl. 20:00. Fundurinn verður haldinn í Samfylkingarsalnum í Stillholti 16-18. 

Á fundinum gefst ykkur tækifæri til að koma með breytingatillögur sem félagsfundurinn kýs svo um. Hljóti tillögur meirihluta á fundinum verða þær sendar til stjórnar og verða til umræðu og afgreiðslu á landsfundi. Tillögur sem ekki hljóta meirihluta á fundinum geta einstaklingar sent frá sér í eigin nafni til stjórnar, eigi síðar en 17. október kl. 23.59.

Aðeins tillögur sem berast fyrir þennan tíma, 17. okt. kl. 23.59, verða til umfjöllunar á landsfundi. Ekki verður hægt að bera upp nýjar tillögur í málefnanefndum á landsfundi. 

Skráning á landsfund!

Vinsamlegast notið sniðmátið til að senda inn breytingatillögur.

Tillögurnar sem félagsfundurinn samþykkir verða svo birtar á heimasíðunni þar sem öllum gefst tækifæri til að kynna sér þær fyrir landsfundinn. 

NÝTT verklag á málefnastarfi á landsfundi 2024

Staða sveitarfélaganna í Suðvesturkjördæmi var í brennidepli í kjördæmavikunni. Í Kraganum fóru þingmenn kjördæmisins saman á fundi með bæjarfulltrúum í Mosfellsbæ, Hafnarfirði, Garðabæ, Kópavogi, Kjósarhreppi og á Seltjarnarnesi. Suðvestrið er langfjölmennasta kjördæmi landsins en þar búa 111 þúsund manns og í því eru líka stærstu bæirnir utan höfuðborgarinnar, Kópavogur og Hafnarfjörður. Garðabær náði nýlega Akureyri að íbúafjölda með 20 þúsund íbúa.

Það er mikilvægt að hafa þessar staðreyndir í huga þegar rætt er um hagsmuni þessara sveitarfélaga og íbúanna sem byggja þau. Í málflutningi sveitarstjórnafólks mátti greina gildan sameiginlegan þátt, óháð stjórnmálaskoðunum. Sveitarstjórnafólk er upp til hópa búið að fá nóg af því að taka við illa fjármögnuðum verkefnum frá ríkinu. Það er líka búið að fá sig fullsatt af samskiptum við ríkið sem öðru fremur einkennast af valdaójöfnuði og ákveðnu virðingarleysi í garð sveitarfélaganna. Þetta kemur einna skýrast fram í málflokki fatlaðs fólks, eins viðkvæmasta og mikilvægasta verkefnis sem sveitarfélögin hafa tekist á hendur. En einnig þegar kemur að rekstri hjúkrunarheimila fyrir aldraða og í þjónustu við börn með fjölþættan vanda.

Ég hygg að við getum verið sammála um að verkefnin sem nefnd eru hér að ofan eru af þeirri gerð að þau skilgreina okkur sem velferðarsamfélag. Ef þeim er ekki sinnt af metnaði og alúð þá eykst kostnaðurinn við þau en minnkar ekki þegar fram í sækir. Hér er sorglega auðvelt að spara sér til tjóns með tilheyrandi áhrifum á lífsgæði einstaklinga og fjölskyldna eins og dæmin sanna.

Alls staðar ræddum við samgöngur í kjördæminu. Mikil ánægja er með uppfærslu samgöngusáttmála höfuðborgarsvæðisins og engan bilbug að finna á fólki þegar kemur að mikilvægi almenningssamgangna og þeirra miklu framkvæmda sem þeim fylgja. En á sama tíma geta nauðsynlegar samgönguúrbætur ekki beðið, til dæmis á Flóttamannaveginum svokallaða.

Vaxtarmörk höfuðborgarsvæðisins voru oft nefnd og ekki að furða þegar litið er til hinnar miklu fólksfjölgunar síðustu ára. Bæirnir eiga mismikið byggingarland og vilja skiljanlega nýta það vel. Engum blöðum er um það að fletta að möguleikar til húsnæðisuppbyggingar eru mjög miklir í Mosfellsbæ, þar sem skipulag Blikastaðalandsins og fleiri svæða er í deiglunni. En það er líka mikilvægt að sveitarfélög vaxi jafnt og þétt því að of hröð uppbygging getur reynst útgjaldaþung og haft slæm áhrif á fjárhagsstöðuna. Það hefur minn heimabær, Garðabær, fengið að reyna á liðnum árum.

Sanngjörn og skynsamleg tekju- og verkaskipting ríkis og sveitarfélaga er leiðarljós okkar í Samfylkingunni og mikið hagsmunamál íbúa í Suðvesturkjördæmi. Í mínum huga er dagljóst að endurskoðun skiptingarinnar er tímabær og nauðsynleg. Það stóra verkefni bíður nýs kjörtímabils.

Birtist í Morgunblaðinu 5. október 2024

Kaffispjall 60+ verður fimmtudaginn 17. október, kl. 10:30-12:00.
Við hlökkum til að sjá ykkur og spjalla um málefni líðandi stundar.


Stjórn Samfylkingarinnar 60+ Hafnarfirði. 

Leit um „��“

2744 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������“

2744 niðurstöður fundust við leit að „���������������������������������������������������“