Íslenskt samfélag er í tilvistarkreppu. Við erum harmi lostin vegna ofbeldis á götum úti og unga fólksins sem kveður okkur allt of snemma.

Hann minnir okkur líka á að djúpstæðan vanda er ekki hægt að leysa með röð átaksverkefna. Uppbygging heilbrigðis- og velferðarkerfis hlýtur að vera brýnasta verkefni stjórnmálanna.

Íbúum þessa lands hefur fjölgað um 20% á liðnum áratug. Í ofanálag tökum við á móti meira en tveim milljónum ferðamanna ár hvert. Því er ekki furða að það reyni á innviði samfélagsins, innviði sem haldið er uppi af innflytjendum sem eru nógu góðir til að efla hagvöxt og velsæld okkar hinna en mega helst ekki komast í rjómann, eins og OECD hefur bent okkur á.

Í þessu samhengi langar mig að nefna systur tvær. Þær heita Vanda Sig og Drífa Sig. og koma við sögu í lífi mínu daglega. Ég verð að viðurkenna að það er ekki alltaf gott jafnvægi á milli systranna Vöndu og Drífu.

Viðar Halldórsson félagsfræðingur bendir á í nýlegri grein að það sé eins og við höfum týnt okkur sjálfum og misst sjónar á töfrum þess að búa saman í samfélaginu. Allt þarf að gerast hratt og við viljum gleypa heiminn helst í einum bita. Við þurfum að minnka hraðann og draga úr samfélagslegri streitu. Kannski eiga systurnar, Drífa og Vanda þriðju systurina. Ég held hún heiti Hvíla sig.

„Það eru engar hömlur á þau sem eiga peninga en alltaf verið að setja hömlur á okkur hin“ sagði maður á fundi Samfylkingarinnar í síðustu viku. Þar lýsti hann í einni setningu upplifun venjulegs fólks af eignaójöfnuði og misskiptingu. Þetta kristallast á húsnæðismarkaðnum þar sem fjársterkir aðilar kaupa upp íbúðir til Airbnb útleigu og einungis börn efnameiri foreldra komast inn á markaðinn.

Það hefur mikið verið rætt um læsi og lesskilning barnanna okkar á undanförnum mánuðum og misserum. Niðurstöðu PISA sýnir okkur að það er beint áhrifasamband á milli félagslegrar og efnahagslegrar stöðu heimila sem börn búa á og lesskilnings þeirra.  Læsi snýst um efnahagslega og félagslega stöðu en PISA sýnir okkur líka fleira. Hún sýnir okkur að það skortir samkennd og samvinnu hjá unga fólkinu okkar. Ég hef meiri áhyggjur af því en að börnin okkar taki sig ekki á í lestrinum. 

Bakslag í jafnréttisbaráttunni og kvenfrelsisbaráttunni veldur mér líka áhyggjum.

Enn eru ævitekjur kvenna 20% lægri en karla og kvennastéttir eins og leikskólakennarar knýja á um betri kjör og starfsumhverfi en í stað þess að fjármagna leikskólastigið betur er hafin tilraunastarfsemi með leikskólana án þess að jafnréttisáhrif þeirra hafi verið metin.

Ég er í engum vafa um að stytting vinnutíma og betra starfsumhverfi á leikskólum skilar sér í betri mönnun og ánægðara starfsfólki. En þjónustuskerðing og hækkuð gjöld kemur verst niður á þeim sem síst mega við því.

Það er leitun að fyrirkomulagi sem gengur eins augljóslega gegn hagsmunum kvenna og lágtekjufólks á vinnumarkaði og þessu nýja fyrirkomulagi sem stundum er kennt við Kópavog. Það er nefnilega þannig að hagsmunir barna foreldra fara saman í þessu eins og öðru.

Í 11 mánuði höfum við horft upp á Ísralesher gereyða Gasaströndinni og nú eru þeir byrjaðir á Vesturbakkanum. Tvö og hálft ár eru frá innrás Rússlands í Úkraínu og í Súdan geisar nú eitt hryllilegasta stríð sem sögur fara af og það er ólíkt hlutskipti stúlknanna í Kabúl og Kópavogi. Það er ekki nema von að spurt sé: Hvar eru friðflytjendurnir?

Við þingsetninguna í gær hlýddum við á boðskap nýs biskups og ræðu nýs forseta. Þar gat að líta nýja ásýnd og nýjar áherslur þessara mikilvægu embætta. Vonandi verður þess ekki langt að bíða að nýr forsætisráðherra bætist í þennan fríða hóp.

Ræða Þórunnar Sveinbjarnardóttur í umræðum um stefnuræðu forsætisráðherra á Alþingi þann 11. september 2024.  

„Uppbygging heilbrigðis- og velferðarkerfis er og verður brýnasta verkefni stjórnmálanna“

Samfylkingarfélagið á Vestfjörðum verður með fund um stefnudrög Samfylkingarinnar fimmtudaginn 26. september kl. 20:00 í Vestrahúsinu við Suðurgötu á Ísafirði, gengið er inn hjá Háskólasetrinu. Fundurinn verður einnig í fjarfundi (hlekkur fyrir neðan) 

Á fundinum gefst ykkur tækifæri til að koma með breytingatillögur sem félagsfundurinn kýs svo um. Hljóti tillögur meirihluta á fundinum verða þær sendar til stjórnar og verða til umræðu og afgreiðslu á landsfundi. Tillögur sem ekki hljóta meirihluta á fundinum geta einstaklingar sent frá sér í eigin nafni til stjórnar, eigi síðar en 17. október kl. 23.59.

Aðeins tillögur sem berast fyrir þennan tíma, 17. okt. kl. 23.59, verða til umfjöllunar á landsfundi. Ekki verður hægt að bera upp nýjar tillögur í málefnanefndum á landsfundi. 


Fundargögn eiga að hafa borist skráðum félögum á Vestfjörðum, með uppgefið netfang,  í tölvupósti, hafir þú ekki fengið tölvupóstinn vinsamlegast sendu erindi á samfylking@samfylking.is .

Spjallkaffi Samfylkingarinnar í Reykjavík 60+ verður á sínum stað miðvikudaginn 11. september kl. 10:00 - 12:00 í sal Samfylkingarinnar Hallveigarstíg 1, 101 Reykjavík.

Gestur fundarins kl. 11 er Rósa Björk Brynjólfsdóttir varaþingmaður.

Það verður heitt á könnunni og eitthvað með því. 

Verið öll velkomin! 

I.
Virðulegur forseti, góðir landsmenn. Hæstvirt ríkisstjórn var kærulaus – og þess vegna misstu þau alla stjórn. Þau misstu stjórn á efnahagsmálunum, fyrir löngu, en í stað þess að bregðast við ákalli um aðgerðir, þá hlupust þau undan ábyrgð og bentu á alla aðra: Seðlabanka, verkalýðshreyfingu og nú síðast erfðamengi Íslendinga.

Það var kæruleysi og sjálfumgleði. Ríkisstjórnin tók ábyrgð sína ekki alvarlega. Þau tömdu sér þann ósið að ýkja stórkostlega og blása upp allar sínar aðgerðir – þegar þau hefðu mátt tala minna og gera meira.

Við í Samfylkingu höfum bent á það ítrekað að þegar ríkisstjórnin gerir minna til að ná niður verðbólgu – þá þarf seðlabankinn að gera meira. Það þýðir að vextir verða hærri og skuldabyrðin þyngri. Þáverandi fjármálaráðherra – sem nú leiðir ríkisstjórn – brást við með því að láta þau ótrúlegu ummæli falla að það væri nú, með leyfi forseta, „ekki hlut­verk rík­is­fjármálanna að vinna bug á verðbólg­unni“.

Við gagnrýndum og vöruðum við þegar meirihlutinn hér á Alþingi kaus að auka hallann um tugi milljarða í fjárlagavinnunni haustið 2022. Þá var hlegið að okkur. Við lögðum fram fullfjármagnaða kjarapakka til að vinna gegn verðbólgu og verja heimilisbókhaldið. Við bentum á að það væri óforsvaranlegt að dæla út tugum milljarða úr ríkissjóði í tengslum við kjarasamninga án þess að fjármagna útgjöldin, því að annars kæmi kostnaðurinn fram í meiri verðbólgu og hærri vöxtum. En þá var talað eins og Samfylkingin skildi bara ekki snilldina.

Við bentum á að það þyrfti að fjármagna aðgerðir í þágu Grindvíkinga og grípa til mótvægisaðgerða á húsnæðismarkaði – þegar heilt bæjarfélag missti skyndilega húsnæðið sitt. En hvorugt var gert, og þáverandi fjármálaráðherra gerði lítið úr áhrifunum á húsnæðismarkaði – því að allt hefði þetta, með leyfi forseta, „í raun takmörkuð áhrif svona í heildarsamhenginu“. Öll viðbótarútgjöld ríkissjóðs vegna Grindavíkur voru ófjármögnuð og enn hefur ekki eitt einasta einingarhús risið, ekki ein einasta ný íbúð, til að vega móti afleiðingum hamfaranna á húsnæðisverð og verðbólgu.

Við kölluðum eftir því að það yrði tekið á þenslunni þar sem hún er í raun og veru – og þá vorum við skömmuð fyrir að ræða skatta. En ég spyr: Hvað er verðbólgu- og vaxtastefna ríkisstjórnarinnar - þessi blessaða efnahagsstefna – annað en tugmilljarða skattahækkun á ungt fólk? Og alla sem skulda – fjölskyldur, fyrirtæki, bændur – með afleiðingum sem allir þekkja.

Góðir landsmenn. Nú eru liðin þrjú löng ár af þessari óstjórn – verðbólgu langt yfir markmiði og himinháum vöxtum. Frá sama fólkinu og lét kjósa sig til valda út á loforð um efnahagslegan stöðugleika og lága vexti til framtíðar. Kæruleysið, aðgerðaleysið og ábyrgðarleysið er óafsakanlegt.

En nú koma þessir sömu stjórnmálamenn og segja: „Þetta er allt að koma.“ Eftir öll þessi ár. Og hæstvirtur forsætisráðherra segir að ríkisstjórnin hafi, með leyfi forseta, „stutt ötullega við hjöðnun verðbólgunnar“. Afsakanir, útskýringar og vafasamar fullyrðingar um framtíðina – þetta var því miður uppistaðan í stefnuræðu hæstvirts forsætisráðherra hér áðan.

II.
Já, góðir landsmenn, þau hafa verið kærulaus. En nú fer í hönd síðasti þingvetur þessa kjörtímabils. Það líður að kosningum. Og kosningarnar eru eina tækifærið til að gera upp við hæstvirta ríkisstjórn og svara fyrir sig með kjörseðlinum: Vill fólk fjögur ár í viðbót – meira af því sama – með sama fólk í forystu? Eða fáum við nýtt upphaf með Samfylkingu – nýja forystu fyrir Ísland? Það er fólkið sem velur leiðina áfram.

Við í Samfylkingunni tökum ábyrgð okkar alvarlega. Og lítum á það sem siðferðislega skyldu okkar að bjóða þjóðinni upp á betri valkost en sitjandi ríkisstjórn – til að brjóta Íslandi leið út úr ládeyðu liðinna ára.

Þess vegna hefur Samfylkingin hrist upp í stjórnmálunum: Við byrjuðum á sjálfum okkur – með því að líta í eigin barm. Við breyttum flokknum. Við breyttum Samfylkingunni og breikkuðum faðminn.  

Við ákváðum að stunda öðruvísi stjórnmál en hafa verið rekin hérna á síðustu árum: Lofa minna – efna meira. Hafna upphlaupum og offorsi í umræðu. Og forgangsraða – fyrir kosningar, svo fólk viti hvar við stöndum – með því að hvíla klofningsmálin en taka þess í stað opið samtal við fólkið í landinu um hvað það er sem þorri þjóðar getur sameinast um.

Þó við lofum ekki öllum, öllu, alls staðar og höldum ekki á lofti öllum ítrustu kröfum í hverjum einasta málaflokki – þá þýðir það ekki að við ætlum okkur ekki að vinna stóra sigra fyrir íslenskt samfélag.

Þvert á móti: Samfylkingin vill sameina þjóðina um stórhuga stjórnmál – á ný. Til að endurheimta efnahagslegan stöðugleika og styrkja aftur undirstöður samfélagsins. Og til að framkvæma það sem þorri þjóðarinnar getur þrátt fyrir allt sameinast um, með því að knýja fram breytingar í veigamestu málaflokkum – sem hinn almenni maður finnur fyrir í sínu daglegu lífi.

Þar erum við afgerandi og höfum markað skýrar pólitískar línur með skipulagðri vinnu um land allt: Fyrst tókum við hálft ár í heilbrigðismálin og unnum útspilið Örugg skref í heilbrigðis- og öldrunarmálum. Næst tókum við hálft ár í atvinnu og samgöngur, og þar á meðal orkumál, og útspilið Krafa um árangur í atvinnu- og samgöngumálum var afraksturinn af því – metnaðarfull áætlun um innviðauppbyggingu og aukna verðmætasköpun á Íslandi. Og nú erum við að vinna útspil um húsnæði og kjaramál með sama hætti sem verður kynnt í haust.

Allt samkvæmt áætlun. Örugg skref – engin heljarstökk. Og Samfylkingin hefur nú staðsett sig þétt með þjóðinni, á hárréttum stað, við bak hins vinnandi manns – tilbúin til þjónustu, fáum við til þess traust hjá fólkinu í landinu.

III.
Forseti, góðir landsmenn. Ég trúi því innilega að við getum sameinast aftur um stórhuga stjórnmál.  En ég veit líka að það er ekki nóg að biðja um traust heldur þarf að vinna fyrir því með verkum sínum.

Undir minni stjórn verður Samfylkingin aldrei sjálfumglöð. Aldrei kærulaus. Við verðum hreinskilin og tökum engu sem gefnu.

Við höfum staðið í stífum undirbúningi og fengið til liðs við okkur fjölda fólks um land allt. En þegar er upp er staðið þá verður það þjóðarinnar að velja leiðina áfram í næstu kosningum.

Þangað til vona ég að sitjandi ríkisstjórn grípi til aðgerða, axli ábyrgð sína og starfi af fullum metnaði í þágu lands og þjóðar.

Ræða Kristrúnar Frostadóttur í umræðum um stefnuræðu forsætisráðherra á Alþingi, 11. september 2024.

Ræða Kristrúnar: „Samfylkingin vill sameina þjóðina um stórhuga stjórnmál“

Í Iðnó verður boðið upp á kaffi og kleinur.

Kristrún Frostadóttir - Formaður Samfylkingarinnar

Helgi Pétursson - Formaður Landssambands eldri borgara

Sonja Ýr Þorbergsdóttir - Formaður BSRB

María Magnúsdóttir söngkona og Sigurjón Alexandersson gítarleikari flytja ljúfa tóna fyrir gesti.

Húsið opnar kl. 15:00 og dagskrá hefst kl. 15:30


Fimmtudaginn 2. maí kl. 20:00 í húsi Samfylkingarinnar í Hafnarfirði, Strandgötu 43.
 
Á flokksstjórnarfundi Samfylkingarinnar 20. apríl sl. var greint frá fyrirhuguðum fundum allra málefnahópa þar sem núverandi stefna flokksins verður skoðuð með það fyrir augum að vera upplegg fyrir gerð stjórnarsáttmála nýrrar ríkisstjórnar. 

Tengiliðum stjórnar í öllum málefnanefndum hefur verið falið að bera ábyrgð á einstökum köflum stefnunnar. Fundirnir verða haldnir þann 11. og 25. maí nk. og auglýstir nánar síðar. 
 
Fundurinn á fimmtudaginn hefur það markmið að kynna fundina í maí og kanna jafnframt hvaða einstöku mál flokksfólk hefur áhuga á að ræða nánar innan málaflokksins Stjórnarfar og mannréttindamál. Nú þegar hefur verið rætt að halda fundi þar sem flokksfólki gefst kostur á að fara í saumana á einstökum málum sbr. málefni innflytjenda og flóttafólks, mennta- og atvinnumál fólks með erlendan bakgrunn, hatursorðræðu og fleira. Umræðan mun fara með aðkomu fólks sem hefur sérþekkingu og reynslu af einstökum málum á meðan tilgangur fundanna er að gefa flokksfólki tækifæri til að kynna sér mál betur og leggja að mörkum í umræðunni og stefnumörkun um málaflokkinn. 
 
Nesti með fundarboðinu er: 
 

Núverandi stefna undir kafla 5 um Stjórnarfar og mannréttindamál

Kafli: Stjórnarfar og mannréttindamál 

Tillaga um ályktun sem lögð var fram á flokksstjórnarfundi Samfylkingarinnar 21. apríl og var vísað í málefnanefnd

Breytingartillögur sem samþykktar voru fyrir fundinn af hópnum sem lagði upprunalegu tillöguna fram. Breytingartillögurnar eru feitletraðar í textanum.


Magnea Marinósdóttir, tengiliður stjórnar í málaflokknum Stjórnarfar og mannréttindamál, mun halda utan um fundinn ásamt Stein Olav Romslo, fulltrúa í framkvæmdastjórn flokksins. Gert er ráð fyrir að fundurinn standi allt að 1-2 klst. 
 
Hlökkum til að sjá sem flest! 

Verið velkomin á fund, fyrir félagsfólk Samfylkingarinnar, hjá málefnanefnd um stjórnarfar og mannréttindamál. 

Fundur hjá málefnanefnd um stjórnarfar og mannréttindamál

Samfylkingin boðar til síðasta laugardagsfundar þessa vors á laugardag 25. maí kl 11:00.

Bæjarfulltrúar í Árborg mæta. Kynning á málefnastarfi Samfylkingarinnar á landsvísu og fjarfundum í næstu viku.

Kaffiveitingar og öll áhugasöm velkomin.

Tökum þátt og hittum góða félaga.
Samfylkingin í Árborg og nágrenni.

Halla verður sjöundi forseti lýðveldisins og önnur konan sem gegnir embættinu. Mig langar til að nota þetta tækifæri til þess að óska Höllu gæfu og gengis í embætti forseta Íslands. Ég er þess fullviss að hún mun móta embættið með sínum persónulega hætti, líkt og fyrirrennarar hennar hafa gert.

Margt var sagt um forsetaembættið í aðdraganda kosninganna 1. júní og stundum mátti skilja fólk svo að forsetinn væri í stöðu til að leysa flest deilumál sem uppi eru í samfélaginu. Guðni Th. Jóhannesson fór ágætlega yfir þessar ranghugmyndir á kosningavöku RÚV og gerði góðlátlegt grín að þeim. Forseti Íslands getur haft mikið áhrifavald og sett mál á dagskrá þjóðmálaumræðunnar. Það er hlustað þegar forsetinn talar og það skiptir máli hvernig forsetinn talar um menn og málefni.

Svokallaður málskotsréttur var einnig til umræðu. Salvör Nordal, heimspekingur og Umboðsmaður barna, fór ágætlega yfir það í aðsendri grein á Vísi hvernig frambjóðendur gætu illa sagt til um það fyrirfram hvaða málum þau mundu vísa til þjóðarinnar. Viðbrögð almennings við tilteknum lagafrumvörpum hljóta að ráða mati forsetans í þessu efni. Matið er því aðstæðubundið og ófyrirsjáanlegt.

Forsetinn veitir umboð til stjórnarmyndunarviðræðna að loknum alþingiskosningum og getur ef allt um þrýtur myndað ríkisstjórn utan flokka. Það verður þó að teljast neyðarbrauð enda forystufólk stjórnmálaflokkanna áfram um að mynda pólitískar ríkisstjórnir og tilbúið að leggja mikið á sig í þeim tilgangi.

Kosningaþátttakan var 80% og er mikið gleðiefni. Ýmislegt bendir til þess að yngstu kjósendurnir hafi nýtt rétt sinn betur en í kosningum undanfarinna ára. Það gefur vonir um góða þátttöku í alþingiskosningunum á næsta ári. En forsetakosningar eru ekki alþingiskosningar. Forsetinn er kosinn beinni kosningu og ólíkt alþingiskosningum þá vega öll jafnvægi jafnt. Það skiptir máli. 

Nokkuð hefur verið rætt um fjölda meðmælenda sem frambjóðendur þurfa að safna svo að framboðið sé gilt. Tala þeirra - 1.500 – hefur verið óbreytt í 80 ár. Stjórnlagaráð gerði tillögu um breytingar á forsetakafla stjórnarskrárinnar og lagði til að fjöldinn miðaðist við 1-2% af fjölda fólks á kjörskrá. Það þykir mér skynsamleg tillaga. Þröskuldurinn má ekki vera of hár en heldur ekki svo lágur að það taki um það bil klukkustund fyrir landsþekktar manneskjur að safna tilskildum meðmælendafjölda rafrænt.

Ég held að Íslendingum þyki almennt vænt um forsetaembættið og það að geta kosið sinn forseta milliliðalaust. Það er grunnur þess trausts sem mikilvægt er að nýr forseti rækti í starfi sínu. 

Halla Tómasdóttir er sigurvegari forsetakosninganna og verður sett inn í embætti 1. ágúst nk. Þá undirritar hún eiðstaf að stjórnarskrá Íslands. 

Sumarpartý Hallveigar verður haldið á Röntgen fimmtudaginn 6. júní kl 20! 

Hallveig splæsir í bjór fyrir fyrstu þyrstu.  
Rammpólitískir leynigestir láta sjá sig. 

Rósin, Þjóðvaki og Alþýðuflokksfélag Reykjavíkur standa fyrir opnum súpufundi fyrir allt jafnaðarfólk, laugardaginn 4. maí kl. 12:00 á Kastalakaffi í húsakynnum Hjálpræðishersins við Suðurlandsbraut 72. 

Gestur fundarins er Tryggvi Felixson, auðlindahagfræðingur, sem mun ræða um orkuþörf náttuverndar. 

Fundurinn er opinn öllu áhugafólki um orku og náttúruvernd . 

Boðið verður upp á te og kaffi og hægt er að kaupa súpu og brauð fyrir 990 kr. á staðnum.  

Leit um „��“

2744 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������“

2744 niðurstöður fundust við leit að „���������������������������“