Gestgjafi þingsins þetta árið er Mette Frederiksen, forsætisráðherra Danmerkur, og fer það fram í ráðherrabústaðnum í Marienborg og á Verkalýðssafninu í Kaupmannahöfn. Á meðal helstu umfjöllunarefna eru staða launafólks, lýðræðis og norrænna velferðarsamfélaga í heimi hraðrar tækniþróunar og gervigreindar.

Samhliða er einnig haldinn leiðtogafundur SAMAK þar sem forystufólk norrænna jafnaðarflokka og alþýðusambanda ræður ráðum sínum. Samfylkingin og Alþýðusamband Íslands eru aðilar að SAMAK en Finnbjörn Hermannsson, forseti ASÍ, forfallaðist á síðustu stundu vegna stöðu kjarasamninga.

Vill læra um leiðina frá stjórn til stjórnarandstöðu
„Þetta er í fyrsta skipti sem ég tek þátt á verkalýðsþingi og leiðtogafundi SAMAK því í fyrra var ég nýbúin að eignast mitt annað barn. Þá fór varaformaður Samfylkingarinnar á þingið í minn stað ásamt forseta ASÍ,“ segir Kristrún. „Ég hlakka til að læra af kollegum mínum í jafnaðarflokkunum og í verkalýðshreyfingunni. Ekki síst um leiðina frá stjórnarandstöðu til stjórnar -- sem þau þekkja flest.“

„Við vitum að ábyrgð okkar er mikil. Okkur er treyst til þess að standa vörð um og styrkja norræna módelið. Sem er sú samfélagsgerð sem hefur skapað farsælustu samfélög heims. Ég hef lagt mikla áherslu á að Samfylkingin læri af systurflokkum okkar á Norðurlöndum og það er mikill ávinningur af því fyrir okkur. Við fórum til dæmis til Noregs um daginn, í tengslum við málefnavinnuna um atvinnu og samgöngur, og þar fengum við alla þá hjálp sem við hefðum getað ímyndað okkur frá bæði norska Verkamannaflokknum og Alþýðusambandinu (LO) í Noregi.“

Síðustu vikur hefur forysta Samfylkingarinnar heimsótt yfir 100 fyrirtæki á höfuðborgarsvæðinu og þessi misserin stendur yfir hringferð flokksins um landið með áherslu á atvinnu og samgöngur. Allt er þetta liður í undirbúningi fyrir næstu Alþingiskosningar og þátttöku í nýrri ríkisstjórn.

Fulltrúar UJ og ASÍ-UNG á verkalýðsþinginu
Auk Kristrúnar eru fulltrúar Íslands á þinginu þau Ástþór Jón Ragnheiðarson forseti ASÍ-UNG, Lilja Hrönn Önnudóttir Hrannarsdóttir forseti Ungs jafnaðarfólks, Jóhann Páll Jóhannsson þingmaður Samfylkingarinnar og Kjartan Valgarðsson sem situr í stjórn SAMAK. Eins og áður segir forfallaðist Finnbjörn Hermannsson forseti ASÍ vegna stöðu kjarasamninga og það sama gildir um Kristján Þórð Snæbjarnarson forseta Rafiðnaðarsambands Íslands.

Að öðru leyti eru þingfulltrúar frá Danmörku, Svíþjóð, Finnlandi, Noregi, Grænlandi og Álandseyjum en frændur okkar Færeyingar urðu því miður veðurtepptir! Þingið hófst á hádegi í dag, þriðjudaginn 27. febrúar. Frekari fréttir verða sagðar á XS.is að því loknu.

Kristrún Frostadóttir, formaður Samfylkingarinnar, tekur nú þátt í verkalýðsþingi Norðurlanda í Kaupmannahöfn. Verkalýðsþingið er haldið á hverju ári á vegum SAMAK sem er Samráðsnefnd jafnaðarflokka og alþýðusambanda á Norðurlöndum.

Kristrún í Kaupmannahöfn á verkalýðsþingi Norðurlanda

Nokkuð hefur verið fjallað um málefni innflytjenda hér á landi undanfarna daga meðal annars vegna þess að Kristrún Frostadóttir, formaður Samfylkingarinnar, hefur sett þennan mikilvæga málaflokka á dagskrá með afgerandi hætti. Viðbrögðin hafa ekki staðið á sér. Sumir tala um kúvendingu Samfylkingarinnar en svo er ekki. Stefna Samfylkingarinnar er óbreytt og grunngildi flokksins um virðingu fyrir mannréttindum og alþjóðasáttmálum er sem fyrr leiðarljós jafnaðarfólks. En flest erum við líklega þeirrar skoðunar að málefnaleg opinber umræða um staðreyndir sé af hinu góða.


Fjórða hver manneskja á vinnumarkaði er útlendingur. Hingað komin til að starfa í ferðaþjónustunni og heilbrigðiskerfinu, á dekkjaverkstæðum og í sprotafyrirtækjum og háskólum, svo að nokkur nærtæk dæmi séu nefnd. Mjög mörg þessara starfa eru láglaunastörf, til dæmis við ræstingu á heilbrigðisstofnunum og umönnun aldraðra á hjúkrunarheimilum. Sabine Leskopf borgarfulltrúi Samfylkingarinnar benti á það augljósa í blaðagrein í gær: Grunnþjónustan í íslensku samfélagi mundi hrynja ef fólk væri ekki tilbúið til að flytja hingað og starfa.

Samkvæmt upplýsingum frá Hagstofu Íslands sem unnar eru upp úr staðgreiðslugögnum hefur hlutfall innflytjenda starfandi á íslenskum vinnumarkaði farið úr 7% í 23% á tæplega 20 ára tímabili. Á síðasta ári var því nær fjórði hver einstaklingur á vinnumarkaði innflytjandi eða um 50.000 manns. Í árslok voru innflytjendur rúmlega 18% af mannfjöldanum. Atvinnuþátttaka innflytjenda er því meiri en annarra landsmanna.

Á árunum 2018 - 2022 fjölgaði erlendum ríkisborgurum á Íslandi um 5.600 árlega að meðaltali og langflestir fluttu hingað vegna þátttöku á íslenskum vinnumarkaði. Árið 2017 var hlutfall innflytjenda á vinnumarkaði 17% en í er eins og fyrr segir 23% í dag. 

Það segir sig sjálft að hér eru á ferðinni miklar þjóðfélagsbreytingar á skömmum tíma. Breytingar sem ekki hefur verið mætt með tilskildum hætti af yfirvöldum. Gamla klisjan frá Þýskalandi: Okkur vantaði vinnuafl en við fengum fólk, á ágætlega við á Íslandi í dag. Hingað kemur fólk til starfa, það sinnir störfum sem Íslendingar sækjast ekki eftir, greiðir skatta, á börn sem þurfa að ná tökum á íslensku auk móðurmálsins. Við eigum að gera allt til þess að þau geti orðið fullgildir þátttakendur í samfélaginu. Það er í anda velferðar og lýðræðis.

Að lokum þetta. Þorri þeirra sem hingað koma í leit að vinnu er af evrópska efnahagssvæðinu. Þeim er frjáls för hingað og héðan en mörg kjósa að setjast að á Íslandi. Það á ekki við um flóttafólk sem beiðist alþjóðlegrar verndar. Hlutskipti þess er allt annað og verra. Reynum að sýna því skilning og hafa staðreyndir á hreinu í umræðunni um innflytjendur á Íslandi.

Í stýrihópi Samfylkingarinnar um atvinnu og samgöngur eru þau Arna Lára Jónsdóttir formaður, Kristján Þórður Snæbjarnarson, Margrét Kristmannsdóttir og Stefán Þór Eysteinsson.

Næstu vikur mun Samfylkingin efna til fjölda opinna funda um land allt. Þar verður flokksfélögum og almenningi boðið að eiga milliliðalaust samtal við forystufólk flokksins og fulltrúa úr stýrihópnum um atvinnu og samgöngur. Öllum er velkomið að taka þátt.

Verklýsing fyrir nýja ríkisstjórn
Verklagið í málefnastarfinu er með sama sniði og á síðasta ári þegar heilbrigðis- og öldrunarmálin voru í brennidepli. Þeirri vinnu lauk með útspilinu Örugg skref í heilbrigðis- og öldrunarmálum sem var kynnt í október eftir umfangsmikið samtal við sérfræðinga og almenning.

Nú er uppleggið að útspil á sviði atvinnu og samgangna verði kynnt í apríl. Flokksstjórnarfundur er áætlaður þann 20. apríl næstkomandi.

Kristrún Frostadóttir formaður hefur lagt þunga áherslu á málefnastarfið og bindur miklar vonir við vinnuna: „Útkoman á að vera verklýsing fyrir nýja ríkisstjórn. Frá fyrstu 100 dögunum og upp í fyrstu tvö kjörtímabilin í ríkisstjórn undir forystu Samfylkingarinnar,“ eins og Kristrún komst að orði í ræðu sinni á flokksstjórnarfundi áður en haldið var af stað.

Næstu opnu fundir
Fyrsti opni fundurinn um atvinnu og samgöngur var á Akranesi miðvikudaginn 7. febrúar en næst á dagskrá eru Vestmannaeyjar, Selfoss og Hafnarfjörður. Fólk á höfuðborgarsvæðinu er hvatt til að mæta á fundinn í Hafnarfirði ef það hefur tök á því en að lokinni hringferðinni verður einnig efnt til fundar í Reykjavík. Stefnt er að því að sá fundur verði kl. 13:00, laugardaginn 16. mars.

Eftirfarandi fundartímar hafa þegar verið auglýstir:

VESTMANNAEYJAR
Vigtin bakhús
þriðjudagur 13. febrúar kl. 17:30

SELFOSS
Samfylkingarsalurinn á Eyrarvegi 15
miðvikudagur 14. febrúar kl. 17:00

HAFNARFJÖRÐUR
Samfylkingarsalurinn á Strandgötu 43
fimmtudagur 15. febrúar kl. 19:30

HÖFN Í HORNAFIRÐI
Kaffi Hornið
mánudagur 19. febrúar kl. 17:00

NESKAUPSTAÐUR
Hótel Hildibrand
þriðjudagur 20. febrúar kl. 8:00

REYÐARFJÖRÐUR
Súpufundur í sal AFLs (Búðareyri 1)
þriðjudagur 20. febrúar kl. 12:00

SEYÐISFJÖRÐUR
Herðubreið
þriðjudagur 20. febrúar kl. 17:30

VOPNAFJÖRÐUR
Hótel Tangi
miðvikudagur 21. febrúar kl. 8:00

ÞÓRSHÖFN
Enn 1 skálinn
miðvikudagur 21. febrúar kl. 12:00

HÚSAVÍK
Gamli Baukur
miðvikudagur 21. febrúar kl. 19:30

Fimmtudagur 22. febrúar kl. 17:00



Í mars verða síðan haldnir fleiri fundir í Norðvesturkjördæmi, á Suðurnesjum og í Reykjavík. Hafið samband við Örnu Láru Jónsdóttur, formann stýrihópsins um atvinnu og samgöngur, ef þið viljið koma að skipulagningu á opnum fundi í tengslum við málefnastarfið.

Fylgist vel með á Facebooksíðu Samfylkingarinnar og á xs.is – og sjáumst í vinnunni!

Síðustu vikur hefur forysta Samfylkingarinnar heimsótt yfir 100 fyrirtæki á höfuðborgarsvæðinu. Nú er komið að hringferð um landið. Hvort tveggja er liður í metnaðarfullri málefnavinnu um atvinnu og samgöngur sem kynnt var á flokksstjórnarfundi á Akureyri 14. október 2023.

Opnir fundir: Atvinna og samgöngur um land allt

Samfylkingarfélagið í Reykjavík boðar til félagafundar um innflytjendamál laugardaginn 24. febrúar kl. 11:00 - 12:30.
Fundurinn verður haldinn í sal Samfylkingarinnar á Hallveigarstíg 1, 2. hæð.

Sigfús Ómar Höskuldsson formaður SffR stýrir fundi.

Kaffispjall Samfylkingarinnar í Hafnarfirði 60+ verður á sínum stað fimmtudaginn 29. febrúar kl. 10:30 - 12:00, í sal Samfylkingarinnar í Hafnarfirði Strandgötu 43. 

Oddný Harðardóttir verður gestur okkar á fundinum. Við hlökkum til að sjá ykkur og tala um málefni líðandi stundar með Oddnýju. 

Það verður heitt á könnunni og eitthvað með því. 

Verið öll hjartanlega velkomin! Stjórn Samfylkingarinnar 60+ Hafnarfirði.

Opinn súpufundur um atvinnu og samgöngur í Borgarnesi. Fundurinn verður þriðjudaginn 12. mars kl. 12:00-13:00 í Arinstofu fyrir ofan veitingastaðinn í Landnámssetri Íslands. Á meðal gesta verða Kristrún Frostadóttir formaður Samfylkingarinnar og Arna Lára Jónsdóttir sem er formaður í stýrihópi flokksins um atvinnu og samgöngur.

Hvernig vilt þú sjá atvinnu og samgöngur þróast í Borgarbyggð og á Íslandi öllu? Við viljum fá þig með í samtalið. 

Borgarnes: Opinn fundur um atvinnu og samgöngur

Næstu daga, 6. - 7. mars mun Samfylkingin efna til opinna funda á Vestfjörðum dum atvinnu og samgöngur. Hér fyrir neðan er að finna staði og tíma funda.

Þar verður flokksfélögum og almenningi boðið að eiga milliliðalaust samtal við forystufólk flokksins og fulltrúa úr stýrihóp um atvinnu og samgöngur.
 

Á meðal gesta verða Kristrún Frostadóttir formaður Samfylkingarinnar og Arna Lára Jónsdóttir sem er formaður í stýrihópi flokksins um atvinnu og samgöngur.

Hvernig vilt þú sjá atvinnu og samgöngur þróast á Íslandi?

Við viljum fá þig með í samtalið!

BÍLDUDALUR
Vegamót Bíldudal
miðvikudagur 6. febrúar kl. 12:00

ÞINGEYRI
Blábankinn
miðvikudagur 6. febrúar kl. 17:15

ÍSAFJÖRÐUR
Edinborgarhúsið
miðvikudagur 6. febrúar kl. 20:00

BOLUNGARVÍK
Hótel Tangi
miðvikudagur 21. febrúar kl. 8:00

Ísafjörður Opinn fundur um atvinnu og samgöngur

Opinn fundur um atvinnu og samgöngur á Blönduósi. Fundurinn verður þriðjudaginn 12. mars kl. 18:00 í Samstöðusalnum. meðal gesta verða Kristrún Frostadóttir formaður Samfylkingarinnar og Arna Lára Jónsdóttir sem er formaður í stýrihópi flokksins um atvinnu og samgöngur.
Hvernig vilt þú sjá atvinnu og samgöngur þróast á Blönduósi og á Íslandi öllu? Við viljum fá þig með í samtalið.

Blönduós: Opinn fundur um atvinnu og samgöngur

Til umfjöllunar var fæðingarorlof og svokallað umönnunarbil, sem er tíminn eftir að fæðingarorlofi lýkur og þangað til barn fær pláss á leikskóla. Það er full ástæða til að spyrja um ábyrgð í þessu samhengi og þá sérstaklega um það hvort foreldrið (þegar um tvö, tvær eða tvo er að ræða) tekur að sér að brúa þetta bil.

Hér á landi er staðan enn sú að konur taka meiri hluta fæðingarorlofsins og eru mun líklegri til þess að þess að lengja orlofið eða fara í hlutastarf að því loknu í þeim tilgangi að brúa umönnunarbilið. Hvort tveggja leiðir til langvarandi og tilfinnanlegs tekjutaps fyrir konur á vinnumarkaði.

Sonja Ýr Þorbergsdóttir benti nýleg á að fjármála- og efnahagsráðuneytið byggi yfir upplýsingum um muninn á tekjutapi karla og kvenna vegna barneigna. Erlendar rannsóknir hafa sýnt að tekjufall kvenna eftir barneignir er allt annað og miklu meira en karla. Á það var meðal annars bent í umfjöllun tímaritsins The Economist nýverið.

Mér finnst alltaf jafn athyglisvert að heyra fólk útskýra afstöðu sína til töku fæðingarorlofs. Fyrir karla er taka fæðingarorlofs efnahagsleg ákvörðun og það frekar einföld: Hversu lengi er hægt að lifa á 600 þúsund krónum á mánuði fyrir skatta? Flest virðast sýna því mikinn skilning að karlar skeri fæðingarorlofstökuna við nögl vegna tekjutapsins sem þeir verða fyrir.

Minna ber á sömu viðbrögðum þegar konur eiga í hlut. Það er eins og það sé þegjandi samkomulag um það í hinni heimsfrægu jafnréttisparadís að tekjutap kvenna vegna fæðingarorlofstökunnar sé náttúrulögmál, að minnsta kosti ekkert sem þurfi að gera veður út af. Og megi krafturinn vera með þeirri konu sem dirfist að kvarta yfir 600 þúsund króna mánaðartekjum!

Afstaðan endurspeglar rótfastar hugmyndir um stöðu kvenna í samfélaginu, á vinnumarkaði og á heimilinu. En hún endurspeglar líka blákaldar staðreyndir um muninn á tekjum kvenna og karla. Atvinnutekjur kvenna eru 21% lægri en karla. Það er óhagganleg staðreynd sem hefur alls kyns afleiddar og afleitar afleiðingar, til dæmis á skiptingu fæðingarorlofs á milli foreldra.

Misréttið á vinnumarkaði og vanmat á störfum kvenna til launa hefur til allra heilla minnkað smám saman á undanförnum áratugum. En þrátt fyrir það verða reglulega á vegi mínum eldfornar hugmyndir um hlutverk kvenna inni á heimilum og á vinnumarkaði. Það er til marks um bakslagið sem orðið hefur í jafnréttisbaráttunni og ekki sér fyrir endann á.

Tekjufórn kvenna á vinnumarkaði vegna fæðingarorlofstöku er langt frá því að vera sjálfsagt mál. Hún leiðir til lægri ævitekna, verri kjara og verri réttinda á vinnumarkaði og að lokum til lægri eftirlauna þegar að því kemur setjast í helgan stein.  Að þessu leyti eru konur á Íslandi enn til færri fiska metnar en karlar.

Greinin birtist í Morgunblaðinu 9. mars 2024. 

Hver ber ábyrgð? Var spurt í tilefni alþjóðlegs baráttudags kvenna í gær. 

Reykjavíkurborg leiðir stafræna þjónustu við eldra fólk ekki bara á landsvísu heldur líka á Norðurlöndunum og hefur fjárfest tæplega 356 milljónum króna síðustu sex árin ásamt að hafa fengið um 141 milljón króna mótframlag frá ríkinu - samtals fjárfesting upp á hálfan milljarð króna sem varið hefur verið í stafræna þjónustu umbreytingu hjá velferðarsviði. Utan landsteinanna hefur verið tekið eftir hvað Reykjavíkurborg er þjónustumiðuð en Velferðamiðstöð Norðurlandanna (s. Nordens Välfärdscenter) sem heldur utan um nýsköpun í þjónustu er tengist velferð og kallast í daglegu máli velferðartækni, tilgreinir Reykjavíkurborg í sinni samantekt Norðurlandaþjóðanna sem leiðandi afl á Norðurlöndunum en ekki Ísland.

Fjölbreytt er hlutverk rafrænnar miðstöðvar en hún tekur við fyrstu erindum og þjónustu beiðnum frá borgarbúum í þörf fyrir velferðarþjónustu með það markmiði að veita íbúum framúrskarandi þjónustu, ráðgjöf og upplýsingar með rafrænum hætti. Miðstöðin vinnur markvisst að umbótum á þjónustu velferðarsviðs með þarfir íbúa borgarinnar, gæði og skilvirkni að leiðarljósi og er leiðandi í þjónustumenningu, nýtingu stafrænna lausna og velferðartækni hjá velferðarsviði.

Hjá Rafrænni miðstöð taka síðan fimm teymi við sem annast fjölbreytta þjónustu meðal annars við eldra fólk en þau eru Þjónustuteymi, Ráðgjafarteymi, Umbótateymi, Velferðartæknismiðja og Skjáver.

Öldrunarráðgjöf fyrir borgara og aðstandendur

Sérstök öldrunarráðgjöf var tekin í gagnið á síðsta ári hjá Rafrænni miðstöð en þar er hægt að bóka beint símtal á netinu og veita borgaranum og aðstandendum leiðbeiningar, upplýsingar og ráðgjöf. Félagsráðgjafi tekur símtölin, kynnir fjölbreytta þjónustu og eftir atvikum að tengir borgarann við miðstöðvar innan hverfanna sem og aðra þjónustu sem veitt er af hálfu borgarinnar.

Skjáheimsóknir, fjarvöktun sjúkdóma og lyfjaskammtarar

Skjáverið þjónustar 84 virka notendur í skjáheimsóknum en um er að ræða 800 samtöl á mánuði, sjö daga vikunnar, líka á kvöldin. Heimahjúkrun býður upp á fjarvöktun sjúkdóma fyrir 31 borgaraen um er að ræða fjarvöktun og eftirlit með sjúkdómum sem tengjast hjarta, blóðsykri, krabbameini og blóðþrýstingi. Sem dæmi er eftirlit með hjartabilun til prófunar í 12 mánuði fyrir 20 einstaklinga og er samvinnuverkefni með göngudeild hjartabilunar á Landspítalanum. Blóðþrýstings- og súrefnismælum er komið fyrir á heimilum og eru send sjálfvirk gögn til Skjávers er seinna vöktun og eftirliti með einkennum. Teknir hafa verið í notkun 73 lyfjaskammtarar í heimaþjónustu en Skjáverið sér um rafræna vöktun, utanumhald og annast starfsfólk heimaþjónustu um að fylla á skammtarana. Lyfjaskammtararnir hafa létt verulega undir með starfsfólki þannig að mannauður nýtist betur, tími sparast og valdefling er fyrir þau sem geta tekið lyfin sín sjálf en þurfa stuðning og eftirlit.

Fjarsjúkraþjálfun, umönnunaráætlanir og aðstandendur

Fjarsjúkraþjálfun er tilraunaverkefni til 9 mánaða en endurhæfingarteymi mun nýta tæknina fyrir sína skjólstæðinga og fær borgarinn til sín spjaldtölvu, gerir æfingar sjálfstætt heima og fylgir þjálfara, einstakling á skjánum, og gera þau æfingar saman. Forritið minnir á þegar æfingatími hefst og annast Skjáverið umsýslu og eftirfylgd. Nýjasta viðbótin í stafrænu umbreytingu við eldra fólk í heimaþjónustu og búsetuþjónustu er Dala-care. Dala care er smáforrit sem heldur utan um umönnunaráætlanir, sem verða aðgengilegar í rauntíma, gefa notanda, aðstandendum og fagfólki kleift að fylgst með. Kerfið heldur utan um skráningu upplýsinga og um leið eykur öryggi notenda, auðveldar starfsfólki skipulagningu og veitingu þjónustunnar og gefur aðstandendum aðgang sé þess þörf. Þannig nýtist dýrmætur tími starfsfólk við persónulega þjónustu þeirra sem þess þurfa í stað þess að verja honum í gagnainnslátt og umsýslu. Innleiðing mun snerta 5000 notendur fyrir utan aðstandendur en fjöldi notenda í heimaþjónustu eru um 4000 borgarar, 474 starfa í heimaþjónustu á vegum Reykjavíkurborgar, 176 starfa í heimahjúkrun og 298 í heimastuðningi. Þúsundir Reykvíkinga munu njóta góðs af þessari þjónustu þegar fram líða stundir.

Reykjavíkurborg leiðir starfræna þjónustuþróun á Norðurlöndunum við eldra fólk. Viðkvæm og mikilvæg þjónusta sem komin til að vera. Er viðbót við persónulega þjónustu, hentar sumum en ekki öllum. Við þurfum að þjónusta öll. Ávinningurinn er betri nýting mannafla, aukin skilvirkni, tími og fjármunir sparast. Reykvíkingar geta verið stoltir af þessari mikilvægu vinnu í þágu okkar allra. Áframhaldandi verkefni liggja í loftinu eins og eftirfylgd eftir endurhæfingu, útskrift af spítala og jafnvel hóp- hittingar í gegnum Sjáverið til að taka á einmanaleika og depurð. Tækifærin leynast víða og mun vera spennandi að fylgjast með smiðju velferðatækni næstu misserin í þróun sinni í betri þjónustu fyrir sístækkandi hóp borgarbúa. Við erum á fleygi ferð!

Greinin birtist á visi.is 11. mars 2024.

Fjár­fest í staf­rænni þjónustu fyrir eldra fólk - Reykja­víkur­borg leiðandi á Norður­löndunum

Leit um „��"

2914 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

2914 niðurstöður fundust við leit að „������������������������������������������������������������"