Ég vil byrja á að þakka hæstvirtum heilbrigðisráðherra fyrir að taka sér tíma til að ræða þetta mikilvæga mál og bregðast jafn skjótt við beiðni minni um þessa umræðu og raun ber vitni, það er sannarlega til fyrirmyndar.

Síðustu vikur og raunar ár og  hefur verið mikil umræða um þjónustu sérgreinalækna við íbúa utan höfuðborgarsvæðisins. Staðreyndin er að flestir sérgreinalæknar búa og starfa á höfuðborgarsvæðinu sem gerir það að verkum að íbúar sem búa utan þess þurfa yfirleitt að sækja þjónustu til höfuðborgarsvæðisins með tilheyrandi kostnaði og vinnutapi.  

Enn meira áhyggjuefni er að þessi staða virðist hafa þau áhrif að íbúar utan höfuðborgarsvæðisins nýta sér síður þjónustu sérgreinalækna. Þannig sýna tölur til dæmis að íbúar Austurlands nýti sérfræðiþjónustu lækna þrisvar sinnum sjaldnar en íbúar höfuðborgarsvæðisins. Það segir sig því sjálft að í því felst sú hætta að íbúar Austurlands fari á mis við jafnvel lífsnauðsynlega þjónustu.

Mig langaði því að spyrja hæstvirtan ráðherra eftirfarandi spurninga: 

Hver er stefna ráðuneytisins varðandi veitingu þjónustu sérgreinalækna um land allt?

Er ráðherra sammála forstjóra Sjúkratrygginga Íslands um að hagkvæmara væri að semja við sérgreinalækna um að veita aukna þjónustu í heimabyggð? 

Ef svo, hvaða leið telur ráðherra að sé vænlegust til að tryggja þjónustu sérgreinalækna í heimabyggð? Kæmi til greina að skilgreina ákveðna sérgreinalæknaþjónustu sem nærþjónustu sem á að veita í öllum heilbrigðisumdæmum landsins?

Kæmi til greina að semja við Landspítalann um að veita slíka þjónustu? 

Hvenær stendur til að ljúka samningum við sérgreinalækna sem hafa verið lausir frá áramótum? 

Telur ráðherra að gert sé nægjanlega ráð fyrir kostnaði við að veita þessa þjónustu í fjárlögum?  

 íslensk löggjöf er í raun alveg skýr með það að óheimilt sé að mismuna fólki á grundvelli ýmissa þátta gagnvart heilbrigðisþjónustu, þar á meðal búsetu. Hins vegar er alveg ljóst að okkur hefur að mistekist að veita þjónustu sérgreinalækna um allt land. 

Þó að vissulega fái fólk stuðning til að sækja heilbrigðisþjónustu til Reykjavíkur, þ.e. greiðslu ferðakostnaðar tvisvar á ári – þá dugar það skammt til að bæta upp annan kostnað sem fylgir, svo sem gistingu, vinnutap, uppihald og svo framvegis.   

Í viðtali við Maríu Heimisdóttur forstjóra Sjúkratrygginga Íslands á RÚV nýverið kom fram að Sjúkratryggingar Íslands endurgreiddu 546 milljónir króna í ferðakostnað á síðasta ári þannig að það er ljóst að það eru heilmiklir fjármunir undir.  

Myndi maður ætla að það væri í raun mun hagkvæmara fyrir ríkið að færa þjónustuna til fólksins í stað þess að færa allan þennan fjölda íbúa suður til að sækja þjónustuna. Þannig sparast líka vinnutap o.s.frv. sem einnig er bót fyrir ríkið þegar uppi er staðið. Í stuttu máli sagt þá er ljóst að þetta er ekki hagkvæm nýting á fjármunum eins og við höfum staðið að málum fram að þessu. 

Það var því má segja fagnaðarefni þegar fram kom að forstjóri SÍ virðist vera sammála þessu. En það er ljóst að það þarf einhverja hvata inn í kerfið til að fá sérgreinalækna til að starfa utan höfuðborgarsvæðisins, eða í það minnsta heimsæki svæðin mjög reglulega. 

Það er ekki ásættanlegt að tilviljanir ráði því hvort sérgreinalæknar veiti þjónustu utan höfuðborgarsvæðisins – við þurfum einhvern veginn að byggja upp þó ekki sé nema grunn sérgreinaþjónustu um landið sem treysta má á. 

Þannig tel ég að mikilvægt væri að skilgreina ákveðna sérgreinalæknaþjónustu sem nærþjónustu í öllum heilbrigðisumdæmum landsins, t.d. augnlækna, geðlækna, kvensjúkdómalækna, öldrunarlækna og barnalækna. 

Þá erum við að tala um stöðuga viðveru eða a.m.k. mjög reglulegar heimsóknir slíkra lækna, enda ekki boðlegt að aðeins sé hægt að nálgast þjónustuna tvisvar á ári og þar með oft erfitt fyrir sjúklinga að komast að, auk þess sem ýmislegt getur komið upp á og sjúklingar enda þá með að bíða í hálft eða jafnvel heilt ár eftir að komast til læknis.

Við höfum dæmi um þar sem það hefur heppnast vel að koma á reglubundnum heimsóknum sérgreinalækna. Þannig koma til að mynda læknar frá Landspítala reglulega á Sjúkrahúsið á Akureyri og þá hefur verið í gangi tilraunaverkefni í samstarfi við Heilbrigðisstofnun Austurlands sem hefur nú fengið varanlegt fjármagn til að tryggja þjónustu sérgreinalækna við íbúa heilbrigðisumdæmisins með samningum við Sjúkrahúsið á Akureyri og Landspítala. 

Það verkefni hefur til dæmis sannað sig en á 12 mánaða tímabili sinntu læknarnir 850 komum einstaklinga sem hefðu annars sótt þjónustuna utan landshlutans og því má fagna því að það hafi tekist að tryggja það verkefni áfram. En betur má ef duga skal og ljóst að við þurfum að gera mun betur.  

Herra forseti, það er ekki boðlegt að fólk sem býr utan höfuðborgarsvæðisins hafi ekki sambærilegt aðgengi að heilbrigðisþjónustu og aðrir og við verðum að laga það. Ég vona að hæstvirtur ráðherra sé sammála mér um það.

Albertína Friðbjörg Elíasdóttir var málshefjandi í sérstakri umræðu á Alþingi um þjónustu sérgreinalækna á landsbyggðinni. Ræðu Albertínu má finna hér. 

Albertína ræðir þjónustu sérgreinalækna á landsbyggðinni

Samfylkingarfélagið í Reykjavík býður til fjarviðburðar um bók Ólínu Kjerúlf Þorvarðardóttur "Spegill fyrir Skugga Baldur – Atvinnubann og misbeiting valds" mánudaginn 30. nóvember kl. 20:00 – 21:00.

Á viðburðinum mun Ólína fara stuttlega yfir innihald bókarinnar og hvers vegna henni hugkvæmdist að rita hana. Þátttekendum mun gefast færi á að spyrja höfundinn út í efnisatriði bókarinnar og eiga samræður um hana.

Þátttakendur eru hvattir til að lesa bókina eða kynna sér innihald hennar og hafa tækifæri á að kaupa bókina á sérstöku tilboðsverði eða á krónur 3.000. - með því að senda póst á skrudda@skrudda.is með efnisheitinu „vegna Samfylkingarfundar tilboð“.

Við vonumst til að s(k)já ykkur sem flest! Öll velkomin!

Umsjónarkonur verða Ellen Calmon forman Samfylkingarfélagsins í Reykjavík og Jóhanna Vigdís Guðmundsdóttir stjórnarkona í SffR og varaþingman Samfylkingarinnar.

Samfylkingarfélagið í Reykjavík býður til fjarviðburðar um bók Ólínu Kjerúlf Þorvarðardóttur

Nýkjörin stjórn Verkalýðsmálaráðs Samfylkingar hittist á sínum fyrsta fundi  fim 19.nóv.  

Á fundinum var farið yfir starfið á síðasta kjörtímabili og ákveðið að halda áfram á nýju ári  með  fundum á zoom, og í raunheimum um leið og það má með rjúkandi kaffi og vöfflum. 

Á fundina verði boðið sérstaklega  forystufólki í verkalýðsmálum og kjörnum fulltrúum. 

Ákveðið var að Kristín Erna héldi áfram sem formaður,  Guðrún Erlings varaformaður og Nanna Hermannsdóttir er ritari stjórnar. 

Stjórnin ætlar að hafa fasta fundi þriðja hvern miðvikudag kl. 17:00.   

Efla tengsl Samfylkingarinnar við Verkalýðshreyfinguna.

Efla tengslin við Samfylkingarfólk í Verkalýðshreyfingunni um allt land.

Hvetja fleiri til að skrá sig í ráðið og taka þátt í stefnumótun og starfi. 

Hvetja Verkaýðshreyfinguna sem stóra hreyfingu vinnandi fólks til að  beita sér í þágu almennings í öllum stórum málum sem upp koma og varða almenning. 

Huga sérstaklega að verkafólki á landsbyggðinni og hvernig hægt sé að ná best til þeirra. 

Endurskoða lög Samfylkingarinn um Verkalýðsmálaráð og leggja fyrir laganefnd.

Ráðið samanstendur af fólki með fjölþætta tengingu við Verkalýðshreyfinguna og brennandi áhuga á verkalýðsmálum.

Í fyrsta þætti Stjórnmálaspjallsins ræðir Óskar Steinn við Helgu Völu Helgadóttur, þingkonu Samfylkingarinnar, um málefni hælisleitenda og útlendinga.

Logi Einarsson, formaður Samfylkingarinnar, spjallar við Óskar Stein um spillingarmál Samherja og hvaða þýðingu það hefur fyrir íslensk stjórnmál og sjávarútveg.

Hversu mikill er ójöfnuður á Íslandi og hvernig getum við minnkað hann? Óskar Steinn ræðir við Ágúst Ólaf Ágústsson, þingmann Samfylkingarinnar, um þetta og fleira.

Í gær fór fram aðalfundur Rannveigar - Ungra jafnaðarmanna í Kópavogi. Jóna Þórey Pétursdóttir var kjörin forseti en í stjórn sitja einnig Arn­ar Ingi Inga­son, Freyr Snorra­son, Gréta Jón­as­dótt­ir, Lilja Hrönn Önnu­dótt­ir Hrann­ars­dótt­ir, Vaka Lind Birk­is­dótt­ir og Þor­björg Arna Jón­as­dótt­ir.

Ég óska Jónu innilega til hamingju með kjörið og öllum nýjum stjórnarmeðlimum, og þakka Jónas Már Torfason fráfarandi formanni innilega fyrir störf sín síðastliðin ár. 

Rannveig Guðmundsdóttir, sem félagið er nefnt eftir, fyrrverandi bæjarfulltrúi í Kópavogi, þingmaður, félagsmálaráðherra og forseti Norðurlandaráðs, ávarpaði fundinn og hvatti ungt fólk í Kópavogi til dáða.

Ný stjórn kvennahreyfingar Samfylkingarinnar var kjörin á aðalfundi 19. nóvember 2020. Steinunn Ýr Einarsdóttir tekur við af Sigrúnu Skaftadóttur sem formaður. 

Aðalfundur var haldinn 19. nóv. á Zoom fjarfundaforritinu

Ný stjórn Kvennahreyfingar Samfylkingarinnar

Verið velkomin á fjarfund um stöðu 60+ og verkefnin fram undan.

Fjölmörg mál brenna á félögum 60+ þar á meðal Covid, landsfundurinn, kosningar í USA og síðast en ekki síst staða okkar eftir þá einangrun sem við höfum verið í.

Stjórn 60+ boðar því til þessa fundar á ZOOM. Gestur okkar nú verður Heiða Björg Hilmisdóttir varaformaður og borgarfulltrúi. En eins og þið flest kannski vitið er Heiða Björg einnig formaður velferðarráðs Reykjavíkurborgar.

Hlekkur á fundinn hér: https://zoom.us/j/92069460428

Gestur verður Heiða Björg Hilmisdóttir varaformaður og borgarfulltrúi.

Undirbúningur vegna innleiðingar á styttingu vinnuviku dagvinnufólks hjá Akureyrarbæ er í fullum gangi. Vinnutímanefndir hafa verið skipaðar og hefur undanfarið verið unnið að henni á vinnustöðum bæjarfélagsins. Sett hefur verið upp tímalína fyrir verkefnið en gerir hún ráð fyrir úrbótasamtölum, hugmyndavinnu og að lokum kosningu um tillögur. Miðað er við að niðurstöður þeirrar vinnu liggi fyrir á morgun, 1. desember. Bæjarráð Akureyrarbæjar tekur svo tillögurnar til umfjöllunar og afgreiðslu í desember. 

Hluti vinnustaða Akureyrarbæjar hefur nú þegar lokið þeirri vinnu og verða þær tillögur teknar til afgreiðslu bæjarráðs í vikunni. Hluti vinnustaða er langt komin með verkefnið og munu líklega klára það í næstu viku. Hjá hluta vinnustaða hefur verkefnið reynst flókið í framkvæmd af ýmsum ástæðum, en einnig eru dæmi um álitamál er varða túlkun. Hætt er við því að það geti dregist að fá niðurstöðu í þeim álitamálum og því enn ekki ljóst hvenær niðurstaða mun liggja fyrir á umræddum vinnustöðum. Stefnt er að því að fyrir jól fáist niðurstaða um fyrirkomulag styttingarinnar á öllum vinnustöðum, enda kemur styttingin til framkvæmdar þann 1. janúar n.k. Ef af einhverjum ástæðum næst ekki sameiginleg niðurstaða fyrir þann tíma, þá kemur styttingin engu að síðar til framkvæmdar á tilsettum tíma þ.e. stytting um 13 mínútur á dag miðað við 100% starfshlutfall. 

„Einhver dæmi er um að verið sé að vinna með þá hugmynd að innleiðingin verði í nokkrum skrefum þar sem tímaramminn til að skoða vinnufyrirkomulag og fara í umbótasamtöl hefur verið knappur á þeim mikla álagstíma sem verið hefur á vinnustöðum Akureyrarbæjar. Heilt yfir er undirbúningurinn faglegur og markviss, en vinnan ákaflega krefjandi og tímaramminn helst til knappur. Skiljanlega er óheppilegt að þessi vinna komi til viðbótar við það aukna álag sem hefur verið á sumum vinnustöðum vegna kórónuveirufaraldursins. Hins vegar tel ég að starfsfólk Akureyrarbæjar leggi sig af fullum krafti og heilindum fram við þetta mikilvæga verkefni sem vonandi kemur til með að auka lífsgæði starfsmanna Akureyrarbæjar til framtíðar,“ segir Hilda Jana Gísladóttir, oddviti Samfylkingarinnar á Akureyri.  

Stytting vinnuvikunnar hjá Akureyrarbæ í fullum gangi

Hvernig hefur fjórða iðnbyltingin breytt störfunum okkar? Verður næsti vinnufélaginn kannski róboti? Hvernig breytir sjálfvirknivæðing starfa íslenskum vinnumarkaði? Er háskólamenntun lykillinn að vinnumarkaðnum? Er hlustað á nemendur? Hvernig tengjast sköpun og hagvöxtur? Hvernig þurfum við að breyta menntakerfinu til að tryggja jöfn tækifæri allra í samfélagi framtíðar?

Verður næsti vinnufélaginn róbot? Breytingar á störfum í fjórðu iðnbyltingunni. Ólafur Andri Ragnarsson, tölvunarfræðingur og frumkvöðull. 

Hver er framtíðin á íslenskum vinnumarkaði? Katrín Ólafsdóttir, hagfræðingur og dósent við viðskiptadeild Háskólans í Reykjavík. 

Háskólamenntun og starfsþróun. Lykill að vinnumarkaðnum? Þórunn Sveinbjarnardóttir, formaður BHM og fyrrum alþingismaður. 

Er hlustað á stærstu hagaðila háskólamenntunar? Isabel Alejandra Díaz, formaður SHÍ. 

Hvernig tengjast sköpun og hagvöxtur? Logi Einarsson, formaður Samfylkingarinnar.  

Jöfn tækifæri í samfélagi framtíðar. Jóhanna Vigdís Guðmundsdóttir, varaþingmaður Samfylkingarinnar, formaður menntanefndar Samfylkingarinnar og framkvæmdastjóri Almannaróms – Miðstöðvar um máltækni.   

Iðnnámið og tengingar við háskóla. Þór Pálsson framkvæmdastjóri Rafmenntar.

Fundurinn fer fram á Zoom: https://zoom.us/j/99030473839

Menntanefnd Samfylkingarinnar býður á opinn fund um menntun og vinnu í fjórðu iðnbyltingunni. 

Ertu með fimm háskólagráður? Menntun og vinna í fjórðu iðnbyltingunni  

Kæri félagi Samfylkingarfélagsins í Kópavogi, (see English below)

þann 24. nóvember kl 20:00 fer fram aðalfundur Rannveigar - Ungra jafnaðarmanna í Kópavogi á Zoom.

Allt ungt fólk á aldrinum 16 til 35 ára sem aðhyllist jafnaðarstefnu, hefur áhuga á umhverfismálum, jafnréttismálum og vill láta til sín taka í málefnum ungs fólks og alls almennings í Kópavogi og víðar er hjartanlega velkomið.

Eftir skráningu fá þátttakendur fundargögn og síðar Zoom-link í tölvupósti. Opið er fyrir framboð til forseta og meðstjórnenda í félagið fram að fundi og verða nánari upplýsingar sendar til skráðra fundargesta. Framboð skal senda á rannveig@uj.is og skal koma fram nafn og staða sem viðkomandi frambjóðandi býður sig fram til að gegna.

Viðburðinn má einnig nálgast á Facebook síðu Rannveigar - Ungra jafnaðarmanna í Kópavogi

Dear member of the Samfylkingarfélagið í Kópavogi.

On November 24th at 20:00, the General Meeting of Rannveig - Ungir jafnaðarmenn í Kópavogi (Young Social Democrats in Kópavogur) will take place at Zoom.

All young people between the ages of 16 and 35 who have a keen interest in environmental issues, equality issues and want to be involved in the affairs of young people and the general public in Kópavogur and elsewhere are most welcome.

After registration, participants will receive meeting materials and later a Zoom-link by e-mail. The positions of president and co-managers in the board of the association are open for candidacy until the meeting and further information on that will be sent to registered meeting guests. If you wish to apply and run for a position within Rannveig you must send information regarding that to rannveig@uj.is. 

Aðalfundur Rannveigar - Ungir jafnaðarmenn í Kópavogi

Leit um „��“

2366 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Vertu í bandi:

Leit um „���������������������������“