Þá er komið að fyrsta opna húsinu á þessu hausti, næsta laugardag þann 7. október. kl. 11:00 - 13:00 í Þverholtinu. 

Anna Sigríður bæjarfulltrúi og fulltrúar Samfylkingarinnar í nefndum munu fara yfir helstu mál sem eru til umfjöllunar hjá meirihlutanum á vettvangi bæjarstjórnar og nefnda, svara spurningum og spjalla við gesti.

Léttur hádegisverður verður í boði. Hlökkum til að hitta ykkur sem flest.

Lög Fulltrúaráðs Samfylkingarinnar í Reykjavík

Fulltrúaráð Samfylkingarinnar í Reykjavík, FSR. er sameiginlegur vettvangur Samfylkingarfólks í Reykjavík og samstarfsvettvangur aðildarfélaga í Reykjavík skv. 2. kafla laga Samfylkingarinnar. FSR er sjálfstætt um eigin málefni og hefur sjálfstæðan fjárhag sé ekki á annan veg mælt fyrir um í lögum Samfylkingarinnar. Heimili FSR og varnarþing er í Reykjavík.

FSR fer með hlutverk og ber skyldur kjördæmisráða Reykjavíkurkjördæmanna beggja og fulltrúaráðs í sveitarfélaginu skv. 9. og 10. kafla laga Samfylkingarinnar og stendur fyrir framboði við alþingis- og borgarstjórnarkosningar. FSR beitir sér m.a. fyrir málefna- og stefnumótunarvinnu og samhæfingu kosningastarfs.

3. grein - Aðild og samstarf aðildarfélaga

Aðild að FSR eiga öll starfandi aðildarfélög Samfylkingarinnar sem eiga heimilisfesti í Reykjavík, hafa óskað aðildar og uppfylla skyldur aðildarfélaga skv. 3. kafla laga Samfylkingarinnar. 

FSR er samstarfsvettvangur félaganna í Reykjavík og beitir sér fyrir nánu samstarfi og samvinnu allra aðildarfélaga sinna.

Framkvæmdastjórn FSR hefur heimild til að ákvarða árgjöld á starfstíma sínum.

Í FSR eiga sæti fulltrúar allra starfandi aðildarfélaga í kjördæmunum, þingmenn Samfylkingarinnar í Reykjavík og borgarfulltrúar. Hvert aðildarfélag á rétt á einum fulltrúa í ráðinu fyrir hverja 10 aðalfélagsmenn sem lögheimili eiga í Reykjavíkurkjördæmunum og síðan til viðbótar einn fulltrúa fyrir brot úr þeirri tölu, sem þó sé eigi minna en 1/3. Félagi hefur aðeins kosningarétt og kjörgengi til Fulltrúaráðsins í því aðildarfélagi þar sem hann er aðalfélagi sbr. grein 3.11 í lögum Samfylkingarinnar. Til að ákvarða fulltrúafjölda hvers aðildarfélags skal miða við fjölda félagsmanna fjórum vikum fyrir reglulegan aðalfund. Aðildarfélög skila til framkvæmdastjórnar nöfn fulltrúa sinna í síðasta lagi tveimur vikum fyrir aðalfund. Aðildafélögum er heimilt að kjósa á ný sína fulltrúa á milli aðalfunda. Breytingar á fulltrúaskipan skal aðildarfélag tilkynna til skrifstofu Samfylkingarinnar. Breytingar sem tilkynntar eru innan tveggja vikna fyrir boðaðan aðalfund eða boðaðan almennan fund í fulltrúaráðinu taka þó ekki gildi fyrr en að hinum boðaða fundi loknum.

5. grein - Kjörgengi, kjör og hæfi fulltrúa

Rétt til að bjóða sig fram til Fulltrúaráðsins eiga þeir félagsmenn í aðildarfélögunum sem eiga lögheimili í Reykjavík. Aðal- og varafulltrúar skulu kjörnir á félagsfundi aðildarfélags. Fulltrúa er óheimilt að taka þátt í meðferð máls í Fulltrúaráðinu sem varðar sérstaka eða verulega hagsmuni hans eða honum nákominna. 

Fulltrúaráðið skal boðað til a.m.k. eins fundar árið milli aðalfunda en fundar að öðru leyti eins oft og þurfa þykir. Framkvæmdastjórn FSR boðar fundi Fulltrúaráðsins með tölvupósti og/eða skriflega með dagskrá með a.m.k. fjögurra vikna fyrirvara. Heimilt er að víkja frá þessum fresti og boða fund með auglýsingu auk tölvupóstsendinga, eigi aðalfundur ekki í hlut og brýnar aðstæður krefja. Skylt er að halda fund innan tveggja vikna ef minnst 20 aðalfulltrúar óska þess skriflega og tilgreina fundarefni.

Fundur Fulltrúaráðs er lögmætur sé hann réttilega boðaður.

Aðalfundur fulltrúaráðsins skal haldinn í september eða október annað hvert ár á oddatöluári. Aðalfund skal boða með tölvupósti og/eða skriflega með a.m.k. fjögurra vikna fyrirvara. Í fundarboði aðalfundar skal birta dagskrá fundarins og tillögur framkvæmdastjórnar um lagabreytingar ef einhverjar eru. Dagskrá aðalfundar FSR.

2.     Ársreikningar og árshlutareikningur þess árs sem aðalfundur er haldinn

4.     Skýrslur þingsveitar og borgarstjórnarflokks

c.     Kjör þriggja aðalmanna og fimm varamanna

7.     Kjör félagslegra skoðunarmanna

Fráfarandi framkvæmdastjórn FRSR gerir á aðalfundi um nýja framkvæmdastjórn Kynjahlutfall í framkvæmdastjórn skal vera í samræmi við lög Samfylkingarinnar hverju sinni.

Tillögur framkvæmdastjórnar Fulltrúaráðsins að lagabreytingum skal senda út með fundarboði aðalfundar. Aðrar tillögur um breytingar á lögum þessum skal senda framkvæmdastjórninni eigi síðar en 3 vikum fyrir boðaðan aðalfund. Framkvæmdastjórn skal birta allar lagabreytingartillögur á vef Samfylkingarinnar eigi síðar en tveimur vikum fyrir aðalfund. Um lagabreytingar skal hafa eina umræðu. Til lagabreytinga þarf minnst 2/3 hluta greiddra atkvæða.

Framkvæmdastjórn FSR er kjörin á aðalfundi og er hún skipuð fimm mönnum og jafn mörgum til vara. Formaður framkvæmdastjórnar og gjaldkeri skulu kjörnir sérstaklega á aðalfundi Fulltrúaráðsins en að öðru leyti skiptir framkvæmdastjórnin með sér verkum.

Formenn aðildarfélaga, fulltrúi þingsveitar Samfylkingarinnar í Reykjavík og fulltrúi borgarstjórnarflokks skulu boðaðir á alla fundi framkvæmdastjórnar og eiga seturétt á fundum hennar með málfrelsi og tillögurétti, eða varamenn í forföllum þeirra.

10. grein - Hlutverk og fundir framkvæmdastjórnar

Framkvæmdastjórn ber ábyrgð á rekstri og fjárreiðum Fulltrúaráðs í umboði ráðsins og stýrir störfum þess á milli funda. Formaður boðar framkvæmdastjórnarfundi og allsherjarfundi Samfylkingarfélaganna í Reykjavík sbr. 13.-14. grein og stýrir þeim, en er heimilt að skipa varafundarstjóra. Komi formaður ekki til boðaðs fundar skal varaformaður stýra fundinum. Mæti hvorugur skal kosinn sérstakur fundarstjóri. Gjaldkeri annast fjárreiður Fulltrúaráðsins og er ábyrgur fyrir sjóðum þess. Á fyrsta fundi nýrrar framkvæmdastjórnar skal kjörinn varaformaður og ritari. Ritari færir fundargerðir, gætir á aðgengilegan hátt allra bréfa til og frá Fulltrúaráðinu og gætir skjala annarra en þeirra, er heyra undir gjaldkera. Í hans vörslu skulu vera gjörðabækur, sem ráðum og nefndum er skylt að halda. Sé ritari forfallaður skal skipa fundarritara í hans stað. Við upphaf fundar skal ritari bera upp fundargerð næstliðins fundar til samþykktar. Framkvæmdastjórn er ekki heimilt að skuldbinda Fulltrúaráðið fjárhagslega nema fyrir liggi samþykki meirihluta framkvæmdastjórnar. Fundur framkvæmdastjórnar er lögmætur ef meirihluti stjórnarinnar mætir til fundar. Framkvæmdastjórn skal gefa flokksstjórn Samfylkingarinnar árlega skýrslu um starfsemi Fulltrúaráðsins. 

11. grein - Allsherjarfundur Samfylkingarfélaganna í Reykjavík

Allsherjarfundur er sameiginlegur félagsfundur allra aðildarfélaga Samfylkingarinnar í Reykjavík. Rétt til setu á allsherjarfundi með málfrelsi, tillögu- og atkvæðisrétti eiga allir fullgildir félagsmenn aðildarfélaganna sem lögheimili eiga í Reykjavíkurkjördæmunum 1. janúar næstliðins skv. félagaskrám þeirra.

12. grein - Hlutverk og boðun allsherjarfundar

Allsherjarfundur afgreiðir tillögu um meirihlutasamstarf í Reykjavík sbr. grein 3.15 í lögum Samfylkingarinnar. Fulltrúaráðið getur einnig samþykkt að fela framkvæmdastjórn Fulltrúaráðsins að boða til allsherjarfundar allra aðildarfélaga Samfylkingarinnar í samstarfi við stjórnir þeirra til að afgreiða tiltekin sameiginleg mál aðildarfélaganna. Skylt er að boða til allsherjarfundar innan viku ef minnst 1% félagsmanna aðildarfélaga óska eftir því skriflega og tiltaka fundarefni. Framkvæmdastjórn skal boða allsherjarfund með dagskrá með auglýsingum auk boðunar með tölvupósti eða sms-skilaboðum með þriggja sólarhringa fyrirvara. Heimilt er að stytta fyrirvara boðunar niður í 24 klukkustundir ef brýna nauðsyn ber til að mati framkvæmdastjórnar Fulltrúaráðsins. 

Fulltrúaráð getur skipað ráð og nefndir sem sinna skilgreindum verkefnum. Ráð og nefndir hafa ekki sjálfstæðan fjárhag, heldur heyra fjármál þeirra undir gjaldkera Fulltrúaráðsins. Kynjahlutfall í ráðum og nefndum skal vera í samræmi við lög Samfylkingarinnar.

Einfaldur meirihluti ræður úrslitum í sérhverju máli innan Fulltrúaráðsins, framkvæmdastjórnar, ráða og nefnda og á allsherjarfundum, nema annað sé tilgreint í lögum þessum. Falli atkvæði jöfn í framkvæmdastjórn ræður atkvæði formanns. Framkvæmdastjórn Fulltrúaráðsins eða meirihluti Fulltrúaráðsins geta kallað eftir ráðgefandi atkvæðagreiðslu allra reykvískra félagsmanna í aðildarfélögunum um tiltekið málefni. 10% allra reykvískra félagsmanna í aðildarfélögunum geta knúið fram ráðgefandi atkvæðagreiðslu um tiltekna afgreiðslu Fulltrúaráðsins, skrifi þeir undir kröfu þess efnis. Kröfuna ber að senda framkvæmdastjórn innan mánaðar frá viðkomandi afgreiðslu Fulltrúaráðsins. Framkvæmdastjórn ákveður fyrirkomulag atkvæðagreiðslna.

Fulltrúaráð kýs 10 aðalfulltrúa og 6 varafulltrúa í flokksstjórn Samfylkingarinnar til tveggja ára í senn skv. 9. kafla laga Samfylkingarinnar. Atkvæðaseðill er eigi gildur nema kosin sé full tala.

Meðan sú skipan helst að Reykjavík er tvö kjördæmi kemur Fulltrúaráð Samfylkingarinnar í Reykjavík fram sem kjördæmisráð beggja kjördæmanna, óháð búsetu félagsmanna og fulltrúanna innan Reykjavíkur. Það skal í störfum sínum skoða Reykjavík sem eina heild. Val á framboðslista beggja kjördæmanna skv. 17. grein skal óháð búsetu félagsmanna og stuðningsmanna innan Reykjavíkur. 

17. grein - Val frambjóðenda á framboðslista

Fulltrúaráðið ákveður framkvæmd og fyrirkomulag röðunar á framboðslista Samfylkingarinnar í Reykjavík við alþingis- og borgarstjórnarkosningar í samræmi við reglur sem flokksstjórn Samfylkingarinnar setur.  Stjórn FSR starfar sem uppstillingarnefnd nema að fundur Fulltrúaráðsins ákveði annað. Ákvarðanir um framkvæmd og fyrirkomulag, skulu að jafnaði liggja fyrir eigi síðar en fjórum mánuðum fyrir kjördag. Val á framboðslista skal fara fram samtímis í kjördæmunum tveimur. Allsherjarfundur staðfestir frambjóðendur og röð þeirra á framboðslistum Samfylkingarinnar í Reykjavík við alþingis- og borgarstjórnarkosningar að fenginni tillögu uppstillingarnefndar. Kynjahlutfall á framboðslistum skal vera í samræmi við lög Samfylkingarinnar.

Að öðru leyti en því sem kveður á um í lögum þessum fer skv. lögum Samfylkingarinnar.

Samþykkt á aðalfundi FRSR 31. janúar 2012 og með breytingum á aðalfundi FRSR 7. október 2013 og breytingum 2. sept. 2019.

Lög Fulltrúaráðs Samfylkingarinnar í Reykjavík, FSR 

Við viljum tala skýrt og gefa kjósendum tækifæri til að kynna sér forgangsröðun Samfylkingarinnar í mikilvægum málaflokkum. Áhersluatriðin byggja að sjálfsögðu á traustum grunni jafnaðarstefnunnar en í þeim felst loforð um hvaða verkefni við viljum setja í forgang á næstu kjörtímabilum. 

Gott og greitt aðgengi að nauðsynlegri heilbrigðisþjónustu er lykillinn að bættri lýðheilsu. Þess vegna er það höfuðmarkmið okkar að innan áratugar hafi öll sem hér búa heimilislækni eða skilgreint teymi sem hægt er að leita til á næstu heilsugæslustöð. Á fyrsta kjörtímabilinu viljum við setja 60 ára og eldri og langveika í forgang. 

Þessi sjálfsagða aðgerð mun skila sér í öruggum og greiðum samskiptum borgaranna við heilsugæsluna, sem alltaf á að vera fyrsti viðkomustaður okkar í heilbrigðiskerfinu. Aðeins helmingur fólks á Íslandi hefur fastan heimilislækni en sambærilegt hlutfall í Noregi er 95%. Rannsóknir sýna að þau sem ekki hafa heimilislækni eru 30% líklegri til að þarfnast innlagnar á sjúkrahús. Varla þarf að taka fram hversu miklu máli það skiptir að veita rétta heilbrigðisþjónustu á réttum stað í kerfinu út frá sjónarmiðum hagkvæmni og tímasparnaðar.

Þjónustu við aldraða er annar lykilþáttur í tillögum Samfylkingarinnar. Mikill skortur er á hjúkrunarrýmum og fjármagn til heimahjúkrunar hefur haldist óbreytt sem hlutfall af landsframleiðslu frá árinu 2009. Hér bíða okkar brýn verkefni sem ríkisstjórnir síðustu tíu ára hafa hreinlega ekki ráðið við þótt öll séum við væntanlega meðvituð um hækkandi lífaldur þjóðarinnar. 

Við viljum að sjálfsögðu að fólki um allt land sé tryggt öruggt aðgengi að heilbrigðisþjónustunni í heimabyggð. En það þarf líka að styrkja sjúkraflutninga og verja hærri upphæðum til að niðurgreiða ferðakostnað þeirra sem þurfa að sækja þjónustu fjarri heimabyggð. Það segir sig sjálft að fjölskyldur geta ekki tekið á sig ítrekað vinnu- og tekjutap til dæmis vegna langvinnra veikinda. 

Allir hlutar heilbrigðiskerfisins þurfa að vinna vel saman, allt frá heilsugæslu til bráðaþjónustu. Samfylkingin teflir fram skýrri heildarsýn á velferðarsamfélagið og hefur hugrekki til að segja við kjósendur að verja þurfi stærra hlutfalli af vergri landsframleiðslu til heilbrigðis- og öldrunarþjónustu. Við viljum hækka hlutfallið um 1 til 1,5% á átta árum. Það er eðlileg hækkun sem skilar betri þjónustu og bættri heilsu. Þetta gerum við án þess að hækka skatta á venjulegt launafólk en með því að draga úr misræmi skattlagningar fjármagns- og launatekna og tryggja að arður af nýtingu sameiginlegra auðlinda okkar nýtist í þágu alls samfélagsins.

Greinin birtist í Morgunblaðinu sunnudaginn 8. okt. 2023.  

Samfylkingin kynnti á dögunum fimm þjóðarmarkmið í heilbrigðis- og öldrunarþjónustu. 

Samfylkingin í Árborg og nágrenni stendur fyrir opnum fundum í Samfylkingarsalnum að Eyravegi 15 á Selfossi kl 11:00 annan hvern laugardag fram að jólafríi. 

Næsta laugardagskaffi Samfylkingarinnar verður laugardag 21. október kl. 11:00.

Rædd verður vinna að aðgerðaáætlun Samfylkingarinnar um Vaxtarplan fyrir Ísland, sem kynnt var á fundi flokksstjórnar á Akureyri. Einnig förum við yfir stefnumótun og starfsáætlun okkar á næstu vikum.

Kaffi og meðlæti.
Fundirnir eru öllum opnir og félagsfólk er hvatt til að taka virkan þátt.

Milljón manns hefur verið gert að rýma norðurhluta Gaza svo að Ísraelsher geti gengið á milli bols og höfuðs á hryðjuverkamönnum Hamas. 

Vígamenn Hamas frömdu skelfileg hryðjuverk innan landamæra Ísraels 7. október sl. Árás sem á engan sinn líka í sögu Ísraelsríkis; fjöldamorð voru framin og fólk tekið í gíslingu. Engum var eirt, hvorki börnum né gamalmennum. Manni rennur kalt vatn á milli skinns og hörunds við að heyra lýsingar á voðaverkunum. Ekkert getur afsakað þau. 

Íbúar Gaza eru rúmlega 2 milljónir talsins. Tæplega helmingur þeirra er börn og ungmenni yngri en 19 ára. Þau þekkja lítið annað en skort og fátækt, ofbeldi og loftárásir. Nú eru þau lögð á flótta og enginn veit hvar eigi að hýsa þau eða hver ætli að gefa þeim að borða. Það er ekkert minna en katastrófa sem minnir óþægilega mikið á Nakba, flótta Palestínumanna frá heimkynnum sínum árið 1947. 

Smáríkið Ísland lék lykilhlutverk á fundi Sameinuðu þjóðanna 1948 þegar uppskipting Palestínu og Ísraels var ákveðin. Ísland var einnig fyrsta vestræna lýðræðisríkið sem viðurkenndi sjálfstæði og fullveldi Palestínu með samþykkt Alþingið árið 2011. Við berum því bæði pólitíska og siðferðilega ábyrgð gagnvart Ísrael og Palestínu. 

Ísrael og Gaza hafa verið í klóm pólitískra öfgaafla um langt skeið. Benjamín Netanyahu leiðir ríkisstjórn í Ísrael sem er samansafn hægri öfgamanna sem reiðir sig á stuðning bókstafstrúaðra gyðinga. Það fólk hefur lítinn sem engan áhuga á því að styðja tveggja ríkja lausnina en hefur einbeitt sér að því að gefa ofbeldisfullu landránsfólki lausan tauminn, auk þess að grafa undan réttarríkinu með fyrirætlunum um veikingu dómstóla. Sem betur fer hefur almenningur í Ísrael mótmælt þeim áformum með aðdáunarverðum þrótti á liðnu ári. Hamas eru systursamtök Hezbollah í Líbanon og njóta hernaðarstuðnings og velþóknunar klerkaveldisins í Íran. Kosningar hafa ekki verið haldnar á heimastjórnarsvæðum Palestínu frá árinu 2006. 

Lýðræði og friði stafar mikil hætta af öfgahreyfingum sem þessum og ég fullyrði að þær þjóna ekki sameiginlegum hagsmunum þess fólks sem byggir Ísrael og Palestínu. 

Samfylkingin fordæmir stríðsglæpi Hamas og Ísraelshers og skorar á ríkisstjórn Íslands að beita sér fyrir því á alþjóðlegum vettvangi að tryggja nauðsynlega mannúðaraðstoð til almennra borgara, tafarlaust vopnahlé og að þrýst verði á Ísrael að fylgja alþjóðalögum og binda enda á aðskilnaðarstefnu undanfarinna áratuga. Öfgar og illska með tilheyrandi grimmd og blóðsúthellingum leysa engan vanda og stuðla sannarlega ekki að friði.

Greinin birtist í Morgnblaðinu 17. október 2023. 

Þegar þessi orð eru rituð er allsherjarinnrás Ísraelshers á Gaza ströndina yfirvofandi. 

Það ríkir ófremdarástand í fangelsismálum hér á landi. Ástand sem OPCAT-eftirlit umboðsmanns Alþingis með stöðum þar sem frelsissviptir dvelja ber vitni um ásamt stjórnsýsluúttekt Ríkisendurskoðunar á Fangelsismálastofnun. Niðurstöðurnar eru sláandi. Þetta ástand er á ábyrgð stjórnvalda, þeirra ríkisstjórna sem setið hafa undanfarin tíu ár, en allan þann tíma hefur Sjálfstæðisflokkurinn farið með dómsmálaráðuneytið. Ítrekaðar ábendingar umboðsmanns, Afstöðu, Fangavarðafélagsins, Rótarinnar og aðstandenda fanga virðast lítil áhrif hafa á ráðherrana sem ábyrgð bera á fullnustukerfinu.
 
 Við blasir vanfjármögnun og vanræksla. Róður Fangelsismálastofnunar er þungur en segja má að fjárskortur stofnunarinnar hafi keðjuverkandi áhrif. Ástandið á Litla-Hrauni er til skammar og engum bjóðandi. Að telja aðbúnað fanga þar stuðla að betrun og mannrækt eru í besta falli öfugmæli. Aðstaðan sem veitt er til fjölskylduheimsókna er dapurlegur vitnisburður um hvað við teljum börnum bjóðandi.
 
 Endurbóta- og viðhaldsþörf fangelsa er mikil. Húsnæði Litla-Hrauns er hálfónýtt en stærsta byggingin þar er talin það illa farin að það ógni heilsu fanga og starfsfólks. Starfsemin þar uppfyllir aðeins að hluta nútímakröfur sem gerðar eru um öryggi og endurhæfingu í fangelsum, sem gerir það að verkum að ofbeldis- og fíkniefnamál eru viðvarandi vandamál. Menntun og starfsþjálfun fangavarða er brotakennd.
 
 Undirmönnun er á flestum sviðum Fangelsismálastofnunar sem leiðir til þess að ekki er fullnýting á afplánunarrýmum. Það vantar 18 ársverk fangavarða og 10 sérfræðinga til að uppfylla öryggiskröfur og aðrar kröfur um aðbúnað fanga. Illa gengur að stytta boðunarlista og er því nokkuð um að dómar fyrnist þar sem of langt líður á milli dóms og afplánunar. Ofbeldisdómar fyrnast. Það er þannig ekki unnt að treysta því að niðurstöðum dómstóla landsins um afplánun sé í raun fylgt eftir.
 
 Staða kvenna í fangelsum er ólíðandi. Ekki eru til sérstök vistunarúrræði fyrir konur og er konum sem ekki komast að í opnu úrræði gert að afplána dóma sína í öryggisfangelsi sem ekki er hannað til langrar fangavistar. Þetta er vafasöm framkvæmd enda hafa þær fæstar framið alvarleg ofbeldisbrot. Þær hafa skertara aðgengi að störfum, virkni og endurhæfingu en karlkyns fangar.  Umboðsmaður Alþingis fjallaði um aðbúnað aðstæður kvenna í fangelsum í skýrslu sumarið 2023.   
 
 Við afgreiðslu fjárlagafrumvarpsins lagði Samfylkingin til að fjárlaganefnd gerði þverpólitíska tillögu um nauðsynlega fjármögnun úrbóta í fangelsismálum. Stjórnarflokkarnir studdu það ekki. Það vekur furðu í ljósi stöðunnar en er vissulega tímanna tákn og segir sögu af erindisleysi ríkisstjórnarinnar.

Greinin birtist í Morgunblaðinu 13. janúar 2024. 

Við gerð fjárhagsáætlunar hækkuðu mörg stærri sveitarfélögin almennar gjaldskrár sínar umtalsvert á nýju ári, enda hafa verðbólga og hátt vaxtastig valdið sveitarfélögum eins og öðrum miklum vanda. Nokkur þessara sveitarfélaga hafa nú aðeins dregið í land og hyggjast endurskoða þá hækkun sem er innlegg þeirra sveitarfélaga í kjarasamningsviðræður aðila vinnumarkaðarins sem nú standa yfir enda mikilvægt að allir leggi sitt af mörkum í baráttunni við verðbólguna og vextina.

Skólamáltíðir hækka um tugi prósenta

Við gerð fjárhagsáætlunar 2024 ákvað meirihluti Framsóknar- og Sjálfstæðisflokks í Hafnarfirði að gjaldskrár myndu hækka um 9,9% frá áramótum. Og sem dæmi má nefna að leikskólagjöldin hækka um 9,9%. En matarkostnaður í leikskólum hækkaði um heil 19% líka. Í grunnskólanum var sömu sögu að segja af matarkostnaði nema þar nam hækkunin heilum 33%. Meirihluti Framsóknar- og Sjálfstæðisflokks tók nefnilega ákvörðun um hækka ekki kostnaðarhlutdeild bæjarins í matarkostnaði leik- og grunnskólabarna þegar gjaldskrá Skólamatar hækkaði um 33%. Þetta gerðis meirihlutinn þrátt fyrir háfleyg orð í málefnasamningi meirihlutans um að markviss skref verði tekin á kjörtímabilinu í átt að gjaldfrjálsum skólamat. Meirihlutinn bætti svo um betur þegar hann felldi tillögu Samfylkingarinnar við afgreiðslu fjárhagsáætlunar um að hlutdeild bæjarins myndi hækka upp í 50% frá og með áramótum til þess að verja fjölskyldur í bænum fyrir þessari miklu hækkun.

Hætta á að mörg börn fari á mis við skólamáltíðir

Að sjálfsögðu ættu skólamáltíðir að vera endurgjaldslausar en ef það er óskhyggja í mér þá hefði meirihluti Framsóknar- og Sjálfstæðisflokks a.m.k. átt að samþykkja tillögu okkar jafnaðarfólks og hækka kostnaðarhlutdeild bæjarins í skólamáltíðum svo hækkunin komi ekki niður á börnum og heilsu þeirra til framtíðar. Einfaldlega vegna þess að skólamáltíðir eru lýðheilsumál og væri eðlilegast að taka þær sérstaklega út fyrir sviga í gjaldskrárhækkunum á þjónustu. Því miður er líklegt að þessi bratta hækkun á skólamat í leik- og grunnskólum Hafnarfjarðar muni leiða til þess að mörg heimili hafi einfaldlega ekki efni á því að greiða hærri upphæðir fyrir skólamáltíðir. Slíkt getur leitt til þess að mörg börn fái ekki þá næringu sem þau þurfa.

Það er alvarlegt lýðheilsumál að ákveðinn hópur barna fái færri tækifæri til þroska og heilsu vegna efnahags heimilisins. Það er alvarlegt mál að börn fái ekki góða næringu og til lengri tíma litið fer þetta að bitna á heilsu og þroska þessara barna. Því er það nokkuð ljóst að þessi kostnaður mun lenda annars staðar í kerfinu eftir nokkur ár. Því tel ég einsýnt að Hafnarfjarðarbær verði að endurskoða gjaldskrárhækkanir fyrir skólamáltíðir og minni á að hér er um lýðheilsumál að ræða.

Greinin birtist á visi.is 16. janúar 2024. 

Lýðheilsuógnandi gjaldskrárhækkanir?

Hún var sannarlega tilkomumikil 4 kílómetra gossprungan með háum eldtungunum sem sáust vel til allra átta.

Hættumat útilokar ekki að gosopnun verði án fyrirvara í Grindavíkurbæ og Grindvíkingar búa enn við óvissuna. Þó erfitt sé að spá um hvað næstu dagar bera í skauti sér og ýmsir bæði leiknir og lærðir hafi samt á því sterkar skoðanir, þá farnast okkur best þegar við hlustum á okkar færasta fólk. Það er sameiginleg niðurstaða Veðurstofunnar, almannavarna og lögreglu eftir greiningu gagna að enginn eigi að vera í Grindavík við þessar aðstæður. Og alls ekki megi ganga að gosstöðvunum.

Þegar búið er við neyðarástand líkt og Grindvíkingar gera má búast við að því fylgi tilfinningalegt rót. Þetta er í raun ólýsanlegt áfall sem þau ganga þurfa að ganga í gegnum. Við erum öll vanmáttug gagnvart slíkum ógnarkröftum jarðar. Óvissan og óöryggið tekur á og það er mikilvægt að Grindvíkingar hugi að líðan sinni og þeirra sem næst þeim standa. Það þarf einnig að huga að líðan lykilfólks í almannavörnum, björgunarsveit, lögreglu og þeirra sem vakta mikilvæga innviði. Þau þurfa afleysingu og hvíld þegar atburðir dragast á langinn. 

Grindvíkingar þurfa aðstoð okkar allra. Mest aðkallandi er að finna húsnæði þar sem þau geta búið sér heimili og komið sem mestu jafnvægi á heimilislíf. Það er ekki síst mikilvægt fyrir börnin. Það er einnig krefjandi því fyrir er húsnæðisvandi í landinu. 

Fjárhagsáhyggjum þarf að létta af Grindvíkingum. Bankar og lífeyrissjóðir hafa fryst húsnæðislán og bankarnir fellt niður vexti og verðbætur á sama tíma. Það hafa lífeyrissjóðir hins vegar ekki gert. Það gengur alls ekki að skilja þau 100 heimili eftir sem eru með lífeyrissjóðslán, ef lífeyrissjóðirnir vilja ekki eða telja sig ekki geta farið sömu leið og bankarnir. Það kemur í ljós á nýju ári og þá verður Alþingi að fylgja málinu eftir.

Við alþingismenn eigum að gera allt sem í okkar valdi stendur til að létta óþarfa áhyggjum af Grindvíkingum – nægar eru þær samt. Við erum í miðjum storminum og vitum ekki hvernig þessir atburðir enda en Grindvíkingar þurfa að  vita að þjóðin stendur með þeim í gegnum storminn.

Ég hef hvatt til þverpólitísks samtals um aðgerðir hvort sem þær eru efnahagslegar eða félagslegar, varði vinnumarkaðinn, fyrirtækin eða heimili Grindvíkinga. Verðmætin eru ekki aðeins í hlutum, fasteignum og fyrirtækjum heldur ekki síður í fólkinu sjálfu, listum og menningu ásamt andlegri og líkamlegri heilsu þeirra.

Samhjálp og samstaða með þeim sem á þurfa að halda eru einkenni góðs samfélags. 

Greinin birtist í Morgunblaðinu 21. desember 2023. 

„Amma, það er eitthvað rosalegt að gerast við Grindavíkurveginn“ sagði elsta barnabarnið mitt sem var á Reykjanesbrautinni þegar gosið við Sundhnjúkagíga hófst nú á mánudagskvöldið. 

Við heyrum höfunda lesa úr nýjum bókum:
Vilborg Davíðsdóttir–Land næturinnar
Magnús Jochum Pálsson–Mannakjöt
Sigmundur Ernir Rúnarsson–Í stríði og friði fréttamennskunnar

Við gæðum okkur á glögg, gosvatni, kaffi og piparkökum, spjöllum saman og syngjum kannski eitt eða tvö jólalög. Jólaboðskapinn flytur Kristrún formaður, og Siggeir Ævarsson formaður Grindavíkurfélagsins segir okkur nýjustu tíðindi af afleiðingum náttúruhamfarana á Reykjanesskaga.

Hlökkum til að sjá ykkur – allt Samfylkingarfólk í Reykjavík velkomið.  

Sérstakir heiðursgestir erufélagar frá Grindavík.

Við fögnum komandi hátíðum með jólagleði SffR þriðjudaginn 12. desember kl. 19.30 á Hallveigarstöðum (ekki Hallveigarstíg), Kvennaheimilinu við Túngötu og Garðastræti, neðstu hæð.

Leit um „��“

2328 niðurstöður fundust við leit að „��“

Póstlisti Samfylkingarinnar

Samfylkingin

Flokkurinn

Flýtileiðir

Vertu í bandi:

Leit um „���������������������������“