Í þetta skipti verður um sameiginlegan aðalfund fyrir bæði Samfylkinginu í Kópavogi og húsfélag Samfylkingarinnar Hlíðarsmára 9. Verður fundurinn haldinn rafrænn og hérna er linkur á fundinn: https://zoom.us/j/94060281322

Samkvæmt lið 4.7 í samþykktum Samfylkingarinnar í Kópavogi skal aðalfundur hafa eftirtalda fasta liði:
1. Kjör fundarstjóra og fundarritara
2. Skýrsla stjórnar og nefnda fyrir liðið starfsár eftir því sem við á
3. Áritaðir reikningar fyrra árs lagðir fram til umræðu og samþykktar
4. Breytingar á samþykktum
5. Kjör stjórnar
6. Kjör félagslegra skoðunarmanna reikninga
7. Kjör uppstillinganefndar
8. Kjör í nefndir og ráð á vegum félagsins
9. Önnur mál.

Hér má nálgast samþykktir félagsins.

Viljir þú leggja fram tillögu fyrir aðalfund eða gefa kost á þér til stjórnarsetu má senda póst á betrikopavogur@gmail.com.

Allir félagsmenn Samfylkingarinnar í Kópavogi hafa rétt til fundarsetu á báðum þessum fundum.


Aðalfundur Samfylkingarinnar í Kópavogi, auk húsfélagsins

Þriðjudaginn 9. mars klukkan 20:00 verður Samfylkingin í Reykjanesbæ með opinn fund með þingmönnum Samfylkingarinnar þeim Oddnýju Harðardóttur og Loga Einarssyni, formanni Samfylkingarinnar, í Duus safnahúsum.

Fundinum verður stýrt af Friðjóni Einarssyni, oddvita Samfylkingarinnar í Reykjanesbæ. Þingmennirnir munu fara yfir aðgerðir og skort á aðgerðum í heimsfaraldri og skrefin sem eru framundan. Þá þarf að huga sérstaklega að fjölgun starfa á Suðurnesjum, HSS, uppbyggingu innviða ferðaþjónustunnar og hækkun atvinnuleysisbóta.

Við hlökkum til að eiga samtal við ykkur um þessi mál í persónu!

- Athugið -
Sóttvarnarreglum verður fylgt gaumgæfilega og fjöldatakmarkanir verða virtar.

Þingmennirnir Guðjón S. Brjánsson, Oddný Harðardóttir og Helga Vala Helgadóttir munu verða á staðnum og ætla að ræða um stöðuna í stjórnmálunum og þau málefni sem snúa helst að íbúum Akraness eins og atvinnumál, samgöngumál og fleira.

Við minnum fólk á að koma með grímur og virða sóttvarnarreglur. Ekki geta verið fleiri en 50 manns á fundinum.

Verið öll hjartanlega velkomin á opinn fund í Gamla Kaupfélaginu 25. febrúar kl. 17:30.

Ágætu félagar í 60+

Fyrsti miðvikudagfundur 60+ verður haldinn í Sóltúni 26 miðvikudaginn 3. mars kl. 10 - 12. 


Gestir okkar verða þeir Viðar Eggertsson sem er í þriðja sæti á framboðslista í Reykjavík suður og Finnur Birgisson sem er í sjötta sæti á lista í Reykjavík norður.  


Viðar er kunnur sem leikari og leikhússtjóri Útvarpsleikhússins.  Hann er líka skrifstofustjóri hjá Landssambandi eldri borgara og hefur vakið athygli með blaðaskrifum um kjör eldra fólks. 


Finn þarf ekki að kynna fyrir félögum í 60+ en hann hefur í mörg ár fjallað um lífeyrismálin bæði innan flokksins og í blöðum.  


Annars munu þeir Viðar og Finnur kynna frekar áherslur sínar nú og þegar kosningabaráttan fer á flug í haust.

Fundurinn verður haldinn með rafrænum hætti og ættu allir sem eru skráðir félagar á svæðinu að hafa fengið tölvupóst um fundinn ásamt hlekk sem veitir aðgang að honum. 

Dagskrá:

Setning kjördæmisfundar, Guðrún Vala Elísdóttir formaður kjördæmisráðs  í Norðvesturkjördæmi.

Ávarp formanns Samfylkingarinnar, Loga Einarssonar.

Aðferð um val á framboðslista fyrir Alþingiskosningar 2021 (tillögu stjórnar má sjá neðar í póstinum). 

Kosning kjörstjórnar fyrir kjödæmisþing.  

Kosning uppstillingarnefndar, sem munu sjá um framkvæmd röðunnar á lista. 

Fundur kjördæmisráðs Norðvesturkjördæmis

Í síðustu viku var sent út sóknarátak í heimabanka allra skráðra flokksfélga og stuðningsmanna. Krafan er valkvæð og sé hún ógreidd fellur hún sjálfkrafa niður 4. júní. 

Viljir þú skrá þig úr flokknum er hægt að gera það með einföldum hætti hér, það sem þú þarft að gera er að velja afskráning og vera með rafræn skilríki eða Íslykil. 

Öll með skráð netfang í félagaskrá flokksins á að hafa borist eftirfarandi bréf í tölvupósti. 

Við Íslendingar stöndum á tímamótum sem samfélag og erum að ganga í gegnum alvarlega efnahagskreppu vegna heimsfaraldurs. Við í Samfylkingunni leggjum mikla áherslu á að byrðum vegna hennar verði deilt með jafnari hætti en raun ber vitni. Stórir hópar á atvinnumarkaðnum hafa orðið fyrir miklu áfalli og fátt lítið sem grípur þau, þetta þarf að laga og við hjá Samfylkingunni erum tilbúin í það verkefni. 
Við höfum lagt fram tillögur, á þingi og í sveitarstjórnum, sem koma mun betur til móts við þá sem harðast hafa orðið úti vegna veirunnar en þau úrræði sem standa þeim nú til boða. Tillögur um hækkaðar atvinnuleysisbætur og sérstakan stuðning við viðkvæma hópa og lagt fram efnahagsáætlun okkar sem við kynntum fyrir áramót og köllum Ábyrgu leiðina.
Við viljum styrkja græna efnahagslega viðspyrnu sem gagnast almennu launafólki, og bæta kjör venjulegs vinnandi fjölskyldufólks.
Við viljum vinna með samtökum launafólks og verkalýðshreyfingunni.
Við viljum vinda ofan af misskiptingu og ranglæti í samfélaginu, svo sem með því að almenningur fái sanngjarnan arð af auðlindunum.
Við viljum vera í fararbroddi í baráttunni gegn loftslagsbreytingum og hraða orkuskiptum í samvinnu við verkalýðshreyfinguna, atvinnurekendur og almenning – án þess að þeir lægst launuðu í samfélaginu þurfi að taka á sig óhóflegar byrðar.
Alþingiskosningar verða í lok september á þessu ári. Við finnum að jafnaðarmenn eru að sækja í sig veðrið, stuðningur við okkur fer vaxandi. Sterkir framboðslistar verða kynntir á næstu vikum og mánuðum og við erum ákveðin í að vinna góðan sigur, en mestu máli skiptir að við fáum ríkisstjórn jöfnuðar og réttlætis. Miklu skiptir að Samfylkingin verði forystuafl í myndun næstu ríkisstjórnar.

Nú leitum við til þín, kæri félagi, með bón um að þú takir þátt í þessari vegferð með okkur. Þú getur gert það núna með hóflegu fjárframlagi, 3.000 kr. sem þú getur greitt í heimabankanum en þar bíður þín greiðsluseðill frá Samfylkingunni. Af þínu framlagi renna 2.000 kr. til þíns kjördæmisráðs og 1.000 kr. til flokksins. Krafan er valkvæð og sé hún ógreidd fellur hún sjálfkrafa niður 4. júní. 

Með baráttukveðjum,
Logi, Heiða og Kjartan.

 

Nú leitum við til þín, kæri félagi, með bón um að þú aðstoðir okkur vegferð jafnaðarstefnunni. Þú getur gert það núna með hóflegu fjárframlagi, 3.000 kr. sem þú getur greitt í heimabankanum en þar bíður þín greiðsluseðill frá Samfylkingunni. 

Þetta er nýr veru­leiki fyrir okk­ur. Í fyrsta skipti síðan mæl­ingar hófust er atvinnu­leysi meira hér en á hinum Norð­ur­lönd­un­um. Nið­ur­stöður spurn­inga­könn­unar sem var lögð fyrir félags­menn ASÍ og BSRB í des­em­ber gefa til kynna að helm­ingur atvinnu­lausra eigi erfitt með að ná endum saman og meiri­hluti þeirra hafi neitað sér um heil­brigð­is­þjón­ustu vegna fjár­hags und­an­farna mán­uði. Ef ekki er gripið strax til mark­vissra aðgerða er hætt við því að afleið­ing­arnar verði var­an­leg­ar: ójöfn­uður og lag­skipt­ing á vinnu­mark­aði auk­ist og fátækt og félags­leg vanda­mál af áður óþekktri stærð fest­ist í sessi. 

Atvinnu­leys­is­flóð­bylgjan var ekki bara afleið­ing af heims­far­aldri og nauð­syn­legum sótt­varn­ar­að­gerðum heldur skrif­ast hún líka á hæga­gang og ráða­leysi rík­is­stjórn­ar­innar í efna­hags- og atvinnu­mál­um. Opin­ber fjár­fest­ing hefur dreg­ist umtals­vert saman í kór­ónu­krepp­unni og ólíkt snörpum við­brögðum víða í Evr­ópu voru íslensk fyr­ir­tæki látin bíða mán­uðum saman eftir rík­is­á­byrgð­ar­lánum og rekstr­ar­styrkj­um. Hluta­bóta­leiðin reynd­ist vel í fyrstu en var eyðilögð með hertum skil­yrðum síðla sum­ars um leið og eig­endum fyr­ir­tækja voru greiddir rík­is­styrkir til að segja upp starfs­fólki. Afleið­ingin er sú að langtum lægra hlut­fall vinnu­afls á Íslandi hefur verið á hluta­bótum und­an­farna mán­uði heldur en víð­ast hvar í Vest­ur­-­Evr­ópu. Kreppan á Íslandi varð þannig dýpri en hún hefði þurft að vera og atvinnu­leysið meira. 

Það er á svona tímum sem höf­uð­máli skiptir hvaða stjórn­mála­öfl eru við völd og hvaða stefna ræður för. Allir flokkar segj­ast vilja binda enda á fjölda­at­vinnu­leysið en færri eru reiðu­búnir að gera það sem raun­veru­lega þarf til að skapa fjöl­breytt atvinnu­tæki­færi í einka­geir­anum og hjá hinu opin­bera. Sá stjórn­mála­flokkur sem fer með mál­efni iðn­aðar og nýsköp­unar og yfir­stjórn opin­berra fjár­mála í rík­is­stjórn Íslands hefur bitið í sig að opin­bert fé eigi fyrst og fremst að elta og spegla mark­aðs­hegðun einka­fjár­festa; ann­ars sé ríkið að drýgja þá höf­uð­synd að „velja sig­ur­veg­ara“, ákveða hvaða greinar skuli vaxa og hverjar ekki – sem er að vísu einmitt það sem var gert með íviln­unum til stór­iðju og rík­is­tryggðri banka­út­rás á árunum fyrir hrun og tíðkast enn á hverjum degi með stuðn­ingi við land­búnað í formi tolla á erlenda sam­keppni og stuðn­ingi við útgerð­ar­fyr­ir­tæki með úthlutun kvóta undir mark­aðs­verð­i. 

En ef ein­hvern tím­ann var ástæða til að setja háleit mark­mið um hvert atvinnu­lífið skuli stefna, þá er það núna á tímum neyð­ar­á­stands í lofts­lags­málum og hraðrar sjálf­virkni­væð­ing­ar. Hvar­vetna í nágranna­lönd­unum sjáum við dæmi um þetta. Nýlega kynnti rík­is­stjórn Nor­egs tug­millj­arða átak í föngun og flutn­ingi kolefn­is. Danir hafa sett á fót grænan fjár­fest­ing­ar­sjóð sem styður við vist­væna upp­bygg­ingu, orku­skipti og þróun lofts­lags­lausna, og í fyrra stofn­uðu Skotar rík­is­rek­inn fjár­fest­ing­ar­banka sem fjár­festir í grænni atvinnu­þróun og verk­efnum sem stuðla að kolefn­is­hlut­lausu sam­fé­lagi. Á Íslandi tönnlast hins vegar ráða­menn á því að ríkið eigi ekki að standa í banka­rekstri eða skipta sér af því hvert fjár­magni er beint. Um leið og talað er um nýsköpun sem leið­ina út úr krepp­unni er ráð­ist í einka­væð­ingu á verk­efnum Nýsköp­un­ar­mið­stöðvar Íslands án þess að mótuð sé skýr og heild­stæð áætlun um stuðn­ing rík­is­ins við stoð­kerfi nýsköp­unar og frum­kvöðla­starfs næstu árin. Kjarna­starf­sem­inni er komið fyrir í nýju einka­hluta­fé­lagi þótt slík til­högun bitni á öflun rann­sókn­ar­styrkja erlend­is. Kannski segir það sitt að í sama mán­uði og nýsköp­un­ar­ráð­herra Íslands lýsti því yfir á Alþingi að stuðn­ingur rík­is­ins við nýsköpun gæti unnið meiri skaða en gagn og ekki væri for­gangs­mál að styðja við kla­saupp­bygg­ingu með opin­beru fé voru stofn­aðir 14 nýir „of­ur­klasar“ fyrir lítil og með­al­stór fyr­ir­tæki í Dan­mörku sem fá rík­is­stuðn­ing að and­virði 13 millj­arða íslenskra króna til að efla sam­starf á sviði nýsköp­un­ar, þekk­ing­ar­starfs og umhverf­is- og lofts­lags­mála. 

Áskor­anir okkar daga kalla á að mótuð verði fram­sækin atvinnu- og iðn­að­ar­stefna fyrir Ísland. Á meðal þess sem við í Sam­fylk­ing­unni höfum lagt til, við góðar und­ir­tektir nátt­úru­vernd­ar­sam­taka og full­trúa atvinnu­lífs, er að stofn­aður verði burð­ugur fjár­fest­ing­ar­sjóður í opin­berri eigu með skýra árang­urs­mæli­kvarða og skil­greind mark­mið um græna atvinnu­upp­bygg­ingu. Dæmi um verk­efni sem má ímynda sér að slíkur sjóður geti liðkað fyrir er fram­leiðsla á líf­rænu elds­neyti til útflutn­ings og fyrir sam­göngur inn­an­lands, þróun tækni­lausna til föng­unar og förg­unar kolefn­is, nýsköpun í mat­væla­iðn­aði, mark­aðs­starf og kynn­ing á grænum íslenskum útflutn­ings­vörum á erlendri grundu og upp­bygg­ing iðn- og auð­linda­garða þar sem virði hreinnar orku er hámark­að. 

Við skulum styðja og vald­efla atvinnu­leit­end­ur, verja þá atvinnu­vegi sem hafa orðið fyrir skakka­föllum vegna kór­ónu­veirunnar og hjálpa hvert öðru að kom­ast í gegnum tíma­bundna erf­ið­leika – en verum líka óhrædd við að beita rík­is­vald­inu með skap­andi hætti í sam­starfi við eink­að­ila til að fjölga störfum og auka fjöl­breytni í íslensku atvinnu­lífi. End­ur­reisnin upp úr kór­ónu­krepp­unni má ekki vera á for­sendum hinna fáu og fjár­sterku heldur verður hún að grund­vall­ast á fjöl­breyttri atvinnu­upp­bygg­ingu í þágu okkar allra.

Greinin birtist í Kjarnanum 24. febrúar.

Það ríkir neyð­ar­á­stand í atvinnu­málum á Íslandi. Meira en 20 þús­und manns eru án vinnu og hátt í 5 þús­und hafa verið atvinnu­laus í meira en ár.

Frá atvinnukreppu til framsækinnar atvinnustefnu

Borgarlína og markviss þétting byggðar á höfuðborgarsvæðinu eru stórtækustu og metnaðarfyllstu aðgerðir íslenskra stjórnvalda í loftslagsmálum hingað til. Samfylkingin í Reykjavík hefur frá upphafi veitt þessum verkefnum forystu af miklum myndugleik. Með Græna planinu hefur borgarstjórn Reykjavíkur ennfremur vísað veginn um það hvernig standa má að efnahagslegri endurreisn í kjölfar heimsfaraldurs kórónuveiru og ráðast um leið í kraftmikla græna uppbyggingu. Græna planið er sóknaráætlun sem leggur línurnar í fjármálum, fjárfestingu og grænum lykilverkefnum, sóknaráætlun sem byggist á Heimsmarkmiðum Sameinuðu þjóðanna um sjálfbæra þróun með skýrri framtíðarsýn um kolefnishlutlaust borgarsamfélag. 

Fjölga þarf störfum og leggja grunn að umhverfisvænni umbyltingu efnahagslegrar starfsemi í landinu. Ýta þarf kröftuglega undir breyttar ferðavenjur með aðgengilegum, raunhæfum vistvænum valkostum í samgöngum og stuðla þannig að kolefnishlutlausu Íslandi. 

Það er löngu tímabært að ríkisstjórn Íslands og önnur stjórnvöld sýni sama stórhug í loftslagsmálum og borgarstjórn Reykjavíkur hefur gert undir forystu Samfylkingarinnar. Þrátt fyrir fögur fyrirheit hefur lítill árangur náðst á sviði loftslagsmála á landsvísu. Þá bólar enn ekkert á markvissum aðgerðum af hálfu ríkisstjórnarinnar til að fjölga störfum í dýpstu atvinnukreppu á Íslandi frá upphafi mælinga.

Næsta haust verður kosið til Alþingis. Í kjölfarið er nauðsynlegt að mynduð verði græn félagshyggjustjórn sem fer ábyrgu leiðina að grænni framtíð þar sem tekið er á loftslagsvánni og fjöldaatvinnuleysi í landinu, jöfnum höndum og af þeirri festu sem til þarf þar sem engin er undanskilin. Framlag til þeirrar stjórnarstefnu má finna í stefnuskjali þingflokks Samfylkingarinnar um Ábyrgu leiðina, auk Græna plansins í höfuðborginni.

Samþykkt á aðalfundi Samfylkingarfélagsins í Reykjavík í Sóltúni 26 og á Zoom-appinu 25. febrúar 2021.

Borgarlína – kolefnishlutlaust Ísland með fjölda atvinnutækifæra 

Opinn fundur með Loga Einarssyni formanni Samfylkingarinnar og Oddnýju Harðardóttur þingmanni Suðurkjördæmis, í Samfylkingarsalnum að Eyravegi 15 á Selfossi.

Alþjóðlegar rannsóknir á viðhorfum fólks til aðgerða sem gripið var til vegna veirunnar benda til þess að áhyggjur af vaxandi ójöfnuði hafi aukist, sérstaklega meðal ungu kynslóðarinnar. Þá virðist frjálslyndi, sam­ábyrgð og félagslegar áherslur ofar í hugum fólks en áður. Merki um aukinn ójöfnuð vegna COVID eru nú þegar sýnileg hérlendis. Ómarkviss dreifing fjármagns hefur ýtt undir slíka þróun. Þjóðarkakan minnkar – mörg þeirra sem halda vinnunni eru í sterkari stöðu en áður en aðstæður hinna hafa versnað. Stjórnvöld tala um ábyrga hagstjórn og dýrar aðgerðir en minna um hitt: hvernig almennar aðgerðir hafa dregið úr áhrifamætti peninganna og kynt undir ójöfnuði. Þetta er ekki þróun sem almenningur vill sjá.

Halli ríkissjóðs var 260 milljarðar í fyrra og svipuð afkoma er áætluð í ár. Rúmlega helmingur hallans í fyrra er vegna tekjusamdráttar en hitt er vegna aukinna útgjalda, þar af er rúmlega helmingur vegna atvinnuleysisbóta. Meirihluti hallans stafar þannig af svokölluðum sjálfvirkum sveiflujöfnurum, innbyggðum þáttum í tekju- og útgjaldaliðum hins opinbera. Aðeins um 25% af halla síðasta árs má því rekja til beinna ákvarðana stjórnvalda. Ofan á þá hátt í 200 milljarða sem sjálfkrafa leggjast á ríkissjóð flæðir nú önnur eins tala af nýju fjármagni í hagkerfinu. Fjármagn sem ríkisstjórnin telur sig enga ábyrgð bera á vegna þess að það má rekja til aðgerða á peningamálahliðinni sem Seðlabankinn heldur utan um. Þar var losað um hömlur í fjármálakerfinu sem leiddi af sér aukningu á nýjum peningum í umferð í gegnum miklar lánveitingar, einkum til fasteignakaupa.

Þó að Seðlabankinn sé sjálfstæður þá bregst hann við aðgerðum og aðgerðaleysi á ríkisfjármálahliðinni. Undanfarin ár hefur átt sér stað vitundarvakning víða um heim um ókosti þess að treysta um of á peningamálastefnuna til að styðja við hagkerfi í alvarlegri krísu. Hefur það alla jafna verið afleiðing af tregðu pólitískt kjörinna aðila til að beina fjármagni til þeirra sem raunverulega þurfa á slíku að halda. Ábyrgðinni er útvistað til embættismanna meðan kjörnir fulltrúar firra sig ábyrgð. Lærdómurinn af síðustu kreppu erlendis var að ómarkviss dreifing fjármagns þrýstir fyrst og fremst upp eignaverði. Fjármunirnir leituðu mun síður til þeirra sem í áfallinu lentu, lítið fór fyrir þeim í innviðafjárfestingu og afleiðingin var aukinn ójöfnuður.

Þá var um almennt áfall að ræða. Núverandi kreppa er mun sértækari, hún skekur aðeins afmarkaðan hóp. Allt frá því að kórónukreppan hófst var ljóst að tregða ríkisstjórnarinnar til að beita ríkisfjármálum með markvissum hætti hefði neikvæðar afleiðingar. Á þetta bentu hagfræðingar og stjórnarandstöðuþingmenn en ríkisstjórnin skellti skollaeyrum við. Það var rammpóli­tísk ákvörðun að bíða of lengi með sértækar aðgerðir og kalla þannig fram öflugri aðgerðir Seðlabankans en ella. Aðgerðir sem voru mjög almennar og þrýstu lánastofnunum í mikla útlánaaukningu til eina málaflokksins sem treystandi var, húsnæðis. Annað umfram fjármagn leitaði á verðbréfamarkað. Á meðan ráðamenn ræddu um hættur þess að hækka atvinnuleysisbætur í fordæmalausu atvinnuáfalli og streittust gegn því að beina fjármagni í auknum mæli til lítilla fyrirtækja til að koma í veg fyrir hrinu uppsagna flæddi fjármagn inn á fasteigna- og verðbréfamarkaðinn, kynti undir almennri eftirspurn og ýtti upp eignaverði.

Engin umræða hefur átt sér stað um þá hvata sem þessi óbeina aðgerð ríkisstjórnarinnar hefur haft; enginn stjórnmálamaður hefur þurft að svara fyrir þá miklu auðssöfnun sem hefur átt sér stað á undanförnum mánuðum í formi verulegrar verðhækkunar á verðbréfum og hækkunar húsnæðisverðs. Þau sem tæma sjóði sína til að mæta atvinnumissi – eða lenda í rekstrarvandræðum með lítil fyrirtæki hafa enga möguleika til að taka þátt í þessari uppsveiflu.

Samkvæmt opinberum tölum dróst opinber fjárfesting saman um 9,3% í fyrra – hagstjórnin er nú ekki ábyrgari en svo. Ábyrg hagstjórn, sem vinnur á móti áföllum en ekki með, snýst um að leita allra leiða til að örva fjárfestingu og vinnuframlag ekki aðeins kaupgetu. Þótt ríkisstjórnin tali mikið um stóraukna opinbera fjárfestingu hefur lítið af henni komið til framkvæmda. Ráðamenn leyfa sér svo að skrifa blaðagreinar þar sem þeir tala niður mikilvæga viðleitni Reykjavíkurborgar við að ýta undir fjárfestingu á tímum sem þessum. Viðbrögð stjórnarliða við áætlunum borgarinnar í fjármálum eru til marks um skilningsleysi á ábyrgri hagstjórn. Fyrst ríkisstjórnin virðist eiga erfitt með að koma verkefnum nógu hratt af stað ætti hún að setja í forgang að styðja við sveitarfélögin sem eru með fjölda samfélagslegra mikilvægra verkefna í startholunum. Í staðinn reynir hún að koma höggi á pólitíska andstæðinga sína í sveitarstjórnum, sem kemur að lokum niður á öllum almenningi.

Á tímum þar sem svigrúm til athafna er takmarkað, í landi með brothættan gjaldmiðil og mikla verðbólgusögu, felst hin raunverulega ábyrga hagstjórn í því að beina peningunum þangað sem þeirra er þörf. Að verja velferð fólks, framleiðslugetu fyrirtækja og skapa ný fjölbreytt atvinnutækifæri. Aðeins þannig getum við tryggt öfluga viðspyrnu, varið jöfnuð og komist stolt út úr þessu ástandi öll saman.

Greinin birtist í Fréttablaðinu 4. mars.

Stóra spurningin sem við stöndum frammi fyrir er hvernig samfélag við viljum að rísi upp úr kórónukreppunni. 

Leit um „��"

3340 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������"

3340 niðurstöður fundust við leit að „���������������������������"