Viltu láta til þín taka í þágu jöfnuðar, sjálfbærni og frelsis?

Ef svarið er já hvetjum við þig til að mæta á nýliðafund Samfylkingarinnar, fimmtudaginn 29. Október kl. 20:00 á vinsælasta stað veraldar í dag, Zoom!

Á fundinum verður farið yfir hugmyndafræði flokksins, uppbyggingu, málefnastarf og hvernig hægt er að taka þátt í starfinu og hafa áhrif innan flokksins. Logi Einarsson, formaður Samfylkingarinnar og Ragna Sigurðardóttir, formaður Ungra jafnaðarmanna verða á fundinum og segja frá stefnum og straumum í flokknum og starfinu framundan.

Við hvetjum fólk á öllum aldri til að mæta og taka þátt, hvar sem það er statt á landinu! 

Ég er fertugur, er með B.A. gráðu í lögfræði (á leið í ML) og einnig með gráðu í viðburðastjórnun. Er giftur og búsettur í Hafnarfirði og á þrjú börn. Hagur og velferð barna eru mér hugleikin. Ég trúi að kraftar mínir geti nýst vel í þá vinnu sem framundan er. Ég tók þátt í Samfylkingunni í Hafnarfirði fyrir síðustu sveitarstjórnarkosningar en hef verið meira á hliðarlínunni vegna anna. Nú er svo komið hinsvegar að ég hef tíma og fulla orku til að gefa flokknum mínum. Við sjáum fram á skemmtilegan en erfiðan vetur í pólitíkinni. Í mínum huga er nokkuð ljóst að Samfylkingin verður að vera og getur verið það afl sem bindur enda á valdatíð Sjálfstæðisflokksins en ekki síður, verður Samfylkingin að vera það afl sem kemur til með að berja harkalega á og á móti Miðflokknum sem og öðrum flokkum sem munu reyna að sigla hinn popúlíska veg. Mig langar til að taka þátt í þeirri vegferð að styrkja flokkinn og efla innra starfið. Því gef ég kost á mér í framkvæmdastjórn.

Með kærri kveðju!

Matthías Freyr Matthíasson
Lögfræðingur
Gsm: 866-9538

Matthías Freyr Matthíasson - framkvæmdarstjórn 

Þeir sem hafa hug á að vera landsfundarfulltrúar þurfa að vera með rafræn skilríki. Í ár verður landsfundur alfarið rafrænn og kosningarnar sömuleiðis. Samfylkingin hefur allt frá árinu 2005 verið með kosningar rafrænar á landsfundi, það verður sami háttur á í ár. Sökum þess að ekki verður hægt að bjóða upp á aðstoð á staðnum við skráningu á meðan fundinum stendur viljum við ítreka við fólk að vera vel undirbúið og að allir hafi útvegað sér tiltækar lausnir til þátttöku.  

Fyrst þarf að kanna hvort að símakortið styðji þann möguleika. Símafyrirtækið þitt ætti að geta aðstoðað þig við að komast að því. Því næst getur þú sótt um rafræn skilríki hjá þínum banka, sparisjóði og hjá Auðkenni. Hér er að finna upplýsingar um rafræn skilríki, https://www.skilriki.is

Íslykill er gefinn út af Þjóðskrá Íslands. Hér er að finna allar hlestu upplýsingar um íslykil og hvernig er hægt að nálgast hann, https://island.is/islykill

Nauðsynlegt er að vera með rafræn til að geta tekið þátt í landsfundi. 

Rafræn skilríki eða íslykill til að kjósa á landsfundi

43.423 undirskriftir minntu okkur á að þjóðin hefur nú þegar kosið um að innleiða skuli nýja stjórnarskrá byggða á tillögum stjórnlagaráðs. Það var gert í þjóðaratkvæðagreiðslu fyrir réttum átta árum síðan, og allt frá þeim degi hafa skoðanakannanir sýnt viðvarandi meirihlutastuðning við nýju stjórnarskrána. Það er beinlínis vandræðalegt að Alþingi hafi virt þennan skýra þjóðarvilja að vettugi og sé enn og aftur að gera eigin atlögu að heildarendurskoðun á gömlu stjórnarskránni – verkefni sem Alþingi hefur mistekist núna í 75 ár þrátt fyrir ítrekaðar tilraunir.

Það er mikil gæfa að ríkisstjórn Jóhönnu Sigurðardóttur hafi útvistað heildarendurskoðun stjórnarskrárinnar út úr sölum Alþingis og í lýðræðislegt ferli sem innihélt þjóðfundi, kosningu til stjórnlagaþings, stjórnlagaráð sem starfaði fyrir opnum tjöldum og viðhafði virkt samráð jafnt við almenning og sérfræðinga á öllum stigum. Þó að þessu ferli hafi verið afmarkaður stuttur tími – varla hálft kjörtímabil – var afraksturinn meiri og vandaðri en það sem 75 ár af þinglegum nefndum hafa áorkað. Þetta lýðræðislega ferli og uppskera þess, hin nýja stjórnarskrá, er nokkuð sem íslensk þjóð getur verið stolt af, enda vakið heimsathygli.

En það er ekki bara lýðræðislegt prinsippmál að hin nýja stjórnarskrá sé fullgild og innleidd. Það sem sjaldnar heyrist í umræðunni síðustu misseri eru þær miklu umbætur og réttarbætur sem fást með nýju stjórnarskránni.

Í núverandi stjórnarskrá er varla minnst á sveitarstjórnastigið. Í nýju stjórnarskránni er hins vegar sérstakur kaf li um sveitarfélög og í honum meðal annars áréttað sjálfstæði sveitarfélaga, nálægðarregla opinberrar þjónustu og réttur almennings til beins lýðræðis í nærumhverfi sínu. Þá segir í nýju stjórnarskránni: „Sveitarfélög skulu hafa nægilega burði og tekjur til að sinna lögbundnum verkefnum.“ Þegar núverandi ríkisstjórn hikar við að styðja við sveitarfélög landsins á tímum kreppu, sem leggur auknar byrðar á sveitarfélög og veldur stórfelldu tekjutapi þeirra, er maður rækilega minntur á hve gott væri nú að vera búin að innleiða nýju stjórnarskrána.

Greinin birtist í Fréttablaðinu 5. nóvember

Yfir þúsund landsfulltrúar af öllu landinu eru skráðir á fundinn í ár. Kosning í embætti, stefnuræða formanns og stjórnmálaályktun samþykkt. Fundurinn verður alfarið rafrænn í ár og mun einkennast af upptakti fyrir alþingiskosningarnar 2021.

Yfirskriftin að þessu sinni er „Vinna, velferð og græn framtíð“ og dagskráin fjölbreytt og spennandi. Í ljósi þess að fundurinn er alfarið rafrænn verður það lagt til á fundinum að málefnastarfi flokksins verði frestað þangað til á flokksstjórnarfundi sem haldinn verður eftir áramót.

Streymi á fundinn: https://livestream.com/accounts/11153656/events/9375424/player 

Hér má finna dagskrá fundarins: https://xs.is/dagskra-landsfundar 

Upplýsingar um kosningar má finna hér: https://xs.is/kosningar . 

Landsfundur Samfylkingarinnar er stærsti pólitíski viðburður Samfylkingarinnar - jafnaðarmannaflokks Íslands 2020. 

Það er mikið fagnaðarefni að fylgjast með kröftugri uppbyggingu nýs Landspítala við Hringbraut. Hönnun og útlit miðar að nútímakröfum í lækna- og heilbrigðisvísindum hvort tveggja varðandi aðbúnað sjúklinga sem og heilbrigðisstarfsfólks. Það skiptir miklu máli að þar fari saman gott aðgengi, aðbúnaður og ekki síður nærandi umhverfi fyrir þá sem þurfa að sækja þarna þjónustu, en Landspítalinn þjónustar alla landsmenn auk þess að vera héraðssjúkrahús og háskólasjúkrahús. 

Það urðu mér því nokkur vonbrigði að sjá að eitt svið spítalans er skilið eftir í uppbyggingunni, þrátt fyrir úr sér genginn húsakost. Geðsvið Landspítala skal áfram staðsett í gömlu og óhentugu húsnæði við Hringbraut og Klepp. Þessi hús eru óhentug á margan hátt. Húsnæðið við Hringbraut gerir ekki ráð fyrir að þeir sem eru þar í vistun á lokuðum deildum komist út undir bert loft. Engin útisvæði eru fyrir þá sem þurfa, veikinda sinna vegna, að vera í stöðugri gæslu. Húsnæðið sjálft er svo ósköp lítið nærandi, gráir hrjúfir veggir mæta sjúklingum og fjölskyldum þeirra við komuna og aðbúnaður innan húss á köflum þannig að ekki er hægt að opna glugga eða búa til lágmarks þægindi. Kleppur er svo að hluta til 100 ára gömul bygging byggð á jafn gamalli hugmynd um aðstæður geðsjúkra. Nútímaþekking kallar á að við gerum betur.  

Í Ábyrgu leiðinni, frá atvinnukreppu til grænnar uppbyggingar, sem inniheldur tillögur okkar í Samfylkingunni um uppbyggingarstarf í kjölfar veirufaraldurs eru tillögur að uppbyggingu mannúðlegra umhverfis fyrir geðheilbrigðisþjónustu Landspítala. Víða um Norðurlönd hafa verið tekin stór skref í átt að mannúðlegra og meira nærandi umhverfi sjúklinga sem glíma við geðrænar áskoranir. Þetta er sjúklingahópur sem þarf að geta notið útiveru í öruggu umhverfi, þarf sömuleiðis að geta sótt hreyfingu og fundið næringu í því umhverfi sem þau þurfa að dvelja í til lengri eða skemmri tíma. Sú aðstaða sem þessum sjúklingahópi er boðið upp á er ófullnægjandi og við eigum ekki að skilja þau og starfsfólk geðsviðs eftir þegar kemur að nútímalegri uppbyggingu þjóðarsjúkrahússins. 

Greinin birtist í Fréttablaðinu 3. nóvember

Við erum með mannskap sem er tilbúin að aðstoða með tæknimál ef að þörf er á til kl. 22:00 í kvöld og svo aftur frá kl. 9:00 laugardag 6. nóvember. 

Eða senda Samfylkingunni skilaboð í gegnum Facebook messenger 

Eða senda tölvupóst á samfylking@samfylking.is

„Kæru félagar – ég er djúpt snortinn – og þakka ykkur innilega fyrir það traust sem þið sýnduð mér í dag.

Ég lofa ykkur því að rísa undir þeirri ábyrgð sem mér er falin – að leiða flokkinn inn í mikilvægar kosningar eftir tæpt ár.

Lífskúnstnerinn, Vopnfirðingurinn og Alþingismaðurinn Jónas Árnason sagð einhverju sinni í texta að lífið væri lotterí – og það gilti að taka þátt í því.  Á dauða mínum átti ég frekar von fyrir nokkrum árum en að standa hér í dag – En hér er ég og er ótrúlega glaður yfir því að lífið hafið borið mig hingað – kynnt mig fyrir ykkur og í starf fyrir stjórnmálahreyfingu sem ég brenn fyrir.

En líkt og Siglufjarðar-Geiri í kvæðinu hef bæði ég og flokkurinn sopið ýmsa fjöruna – og eigum eflaust eftir að upplifa ýmislegt enn– en besta ráðið við því er að sýna æðruleysi og kjark.

Við erum komin á lappir eftir tímabundna byltu og ætlum okkur enn meira.

Í mínum huga er stjórnmálastarf hópvinna – þar sem breið ásýnd, vinátta og samheldni flokksfólks helst í hendur við skýra og góða stefnu. 

Flokkurinn okkar hefur líka á að skipa óvenjumörgum hæfileikaríkum einstaklingum eins og endurspeglast í öllum þeim kosningunum sem framundan eru.

Við skulum öll hafa þetta í huga sama hver niðustaðan er – og sækja saman til sigurs næsta árið.

Rafrænn landsfundur Samfylkingarinnar var settur í dag.Logi Már Einarsson var einn í framboði til formanns og hlaut96,45 % atkvæðakjörinuKjörið endurspeglar ánægju og traust flokksfélaga til hans og hans starfa í þágu flokksins.

Logi endurkjörinn formaður Samfylkingarinnar

Í Bandaríkjunum er það kallað að „ameríski draumurinn“ hafi ræst,  þegar fátækt fólk brýtur af sér hlekki fátæktar og tryggir sér og sínum góða afkomu, menntun og bætta stöðu í samfélaginu. Rannsóknir sýna hins vegar að sá draumur er mun líklegri til að rætast á Norðurlöndum en í Bandaríkjunum.

Eftir fund Baracks Obama, forseta Bandaríkjanna, með forsætisráðherrum Norðurlandanna vorið 2016 sagði hann þetta:

„Heimurinn væri öruggari og farsælli ef fleiri bandamenn væru eins og Norðurlöndin.“

Norræna módelið sem Obama vildi líta til féll ekki af himnum ofan. Það byggir á jöfnuði, samhjálp og félagslegu öryggi og hefur skotið norrænu ríkjunum á topp allra lista yfir ríki þar sem best er að búa. Grunn norræna módelsins og stoðirnar sem undir því standa byggðu jafnaðarmenn í samstarfi við sterka verkalýðshreyfingu og stéttarfélög og hafa staðist ágang frjálshyggjunnar.

Stoðirnar þrjár, góð hagstjórn, velferð fyrir alla og skipulagður vinnumarkaður, standa saman eins og fætur undir þrífættum stól: ef ein stoðin brotnar fellur allt.

Á Íslandi, einu ríkasta ríki heims, þrífst fátækt. Þúsundir barna búa hér við sárafátækt eins og greiningar hafa því miður ítrekað sýnt. Öryrkjar og aldraðir með litlar tekjur eru fastir í fátæktargildru. Þau eiga allt sitt undir stjórnvöldum, að greiðslurnar sem þau fá frá hinu opinbera dugi fyrir mannsæmandi lífi. Svo er ekki nú um stundir.

Og nú í heimsfaraldri bætast við öll þau sem misst hafa vinnuna.  

Grunnatvinnuleysisbætur eru langt undir lágmarkslaunum og þeir fjölmörgu sem nú þurfa að framfleyta sér og sínum á slíkri hungurlús ná ekki lágmarkstekjutryggingu nema að þau séu með þrjú börn eða fleiri á framfæri. Við þeim blasir fátækt og í kjölfarið minnka möguleikarnir sem fólk hefur í lífinu – fátæktin er í sjálfu sér frelsisskerðing.

Þetta þarf ekki að vera svona en er það vegna rangra pólitískra ákvarðana. Vegna þess að stjórnarþingmenn hafa ítrekað fellt tillögur okkar jafnaðarmanna um hærri lífeyrisgreiðslur, hærri greiðslur til barnafjölskyldna og hærri atvinnuleysisbætur.

Hættan á að verða atvinnulaus eða lenda í veikindum og örorku vegna starfsins er mest meðal verkafólks og lágtekjuhópa. Til þess að allir njóti frelsis er ekki nóg að opna einum og einum einstaklingi leið til að brjótast út úr fátækt. Það þarf að sjá til þess að enginn þurfi að búa við fátækt. Til þess að útrýma henni þarf einbeittan pólitískan vilja og aðgerðir sem beinast gegn því sem skapar fátæktina.

Við eigum að horfa til norræna módelsins og vinna af heilum hug að því að jafna leikinn.

Við í Samfylkingunni stöndum fyrir mannúð, jafnrétti og samhjálp af því að við getum ekki annað, af því að það er það sem jafnaðarmenn gera.

Grein eftir Oddnýju G. Harðardóttur þinflokksformann Samfylkingarinnar sem birtist fyrst í Morgunblaðinu 17. september. 

Forseti bæjarstjórnar á Seyðisfirði og skipar 1. sæti Austurlistans í nýju sameinuðu sveitarfélagi Borgarfjarðar, Djúpavogshrepps, Fljótsdalshéraðs og Seyðisfjarðarkaupstaðar

Hildur Þórisdóttir

Nýverið las ég pistil eftir unga austfirska konu sem dró saman um það bil allt það sem ég hef verið að hugsa um síðustu 6 ár síðan ég hóf fyrst afskipti af sveitarstjórnarmálum.

Við búum í heimi þar sem hröð þróun á sviði tækni og þekkingar hefur átt sér stað. Menntastig er sífellt að hækka á vinnumarkaði og kröfurnar um sérhæfð og áhugaverð störf í takt við það. Ungt fólk getur valið sér búsetu nánast hvar sem er því nú er allur heimurinn undir.

Ráðherra ferðamála, iðnaðar og nýsköpunar tilkynnti í byrjun árs að Nýsköpunarmiðstöð Íslands yrði lögð niður um næstu áramót. Enn hefur ekki verið tilkynnt um hvað á að taka við af Nýsköpunarmiðstöð þar sem starfa um 80 manns og flestir á höfuðborgarsvæðinu. Sú stofnun er gott dæmi um hversu mjög hefur hallað á landsbyggðina þar sem er hvað mesta þörfin fyrir stuðning og þekkingu á sviði nýsköpunar og fyrirtækjareksturs. Afraksturinn höfum við meðal annars séð í hlutfalli styrkja sem fara til landsbyggðarinnar.

Á Austurlandi hefur starfsemi þessarar mikilvægu stofnunar eingöngu verið í mýflugumynd sem vekur undrun þegar rýnt er í fjölbreytileika atvinnuvega hér, tekjuþróun, launamun kynjanna og íbúaþróun sem hefur ekki verið með þeim hætti sem við hefðum óskað og væri æskilegt.

„Í nýju sveitarfélagi verðum við að vera framsýn þegar kemur að nýsköpun og stuðningi við frumkvöðla.”

Við getum gert svo miklu betur á svo mörgum sviðum ef við bara þorum því. Þorum að vera framsækin og hugmyndarík. Þorum að krefja ríkisvaldið um sterkari innviði sem hafa visnað undanfarna áratugi og afhjúpaðist eftirminnilega í óveðri í lok árs 2019. Það er ekki nægilega mikið talað um hversu lítið er eftir af landsbyggðinni í landi þar sem eina byggðastefnan virðist vera “höfuðborgarstefna”. Í Reykjavík hafa verið byggðir upp sterkir innviðir og kröftug fyrirtæki en eftir stendur búseta um það bil 16% landsmanna á landsbyggðinni og innviðir sem eru á köflum óboðlegir.

Nú reynir á ríkisvaldið að sýna vilja í verki og koma á starfsemi nýsköpunar og atvinnumála í samvinnu við sameinað sveitarfélag því fjölbreytt atvinnulíf er undirstaða samfélaga þar sem þykir eftirsóknarvert að búa.

Ungt fjölskyldufólk horfir á vænlega búsetukosti út frá gæðum skólanna, húsnæðismálum, atvinnutækifærum, samgöngum, heilbrigðisþjónustu, menningu og félagslífi.

„Tækifærin til að sækja fram eru ótalmörg og við ætlum að gera sameinað sveitarfélag að framúrskarandi búsetukosti.“

Við erum bjartsýn á tækifærin sem blasa við og munum ótrauð sækja fram en gerum jafnframt kröfu á ríkisvaldið að koma með okkur í þá vegferð!

Því við græðum öll á sterkri höfuðborg og öflugri landsbyggð.

Grein eftir Hildi Þórisdóttur, forseta bæjarstjórnar á Seyðisfirði, birtist fyrst á Vísi 28. ágúst.

Leit um „��"

3369 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3369 niðurstöður fundust við leit að „���������������������������������������������������"