Að tillögum nýs meirihluta, sem verða afgreiddar á aukaborgarstjórnarfundi í Ráðhúsinu kl. 16:40 verður  Heiða Björg Hilmisdóttir nýr borgarstjóri Reykjavíkur, Sanna Magdalena Mörtudóttir verður forseti borgarstjórnar, Dóra Björt Guðjónsdóttir og Líf Magneudóttir skiptast á að gegna embættum formanns borgarráðs og formanns umhverfis- og skipulagsráðs á tímabilinu og Helga Þórðardóttir verður formaður skóla- og frístundaráðs.

Hröð húsnæðisuppbygging og örugg heimili fólks eru lykilmál nýs samstarfs í borginni. Efnt verður til sameiginlegrar vinnu Reykjavíkur og verkalýðsfélaga með það að markmiði að stofna félag um þróun nýrra svæða og fara nýjar leiðir við skipulag, uppbyggingu innviða og fjármögnun þeirra.

Hafin verður strax skipulagning fjölbreyttrar uppbyggingar á nýju landi fyrir allt að tíu þúsund íbúðir í Úlfarsárdal og víðar í samstarfi við verkalýðshreyfinguna og óhagnaðardrifin félög.

Markmiðið er að auka ferðatíðni Strætó og bæta þjónustu við farþega, meðal annars með vönduðum biðstöðvum.

Nýr meirihluti leggur áherslu á að forgangsraða grunnþjónustu, fara betur með tíma og fjármuni borgarinnar og sýna ráðdeild í rekstri.

Þá verður farið í vinnu gegn fátækt og ójöfnuði m.a. með áherslu á heimili á félagslegum forsendum og að stórauka félagslegt leiguhúsnæði miðað við núverandi áætlanir. 

Skólaþjónusta verður efld með fjölgun sérfræðinga svo sem með talmeinafræðingum og brugðist skjótt við þegar barn í viðkvæmri stöðu þarf stuðning. Þá verður leikskólaplássum fjölgað verulega með opnun nýrra leikskóla og stækkun eldri leikskóla án þess að taka skref í átt að fyrirtækjavæðingu.

Í frétt Reykjavíkur borgar er að finna samstarfssáttmálannn í heild sinni. 

https://reykjavik.is/frettir/2025/nyr-meirihluti-i-borgarstjorn

Oddvitar Samfylkingar, Pírata, Sósíalista, Flokks fólksins og Vinstri grænna var kynntur í dag í Ráðhúsinu í dag, föstudag 21. febrúar kl. 15:50, samstarfssáttmála flokkanna.

Boðað er til allsherjarfundar Fulltrúaráðs Samfylkingarfélaganna í Reykjavík föstudaginn 21. febrúar kl. 15 á Hallveigarstíg 1. 

Lögð verður fyrir fundinn tillaga um meirihlutasamstarf í Reykjavík sbr. grein 3.14 í lögum Samfylkingarinnar. 

Kær kveðja, Björk Vilhelmsdóttir formaður FSR

Grein 3.14. í lögum Samfylkingarinnar er svohljóðandi:
Kjörnir sveitarstjórnarfulltrúar og stjórn aðildarfélags eða eftir atvikum fulltrúaráð í viðkomandi sveitarfélagi skulu í sameiningu leggja fram tillögu til félagsfundar um meirihlutamyndun og verkaskiptingu við stjórn sveitarfélagsins.  

Allsherjafundur um nýjan meirihluta í Reykjavík 

Samfylkingarfélagið á Hornafirði verður með aðalfund þriðjudaginn 11. mars kl. 17:00. Eftir hefbundin aðalfundarstörf er svo málefnafundur um stefnudrög Samfylkingarinnar sem liggja fyrir landsfundi og landsfundarfulltrúar kosnir. 

Dagskrá: 

Kynning á stefnudrögum, umræður og kosning landsfundarfulltrúa

RÚV er ekki bara fjölmiðill heldur mikilvæg menningarstofnun sem stuðlar að sterkri íslenskri sjálfsmynd, eflingu listar og menningar og aðgengi allra landsmanna að vönduðu og fjölbreyttu menningarefni. Það er hinsvegar skýrt, að það blasir við okkur mikill vandi á íslenskum fjölmiðlamarkaði. Við því þarf að bregðast, og við þessu er ríkisstjórn Kristúnar Frostadóttir að bregðast. 

Logi Einarsson, ráðherra fjölmiðlamála, hefur tilkynnt að hann ætli að fara í heildarendurskoðun á fjölmiðlaumhverfinu. Einkareknir fjölmiðlar eiga undir högg að sækja á Íslandi. Árið 2008 störfuðu 2.363 við fjölmiðla á Íslandi en í lok árs 2022 voru þeir 907. Burðugum miðlum hefur fækkað hratt og nú er staðan sú að eitt dagblað er eftir í landinu sem er lesið af um helmingi þess hóps sem las það árið 2008. Fjölræði og fjölbreytni á markaðnum hefur dregist verulega saman. 

Þessi breyting er afleiðing af annars vegar upplýsinga- og tæknibyltingu og hins vegar andvaraleysi stjórnvalda, sem hafa lítið brugðist við miklum breytingum í rekstrarumhverfi fjölmiðla. Fyrir vikið er Ísland komið niður í 18. sæti á alþjóðlegum lista yfir fjölmiðlafrelsi þar sem hin Norðurlöndin raða sér í efstu sætin. 

Árið 2012 fóru fjögur prósent auglýsingatekna á Íslandi til erlendra miðla. Ellefu árum síðar fór um helmingur þeirra til erlendra netmiðla. Tekjur innlendra fjölmiðla lækkuðu á árinu 2023, eftir að Fréttablaðið fór í þrot. Það hefur þannig sýnt sig í verki að þegar stór aðili hverfur af auglýsingamarkaði þá skilar það sér ekki endilega til hinna. 

Fyrri ríkisstjórn brást við þessum vanda með því að innleiða einungis eina aðgerð til að styðja við einkarekna fjölmiðla sem var sett fram árið 2020 til að mæta efnahagsáhrifum heimsfaraldurs. Styrkjakerfi sem hefur endurgreitt allt að 25 prósent af ritstjórnarkostnaði þeirra miðla sem uppfylla ákveðin skilyrði. Fjármagni er veitt úr takmörkuðum potti og þorri þess fer til stærstu miðla landsins.  

Ráðherra fjölmiðlamála hefur tilkynnt að sá styrkur verði framlengdur um eitt ár á meðan að unnið er að mun umfangsmeiri framtíðarútfærslu á stuðningi við einkarekna fjölmiðla, þar sem breytingar á RÚV verða meðal annars undir. 

Framlengingin er til þess að fjölmiðlar fái fyrirsjáanleika í rekstur og með frumvarpinu er stigið fyrsta skrefið að endurskoðun með því að lækka þak þess styrks sem hver fjölmiðill getur fengið lítillega. Opnað hefur verið fyrir umsagnir á samráðsgátt nú þegar. 

Greinin birtist í Morgunblaðinu 22. febrúar 2025

RÚV og staða fjölmiðla var til umræðu á Alþingi í vikunni. Það er ljóst að RÚV hefur mikilvægt menningarlegt gildi fyrir íslenskt samfélag.

Fyrsta skrefið í átt að nýju kerfi fyrir fjölmiðla

Heiða hefur verið borgarfulltrúi frá árinu 2015, hún hefur m.a. gegnt formennsku í velferðarráði Reykjavíkur um árabil. Hún var varaformaður Samfylkingarinnar á árunum 2017 - 2021, einnig gegnt embættum formanns framkvæmdastjórnar og Kvennahreyfingar Samfylkingarinnar.

Fyrr í dag kynntu oddvitar flokkanna sem mynda nýjan meirihluta samstarfsyfirlýsingu sín, sjá meira um það hér á hlekknum fyrir neðan. 

https://xs.is/frettir/2025/02/nyr-meirihluti-kynntur-i-reykjavik-

Heiða Björg Hilmisdóttir, oddviti Samfylkingarinnar í Reykjavík, var kjörin borgarstjóri rétt í þessu á aukaborgarstjórnarfundi sem stendur nú yfir í Ráðhúsinu. 

Heiða Björg er nýr borgarstjóri Reykjavíkur

Samfylkingin í Reykjanesbæ boðar til félagsfundar, fimmtudaginn 6. mars kl. 20:00, þar sem undirbúningur fyrir landsfund Samfylkingarinnar er m.a. á dagskrá.

Nú líður að landsfundi, en hann verður haldinn 11.–12. apríl í Grafarvogi í Reykjavík.

Skráning á landsfund er hafin og við hvetjum okkar félaga að mæta og taka þátt á landsfundi.

Dagskrá félagsfundar: 

Sverrir Bergmann fer yfir menningarmál í Reykjanesbæ

Skráning áhugasamra félaga á Reykjanesinu: https://forms.gle/tjmqxAoAwmjVQuL49

Samfylkingin í Vestmannaeyjum boðar til aðalfundar fimmtudaginn 20. mars kl. 18:00 í Líknarsalnum, Faxastíg 35. 

Kosning fulltrúa á landsfund Samfylkingarinnar

Opinn fundur með Kristrúnu Frostadóttur forsætisráðherra á Eyrarbakka. Verið velkomin í samkomuhúsið Stað þriðjudaginn 25. mars kl. 17:30. Þar verða einnig þingmenn Samfylkingar í Suðurkjördæmi, Víðir Reynisson og Ása Berglind Hjálmarsdóttir.

Hvað brennur á þér? Hvernig gerum við Ísland betra? Hvað er framundan hjá nýrri ríkisstjórn?

Tökum opið samtal. Beint og milliliðalaust. Kaffi og kruðerí.

Opinn fundur með Kristrúnu á Eyrarbakka

Stjórn Samfylkingarfélagsins á Akranesi og nágrenni boðar hér með til aðalfundar félagsins mánudaginn 31. mars  kl. 20:00. Fundurinn fer fram í húsnæði Samfylkingarinnar Stillholti 16-18 á Akranesi.

Dagskrá aðalfundar (samkvæmt 6. gr. gildandi laga félagsins):

2.    Reikningar félagsins fyrir síðasta starfsár

3.    Lagabreytingar:
Tillaga 1
6. gr. a: „Tillögum til lagabreytinga og yfirlýsingu um framboð til embættis innan stjórnar eða nefnda skal beint til stjórnar félagsins eigi síðar en tveimur vikum fyrir boðaðan aðalfund.“

Tillaga 2 
11. gr. a: „Kjörnir sveitarstjórnarfulltrúar Samfylkingarinnar á Akranesi, sem og allir aðrir skipaðir fulltrúar í nefndum, ráðum eða stjórnum á vegum félagsins og þiggja laun fyrir störf sín, skulu greiða tíund (10%) af launum sínum til Samfylkingarfélagsins á Akranesi og nágrenni. Stjórn félagsins skal setja nánari reglur um fyrirkomulag innheimtu og greiðslna.

4.    Kosning formanns stjórnar og 4 aðalmanna í stjórn

5.    Kosning skoðunarmanns reikninga

Við hvetjum alla félaga til að mæta og taka virkan þátt í fundinum. Hægt er að nálgast nánari upplýsingar og fyrirliggjandi lagabreytingatillögur HÉR.

Ef spurningar vakna, hafið samband við stjórn félagsins akranes@samfylking.is

Með bestu kveðju,
Stjórn Samfylkingarfélagsins á Akranesi og nágrenni

Samkvæmt mannfjöldaspám Hagstofu Íslands stendur þjóðin frammi fyrir sömu áskorunum og nágrannaþjóðir okkar. Hlutfall eldra fólks mun aukast jafnt og þétt næstu áratugina. Þannig mun mín kynslóð, næsta kynslóðin á undan mér og þær sem á eftir koma, lifa lengur, vera fjölmennari og gera meiri kröfur til samfélagsins hvað varðar þjónustu, lífsgæði og heilbrigði.  Brýn þörf er fyrir öruggt húsnæði á hagkvæmu verði í borgarsamfélögum samtímans og Reykjavík er engin undantekning frá öðrum borgum. Á sama tíma þarf að gæta að því að nýta landið vel.

Gott byggingarland er takmörkuð gæði. Þétting byggðar er þekktasta leiðin sem borgir hafa farið til að nýta land sitt á sem bestan máta en ný búsetuform hafa verið að ryðja sér til rúms víða um heim. Það er meðal annars í takt við meiri áherslu á grænar lausnir, sjálfbærni, endurnýtingu og viðbrögð við loftslagsvánni. Til að bjóða upp á hagkvæmt húsnæði, lágmarka byggingakostnað án þess að slaka á í sameiginlegum gæðum og stuðla að ánægjulegra lífi er sam-búð (e. co-living.)  góður kostur, áhugaverð viðbót við þau búsetuform sem fyrir eru sem vert er að rýna og skapa umræðu um.

Sam-búð er búsetuform þar sem hópur fólks býr í sérrými en deilir samrými.  Hugtakið kjarnasamfélag hefur líka verið notað um þetta búsetuform. Íbúar sambýlisíbúða hafa sín sérherbergi, stundum með baðherbergi, stundum ekki. Stundum er lítið svæði til að hita kaffi og vera með ísskáp, stundum ekki. Íbúarnir deila hins vegar setustofum, eldhúsi, svölum og fleiri gæðum. Sambúðarfólkið deilir oftar en ekki svipuðum lífsgildum, eru á sama stað í lífinu, hafa svipuð áform eða markmið. Ólíkir hópar fólks geta búið saman; pör, fólk sem hefur misst maka sína eftir áratuga hjónaband, konur, karlar, kvár, einhleypir, fólk af sama eða ólíkum uppruna, samkynhneigt fólk og gagnkynhneigt. Aðalatriðið er að fólk vilji búa saman og njóti þess. Hægt er að sjá sam-búð fyrir sér innan um aðrar tegundir íbúðaforma, á hjúkrunarheimilum  eða í blandaðri byggð venjulegra íbúðarhverfa. Mikilvægt er að íbúðirnar séu nálægt skilvirkum almenningssamgöngum, heilsugæslu, verslun og þjónustu, samfélagslegum innviðum, íþróttamannvirkjum, grænum svæðum, görðum og stígum. Fyrir vikið verður til umgjörð þar sem fólk stundar saman reglulega hreyfingu og heilsurækt í góðra vina hópi, nýtur sameiginlegra tómstunda og annars sem gleður sálina og léttir lund. Þátttakan styrkir samskipti og félagstengsl og fjölgar ánægjustundum. Reynslan kennir okkur að það er afar dýrmætt að vera hluti af stærri og fjölbreyttari vinahópi, sérstaklega þegar lífsins ferðalangar týna tölunni. Þá er gott að finna samkennd hópsins sem eftir lifir og finna nýjan takt í lífinu. Við viljum öll tilheyra hópi, vera virkir samfélagsþegnar og vaxa í umhverfi þar sem okkur líður vel. 

Félagsstofnun stúdenta hefur rutt brautina fyrir sam-búðarformið í sinni húsnæðisuppbyggingu. Um 25% íbúða sem félagið á eru hannaðar fyrir sam-búð. Félagið á og rekur um 1600 íbúðir. Markmið FS er að byggja hagkvæmt leiguhúsnæði fyrir stúdenta, bjóða góða þjónustu og auka þannig lífsgæði. Frumkvæðið að sam-búðarforminu  kom ekki frá stúdentunum sjálfum, heldur Félagsstofnun sem sló þannig nokkrar flugur í einu höggi. Hægt varð að bjóða uppá hagstæðara búsetuform en venjulegar stúdentaíbúðir gera, og efla um leið tengslanet stúdenta og bæta andlega heilsu. Þetta síðastnefnda er kannski mikilvægast því einmanaleiki reynist gjarnan vera fylgifiskur venjulegra  stúdentagarða.

Hátt vaxtastig síðustu ára hefur dregið úr uppbygginu á sama tíma og mikil þörf er fyrir húsnæðisuppbyggingu. Með því að byggja sam-búð er hægt að lækka byggingakostnað umtalsvert því byggðir eru færri fermetrar fyrir fleira fólk. Þar sem byggingakostnaður er lágmarkaður gefst tækifæri til að fjárfesta í innanhússhönnun samrýma. Félagsstofnun stúdenta leggur mikla áherslu á fallega hönnun sameignlega rýma, vandar litaval og kaup á húsgögnum. Þannig er sköpuð umgjörð sem dregur sam-búðar fólkið saman og býr til lítið samfélag þar sem öll skipta máli í fallegu umhverfi. Hjá þeim geta sex til þrettán íbúar deilt saman eldhúsaðstöðu, herbergin eru á bilinu 16-27 fermetrar og eru sameiginlegu rýmin búin öllu því helsta sem íbúar þurfa á að halda eins og fullbúnu eldhúsi, rafmagnstækjum, áhöldum, borðbúnaði og því sem gerir heimili að heimili. Í spurningakönnun sem gerð var voru íbúarnir spurðir: ,,Hvernig líkar þér að deila rými með öðrum“? Til er svörun frá árinu 2019 en fjöldi þeirra sem eru mjög ánægð eða ánægð hefur aukist jafnt og þétt og 2023 fjölgaði þeim úr 57% í 78%. Á sama tíma lækkaði hlutfall þeirra sem líkaði illa við að deila rými með öðrum úr 8% í 2%. Í sömu viðhorfskönnun var spurt hvers vegna fólk væri óánægt með að deila rými með öðrum. Svörin voru fjölbreytt en fram kom sem dæmi misjafnir þrif staðlar, óþol gagnvart lífsháttum annara, samskiptavandi, menningarmunur og aldursmunur. Þau sem velja að búa í sam-búð verða öll að vera meðvituð um hvers konar umhverfi verið er stíga inn í. Mikilvægt er að íbúarnir komi sér upp skýrum umgengisreglum og að eftir þeim sé farið.

Borgarsamfélag dagsins í dag geymir líka aðra áskorun - einmanaleikann. Sú meinsemd fangar allar kynslóðir óháð aldri, ungt fólk, eldra fólk - öll. Einmanaleiki endurspeglar ekki einungis líðan fólks og félagslega stöðu heldur er einmanaleiki einnig talinn geta haft áhrif á andlega og líkamlega heilsu fólks og þar með á líf þess almennt. Nýleg íslensk rannsókn á einmanaleika eldra fólks gefur vísbendingar um að hærra hlutfall eldra fólks glímir við tilfinningalegan einmanaleika fremur en félagslegan. Það bendir til að fólk skorti náin tengsl við annað fólk, náin sambönd fremur en félagsleg samskipti. Jafnframt eru vísbendingar um að eldri innflytjendur séu meira einmana en einstaklingar af íslenskum uppruna. Með því að brjóta upp búsetuformið er hægt að reyna móta mannlegt umhverfi, tengja fólk betur saman og þar með rjúfa hringrás einmannaleika.

Sam-búð er meira en þak yfir höfuðið, það er samfélag

Búsetuformið er ein leið til að uppræta einmanaleikann, brjóta upp norm sem samfélagið sjálft hefur skapað og gefið sér að nákvæmlega sama form henti öllu fólki. Sam-búð er búsetuform sem kemur til móts við þau sem deila lífsgildum og vilja vera meira saman. Með því að hanna híbýli á nýjan hátt og skapa umhverfi sem leiðir til aukinna samskipta, eykst samvera og tengsl íbúanna styrkjast. Markmiðið er skýrt, það á að styrkja mannleg tengsl, búa til lítið samfélag. Sumir kunna að líkja þessu við gömlu kommúnurnar sem hippakynslóðin innleiddi og jafnvel má leiða hugann enn aftar í söguna þegar margar kynslóðir Íslendinga ólust upp saman undir torfþaki.

Breyttur lífstíll fólks, meiri meðvitund um sjálfbærni, krafa um betri nýtingu almannagæða og hár húsnæðiskostnaður ýtir undir hvata til að eiga minna og upplifa meira. Það þarf bæði hugrekki og smá pönk til að ryðja braut fyrir nýtt búsetuform sem er lítt þekkt hér á landi. Sum vilja meira nábýli við annað fólk, finnst gott að finna fyrir mannlegri nálægð annara, vilja geta borðað, jafnvel eldað saman í sameiginlegu rými. Horft á sjónvarp, lesið eða stundað handverk innan um aðra er deila sömu áhugamálum. Minna af sérrými og meira samrými sem er deilt með öðrum einstaklingum. Mikil áhersla hefur verið á að breyta herbergjum á hjúkrunarheimilum víðsvegar um landið í einstaklingsherbergi úr fjölbýlum. Ég er ekki sannfærð um að það henti öllum. Kannski sumum en alls ekki öllum. Mannleg nánd skiptir máli, jafnvel fyrir þau sem dottin eru úr sambandi við umheiminn vegna hrumleika. Skynjunin er alltaf til staðar, að heyra andardrátt, finna fyrir nálægð annarrar manneskju, jafnvel í þögninni, skiptir máli. 

Heilræði úr hinum fornu Hávamálum eldast vel og eiga jafnvel við í dag eins og áður enda maður alltaf manns gaman. 

Höfundur er Sara Björg Sigurðardóttir fv. formaður öldungaráðs Reykjavíkurborgar, varaborgarfulltrúi Samfylkingar og áhugakona um uppbyggingu fjölbreyttra íbúðarforma eins og kynslóðakjarna og sam-búð í Reykjavík. 

Breytt samfélagsgerð kallar á nýja hugsun í íbúðauppbyggingu og þjónustu fyrir þau sem bera gæfu til að eldast. 

Er „sam-búð“ búsetuform 21. aldar og lausn við háum byggingakostnaði?

Leit um „��"

2909 niðurstöður fundust við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „������������������������������������������������������������"

2909 niðurstöður fundust við leit að „������������������������������������������������������������"