Nú stendur yfir undirbúningur fyrir flokksstjórnarfund Samfylkingarinnar sem haldinn verður með fjarfundarfyrirkomulagi laugardaginn 13. mars. Eitt af því sem liggur fyrir fundinum er að samþykkja endurskoðaða stefnu sem lengi hefur verið í vinnslu.
 
Endurskoðuð stefna Samfylkingarinnar er venjulega samþykkt á landsfundi en síðastliðið haust tók Landsfundur þá ákvörðun um að fresta þeirri vinnu til flokksstjórnarfundar. Einnig var ákveðið að fulltrúar á landsfundinum, sem fram fór 6. – 7. nóvember síðastliðinn, skyldu hafa atkvæðisrétt við afgreiðslu stefnunnar á flokksstjórnarfundi.
 
Endurskoðun stefnunnar hófst með vinnu sex málefnanefnda sem voru skipaðar árið 2018 og skiluðu tillögum sínum til stjórnar síðastliðið haust. Í kjölfarið voru drög að framtíðarsýn flokksins send aðildarfélögum til umsagnar og þau drög sem nú eru lögð fram taka meðal annars mið af því skjali og umsögnum frá aðilarfélögum. Nú heldur samráðsferlið áfram.

Að þessu sinni höfum við ákveðið að standa fyrir  þremur kynningarfundum þar sem fulltrúar stjórnar munu kynna drögin og eru þeir opnir öllum félögum í Samfylkingunni. Á þessum fundum gefast tækifæri til að koma athugasemdum og tillögum á framfæri beint til stjórnar. 
 
4. febrúar kl. 17:00 - 19:00 
Sterkt almennt velferðarkerfi + Menntakerfi sem tryggir öllum tækifæri

https://zoom.us/j/92200216911?pwd=Zy9KK3NmQmpmRWlmYTRodzhhWjQzUT09

8. febrúar kl. 17:00 - 19:00 
Jafnaðarstefna í efnahags- og atvinnumálum + Loftslag og umhverfi

https://zoom.us/j/97920117724?pwd=YUJHUmI2TXQyYjZ0TXVqV1p1R3hLdz09

9. febrúar kl. 20:00 - 22:00 
Stjórnarfar, ríkisvald og mannréttindi + Ísland í samfélagi þjóðanna 

https://zoom.us/j/99536637402?pwd=Q2JVUWIwRHExcU1IaFNJeVZPQkZaQT09

Kynningarfundur á stefnudrögum - Jafnaðarstefna í efnahags- og atvinnumálum + Loftslag og umhverfi

„Það var mikill hvalreki  fyrir Samfylkinguna þegar Rósa Björk gekk til liðs við þingflokk okkar í dag,“ sagði Logi Einarsson, formaður flokksins á Facebook-síðu sinni í dag og tilkynnti um leið um nýjan liðsmann í þingflokknum. Þar með eru þingmenn Samfylkingarinnar orðnir átta. Logi sagði álit sitt á Rósu hafa vaxið stöðugt á þeim fjórum árum sem þau hafa setið á Alþingi. „Hún er án efa einn sterkasti þingmaðurinn sem á sæti á Alþingi í dag og í loftlags- og utanríkismálum standast henni fáir ef einhver snúning. Vertu velkominn til okkar kæra vinkona,“ segir Logi. 

Rósa Björk studdi ekki ríkisstjórnarsamstarf núverandi stjórnarflokka í nóvember 2017. Hún sagði úr Vinstri græn­um síðastliðinn sept­em­ber og hefur verið óháður þingmaður síðan, eða þar til í dag. Rósa Björk sat sinn fyrsta þingflokksfund með Samfylkingunni í dag og sendi frá sér eftirfarandi yfirlýsingu að honum loknum:

„Í dag gekk ég til liðs við þingflokk Samfylkingarinnar en ég hef verið óháður þingmaður á Alþingi síðastliðna 3 mánuði. Pólitískar áherslur mínar og Samfylkingarinnar eru nátengdar með mikilvægi á aukinn jöfnuð í samfélaginu þar sem allir geta notið sín á eigin forsendum, burtséð frá stétt eða stöðu en líka á frið og sjálfbærni og opið, framsækið og fjölbreytt samfélag með áherslu á virka fjölþætta utanríkisstefnu. Að undanförnu hefur Samfylkingin að auki lagt mun meiri og skýrari þunga á loftlagsmálin, og umhverfismálin en áður og lagt fram góða áætlun um græna viðspyrnu út úr Covid-19 kreppunni. Það gerir útslagið fyrir mig þegar kemur að því að taka þessa ákvörðun um að ganga í Samfylkinguna og þingflokk hennar. Ég hlakka mjög mikið til að taka þátt í starfi Samfylkingarinnar og að leggja mitt á vogarskálarnar til að bæta íslenskt samfélag.“  

„Það var mikill hvalreki  fyrir Samfylkinguna þegar Rósa Björk gekk til liðs við þingflokk okkar í dag,“ sagði Logi Einarsson, formaður flokksins á Facebook-síðu sinni í dag og tilkynnti um leið um nýjan liðsmann í þingflokknum. Þar með eru þingmenn Samfylkingarinnar orðnir átta. 

Rósa Björk gengin til liðs við þingflokk Samfylkingarinnar

"Atvinnulífið á Akureyri hefur farið í gegnum stórfelldar breytingar síðustu áratugina og mun að halda áfram að gera það í framtíðinni.

Tækniframfarir hafa og munu hafa veruleg áhrif á atvinnulíf heimsins næstu áratugina, þá ekki síst hröð innleiðing gervigreindar. Fjórða iðnbyltingin breytir stórum hluta atvinnulífsins eins og við þekkjum það í dag. Í þeim breytingum munu væntanlega áherslur á mennsku, sköpun, menningu og listir aukast.

Áskoranir tengdar hamfarahlýnun eru einnig aðkallandi en bæði hið opinbera og atvinnulífið þarf að mæta eðlilegum kröfum um félagslega og umhverfislega sjálfbærni,græna framtíð og jöfnuð í samfélagi sem skilur engan eftir.

Stærsti aðsteðjandi vandi samfélagsins og atvinnulífsins er kórónuveirufaraldur sem nú herjar á heimsbyggðina. Við erum í auga stormsins í ákaflega djúpri atvinnukreppu. Flest hagkerfi heims upplifa mikinn samdrátt og er Ísland þar engin undantekning. Af öllum Norðurlöndunum kemur þessi kórónuveirukreppa harðast niður á Íslandi, enda hefur ferðaþjónustan orðið ein af grunnstoðum atvinnulífs á Íslandi á tiltölulega skömmum tíma – og þar sjáum við nú svo gott sem algjört hrun. Þetta á að sjálfsögðu við ferðaþjónustuna hér á Akureyri líkt og annars staðar, þó er mikill styrkur fólginn í þeirri sterku stöðu sem bærinn hefur á innanlandsmarkaði.

Þrátt fyrir hrun í ferðaþjónustunni þá er einnig allt eins líklegt að viðsnúningurinn hér á landi verði hraður, að því gefnu að uppsafnaður ferðavilji sé hjá stórum hópi fólks og að kostir Íslands svo sem stærð lands og fámenni eigi eftir að vera styrkleiki í hugum ferðalanga eftir kórónuveirufaraldurinn. Sé þetta rétt, þá eigum við mikið undir því að þegar fólk fer að ferðast á ný að til séu sterk fyrirtæki og öflugir innviðir til þess að stuðla að eins miklum hagvexti og kostur er.

Atvinnulífið á Akureyri mun ekki vera undanskilið miklum áhrifum af kórónuveirufaraldrinum, fjóðu iðnbyltingunni og auknum umhverfisáherslum. Þessar þrjár umfangsmiklu breytingar sáum við ekki alla tíð fyrir og er nær öruggt að alls konar ófyrirséðar áskoranir koma til með að hafa afgerandi áhrif á atvinnulíf framtíðarinnar. Stundum með skyndilegum og afgerandi hætti líkt og með kórónuveirufaraldrinum og stundum með hægfara byltingum líkt og umhverfisáherslum og fjórðu iðnbyltingunni.

Þegar við horfum um öxl þá hafa ótrúlegar breytingar átt sér stað á atvinnulífi Akureyrar undanfarin ár. Akureyri var eins og við öll þekkjum iðnaðarbær og um tíma var hér m.a. fjölmennasti vinnustaður þjóðarinnar þegar hátt í 1000 manns störfuðu í verksmiðjunum. Segja má ákveðið atvinnuhrun hafi átt sér stað á Akureyri á árunum 1987-1993 þegar störfum fækkaði verulega, eða um nokkur hundruð.

Með leyfi forseta vil ég vitna í leiðara tímaritsins Dags árið 1995 en þar segir. „Tvö ár í röð hefur atvinnuleysi farið yfir 600 manns yfir vetrarmánuðina, ástand sem er með öllu óviðunandi. Þetta ástand hefur skapað Akureyri neikvæða ímynd, sumir hafa á orði að bærinn væri draugabær þar sem ekkert jákvætt gerist.“ En í leiðaranum birtist þó einnig jákvæður tónn, með leyfi forseta segir. „Staðreyndin er sú að burðarrásir í atvinnulífinu á Akureyri hrundu eða lentu í miklum tímabundnum þrengingum og það var vitaskuld erfitt…Iðnaðarbærinn á Akureyri hefur á liðnum áratug breyst í þjónustubæinn, sjávarútvegsbæinn og ekki síst skólabæinn Akureyri. Mörg störf hafa tapast, en það hafa líka ný störf skapast í öðrum atvinnugreinum.“

Við þetta getum við vel samsamað okkur nú, breytingar og þróun verður til þess að sum störf tapast og önnur verða til. Þó er einnig ljóst að í miðjum breytingum vitum við ekki alltaf nákvæmlega hvað verður. Síðar í þessum sama leiðara sem skrifaður var árið 1995 segir, með leyfi forseta: „ Í allri atvinnuleysisumræðunni má ekki gleyma því að endurreisn Íslensks skinnaiðnaðar tókst vel, hann skilar nú góðri rekstrarafkomu og horfur eru góðar. Í Strýtu hf. er bullandi atvinna og jákvæð teikn á lofti og rekstrarhorfur fyrir Slippstöðina eru betri en þær hafa verið að gera um nokkurt skeið.“ Sex árum síðar varð Skinnaiðnaðurinn  gjaldþrota og 120 manns misstu vinnuna. Með táknrænum hætti er nú verslunarmiðstöðin Glerártorg á þeim stað sem Skinnaiðnaðurinn var áður.
Þessi litli gluggi inn í fortíðina minnir okkur á að allt er breytingum háð, jafnvel þó svo að við vitum ekki hvernig eða hvenær. Fyrst og fremst verðum við, samfélagið og atvinnulífið, að vera sífellt reiðubúin að aðlaga okkur að nýjum og breyttum veruleika. Áhersla á fjölbreytt atvinnulíf skiptir einnig sköpum, enda telst það töluverður veikleiki í síbreytilegu umhverfi að vera með öll eggin í sömu körfunni.

Gildandi atvinnustefna Akureyrarbæjar tók gildi árið 2014 og gildir fram á næsta ár. Þegar við rýnum í stefnuna þá má finna þar ýmislegt sem hefur reynst verðmætt og tekist vel til, á sama tíma og aðrir þættir stefnunnar úreltust hratt, var ekki fylgt markvisst eftir eða ábyrgðin of óskýr.

Það er til marks um það hvað viðhorf og þróun breytist hratt að skoða þær áherslur sem voru hafðar í huga þegar stefnan var gerð, fyrir um 7 árum, en þá voru miklar væntingar um olíuvinnslu á Drekasvæðinu og þjónustu við Grænland.

Í stefnunni voru tilgreind bæði markmið og aðgerðir. Ágætlega virðist hafa gengið að fylgja eftir þeim aðgerðum þar sem eftirfylgnin var í höndum Akureyrarbæjar, á meðan minna hefur þokast áfram í aðgerðum þar sem eftirfylgnin átti að vera í höndum annarra, eða í samstarfi við aðra. Enda má rökræða það hvaða heimildir sveitarfélag hefur til þess að gera stefnu og fela stofnunum á vegum ríkisins eða jafnvel atvinnulífinu að fylgja aðgerðum og stefnu sveitarfélagsins eftir.

Samtök sveitarfélaga og atvinnuþróunar á Norðurlandi eystra

Atvinnulífið á Akureyri, líkt og annars staðar, virðir ekki að öllu leyti bæjarmörk og því skiptir uppbygging á stærra svæði og efling landshlutans í heild miklu máli. Það var því að mínu mati mikið heillaskref sem stigið var með því að sameina krafta AFE, AÞ og Eyþings í SSNE.

Hlutverk SSNE felst í því sem fram kemur í stofnsamþykktum félagsins, áherslum ársþinga/aukaþinga og sóknaráætlun landshlutans – sem er leiðarljós SSNE í öllu starfi.

Atvinnuráðgjafar SSNE leggja áherslu á að styðja við nýsköpun innan starfandi fyrirtækja, skapa frumkvöðlasamfélag, efla ráðgjöf og þjónustu SSNE til starfandi fyrirtækja sem og að auka fjármagn inn á svæðið í gegnum styrktarsjóði svo eitthvað sé nefnt.

Innan SSNE og landshlutasamtakanna á landsvísu er einnig töluverð umræða um tölfræði og gögn. Landshlutasamtökin vinna nú í samstarfi við Byggðastofnun að gerð mælaborðs, en grunnur þess mælaborðs varð til hjá SASS. Í vor tók Byggðastofnun verkefnið hins vegar að sér og vinnur nú að mælaborði á landsvísu, byggt á grunni frá SASS. Unnið er með gögn frá Hagstofunni og úr könnunum líkt og íbúakönnun sem Vífill Karlsson gerði fyrir landshlutasamtökin svo dæmi séu tekin. Markmiðið er að greina upplýsingar eftir landshlutum og sveitarfélögum eftir atvinnugreinum. Ekki er komin dagsetning á það hvenær mælaborðið verður tilbúið, en það ætti að gagnast okkur þegar það lítur dagsins ljós.

Innan SSNE hefur verið lögð sérstök áhersla á verkefni tengd kórónuveirufaraldrinum sem nú steðjar að og eitt af því mikilvæga sem gert hefur verið er að gera reglulega stöðumat atvinnulífs á Norðurlandi eystra og koma viðeigandi áherslum á framfæri til sveitarstjórna og ríkis. Auk þess að bjóða fram stuðning og aðstoð við starfandi fyrirtæki.

Eitt af því sem mikilvægt er nú er aðkoma SSNE að endurskoðun byggðaáætlunar,fylgja verkefnum Sóknaráætlunar úr hlaði og aðkoma að áfangastaðastofum landshlutanna. Ákaflega mikilvægt er að mínu mati að áfangastaðastofur verði öflugt samstarfsverkefni ríkis, sveitarfélaga og atvinnulífs.

Nú er að hefjast gerð starfsáætlunar 2021 sem taka mun mið af Sóknaráætlun og áherslum sem fram komu á ársþingi SSNE í október. Ljóst er að ákall er um áherslu á umhverfismál, nýtingu orku, velferðartækni og heilbrigðismál. Einnig að áhersla verði á matvælaframleiðslu og tengja við atvinnu, nýsköpun, umhverfissjónarmið og sjálfbærni o.fl. Í þessu samhengi er rætt um áherslur á að vinna faglega að samgöngustefnu sem feli í sér  faglega forgangröðun landshlutans miðað við samfélagslegar- og efnahagslegar forsendur. Ræða þarf einnig mögulega atvinnustefnu landshlutans þá ekki síst með tilliti til nýtingar aukinnar raforku inn á svæðið. Fjölmörg tækifæri eru til sóknar.

Ríkisvaldið gegnir veigamiklu hlutverki í því að skapa umhverfi og jarðveg þar sem atvinnulíf fær tækifæri til þess að blómstra. Sveitarfélög bera ábyrgð á því að sú nærþjónusta við íbúa sem ríkið hefur falið þeim sé öflug og styðji við íbúa og atvinnulíf. Sveitarstjórnarfulltrúar bera þó að mínu mati auk þess ábyrgð á því að vera talsmenn svæðisins gagnvart ríkinu, eiga í virku samstarfi við sveitarfélög, stofnanir og fyrirtæki á þeirra atvinnusóknarsvæði og leitast við að skapa umhverfi og benda á farsælar leiðir til framtíðar.

Á fundi SSNE með þingmönnum kjördæmisins sem ég sat á dögunum, lögðum við áherslu á það sem ríkisvaldið gæti gert til að styðja við svæðið i þeirri auknu sókn sem heimamenn hafa hug á. Þar lögðum við sérstaka áherslu á: aukið fjármagn í gegnum Sóknaráætlanir landshlutans, skýr svör þingsins um framtíð úrgangsmála, styrkar stoðir MN, markaðssetningu Akureyrarflugvallar, raforkumál, aðkomu sveitarstjórna að klasastefnu, skýrum svörum um málefni nýsköpunar á landsbyggðunum nú þegar Nýsköpunarmiðstöðvar verða lagðar niður um áramótin, flutning ríkisstarfa/stofnana og störf án staðsetningar – auk fjármála sveitarfélaga.

En ef mögulega á að vinna atvinnustefnu í landshlutanum með SSNE, þar verði unnið að gagnaöflun og mælingum og lögð áhersla á að styðja við atvinnulífið á svæðinu, er þá einhver þörf á sérstakri atvinnustefnu fyrir Akureyrarbæ? Ég tel að svarið sé já. Ég tel að árið 2022 ætti að taka gildi ný atvinnustefna sem þó yrði töluvert ólík fyrri stefnum. Sú stefna myndi fyrst og fremst horfa til ábyrgðarsviðs Akureyrarbæjar og byggja á þremur lykilþáttum sem yrðu: lífsgæði, þjónusta og markaðssetning.

Eitt það mikilvægasta fyrir atvinnulíf framtíðarinnar er að tryggja lífsgæði íbúa. Ein megin breyta atvinnuuppbyggingar mun fara eftir því hvar fólk vill búa. Akureyrarbær
mun ekki tryggja öll almenn lífsgæði enda slíkt einnig á forræði ríkisins og atvinnulífsins. Akureyrarbær ber þó töluverða ábyrgð t.d. á sviði fræðslumála, velferðarmála, skipulagsmála, mannvirkja, samganga, umhverfismála, menningar, æskulýðsmála og íþrótta. Gæði þeirrar þjónustu sem Akureyrarbær veitir hefur áhrif á lífsgæði íbúa og þar með vilja fólks til búsetu í sveitarfélaginu. Því ætti í atvinnustefnu Akureyrarbæjar að draga fram á hverju sviði þá mikilvægu þætti sem stuðla að góðum lífsgæðum auk þess að draga fram hvar við þurfum að gera betur. Á árinu 2021 horfum við til þess að gera mikilvæga samkeppnisgreiningu á íbúa- og atvinnumarkaði. Sá grunnur mun gagnast við gerð atvinnustefnu, verði það vilji bæjarstjórnar.

Akureyrarbær einsetur sér nú þegar að veita framúrskarandi þjónustu og eru þjónustugildi bæjarins í mannauðsstefnu: fagleg – lipur -traust. Í íbúkönnunum fáum við reglulega endurgjöf frá íbúum sem gagnast í öllu starfi. Meta ætti sérstaklega ánægju atvinnulífsins með þjónustu bæjarins. Slíkt væri hægt að gera bæði með samtölum og könnunum. Leita ætti reglulega eftir sjónarmiðum og þörfum atvinnulífsins og í kjölfarið meta hvort og hvernig Akureyrarbær getur mætt þeim þörfum. Í því samhengi er hægt að horfa til afgreiðslu erinda, framboð lóða, gæða þjónustu almennt, upplýsingagjafar, leiðbeiningaskyldu o.s.frv.

Markaðssetning á íbúa- og atvinnumarkaði

Þriðji grunnþáttur stefnunnar þarf síðan að vera markaðssetning á íbúa- og atvinnumarkaði, byggða m.a. á þeim gögnum sem fást með áðurnefndri samkeppnisgreiningu á íbúa- og atvinnumarkaði. Mikilvægt er að vekja áhuga og eftirspurn eftir búsetu og rekstri fyrirtækja á svæðinu með markvissum og skýrum hætti. Hið opinbera mun ekki segja atvinnulífinu hvernig það á að þróast enda munu lögmál um framboð og eftirspurn halda áfram að vera meginbreyta í þróun atvinnulífs. Hið opinbera hefur þó það mikilvæga hlutverk að hámarka farsæld og draga úr hagsveiflum og á það bæði við ríki og sveitarfélög. Akureyrarbær ætti að taka ábyrgð sína er varðar atvinnulíf alvarlega og hefja strax á næsta ári undirbúning að nýrri atvinnustefnu sem myndi taka gildi árið 2022.

Ég legg því fram eftirfarandi tillögu „Bæjarstjórn Akureyrarbæjar samþykkir að hefja
undirbúning að nýrri atvinnustefnu sem tekur gildi árið 2022.“

Ræða flutt á bæjastjórnarfundi 17. nóvember 2020.

Fleiri fréttir frá Akureyri má finna á heimasíðu félagsins þar í bæ. 

Á fundi bæjarstjórnar á Akureyri 17. nóv. var samþykkt tillaga Hildu Jönu bæjarfulltrúa Samfylkingarinnar, um að vinna að nýrri atvinnustefnu fyrir Akureyri. Nýjar nálganir sem skýra hlutverk bæjarins í málaflokknum.

Formaður FSR, Hörður J. Oddfríðarson, setur fundinn

Tillaga stjórnar FSR um aðferð við val á framboðslista, lögð fram og afgreidd

Tillaga stjórnar FSR um fulltrúa Reykjavíkurkjördæmanna í flokkstjórn Samfylkingarinnar

Síðasti aðalfundur FSR sem haldinn var í október 2019 kaus ekki fulltrúa í Flokkstjórn Samfylkingarinnar. Stjórn FSR leggur því fram tillögu að fulltrúum kjördæmanna tveggja. Aðalfundur FSR 2021 mun síðan kjósa á ný samkvæmt gildandi lögum FSR.

Kjósa hér: https://innskraning.island.is/?id=outcomesurveys.com

Við erum að nota sama kosningakerfi og var notað á landsfundi, þið þurfið Íslykil (hægt er að skrá sig inn á Íslykil með rafrænum skilríkjum einnig), leiðbeiningar hér.

Fundurinn er aðeins fyrir aðila í fulltrúaráði Reykjavíkur. Þeim hefur borist fundarboð í tölvupósti. 

Fundur í Fulltrúaráði Samfylkingarfélaganna í Reykjavík

Með breytingartillögum Samfylkingarinnar við fjárlög viljum við ýta undir fjölgun starfa bæði í einkageiranum og hjá hinu opinbera, létta undir með atvinnulausu fólki og fjölskyldum þeirra. Ásamt því að leggja leggja ríka áherslu á loftslagsmál og beita ríkisvaldinu af krafti til að fjárfesta í grænni uppbyggingu til að renna fjölbreyttari stoðum undir útflutning og verðmætasköpun á Íslandi.

Í fjárlögum ríkisstjórnarinnar vantar áætlun um hvernig koma megi hagvexti aftur í gang, draga úr atvinnuleysi og slá á þá miklu óvissu sem nú heldur aftur af fyrirtækjum og fjárfestingum. Staðreyndin er sú að fjöldaatvinnuleysi er sóun sem við höfum ekki efni á og algjör óvissa fyrir fólk og fyrirtæki er gríðarlega kostnaðarsöm. Allt stefnir í að um 25.000 manns verði atvinnulausir um jólin. Enn eru atvinnuleysisbætur mjög lágar. Bil milli lágmarkslauna og örorku- og ellilífeyrisbóta breikkar og sveitarfélögin fá ekki það fjármagn sem til þarf til að bregðast við tekjufalli. 

 Ríkisstjórnin hefur boðað fjárfestingarátak, sem er þó einungis 1% af landsframleiðslu og mun aðeins skapa 1.200 bein störf, þar af um 85% hefðbundin karlastörf. Landspítalinn þarf enn að glíma við tæplega 4 milljarða kr. uppsafnaðan halla sem takmarkar getu spítalans til að bregðast við erfiðu ástandi en samt býr spítalinn ásamt hjúkrunarheimilum og skólum við sérstaka aðhaldskröfu frá ríkisstjórninni. Enn fremur eru framlög til Samkeppniseftirlitisins og Ríkisútvarpsins skorin niður á tímum þar sem ætti frekar að bæta í fjármagn til þeirra.

Samfylkingin leggur til 13 breytingartillögur við fjárlagafrumvarpið:. 

4.    15 ma. í lækkun tryggingagjalds

9.    1 ma. í aðrar heilbrigðisstofnanir

10.  2 ma. í jöfnunarsjóð sveitarfélaga

12.  300 m kr. í Nýsköpunarsjóð námsmanna

Í fjárlögum ríkisstjórnarinnar vantar áætlun um hvernig koma megi hagvexti aftur í gang, draga úr atvinnuleysi og slá á þá miklu óvissu sem nú heldur aftur af fyrirtækjum og fjárfestingum. Staðreyndin er sú að fjöldaatvinnuleysi er sóun sem við höfum ekki efni á og algjör óvissa fyrir fólk og fyrirtæki er gríðarlega kostnaðarsöm

Hér má finna 20 gagnrýnispunkta á fjárlagafrumvarp ríkisstjórnarinnar

1.     Haldið er í sérstaka aðhaldskröfu á sjúkrahús, skóla og hjúkrunarheimili. Og það á tímum Covid. Aðhaldskrafan á heilbrigðiskerfið er meira en 2,2 milljarðar kr. 

a.     Landspítalinn þarf enn að glíma við tæplega 4 milljarða kr. uppsafnaðan halla sem takmarkar getu spítalans til að bregðast við nú þegar erfiðu ástandi. Meirihluta ársins hefur spítalinn verið á óvissustigi, hættustigi eða neyðarstigi. Enn býr spítalinn við útskriftarvanda sem ætti að vera fyrir löngu búið að leysa. Þá er ekki mætt að öllu leyti öldrun þjóðarinnar og fjölgun hennar. 

2.     Aldraðir og öryrkjar þurfa enn eitt árið að bíða eftir marglofuðum kjarabótum.

3.     Fjárfestingarátak ríkisstjórnarinnar er einungis um 1% af landsframleiðslu og skapar það einungis um 1.200 bein störf.

a.     Um 85% af störfunum sem verða til vegna hins sérstaka „fjárfestingarátaks ríkisstjórnarinnar vegna Covid“ lenda hjá körlum.

4.     Aukningin í umhverfismál (án ofanflóðavarna) fyrir næsta ár er 0,05% af landsframleiðslu.

5.     Viðbótin til nýsköpunar er einungis 0,3% af landsframleiðslu og er það fáránlega lítið miða við að við erum að glíma við dýpstu kreppu okkar í 100 ár.Nýsköpunarmiðstöð Íslands á að leggja niður og spara um 300 m kr.

6.     Sveitarfélögin hafa metið fjárþörf sína 50 milljarða á þessu ári og því næsta. Ekki þarf að fjölyrða um að ekki er verið koma nálægt þeirra kröfum í þessu frumvarpi. 

a.     „Stefna ríkisins fram að þessu hefur gengið þvert á ráðgjöf OECD til aðildarríkjanna og það sem önnur norræn ríki eru að gera gagnvart sveitarfélögum“, Reykjavíkurborg.

7.     Kennarasamband Íslands lýsir yfir miklum vonbrigðum með áætluð fjárframlög til framhaldsskólanna í fjárlagafrumvarpinu. Þá er mikilvægt að tryggja aukið gangsæji þegar kemur að húsaleigu framhaldsskóla en stór hluti af þeirri aukningu sem hefur runnið til þeirra er til að mæta húsaleigu sem rennur til ríkisins.

8.     Ekki er mætt brýnum þörfum fjölskyldna í landinu eða unnið markvisst gegn ójöfnuði.

a.     Of lágar atvinnuleysisbætur hafa verið nefndar hér að ofan en hækkun þeirra hefur verið talin vera sérstaklega mikilvæg og góð leið til að koma peningum þar sem þeirra er þörf en einnig þar sem þeir gera mest gagn með því að fara strax aftur út í hagkerfið.

b.     BHM skrifar um frumvarpið: „Séu barnabæturnar umreiknaðar yfir á hvert barn á Íslandi á verðlagi ársins 2021 má sjá að framlög til barnabóta skerðast á hvert barn á Íslandi“

c.     BSRB skrifar og segir: „Með þessu [um atvinnuleysisbætur og almannatryggingar] er verið að taka ákvörðun um að auka ójöfnuð“

9.     Framlög til Samkeppniseftirlitsins lækka á næsta ári sem er sérstaklega mikið áhyggjuefni á tímum mikils umróts í íslensku efnahagslífi.

10.  Framlög til „náttúruverndar, skógræktar og landgræðslu lækkar einnig. 

11.  Ríkisútvarpið fær 300 mkr lækkun og uppsagnir eru hafnar þar. Ekki fengu fullnægjandi skýringar á þessari lækkun og þar með talið af hverju verið sé að lækka innheimtuhlutfall útvarpsgjalds með þeim hætti sem hér er gert.

12.  Vaxtabætur halda áfram að lækka á vakt þessarar ríkisstjórnarinnar 

13.  Um menningu og listir: „Málaflokkurinn [Menning, listir, íþrótta- og æskulýðsmál] má ekki við skerðingum sem þessum, hvað þá á tíma sem þessum“, Landsamband ungmennafélaga. „Í ljósi þessa er það nokkurt áhyggjuefni að dregið er úr rekstrarframlögum til styrkja á sviði lista- og menningar í fjárlögum 2021“, BHM

14.  Fjármunir til menningar, lista og æskulýðsstarfa minnka á hverju ári næstu fimm árin sé litið til fjármálaáætlunar. Sama gerist með samgöngumálin. Nýsköpun og rannsóknir fá árlega lækkun eftir 2022. Eru þetta ekki allt mikilvægir innviðir sem við höfum heyrt að eigi og þurfi að bæta við?

15.  „Varanleg lækkun tekna ríkissjóðs vegna þessara skattalækkana er 34 ma.kr. árlega. Þar vega þyngst lækkun tekjuskatts á einstaklinga, varanleg lækkun á tryggingargjaldi ásamt lækkun veiðigjalda og bankaskatts. Á árinu 2021 stendur til að lækka skatta enn frekar með lækkun fjármagnstekjuskatts og hækkun frítekjumarks erfðafjárskatts“, BSRB

a.     „ASÍ gagnrýnir áform um breytingar á fjármagnstekjuskatti sem boðuð eru í fjárlagafrumvarpi“, ASÍ

16.  Veiðileyfagjöld hafa lækkað um tæp 30% síðan þessi ríkisstjórn tók við. 

a.     Hefðu veiðileyfagjöldin verið jafnhá og þau voru þegar þessi ríkisstjórn tók við hefðu þau skilað um 15 milljörðum kr. meira til þjóðarinnar.

b.     Undanfarin ár hafa útgerðarmenn greidd sjálfum sér hærri arð heldur það sem þjóðin fær í veiðileyfagjald. Fyrir þetta ár er nær gjaldið ekki einu sinni að dekka þann kostnað sem ríkið verður vegna fyrirtækjanna. Lax og silungsveiðimenn greiddu hærra fyrir sín veiðileyfi en stórútgerðin. 

c.     Samt jókst eigið fé sjávarútvegsfyrirtækjanna um 60% á 5 árum. Arðgreiðslurnar sem renna bara í vasa útgerðarmanna og fjölskyldna þeirra voru yfir 60 milljörðum á 5 árum. 

d.     30 stærstu útgerðirnar (af 900 aðilum) greiða um 80% veiðileyfagjaldsins.

17.  Algjörlega vantar mun öflugri aðgerðir til að styrkja við lítil og meðalstór fyrirtæki. Sem fyrr er iðnaðarmaðurinn, búðareigandi, hárgreiðslustofan, litla þjónustufyrirtækið, alveg munaðarlaus í aðgerðum ríkisstjórnarinnar, talandi ekki um fyrirtækin í ferðaþjónustu. 

18.  Þá er sérstaklega mikilvægt að huga að grunnstofnunum út um allt land s.s. heilbrigðisstofnunum þar ásamt löggæslu en fjölmörg landshlutasamtök höfðu áhyggjur af þeim.

19.  Vakin er athygli og tekið er undir þann aðgerðarlista sem Geðhjálp kynnti fyrir fjárlaganefndinni en Geðhjálp benti á að það megi búast við að áhrif Covid-19 faraldursins komi ekki að fullu í ljós fyrr en eftir mörg ár. Mikilvægt er að tryggja fjármagn til að auka niðurgreiðslu sálfræðinga.

20.  Þá er sérstök ástæða til að hafa áhyggjur af einstökum félagasamtökum s.s. SÁÁ, Samtökunum 78, Stígamótum, Mæðrastyrksnefndum, Barnaheill og fleiri slíkum samtökum sem mörg hver eru að glíma við fordæmalausa ásókn í aðstoð þeirra.

Í fjárlögum ríkisstjórnarinnar vantar áætlun um hvernig koma megi hagvexti aftur í gang, draga úr atvinnuleysi og slá á þá miklu óvissu sem nú heldur aftur af fyrirtækjum og fjárfestingum. Staðreyndin er sú að fjöldaatvinnuleysi er sóun sem við höfum ekki efni á og algjör óvissa fyrir fólk og fyrirtæki er gríðarlega kostnaðarsöm.

Gagnrýni á fjárlög ríkisstjórnarinnar

Á fundi landshreyfingar 60+, verða lífeyrismál eldri borgara á dagskrá.

Ágúst Ólafur Ágústsson  þingmaður Samfylkingarinarinnar og situr í fjárlaganefnd. 

Finnur Birgisson arkitekt og baráttumaður fyrir bættum kjörum eftirlaunafólks.

Nú er skammtur tími til stefnu þar til að fjárlög verði afgreidd og í gangi er áskorun frá Félagi eldri borgara um að lífeyrir eldri borgara og öryrkja verði í samræmi við launaþróun í landinu.  Eða eins og segir í áskoruninni að „farið verði að lögum“. 

Við hvetjum alla félaga Samfylkingarinnar til að mæta á þennan fund og kynna sér málið.  

Fundurinn verður á ZOOM: https://zoom.us/j/97879790375

Samfylkingin í Reykjavík hefur falið uppstillingarnefnd að ganga frá framboðslistum sínum fyrir næstu þingkosningar, meðal annars með hliðsjón af niðurstöðum úr könnun meðal félagsfólks um vænlega frambjóðendur. Notast verður við „sænsku leiðina“ og ekki verður því efnt til prófkjörs að þessu sinni. 

Fulltrúaráð Samfylkingarfélaganna í Reykjavík, FSR, samþykkti á fundi sínum hinn 26. nóvember 2020 að uppstillingarnefnd stilli upp framboðslistum fyrir komandi alþingiskosningar án sérstaks prófkjörs (sjá samþykkt fundarins hér að neðan).

Í samþykktinni felst að kallað verður eftir tilnefningum frá flokksfélögum í Reykjavík, þar sem spurt er hvaða fólk þau vilja helst að skipi efstu sætin á listum Samfylkingarinnar í Reykjavík norður og suður. Að loknum tilnefningum fer fram könnun meðal flokksfólks í Reykjavík þar sem merkja skal við þá einstaklinga sem þátttakanda hugnast best af þeim sem tilnefnd eru. Ekki verður gefið vægi með tölum heldur notuð jafngild kjörmerki (x eða álíka). Niðurstöður könnunarinnar verða ekki birtar opinberlega en uppstillingarnefnd hefur þær hliðsjónar í sinni vinnu. Þessi aðferð hefur verið kölluð „sænska leiðin“ og hefur verið notuð hjá systurflokki okkar í Svíþjóð.

Uppstillingarnefnd er falið að setja saman sigurstranglega framboðslista vegna alþingiskosninga 2021 fyrir bæði Reykjavíkurkjördæmin.

Miðað er við að tilnefningum og könnun ljúki fyrir jól og að framboðslistarnir verði tilbúnir snemma næsta árs.

30/11 kl. 14:00 Tilnefningar byrja að berast

10/12 kl. 12:00 Félagaskrá lokar fyrir könnun

TILLÖGUR STJÓRNAR FSR UM HVERNIG VALIÐ SKULI Á  FRAMBOÐSLISTA SAMFYLKINGARINNAR Í REYKJAVÍKURKJÖRDÆMUNUM FYRIR ALÞINGISKOSNINGAR 2021

Samþykkt fundar FSR 26. nóvember 2020 um hvernig valið skuli á  framboðslista Samfylkingarinnar í Reykjavíkurkjördæmunum fyrir alþingiskosningar 2021

Stilla skal upp framboðslistum í Reykjavík fyrir alþingiskosningarnar í september 2021 (eða fyrr) í samræmi við lög FSR og reglur flokkstjórnar Sf (grein 3.4) og í samræmi við þær reglur sem koma hér á eftir (sænska leiðin).

Gæta skal sérstaklega að því að félagar sem heyra undir aðildarfélög FSR geti komið að vali frambjóðenda.

Samkvæmt lögum FSR er stjórn FSR jafnframt uppstillingarnefnd og ber henni að fara að þessum reglum.

Uppstillingarnefnd er falið að setja saman sigurstranglega framboðslista vegna alþingiskosninga 2021, fyrir Reykjavíkurkjördæmi norður og suður, og leggja þá fyrir allsherjarfund FSR til samþykktar eigi síðar en 20. febrúar 2021. 

1)     Kallað er eftir tilnefningum um frambjóðendur á framboðslista Samfylkingarinnar frá flokksbundnu Samfylkingarfólki í Reykavík.

2)     Haft er samband við þá sem tilnefndir eru og fengin staðfesting á vilja þeirra til þátttöku.

3)     Útbúinn er listi með myndum og lágmarksupplýsingum yfir alla hina tilnefndu sem staðfest hafa vilja sinn til þátttök, hann sendur með rafrænum hætti til flokksfólks í Reykjavík og kallað eftir vilja flokksmanna. Könnunina skal framkvæma þannig að beðið verður um að merkja (óraðað) við allt að 10 af þeim sem tilnefndir eru.

4)     Halda skal trúnað um niðurstöður einstaklinga í könnuninni og niðurstöður könnunarinnar eru ekki bindandi fyrir uppstillingarnefnd á neinn hátt. Samið verður við fyrirtækið Outcome um framkvæmd könnunarinnar.

5)     Uppstillingarnefnd fær lista í starfrófsröð yfir niðurstöðuna þar sem listinn er flokkaður á eftirfarandi hátt: Þeir 5 sem fá flestar merkingar saman í hóp, næstu 5 saman í hóp o.s.frv. Nefndin tekur mið af niðurstöðum könnunarinnar í vinnu sinni en er jafnframt heimilt að bæta við nöfnum.

6)     Þegar uppstillingarnefnd hefur náð saman um tillögu að þremur efstu frambjóðendum á hvorum lista er nefndinni heimilt að kalla þá inn í vinnu við að fullbúa listana. Frambjóðendur teljast ekki kjörnir í uppstillingarnefnd og hafa ekki atkvæðisrétt við úrlausn ágreiningsmála.

7)     Uppstillingarnefnd skal raða listum fyrir bæði kjördæmi saman í samræmi við reglur Samfylkingarinnar um fléttulista og lög FSR

8)     Uppstillingarnefnd skal skila af sér fullbúnum framboðslistum til allsherjarfundar FSR ekki síðar en 20. febrúar 2021.

9)     Allsherjarfund má halda rafrænt ef sóttvarnir eru á þann veg ekki verður mögulegt að koma á fundi í raunheimum.

10)   Uppstillingarnefnd er heimilt að gera hverjar þær breytingar á lista sem þarf samkvæmt lögum og reglum og kjörstjórnir krefjast til að fullnægja kröfum um lögmæti framboðs.

11)   Uppstillingarnefnd getur breytt þessum reglum einróma ef tæknilegar ástæður krefjast.

Kallað eftir tilnefningum fyrir framboðslista Samfylkingarinnar í Reykjavík

1. gr. Nafn félagsins er Samfylkingin í Garðabæ.  Heimili þess og varnarþing er í Garðabæ. Félagið er aðili að Samfylkingunni jafnaðamannaflokkur Íslands á landsvísu.

2. gr. Tilgangur félagsins er að vera vettvangur jafnaðar- og félagshyggjufólks til umræðna, framboðs og ályktana í Garðabæ.

•     að vinna að og efla sjónarmið jafnaðar, félagshyggju og kvenfrelsis í samfélaginu 

•     að standa að virkri umræðu um þjóðmál og málefni Garðabæjar  

•     að standa fyrir framboði Samfylkingarinnar til bæjarstjórnar eitt sér eða í samvinnu við aðra og styðja framboð Samfylkingarinnar til Alþingis.

•     Vinna eftir lögum Samfylkingarinnar, vísun í grein 3.02 í lögum Samfylkingarinnar.

4. gr. Rétt til aðildar eiga íbúar í Garðabæ með lögheimili í sveitarfélaginu sem samþykkja stefnu flokksins  að standa fyrir framboði Samfylkingarinnar til bæjarstjórnar eitt sér eða í samvinnu við aðra og styðja framboð Samfylkingarinnar til og náð hafa 16 ára aldri.  Félagsmenn í Samfylkingunni mega ekki vera aðilar að öðrum stjórnmálaflokki. Hver félagsmaður 18 ára og eldri hefur eitt atkvæði og ekki er hægt að greiða atkvæði í umboði annars. Kosningarétt og kjörgengi til stjórnar hafa þeir sem greitt hafa árgjald til félagsins 30 dögum fyrir aðalfund eða aðrar kosningar. Fullgildir félagsmenn eru þeir sem greiða árgjald.

5. gr. Stjórn félagsins skal skipuð 5 fulltrúum og þrí varamenn. Skal hún kjörin á aðalfundi til eins árs í senn, formaður skal kjörinn sérstaklega.  Að öðru leyti skiptir hún með sér verkum. Stjórnarfundir teljast löglegir ef þeir eru boðaðir með minnst sólarhrings fyrirvara og meirihluti stjórnar er viðstaddur.  Varamenn skal jafnan boða á stjórnarfundi og taka þeir sæti í forföllum aðalmanna.  Varastjórn hefur málfrelsi og tillögurétt á stjórnarfundum. 

6. gr. Stjórnin boðar til félagsfunda og skulu þeir boðaðir með minnst fimm daga fyrirvara. Þó er stjórn heimilt, við sérstakar aðstæður, að boða fund með skemmri fyrirvara, allt að þremur dögum. Stjórn er skylt að boða til félagsfundar ef minnst 10 fullgildir félagsmenn senda um það skriflegt erindi til stjórnar og tilgreina erindið. Tillögur fyrir fundinn skulu berast stjórn félagsins 7 dögum fyrir boðaðan félagsfund. Stjórn mun senda tillögur til félagsmanna til yfirlestra og kynningar. 

 7. gr. Aðalfundur fer með æðsta vald í félaginu. Aðalfund skal halda eigi síðar en 30. Apríl ár hvert og skal hann boðaður með  að minnsta kosti viku fyrirvara, rafrænt og/eða bréflega. Sé fundurinn boðaður rafrænt skal hann jafnframt auglýstur í fjölmiðli.

2.     Reikningar félagsins lagðir fram.

3.     Skýrslur nefnda sem starfa á vegum félagsins.

5.     Kosning stjórnar, formanns og 4 aðalmanna og 3 til vara.

6.     Kosning tveggja skoðunarmanna reikninga.

8.      Kosning fulltrúa í kjördæmisráðs.

9.      Kosning valnefndar, sbr. 9.grein laga.

8. gr. Kjörnefnd fyrir sveitarstjórnarkosningar skal skipuð fimm fulltrúum og þremur til vara sem kjörnir eru á félagsfundi eigi síðar en 180 dögum.

9. gr. Valnefnd, skipuð þremur fulltrúum og tveim til vara. Hún tekur við framboðum til stjórnar og gerir tillögur um fólk í stjórn sbr. 5. gr.  Sama á við um skoðunarmenn reikninga.

10. gr. Félagið skal fram til bæjarstjórnar-kosninga í Garðabæ eitt og  sér eða í samvinnu við aðra og styðja framboð Samfylkingarinnar til Alþingis.Aðferð við val á framboðslista fer eftir Skuldbinandi reglum Flokksstjórnar Samfylkingarinnar um val á framboðslista. Efnt skal til prófkjörs eða kjörnefnd falið að móta tillögur um framboðslista til bæjarstjórnar eftir því sem félagsfundur ákveður.  Kjörnefnd gengur frá tillögum um framboðslista sem lagður verður fyrir félagsfund.

11. gr. Á vegum félagsins skulu haldnir reglulegir bæjarmálafundir.  Þeir skulu vera opnir öllum bæjarbúum. Umsjón með þeim fundum er í höndum bæjarmálaráðs. Bæjarmálaráð félagsins er skipað stjórn og varasmönnum félagsins, bæjarfulltrúum og varabæjarfulltrúum, nefndarmönnum og varamönnum þeirra. Oddviti bæjarfulltrúa stjórnar fundum bæjarmálaráðs.

12.  gr. Félaginu verður einungis slitið ef tillaga þess efnis berst stjórn og skal hún þá kynnt félagsmönnum fyrir næsta aðalfund þess. Til þess að slíta félaginu þarf 2/3  hluta greiddra atkvæða á tveimur fundum og skal sá fyrri þeirra vera aðalfundur.  Eigi skal líða skemmri tími en 6 vikur milli funda og eigi lengri en 3 mánuðir. Eigum félagsins skal ráðstafa til greiðslu skulda þess og því sem eftir stendur skal ráðstafað til Samfylkingarinnar Jafnaðarmannaflokks Íslands.

13. gr. Lögum félagsins má aðeins breyta á aðalfundi. Tillögur að lagabreytingum skulu fylgja aðalfundarboði. Tillögur að lagabreytingum þarf að berast stjórn að minnsta kosti 14 dögum fyrir auglýstan aðalfund. Til að tillaga teljist samþykkt þarf hún að hljóta samþykki 2/3 hluta greiddra atkvæða.

14. gr. Sá sem segir sig úr Samfylkingunni er jafnframt að segja sig frá öllum trúnaðarstörfum fyrir félagið, þ.m.t. opinberum nefndarstörfum.  

Samþykkt á aðalfundi Samfylkingarfélagsins í Garðabæ,

Kosið var um nýtt nafn félagsins og heitir félagið nú Sigríður - Ungir jafnaðarmenn á Suðurlandi. Nafnið vísar til Sigríðar í Brattholti sem er sögð vera fyrsti náttúruverndarsinni Íslands - en hún kom í veg fyrir að Gullfoss yrði virkjaður á sínum tíma. 

Þau sem einnig voru kosin í stjórn Sigríðar eru Ástþór Jón Ragnheiðarson varaforseti, Hafþór Ingi Ragnarsson gjaldkeri, Emil Gunnlaugsson ritari, ásamt Sigurði Inga Magnússyni, Eggerti Arasyni og Maríu Skúladóttur meðstjórnendum. 

Í yfirlýsingu fundarins kemur fram að Sigríður - UJS muni forgangsraða loftslagsmálum í baráttu sinni fyrir bættu samfélagi og beita sér gegn auknu atvinnuleysi. „Ungir jafnaðarmenn á Suðurlandi munu berjast fyrir réttlæti, velferð, jöfnuði og grænni uppbyggingu með hagsmuni ungs fólks og allra Sunnlendinga að leiðarljósi. UJS verður vettvangur þar sem ungt fólk getur varpað fram hugmyndum, skipst á skoðunum og barist gegn spillingu, kynþáttafordómum og hvers lags óréttlæti.“ Yfirlýsinguna í heild má lesa hér að neðan. 

Yfirlýsing Sigríðar - Ungra jafnaðarmanna á Suðurlandi vegna endurvakningar félagsins 

Sigríður - Ungir jafnaðarmenn á Suðurlandi (UJS) vilja búa til vettvang fyrir ungt róttækt hugsjónafólk á Suðurlandi sem hingað til hefur vantað. Ungir jafnaðarmenn á Suðurlandi munu berjast fyrir réttlæti, velferð, jöfnuði og grænni uppbyggingu með hagsmuni ungs fólks og allra Sunnlendinga að leiðarljósi. UJS verður vettvangur þar sem ungt fólk getur varpað fram hugmyndum, skipst á skoðunum og barist gegn spillingu, kynþáttafordómum og hvers lags óréttlæti. Hreyfingin hefur það markmið að auka samkennd ungs fólks með áherslu á samfélagslega ábyrgð og mun beita sér fyrir því að ungt jafnaðarfólk á Suðurlandi hafi rödd, bæði innan flokks og utan. 

Eitt af því sem UJS mun beita sér gegn á þessum erfiðu tímum er aukið atvinnuleysi á Suðurlandi, sem hefur sjaldan, ef nokkurn tímann, verið eins hátt. Á svona tímum er mikilvægt að auka tækifæri ungs fólks á Suðurlandi á vistvænan og framsækinn hátt, til dæmis með fjárfestingu í nýsköpun, styrkjum til mennta- og menningarmála og fjárveitingum til grænna umbóta. Það er sóun á þekkingu, reynslu og hæfileikum að vinnufúst fólk sitji heima á atvinnuleysisbótum. Fjárfestingar á þessu sviði munu skila sér margfalt til baka til sunnlensks samfélags. 

Á þessum krepputímum má þó ekki gleyma stærstu áskorun mannkynsins, loftslagsvánni. Ungt fólk um heim allan hefur risið upp síðastliðin ár og neitað að leyfa hlutunum að ganga sinn vanagang. Mannkynið getur ekki haldið áfram að ganga á auðlindir jarðarinnar og vill UJS stuðla að samfélagi sem hefur sjálfbæra þróun að leiðarljósi. UJS mun krefjast metnaðarfullra aðgerða af hálfu sunnlenskra sveitarfélaga við gerð loftslagsstefnu en öllum sveitarfélögum landsins er skylt að vinna loftslagsstefnu fyrir lok árs 2021. Sunnlensk sveitarfélög hafa sýnt vilja í verki og má þar nefna tilraunaverkefni með gerjun úrgangs í Rangárvallasýslu ásamt samstarfsverkefni sex sveitarfélaga í uppsveitum Árnessýslu að hreinsun, verkun og förgun seyru, en betur má ef duga skal. Í þessu þurfum við öll að leggja 

hönd á plóg og mun UJS leggja allt sitt í sölurnar til þess að raddir ungs fólks á Suðurlandi heyrist á sviði loftslagsmála. Krafan um róttækar aðgerðir í loftslagsmálum eru ekki til samninga af hálfu UJS. 

Sigríður - Ungir jafnaðarmenn á Suðurlandi mun forgangsraða ofangreindum málum á komandi misserum en aðalmarkmið UJS verður að efla stjórnmálaþáttöku ungs fólks á Suðurlandi. Krefjandi tímar eru framundan og er nauðsynlegt að aðgerðir stjórnvalda og sveitarfélaga taki mið af hagsmunum ungs fólks. UJS mun halda hagsmunum þeirra á lofti með jafnaðarstefnuna að leiðarljósi. Ungt fólk innan UJS er svo sannarlega reiðubúið að leggja sitt af mörkum til þess að skapa sanngjarnara og blómlegra samfélag. 

Samþykkt á aðalfundi 27. október 2020. 

Haldinn var fyrsti aðalfundur félagsins í rúman áratug þann 27. október síðastliðinn

Inger Erla Thomsen nýr forseti Sigríðar - Ungra jafnaðarmanna á Suðurlandi

Leit um „��"

3401 niðurstaða fannst við leit að „��"

Póstlisti Samfylkingarinnar

Samfylkingin

Flokkurinn

Flýtileiðir

Um Samfylkinguna

Vertu í bandi:

Leit um „���������������������������������������������������"

3401 niðurstaða fannst við leit að „���������������������������������������������������"